Թեմա 1. Երաժշտության և արվեստի մյուս տեսակների փոխառնչությունները, գեղարվեստական կերպար

Ենթաթեմա 1. Երաժշտություն և գրականություն,

երաժշտական ժանրեր՝ խմբերգ, ռոմանս, կանտատ և այլն, երաժշտական և գրական կերպարներ

Նպատակներ

1. Ձևավորել պատկերացումներ և գիտելիքներ երաժշտության և արվեստի մյուս տեսակների փոխառնչությունների մասին:

2. Ձևավորել պատկերացումներ և գիտելիքներ արվեստի տարբեր տեսակների գեղարվեստական կերպարների մասին:

3. Զարգացնել գեղարվեստական կերպարներին հուզական արձագանք և ապրումակցում դրսևորելու հմտություն:

4. Ձևավորել երաժշտության և գրականության կապից առաջացած ժանրերը կատարելու, ներկայացնելու և վերլուծելու հմտություններ:

5. Արժևորել ազգային և համաշխարհային երաժշտական արվեստի ստեղծագործությունների բարձրարվեստ կատարումները:

 Ուղղորդող հարցեր

1. Ի՞նչ է արվեստը:

2. Արվեստի ո՞ր տեսակներին ես ծանոթ և ո՞րն է քեզ ավելի հետաքրքրում:

3. Ի՞նչ է նշանակում գեղարվեստական կերպար:

4. Ո՞ր առարկայի համատեքստում ես հանդիպել կերպարներին:

5. Հաճախո՞ւմ ես արվեստի որևէ խմբակ:

6. Հաճախե՞լ ես որևէ համերգասրահ:

 Վերջնարդյունքներ

4. Ուսումնասիրի երաժշտության և գրականության կապից առաջացած տարբեր ժանրերի ստեղծագործություններ և ներկայացնի գրավոր նյութ, օրինակ՝ էսսե դրանց ունկնդրումից ստացած իր տպավորությունների, հեղինակների, կատարողների մասին:

Թեմայի բովանդակություն

1. Արվեստը և նրա տեսակները:

2. Երաժշտության և գրականության կապը:

3. Այդ կապից առաջացած երաժշտական ժանրերը:

Առաջարկվող գործունեության ձևեր

1. Ուսումնասիրել արվեստի տեսակների փոխառնչությունը:

2. Ունկնդրել և կատարել տարբեր բնույթի և տեսակի երաժշտական ստեղծագործություններ և ներկայացնել երաժշտական կերպարները:

3. Վերլուծել և մեկնաբանել գեղարվեստական կերպարները:

4. Ներկայացնել շրջակա միջավայրում որևէ պատմական հուշարձանին համապատասխան երաժշտական ստեղծագործություն և վերլուծել կերպարը:

5. Ներկայացնել երաժշտության և գրականության կապից առաջացած երաժշտական ժանրերը, վերլուծել բովանդակության ընդհանրությունները և արտահայտչամիջոցների առանձնահատկությունները:

Խաչվող հասկացություններ Օրինաչափություն

Արվեստի տարբեր տեսակների գեղարվեստական կերպարների օրինաչափության դիտարկում:

 Միջառարկայական կապեր

2. Իմ հայրենիք - Ներկայացնի երաժշտության անդրադարձը պատմական հայտնի կերպարներին:

Կապը Հանրակրթության պետական չափորոշչի վերջնարդյունքների հետ

Հ2, Հ26 , Հ29, Հ30, Հ31, Հ32, Հ35, Հ42, Հ43, Հ44, Հ45, Հ46

Ենթաթեմա 2

Երաժշտություն և կերպարվեստ, երաժշտական և կերպարվեստի կերպարներ

Նպատակներ

1. Ձևավորել պատկերացումներ երաժշտության և կերպարվեստի փոխառնչության մասին («պատկերավոր» երաժշտություն և «հնչող» նկարներ):

2. Ձևավորել երաժշտության և կերպարվեստի փոխառնչությունն ուսումնասիրելու և մեկնաբանելու հմտություններ:

3. Ձևավորել երաժշտության և կերպարվեստի համանուն կամ նույն բնույթի, բովանդակության ստեղծագործությունները և դրանց արտահայտչամիջոցները համեմատելու, ընդհանրությունները և առանձնահատկություններն ընդգծելու հմտություններ:

4. Երաժշտության և կերպարվեստի փոխառնչության արժևորում:

Ուղղորդող հարցեր

1. Ի՞նչ կապ կարող է լինել երաժշտության և կերպարվեստի միջև:

2. Կարո՞ղ ես համեմատել երաժշտության նրբերանգները կերպարվեստի գույների երանգների հետ:

Վերջնարդյունքներ

1. Ինքնուրույն կամ խմբով ստեղծի փոքրիկ տեսանյութ երաժշտության և կերպարվեստի փոխառնչության, միևնույն բովանդակության ստեղծագործությունների արտահայտչամիջոցների ընդհանրությունների և առանձնահատկությունների մասին:

2. Դրսևորի երաժշտական գիտելիքներ և հմտություններ՝ գեղարվեստական կերպարները զգալու, հասկանալու, ճանաչելու և երաժշտական կերպարների հետ համեմատելու համար:

3. Վերլուծի և մեկնաբանի «պատկերավոր» երաժշտություն և «հնչող» նկարներ հասկացությունները, ցուցաբերի հուզական արձագանք, իր տպավորությունները ներկայացնի փոքրիկ էսսեով:

4. Վերլուծի և համեմատի, թե երաժշտության և կերպարվեստի ո՞ր արտահայտչամիջոցների կիրառման շնորհիվ են հեղինակները ներկայացրել իրենց մտահղացումները: Գնահատի ըստ նշված չափանիշների:

5. Մեկնաբանի մարդկության զարգացման փուլերի ազդեցությունը նոր ժանրերի, ոճերի առաջացման վրա:

6. Ազգային երաժշտության և կերպարվեստի իմացությունն օգտագործի իր երկրի պատմությունը, մշակույթը, ազգային արժեքները ներկայացնելու և մեկնաբանելու համար:

Թեմայի բովանդակությունը

1. Երաժշտություն և կերպարվեստ:

2. Դրանց ընդհանրությունները և առանձնահատկությունները:

3. Դրանցում առկա գեղարվեստական կերպարները և նրանց զարգացումը:

Առաջարկվող գործունեության ձևեր

1. Համեմատել երաժշտության և կերպար

2. վեստի արտահայտչամիջոցները:

3. Ունկնդրել տարբեր ստեղծագործություններ և դիտել դրանց համապատասխան կերպարվեստի ստեղծագործություններ:

4. Վերլուծել և մեկնաբանել արվեստի այս երկու տեսակների փոխկապվածությունը:

5. Տրված երաժշտական կերպարին համապատասխան ստեղծել նկարչական կերպար:

6. Շրջակա միջավայրում որևէ պատմական հուշարձանին համապատասխան երաժշտական ստեղծագործության ներկայացում և կերպարի վերլուծություն:

Խաչվող հասկացություններ

Օրինաչափություն

Երաժշտության և կերպարվեստի գեղարվեստական կերպարների օրինաչափության դիտարկում:

Կառուցվածք և գործառույթ

Գործառույթը կառուցվածքից բխող գործունեություն է: Փոխվում է կառուցվածքը, փոխվում են նաև դրանից բխող գործառույթները, կառուցվածքով և արտահայտչամիջոցներով են պայմանավորված արվեստի ստեղծագործությունների շատ գործառույթներ:

 Միջառարկայական կապեր

Գրականություն - Ներկայացնել երաժշտության և կերպարվեստի կապը գրագետ կապակցված խոսքով:

Կերպարվեստ - Նկարել երաժշտական ստեղծագործությունից ստացած տպավորությունները և զգացողությունները:

Կապը Հանրակրթության պետական չափորոշչի վերջնարդյունքների հետ

Հ2, Հ26 , Հ29, Հ30, Հ31, Հ32, Հ35, Հ42, Հ43, Հ44, Հ45, Հ46

Ենթաթեմա 3

Երաժշտություն և պարարվեստ. ժողովրդական, դասական, ժամանակակից պարեր, երաժշտական և պարային կերպարներ

Նպատակները

1. Ձևավորել երաժշտության և պարարվեստի փոխառնչության մասին պատկերացումներ:

2. Ձևավորել և զարգացնել երաժշտության և պարարվեստի փոխկապվածությունը ուսումնասիրելու և մեկնաբանելու հմտություններ:

3. Ձևավորել պարային երաժշտություն և տարբեր ժանրերի պարային շարժումներ կատարելու, ներկայացնելու, համեմատելու և դրանց համապատասխանությունը մեկնաբանելու հմտություններ:

4. Արժևորել պարարվեստի ազգային և համաշխարհային հայտնի կատարողների արվեստը:

 Ուղղորդող հարցեր

 Վերջնարդյունքներ

Թեմայի բովանդակությունը

1. Երաժշտության և պարարվեստի կապը:

2. Դրանց ընդհանրությունները և առանձնահատկությունները:

3. Ժողովրդական, դասական և ժամանակակից պարեր:

4. Երաժշտական և պարային կերպարներ:

Առաջարկվող գործունեության ձևեր

1. Ունկնդրել և դիտել պարային երաժշտություն:

2. Կատարել պարային շարժումներ կամ ամբողջական պարեր:

3. Դիտել տեսաերիզներ պարային խմբերի ելույթներից:

4. Վերլուծել և մեկնաբանել երաժշտության և պարարվեստի կապը:

Խաչվող հասկացություններ

Օրինաչափություններ

Երաժշտության և պարարվեստի գեղարվեստական կերպարների օրինաչափության դիտարկում:

Կառուցվածք և գործառույթ

Գործառույթը կառուցվածքից բխող գործունեություն է: Կառուցվածքով և արտահայտչամիջոցներով են պայմանավորված արվեստի ստեղծագործությունների շատ գործառույթներ:

Միջառարկայական կապեր

1. Հայոց լեզու և գրականություն - Կազմի գրագետ բանավոր և գրավոր խոսք ներկայացնելու համար պարարվեստի և երաժշտության փոխառնչությունները:

2. Պարարվեստ - Համեմատի ժողովրդական, դասական և ժամանակակից պարային շարժումները և երաժշտությունը:

Կապը Հանրակրթության պետական չափորոշչի վերջնարդյունքների հետ

Հ2, Հ26 , Հ29, Հ30, Հ31, Հ32, Հ35, Հ42, Հ43, Հ44, Հ45, Հ46

Թեմա 2

 Կինոյի և թատրոնի երաժշտություն, երաժշտությունը լրատվամիջոցներում՝ գովազդներում, հեռուստահաղորդումներում, երաժշտությունը և համակարգիչը

1. Նպատակներ

2. Ձևավորել և զարգացնել գիտելիքներ թատրոնի և կինոյի երաժշտության մասին:

3. Ձևավորել և զարգացնել գիտելիքներ հեռուստահաղորդումների և գովազդների երաժշտության մասին:

4. Ձևավորել գիտելիքներ դրանց նպատակի, միջոցների, բնույթի, կառուցվածքի մասին:

5. Ձևավորել դրանք կատարելու, վերլուծելու և մեկնաբանելու հմտություններ:

6. Ձևավորել ու զարգացնել քննադատական մտածողություն և գնահատող վերաբերմունք դրանց նկատմամբ:

7. Կարևորել նոր տեխնոլոգիաների դերը երաժշտության կատարման և տարածման գործում:

8. Արժևորել թատրոնի, կինոյի, հեռուստահաղորդումների և գովազդների բարձրորակ երաժշտական ձևավորումները:

Ուղղորդող հարցեր

1. Ի՞նչ նշանակություն ունի երաժշտությունը թատրոնի, կինոյի, հեռուստահաղորդումների և գովազդների համար:

2. Հրապուրվու՞մ ես հեռուստահաղորդումների և գովազդների երաժշտությամբ:

3. Կա՞ թատրոնի կամ կինոյի երաժշտություն, որը հաճախ կատարվում է համերգասրահներում:

4. Ունե՞ս նախընտրած սաունդթրեքներ:

 Վերջնարդյունքներ

1. Երգի (մենակ կամ խմբով) երգեր և խմբերգեր կինոերաժշտությունից կամ թատրոնի երաժշտությունից մաքուր ինտոնացիայով (նաև երկձայն), հստակ ռիթմով, նրբերանգներով, զարգացնելով մեղեդային գիծը, հետևելով նվագակցությանը և խմբավարի շարժումներին:

2. Վերլուծի թատրոնի և կինոյի երաժշտությունը, որոշի, թե ինչպես է երաժշտությունը նպաստում դրանց հիմնական գաղափարի բացահայտմանը և որ արտահայտչամիջոցների կիրառման շնորհիվ է հեղինակը ներկայացրել իր մտահղացումը:

3. Մեկնաբանի ունկնդրվող ստեղծագործության երաժշտական կերպարը՝ որպես մարդկային զգացմունքների, մտքերի, երևակայության, բնության երևույթների, իրադարձությունների նկարագրություն:

4. Ներկայացնի նոր տեխնոլոգիաների դերը երաժշտական արվեստի նոր ուղղությունների առաջացման և զարգացման գործընթացում, և արժևորի դրանց միջոցով ստեղծված երաժշտական կերպարի ներգործության ուժը մարդու զգացմունքների և գիտակցության վրա:

5. Մեկնաբանի մարդկության զարգացման փուլերի ազդեցությունը երաժշտական նոր ժանրերի, ոճերի, ուղղությունների առաջացման վրա:

6. Արժևորի երաժշտության դերը կինոյի, թատրոնի, հեռուստահաղորդումների և գովազդների մեջ:

Թեմայի բովանդակություն

1. Թատրոնի, կինոյի, հեռուստահաղորդումների, գովազդների երաժշտություն:

2. Դրանց տեսաերիզների դիտում:

3. Դրանց համերգային կատարումներ:

Առաջարկվող գործունեության ձևեր

1. Ունկնդրել կամ դիտել տեսանյութեր թատրոնի, կինոյի, հեռուստահաղորդումների և գովազդների երաժշտություն:

2. Կատարել, վերլուծել և մեկնաբանել դրանք:

3. Կազմակերպել քննարկումներ, ցուցաբերել քննադատական վերաբերմունք:

4. Արժևորել դրանց կարևորությունն արվեստի այդ տեսակների իմաստը, հիմնական գաղափարն ավելի տպավորիչ դարձնելու համար:

Խաչվող հասկացություններ

Անհատական և մշակութային արժեհամակարգ

Մշակույթի բարձրարժեք ստեղծագործությունների հետ հաղորդակցվելու միջոցով գաղափարների, համոզմունքների, արժեքների զգացողությունների, մշակութային դրսևորումների արժևորում:

 Միջառարկայական կապեր

1. Գրականություն – Գեղեցիկ, գրական հայերենով վերլուծել ուսուցանվող ստեղծագործությունների սցենարները և սյուժեները:

2. Թատրոն - Վերլուծել թատերական երաժշտության դերն ու նշանակությունը, ընդգծել և ներկայացնել արվեստի տարբեր ճյուղերի նպատակների, սկզբնաղբյուրների ընդհանրությունը և արտահայտչամիջոցների առանձնահատկությունները:

3. Կինո- Վերլուծել երաժշտության՝ սաունդթրեքի համապատասխանությունը կինոյի սցենարին:

4. Մեդիաարտ – Վերլուծել և մեկնաբանել հեռուստածրագրերի, հաղորդումների, գովազդների երաժշտության գաղափարը, համապատասխանությունը հաղորդման թեմային, դրսևորել գնահատող վերաբերմունք:

5. Կերպարվեստ - Մեկնաբանել բեմական ձևավորումների դերն ու նշանակությունն արվեստի տվյալ ստեղծագործության մեջ:

Կապը Հանրակրթության պետական չափորոշչի վերջնարդյունքների հետ:

Հ2, Հ26 , Հ29, Հ30, Հ31, Հ32, Հ35, Հ42, Հ43, Հ44, Հ45, Հ46

Թեմա 1.

Հայ հոգևոր երաժշտության ծնունդն ու զարգացումը: Շարականներ, տաղեր, գանձեր:

Նպատակներ

1. Ձևավորել հայ հոգևոր երաժշտության պատմությունը հետազոտելու հմտություններ:

2. Ընդլայնել հոգևոր երաժշտության վերաբերյալ գիտելիքները:

3. Զարգացնել հայ հոգևոր երաժշտության և նրա երախտավորների մասին հետազոտական կամ նախագծային աշխատանքներ ներկայացնելու հմտություններ:

4. Զարգացնել հայ հոգևոր երաժշտությունն ընկալելու, վերլուծելու, կատարելու և մեկնաբանելու հմտություններ:

5. Արժևորել հայ հոգևոր երաժշտությունը:

 Ուղղորդող հարցեր

1. Ի՞նչ ես հասկանում՝ հոգևոր երաժշտություն ասելով:

2. Ծանո՞թ ես այդ ժանրին:

3. Երբևէ ներկա եղե՞լ ես Պատարագի արարողությանը:

 Վերջնարդյունքներ

1. Ստեղծի (մենակ կամ խմբով) հայ հոգևոր երաժշտությանը նվիրված ուսումնասիրություն կամ հետազոտական աշխատանք:

2. Հաղորդակցվի և ինքնարտահայտվի հայ հոգևոր երաժշտության միջոցով՝ երգի (մենակ կամ խմբով) հայ հոգևոր երաժշտության նմուշներ, նաև երկձայն, հստակ առոգանությամբ, ներշնչանքով, արտահայտիչ, զարգացնելով մեղեդային գիծը:

3. Ընկալի և մեկնաբանի հոգևոր և աշխարհիկ երաժշտության առանձնահատկությունները, իր տպավորություններն ու զգացողությունները ներկայացնի՝ օգտագործելով երաժշտական մասնագիտական եզրույթներ:

4. Գիտակցի, որ ուսումնասիրելով հայ ազգային երաժշտությունը՝ դառնում է նրա կրողը, պահպանողը և սերունդներին փոխանցողը:

Թեմայի բովանդակությունը

1. Հայ հոգևոր երաժշտության ձևավորումը և զարգացումը

2. Հայ հոգևոր երաժշտություն՝ շարականներ, տաղեր, գանձեր:

3. Հայ հոգևոր երաժշտությունը մեր օրերում.

 Առաջարկվող գործունեության ձևեր

1. Ուսումնասիրել հայ հոգևոր երաժշտության պատմությունը:

2. Ունկնդրել, կատարել, մեկնաբանել հայ հոգևոր երգարվեստի նմուշները և հատվածներ Սուրբ Պատարագից:

3. Ներկայացնել թեմատիկ զեկույցներ, անհատական կամ խմբային հետազոտություններ, նախագծեր և այլն:

Խաչվող հասկացություններ

Անհատներ և հարաբերություններ

Ազգային արժեքների պահպանման գործում արժևորել անհատի գործոնը, անհատը պետք է դառնա դրանց կրողը, պահպանողը, զարգացնողը և սերունդներին փոխանցողը:

 Միջառարկայական կապեր

1. Գրականություն – Գեղեցիկ և գրագետ հայերենով մեկնաբանել հայ հոգևոր երգերի գրական հիմքերը և նրանց գաղափարը:

2. Կերպարվեստ -Ուսումնասիրել հայ հոգևոր մանրանկարչությունը, զարդարվեստը, ճարտարապետությունը և համեմատել հայ հոգևոր երգերի հետ:

3. Հայոց պատմություն - Ուսումնասիրել և մեկնաբանել վերոնշյալ ժամանակաշրջանի հայոց պատմության կարևոր իրադարձությունները:

4. Մշակույթ – Ուսումնասիրել հայ միջնադարյան հոգևոր արվեստը:

 Կապը Հանրակրթության պետական չափորոշչի վերջնարդյունքների հետ

Մ1, Մ17, Մ24, Մ25, Մ26, Մ40, Մ41, Մ42:

Թեմա 2. XVII-XVIII դդ. եվրոպական արվեստը՝ բարոկկո

Նպատակները

1. Ձևավորել պատկերացումներ և գիտելիքներ XVII-XVIII դդ. եվրոպական արվեստի մասին

2. Ձևավորել գիտելիքներ XVII-XVIII դդ. ստեղծագործած հայտնի կոմպոզիտորների և նրանց ստեղծագործությունների մասին:

3. Զարգացնել տվյալ թեմայով հետազոտական կամ նախագծային աշխատանքներ ներկայացնելու հմտություններ:

4. Արժևորել XVII-XVIII դդ. եվրոպական արվեստը:

 Ուղղորդող հարցեր

1. Ի՞նչ է նշանակում «եվրոպական արվեստ»:

2. Ծանո՞թ ես «բարոկկո» ուղղությանը:

3. Ունկնդրե՞լ ես այդ ուղղության որևէ ստեղծագործություն:

 Վերջնարդյունքներ

1. Ստեղծի (մենակ կամ խմբով) տվյալ ժամանակաշրջանի եվրոպական երաժշտությանը նվիրված հետազոտություն կամ նախագիծ:

2. Հաղորդակցվի և ինքնարտահայտվի տարբեր ազգերի բարոկկո ոճի երաժշտության միջոցով՝ համադրելով երաժշտական կերպարների յուրահատկությունները:

3. Ընկալի և մեկնաբանի հոգևոր և աշխարհիկ երաժշտության առանձնահատկությունները, իր տպավորություններն ու զգացողությունները ներկայացնի՝ օգտագործելով երաժշտական մասնագիտական եզրույթներ:

4. Հասկանա, ընկալի և գնահատի անցյալի երաժշտական ժառանգությունը և համեմատի ժամանակակից երաժշտական արվեստի հետ:

5. Արժևորի երաժշտության դերն ու նշանակությունն իր կյանքում:

Թեմայի բովանդակությունը

XVII-XVIII դդ. եվրոպական արվեստ և հանրահայտ ստեղծագործություններ:

 Առաջարկվող գործունեության ձևեր

1. Ծանոթանալ XVII-XVIII դդ. եվրոպական արվեստին և հանրահայտ ստեղծագործություններին:

2. Ունկնդրել, քննարկել, վերլուծել դրանք:

3. Կատարել ուսումնասիրություններ տվյալ ժամանակաշրջանի երաժշտական ավանդույթների վերաբերյալ:

Խաչվող հասկացություններ

Կողմնորոշում ժամանակի և տարածության մեջ

Սովորողներն ուսումնասիրում են տվյալ ժամանակաշրջանում ստեղծագործած հանրահայտ կոմպոզիտորների կյանքը, նրանց ստեղծագործական գործունեությունը, մարդկության պատմության շրջադարձային փուլերը, հայտնագործությունները, ինչպես նաև անհատների և հասարակության հարաբերությունները: Արժևորում են նրանց ավանդը տվյալ հասարակության զարգացման գործում:

Միջառարկայական կապեր

1. Կերպարվեստ - Ուսումնասիրել XVII-XVIII դդ. եվրոպական կերպարվեստի բարոկկո ոճի նկարիչների ստեղծագործությունները և համեմատել երաժշտության հետ:

2. Գրականություն – Ուսումնասիրել XVII-XVIII դդ. եվրոպական գրականությունը:

3. Համաշխարհային պատմություն – Մեկնաբանել XVII-XVIII դդ. եվրոպական պատմության կարևոր իրադարձությունները, որոնք ազդեցություն են ունեցել արվեստի զարգացման վրա:

4. Թատրոն - Ուսումնասիրել XVII-XVIII դդ. եվրոպական թատերական արվեստը:

5. Մշակույթ – Ուսումնասիրել XVII-XVIII դդ. բարոկկո ոճի եվրոպական ճարտարապետական հուշարձանները:

Կապը Հանրակրթության պետական չափորոշչի վերջնարդյունքների հետ

Մ1, Մ24, Մ25, Մ26, Մ40, Մ41, Մ42:

Թեմա 4. Վիեննական դասական դպրոցի ներկայացուցիչներ

Նպատակներ

1. Խորացնել գիտելիքները վիեննական դասական դպրոցի ներկայացուցիչների, նրանց կյանքի և ստեղծագործական գործունեության մասին:

2. Զարգացնել նրանց հայտնի ստեղծագործությունները ուսումնասիրելու, վերլուծելու, սեփական նախասիրությունները ներկայացնելու հմտություններ:

3. Զարգացնել տվյալ թեմայով նախագծային կամ հետազոտական աշխատանքներ կատարելու հմտություններ:

4. Արժևորել նրանց դերը երաժշտության պատմության զարգացման գործում:

 Ուղղորդող հարցեր

1. Լսե՞լ ես վիեննական դասական դպրոցի մասին:

2. Ինչու՞ էր կոչվում Վիեննական դպրոց:

3. Վիեննական դասական դպրոցի կոմպոզիտորներից որի՞ մասին գիտես:

4. Ու՞մ ստեղծագործությունն ես ավելի շատ սիրում:

5. Ներկա եղե՞լ ես երբևէ նրանց ստեղծագործությունների կատարմանը, եթե այո, ի՞նչ տպավորություն ես ստացել:

 Վերջնարդյունքներ

1. Հաղորդակցվի և ինքնարտահայտվի տարբեր ազգերի դասական երաժշտության միջոցով՝ մեկնաբանելով երաժշտական կերպարների յուրահատկությունները:

2. Ստեղծի տվյալ թեմայով նախագծային կամ հետազոտական աշխատանք:

3. Վերլուծի և մեկնաբանի տվյալ ժամանակաշրջանի տարբեր ժանրերի ստեղծագործությունները և դրանցում առկա արտահայտչամիջոցների բազմազանությունը:

4. Հասկանա, ընկալի և գնահատի անցյալի երաժշտական ժառանգությունը և համեմատի ժամանակակից երաժշտական արվեստի հետ:

5. Բացատրի, թե ինչ դեր ունի երաժշտությունն իր կյանքում, և արժևորի սեփական միջավայրի մշակութային օջախների գործունեությունը՝ որպես իր կյանքի անքակտելի մաս:

6. Արժևորի բարձրորակ կենդանի կատարումները և հաճախակի այցելի համերգասրահներ և թատրոններ:

Թեմայի բովանդակությունը

XVIII - XIX դդ. առաջին քառորդի եվրոպական արվեստ:

Վիեննական դասական դպրոցի ներկայացուցիչների ստեղծագործական գործունեությունը:

Առաջարկվող գործունեության ձևեր

1. Կատարել ուսումնասիրություններ, դիտել համերգներից հատվածներ:

2. Այցելել կոմպոզիտորների թանգարանները (առցանց):

3. Ունկնդրել, վերլուծել, մեկնաբանել դասական ստեղծագործությունները:

4. Կազմակերպել քննարկումներ, բանավեճեր, ներկայացնել շնորհանդեսներ, նախագծեր:

Խաչվող հասկացություններ

Կողմնորոշում ժամանակի և տարածության մեջ

Սովորողները, ուսումնասիրելով Վիեննական դասական դպրոցի ներկայացուցիչների կյանքը և ստեղծագործական գործունեությունը, ծանոթանում են տվյալ ժամանակաշրջանի մարդկանց կենցաղին, նրանց պատմություններին, համերգային շրջագայություններին, մարդկության պատմության շրջադարձային ժամանակահատվածներին, ինչպես նաև անհատների և քաղաքակրթության հարաբերություններին, արժևորում են նրանց արվեստը և ավանդը երաժշտության պատմության զարգացման մեջ:

Միջառարկայական կապեր

1. Կերպարվեստ - Ուսումնասիրել XVIII - XIX դդ. առաջին կեսի եվրոպական կերպարվեստի նմուշները և համեմատել երաժշտության հետ:

2. Համաշխարհային պատմություն - Ուսումնասիրել XVIII -XIX դդ. առաջին կեսին Եվրոպայում կատարվող պատմական իրադարձությունները, որոնք ազդեցություն են ունեցել երաժշտության զարգացման վրա:

3. Թատրոն - Ուսումնասիրել XVIII - XIX դդ. առաջին կեսի եվրոպական թատերական արվեստը:

4. Մշակույթ - Ուսումնասիրել XVIII -XIX դ. առաջին կեսի եվրոպական ճարտարապետությունը:

Կապը Հանրակրթության պետական չափորոշչի վերջնարդյունքների հետ

Մ1, Մ24, Մ25, Մ26, Մ40, Մ41, Մ42:

Թեմա 5. XIX դարի եվրոպական երաժշտության հիմնական ուղղությունները. ռոմանտիզմ

Նպատակները

Ձևավորել գիտելիքներ XIX դարի եվրոպական երաժշտության հիմնական ուղղություններից մեկի՝ ռոմանտիզմի մասին:

1. Ձևավորել ռոմանտիզմի ներկայացուցիչների կյանքը և ստեղծագործական գործունեությունն ուսումնասիրելու հմտություններ:

2. Զարգացնել տվյալ թեմայով հետազոտական կամ նախագծային աշխատանքներ կատարելու հմտություններ:

3. Արժևորել ռոմանտիկ կոմպոզիտորների ավանդը համաշխարհային երաժշտության պատմության զարգացման գործում:

 Ուղղորդող հարցեր

Ծանո՞թ եք արվեստի հիմնական ուղղություններին:

1. Ի՞նչ գիտեք ռոմանտիզմի մասին:

2. Որևէ տեղեկություն ունե՞ք ռոմանտիկ կոմպոզիտորների մասին:

3. Ներկա գտնվե՞լ եք նրանց ստեղծագործությունների համերգային կատարումներին:

Վերջնարդյունքներ

1. Ստեղծի (մենակ կամ խմբով) ռոմանտիզմի ժամանակաշրջանի եվրոպացի կոմպոզիտորների ստեղծագործական գործունեությանը նվիրված նախագիծ կամ երաժշտական նյութ դպրոցական միջոցառման համար:

2. Հաղորդակցվի և ինքնարտահայտվի համաշխարհային երաժշտական արվեստի գոհարներով: Երաժշտական անհատական կամ խմբային ստեղծագործական գործունեության ընթացքում կիրառի գիտելիքներ և հմտություններ՝ օգտագործելով ինքնարտահայտման զանազան երաժշտական միջոցներ և տեղեկատվական տեխնոլոգիաների հնարավորությունները:

3. Նպաստի խմբի ստեղծագործական և հետազոտական առաջադրանքների ընդհանուր արդյունքի ձեռքբերմանը:

4. Նկարագրի ստեղծագործություններից ստացած իր տպավորությունները գրագետ կապակցված խոսքով: Հասկանա երաժշտական տերմինաբանության իմաստը և գործնականում օգտագործի այն:

5. Ընկալի և վերլուծի ստեղծագործությունը, մեկնաբանի իր հույզերն ու ապրումները, հիմնավորի դրանք, ցուցաբերի վերլուծելու, համադրելու և համեմատելու հմտություններ:

6. Ընդլայնի ազգային և եվրոպական մշակութային ժառանգության նվաճումների մասին գիտելիքները նոր տեխնոլոգիաների, մասնավորապես՝ ուսումնական վիրտուալ այցերի (համերգասրահներ, թատրոններ, թանգարաններ) միջոցով:

7. Դրսևորի հետաքրքրություն կենդանի կատարումների նկատմամբ և հաճախակի այցելի համերգասրահներ:

Թեմայի բովանդակությունը

1. XIX դարի եվրոպական երաժշտության հիմնական ուղղությունները՝ ռոմանտիզմ:

2. Ռոմանտիզմի ուղղության հանրահայտ կոմպոզիտորները և նրանց ստեղծագործությունները:

Առաջարկվող գործունեության ձևեր

1. Կատարել ուսումնասիրություններ, դիտել համերգներից հատվածներ:

2. Ունկնդրել, վերլուծել, մեկնաբանել սիմֆոնիկ և կամերային ստեղծագործությունները:

3. Կազմակերպել քննարկումներ, բանավեճեր, շնորհանդեսներ և այլն:

Խաչվող հասկացություններ

Կողմնորոշում ժամանակի և տարածության մեջ

Սովորողները, ուսումնասիրելով ռոմանտիզմի ականավոր ներկայացուցիչների կյանքը և ստեղծագործությունը, ծանոթանում են տվյալ ժամանակաշրջանի պատմական իրադարձություններին, մարդկանց կենցաղին, մարդկության պատմության շրջադարձային փուլերին, ինչպես նաև անհատների և քաղաքակրթության հարաբերություններին, արժևորում են նրանց արվեստը և ավանդը երաժշտության զարգացման մեջ:

 Միջառարկայական կապեր

3. Մշակույթ - Ուսումնասիրել եվրոպական ռոմանտիկ արվեստի տարբեր տեսակների նմուշները::

Կապը Հանրակրթության պետական չափորոշչի վերջնարդյունքների հետ

Մ1, Մ24, Մ25, Մ26, Մ40, Մ41, Մ42: