ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴՅՈՒՆԱԲԵՐՈՒԹՅԱՆ ԵՎ ԱՌԵՎՏՐԻ ՆԱԽԱՐԱՐ

Հ Ր Ա Մ Ա Ն

14.06.2000 թ.

N 201

ք. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴՅՈՒՆԱԲԵՐՈՒԹՅԱՆ ԵՎ ԱՌԵՎՏՐԻ ՆԱԽԱՐԱՐԻ 18.12.98 Թ. «ՀՀ ԿԻՐԱՌՄԱՆ ՀԱՄԱՐ ԹՈՒՅԼԱՏՐՎՈՂ ՀՍԿԻՉ-ԴՐԱՄԱՐԿՂԱՅԻՆ ՄԵՔԵՆԱՆԵՐԻ ՑԱՆԿԻ ՀԱՍՏԱՏՄԱՆ ՄԱՍԻՆ» N 525 ՀՐԱՄԱՆՈՎ ՀԱՍՏԱՏՎԱԾ ՑԱՆԿՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ի կատարումն ՀՀ կառավարության 1998 թ. մայիսի 15-ի «Հայաստանի Հանրապետությունում հսկիչ-դրամարկղային մեքենաների ներդրման մի շարք միջոցառումների մասին» N 298 որոշման 5-րդ կետի և հիմք ընդունելով Հայաստանի Հանրապետությունում կիրառման համար թույլատրվող հսկիչ-դրամարկղային մեքենաների ցանկը հաստատող տեխնիկական մասնագիտական հանձնաժողովի 2000 թ. մայիսի 12-ի N 11 որոշումը

Հրամայում եմ`

1. ՀՀ արդյունաբերության և առևտրի նախարարի 18.12.98 թ. «ՀՀ կիրառման համար թույլատրվող հսկիչ-դրամարկղային մեքենաների ցանկի հաստատման մասին» N 525 հրամանով հաստատված ցանկում կատարել լրացումներ (ցանկը կցվում է):

2. Առևտրի և տարածքային զարգացման վարչությանը (Գ. Քոչարյան)`

2.1. Ցանկի լրացումները ներկայացնել համաձայնեցման ՀՀ ֆինանսների և էկոնոմիկայի նախարարություն, ՀՀ պետական եկամուտների նախարարություն, ՀՀ տրանսպորտի և կապի նախարարություն, ՀՀ կենտրոնական բանկ և ՀՀ կառավարությանն առընթեր ստանդարտացման, չափագիտության և սերտիֆիկացման վարչություն:

2.2. Հայաստանի Հանրապետությունում կիրառման համար թույլատրվող հսկիչ-դրամարկղային մեքենաների համաձայնեցված ցանկը սահմանված կարգով ներկայացնել ՀՀ արդարադատության նախարարություն` պետական գրանցման:

3. Սույն հրամանի կատարման հսկողությունը հանձնարարել նախարարի տեղակալ Ա. Պետրոսյանին:

Կ. Ճշմարիտյան

		Հաստատված է ՀՀ արդյունաբերության և առևտրի նախարարության 2000 թ. հունիսի 14-ի N 201 հրամանով
Համաձայնեցված է` ՀՀ ֆինանսների և էկոնոմիկայի նախարարություն 04 հուլիսի 2000 թ.	Համաձայնեցված է՝ ՀՀ պետական եկամուտների նախարարություն 10 հուլիսի 2000 թ.	Համաձայնեցված է՝ ՀՀ տրանսպորտի և կապի նախարարություն 24 հուլիսի 2000 թ.

Համաձայնեցված է` ՀՀ կենտրոնական բանկ 14 հուլիսի 2000 թ. •

Համաձայնեցված է՝ ՀՀ կառավարությանն առընթեր ստանդարտացման, չափագիտության և սերտիֆիկացման վարչություն 11 հուլիսի 2000 թ.

Ց Ա Ն Կ

ՀՀ արդյունաբերության եվ առեվտրի նախարարի 18.12.98 թ. ՀՀ կիրառման համար թույլատրվող հսկիչ-դրամարկղային մեքենաների հաստատման մասին թիվ 525 հրամանով հաստատված ցանկը լրացնել նոր 46 եվ 47 տողերով, հետեվյալ բովանդակությամբ`

հ/հ	ՀԴՄ-ի մոդելների անվանումը	Խումբը	Կիրառման ոլորտները
			Առևտուր	Սպասար- կումներ	Նավթամթերքի վաճառք	Հյուրանոցներ և հանրային սննդի ձեռնարկություններ
46	МИНИКА 1103 Ф	ինքնավար	+	+	+	+
47	ЭЛИТ микро	ինքնավար	+	+	+	+

Ցանկի 5, 8 եվ 9 տողերը շարադրել հետեվյալ խմբագրությամբ`

հ/հ	ՀԴՄ-ի մոդելների անվանումը	Խումբը	Կիրառման ոլորտները
			Առևտուր	Սպասարկումներ	Նավթա- մթերքի վաճառք	Հյուրանոցներ և հանրային սննդի ձեռնարկություններ
5	ЭКР 3102 Ф	ինքնավար	+	+ բացի երկաթուղային տրանսպորտից, կապից և փոստից	+	+
8	МИНИКА 1101 Ф	ինքնավար	+	+ բացի երկաթուղային տրանսպորտից, կապից և փոստից	+	+
9	МИНИКА 1102 Ф	ինքնավար	+	+ բացի երկաթուղային տրանսպորտից, կապից և փոստից	+	+

Գրանցված է
Հայաստանի Հանրապետության
արդարադատության նախարարության կողմից
10 օգոստոսի 2000 թ.
Պետական գրանցման թիվ 10300075