«Գրանցված է»

ՀՀ արդարադատության

նախարարության կողմից

12 մարտի 2014 թ.

Պետական գրանցման թիվ 11814128

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ՆԱԽԱՐԱՐ

15 հունվարի 2014 թ.

թիվ 45-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐԻ 2012 ԹՎԱԿԱՆԻ ՓԵՏՐՎԱՐԻ 17-Ի ԹԻՎ 143-Ն ՀՐԱՄԱՆՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Համաձայն «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասի`

ՀՐԱՄԱՅՈՒՄ ԵՄ՝

1. Հայաստանի Հանրապետության ֆինանսների նախարարի 2012 թվականի փետրվարի 17-ի «Հայաստանի Հանրապետության հանրային հատվածի ներքին աուդիտի ձեռնարկների և ներքին աուդիտի կանոնակարգի մշակման ուղեցույցները հաստատելու և Հայաստանի Հանրապետության ֆինանսների և էկոնոմիկայի նախարարի 2002 թվականի դեկտեմբերի 30-ի թիվ 934-Ն հրամանն ուժը կորցրած ճանաչելու մասին» թիվ 143-Ն հրամանում (այսուհետ` Հրաման) կատարել հետևյալ լրացումները.

1) Հրամանի 1-ին կետից հետո լրացնել 1.1, 1.2 և 1.3 կետերը` հետևյալ բովանդակությամբ.

«1.1. Սույն հրամանի հավելվածի 21-67-րդ, 71-րդ և 92-րդ գլուխների պահանջները կատարել Ներքին աուդիտի միասնական կառավարման տեղեկատվական համակարգի միջոցով, բացառությամբ այն աշխատանքների, որոնք պարունակում են օրենքով սահմանված պետական գաղտնիք պարունակող գաղտնի տեղեկատվություն:

1.2. Ներքին աուդիտի որակի երաշխավորման և բարելավման ծրագրի կատարման նպատակով ներքին աուդիտի աշխատանքների գնահատումների համար հիմք ընդունել միայն Ներքին աուդիտի միասնական կառավարման տեղեկատվական համակարգի միջոցով իրականացված աշխատանքները, բացառությամբ օրենքով սահմանված պետական գաղտնիք պարունակող տեղեկությունների աուդիտի աշխատանքների:

1.3. Ներքին աուդիտի միասնական կառավարման տեղեկատվական համակարգի օգտագործողի ուղեցույցը, ինչպես նաև դրանում փոփոխությունները հրապարակվում են Հայաստանի Հանրապետության ֆինանսների նախարարության պաշտոնական կայքում:»։

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

Դ. Սարգսյան