ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

10 ապրիլի 2008 թվականի N 344-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2007 ԹՎԱԿԱՆԻ ԴԵԿՏԵՄԲԵՐԻ 20-Ի N 1543-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.     

1. Հայաստանի Հանրապետության կառավարության 2007 թվականի դեկտեմբերի 20-ի «Մրցութային հանձնաժողով ստեղծելու և մրցութային հանձնաժողովի աշխատակարգը հաստատելու մասին» N 1543-Ն որոշման 6-րդ կետը շարադրել հետևյալ խմբագրությամբ.

«6. Հայաստանի Հանրապետության ֆինանսների և էկոնոմիկայի նախարարին` սույն որոշումն ուժի մեջ մտնելու պահից 30-օրյա ժամկետում սույն որոշման 5-րդ կետում նշված բանակցությունների արդյունքում միջազգային իրավախորհրդատու Վ. Յաղուբյանի հետ կնքել համապատասխան պայմանագիր` 166.673.0 ԱՄՆ-ի դոլարին համարժեք դրամ հաստատուն գնով (ներառյալ հարկային գործակալի կողմից Հայաստանի Հանրապետության պետական բյուջեի օգտին պահման ենթակա 27.784.89 ԱՄՆ-ի դոլարին համարժեք դրամ ավելացված արժեքի հարկը և 13.888.61 ԱՄՆ-ի դոլարին համարժեք դրամ եկամտահարկը), որը ենթակա է վճարման մրցույթի հաղթողի կողմից պետության օգտին վճարման ենթակա գումարից կամ Հայաստանի Հանրապետության կառավարության պահուստային ֆոնդից` Հայաստանի Հանրապետության կառավարության որոշման հիման վրա կատարվող հատկացումների հաշվին»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։