«ԳՐԱՆՑՎԱԾ է»
ՀՀ ԱՐԴԱՐԱԴԱՏՈՒԹՅԱՆ
ՆԱԽԱՐԱՐՈՒԹՅԱՆ ԿՈՂՄԻՑ
21 հոկտեմբերի 2002 թ.
ՊԵՏԱԿԱՆ ԳՐԱՆՑՄԱՆ թիվ 10502242

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԲՆԱՊԱՀՊԱՆՈՒԹՅԱՆ ՆԱԽԱՐԱՐ

Հ Ր Ա Մ Ա Ն

«ԲՆԱՊԱՀՊԱՆԱԿԱՆ ԵՎ ԲՆՕԳՏԱԳՈՐԾՄԱՆ ՎՃԱՐՆԵՐԻ ՄԱՍԻՆ» ՁԵՎ N 1-ԲԱՎ (ՏԱՐԵԿԱՆ) ՎԱՐՉԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ» ՀՐԱՀԱՆԳԸ ԵՎ «ԲՆԱՊԱՀՊԱՆԱԿԱՆ ԵՎ ԲՆՕԳՏԱԳՈՐԾՄԱՆ ՎՃԱՐՆԵՐԻ ՄԱՍԻՆ» ՁԵՎ N 1-ԲԱՎ (ՏԱՐԵԿԱՆ) ՎԱՐՉԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Պետական վիճակագրության մասին» Հայաստանի Հանրապետության օրենքի 15-րդ և 17-րդ հոդվածների ա) կետերը

ՀՐԱՄԱՅՈՒՄ ԵՄ`

հաստատել «Բնապահպանական և բնօգտագործման վճարների մասին» Ձև N 1-բավ (տարեկան) վարչական վիճակագրական հաշվետվության լրացման հրահանգը և «Բնապահպանական և բնօգտագործման վճարների մասին» Ձև N 1-բավ (տարեկան) վարչական վիճակագրական հաշվետվության ձևը:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ա Ր Ձ Ա Ն Ա Գ Ր Ա Յ Ի Ն  Ո Ր Ո Շ ՈՒ Մ

ՀՀ ԲՆԱՊԱՀՊԱՆՈՒԹՅԱՆ ՆԱԽԱՐԱՐՈՒԹՅԱՆ «ԲՆԱՊԱՀՊԱՆԱԿԱՆ ԵՎ ԲՆՕԳՏԱԳՈՐԾՄԱՆ ՎՃԱՐՆԵՐԻ ՄԱՍԻՆ» ՁԵՎ ԹԻՎ 1-ԲԱՎ ՎԱՐՉԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԻՆ ԵՎ ԼՐԱՑՄԱՆ ՀՐԱՀԱՆԳԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

Հիմք ընդունելով «Պետական վիճակագրության մասին« ՀՀ օրենքի հոդված 13-ի 5-րդ և 8-րդ մասերը, ինչպես նաև ղեկավարվելով «Հայաստանի Հանրապետության Վիճակագրության պետական խորհրդի աշխատակարգի» 1.3. կետի 3-րդ պարբերության 2-րդ ենթակետով` ՀՀ Վիճակագրության պետական խորհուրդը որոշում է.

հավանություն տալ ՀՀ բնապահպանության նախարարության «Բնապահպանական և բնօգտագործման վճարների մասին» Ձև թիվ 1-բավ վարչական վիճակագրական հաշվետվության ձևին և լրացման հրահանգին:

Հ Ա Շ Վ Ե Տ Վ ՈՒ Թ Յ ՈՒ Ն

ԲՆԱՊԱՀՊԱՆԱԿԱՆ ԵՎ ԲՆՕԳՏԱԳՈՐԾՄԱՆ ՎՃԱՐՆԵՐԻ ՄԱՍԻՆ

200...թ. համար

Բ Ա Ժ Ի Ն  1

ԲՆԱՊԱՀՊԱՆԱԿԱՆ ՎՃԱՐՆԵՐ

Աղյուսակ 1. Ջրային ավազան վնասակար նյութերի արտանետման ծավալները ԵՎ դրանց համար վճարները

Աղյուսակ 2. Անշարժ աղբյուրներից մթնոլորտ վնասակար նյութերի արտանետման ծավալները ԵՎ դրանց համար վճարները

Աղյուսակ 3. Շրջակա միջավայր տեղադրված արտադրության ԵՎ սպառման թափոնների ծավալները ԵՎ տեղադրման համար վճարները

Աղյուսակ 4. Հայաստանի Հանրապետությունում արտադրված ԵՎ իրացված, շրջակա միջավայրին վնաս պատճառող ապրանքների ծավալները ԵՎ դրանց համար վճարները

Բ Ա Ժ Ի Ն  2

ԲՆՕԳՏԱԳՈՐԾՄԱՆ ՎՃԱՐՆԵՐ

Աղյուսակ 5. Ջրօգտագործման ծավալները ԵՎ դրանց համար վճարները

Աղյուսակ 6. Օգտակար հանածոների պաշարների մարված ծավալները ԵՎ դրանց համար վճարները

Աղյուսակ 7. Կենսապաշարների օգտագործման ծավալները ԵՎ դրանց համար վճարները

Հ Ր Ա Հ Ա Ն Գ

«ԲՆԱՊԱՀՊԱՆԱԿԱՆ ԵՎ ԲՆՕԳՏԱԳՈՐԾՄԱՆ ՎՃԱՐՆԵՐԻ ՄԱՍԻՆ» ՁԵՎ N 1-ԲԱՎ (ՏԱՐԵԿԱՆ) ՎԱՐՉԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Բնապահպանական և բնօգտագործման վճարների մասին» ձև N 1-բավ (տարեկան) վարչական վիճակագրական հաշվետվության լրացման կարգը:

2. Հաշվետվությունը կազմում են իրավաբանական անձինք, անհատ ձեռնարկատերերը, որոնք կատարում են բնապահպանական և բնօգտագործման վճարներ և, որոնք նախապես տեղեկացված են այդ մասին:

3. Հաշվետվությունը ներկայացվում է Հայաստանի Հանրապետության բնապահպանության նախարարություն` մինչև փետրվարի 25-ը:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

Բ Ա Ժ Ի Ն  1

ԲՆԱՊԱՀՊԱՆԱԿԱՆ ՎՃԱՐՆԵՐ

ԱՂՅՈՒՍԱԿ 1. ՋՐԱՅԻՆ ԱՎԱԶԱՆ ՎՆԱՍԱԿԱՐ ՆՅՈՒԹԵՐԻ ԱՐՏԱՆԵՏՄԱՆ ԾԱՎԱԼՆԵՐԸ ԵՎ ԴՐԱՆՑ ՀԱՄԱՐ ՎՃԱՐՆԵՐԸ

5. Ջրային ավազան նյութերի արտանետման համար վճարը հաշվարկվում է հաշվետու տարում ջրային ավազան արտանետված վնասակար նյութերի ծավալների հիման վրա:

 6. Սյունակ Բ-ում բերվում է վնասակար նյութի անվանումը, սյունակ Գ-ում` վնասակար նյութի կոդը:

7. Սյունակ 1-ում բերվում են ջրային ավազան վնասակար նյութերի և միացությունների արտանետման համար հաստատված թույլատրելի չափաքանակները:

8. Սյունակ 2-ում բերվում են ջրային ավազան արտանետված վնասակար նյութերի և միացությունների արտանետման փաստացի ծավալները:

9. Սյունակ 3-ում բերվում են ջրային ավազան վնասակար նյութերի և միացությունների արտանետման համար հաստատված թույլատրելի սահմանային արտանետման չափաքանակից ավելի արտանետումները:

10. Սյունակ 5-ում բերվում են ջրային ավազան վնասակար նյութերի և միացությունների արտանետման համար սահմանված բնապահպանական վճարների ընդհանուր գումարները:

ԱՂՅՈՒՍԱԿ 2. ԱՆՇԱՐԺ ԱՂԲՅՈՒՐՆԵՐԻՑ ՄԹՆՈԼՈՐՏ ՎՆԱՍԱԿԱՐ ՆՅՈՒԹԵՐԻ ԱՐՏԱՆԵՏՄԱՆ ԾԱՎԱԼՆԵՐԸ ԵՎ ԴՐԱՆՑ ՀԱՄԱՐ ՎՃԱՐՆԵՐԸ

11. Մթնոլորտ վնասակար նյութերի արտանետման համար վճարը հաշվարկվում է հաշվետու տարում մթնոլորտ արտանետված վնասակար նյութերի ծավալների հիման վրա:

12. Սյունակ Բ-ում բերվում է վնասակար նյութերի և միացությունների անվանումը, սյունակ Գ-ում` վնասակար նյութերի և միացությունների կոդը:

13. Սյունակ 1-ում բերվում են անշարժ աղբյուրներից մթնոլորտ վնասակար նյութերի և միացությունների արտանետման համար հաստատված չափաքանակները:

14. Սյունակ 2-ում բերվում են անշարժ աղբյուրներից մթնոլորտ արտանետված վնասակար նյութերի և միացությունների արտանետման փաստացի ծավալները:

15. Սյունակ 3-ում բերվում են անշարժ աղբյուրներից մթնոլորտ վնասակար նյութերի և միացությունների արտանետման համար հաստատված չափաքանակից ավելի արտանետումները:

16. Սյունակ 5-ում բերվում են անշարժ աղբյուրներից մթնոլորտ արտանետված վնասակար նյութերի և միացությունների համար սահմանված բնապահպանական վճարների ընդհանուր գումարները:

ԱՂՅՈՒՍԱԿ 3. ՇՐՋԱԿԱ ՄԻՋԱՎԱՅՐ ՏԵՂԱԴՐՎԱԾ ԱՐՏԱԴՐԱԿԱՆ ԵՎ ՍՊԱՌՄԱՆ ԹԱՓՈՆՆԵՐԻ ԾԱՎԱԼՆԵՐԸ ԵՎ ՏԵՂԱԴՐՄԱՆ ՀԱՄԱՐ ՎՃԱՐՆԵՐԸ

17. Արտադրության և սպառման թափոնները շրջակա միջավայրում սահմանված կարգով տեղադրելու համար վճարը հաշվարկվում է` ելնելով հաշվետու տարում աղբյուսներում և արտադրական հարթակներում տեղադրված արտադրական և սպառման թափոնների ծավալներից և վտանգավորության դասից:

18. Սյունակ Բ-ում բերվում են շրջակա միջավայր տեղադրված թափոններն ըստ վտանգավորության դասի, սյունակ Գ-ում` թափոնի կոդը:

19. Սյունակ 1-ում բերվում են տեղադրված արտադրական և սպառման թափոնների փաստացի ընդհանուր ծավալները:

20. Սյունակ 3-ում բերվում են արտադրական և սպառման թափոնների տեղադրման վճարի ընդհանուր գումարը:

ԱՂՅՈՒՍԱԿ 4. ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՐՏԱԴՐՎԱԾ ԵՎ ԻՐԱՑՎԱԾ ՇՐՋԱԿԱ ՄԻՋԱՎԱՅՐԻՆ ՎՆԱՍ ՊԱՏՃԱՌՈՂ ԱՊՐԱՆՔՆԵՐԻ ԾԱՎԱԼՆԵՐԸ ԵՎ ԴՐԱՆՑ ՀԱՄԱՐ ՎՃԱՐՆԵՐԸ

21. Հայաստանի Հանրապետության համար արտադրվող և իրացվող շրջակա միջավայրին վնաս պատճառող ապրանքների վճարը հաշվարկում է արտադրողը` իրացման շրջանառության հիման վրա և վճարում է հաշվետու տարում իրացված արտադրանքին համամասնորեն:

22. Սյունակ Բ-ում բերվում է ապրանքների անվանումը, սյունակ Գ-ում` ապրանքի կոդը:

23. Սյունակ 1-ում բերվում են արտադրված ապրանքների ծավալները:

24. Սյունակ 3-ում բերվում է արտադրված ապրանքների համար սահմանված բնապահպանական վճարների ընդհանուր գումարը:

Բ Ա Ժ Ի Ն  2

ԲՆՕԳՏԱԳՈՐԾՄԱՆ ՎՃԱՐՆԵՐ

ԱՂՅՈՒՍԱԿ 5. ՋՐՕԳՏԱԳՈՐԾՄԱՆ ԾԱՎԱԼՆԵՐԸ ԵՎ ԴՐԱՆՑ ՀԱՄԱՐ ՎՃԱՐՆԵՐԸ

25. Ջրօգտագործման համար վճարը հաշվարկվում է հաշվետու տարում`

ա|) ստորերկրյա քաղցրահամ ջրերի արդյունահանված ծավալի հիման վրա

բ) մակերևութային ջրերից օգտագործման նպատակով վերցրած ջրի ծավալի հիման վրա:

26. Սյունակ Բ-ում բերվում է ջրօգտագործման տեսակը, սյունակ Գ-ում` ջրօգտագործման տեսակի կոդը:

27. Սյունակ 1-ում բերվում են ջրօգտագործման թույլտվություններով սահմանված ջրառի չափաքանակները:

28. Սյունակ 2-ում բերվում են ջրօգտագործման փաստացի ծավալները:

29. Սյունակ 3-ում բերվում են ջրառի թույլատրելի չափաքանակից ավելի ջրառի ծավալները:

30. Սյունակ 5-ում բերվում են ջրօգտագործման համար վճարի ընդհանուր գումարները:

ԱՂՅՈՒՍԱԿ 6. ՕԳՏԱԿԱՐ ՀԱՆԱԾՈՆԵՐԻ ՄԱՐՎԱԾ ՊԱՇԱՐՆԵՐԻ ԾԱՎԱԼՆԵՐԸ ԵՎ ԴՐԱՆՑ ՀԱՄԱՐ ՎՃԱՐՆԵՐԸ

31. Օգտակար հանածոների մարված պաշարների համար վճարը հաշվարկվում է հաշվետու տարում օգտակար հանածոների մարված պաշարների ծավալների հիման վրա:

32. Սյունակ Բ-ում բերվում է օգտակար հանածոյի տեսակը, սյունակ Գ-ում` օգտակար հանածոյի կոդը:

33. Սյունակ 1-ում բերվում են օգտակար հանածոների հանքավայրից օգտակար հանածոների արդյունահանման նպատակով ընդերքի տրամադրման և օգտագործման մասին ՀՀ բնապահպանության նախարարության հետ կնքված պայմանագրով սահմանվող չափաքանակները:

4. Սյունակ 2-ում բերվում են օգտակար հանածոների մարված պաշարների փաստացի ծավալները:

35. Սյունակ 3-ում բերվում է օգտակար հանածոների հանքավայրից օգտակար հանածոների արդյունահանման նպատակով ընդերքի տրամադրման և օգտագործման մասին ՀՀ բնապահպանության նախարարության հետ կնքված պայմանագրով սահմանված չափաքանակից ավելի մարված պաշարների ծավալները:

36. Սյունակ 5-ում բերվում է օգտակար հանածոների մարված պաշարների համար բնօգտագործման վճարների ընդհանուր գումարը:

ԱՂՅՈՒՍԱԿ 7. ԿԵՆՍԱՊԱՇԱՐՆԵՐԻ ՕԳՏԱԳՈՐԾՄԱՆ ԾԱՎԱԼՆԵՐԸ ԵՎ ԴՐԱՆՑ ՀԱՄԱՐ ՎՃԱՐՆԵՐԸ

37. Կենսապաշարների օգտագործման համար վճարը հաշվարկվում և պետական բյուջե է վճարվում յուրաքանչյուր անգամ` մինչև կենսապաշարների տեղափոխումը:

38. Սյունակ Բ-ում բերվում է օգտագործված կենսապաշարի անվանումը, Սյունակ Գ-ում` օգտագործված կենսապաշարի կոդը:

39. «Չափաքանակը» սյունակում (1) բերվում են.

1) ծառի օգտագործման համար ՀՀ բնապահպանության նախարարի հրամանով հաստատված անտառհատման տոմսով կամ արմատի վրա փոքրաքանակ փայտեղենի բացթողման օրդերով սահմանված ծավալները,

2) արդյունագործական նպատակով բույսերի օգտագործման համար (անտառային ֆոնդի տարածքներում) համապատասխան անտառտնտեսության հետ կնքված պայմանագրով սահմանվող քանակը,

3) խոտհնձի նպատակով անտառային ֆոնդի տարածքների օգտագործման համար համապատասխան անտառտնտեսության հետ կնքված պայմանագրով սահմանվող տարածքները,

4) անասունների արածեցման նպատակով անտառային ֆոնդի տարածքների օգտագործման համար սահմանված համապատասխան անտառտնտեսության հետ կնքված պայմանագրով սահմանվող քանակները,

5) մեղվաբուծության նպատակով անտառային ֆոնդի տարածքների օգտագործման համար համապատասխան անտառտնտեսության հետ կնքված պայմանագրով սահմանվող քանակները,

6) ձկների արդյունագործական որսի համար արդյունագործական ձկնորսության մասին համապատասխան բնապահպանական մարմնի հետ կնքված պայմանագրով սահմանված քանակները:

40. Սյունակ 2-ում բերվում են օգտագործված կենսապաշարների փաստացի ծավալները:

41. Սյունակ 3-ում բերվում են հաստատված կենսապաշարի օգտագործման թույլատրելի չափաքանակից ավելի օգտագործման փաստացի ծավալները:

42. Սյունակ 5-ում բերվում է կենսապաշարների օգտագործման համար սահմանված բնօգտագործման վճարների գումարը: