Գլխավոր տեղեկություն
Номер
N 1795-Ա
Տիպ
Որոշում
Тип
Ինկորպորացիա (22.12.2006-մինչ օրս)
Статус
Գործում է
Первоисточник
Չի հրապարակվել պաշտոնական պարբերականում
Принят
ՀՀ կառավարություն
Дата принятия
07.12.2006
Подписан
ՀՀ վարչապետ
Дата подписания
19.12.2006
Վավերացնող մարմին
ՀՀ Նախագահ
Վավերացման ամսաթից
21.12.2006
Дата вступления в силу
22.12.2006

«Վավերացնում եմ»
Հայաստանի Հանրապետության
Նախագահ Ռ. Քոչարյան
21 դեկտեմբերի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

7 դեկտեմբերի 2006 թվականի N 1795-Ա

 

«ԱՐՄԵՆԻԱՆ ՔԱՓԸՐ ՓՐՈԳՐԱՄ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆՆ ԱՐԴՅՈՒՆԱԲԵՐԱԿԱՆ ՊԱՅԹՈՒՑԻԿ ՆՅՈՒԹԵՐ ԵՎ ՊԱՅԹԵՑՄԱՆ ՄԻՋՈՑՆԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՆԵՐՄՈՒԾԵԼՈՒ ԹՈՒՅՏՎՈՒԹՅՈՒՆ ՏԱԼՈՒ ՄԱՍԻՆ

 

Հայաստանի Հանրապետության կառավարության 1995 թվականի դեկտեմբերի 29-ի N 124 որոշման 8-րդ կետին համապատասխան` Հայաստանի Հանրապետության կառավարությունը որոշում է.

1. Թույլատրել «Արմենիան Քափըր Փրոգրամ» փակ բաժնետիրական ընկերությանն արտադրական կարիքների համար մինչև 2007 թվականի դեկտեմբերի 31-ը Հայաստանի Հանրապետություն ներմուծելու հետևյալ արդյունաբերական պայթուցիկ նյութերն ու պայթեցման միջոցները`

 

Փամփուշտավորված ամիոնիտ 6 Ժվ` Ֆ=32 մմ` 250 (երկու հարյուր հիսուն) հազ. կգ
   
Ամոնիտ 6 Ժվ (փոշի)` 50 (հիսուն) հազ. կգ
   
Տրինիտրոտոլուոլ (տրոտիլ)` 60 (վաթսուն) հազ. կգ
   
Դետոնացիոն քուղ (ԴՇԷ)` 240 (երկու հարյուր քառասուն) հազ. կգ
 
Կրակատար քուղ (ՕՇԱ կամ ՕՊՇԱ)` 1500 (հազար հինգ հարյուր) գծմ
 
Ճայթիչ պարկուճ (ԿԴ-8Ս)` 450 (չորս հարյուր հիսուն) հազ. հատ
 
Էլեկտրական ճայթիչ պարկուճ (ԷԴ-ԶՆ)` 162 (հարյուր վաթսուներկու) հազ. հատ
 
ՈՒՆՍ-ՊԱ-0-100` 48 (քառասունութ) հատ
 
ՈՒՆՍ-ՊԱ-25-14` 672 (վեց հարյուր յոթանասուներկու) հատ
 
ՈՒՆՍ-ՊԱ-25-5` 576 (հինգ հարյուր յոթանասունվեց) հատ
 
ՈՒՆՍ-Ս-450-14` 1536 (հազար հինգ հարյուր երեսունվեց) հատ
 
ՈՒՆՍ-Ս-500-12` 1536 (հազար հինգ հարյուր երեսունվեց) հատ

 

2. Հայաստանի Հանրապետության բնապահպանության նախարարին, Հայաստանի Հանրապետության առողջապահության նախարարին, Հայաստանի Հանրապետության կառավարությանն առընթեր ազգային անվտանգության ծառայության տնօրենին, Հայաստանի Հանրապետության ոստիկանության պետին և Հայաստանի Հանրապետության կառավարությանն առընթեր մաքսային պետական կոմիտեի նախագահին` սահմանված կարգով ապահովել «Արմենիան Քափըր Փրոգրամ» փակ բաժնետիրական ընկերության կողմից Հայաստանի Հանրապետություն ներմուծվող արդյունաբերական պայթուցիկ նյութերի և պայթեցման միջոցների ստացման, փոխադրման, պահեստավորման և պահպանության ու անվտանգության պայմանների նկատմամբ վերահսկողություն:

3. Սահմանել, որ Հայաստանի Հանրապետություն ներմուծված արդյունաբերական պայթուցիկ նյութերը և պայթեցման միջոցները երրորդ կողմին վաճառելու դեպքում «Արմենիան Քափըր Փրոգրամ» փակ բաժնետիրական ընկերությունը պարտավոր է դրա մասին նախօրոք տեղեկացնել Հայաստանի Հանրապետության կառավարությանն առընթեր ազգային անվտանգության ծառայությանը և Հայաստանի Հանրապետության կառավարությանն առընթեր Հայաստանի Հանրապետության ոստիկանությանը տրամադրելով տեղեկություններ գործարքի կողմի, վաճառվող ապրանքատեսակի և քանակի մասին:

 

Հայաստանի Հանրապետության
վարչապետ

 Ա. Մարգարյան
   

2006 թ. դեկտեմբերի 19
Երևան

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան