«Վավերացնում եմ» Հայաստանի Հանրապետության Նախագահ Ռ. Քոչարյան 4 փետրվարի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 դեկտեմբերի 2005 թվականի N 2335-Ն

ԾԱՌԱՅՈՂԱԿԱՆ ԳՈՐԾՈՒՂՄԱՆ ՄԵԿՆԱԾ ԱՇԽԱՏՈՂՆԵՐԻ ԳՈՐԾՈՒՂՄԱՆ ԾԱԽՍԵՐԻ ՀԱՏՈՒՑՄԱՆ ՀԱՄԱՐ ԿԱՏԱՐՎՈՂ ՎՃԱՐՈՒՄՆԵՐԻ ՆՎԱԶԱԳՈՒՅՆ ԵՎ ԱՌԱՎԵԼԱԳՈՒՅՆ ՉԱՓԵՐՆ ՈՒ ՎՃԱՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Համաձայն Հայաստանի Հանրապետության աշխատանքային օրենսգրքի 209-րդ հոդվածի 2-րդ մասի` Հայաստանի Հանրապետության կառավարությունը որոշում է.

1. Հաստատել`

ա) ծառայողական գործուղման մեկնած աշխատողների գործուղման ծախսերի հատուցման վճարման կարգը` համաձայն N 1 հավելվածի.

 բ) ծառայողական գործուղման մեկնած աշխատողների գործուղման ծախսերի նվազագույն չափը և պետական ու համայնքային բյուջեների միջոցներից հատկացվող գործուղման ծախսերի նվազագույն և առավելագույն չափերը` համաձայն N 2 հավելվածի.

գ) գործուղման վկայականի օրինակելի ձևը` համաձայն N 3 հավելվածի:

1.1. Սույն որոշումը չի տարածվում Հայաստանի Հանրապետության կենտրոնական բանկի կողմից գործուղված աշխատողների վրա:

(1.1-րդ կետը լրաց. 24.08.06 N 1422-Ն)

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Ա. Մարգարյան
2006 թ. հունվարի 25 Երևան

Հավելված N 1 ՀՀ կառավարության 2005 թվականի դեկտեմբերի 29-ի N 2335-Ն որոշման

Կ Ա Ր Գ

ԾԱՌԱՅՈՂԱԿԱՆ ԳՈՐԾՈՒՂՄԱՆ ՄԵԿՆԱԾ ԱՇԽԱՏՈՂՆԵՐԻ ԳՈՐԾՈՒՂՄԱՆ ԾԱԽՍԵՐԻ ՀԱՏՈՒՑՄԱՆ ՎՃԱՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում են ծառայողական գործուղման մեկնած աշխատողներին օրապահիկի վճարման և գործուղման ծախսերի հատուցման հետ կապված հարաբերությունները:

2. Ծառայողական գործուղումը գործատուի կամ նրա ներկայացուցչի կողմից աշխատողի հիմնական աշխատանքի վայրից դուրս որոշակի ժամկետով այլ վայրում աշխատանք կատարելու հանձնարարություն է:

3. Աշխատողները ծառայողական գործուղման մեկնում են գործատուի կողմից տրված հրամանի համաձայն, որում նշվում են գործուղման վայրը (վայրերը` քաղաք, գյուղ), կազմակերպության անվանումը, նպատակը և ժամկետները: Հրամանի հիման վրա ձևակերպվում է գործուղման վկայականը (բացի օտարերկրյա գործուղումներից), որն ստորագրվում և կնքվում է գործատուի կամ նրա ներկայացուցչի կողմից:

4. Գործուղման ժամանակահատվածում աշխատողի հիմնական աշխատանքի վայրից մեկնելու, գործուղման վայր ժամանելու, գործուղման վայրից մեկնելու և աշխատանքի հիմնական վայր վերադառնալու օրերը նշվում են գործուղման վկայականում: Եթե աշխատողը գործուղվում է մեկից ավելի վայրեր, ապա գործուղման վկայականում նշվում են յուրաքանչյուր վայր ժամանելու և այդ վայրից մեկնելու օրերը, որը կոնկրետ կազմակերպություն (կազմակերպություններ) գործուղվելու դեպքում պետք է ստորագրվի տվյալ կազմակերպության (կազմակերպությունների) պաշտոնատար անձի կողմից և վավերացվի տվյալ կազմակերպության (կազմակերպությունների) կնիքով, իսկ անհատ ձեռնարկատիրոջ կնիք չունենալու դեպքում պետք է նշվի նրա պետական գրանցման վկայականի համարը:

(4-րդ կետը լրաց. 16.10.08 N 1243-Ն)

5.(5-րդ կետն ուժը կորցրել է 24.08.06 N 1422-Ն)

 6. Գործուղման մեկնելու օր է համարվում աշխատողի հիմնական աշխատանքի վայրից մեկնելու օրը, իսկ վերադառնալու օրը` հիմնական աշխատանքի վայր ժամանելու օրը:

7. Գործուղված աշխատողին հատուցվում է օրապահիկը, գիշերավարձը, աշխատանքի հիմնական վայրից գործուղման վայրեր մեկնելու և վերադառնալու ճանապարհածախսը, ճանապարհին հարկադրական կանգառի ժամանակ հյուրանոցներում և համանման օբյեկտներում տեղերն ամրագրելու վճարը, պետական տուրքերը, մուտքի արտոնագրի ձևակերպման հետ կապված ծախսերը, ինչպես նաև ծառայողական գործուղման հետ կապված կապի (հեռախոս, ֆաքս, ինտերնետ ծառայություն), փաստաթղթերի թարգմանության և վավերացման, գործուղման հետ կապված այլ ծախսեր` համապատասխան փաստաթղթերի առկայության դեպքում:

Հիմնական աշխատանքի վայրից մինչև 30 կմ հեռավորությամբ այլ վայր մեկնելու կամ, անկախ հեռավորությունից, հիմնական աշխատանքի վայրից մեկնելու և նույն օրը վերադառնալու դեպքերում գործուղվող աշխատողին հատուցվում է միայն գործուղման ճանապարհածախսը:

Գործատուի կողմից հատուցման ենթակա չեն հրավիրող կողմի միջոցներից կամ այլ աղբյուրներից լրիվ ֆինանսավորման դեպքում կատարված ծախսերը: Հրավիրող կողմի միջոցներից կամ այլ աղբյուրներից ծախսերի մասնակի ֆինանսավորման դեպքում հատուցման ենթակա գումարի տարբերությունը գործուղվող աշխատողին վճարվում է գործատուի կողմից, որը պետական և համայնքի բյուջեներից ֆինանսավորման դեպքում չի կարող գերազանցել սույն որոշման N 2 հավելվածով նախատեսված չափերը (գիշերավարձի և օրապահիկի համար):

(7-րդ կետը փոփ., լրաց. 24.08.06 N 1422-Ն, խմբ. 16.10.08 N 1243-Ն)

8. Գործուղված աշխատողի ժամանակավոր անաշխատունակության դեպքում աշխատողը գործատուի հրամանով գործուղումից հետ է կանչվում: Գործուղվող աշխատողին ընդհանուր հիմունքներով վճարվում է ժամանակավոր անաշխատունակության նպաստ, իսկ գործուղման չաշխատած օրերի համար վճարված գիշերավարձի և օրապահիկի գումարները հետ են գանձվում:

9. Գործուղվող աշխատողին գործուղման ծախսերի հատուցումը տրվում է գործուղում մեկնելուց առնվազն մեկ օր առաջ: Գործուղումից վերադառնալուց հետո, 3 աշխատանքային օրվա ընթացքում աշխատողը պարտավոր է ներկայացնել գործուղման վկայականը, փաստացի կատարված ծախսերի հաշվետվությունը, գործուղման ծախսերը հաստատող փաստաթղթերը:

(9-րդ կետը փոփ. 24.08.06 N 1422-Ն)

10. Ոչ պետական և ոչ համայնքի բյուջեներից ֆինանսավորման դեպքում Հայաստանի Հանրապետության տարածքում, Լեռնային Ղարաբաղի Հանրապետություն և օտարերկրյա պետություններ գործուղման դեպքում գործուղման ծախսերի` սույն որոշման N 2 հավելվածով նախատեսված չափերը համարվում են նվազագույն չափեր:

(10-րդ կետը խմբ. 24.08.06 N 1422-Ն, լրաց. 16.10.08 N 1243-Ն)

II. ՕՏԱՐԵՐԿՐՅԱ ՊԵՏՈՒԹՅՈՒՆՆԵՐ ԳՈՐԾՈՒՂՎՈՂ ԱՇԽԱՏՈՂՆԵՐԻ ԳՈՐԾՈՒՂՄԱՆ ԾԱԽՍԵՐԻ ՀԱՏՈՒՑՈՒՄԸ

11. Սույն որոշման N 2 հավելվածով նախատեսված օրապահիկի ծախսերի չափերը պետական և համայնքի բյուջեներից ֆինանսավորման դեպքում համարվում են նվազագույն և առավելագույն չափեր, գիշերավարձի ծախսերի չափերը` առավելագույն չափեր:

Գործուղումից վերադառնալուց հետո գիշերավարձի ծախսերը հատուցվում են փաստացի կատարված ծախսերը հիմնավորող փաստաթղթերի հիման վրա` դրանցով սահմանված չափով, որը պետական և համայնքի բյուջեներից ֆինանսավորման դեպքում չի կարող գերազանցել սույն որոշման N 2 հավելվածով նախատեսված չափերը, իսկ այդպիսի փաստաթղթերի բացակայության դեպքում հատուցման ենթակա է սույն որոշման N 2 հավելվածով նախատեսված չափի 70 տոկոսը, որը համարվում է նվազագույն չափ: Գործուղված աշխատողին վճարված գումարի և հատուցման ենթակա գումարի տարբերությունը վերադարձվում է գործատուին:

(11-րդ կետը խմբ. 24.08.06 N 1422-Ն)

12. Գործուղման ծախսերը հաստատող փաստաթղթերը ներկայացվում են այն պետական մարմին, որտեղից գործուղվել է տվյալ անձը: Պետական մարմինը դրանք ընդունելուց և ուսումնասիրելուց հետո, ծախսերը հիմնավոր համարելու դեպքում` գործուղման ֆինանսավորումն իրականացնելու նպատակով, բյուջեների կատարման կարգը սահմանող ընթացակարգերով նախատեսվող վճարումները հիմնավորող փաստաթղթերը ներկայացնում է Հայաստանի Հանրապետության ֆինանսների և էկոնոմիկայի նախարարություն:

13. Գիշերավարձի և օրապահիկի ծախսերը հատուցվում են սույն որոշման N 2 հավելվածով նախատեսված չափերով: Եթե գործուղման հրամանով տվյալ գործուղման փաստացի կատարված ծախսերի հատուցման պահանջ է սահմանվում, ապա գիշերավարձի ծախսերի հատուցումը կատարվում է փաստացի կատարված ծախսերի, այդ թվում` նաև ամրագրումը հաստատող փաստաթղթերի համաձայն:

(13-րդ կետը փոփ. 24.08.06 N 1422-Ն)

14. Ճանապարհածախսի հետ միասին հատուցվում են նաև Հայաստանի Հանրապետությունից օդային ուղևորների ելքի համար պետական տուրքի և մեկնման ապահովագրության գծով կատարվող ծախսերը, այդ թվում` նաև ճանապարհածախսը հրավիրող կողմի հաշվին հատուցվելու դեպքում, Հայաստանի Հանրապետության օրենսդրությամբ սահմանված կարգով Հայաստանի Հանրապետության օդանավակայաններում պաշտոնական պատվիրակությունների սրահներից օգտվելու ծախսերը, տարանցիկ չվերթի ժամանակ օտարերկրյա օդանավակայանների միջև, ինչպես նաև օդանավակայանից կամ երկաթուղային կայարանից մինչև հյուրանոց ճանապարհածախսը: Նշված գործուղումների ճանապարհածախսի գծով կատարված այլ լրացուցիչ ծախսերը չեն հատուցվում, եթե համապատասխան հրամանը հատուցման այդպիսի պահանջ չի սահմանում:

15. Ճանապարհածախսը հաստատող փաստաթղթեր են համարվում տրանսպորտային միջոցի տոմսի պատճենը, դրա բացակայության դեպքում ծառայություն մատուցած ընկերության կողմից տրամադրված` գործուղվողի մեկնման վերաբերյալ համապատասխան հաստատող փաստաթուղթը, Հայաստանի Հանրապետությունից օդային ուղևորների ելքի համար պետական տուրքի և մեկնման ապահովագրական վճարումը հիմնավորող փաստաթուղթը, Հայաստանի Հանրապետության օդանավակայաններում պաշտոնական պատվիրակությունների սրահներից օգտվելու ծախսը հաստատող փաստաթուղթը:

16. Գիշերավարձից բացի, հյուրանոցային այլ ծառայություններից օգտվելու ծախսերը, համապատասխան հրամանի փաստացի ծախսերի վճարման պահանջ սահմանելու դեպքում, հաստատող փաստաթղթի առկայությամբ կարող են հատուցվել գործուղված անձի` նույն գործուղման գիշերավարձի փաստացի վճարման ենթակա ընդհանուր գումարի 5 տոկոսից ոչ ավելի չափով:

17. Գործուղման վայր մեկնելու և այնտեղից վերադառնալու ժամանակ տարանցիկ վայրում հարկադրաբար կանգառի դեպքում նույն վայրում կատարված ծախսերը հատուցվում են տվյալ երկրի գիշերավարձը հաստատող փաստաթղթի առկայության դեպքում:

18. Գիշերավարձը հատուցելու դեպքում` հաստատող փաստաթուղթ է համարվում տվյալ անձի հյուրանոցում գտնվելու գործուղման ժամանակահատվածը հաստատող հյուրանոցի կողմից տրված փաստաթուղթը, ինչպես նաև հյուրանոցային նախնական ամրագրման փաստաթուղթը: Գիշերավարձը հաստատող փաստաթուղթն այն ստացող պետական մարմնի պահանջով կարող է թարգմանվել և վավերացվել: Թարգմանության և վավերացման ծախսերը համապատասխան հրամանի համաձայն ենթակա են հատուցման տվյալ մարմնի պահպանման ծախսերի շրջանակներում:

19. Գործուղման ծախսերի հատուցման գումարների հաշվարկները կատարվում են գործուղման մասին հրամանի արձակման օրվանից հետո 2 աշխատանքային օրվա ընթացքում` հաշվարկների կատարման օրը Հայաստանի Հանրապետության կենտրոնական բանկի կողմից սահմանված ԱՄՆ-ի դոլարի կամ եվրոյի վաճառքի համապատասխան փոխարժեքով:

Գործուղման ծախսերի հատուցման գումարների վերջնահաշվարկը կատարվում է գործուղման փաստացի ծախսերի մասին հաշվետվությունը ներկայացվելուց հետո 5 աշխատանքային օրվա ընթացքում, փոխանակումը հաստատող փաստաթղթով սահմանված փոխարժեքով, այդպիսի փաստաթղթի բացակայության դեպքում` վերջնահաշվարկի կատարման օրը Հայաստանի Հանրապետության կենտրոնական բանկի կողմից սահմանված ԱՄՆ-ի դոլարի կամ եվրոյի վաճառքի համապատասխան փոխարժեքով, իսկ ծախսերը հաստատող փաստաթղթերն այլ տարադրամով (որի վաճառքի փոխարժեքը Հայաստանի Հանրապետության կենտրոնական բանկի կողմից սահմանված չէ) ներկայացվելու դեպքում` տվյալ տարադրամի գծով Հայաստանի Հանրապետության կենտրոնական բանկի կողմից հրապարակված արժութային շուկաներում ձևավորված միջին փոխարժեքով:

(19-րդ կետը խմբ. 24.08.06 N 1422-Ն, փոփ. 08.11.07 N 1318-Ն)

III. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԵՎ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂՎՈՂ ԱՇԽԱՏՈՂՆԵՐԻ ԳՈՐԾՈՒՂՄԱՆ ԾԱԽՍԵՐԻ ՀԱՏՈՒՑՈՒՄԸ

(Վերնագիրը լրաց. 16.10.08 N 1243-Ն)

20.(20-րդ կետն ուժը կորցրել է 24.08.06 N 1422-Ն)

 21. Հայաստանի Հանրապետության տարածքում և Լեռնային Ղարաբաղի Հանրապետություն ծառայողական գործուղման մեկնած աշխատողին գործուղում մեկնելուց առաջ օրապահիկը վճարվում է ամբողջությամբ, գիշերավարձը և ճանապարհածախսը` սույն կարգով սահմանված նվազագույն գումարի չափով: Պետական և համայնքի բյուջեների միջոցներից հատկացվող օրապահիկի ծախսերի չափը` 2000 դրամը, համարվում է նվազագույն, որը նաև առավելագույն է: Գործուղումից վերադառնալուց հետո գործուղման ծախսերը հաստատող փաստաթղթերը ներկայացվելու դեպքում 5 աշխատանքային օրվա ընթացքում հատուցման ենթակա է համարվում գիշերավարձի և ճանապարհածախսի գումարի տարբերությունը, բայց ոչ ավելի, քան սույն կարգով սահմանված առավելագույն չափը:

(21-րդ կետը լրաց. 24.08.06 N 1422-Ն, լրաց., փոփ. 16.10.08 N 1243-Ն)

22. Հայաստանի Հանրապետության տարածքում և Լեռնային Ղարաբաղի Հանրապետություն գործուղվող աշխատողի համար ճանապարհածախսի նվազագույն չափ է համարվում հիմնական աշխատանքի վայրից դեպի գործուղման վայր հասնելու համար անհրաժեշտ գործող միջմարզային կամ միջպետական ավտոբուսային երթուղիների սակագները: Պետական և համայնքային բյուջեների միջոցներից ֆինանսավորման դեպքում առավելագույն չափ է համարվում միկրոավտոբուսային համապատասխան երթուղու սակագինը:

(22-րդ կետը խմբ. 24.08.06 N 1422-Ն, 16.10.08 N 1243-Ն)

23. Հայաստանի Հանրապետության պետական պահպանության ծառայության աշխատողների գործուղման ծախսերը, Հայաստանի Հանրապետության Նախագահի ամառային և ձմեռային արձակուրդների ժամանակ, հատուցվում են փաստացի կատարված ծախսերը հիմնավորող փաստաթղթերի համաձայն:

 24. Առանձին դեպքերում՝ պատճառաբանված հիմնավորումների առկայության պայմաններում, Հայաստանի Հանրապետության տարածքում բյուջետային հիմնարկների աշխատողների գործուղման ծախսերը հատուցվում են փաստացի կատարված ծախսերը հիմնավորող փաստաթղթերի համաձայն` գործուղումը նախապես համաձայնեցնելով Հայաստանի Հանրապետության ֆինանսների և էկոնոմիկայի նախարարության հետ:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 2 ՀՀ կառավարության 2005 թվականի դեկտեմբերի 29-ի N 2335-Ն որոշման

Հայաստանի Հանրապետության տարածքում եվ Լեռնային Ղարաբաղի Հանրապետություն գործուղվող աշխատողների գործուղման ծախսերի չափերը

Օրապահիկի ծախսերի չափը (դրամ) Գիշերավարձի չափը (դրամ) նվազագույն առավելագույն (պետական և համայնքային բյուջեների միջոցներից հատկացվող ծախսերի)   տարածք և ԼՂՀ Երևան   2000 5000 15000 25000 Օտարերկրյա պետություններ գործուղվող աշխատողների գործուղման ծախսերի չափերը NN ը/կ Երկրները Օրապահիկի ծախսերի չափը Գիշերավարձի ծախսերի չափը (մեկ օրվա համար) եվրո ԱՄՆ-ի դոլար եվրո ԱՄՆ-ի դոլար 1 2 3 4 5 6 1. ԱԼԲԱՆԻԱ           Տիրանա   58   108   տարածք   45   54 2. ԱԼԺԻՐ           Ալժիր   144   144   տարածք   62   47 3. ԱՄՆ           Վաշինգտոն   103   218   Նյու Յորք   101   246   Լոս Անջելես   79   168   ԱՄՆ (տարածք)   76   125 4. ԱՆԳՈԼԱ           Լուանդա   118   145   տարածք   60   70 5. ԱՆՏԻԳՈՒԱ և ԲԱՐԲՈՒԴԱ           Անտիգուա   124   172   Բարբուդա         6. ԱՎՍՏՐԱԼԻԱ           Կանբերա   162   150   տարածք   120   141 7. ԱՎՍՏՐԻԱ 119   98   8. ԱՐԱԲԱԿԱՆ ՄԻԱՑՅԱԼ ԷՄԻՐՈՒԹՅՈՒՆՆԵՐ           Աբու Դաբի   112   239   տարածք   94   159 9. ԱՐԳԵՆՏԻՆԱ           Բուենոս Այրես   78   158   տարածք   56   38 10. ԱՖՂԱՆՍՏԱՆ           Քաբուլ   77   81   տարածք   48   74 11. ԲԱՆԳԼԱԴԵՇ           Դակա   36   67   տարածք   20   18 12. ԲԱՐԲԱԴՈՍ (16.04-15.12)   100   133   ԲԱՐԲԱԴՈՍ(16.12-15.04)   102   153 13. ԲԱՀԱՄՅԱՆ ԿՂԶԻՆԵՐ (21.04-19.12)   101   173   ԲԱՀԱՄՅԱՆ ԿՂԶԻՆԵՐ (20.12-20.04)   107   199 14. ԲԱՀՐԵՅՆ   73   180 15. ԲԵԼԳԻԱ 116   174   16. ԲԵԼԻԶ           Բելիզ   80   124   տարածք   67   85 17. ԲԵՆԻՆ           Պորտո-Նովո   79   86   տարածք   37   57.34 18. ԲԵՐՄՈՒԴՅԱՆ ԿՂԶԻՆԵՐ (01.12-14.12)   37   112   ԲԵՐՄՈՒԴՅԱՆ ԿՂԶԻՆԵՐ (15.03-30.11)   80   135 19. ԲՈՒԹԱՆ           Թխիմփխու   44   84   տարածք   25   42 20. ԲՈԼԻՎԻԱ           Սուկրե   15   37   տարածք   17   28 21. ԲՈՍՆԻԱ ԵՎ ՀԵՐՑՈԳՈՎԻՆԱ           Սարաևո   60   94   տարածք   37   46 22. ԲՈՏՍՎԱՆԱ           Գաբորոնե   65   122   տարածք   39   59 23. ԲՐԱԶԻԼԻԱ           Բրազիլիա   85   217   տարածք   42   95 24. ԲՐՈՒՆԵՅ           Բանդար-Սերի-Բագավան   86   141 25. ԲՈՒԼՂԱՐԻԱ           Սոֆիա   56   126   տարածք   26   32 26. ԲՈՒՐԿԻՆԱ ՖԱՍՈ           Ուագադուգու   89   97   տարածք   42   44 27. ԲՈՒՐՈՒՆԴԻ           Բուժումբուրա   71   131   տարածք   26   18 28. ԳԱԲՈՆ           Լիբրեվիլ   143   149   տարածք   50   66.12 29. ԳԱՄԲԻԱ           Բանժուլ   88   144   տարածք   20   29 30. ԳԱՅԱՆԱ           Ջորջթաուն   56   131   տարածք   22   44 31. ԳԱՆԱ           Ակրա   32   65   տարածք   23   40 32. ԳԵՐՄԱՆԻԱ           Բեռլին 90   134     տարածք 76   86   33. ԳՎԱՏԵՄԱԼԱ           Գվատեմալա   86   97   տարածք   66   63 34. ԳՎԻՆԵԱ           Կոնակրի   63   98   տարածք   21   19 35. ԳՎԻՆԵԱ - ԲԻՍԱՈՒ           Բիսաու   86   140   տարածք   68   50 36. ԳՐԵՆԱԴԱ (16.04-14.12)   83   136   ԳՐԵՆԱԴԱ (16.04-14.12)   91   161 37. ԴԱՆԻԱ   138   206 38. ԴՈՄԻՆԻԿՅԱՆ ՀԱՆՐԱՊԵՏՈՒԹՅՈՒՆ           Սանտո-Դոմինգո   74   112   տարածք   27   40 39. ԵԳԻՊՏՈՍ           Կահիրե   73   119   տարածք   31   41 40. ԵԹՈՎՊԻԱ           Ադիս Աբեբա   27   72   տարածք   21   24 41. ԵՄԵՆ           Սանա   62   75   տարածք   30   33 42. ԶԱՄԲԻԱ           Լուսակա   66   100   տարածք   36   56 43. ԶԻՄԲԱԲՎԵ           Խարարե   98   103   տարածք   65   102 44. ԷԿՎԱԴՈՐ           Կիտո   89   89   տարածք   41   41 45. ԷՐԻԹՐԵԱ           Ասմերա   43   54   տարածք   32   17 46. ԹԱԻԼԱՆԴ           Բանգկոկ   85   127   տարածք   24   40 47. ԹՈՒՆԻՍ           Թունիս   86   90   տարածք   66   58 48. ԹՈՒՐՔԻԱ           Անկարա   64   82   Ստամբուլ   75   117   տարածք   42   58 49. ԻՆԴՈՆԵԶԻԱ           Ջակարտա   70   90   տարածք   35   52 50. ԻՌԼԱՆԴԻԱ 93   158   51. ԻՍԼԱՆԴԻԱ (հոկտ.- ապրիլ)   117   190   ԻՍԼԱՆԴԻԱ (մայիս-սեպտ.)   129   249 52. ԻՍՊԱՆԻԱ           Մադրիդ 116   147     տարածք 64   101   53. ԻՍՐԱՅԵԼ           Թել Ավիվ   119   178   Երուսաղեմ   82   134   տարածք   84   74 54. ԻՏԱԼԻԱ           Հռոմ 108   143     տարածք 101   89   55. ԻՐԱՆ           Թեհրան   68   151   տարածք   54   69 56. ԻՐԱՔ           Բաղդադ   51   70   տարածք   51   46 57. ԼԱՈՍ           Վյենտյան   31   44   տարածք   18   13 58. ԼԵՀԱՍՏԱՆ           Վարշավա   84   178   տարածք   68   127 59. ԼԵՍՈԹՈ           Մասերու   51   95   տարածք   42   66 60. ԼԻԲԱՆԱՆ           Բեյրութ   101   128   տարածք   42   65 61. ԼԻԲԵՐԻԱ           Մոնրովիա   129   129   տարածք   33   25 62. ԼԻԲԻԱ           Տրիպոլի   70   120   տարածք   57   54 63. ԼԻԽՏԵՆՇՏԱՅՆ   54   45 64. ԼՅՈՒՔՍԵՄԲՈՒՐԳ 79   104   65. ԿԱԲՈ-ՎԵՐԴԵԻ ՀԱՆՐԱՊԵՏՈՒԹՅՈՒՆ           Պրայա   129   123   տարածք   90   49 66. ԿԱՄԵՐՈՒՆ           Յաունդե   77   112   տարածք   52   52 67. ԿԱՄԲՈՋԱ           Պնոմպեն   51   77   տարածք   17   19 68. ԿԱՆԱԴԱ           Օտավա   157   176   տարածք   104   139 69. ԿԱՏԱՐ   117   191 70. ԿԵՆՏՐՈՆԱԿԱՆ ԱՖՐԻԿՅԱՆ ՀԱՆՐԱՊԵՏՈՒԹՅՈՒՆ           Բանգի   84   81   տարածք   22   11 71. ԿԻՊՐՈՍ           Նիկոսիա   101   135   տարածք   93   109 72. ԿՈԼՈՒՄԲԻԱ           Բոգոտա   60   140   տարածք   19   34 73. ԿՈՄՈՐՅԱՆ ԿՂԶԻՆԵՐ           Մորոնի   67   96   տարածք   46   37 74. ԿՈՅՄԱՆՅԱՆ ԿՂԶԻՆԵՐ (01.12-30.04)   72   178   ԿՈՅՄԱՆՅԱՆ ԿՂԶԻՆԵՐ (01.05-30.11)   64   119 75. ԿՈՆԳՈ           Բրազավիլ   30   160   տարածք   31   48 76. ԿՈՆԳՈՅԻ ԴԵՄՈԿՐԱՏԱԿԱՆ ՀԱՆՐԱՊԵՏՈՒԹՅՈՒՆ (ԶԱԻՐ)           Կինշասա   22   113   տարածք   26   38 77. ԿՈՍՏԱ ՌԻԿԱ           Սան Խոսե   51   96   տարածք   7   50 78. ԿՈՏ Դ, ԻՎՈՒԱՐԻ ՀԱՆՐԱՊԵՏՈՒԹՅՈՒՆ           Յամուսուկրո   103   61   տարածք   42   30 79. ԿՈՐԵԱՅԻ ԺՈՂՈՎՐԴԱ-ԴԵՄՈԿՐԱՏԱԿԱՆ ՀԱՆՐԱՊԵՏՈՒԹՅՈՒՆ           Փխենյան   52   96   տարածք   51   60 80. ԿՈՒԲԱ           Հավանա   96   137   տարածք   44   72 81. ՀԱԻԹԻ           Պորտ-օ-Պրենս   104   99   տարածք   30   72 82. ՀԱՍԱՐԱԿԱԾԱՅԻՆ ԳՎԻՆԵԱ           Մալաբո   128   138   տարածք   75   88 83. ՀԱՐԱՎԱՅԻՆ ԿՈՐԵԱ           Սեուլ   189   189   տարածք   156   108 84. ՀԱՐԱՎԱՅԻՆ ԱՖՐԻԿԱՅԻ ՀԱՆՐԱՊԵՏՈՒԹՅՈՒՆ           Պրիտորիա   68   116   տարածք   55   85 85. ՀԱՐԱՎՍԼԱՎԻԱ           Բելգրադ   88   121   տարածք   45   59 86. ՀՆԴԿԱՍՏԱՆ           Դելի   45   110   տարածք   35   78 87. ՀՈՆԴՈՒՐԱՍ           Տեգուսիգալպա   65   89   տարածք   31   58 88. ՀՈՆԿՈՆԳ   90   220 89. ՀՈՐԴԱՆԱՆ           Աման   78   132   տարածք   74   102 90. ՀՈՒՆԱՍՏԱՆ           Աթենք 88   156     տարածք 59   100   91. ՀՈՒՆԳԱՐԻԱ   95   177 92. ՃԱՊՈՆԻԱ           Տոկիո   133   156   տարածք   90   90 93. ՄԱԴԱԳԱՍԿԱՐ           Անտանանարիվու   75   100   տարածք   33   35 94. ՄԱԼԱՎԻ           Լիլոնգվե   38   54   տարածք   32   44 95. ՄԱԼԱԶԻԱ           Կուալա-Լումպուր   73   94   տարածք   51   91 96. ՄԱԼԴԻՎՅԱՆ ՀԱՆՐԱՊԵՏՈՒԹՅՈՒՆ           Մալե   46   90   տարածք (մայիս-հուլիս)   105   171   տարածք (օգոստոս-ապրիլ)   125   267 97. ՄԱԼԹԱ   131   174 98. ՄԱԼԻ           Բամակո   158   134   տարածք   75   87 99. ՄԱԿԱՈ   47   92 100. ՄԱՎՐԻԿԻ           Պորտ Լուի   88   144   տարածք   14   92 101. ՄԱՎՐԻՏԱՆԻԱ           Նուակշոտ   86   128   տարածք   14   19 102. ՄԱՐՈԿԿՈ           Ռաբատ   71   106   տարածք   52   69 103. ՄԱԿԵԴՈՆԻԱ           Սկոպյե   47   111   տարածք   30   55 104. ՄԵԾ ԲՐԻՏԱՆԻԱ (Լոնդոն)           Լոնդոն   166   270   տարածք   117   286 105. ՄԵՔՍԻԿԱ           Մեխիկո   117   175   տարածք   78   99 106. ՄՅԱՆՄԱ           Յանգոն   38   52   տարածք   17   22 107. ՄՈԶԱՄԲԻԿ           Մապուտու   86   90   տարածք   40   48 108. ՄՈՆԱԿՈ 87   115   109. ՋԱՄԱՅԿԱ           Քինգստոն   71   127   տարածք (16.04-14.12)   27   178   տարածք (15.12-15.04)   35   233 110. ՆԱՄԻԲԻԱ           Վինդհուկ   56   105   տարածք   25   29 111. ՆԵՊԱԼ           Կատմանդու   48   75   տարածք   15   21 112. ՆԻԳԵՐ           Նիամեյ   56   103   տարածք   32   37 113. ՆԻԳԵՐԻԱ           Աբուջա   56   88   տարածք   42   74 114. ՆԻԴԵՐԼԱՆԴՆԵՐ 105   128   115. ՆԻԿԱՐԱԳՈՒԱ           Մանագուա   63   98   տարածք   34   48 116. ՆՈՐ ԶԵԼԱՆԴԻԱ           Վելինգտոն   122   143   տարածք   103   126 117. ՆՈՐՎԵԳԻԱ   116   225 118. ՇՎԵԴԻԱ           Ստոկհոլմ   91   289   տարածք   84   228 119. ՇՎԵՅՑԱՐԻԱ   142   166 120. ՇՐԻ ԼԱՆԿԱ           Կոլոմբո   47   63   տարածք   25   47 121. ՉԱԴ           Նջամենա   97   189   տարածք   51   64 122. ՉԵԽԻԱ           Պրահա   95   203   տարածք   34   56 123. ՉԻԼԻ           Սանտյագո   83   93   տարածք   73   101 124. ՉԻՆԱՍՏԱՆ           Պեկին   96   96   տարածք   41   65 125. ՊԱԼԱՈՒ ԿՂԶԻ           Կորոր   101   158   տարածք   25     126. ՊԱԿԻՍՏԱՆ           Իսլամաբադ   37   85   տարածք   20   40 127. ՊԱՆԱՄԱ           Պանամա   84   87   տարածք   28   28 128. ՊԱՊՈՒԱ ՆՈՐ ԳՎԻՆԵԱ           Պորտ Մորսբի   74   137   տարածք   36   43 129. ՊԱՐԱԳՎԱՅ           Ասունսյոն   35   81   տարածք   20   29 130. ՊԵՐՈՒ           Լիմա   107   107   տարածք   57   66 131. ՊՈՐՏՈՒԳԱԼԻԱ 91   131   132. ՊՈՒԵՐՏՈ ՌԻԿՈ (20.12-30.04)   131   253   ՊՈՒԵՐՏՈ ՌԻԿՈ (01.12-20.12)   137   319 133. ՋԻԲՐԱԼԹԱՐ   61   64 134. ՋԻԲՈՒԹԻ           Ջիբութի   64   91   տարածք   42   38 135. ՌՈՒԱՆԴԱ           Կիգալի   55   113   տարածք   30   32 136. ՌՈՒՄԻՆԻԱ           Բուխարեստ   77   142   տարածք   47   70 137. ՍԱԼՎԱԴՈՐ           Սան Սալվադոր   70   104   տարածք   36   46 138. ՍԱՄՈԱ           Ապիա   55   174   տարածք   7   18 139. ՍԱՆ ՄԱՐԻՆՈ         140. ՍԱՆ ՏՈՄԵ ԵՎ ՊՐԻՆՍԻՊԻ           Սան Տոմե   43   77   տարածք   45   50 141. ՍԱՈՒԴՅԱՆ ԱՐԱԲԻԱ           Էր-Ռիադ   86   130   տարածք   63   69 142. ՍԵՅՇԵԼՅԱՆ ԿՂԶԻՆԵՐ   57   90 143. ՍԵՆԵԳԱԼ           Դակար   105   145   տարածք   63   69 144. ՍԵՆԹ ԼՅՈՒՍԻԱ (15.04-14.12)   79   114   ՍԵՆԹ ԼՅՈՒՍԻԱ(15.12-14.04)   83   154 145. ՍԻԵՐԱ ԼԵՈՆ           Ֆրիթաուն   68   61   տարածք   29   31 146. ՍԻՆԳԱՊՈՒՐ   128   201 147. ՍԻՐԻԱ           Դամասկոս   64   113   տարածք   27   53 148. ՍՈՄԱԼԻ           Մոգադիշո   29   57   տարածք   15   20 149. ՍՈԼՈՄՈՆՅԱՆ ԿՂԶԻՆԵՐ           Խոնիարա   71   73   տարածք   21   18 150. ՍՎԱԶԻԼԵՆԴ           Մբաբանե   53   112   տարածք   52   89 151. ՍՈՒԴԱՆ           Խարտում   60   106   տարածք   41   32 152. ՍՈՒԼԹԱՆԱՏ ՕՄԱՆ           Մասկատ   109   193   տարածք   72   87 153. ՍԼՈՎԱԿԻԱ           Բրատիսլավա   105   214   տարածք   59   100 154. ՍԼՈՎԵՆԻԱ           Լյուբլյանա 65   137     տարածք 35   83   155. ՍՈՒՐԻՆԱՄ   60   121 156. ՎԱՆՈՒԱՏՈՒ           Պորտ Վիլա   149   190   տարածք   46   47 157. ՎԵՆԵՍՈՒԵԼԱ           Կարակաս   89   146   տարածք   35   42 158. ՎԻԵՏՆԱՄ           Հանոյ   41   75   տարածք   22   38 159. ՏԱՆԶԱՆԻԱ           Դար-Էս-Սալամ   38   90   տարածք   28   44 160. ՏՈԳՈ           Լոմե   113   118   տարածք   38   24 161. ՏՈՆԳԱ           Նուկուալոֆա   76   104   տարածք         162. ՏՐԻՆԻԴԱԴ ԵՎ ՏՈԲԱԳՈ           ՏՈԲԱԳՈ (15.04-15.12)   119   151   ՏՈԲԱԳՈ (16.12-14.04)   124   179   տարածք   114   195 163. ՈՒԳԱՆԴԱ           Կամպալա   58   135   տարածք   23   50 164. ՈՒՐՈՒԳՎԱՅ           Մոնտեվիդեո   57   117   տարածք   41   44 165. ՔԵՆԻԱ           Նայրոբի   73   129   տարածք   38   51 166. ՔՈՒՎԵՅԹ   119   266 167. ՖԻԼԻՊԻՆՆԵՐ           Մանիլա   55   98   տարածք   22   50 168. ՖԻՆԼԱՆԴԻԱ           Հելսինկի 60   154     տարածք 61   112   169. ՖԻՋԻ           Սուվա   122   108   տարածք   56   49 170. ՖՐԱՆՍԻԱ           Փարիզ 99   137     տարածք 92   113   171. ԽՈՐՎԱԹԻԱ           Զագրեբ   110   114   տարածք   74   60 172. ԼԱՏՎԻԱ           Ռիգա   77   121   տարածք   72   67 173. ԼԻՏՎԱ           Վիլնյուս   102   153   տարածք   74   98 174. ԷՍՏՈՆԻԱ           Տալլին   125   135   տարածք   94   90   ԱՊՀ անդամ երկրներ         175. ՌՈՒՍԱՍՏԱՆԻ ԴԱՇՆՈՒԹՅՈՒՆ           Մոսկվա   196   334   Սանկտ Պետերբուրգ   69   160   Սոչի   51   120   Դոնի Ռոստով   92   172   տարածք   43   88 176. ՄՈԼԴՈՎԱ           Քիշնև   72   109   տարածք   21   32 177. ՈՒԿՐԱԻՆԱ           Կիև   79   124   տարածք   40   82 178. ՎՐԱՍՏԱՆ           Թբիլիսի   78   122   Ջավախք   40   53   տարածք   54   69 179. ԱԴՐԲԵՋԱՆԻ ՀԱՆՐԱՊԵՏՈՒԹՅՈՒՆ           Բաքու   90   124   տարածք   50   48 180. ԲԵԼԱՌՈՒՍԻ ՀԱՆՐԱՊԵՏՈՒԹՅՈՒՆ           Մինսկ   65   112   տարածք   50   76 181. ՂԱԶԱԽՍՏԱՆ           Աստանա   88   127   տարածք   29   64 182. ՂՐՂԸԶՍՏԱՆ           Բիշքեկ   81   71   տարածք   8   55 183. ՏԱՋԻԿՍՏԱՆ           Դուշանբե   71   90   տարածք   7   15 184. ԹՈՒՐՔՄԵՆՍՏԱՆ           Աշխաբադ   107   52   տարածք   107   52 185. ՈՒԶԲԵԿՍՏԱՆ           Տաշքենդ   47   67     տարածք   17   29

»:

(Հավելվածը խմբ. 16.10.08 N 1243-Ն)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 3 ՀՀ կառավարության 2005 թվականի դեկտեմբերի 29-ի N 2335-Ն որոշման

Գ ո ր ծ ու ղ մ ա ն  վ կ ա յ ա կ ա ն

(օրինակելի ձև)

___________________________________

(ազգանունը, անունը, հայրանունը, պաշտոնը)

___________________________________

___________________________________

Գործուղվում է ________________________________________________

(գործուղման վայրը, կազմակերպությունը)

Հրաման N ______________________________ ____ ______________ 200  թ.

Գործուղման նպատակը ___________________________________________

Գործուղման ժամկետը ___________ օր մինչև ____ ___________________ 200  թ.

մեկնել է ______________________  ժամանել է _______________________

____ ______________ 200 թ.	____ ______________ 200  թ.
Կ.Տ. ___________________________ (կամ պետական գրանցման վկայականի համարը)	Կ.Տ. ___________________________ (կամ պետական գրանցման վկայականի համարը)
____________________	____________________
(ստորագրությունը)	(ստորագրությունը)

մեկնել է ______________________  ժամանել է ________________________

____ ______________ 200 թ.	____ ______________ 200  թ.
Կ.Տ. ___________________________ (կամ պետական գրանցման վկայականի համարը)	Կ.Տ.____________________________ (կամ պետական գրանցման վկայականի համարը)
____________________	____________________
(ստորագրությունը)	(ստորագրությունը)

(Ձևը փոփ. 24.08.06 N 1422-Ն, 16.10.08 N 1243-Ն)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան