«Վավերացնում եմ»
Հայաստանի Հանրապետության
Նախագահ Ռ. Քոչարյան
 26 փետրվարի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

8 փետրվարի 2007 թվականի N 188-Ն

ՋՐՕԳՏԱԳՈՐԾՈՂՆԵՐԻ ԸՆԿԵՐՈՒԹՅՈՒՆՆԵՐԻ ՊԵՏԱԿԱՆ ՖԻՆԱՆՍԱԿԱՆ ԱՋԱԿՑՈՒԹՅԱՆ ԲԱՐԵՓՈԽՈՒՄՆԵՐԻ ՀԻՄՆԱԴՐՈՒՅԹՆԵՐԸ ԵՎ ՄԱՏԱԿԱՐԱՐՎԱԾ ՈՌՈԳՄԱՆ ՋՐԻ ԿՈՐՈՒՍՏՆԵՐԻ ՆՈՐՄԱՆԵՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Համաշխարհային բանկի աղքատության հաղթահարման աջակցության երրորդ վարկի (PRSC3) նախապատրաստման ճապոնական դրամաշնորհի (N 055131) շրջանակում Հայաստանի Հանրապետության ոռոգման համակարգի ֆինանսական և կառուցվածքային բարեփոխումների իրականացման ծրագրով ներկայացված առաջարկությունները, Հայաստանի Հանրապետության կառավարության 2006 թվականի նոյեմբերի 23-ի N 1800-Ն որոշման N 1 հավելվածի 4-րդ և 29-րդ կետերը, ինչպես նաև Հայաստանի Հանրապետության կառավարության 2006 թվականի դեկտեմբերի 21-ի N 1851-Ն որոշման 19.1-ին կետի «բ» ենթակետը` Հայաստանի Հանրապետության կառավարությունը որոշում է.

1. Հաստատել`

ա) ջրօգտագործողների ընկերություններին պետական ֆինանսական աջակցության բարեփոխումների հիմնադրույթները` համաձայն N 1 հավելվածի.

բ) 2007-2011 թվականների կտրվածքով` ըստ ջրօգտագործողների ընկերությունների պետական ֆինանսական աջակցության գնահատվող չափաքանակները` համաձայն N 2 հավելվածի.

գ) 2007-2011 թվականների կտրվածքով` ըստ ջրօգտագործողների ընկերությունների կորուստների առավելագույն ընդունելի մակարդակները (նորմաները)` համաձայն N 3 հավելվածի:

2. Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին`

ա) սույն որոշման 1-ին կետի «ա» ենթակետով հաստատված հայեցակարգային հիմնադրույթների հիման վրա 2007 թվականին փորձնական ձևով ապահովել 3, 4 ջրօգտագործողների ընկերությունների պետական ֆինանսական աջակցության դրամաշնորհային ծրագրերի իրականացումը.

բ) բացառությամբ սույն կետի «ա» ենթակետում նշված ջրօգտագործողների ընկերությունների, անհրաժեշտության դեպքում` կախված բնակլիմայական պայմաններից և փաստացի գործունեության արդյունքներից, անհրաժեշտության դեպքում մինչև 2007 թվականի դեկտեմբերի 1-ը Հայաստանի Հանրապետության կառավարություն ներկայացնել առաջարկություններ Հայաստանի Հանրապետության 2007 թվականի պետական բյուջեով նախատեսված սուբսիդավորման չափաքանակների մինչև 10 տոկոս վերաբաշխումների վերաբերյալ.

գ) սույն որոշման 2-րդ կետի «ա» ենթակետով նախատեսված գործընթացի արդյունքում, կախված արդյունքից, մինչև 2007 թվականի դեկտեմբերի 1-ը Հայաստանի Հանրապետության կառավարություն ներկայացնել առաջարկություն 2008 թվականին մնացած ջրօգտագործողների ընկերությունների համար ֆինանսավորման դրամաշնորհային ծրագրերի կիրառման նպատակով.

դ) մեկամսյա ժամկետում Հայաստանի Հանրապետության կառավարություն ներկայացնել առաջարկություն ջրօգտագործողների ընկերություններին 2007 թվականի հունվարի 1-ի դրությամբ առաջացած շահութահարկի մասով ապառքների և դրանց նկատմամբ հաշվարկված տույժերի ու տուգանքների գծով արտոնություններ տալու վերաբերյալ:

Հայաստանի Հանրապետության վարչապետ	Ա. Մարգարյան
2007 թ. փետրվարի 22 Երևան

Հավելված N 1 ՀՀ կառավարության 2007 թվականի փետրվարի 8-ի N 188-Ն որոշման

Հ Ի Մ Ն Ա Դ Ր ՈՒ Յ Թ Ն Ե Ր

ՋՐՕԳՏԱԳՈՐԾՈՂՆԵՐԻ ԸՆԿԵՐՈՒԹՅՈՒՆՆԵՐԻՆ ՊԵՏԱԿԱՆ ՖԻՆԱՆՍԱԿԱՆ  ԱՋԱԿՑՈՒԹՅԱՆ ԲԱՐԵՓՈԽՈՒՄՆԵՐԻ

I. ԸՆԴՀԱՆՈՒՐ ԴՐՈՒՅԹՆԵՐ

2006 թվականին Հայաստանի Հանրապետության ոռոգման համակարգում գործել են 53 ջրօգտագործողների ընկերություններ, որոնք միավորել են շուրջ 200 հազար ջրօգտագործողների` սպասարկելով 130 հազար հեկտար ոռոգելի հողատարածք: Մեկ ջրօգտագործողին միջին հաշվով բաժին է ընկնում 0.7 հեկտար` ինչը համադրվելով հողատարածքների մասնատվածության հետ (մեկ ջրօգտագործողի հաշվով` միջինը 3, 4 հողակտոր), սահմանափակում է ջրօգտագործողների հնարավորությունները և դժվարացնում ջրօգտագործողների ընկերություններում վարչարարությունը: 2005 թվականին հավաքագրման մակարդակը ջրօգտագործողների ընկերություններում միջինը կազմել է 63.3 տոկոս, իսկ հավաքագրված եկամուտները ծածկել են փաստացի հաշվեգրված ծախսերի 37.6 տոկոսը: Միևնույն ժամանակ, իրավիճակը 2004 թվականի համեմատ բարելավվել է` մասամբ պայմանավորված համակարգում մասնակցային կառավարման մոտեցումների աստիճանական ներդրմամբ:

Համակարգի հետագա զարգացման և ջրօգտագործողների ընկերությունների` որպես կենսունակ հաստատությունների կայացման հարցում միջնաժամկետ հեռանկարում մեծ դեր է վերագրվում պետական օժանդակությանը, որի անմիջական դրսևորումներից է պետական ֆինանսական աջակցությունը: Ոռոգման համակարգին պետական ֆինանսական աջակցության շրջանակների հստակեցումը և տրամադրման մեխանիզմների բարեփոխումն էլ ավելի է կարևորվում աղքատության հաղթահարման միջոցառումների համատեքստում` հաշվի առնելով այն հանգամանքը, որ ոռոգման ջրի կանոնավոր հասանելիությունը զգալիորեն նվազեցնում է աղքատության ռիսկը գյուղական բնակավայրերում:  

Ներկայումս ոռոգման համակարգին Հայաստանի Հանրապետության պետական բյուջեից ֆինանսական աջակցությունը` սուբսիդիան, ըստ էության, տրամադրվում է ավանդական ծախսային մեթոդով: Նման մոտեցման կիրառությունը շատ դեպքերում խոչընդոտում է ջրօգտագործողների ընկերություններում արդյունավետության բարձրացման խթանների արմատավորմանը և չի կարող երաշխավորել առանցքային արդյունքային ցուցանիշների ապահովում: Մյուս կողմից, մեծանում են ինչպես ջրօգտագործողների ընկերությունների, այնպես էլ պետական կառավարման մարմինների կողմից ջրօգտագործողների ընկերությունների ծախսային քաղաքականության մեկնաբանության հայեցողականության աստիճանն ու երկակիության դրսևորումները: Ընդհանուր դեպքում, նման երևույթների հավանականությունն ավելի մեծ է այնպիսի իրավիճակներում, երբ ծախսային քաղաքականությունը վարվում է առանց նորմատիվային ծրագրման:

Վերը նշված իրավիճակների մեղմման նպատակով անհրաժեշտ է աստիճանական անցում կատարել ջրօգտագործողների ընկերություններին պետական ֆինանսական աջակցության (սուբսիդավորման) ներկայումս կիրառվող ծախսային ավանդական մեթոդին այլընտրանքային` ըստ արդյունքների դրամաշնորհային օժանդակության տրամադրման մոտեցմանը: Այդ գործընթացը նախատեսում է ջրօգտագործողների ընկերություններին Հայաստանի Հանրապետության պետական բյուջեից ֆինանսական աջակցության տրամադրում` առաջնորդվելով ջրօգտագործողների ընկերությունների հետ կնքվելիք դրամաշնորհային պայմանագրերով:

2. ՋՐՕԳՏԱԳՈՐԾՈՂՆԵՐԻ ԸՆԿԵՐՈՒԹՅՈՒՆՆԵՐԻՆ ՊԵՏԱԿԱՆ ՖԻՆԱՆՍԱԿԱՆ ԱՋԱԿՑՈՒԹՅԱՆ ԲԱՐԵՓՈԽՈՒՄՆԵՐԻ ՀԻՄՆԱԿԱՆ ՆՊԱՏԱԿԸ

Ջրօգտագործողների ընկերություններին պետական ֆինանսական աջակցության բարեփոխումների հիմնական նպատակներն են` ջրօգտագործողներին աջակցությունն ու մասնակցային կառավարման ամրապնդումը, ջրօգտագործողների ընկերությունների գործունեության արդյունավետության բարձրացումն ու ինքնածախսածածկման մակարդակի աստիճանական ավելացումը, ոռոգման ջրի կորուստների կրճատումը, ինչպես նաև պետական ծախսերի կանխատեսելիության ու բաշխման արդյունավետության աճը:

3. ՋՐՕԳՏԱԳՈՐԾՈՂՆԵՐԻ ԸՆԿԵՐՈՒԹՅՈՒՆՆԵՐԻՆ ՊԵՏԱԿԱՆ ՖԻՆԱՆՍԱԿԱՆ ԱՋԱԿՑՈՒԹՅԱՆ ՏՐԱՄԱԴՐՄԱՆ ՀԻՄՆԱԿԱՆ ՍԿԶԲՈՒՆՔՆԵՐԸ

Ջրօգտագործողների ընկերություններին պետական ֆինանսական աջակցության տրամադրման հիմնական սկզբունքներն են` օբյեկտիվությունը, արդյունավետությունը, կանխատեսելիությունն ու թափանցիկությունը:

4. ԸՍՏ ԱՐԴՅՈՒՆՔՆԵՐԻ ԴՐԱՄԱՇՆՈՐՀԱՅԻՆ ՕԺԱՆԴԱԿՈՒԹՅԱՆ ՏՐԱՄԱԴՐՄԱՆ ՄՈՏԵՑՄԱՆ ՀԻՄՆԱԿԱՆ ԱՌԱՎԵԼՈՒԹՅՈՒՆՆԵՐԸ

Ըստ արդյունքների դրամաշնորհային օժանդակության տրամադրման մոտեցման հիմնական առավելություններն են`

կանխատեսելիության և որոշակիության ավելացումը,

5 տարվա կտրվածքով ոլորտին հատկացվելիք պետական ֆինանսական աջակցության չափերի հստակեցումը,

ջրօգտագործողների ընկերությունների առավել արդյունավետ գործունեության խթանների տրամադրումը,

ջրօգտագործողների ընկերությունների բյուջետային կարգապահության մեծացումը,

ջրօգտագործողների ընկերությունների կողմից արդյունքային ցուցանիշների ապահովման հավանականության ավելացումը:

5. ՋՐՕԳՏԱԳՈՐԾՈՂՆԵՐԻ ԸՆԿԵՐՈՒԹՅՈՒՆՆԵՐԻՆ ՊԵՏԱԿԱՆ ՖԻՆԱՆՍԱԿԱՆ ԱՋԱԿՑՈՒԹՅԱՆ ՏՐԱՄԱԴՐՄԱՆ ԿԱՐԳԸ

5.1. Հիմնական դրույթները

Առաջիկա տարիներին ջրօգտագործողների ընկերություններին պետական ֆինանսական աջակցությունը տրամադրվելու է ջրօգտագործողների ընկերությունների հետ կնքվելիք պետական ֆինանսական աջակցության դրամաշնորհային պայմանագրերի շրջանակներում:

Պայմանագրերով ամրագրվելու են հիմնական այն նախապայմանները, որոնց բավարարման դեպքում ջրօգտագործողների ընկերությունը կարող է հավակնել դրամաշնորհի տեսքով պետական ֆինանսական աջակցության:

Դրամաշնորհները հատկացվելու են մեկ ամբողջական գումարով` առանց առանձին ծախսային հոդվածների բաշխման: Պայմանագրերով տրամադրվելիք օժանդակության չափերի որոշման հիմքում ընկած առանձին ծախսային հոդվածների գծով ենթադրությունները չեն սահմանափակելու ջրօգտագործողների ընկերությունների կողմից ծախսային քաղաքականության սահմանման և ծախսերի բյուջետավորման գործընթացը:

Պայմանագրերի գործողության ժամանակահատվածում պայմանագրերով սահմանված աջակցության չափերը (առնվազն առաջին 3 տարվա կտրվածքով) ենթակա չեն վերանայման: Մասնավորապես, պայմանագրային ժամանակահատվածում ջրօգտագործողների ընկերությունների գործունեության արդյունավետությունը չի հանդիսանալու պայմանագրերով ամրագրվելիք դրամաշնորհային աջակցության չափերի փոփոխության  պատճառ:

Ջրօգտագործողների ընկերությունների պետական ֆինանսական աջակցության ծավալների գնահատականների հիման վրա ձևավորվելու է Հայաստանի Հանրապետության պետական բյուջեից դրամաշնորհների տեսքով ջրօգտագործողների ընկերություններին տրամադրվելիք ֆինանսական աջակցության ամբողջական փաթեթը, որը հիմք է հանդիսանալու պետական միջնաժամկետ ծախսերի ծրագրերի և տարեկան բյուջեների շրջանակներում համապատասխան ծախսային ծրագրերի ձևավորման ժամանակ:

5.2.	Ջրօգտագործողների ընկերությունների հետ կնքվելիք դրամաշնորհային պայմանագրերի ժամկետները

Ջրօգտագործողների ընկերությունների հետ դրամաշնորհային պայմանագրերը կնքվելու են 5 տարի ժամկետով, որտեղ ամրագրվելու են պայմանագրի առաջին երեք տարվա ընթացքում ջրօգտագործողների ընկերություններին տրամադրվելիք դրամաշնորհների չափերը (տարեկան կտրվածքով), ինչպես նաև հաջորդ 2 տարվա ընթացքում դրամաշնորհների կողմնորոշիչ չափաքանակները:

5.3.	Ջրօգտագործողների ընկերությունների հետ կնքվելիք դրամաշնորհային պայմանագրերի կողմերը

Դրամաշնորհային պայմանագրի կողմերն են ոռոգման ոլորտի պետական կառավարման լիազորված մարմինը (Հայաստանի Հանրապետության տարածքային կառավարման նախարարության ջրային տնտեսության պետական կոմիտե) և ջրօգտագործողների ընկերությունը:

(5.3-րդ կետը փոփ. 25.10.07 N 1334-Ն)

5.4.	Ջրօգտագործողների ընկերություններին պետական ֆինանսական աջակցության տրամադրման նախապայմանները

Դրամաշնորհների տեսքով պետական ֆինանսական աջակցության տրամադրման նախապայման է հանդիսանալու սահմանված որոշակի պահանջներին` ջրօգտագործողների ընկերությունների բավարարումը: Մասնավորապես, հստակ պահանջներ են դրվելու հետևյալ ցուցանիշների ապահովման առմամբ`

ոռոգման ջրի դիմաց վճարի (իրացման սակագնի) առավելագույն սահման,

ոռոգելի հողատարածքների նվազագույն չափ,

կրեդիտորական պարտավորությունների առավելագույն սահման:

5.4.1. Ոռոգման ջրի դիմաց վճարի (իրացման սակագնի) առավելագույն սահման

Ջրօգտագործողների ընկերություններին տրամադրվելիք շնորհների չափերը 2007-2011 թվականներին ընկած ժամանակահատվածում ըստ տարիների հաշվարկվելու են` հիմք ընդունելով ոռոգման ջրի դիմաց վճարների (իրացման սակագների) առավելագույն մակարդակի վերաբերյալ հետևյալ ենթադրությունները`

	չ/մ	2007	2008	2009	2010	2011
Ոռոգման ջրի դիմաց վճար (իրացման սակագին)` առավելագույն սահման, առանց ԱԱՀ-ի	դրամ/ խոր. մետր	6.67	7.50	7.50	9.17	9.17
Ոռոգման ջրի դիմաց վճար (իրացման սակագին)` առավելագույն սահման, ներառյալ ԱԱՀ-ն	դրամ/ խոր. մետր	8.00	9.00	9.00	11.00	11.00

Ընդհանուր դեպքում, եթե ջրօգտագործողների ընկերությունում ոռոգման ջրի ինքնարժեքն ավելի բարձր է, քան սահմանված առավելագույն սակագինը և ջրօգտագործողների ընկերությունը սահմանում է ավելի բարձր սակագին, քան առավելագույն սահմանն է, ապա ջրօգտագործողների ընկերությունը չի կարող հավակնել պետական ֆինանսական աջակցության:

5.4.2. Ոռոգելի հողատարածքի նվազագույն չափ

Դրամաշնորհային պայմանագրով ջրօգտագործողների ընկերությունը պետք է պարտավորվի կանոնավոր կերպով ապահովել պայմանագրով ամրագրվելիք հողատարածքների նվազագույն չափի ոռոգումը, հակառակ դեպքում` հնարավոր է պայմանագրով ամրագրված դրամաշնորհների չափերի նվազման ուղղությամբ վերանայում` ընդհուպ մինչև ջրօգտագործողների ընկերությանը պետական ֆինանսական աջակցությունից զրկելը:

5.4.3. Կրեդիտորական պարտավորությունների առավելագույն սահման

Դրամաշնորհային պայմանագրով ջրօգտագործողների ընկերությունները պետք է պարտավորվեն սահմանափակել տարվա ընթացքում կրեդիտորական պարտքերի կուտակումը, որոնց մակարդակը չի կարող գերազանցել պայմանագրով հստակ ամրագրվող չափից:

5.5. Պայմանագրերի վերանայումը

Պայմանագրերով ամրագրված դրամաշնորհների չափերը ենթակա են ճշգրտման, մասնավորապես հետևյալ իրավիճակներում`

հանրապետությունում գնաճի միջին տարեկան 6 տոկոս մակարդակը գերազանցելու պարագայում` 6 տոկոսը գերազանցող մասի և պայմանագրով ամրագրված դրամաշնորհի գումարի արտադրյալի չափով,

Հայաստանի Հանրապետության հանրային ծառայությունները կարգավորող հանձնաժողովի կողմից ոռոգման ջրի սակագների փոփոխության դեպքում` նախորդ տարվա գնովի ջրի ծավալների և Հայաստանի Հանրապետության հանրային ծառայությունները կարգավորող հանձնաժողովի կողմից սահմանվող սակագների հավելաճի արտադրյալի չափով,

Հայաստանի Հանրապետության հանրային ծառայությունները կարգավորող հանձնաժողովի կողմից էլեկտրաէներգիայի սակագների փոփոխության դեպքում` ջրօգտագործողների ընկերության կողմից նախորդ տարվա ընթացքում էլեկտրաէներգիայի փաստացի սպառման և Հայաստանի Հանրապետության հանրային ծառայությունները կարգավորող հանձնաժողովի կողմից սահմանվող էլեկտրաէներգիայի սակագների հավելաճի արտադրյալի չափով:

5.6.	Ոռոգման ջրի կորուստների մակարդակների գնահատականը և դրանց կիրառությունը

Ոռոգման ջրի կորուստների մակարդակների շահարկումը կարող է նախադեպ դառնալ պայմանագրերով ամրագրվելիք դրամաշնորհների հաճախակի վերանայումների: Նման իրավիճակները բացառելու նպատակով սույն որոշմամբ հաստատվում են ոռոգման ջրի կորուստների առավելագույն ընդունելի մակարդակները (նորմերը)` ըստ ջրօգտագործողների ընկերությունների, որոնք հիմք են հանդիսանալու ինչպես ջրօգտագործողների ընկերություններին դրամաշնորհների տեսքով տրամադրվելիք պետական ֆինանսական աջակցության հաշվարկների, այնպես էլ ջրօգտագործողների ընկերությունների հարկային պարտավորությունների որոշմանն առնչվող հարաբերություններում:

6. ԲԱՐԵՓՈԽՈՒՄՆԵՐԻ ԱՐԴՅՈՒՆՔՈՒՄ ԱԿՆԿԱԼՎՈՂ ԱՐԴՅՈՒՆՔՆԵՐԻ ՔԱՆԱԿԱԿԱՆ ԳՆԱՀԱՏԱԿԱՆՆԵՐԸ

Նախատեսվող բարեփոխումների արդյունքում ակնկալվում են ապահովել հետևյալ արդյունքները`

2007 2008 2009 2010 2011 _______________________________________________________________________   կանխատեսում _____________________________________ Ոռոգելի հողատարածք, հազ. հեկտար 132.3 134.3 136.3 138.3 140.4 Պետական ֆինանսական աջակցություն ստացող ՋՕԸ-ների կողմից սպասարկվող ոռոգելի հողատարածք, հազ. հեկտար 132.3 121.2 120.8 106.0 103.7   _____________________________________ _____________________________________ Հաշվեգրված եկամուտներ (առանց ԱԱՀ-ի), մլն դրամ 5,026.2 5,715.0 5,798.1 7,151.6 7,256.3 Հաշվեգրված ծախսեր (առանց ԱԱՀ-ի), մլն դրամ 8,311.1  8,431.5 8,558.0 8,690.2 8,828.1  Պետական ֆինանսական աջակցություն, մլն դրամ 5,549.1 4,952.3 4,830.9 3,812.2 3,667.5   _____________________________________ _____________________________________ Ոռոգման ջրի միջին ինքնարժեք (առանց ԱԱՀ-ի), դրամ/խոր. մետր 11.41 11.41 11.41 11.41 11.42   _____________________________________ Ոռոգման ջրի իրացման միջին սակագին` ներառյալ անդամավճար- ները (առանց ԱԱՀ-ի), դրամ/ խոր. մետր 6.90 7.73 7.73 9.39 9.39 _____________________________________ Հավաքագրման աստիճան, %* 75.1 77.5 81.7 83.1 86.2 Ծախսածածկում (հաշվեգրային), % 60.5 67.8 67.8 82.3 82.2 Ծախսածածկում (փաստացի հավաքագրված եկամուտների հաշվով), %* 45.4 52.5 55.4 68.4 70.9   _____________________________________ _____________________________________ Հուշագրային հոդվածներ   _____________________________________ Ջրօգտագործողների թվաքանակ 198,085 198,085 198,085 198,085 198,085 Պետական ֆինանսական աջակցություն ստացող ՋՕԸ-ների անդամների թվաքանակ 198,085 181,093 177,493 158,112 156,112 Պետական ֆինանսական աջակցություն           հազ. դրամ` ՋՕԸ-ների մեկ անդամի հաշվով 28.0 25.0 24.4 19.2 18.5 հազ. դրամ` պետական ֆինանսական աջակցություն ստացող ՋՕԸ-ների մեկ անդամի հաշվով 28.0 27.3 27.2 24.1 23.5 հազ. դրամ` ոռոգելի հողատարածքի մեկ հեկտարի հաշվով 41.9 36.9 35.4 27.6 26.1 հազ. դրամ` պետական ֆինանսական աջակցություն ստացող ՋՕԸ-ների կողմից սպասարկվող ոռոգելի հողա- տարածքի մեկ հեկտարի հաշվով 41.9 40.9 40.0 36.0 35.4

*Հաշվի են առնված նաև նախորդ տարիներին կուտակված դեբիտորական պարտքերի մարման գծով մուտքերը:

(հավելվածը փոփ. 25.10.07 N 1334-Ն)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 2 ՀՀ կառավարության 2007 թվականի փետրվարի 8-ի N 188-Ն որոշման

Չ Ա Փ Ա Ք Ա Ն Ա Կ Ն Ե Ր

2007-2011 ԹԹ. ԿՏՐՎԱԾՔՈՎ ԸՍՏ ՋՐՕԳՏԱԳՈՐԾՈՂՆԵՐԻ ԸՆԿԵՐՈՒԹՅՈՒՆՆԵՐԻ ՊԵՏԱԿԱՆ ՖԻՆԱՆՍԱԿԱՆ ԱՋԱԿՑՈՒԹՅԱՆ ԳՆԱՀԱՏՎՈՂ

(հազ. դրամ)

NN ը/կ	Ջրօգտագործողների ընկերության անվանումը	2007	2008	2009	2010	2011
1.	«Ազատ» ՋՕԸ	159,857	138,300	129,700	89,200	79,100
2.	«Ակնալիճ» ՋՕԸ	148,699	138,500	137,800	113,200	110,500
3.	«Ամբերդ» ՋՕԸ	1,729	500	0	0	0
4.	«Այգաբաց-ոռոգում» ՋՕԸ	55,626	51,300	50,400	40,800	39,400
5.	«Աշտարակ» ՋՕԸ	9,299	0	0	0	0
6.	«Ապարան-Արագած» ՋՕԸ	12,107	11,100	11,100	8,800	8,600
7.	«Աջափնյակ-ոռոգում» ՋՕԸ	22,755	20,300	19,600	14,500	13,800
8.	«Արագած-ոռոգում» ՋՕԸ	26,033	23,900	23,200	18,900	18,100
9.	«Արարատ» ՋՕԸ	446,298	460,900	458,700	381,500	372,900
10.	«Արաքս» ՋՕԸ	269,258	235,800	229,900	157,900	148,600
11.	«Արմավիր» ՋՕԸ	291,595	254,100	246,400	162,600	151,200
12.	«Արտաշատ» ՋՕԸ	347,507	312,300	306,700	235,200	225,500
13.	«Բերդ» ՋՕԸ	9,313	8,000	7,800	4,900	4,600
14.	«Բռնակոթ» ՋՕԸ	8,672	7,700	7,400	5,100	4,800
15.	«Գավառ» ՋՕԸ	57,572	55,000	55,200	49,000	48,500
16.	«Գետիկ» ՋՕԸ	29,218	27,400	27,400	22,600	22,200
17.	«Եղեգնաձոր» ՋՕԸ	82,826	76,800	75,900	54,100	52,300
18.	«Եղվարդ» ՋՕԸ	27,068	14,700	10,000	0	0
19.	«Երևան» ՋՕԸ	117,725	107,800	106,600	82,300	79,600
20.	«Թալին» ՋՕԸ	381.340	385,400	373,400	307,800	290,800
21.	«Իջևան» ՋՕԸ	23,021	20,400	19,900	15,200	14,400
22.	«Լոռու ջրանցք» ՋՕԸ	74,575	69,700	68,300	59,900	57,700
23.	«Խնձորուտ» ՋՕԸ	6,626	5,800	5,700	4,200	4,000
24.	«Խոյ» ՋՕԸ	525,863	487,300	485,100	409,200	400,000
25.	«Կապան» ՋՕԸ	6,409	5,400	5,100	2,900	2,600
26.	«Կոտայք» ՋՕԸ	69,906	56,500	51,700	25,500	20,300
27.	«Հրազդան-ջուր» ՋՕԸ	20,481	16,500	15,100	7,400	5,900
28.	«Ձորեր» ՋՕԸ	2,479	1,500	1,200	0	0
29.	«Մասիս» ՋՕԸ	38,463	22,300	16,700	0	0
30.	«Մարտունի» ՋՕԸ	135,080	132,400	133,900	125,500	125,100
31.	«Մերձափնյա» ՋՕԸ	17,744	0	0	0	0
32.	«Մեղրի» ՋՕԸ	121,060	120,500	122,500	119,100	119,400
33.	«Մխչյան» ՋՕԸ	293,722	275,100	274,900	237,900	233,900
34.	«Մուշ» ՋՕԸ	6,931	5,200	4,800	1,600	1,100
35.	«Մուսալեռ» ՋՕԸ	191,995	175,300	169,600	138,300	130,300
36.	«Նաիրի» ՋՕԸ	47,876	41,400	38,900	26,200	23,400
37.	«Նոյեմբերյան» ՋՕԸ	157,614	148,900	145,800	131,800	126,800
38.	«Շամիրամ» ՋՕԸ	72,456	48,700	40,200	2,300	0
39.	«Շենիկ» ՋՕԸ	62,098	23,200	7,000	0	0
40.	«Շիրոռոգում» ՋՕԸ	53,996	49,300	49,100	37,600	36,900
41.	«Որոտան» ՋՕԸ	26,410	22.500	21.200	13,600	12.200
42.	«Ջրվեժ-Ձորաղբյուր» ՋՕԸ	131,435	125,400	124,300	108,300	105,400
43.	«Սև ջուր - Ախթամար» ՋՕԸ	115,878	102,600	100,400	71,100	67,600
44.	«Վաղարշապատ» ՋՕԸ	279,826	261,100	258,800	215,900	209,800
45.	«Վայք» ՋՕԸ	20,858	18,700	18,400	12,800	12,200
46.	«Վարդենիս» ՋՕԸ	44,630	42,300	42,000	37,400	36,600
47.	«Վեդի» ՋՕԸ	316,324	324,800	321,100	255,000	246,800
48.	«Տոլորս» ՋՕԸ	15,715	12.200	11,500	5,100	4,600
49.	«Փարպի» ՋՕԸ	13,628	3,200	0	0	0
50.	«Քասախ» ՋՕԸ	15,413	4,300	500	0	0
51.	«Քարակերտ» ՋՕԸ	6,991	0	0	0	0
	Ընդամենը	5,420,000	4,952,300	4,830,900	3,812,200	3,667,500

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 3 ՀՀ կառավարության 2007 թվականի փետրվարի 8-ի N 188-Ն որոշման

Ն Ո Ր Մ Ա Ն Ե Ր

2007-2011 ԹԹ. ԿՏՐՎԱԾՔՈՎ ԸՍՏ ՋՐՕԳՏԱԳՈՐԾՈՂՆԵՐԻ ԸՆԿԵՐՈՒԹՅՈՒՆՆԵՐԻ ԿՈՐՈՒՍՏՆԵՐԻ ԱՌԱՎԵԼԱԳՈՒՅՆ ԸՆԴՈՒՆԵԼԻ 

(տոկոս` ջրառի նկատմամբ)

NN ը/կ	Ջրօգտագործողների ընկերության անվանումը	2007	2008	2009	2010	2011
1.	«Ազատ» ՋՕԸ	48.3%	46.2%	44.1%	42.1%	40.0%
2.	«Ակնալիճ» ՋՕԸ	43.9%	43.9%	43.9%	43.9%	43.9%
3.	«Ամբերդ» ՋՕԸ	43.6%	43.6%	43.6%	43.6%	43.6%
4.	«Այգաբաց-ոռոգում» ՋՕԸ	50.5%	47.2%	43.8%	40.5%	37.2%
5.	«Աշտարակ» ՋՕԸ	48.3%	44.8%	41.2%	37.7%	34.1%
6.	«Ապարան-Արագած» ՋՕԸ	38.5%	38.5%	38.5%	38.5%	38.5%
7.	«Աջափնյակ-ոռոգում» ՋՕԸ	55.9%	50.1%	44.3%	38.5%	32.8%
8.	«Արագած-ոռոգում» ՋՕԸ	49.9%	45.2%	40.5%	35.7%	31.0%
9.	«Արարատ» ՋՕԸ	37.7%	37.7%	37.7%	37.7%	37.7%
10.	«Արաքս» ՋՕԸ	46.4%	46.4%	46.4%	46.4%	46.4%
11.	«Արմավիր» ՋՕԸ	45.1%	45.1%	45.1%	45.1%	45.1%
12.	«Արտաշատ» ՋՕԸ	43.1%	43.1%	43.1%	43.1%	43.1%
13.	«Բերդ» ՋՕԸ	30.0%	29.6%	29.2%	28.8%	28.4%
14.	«Բռնակոթ» ՋՕԸ	32.2%	32.2%	32.2%	32.2%	32.2%
15.	«Գավառ» ՋՕԸ	31.5%	31.5%	31.4%	31.3%	31.2%
16.	«Գետիկ» ՋՕԸ	39.9%	39.9%	39.9%	39.9%	39.9%
17.	«Եղեգնաձոր» ՋՕԸ	40.1%	39.6%	39.0%	38.4%	37.8%
18.	«Եղվարդ» ՋՕԸ	43.7%	41.4%	39.2%	36.9%	34.7%
19.	«Երևան» ՋՕԸ	41.3%	41.3%	41.3%	41.3%	41.3%
20.	«Թալին» ՋՕԸ	43.0%	41.1%	39.3%	37.4%	35.6%
21.	«Իջևան» ՋՕԸ	30.0%	29.0%	28.0%	27.0%	26.0%
22.	«Լոռու ջրանցք» ՋՕԸ	40.0%	37.6%	35.3%	32.9%	30.6%
23.	«Խնձորուտ» ՋՕԸ	31.4%	31.4%	31.4%	31.4%	31.4%
24.	«Խոյ» ՋՕԸ	47.5%	47.5%	47.5%	47.5%	47.5%
25.	«Կապան» ՋՕԸ	30.0%	29.2%	28.4%	27.7%	26.9%
26.	«Կոտայք» ՋՕԸ	47.0%	44.0%	41.0%	38.0%	35.0%
27.	«Հրազդան-ջուր» ՋՕԸ	44.0%	40.4%	36.8%	33.2%	29.6%
28.	«Ձորեր» ՋՕԸ	31.8%	31.5%	31.1%	30.8%	30.4%
29.	«Մասիս» ՋՕԸ	41.7%	41.7%	41.7%	41.7%	41.7%
30.	«Մարտունի» ՋՕԸ	47.5%	47.5%	47.5%	47.5%	47.5%
31.	«Մերձափնյա» ՋՕԸ	44.6%	44.6%	44.6%	44.6%	44.6%
32.	«Մեղրի» ՋՕԸ	46.1%	46.1%	46.1%	46.1%	46.1%
33.	«Մխչյան» ՋՕԸ	46.5%	46.5%	46.5%	46.5%	46.5%
34.	«Մուշ» ՋՕԸ	44.3%	44.3%	44.3%	44.3%	44.3%
35.	«Մուսալեռ» ՋՕԸ	46.0%	44.5%	42.9%	41.4%	39.8%
36.	«Նաիրի» ՋՕԸ	40.0%	36.6%	33.2%	29.9%	26.5%
37.	«Նոյեմբերյան» ՋՕԸ	40.2%	38.0%	35.8%	33.6%	31.4%
38.	«Շամիրամ» ՋՕԸ	42.5%	39.7%	36.9%	34.1%	31.3%
39.	«Շենիկ» ՋՕԸ	40.0%	39.1%	38.3%	37.4%	36.6%
40.	«Շիրոռոգում» ՋՕԸ	40.7%	40.7%	40.7%	40.7%	40.7%
41.	«Որոտան» ՋՕԸ	49.0%	44.1%	39.2%	34.2%	29.3%
42.	«Ջրվեժ-Ձորաղբյուր» ՋՕԸ	31.5%	30.5%	29.5%	28.5%	27.5%
43.	«Սև ջուր - Ախթամար» ՋՕԸ	45.8%	45.8%	45.8%	45.8%	45.8%
44.	«Վաղարշապատ» ՋՕԸ	42.1%	41.8%	41.5%	41.2%	40.9%
45.	«Վայք» ՋՕԸ	29.3%	29.3%	29.3%	29.3%	29.3%
46.	«Վարդենիս» ՋՕԸ	51.0%	49.2%	47.4%	45.7%	43.9%
47.	«Վեդի» ՋՕԸ	45.8%	45.8%	45.8%	45.8%	45.8%
48.	«Տոլորս» ՋՕԸ	31.1%	31.1%	31.1%	31.1%	31.1%
49.	«Փարպի» ՋՕԸ	41.1%	41.1%	41.1%	41.1%	41.1%
50.	«Քասախ» ՋՕԸ	37.0%	37.0%	37.0%	37.0%	37.0%
51.	«Քարակերտ» ՋՕԸ	46.3%	43.9%	41.4%	39.0%	36.6%
	Ընդամենը	43.7%	42.9%	42.1%	41.4%	40.8%

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան