«Վավերացնում եմ»
Հայաստանի Հանրապետության
Նախագահ Ռ. Քոչարյան
7 հուլիսի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 հունիսի 2005 թվականի N 880-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ԴԵԿՏԵՄԲԵՐԻ 2-Ի N 1840-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ԵՎ ԵՐԵՔ ԳԼՈԲԱԼ` «ԿԵՆՍԱԲԱԶՄԱԶԱՆՈՒԹՅԱՆ ՄԱՍԻՆ», «ԿԼԻՄԱՅԻ ՓՈՓՈԽՈՒԹՅԱՆ ՄԱՍԻՆ» ԵՎ «ԱՆԱՊԱՏԱՑՄԱՆ ԴԵՄ ՊԱՅՔԱՐԻ ՄԱՍԻՆ» ԿՈՆՎԵՆՑԻԱՆԵՐԻՑ ԲԽՈՂ` ԽԱՉԱՁԵՎՎՈՂ
 ԽՆԴԻՐՆԵՐԻ ԻՐԱԿԱՆԱՑՄԱՆ ՄԻՋՈՑԱՌՈՒՄՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2004 թվականի դեկտեմբերի 2-ի «Մի շարք բնապահպանական միջազգային կոնվենցիաներից բխող` Հայաստանի Հանրապետության պարտավորությունների կատարման միջոցառումների ցանկը հաստատելու մասին» N 1840-Ն որոշման մեջ կատարել հետևյալ փոփոխությունը`

որոշման 3-րդ կետի «բ» ենթակետում «կարճաժամկետ, միջնաժամկետ և երկարաժամկետ ծրագրերը» բառերը փոխարինել «միջոցառումների ցանկը» բառերով:

2. Հաստատել երեք գլոբալ` «Կենսաբազմազանության մասին», «Կլիմայի փոփոխության մասին» և «Անապատացման դեմ պայքարի մասին» կոնվենցիաներից բխող` խաչաձևվող խնդիրների իրականացման միջոցառումների ցանկը` համաձայն հավելվածի:

3. Հայաստանի Հանրապետության առևտրի և տնտեսական զարգացման նախարարին, Հայաստանի Հանրապետության գյուղատնտեսության նախարարին, Հայաստանի Հանրապետության կրթության և գիտության նախարարին, Հայաստանի Հանրապետության ֆինանսների և էկոնոմիկայի նախարարին, Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահին, Հայաստանի Հանրապետության մարզպետներին` Հայաստանի Հանրապետության գիտությունների ազգային ակադեմիայի նախագահի, Հայաստանի Հանրապետության պետական կառավարման ակադեմիայի ռեկտորի, Հայաստանի  գյուղատնտեսական ակադեմիայի ռեկտորի հետ համատեղ՝ մինչև յուրաքանչյուր կիսամյակին հաջորդող ամսվա 15-րդ օրը Հայաստանի Հանրապետության բնապահպանության նախարարություն ներկայացնել տեղեկատվություն սույն որոշման հավելվածով նախատեսված միջոցառումների իրականացման ընթացքի մասին:

4. Հայաստանի Հանրապետության բնապահպանության նախարարին՝ մինչև յուրաքանչյուր կիսամյակին  հաջորդող ամսվա 30-րդ օրը սույն որոշման 3-րդ կետում նշված տվյալներն ամփոփել և Հայաստանի Հանրապետություն կառավարություն ու Հայաստանի Հանրապետության արտաքին գործերի նախարարություն ներկայացնել միջազգային բնապահպանական կոնվենցիաներից բխող` Հայաստանի Հանրապետության ստանձնած պարտավորությունների` խաչաձևվող խնդիրների կատարմանը նպատակաուղղված միջոցառումների իրականացման ընթացքի մասին հաշվետվություն:

5. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Ա. Մարգարյան
2005 թ. հուլիսի 2   Երևան
	Հավելված ՀՀ կառավարության 2005 թվականի հունիսի 16-ի N 880-Ն որոշման

Ց Ա Ն Կ

ԵՐԵՔ ԳԼՈԲԱԼ` «ԿԵՆՍԱԲԱԶՄԱԶԱՆՈՒԹՅԱՆ ՄԱՍԻՆ», «ԿԼԻՄԱՅԻ ՓՈՓՈԽՈՒԹՅԱՆ ՄԱՍԻՆ» ԵՎ «ԱՆԱՊԱՏԱՑՄԱՆ ԴԵՄ ՊԱՅՔԱՐԻ ՄԱՍԻՆ» ԿՈՆՎԵՆՑԻԱՆԵՐԻՑ ԲԽՈՂ` ԽԱՉԱՁԵՎՎՈՂ ԽՆԴԻՐՆԵՐԻ ԻՐԱԿԱՆԱՑՄԱՆ ՄԻՋՈՑԱՌՈՒՄՆԵՐԻ

NN ը/կ	Միջոցառման անվանումը	Կոնվենցիաների հոդվածները	Կատարման համար պատասխանատու պետական կառավարման մարմինները	Կատարման ժամկետը	Իրականացվող միջոցառման ֆինանսավորման աղբյուրը
1	2	3	4	5	6
1.	Կոնվենցիաների խաչաձևվող դրույթների իրականացմանը նպատակաուղղված բնապահպանական օրենսդրության կատարելագործում, մասնավորապես` ա) Հայաստանի Հանրապետության հողային օրենսգրքում լրացումների և փոփոխությունների կատարում բ) «Սևանա լճի մասին» ՀՀ օրենքում լրացումների և փոփոխությունների կատարում գ) «Բուսական աշխարհի մասին» ՀՀ օրենքում լրացումների և փոփոխությունների կատարում դ) «Մթնոլորտային օդի պահպանության մասին» ՀՀ օրենքում լրացումների և փոփոխությունների կատարում ե) «Շրջակա միջավայրի պահպանության մասին» ՀՀ օրենքի նախագծի մշակում	«Կենսաբազ-մազանության մասին» (ԿԲ)` հոդ. 8 «Կլիմայի փոփոխության մասին» (ԿՓ)` հոդ. 4 «Անապատաց-ման դեմ պայքարի մասին» (ԱԴՊ)` հոդ. 5	ՀՀ բնապահպանության նախարարություն	2006-2008 թթ.	ՀՀ պետական բյուջե՝ համապատասխան մարմնի պահպանման ծախսեր   ՄՖԿ (միջազգային ֆինանսական կազմակերպություններ) և դոնորների օժանդակություն/ դրամաշնորհներ **
2.	Կոնվենցիաների սիներգիկ խնդիրների իրականացման համակարգող պաշտոնական խորհրդակցական մարմնի ստեղծում` Գլոբալ բնապահպանական հիմնադրամի ազգային համակարգողին կից	ԿԲ` հոդ. 20, 21 ԿՓ` հոդ. 11, 21 ԱԴՊ` հոդ. 8	ՀՀ բնապահպանության նախարարություն	2005-2006 թթ.	ՀՀ պետական բյուջե՝ համապատասխան մարմնի պահպանման ծախսեր ՄՖԿ և դոնորների օժանդակություն/ դրամաշնորհներ**
3.	Կոնվենցիաների իրականացման համար հանրային սեկտորի կադրերի պլանավորման ռազմավարական մոտեցումների ձևավորում՝ կարիքների գնահատում, մասնագետների վերապատրաստման ծրագրերի մշակում	ԿԲ` հոդ. 12, 13 ԿՓ` հոդ. 6 ԱԴՊ` հոդ. 19	ՀՀ բնապահպանության նախարարություն ՀՀ քաղաքացիական ծառայության խորհուրդ ՀՀ կրթության և գիտության նախարարություն ՀՀ պետական կառավարման ակադեմիա ՀՀ մարզպետարաններ	2005 թ. շարունա-կական	ՀՀ պետական բյուջե՝ ծրագրային ֆինանսավորում * ՄՖԿ և դոնորների օժանդակություն/ դրամաշնորհներ **
4.	Շրջակա միջավայրի մոնիթորինգի դիտարկման ցանցերի ընդլայնում, տեխնիկական հագեցվածության բարելավում, տվյալների հավաքագրման և վերլուծության համակարգի կատարելագործում և հզորացում	ԿԲ` հոդ. 7 ԿՓ` հոդ. 5 ԱԴՊ` հոդ. 16	ՀՀ բնապահպանության նախարարություն ՀՀ գիտությունների ազգային ակադեմիա ՀՀ կրթության և գիտության նախարարություն	2005-2008 թթ.	ՀՀ պետական բյուջե՝ համապատասխան մարմնի պահպանման ծախսեր Գլոբալ բնապահպանական հիմնադրամի ծրագրի շրջանակներում ՄՖԿ և դոնորների օժանդակություն/ դրամաշնորհներ **
5.	Տեսական և գիտակիրառական ուսումնասիրությունների պետական ֆինանսավորման համակարգում կոնվենցիաներից բխող խնդիրներն ընդգրկելու համար մեխանիզմների մշակում	ԿԲ` հոդ. 18, 25 ԿՓ` հոդ. 6 ԱԴՊ` հոդ. 17	ՀՀ բնապահպանության նախարարություն ՀՀ կրթության և գիտության նախարարություն ՀՀ գիտությունների ազգային ակադեմիա	2006-2008 թթ.	ՀՀ պետական բյուջե՝ համապատասխան մարմնի պահպանման ծախսեր
6.	Կոնվենցիաների իրականացմանը նպաստող տեխնոլոգիաների մշակման, զարգացման, փոխանցման և ներդրման համակարգի ձևավորում, այդ թվում` նաև ստեղծելով կոնվենցիաներով նախատեսված տեխնոլոգիաների ազգային տեղեկատվական միջնորդ մեխանիզմներ և էլեկտրոնային տվյալների բազաներ	ԿԲ` հոդ. 16,17 ԿՓ` հոդ. 4 ԱԴՊ` հոդ. 17, 18	ՀՀ բնապահպանության նախարարություն ՀՀ կրթության և գիտության նախարարություն ՀՀ առևտրի և տնտեսական զարգացման նախարարություն ՀՀ գյուղատնտեսության նախարարություն ՀՀ գիտությունների ազգային ակադեմիա	2006 թ. շարունա-կական	ՀՀ պետական բյուջե՝ համապատասխան մարմնի պահպանման ծախսեր ՄՖԿ և դոնորների օժանդակություն/ դրամաշնորհներ **
7.	Կոնվենցիաների իրականացմանն ուղղված նորարարական ֆինանսական մեխանիզմների վերաբերյալ ծրագրերի մշակում` ներառյալ բնօգտագործման վճարների համակարգի կատարելագործումը, արտոնյալ վարկերի տրամադրման և մասնավոր սեկտորի հովանավորչության խթանումը, բնապահպանական տրաստային ֆոնդերի հիմնումը	ԿԲ` հոդ. 8, 11 ԿՓ` հոդ. 4, 12 ԱԴՊ` հոդ. 20	ՀՀ բնապահպանության նախարարություն ՀՀ ֆինանսների և էկոնոմիկայի նախարարություն ՀՀ արդարադատության նախարարություն	2006-2008 թթ.	ՀՀ պետական բյուջե՝ ծրագրային ֆինանսավորում * ՄՖԿ և դոնորների օժանդակություն/ դրամաշնորհներ **
8.	Բնական ռեսուրսների տնտեսագիտական գնահատման մեթոդոլոգիական մոտեցումների մշակում, որոնք լիարժեք կներառեն բնապահպանական արժեքը մշակվող տնտեսական գործիքներում (բնօգտագործման վճարների համակարգ, փոխհատուցման ռեժիմներ, վնասի և գերշահագործման տույժեր)	ԿԲ` հոդ. 8, 11 ԿՓ` հոդ. 4 ԱԴՊ` հոդ. 2	ՀՀ բնապահպանության նախարարություն ՀՀ ֆինանսների և էկոնոմիկայի նախարարություն ՀՀ գիտությունների ազգային ակադեմիա	2006-2010 թթ.	ՀՀ պետական բյուջե՝ ծրագրային ֆինանսավորում * ՄՖԿ և դոնորների օժանդակություն/ դրամաշնորհներ **
9.	Անտառային էկոհամակարգերի կայուն կառավարման համակարգի զարգացում` ներառելով գլոբալ բնապահպանական հիմնախնդիրները, մասնավորապես` ա) Հայաստանի օպտիմալ անտառապատվածության որոշում բ) անտառային կենսաբազմազանության և բնափայտային պաշարների գույքագրում և հաշվառում գ) անտառվերականգնման և անտառապատման գործողություններում ածխածնի կուտակման ֆինանսավորման եղանակների ճշգրտում դ) պլանտացիոն անտառաբուծության կազմակերպում ե) անտառշինության իրականացում և անտառկառավարման պլանների մշակում	ԿԲ` հոդ. 10 ԿՓ` հոդ. 4, 12 ԱԴՊ` հոդ. 2, 8	ՀՀ գյուղատնտեսության նախարարություն ՀՀ բնապահպանության նախարարություն ՀՀ գիտությունների ազգային ակադեմիա Հայաստանի գյուղատնտեսական ակադեմիա ՀՀ մարզպետարաններ	2005-2010 թթ.	ՀՀ պետական բյուջե՝ համապատասխան մարմնի պահպանման ծախսեր ՄՖԿ և դոնորների օժանդակություն/ դրամաշնորհներ** Բնական ռեսուրսների կառավարման և չքավորության նվազեցման ծրագրի շրջանակներում
10.	Բնական կերհանդակների կայուն օգտագործման համակարգի զարգացում, ներառյալ` ա) օրենսդրության կատարելագործում բ) վիճակի հաշվառում և գնահատում, բարելավման միջոցառումների իրականացում, ջրարբիացման համակարգերի վերականգնում գ) կառավարման տեղական պլանների մշակում դ) կենսաբազմազանության արժեքավորության և արդյունավետության գնահատման չափորոշիչների մշակում	ԿԲ` հոդ. 10 ԿՓ` հոդ. 4, 12 ԱԴՊ` հոդ. 28	ՀՀ գյուղատնտեսության նախարարություն ՀՀ բնապահպանության նախարարություն ՀՀ կառավարությանն առընթեր անշարժ գույքի կադաստրի պետական կոմիտե ՀՀ գիտությունների ազգային ակադեմիա ՀՀ մարզպետարաններ Հայաստանի գյուղատնտեսական ակադեմիա	2006-2010 թթ.	ՀՀ պետական բյուջե՝ ծրագրային ֆինանսավորում * ՄՖԿ և դոնորների օժանդակություն/ դրամաշնորհներ ** Բնական ռեսուրսների կառավարման և չքավորության նվազեցման ծրագրի շրջանակներում
11.	Կոնվենցիաներին վերաբերող խնդիրներին հասարակության իրազեկման ու դաստիարակության շարունակական գործընթացների կազմակերպում: Տեղական ինքնակառավարման մարմինների համար տեղական էկոլոգիական ծրագրերի մշակման, բնական ռեսուրսների կայուն օգտագործման մեթոդների և գործունեության մասին ուսուցողական ծրագրերի մշակում և իրականացում	ԿԲ` հոդ. 13 ԿՓ` հոդ. 6 ԱԴՊ` հոդ. 13,19	ՀՀ բնապահպանության նախարարություն ՀՀ կրթության և գիտության նախարարություն ՀՀ մարզպետարաններ ՀՀ գյուղատնտեսության նախարարություն ՀՀ գիտությունների ազգային ակադեմիա Հայաստանի գյուղատնտեսական ակադեմիա	2006 թ. շարունա-կական	ՀՀ պետական բյուջե՝ ծրագրային ֆինանսավորում * ՄՖԿ և դոնորների օժանդակություն/ դրամաշնորհներ** Բնական ռեսուրսների կառավարման և չքավորության նվազեցման ծրագրի շրջանակներում

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան