«Վավերացնում եմ»
Հայաստանի Հանրապետության
Նախագահ Ռ. Քոչարյան
28 դեկտեմբերի 2004 թ.

23 դեկտեմբերի 2004 թվականի N 1806-Ա

ԱՐՄԱՆ ԳՐԻԳՈՐՅԱՆԻՆ ՊԱՐՏԱԴԻՐ ԶԻՆՎՈՐԱԿԱՆ ԾԱՌԱՅՈՒԹՅԱՆ ԶՈՐԱԿՈՉԻՑ ՏԱՐԿԵՏՈՒՄ ՏԱԼՈՒ ՄԱՍԻՆ

Նկատի ունենալով այն հանգամանքը, որ Արման Գրիգորյանը կատարելագործվում է Շվեյցարիայի Ցյուրիխ քաղաքի բալետային թատրոնում և միջազգային տարբեր մրցույթներում նվաճել է մրցանակային բարձր տեղեր, ինչպես նաև հաշվի առնելով նրա բացառիկ ընդունակություններն ու բալետային կատարողական արվեստի բնագավառում խոստումնալից ապագան և մշակույթի անվանի գործիչների միջնորդությունները, «Զինապարտության մասին» Հայաստանի Հանրապետության օրենքի 16-րդ հոդվածի 2-րդ կետին համապատասխան` Հայաստանի Հանրապետության կառավարությունը որոշում է.

Արման Արմենի Գրիգորյանին (ծնվ.` 1985 թ., փետրվարի 9, քաղ. Երևան, Իսրայելյան 37, բն. 35) պարտադիր զինվորական ծառայության զորակոչից տալ տարկետում` մինչև 2010 թվականի աշնանային զորակոչը:
(Որոշումը փոփ. 16.11.06 N 1639-Ա, 19.11.09 N 1311-Ա)