«Գրանցված է»

ՀՀ արդարադատության

նախարարության կողմից

19 մայիսի 2017 թ.

Պետական գրանցման թիվ 10017199

Հիմք ընդունելով «Հայաստանի Հանրապետության բնակչության սանիտարահամաճարակային անվտանգության ապահովման մասին» Հայաստանի Հանրապետության օրենքի 4-րդ հոդվածը, «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասը, Հայաստանի Հանրապետության կառավարության 2002 թվականի օգոստոսի 15-ի N 1300-Ն հրամանով հաստատված Հայաստանի Հանրապետության առողջապահության նախարարության կանոնադրության 12-րդ կետի «դ» ենթակետը.

Հրամայում եմ`

1. Հայաստանի Հանրապետության առողջապահության նախարարի 2002 թվականի մարտի 6-ի «Աղմուկն աշխատատեղերում, բնակելի և հասարակական շենքերում և բնակելի կառուցապատման տարածքներում N 2-III-11.3 սանիտարական նորմերը հաստատելու մասին» N 138 հրամանով հաստատված «Աղմուկն աշխատատեղերում, բնակելի և հասարակական շենքերում և բնակելի կառուցապատման տարածքներում» N 2-III-11.3 սանիտարական նորմերում (այսուհետ՝ Նորմեր) կատարել հետևյալ փոփոխությունները.

1) Նորմերի 2.1-րդ կետը շարադրել հետևյալ խմբագրությամբ.

«2.1 Ձայնային ճնշումը դա օդի կամ գազի փոփոխական բաղադրիչն է, որն առաջանում է ձայնային տատանումների արդյունքում (Պա):»:

2) Նորմերի 4.1-րդ կետում «P-ձայնային ճնշման միջին քառաձայն կուսի մեծությունն է ՊԱ,» բառերը փոխարինել «Ձայնային ճնշման միջին քառակուսային մեծությունն է (ՊԱ),» բառերով, «P₀ -2.15^-5 ՊԱ հավասար օդում ային ճնշման ելքային նշանակություն:» բառերը փոխարինել «Ձայնային ճնշման սկզբնական արժեքը օդում հավասար է 2.10^-5 ՊԱ:» բառերով:

3) Նորմերի 5.2-րդ կետում «մակարդակներին» բառը փոխարինել «մակարդակների» բառով:

4) Նորմերի աղյուսակ 3-ի 1-ին, 4-րդ, 5-րդ, 8-րդ, 9-րդ և 10-րդ կետերում «22⁰⁰-6⁰⁰» թվերը փոխարինել «6⁰⁰ -22⁰⁰ » թվերով, իսկ «6⁰⁰-22⁰⁰» թվերը փոխարինել «22⁰⁰-6⁰⁰» թվերով:

5) Նորմերի աղյուսակ 3-ի «Ծանոթության» 3-րդ կետում «եղանակային» բառը փոխարինել «տոնային» բառով և «(ուղղում=+5դԲԱ)» բառը փոխարինել (ուղղում=-5դԲԱ) բառով:

6) Նորմերի աղյուսակ 3-ի «Ծանոթության» 4-րդ կետում «Տոնալ» բառը փոխարինել «Տոնային» բառով:

7) Նորմերի 3.1-րդ կետում և աղյուսակ 1-ի «Ծանոթության» մեջ, հավելված 1-ի 23-րդ կետում «երանգային» բառերը փոխարինել «տոնային» բառերով և Նորմերի 3.1-րդ կետում «երանգներ» բառը փոխարինել «տոներ» բառով:

Լ. Ալթունյան