«Վավերացնում եմ»
Հայաստանի Հանրապետության
Նախագահ Ռ. Քոչարյան
 10 ապրիլի 2003 թ.

                  ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

7 մարտի 2003 թվականի N 311-Ա

ՀԱՅԱՍՏԱՆԻ ՖՈՒՏԲՈԼԻ ՖԵԴԵՐԱՑԻԱՅԻՆ ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ

Հայաստանի Հանրապետությունում մանկապատանեկան ֆուտբոլի զարգացման նպատակով Հայաստանի Հանրապետության կառավարությունը որոշում է.

1. Հայաստանի Հանրապետության մշակույթի, երիտասարդության հարցերի և սպորտի նախարարության «Է. Գրիգորյանի անվան ֆուտբոլի մասնագիտացված հանրապետական մարզադպրոց» պետական հիմնարկի շենքերը, շինությունները, մարզադաշտերը և նրա կողմից տնօրինվող 1211,5 հազար դրամ հաշվեկշռային արժեք ունեցող մնացած գույքը (այսուհետ` գույք) նվիրաբերել Հայաստանի ֆուտբոլի ֆեդերացիային:

2. Հայաստանի Հանրապետության մշակույթի, երիտասարդության հարցերի և սպորտի նախարարին` երկշաբաթյա ժամկետում ապահովել սույն որոշման 1-ին կետում նշված գույքի նվիրաբերության պայմանագրի` սահմանված կարգով կնքումը և գույքային իրավունքների պետական գրանցումը:

 3. Սույն որոշման 1-ին կետում նշված գույքի նվիրաբերության միջոցով ձեռք բերվող գույքային իրավունքները չեն կարող փոխանցվել այլ անձանց:

4. Ուժը կորցրած ճանաչել Հայաստանի Հանրապետության կառավարության 2002 թվականի ապրիլի 20-ի «Հայաստանի ֆուտբոլի ֆեդերացիային անհատույց օգտագործման գույք հանձնելու մասին» N 436 որոշումը: