ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
6 հուլիսի 2007 թվականի N 886-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՀՈԿՏԵՄԲԵՐԻ 6-Ի N 2301-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2005 թվականի հոկտեմբերի 6-ի «Հայաստանի Հանրապետության աշխատանքի պետական տեսչություն գործատուների կողմից եռամսյակային հաշվետվության ներկայացման կարգը հաստատելու մասին» N 2301-Ն որոշման մեջ կատարել հետևյալ փոփոխությունները և լրացումները`
1) որոշման վերնագրում և 1-ին կետում, որոշման հավելվածի վերնագրում, 1-ին կետում և ձևի վերնագրում «եռամսյակային» բառը փոխարինել «տարեկան» բառով.
2) որոշման հավելվածի 2-րդ կետից հանել «(ըստ մասնագիտությունների)» բառերը.
3) որոշման հավելվածի 3-րդ կետը շարադրել հետևյալ խմբագրությամբ.
«3. Հաշվետվությունը կազմվում է յուրաքանչյուր տարվա համար և տեսչություն է ներկայացվում մինչև հաջորդ տարվա մարտի 1-ը».
4) որոշման հավելվածի ձևում հաշվետվության վերնագրից հանել «մասնագիտությունների» բառը.
5) որոշման հավելվածի աղյուսակը շարադրել հետևյալ խմբագրությամբ.
| « |
|
». | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||
6) որոշման հավելվածը լրացնել հետևյալ բովանդակությամբ նոր` 7-րդ, 8-րդ և 9-րդ կետերով.
«7. Աղյուսակի 1-ին տողում լրացվում են յուրաքանչյուր ամսում աշխատողների միջին ցուցակային թիվը և դրանց միջին տարեկանը` համաձայն Հայաստանի Հանրապետության վիճակագրության պետական խորհրդի 2005 թվականի դեկտեմբերի 28-ի «Աշխատանքի վիճակագրության վերաբերյալ մեթոդական ցուցումներ» N 43-Ն որոշմամբ հաստատված հավելվածի:
8. Աղյուսակի 2-րդ տողում լրացվում են աշխատանքի վարձատրության և դրան հավասարեցված այլ վճարումները` համաձայն Հայաստան Հանրապետության վիճակագրության պետական խորհրդի 2005 թվականի դեկտեմբերի 28-ի «Աշխատանքի վիճակագրության վերաբերյալ մեթոդական ցուցումներ» N 43-Ն որոշմամբ հաստատված հավելվածի:
9. Դժբախտ դեպքերի և մասնագիտական հիվանդությունների թիվը հաշվարկվում է ծառայողական քննություն իրականացնող հանձնաժողովի` համապատասխան ակտն ընդունելու պահից»:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը։
|
Հայաստանի Հանրապետության |
Ս. Սարգսյան |
|
|
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|