«Վավերացնում եմ»
Հայաստանի Հանրապետության
Նախագահ Ռ. Քոչարյան
31 մարտի 2006 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
23 մարտի 2006 թվականի N 365-Ն
ԳՈՐԾԱԶՐԿՈՒԹՅԱՆ ՆՊԱՍՏԻ ՎՃԱՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Համաձայն «Բնակչության զբաղվածության և գործազրկության դեպքում սոցիալական պաշտպանության մասին» Հայաստանի Հանրապետության օրենքի 28-րդ հոդվածի 1-ին մասի 1-ին կետի` Հայաստանի Հանրապետության կառավարությունը որոշում է.
1. Հաստատել գործազրկության նպաստի վճարման կարգը` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Հայաստանի Հանրապետության |
Ա. Մարգարյան |
|
|
|
Հավելված |
Կ Ա Ր Գ
ԳՈՐԾԱԶՐԿՈՒԹՅԱՆ ՆՊԱՍՏԻ ՎՃԱՐՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով կարգավորվում են Հայաստանի Հանրապետության աշխատանքի և սոցիալական հարցերի նախարարության «Զբաղվածության պետական ծառայություն» գործակալության (այսուհետ` գործակալություն) զբաղվածության մարզային և տարածքային կենտրոնների (այսուհետ` տարածքային կենտրոն) կողմից նպաստառու գործազուրկներին «Բնակչության զբաղվածության և գործազրկության դեպքում սոցիալական պաշտպանության մասին» Հայաստանի Հանրապետության օրենքով երաշխավորվող գործազրկության նպաստի վճարման հետ կապված հարաբերությունները:
(1-ին կետը փոփ. 27.03.08 N 285-Ն)
2. Գործազրկության նպաստը տրվում է Հայաստանի Հանրապետության պետական բյուջեի միջոցներից և նախատեսվում է զբաղվածության կարգավորման ամենամյա պետական ծրագրերում:
(2-րդ կետը փոփ. 27.03.08 N 285-Ն)
3. Գործազրկության նպաստի վճարումն իրականացվում է «Գնումների մասին» Հայաստանի Հանրապետության օրենքով սահմանված կարգով ընտրված վճարման ծառայություններ մատուցող կազմակերպության (այսուհետ` կազմակերպություն) կողմից:
4. Ոչ լրիվ ամսվա համար գործազրկության նպաստի չափը որոշվում է գործազրկության նպաստի ամսական գումարը բաժանելով 30.4-ի (միջին ամսական օրերի թվի) վրա և բազմապատկելով այն օրերի թվով (հաշվարկի մեջ ներառվում են շաբաթ և կիրակի օրերը), որոնց համար գործազուրկն ունի գործազրկության նպաստ ստանալու իրավունք:
(4-րդ կետը փոփ. 14.05.09 N 518-Ն)
4.1. Գործազրկության նպաստի ստացման ժամանակահատվածում գործազրկության նպաստի վերահաշվարկման նոր հիմքեր ի հայտ գալու դեպքում վերահաշվարկված գործազրկության նպաստը վճարվում է գործազրկության նպաստի ստացման ժամանակահատվածի ավարտին հաջորդող ամսվանից:
(4.1-ին կետը լրաց. 10.06.11 N 818-Ն)
4.2. Գործազրկության նպաստի ստացման ժամանակահատվածի ավարտից հետո գործազրկության նպաստի նշանակման նոր հիմքեր ի հայտ գալու դեպքում վերահաշվարկված գործազրկության նպաստը վճարվում է նոր հիմքեր ի հայտ գալու ամսվան հաջորդող ամսվանից:
(4.2-րդ կետը լրաց. 10.06.11 N 818-Ն)
II. ԳՈՐԾԱԶՐԿՈՒԹՅԱՆ ՆՊԱՍՏԻ ՎՃԱՐՈՒՄԸ
5. Տարածքային կենտրոնն աշխատանք փնտրող անձի հաշվառման քարտի հիման վրա կազմում է տվյալ ամսվա, նախորդ ժամանակահատվածի համար չստացված և վերահաշվարկված գործազրկության նպաստ ստացողի, ինչպես նաև «Բնակչության զբաղվածության և գործազրկության դեպքում սոցիալական պաշտպանության մասին» Հայաստանի Հանրապետության օրենքի 37-րդ հոդվածում նշված անձին վճարվող գործազրկության նպաստի վճարման ցուցակը (այսուհետ` վճարման ցուցակ) (ձև N 1)` և մինչև յուրաքանչյուր ամսվան հաջորդող ամսվա 5-ը ներկայացնում է կազմակերպության մասնաճյուղին:
(5-րդ կետը փոփ. 14.05.09 N 518-Ն, փոփ., լրաց. 10.06.11 N 818-Ն)
6. Տարածքային կենտրոնը տվյալ ամսվա, նախորդ ժամանակահատվածի համար չստացված և վերահաշվարկված գործազրկության նպաստի վճարման և կազմակերպության կողմից գործազրկության նպաստի վճարման ծառայությունների (այսուհետ` ծառայություն) համար անհրաժեշտ գումարի ֆինանսավորման հայտ-պահանջագիրը (ձև N 2)` կից գրությամբ, մինչև յուրաքանչյուր ամսվան հաջորդող ամսվա 5-ը ներկայացնում է գործակալության պետին:
(6-րդ կետը փոփ., լրաց. 10.06.11 N 818-Ն)
7. Գործակալությունը 5 աշխատանքային օրվա ընթացքում ամփոփում է տարածքային կենտրոններից ստացված ֆինանսավորման հայտ-պահանջագրերը և Հայաստանի Հանրապետության օրենսդրությամբ սահմանված կարգով Հայաստանի Հանրապետության աշխատանքի և սոցիալական հարցերի նախարարություն (այսուհետ` նախարարություն) է ներկայացնում գործազրկության նպաստի ֆինանսավորման հայտ-պահանջագիրը (ձև N 3) և ծառայության դիմաց վճարվող գումարի ֆինանսավորման հայտ-պահանջագրերը (N 4 ձև):
(7-րդ կետը փոփ. 27.03.08 N 285-Ն, 14.05.09 N 518-Ն, լրաց., փոփ. 10.06.11 N 818-Ն)
8. Նախարարությունը սույն կարգի 7-րդ կետում նշված ֆինանսավորման հայտ-պահանջագիրը գործակալությունից ստանալուց հետո 5 աշխատանքային օրվա ընթացքում Հայաստանի Հանրապետության ֆինանսների նախարարության տեղական գանձապետական բաժիններում Հայաստանի Հանրապետության աշխատանքի և սոցիալական հարցերի նախարարության աշխատակազմի անվամբ բացված գանձապետական հաշվին է փոխանցում ֆինանսավորման հայտ-պահանջագրով նախատեսված միջոցները: Ծառայության դիմաց վճարի ֆինանսավորման հայտ-պահանջագրի հիման վրա նախարարությունը կենտրոնական գանձապետարան է ներկայացնում բյուջետային փոխանցագիր:
(8-րդ կետը փոփ. 27.03.08 N 285-Ն, փոփ., լրաց. 14.05.09 N 518-Ն, խմբ. 10.06.11 N 818-Ն)
9. Գործակալությունը գործազրկության նպաստի և ծառայության դիմաց վճարման ենթակա գումարը 3 աշխատանքային օրվա ընթացքում փոխանցում է կազմակերպության հաշվարկային հաշվին:
(9-րդ կետը խմբ. 14.05.09 N 518-Ն)
10. Կազմակերպությունը սույն կարգի 9-րդ կետում նշված գումարն ստանալու օրվանից հետո 15 աշխատանքային օրվա ընթացքում իր մասնաճյուղերի միջոցով կատարում է գործազրկության նպաստի վճարում` վճարման ցուցակում ընդգրկված`
ա) նպաստառու գործազուրկին` անձը հաստատող փաստաթղթի հիման վրա.
բ) նպաստառու գործազուրկի փոխարեն այլ անձին` նպաստառու գործազուրկի կողմից Հայաստանի Հանրապետության օրենսդրությամբ սահմանված կարգով տրված լիազորագրի և լիազորագիր ներկայացնողի անձը հաստատող փաստաթղթի հիման վրա.
գ) նպաստ ստանալու իրավունք ունեցած և մահացած նպաստառու գործազուրկի փոխարեն նրա ընտանիքի չափահաս անդամին կամ մահացածի կնոջը (ամուսնուն), ծնողներից որևէ մեկին կամ անչափահաս երեխաների օրինական ներկայացուցչին, խնամակալին կամ հոգաբարձուին` նրանց անձնագրի և նպաստառու գործազուրկի մահվան վկայականի հիման վրա:
11. Կազմակերպության մասնաճյուղը սույն կարգի 10-րդ կետում նշված ժամկետները լրանալուց հետո 3 աշխատանքային օրվա ընթացքում տարածքային կենտրոնի լիազոր ներկայացուցչի հետ միասին կազմում է գործազրկության նպաստի վճարման մասին փոխադարձ հաշվետվության ակտ:
12. Կազմակերպության մասնաճյուղը յուրաքանչյուր ամսվա վճարման ցուցակի պատճենը, և վճարման մասին փոխադարձ հաշվետվության ակտը` այն կազմելուց հետո 3 աշխատանքային օրվա ընթացքում վերադարձնում է տարածքային կենտրոն:
(12-րդ կետը փոփ. 14.05.09 N 518-Ն)
13. Կազմակերպությունը գործազրկության նպաստի վճարման համար նախատեսված ժամկետները լրանալուց հետո 3 աշխատանքային օրվա ընթացքում մասնաճյուղերում առկա մնացորդ գումարները փոխանցում է Հայաստանի Հանրապետության ֆինանսների նախարարության տեղական գանձապետական բաժնում Հայաստանի Հանրապետության աշխատանքի և սոցիալական հարցերի նախարարության աշխատակազմի անվամբ բացված գանձապետական հաշվին, իսկ չվճարված գործազրկության նպաստի մնացորդ գումարների վերաբերյալ, ըստ տարածքային կենտրոնների, տեղեկատվություն է ներկայացնում գործակալություն:
(13-րդ կետը փոփ. 14.05.09 N 518-Ն)
14. Կազմակերպության կողմից փոխանցված գործազրկության նպաստի մնացորդ գումարը 3 աշխատանքային օրվա ընթացքում փոխանցվում է նախարարության աշխատակազմի անվամբ բացված գանձապետական հաշվին:
(14-րդ կետը փոփ. 27.03.08 N 285-Ն, 14.05.09 N 518-Ն, լրաց. 10.06.11 N 818-Ն)
15. Տարածքային կենտրոնը սույն կարգի 12-րդ կետում նշված վճարման ցուցակի հիման վրա աշխատանք փնտրող անձի հաշվառման քարտում կատարում է նշում գործազուրկի կողմից գործազրկության նպաստ ստանալու կամ չստանալու մասին:
III. ՀԱՇՎԵՏՎՈՒԹՅՈՒՆԸ
16. Տարածքային կենտրոնը յուրաքանչյուր ամիս գործակալության պետին է ներկայացնում գործազրկության նպաստի վճարման և ծախսված ֆինանսական միջոցների չափի վերաբերյալ հաշվետվություն:
17. Գործակալությունն ամփոփում է տարածքային կենտրոններից ստացված հաշվետվությունները և յուրաքանչյուր եռամսյակ գործազրկության նպաստի ֆինանսավորման և փաստացի կատարված վճարումների մասին ամփոփ հաշվետվություն է ներկայացնում Հայաստանի Հանրապետության աշխատանքի և սոցիալական հարցերի նախարարին:
(17-րդ կետը փոփ. 27.03.08 N 285-Ն, 14.05.09 N 518-Ն)
| Հայաստանի Հանրապետության կառավարության աշխատակազմի ղեկավար-նախարար |
Մ. Թոփուզյան |
Ձև N 1
Ց ՈՒ Ց Ա Կ
|
_______________________________________________________ |
ԳՈՐԾԱԶՐԿՈՒԹՅԱՆ ՆՊԱՍՏԻ ՎՃԱՐՄԱՆ |
|
NN |
Անունը, ազգանունը |
Անձնագրի |
Սոցիա- |
Հաշվառ- |
Չվճարված կամ |
Ընթացիկ ամսվա գումարը |
Վերա- |
Ընդամենը |
Ստորա- |
Ծանո- | ||
|
ամիսը (ամիսները) |
տարե- |
գումարը | ||||||||||
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
13 |
|
Ընդամենը |
||||||||||||
|
Տնօրեն |
_____________________________ |
__________________________ |
| Կ.Տ. | ||
| Կատարող |
__________________________ |
____________________________ (ստորագրությունը) |
|
_______ _______________ 201 թ. |
(ձևը լրաց. 27.03.08 N 285-Ն, խմբ. 10.06.11 N 818-Ն)
Ձև N 2
Հ Ա Յ Տ – Պ Ա Հ Ա Ն Ջ Ա Գ Ի Ր
ԶԲԱՂՎԱԾՈՒԹՅԱՆ __________ ՄԱՐԶԱՅԻՆ/ՏԱՐԱԾՔԱՅԻՆ ԿԵՆՏՐՈՆԻ
ԳՈՐԾԱԶՐԿՈՒԹՅԱՆ ՆՊԱՍՏԻ ՖԻՆԱՆՍԱՎՈՐՄԱՆ
_______ ___________________ 201 Թ.
|
NN |
Ծախսերի անվանումը |
Ստացողների թիվը |
Գումարը |
|
1. |
Գործազրկության նպաստ` |
||
|
տվյալ ամսվա համար |
|||
|
նախորդ ժամանակահատվածի համար |
|||
|
վերահաշվարկված |
|
Տնօրեն |
_____________________________ |
__________________________ |
|
Կ.Տ. |
| Կատարող |
__________________________ |
____________________________ (ստորագրությունը) |
|
______ ______________ 201 թ. |
(ձևը լրաց. 27.03.08 N 285-Ն, խմբ. 14.05.09 N 518-Ն, 10.06.11 N 818-Ն)
Ձև N 3
Հ Ա Յ Տ – Պ Ա Հ Ա Ն Ջ Ա Գ Ի Ր
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ «ԶԲԱՂՎԱԾՈՒԹՅԱՆ ՊԵՏԱԿԱՆ ԾԱՌԱՅՈՒԹՅՈՒՆ» ԳՈՐԾԱԿԱԼՈՒԹՅԱՆ ԳՈՐԾԱԶՐԿՈՒԹՅԱՆ ՆՊԱՍՏԻ ՖԻՆԱՆՍԱՎՈՐՄԱՆ
_______ ___________________ 201 Թ.
|
NN |
Ծախսերի անվանումը |
Ստացողների թիվը |
Գումարը |
|
1. |
Գործազրկության նպաստ` |
||
|
տվյալ ամսվա համար |
|||
|
նախորդ ժամանակահատվածի համար |
|||
|
վերահաշվարկված |
|
Գործակալության պետ |
_____________________________ |
__________________________ |
|
Կ.Տ. |
| Կատարող |
__________________________ |
____________________________ (ստորագրությունը) |
|
______ ______________ 201 թ.: |
(ձևը լրաց. 27.03.08 N 285-Ն, խմբ. 14.05.09 N 518-Ն, 10.06.11 N 818-Ն)
Ձև N 4
Հ Ա Յ Տ - Պ Ա Հ Ա Ն Ջ Ա Գ Ի Ր
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ «ԶԲԱՂՎԱԾՈՒԹՅԱՆ ՊԵՏԱԿԱՆ ԾԱՌԱՅՈՒԹՅՈՒՆ» ԳՈՐԾԱԿԱԼՈՒԹՅԱՆ ԳՈՐԾԱԶՐԿՈՒԹՅԱՆ ՆՊԱՍՏԻ ՎՃԱՐՄԱՆ ԾԱՌԱՅՈՒԹՅՈՒՆՆԵՐԻ ՖԻՆԱՆՍԱՎՈՐՄԱՆ
_______ ___________________ 20 թ.
|
NN |
Ծախսի անվանումը |
Գործազրկության նպաստի գումարը |
Ծառայության դիմաց վճարվող գումարը |
|
1. |
Գործազրկության նպաստի վճարման ծառայության դիմաց վճար |
|
|
|
Գործակալության պետ |
____________________ | __________________ |
|
(ստորագրությունը) |
(անունը, ազգանունը) |
Կ. Տ.
|
Կատարող |
____________________ | __________________ |
|
(ստորագրությունը) |
(անունը, ազգանունը) |
_____ __________________ 200 թ.
(ձևը լրաց. 14.05.09 N 518-Ն)