ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐԻ

Հ Ր Ա Մ Ա Ն

Հիմք ընդունելով «Նախնական մասնագիտական (արհեստագործական) և միջին մասնագիտական կրթության մասին» օրենքի 16-րդ հոդվածի 1-ին մասի 30-րդ կետը.

1. Սահմանել Հայաստանի Հանրապետության նախնական (արհեստագործական) և միջին մասնագիտական ուսումնական հաստատություններում գործածվող փաստաթղթերի ցանկը՝ համաձայն հավելված 1-ի։

2. Հաստատել Հայաստանի Հանրապետության նախնական (արհեստագործական) և միջին մասնագիտական ուսումնական հաստատություններում գործածվող փաստաթղթերի լրացման (գործածման) կարգը` համաձայն հավելված 2-ի:

3. Սույն հրամանի կատարման հսկողությունը հանձնարարել Հայաստանի Հանրապետության կրթության, գիտության, մշակույթի և սպորտի նախարարի տեղակալ Արաքսիա Սվաջյանին:

1. Աշխատողի անձնական գործ (յուրաքանչյուր աշխատողին վերաբերող տեղեկությունների, փաստաթղթերի թղթապանակ, որը կազմվում է աշխատանքի ընդունվելու պահից և պարբերաբար թարմացվում է),

2. Աշխատողների հրամանագիրք,

3. Պաշտոնի անձնագրեր,

4. Ուսանողի անձնական գործ (յուրաքանչյուր ուսանողին վերաբերող տեղեկությունների, փաստաթղթերի թղթապանակ, որը կազմվում է ուսումնական հաստատություն ընդունվելու պահից և պարբերաբար թարմացվում է),

5. Ուսանողների հրամանագիրք,

6. Ուսանողների շարժի մատյան,

7. Ուսումնական պարապմունքների մատյան (դասամատյան) (Էլեկտրոնային կամ թղթային),

8. Ուսումնական պլաններ և առարկայական ծրագրեր,

9. Ընդունելության քննությունների արձանագրություններ,

10. Պետական ամփոփիչ ստուգման արձանագրության մատյաններ,

11. Դիպլոմների բաշխման մատյան,

12. Ուսումնական հաստատության կառավարման և ուսումնամեթոդական խորհուրդների նիստերի արձանագրությունների մատյաններ,

13. Մանկավարժական խորհուրդների արձանագրությունների մատյան,

14. Ուսանողական խորհրդի արձանագրությունների մատյան,

15. Կանոնակարգեր (ներքին կարգապահական, մանկավարժների պարգևատրման և նյութական խրախուսման, ստորաբաժանումների, լաբորատորիայի վարման և այլն),

16. Զարգացման ծրագիր,

17. Ռազմավարական ծրագիր,

18. Դիպլոմային նախագծեր (ծրագիր) և քննական տոմսեր,

19. Դասացուցակ և ժամանակացույց,

20. Կրթական ծրագրի իրականացման լիցենզիա,

21. Ուսուցանվող մասնագիտությունների գործունեության թույլտվություն (լիցենզիա),

22. Ուսումնական հաստատության կանոնադրություն,

23. Հավատարմագրման վկայական՝ առկայության դեպքում,

24. Ուսումնական հաստատությունում ուսուցանվող մասնագիտությունների պետական կրթական չափորոշիչներ:

1. Սույն կարգով կարգավորվում են նախնական (արհեստագործական) և միջին մասնագիտական պետական և ոչ պետական հավատարմագրված կրթական ծրագրեր իրականացնող ուսումնական հաստատություններում (այսուհետ՝ ուսումնական հաստատություն) գործածվող փաստաթղթերի լրացման (գործածման) հետ կապված իրավահարաբերությունները։

2. Սույն հրամանի հավելված 1-ով հաստատված գործածման ենթակա փաստաթղթերի տեղեկատվությունը ուսումնական հաստատությունները մուտքագրում են կրթության կառավարման տեղեկատվական համակարգ (այսուհետ՝ համակարգ), համաձայն՝ Կրթության, գիտության, մշակույթի և սպորտի նախարարի 2021 թվականի օգոստոսի 17-ի N 65-Ն հրամանով հաստատված կարգի: Համակարգում համապատասխան տեղեկատվության մուտքագրման հնարավորության բացակայության դեպքում այն հավաքագրվում և վարվում է ուսումնական հաստատությունում փաստաթղթերի միջոցով:

3. Ուսումնական հաստատությունում գործածվող փաստաթղթերի լրացման և տեղեկատվության հավաքագրման պատասխանատուն հանդիսանում են ուսումնական հաստատության ղեկավարը և պաշտոնի անձնագրով սահմանված տվյալ աշխատանքը իրականացնող աշխատակիցը (այսուհետ՝ պատասխանատու աշխատակից):

4. Ուսումնական հաստատություններում գործածման ենթակա ցանկում առկա փաստաթղթերը (մատյանները) համարակալվում և ուսումնական հաստատության պատասխանատու աշխատակցի կողմից ներկայացվում են ղեկավարի վավերացմանը:

5. ՈՒսումնական հաստատություններում գործածման ենթակա ցանկում առկա փաստաթղթերը ուսումնական հաստատությունում պահվում են համաձայն Հայաստանի Հանրապետության կառավարության 2019 թվականի ապրիլի 4-ի «Պահպանության ժամկետների նշումով արխիվային փաստաթղթերի օրինակելի ցանկը սահմանելու և Հայաստանի Հանրապետության կառավարության 2006 թվականի մարտի 9-ի N 351-Ն որոշումն ուժը կորցրած ճանաչելու մասին» N 397-Ն որոշմամբ հաստատված պահանջների:

6. Ուսումնական հաստատության լուծարման դեպքում՝ պահպանման ենթակա փաստաթղթերը սահմանված կարգով հանձնվում են Ազգային արխիվ:

Պաշտոնական հրապարակման օրը՝ 22 դեկտեմբերի 2023 թվական: