ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 սեպտեմբերի 2016 թվականի N 972-Ա

ԳՆՄԱՆ ԳՈՐԾԸՆԹԱՑ ԿԱԶՄԱԿԵՐՊԵԼՈՒ ՄԱՍԻՆ

Համաձայն Հայաստանի Հանրապետության կառավարության 2011 թվականի փետրվարի 10-ի N 168-Ն որոշման 1-ին կետով հաստատված` գնումների գործընթացի կազմակերպման կարգի 3-րդ կետի՝ Հայաստանի Հանրապետության կառավարությունը որոշում է.

1. Հաստատել ավիատոմսերի գնման գործարքների ցանկը՝ համաձայն հավելվածի:

2. Սահմանել, որ սույն որոշման 1-ին կետով հաստատված ավիատոմսերի գնման գործարքների վրա չեն տարածվում Հայաստանի Հանրապետության կառավարության 2011 թվականի փետրվարի 10-ի «Գնումների գործընթացի կազմակերպման մասին» N 168-Ն որոշման 1-ին կետով հաստատված` գնումների գործընթացի կազմակերպման կարգի 74-րդ կետով սահմանված պահանջները:

3. Հայաստանի Հանրապետության կառավարության աշխատակազմի ղեկավար-նախարարին, Հայաստանի Հանրապետության արտաքին գործերի նախարարին և Հայաստանի Հանրապետության կրթության և գիտության նախարարին՝ սույն որոշումն ուժի մեջ մտնելուց հետո հնգօրյա ժամկետում յուրաքանչյուրն իր մասով Հայաստանի Հանրապետության ֆինանսների նախարարություն ներկայացնել սույն որոշման 1-ին կետով հաստատված` ավիատոմսերի գնման գործարքների վերաբերյալ գնումների մասին Հայաստանի Հանրապետության օրենսդրությամբ պահանջվող հաշվետվությունները:

4. Հայաստանի Հանրապետության ֆինանսների նախարարին՝ սույն որոշման 3-րդ կետով նախատեսված հաշվետվություններն ստանալուց հետո Հայաստանի Հանրապետության օրենսդրությամբ սահմանված կարգով և ժամկետներում հաշվառել նշված ավիատոմսերի գնման գործարքները:

Հայաստանի Հանրապետության վարչապետ	Կ. Կարապետյան
2016 թ. սեպտեմբերի 23 Երևան

Հավելված ՀՀ կառավարության 2016 թվականի սեպտեմբերի 22-ի N 972-Ա որոշման

ԱՎԻԱՏՈՄՍԵՐԻ ԳՆՄԱՆ ԳՈՐԾԱՐՔՆԵՐԻ ՑԱՆԿԸ

Պետական կառավարման մարմինը	Գնման առարկան	Գնման պայմանագրի ծածկագիրը	Պայմանագրի գինը (դրամ)
ՀՀ կառավարության աշխատակազմ	ավիատոմսերի ձեռքբերում	ՀՀԿԱ-ԲԸԱՀԾՁԲ-16/15-1	321,446
ՀՀ կառավարության աշխատակազմ	ավիատոմսերի ձեռքբերում	ՀՀԿԱ-ԲԸԱՀԾՁԲ-16/24	391,821
ՀՀ կառավարության աշխատակազմ	ավիատոմսերի ձեռքբերում	ՀՀԿԱ-ԲԸԱՀԾՁԲ-16/28	182,180
ՀՀ արտաքին գործերի նախարարություն	ավիատոմսերի ձեռքբերում	ԱԳՆ ԲԸԱՀԾՁԲ-16/2.27/33	112,000
ՀՀ արտաքին գործերի նախարարություն	ավիատոմսերի ձեռքբերում	ԱԳՆ ԲԸԱՀԾՁԲ-16/2.-27/34	139,737
ՀՀ արտաքին գործերի նախարարություն	ավիատոմսերի ձեռքբերում	ԱԳՆ ԲԸԱՀԾՁԲ-16/2.-23/7	341,120
ՀՀ արտաքին գործերի նախարարություն	ավիատոմսերի ձեռքբերում	ԱԳՆ ԲԸԱՀԾՁԲ-16/2.-11/1	88,000
ՀՀ ԱԳՆ «Պետական արարողակարգի ծառայություն» գործակալություն	ավիատոմսերի ձեռքբերում	ԱԳՆ-ՊԱԾ-ԲԸԱՀԾՁԲ-16/2.- 64/4	86,000
ՀՀ կրթության և գիտության նախարարություն	ավիատոմսերի ձեռքբերում	ՀՀԿԳՆԾՁԲ-16/5-Ա	835,000
Ընդամենը			2,497,304

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան