«Գրանցված է»
ՀՀ արդարադատության
նախարարության կողմից
30 հունիսի 2005 թ.
Պետական գրանցման թիվ 10305241
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌԵՎՏՐԻ ԵՎ ՏՆՏԵՍԱԿԱՆ ԶԱՐԳԱՑՄԱՆ ՆԱԽԱՐԱՐ
|
1 ապրիլի 2005 թ. |
N 71-Ն |
Հ Ր Ա Մ Ա Ն
ԳՅՈՒՏԻ ԱՐՏՈՆԱԳԻՐ ՍՏԱՆԱԼՈՒ ՀԱՅՏԻ ՁԵՎԱԿԵՐՊՄԱՆ, ՆԵՐԿԱՅԱՑՄԱՆ, ՓՈԽԱԿԵՐՊՄԱՆ, ՆԱԽՆԱԿԱՆ ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ ԵՎ ԱՌԱՐԿՈՒԹՅՈՒՆՆԵՐԻ ՁԵՎԱԿԵՐՊՄԱՆ, ՆԵՐԿԱՅԱՑՄԱՆ ԵՎ ՔՆՆԱՐԿՄԱՆ ԿԱՐԳԸ ԵՎ ԳՅՈՒՏԻ ԸՍՏ ԷՈՒԹՅԱՆ ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
«Արտոնագրերի մասին» ՀՀ օրենքի 19-րդ հոդվածի 4-րդ, 23-րդ հոդվածի 1-ին, 25-րդ հոդվածի 3-րդ, 27-րդ հոդվածի և 31-րդ հոդվածի 5-րդ մասերին, ինչպես նաև ՀՀ կառավարության 2002 թվականի հուլիսի 11-ի N 1231-Ն որոշմամբ հաստատված Հայաստանի Հանրապետության առևտրի և տնտեսական զարգացման նախարարության մտավոր սեփականության գործակալության կանոնադրության 8-րդ կետի «ա» ենթակետին համապատասխան.
Հրամայում եմ`
1. Հաստատել Գյուտի արտոնագիր ստանալու հայտի ձևակերպման, ներկայացման, փոխանակման, նախնական փորձաքննության անցկացման և առարկությունների ձևակերպման, ներկայացման և քննարկման կարգը՝ համաձայն հավելված 1-ի:
2. Հաստատել Գյուտի ըստ էության փորձաքննության անցկացման կարգը՝ համաձայն հավելված 2-ի:
3. Ուժը կորցրած ճանաչել ՀՀ արտոնագրային վարչության պետի 2000 թ. հոկտեմբերի 30-ի «Գյուտի արտոնագիր ստանալու հայտի ձևակերպման, ներկայացման և քննարկման կանոնները հաստատելու մասին» N 61 հրամանը և ՀՀ արտոնագրային վարչության պետի 2000 թ. նոյեմբերի 29-ի «Գյուտի ըստ էության փորձաքննության անցկացման կարգը հաստատելու մասին» N 66 հրամանը:
4. Նախարարի տեղակալ Ա. Գևորգյանին՝ սահմանված կարգով ներկայացնել ՀՀ արդարադատության նախարարություն:
Կ. Ճշմարիտյան
|
Հավելված 1 | |
|
Հաստատված է |
Կ Ա Ր Գ
ԳՅՈՒՏԻ ԱՐՏՈՆԱԳԻՐ ՍՏԱՆԱԼՈՒ ՀԱՅՏԻ ՁԵՎԱԿԵՐՊՄԱՆ, ՆԵՐԿԱՅԱՑՄԱՆ, ՓՈԽԱԿԵՐՊՄԱՆ, ՆԱԽՆԱԿԱՆ ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ ԵՎ ԱՌԱՐԿՈՒԹՅՈՒՆՆԵՐԻ ՁԵՎԱԿԵՐՊՄԱՆ, ՆԵՐԿԱՅԱՑՄԱՆ ԵՎ ՔՆՆԱՐԿՄԱՆ
Բ ո վ ա ն դ ա կ ու թ յ ու ն
Կարգում օգտագործվող հասկացությունները
ԲԱԺԻՆ I. ԳՅՈՒՏԻ ՀԱՅՏԻ ՁԵՎԱԿԵՐՊՈՒՄԸ ԵՎ ՆԵՐԿԱՅԱՑՈՒՄԸ
ԳԼՈՒԽ 1. ԳՅՈՒՏԻ ԱՐՏՈՆԱԳԻՐ ՍՏԱՆԱԼՈՒ ՀԱՅՏԻ ՆԵՐԿԱՅԱՑՈՒՄԸ
Հայտ ներկայացնելու իրավունք ունեցող անձինք
Հայտ ներկայացնելու ընթացակարգը
Հայտը արտոնագրային հավատարմատարի կամ այլ ներկայացուցչի միջոցով ներկայացնելը
ԳԼՈՒԽ 2. ԳՅՈՒՏԻ ՀԱՅՏԸ
Գյուտի առարկան
Առաջարկություններ, որոնք ենթակա չեն իրավական պահպանության
Գյուտի միասնության պահանջը
Հայտի կազմը
Հայտին կցվող փաստաթղթերը
Փաստաթղթերի ներկայացումը
Հայտի լեզուն
Օրինակների քանակը
Ֆաքսի կամ էլեկտրոնային փոստի օգտագործումը
ԳԼՈՒԽ 3. ՀԱՅՏԻ ՓԱՍՏԱԹՂԹԵՐԻ ԲՈՎԱՆԴԱԿՈՒԹՅՈՒՆԸ
Դիմում արտոնագիր ստանալու մասին
Գյուտի նկարագրությունը
Նկարագրության նշանակությունը
Նկարագրության կառուցվածքը
Գյուտի անվանումը
Նկարագրության բաժինների բովանդակությունը
Տեխնիկայի բնագավառը, որին վերաբերում է գյուտը
Տեխնիկայի մակարդակը
Գյուտի բացահայտումը
Սարքը բնութագրող հատկանիշները
Միացությունը բնութագրող հատկանիշները
Բաղադրանյութը բնութագրող հատկանիշները
Միջուկային կերպափոխությամբ ստացված նյութը բնութագրող հատկանիշները
Մանրէների շտամները, բույսերի կամ կենդանիների բջիջների գծերը, միկրոօրգանիզմների կամ
բջիջների կոնսորցիումները բնութագրող հատկանիշները
Եղանակը բնութագրող հատկանիշները
Սարքի, նյութի, եղանակի, միկրոօրգանիզմի շտամի, կենդանիների կամ բույսերի
գծի, գենետիկական կառուցվածքի այլ նշանակությամբ կիրառումը բնութագրող հատկանիշները
Գրաֆիկական նյութերի համառոտ նկարագրությունը
Գյուտի իրականացումը
Սարքին վերաբերող գյուտի իրագործելիությունը հաստատող տեղեկություններ
Միացությանը վերաբերող գյուտի իրագործելիությունը հաստատող տեղեկություններ
Միկրոօրգանիզմի շտամին, բույսերի կամ կենդանիների գծին, գենետիկական կառուցվածքին
վերաբերող գյուտի իրագործելիությունը հաստատող տեղեկություններ
Եղանակին վերաբերող գյուտի իրագործելիությունը հաստատող տեղեկություններ
Սարքի, եղանակի, նյութի, միկրոօրգանիզմի շտամի, բույսերի կամ կենդանիների գծի,
գենետիկական կառուցվածքի այլ նշանակությամբ կիրառմանը վերաբերող գյուտի
իրագործելիությունը հաստատող տեղեկություններ
Գյուտի հավակնության սահմանումը
Հավակնության սահմանման նշանակությունը և դրան ներկայացվող պահանջները
Հավակնության սահմանման կառուցվածքը
Միօղակ հավակնության սահմանումը
Բազմօղակ հավակնության սահմանումը
Հավակնության սահմանման կետը
Հավակնության սահմանման անկախ կետը
Հավակնության սահմանման կախյալ կետը
Սարքին վերաբերող հավակնության սահմանման առանձնահատկությունները
Նյութին վերաբերող հավակնության սահմանման առանձնահատկությունները
Միկրոօրգանիզմի շտամին, բույսերի կամ կենդանիների բջիջների գծին, գենետիկական
կառուցվածքին վերաբերող հավակնության սահմանումը
Եղանակին վերաբերող հավակնության սահմանման առանձնահատկությունները
Գյուտի այլ նշանակությամբ կիրառմանը վերաբերող հավակնության սահմանման
առանձնահատկությունները
Գյուտի էությունը պարզաբանող նյութերը
Գյուտի համառոտ շարադրանքը (ռեֆերատ)
ԳԼՈՒԽ 4. ԱՐՏԱՀԱՅՏՈՒԹՅՈՒՆՆԵՐ ԵՎ ՏԱՐՐԵՐ, ՈՐՈՆՔ ՉԵՆ ԿԱՐՈՂ ՕԳՏԱԳՈՐԾՎԵԼ
ԳԼՈՒԽ 5. ՏԵՐՄԻՆՆԵՐ ԵՎ ՆՇԱՆՆԵՐ
ԳԼՈՒԽ 6. ՀԱՅՏԻ ՓԱՍՏԱԹՂԹԵՐԻ ՁԵՎԱԿԵՐՊՈՒՄԸ
Պիտանիությունը վերարտադրման համար
Օգտագործվող նյութը
Առանձին թերթեր, թերթերի չափը
Թերթերի համարակալումը
Տողերի համարակալումը
Տեքստի ձևակերպումը
Քիմիական բանաձևերը
Նուկլեոտիդների և ամինաթթուների հաջորդականությունների ցանկի պատճենի ձևակերպումը
Մաթեմատիկական բանաձևերը և սիմվոլները
Աղյուսակները
Գրաֆիկական նյութերը
ԲԱԺԻՆ II. ԳՈՐԾԵՐԻ ՎԱՐՈՒՄԸ ԳՈՐԾԱԿԱԼՈՒԹՅԱՆ ՀԵՏ
ԳԼՈՒԽ 7. ՆԵՐԿԱՅԱՑՈՒՑՉԻ ՆՇԱՆԱԿՈՒՄԸ
ԳԼՈՒԽ 8. ՆԱՄԱԿԱԳՐՈՒԹՅՈՒՆԸ ԳՈՐԾԱԿԱԼՈՒԹՅԱՆ ՀԵՏ
ԳԼՈՒԽ 9. ՀԱՅՏԻ ՓԱՍՏԱԹՂԹԵՐՈՒՄ ՈՒՂՂՈՒՄՆԵՐ ԵՎ ՃՇԳՐՏՈՒՄՆԵՐ ԿԱՏԱՐԵԼԸ
ԳԼՈՒԽ 10. ՀԱՅՏԻ ՀԵՏ ԿԱՆՉՈՒՄԸ, ԱՐՏՈՆԱԳԻՐ ՍՏԱՆԱԼՈՒ ԻՐԱՎՈՒՆՔԻ ԶԻՋՈՒՄԸ
ԳԼՈՒԽ 11. ՀԱՅՏԻ ՆՅՈՒԹԵՐԻՆ ԾԱՆՈԹԱՆԱԼԸ
ԳԼՈՒԽ 12.
ԳԼՈՒԽ 13. ՀԱՅՏԻ ՔՆՆԱՐԿՈՒՄԸ ՀԱՅՏԱՏՈՒԻ ՄԱՍՆԱԿՑՈՒԹՅԱՄԲ
ՀԱՅՏԻ ՔՆՆԱՐԿՄԱՆ ԸՆԹԱՑՔՈՒՄ ՓՈՐՁԱՔՆՆՈՒԹՅԱՆ ԿՈՂՄԻՑ ՆՇՎԱԾ ՆՅՈՒԹԵՐԻՆ ԾԱՆՈԹԱՆԱԼԸ
ԳԼՈՒԽ 14.
ԳԼՈՒԽ 15. ԲԱՑ ԹՈՂՆՎԱԾ ԺԱՄԿԵՏՆԵՐԻ ՎԵՐԱԿԱՆԳՆՈՒՄԸ
ՀԱՐՑՄԱՄԲ ՊԱՀԱՆՋՎՈՂ ՓԱՍՏԱԹՂԹԵՐԻ ԵՎ ՆՅՈՒԹԵՐԻ ՆԵՐԿԱՅԱՑՄԱՆ ԺԱՄԿԵՏԻ ԵՐԿԱՐԱՁԳՈՒՄԸ
ԲԱԺԻՆ III. ԳՅՈՒՏԻ ՀԱՅՏԻ ՆԱԽՆԱԿԱՆ ՓՈՐՁԱՔՆՆՈՒԹՅՈՒՆԸ
ԳԼՈՒԽ 16. ՀԱՅՏԻ ՆԵՐԿԱՅԱՑՎԱԾ ՆՅՈՒԹԵՐԻ ՀԵՏ ՎԱՐՎԵԼՈՒ ԿԱՐԳԸ
ԳԼՈՒԽ 17. ՀԱՅՏԻ ՆԱԽՆԱԿԱՆ ՓՈՐՁԱՔՆՆՈՒԹՅՈՒՆԸ
Հայտի նախնական փորձաքննության անցկացման պայմանները
Հայտի ներկայացման թվականի սահմանումը
Հայտի նախնական փորձաքննության բովանդակությունը
Հայտ ներկայացնելու համար վճարված պետական տուրքի համապատասխանության ստուգումը
Հայտի ուղղված կամ պակաս փաստաթղթերի ներկայացման մասին հարցումը
Հայտարկված գյուտի դասակարգումը
Առաջնության սահմանումը հայտի ներկայացման թվականով
Առաջնության սահմանումը ավելի վաղ թվականով
Կոնվենցիայով առաջնության սահմանումը
Առաջնության սահմանումը ավելի վաղ ներկայացված հայտով լրացուցիչ նյութերի ստացման
թվականով
Առաջնության սահմանումը նույն հայտատուի՝ ավելի վաղ ներկայացված հայտի ներկայացման
թվականով
Զատված հայտով ներկայացված գյուտի առաջնության սահմանումը
Մի քանի առաջնությունների սահմանումը
Գյուտի առաջնության թվականի սահմանման լրացուցիչ պայմանների ստուգումը
Գյուտի հավակնության սահմանման ստուգումը
Լրացուցիչ նյութերի ստուգումը
Հայտի փոխակերպումը
Արտոնագիր տալը մերժելու մասին որոշումը
Հայտի պաշտոնական հրապարակման մասին որոշումը
ԳԼՈՒԽ 18. ՀԱՅՏԻ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐԻ ՀՐԱՊԱՐԱԿՈՒՄԸ
Հայտեր, որոնց վերաբերյալ տեղեկությունները հրապարակվում են
Պաշտոնապես հրապարակված հայտի նյութերին ծանոթանալը
Գյուտի մասին հրապարակվող տեղեկատվության մեջ հեղինակին չհիշատակելը
|
ԳԼՈՒԽ 19. |
ՀԱՄԸՆԴՀԱՆՈՒՐ ԾԱՆՈԹԱՑՄԱՆ ԴՐՎԱԾ ՀԱՅՏԵՐՈՎ ԱՐՏՈՆԱԳԻՐ ՏԱԼՈՒ ԴԵՄ ԱՌԱՐԿՈՒԹՅԱՆ ՁԵՎԱԿԵՐՊՈՒՄԸ, ՆԵՐԿԱՅԱՑՈՒՄԸ ԵՎ ՔՆՆԱՐԿՈՒՄԸ |
Առարկության ձևակերպումը
Առարկության ներկայացումը
Առարկության քննարկումը
ԳԼՈՒԽ 20. ՆԱԽՆԱԿԱՆ ԱՐՏՈՆԱԳԻՐ ՏԱԼՈՒ ՄԱՍԻՆ ՈՐՈՇՈՒՄԸ
ԳԼՈՒԽ 21. ՄԻՋԱԶԳԱՅԻՆ ՀԱՅՏԻ ՆԵՐԿԱՅԱՑՈՒՄԸ ԵՎ ՔՆՆԱՐԿՈՒՄԸ
Միջազգային հայտի ներկայացումը
Ազգային փուլ
Ազգային փուլ փոխադրված միջազգային հայտի նախնական փորձաքննությունը
ԳԼՈՒԽ 22. ԵՎՐԱՍԻԱԿԱՆ ՀԱՅՏԻ ՆԵՐԿԱՅԱՑՈՒՄԸ, ՍՏՈՒԳՈՒՄԸ ԵՎ ԱՌԱՔՈՒՄԸ
Եվրասիական հայտի ներկայացումը
Եվրասիական հայտի ներկայացման թվականի սահմանումը
Եվրասիական հայտի քննարկումը և առաքումը
Եվրասիական հայտի փոխակերպումը և փոխակերպված հայտի քննարկումը Գործակալությունում
Սույն կարգը սահմանված է «Արտոնագրերի մասին» ՀՀ օրենքի 19-րդ հոդվածի 4-րդ, 23-րդ հոդվածի 1-ին, 25-րդ հոդվածի 3-րդ և 31-րդ հոդվածի 5-րդ մասերի, ինչպես նաև ՀՀ կառավարության 2002 թվականի հուլիսի 11-ի N 1231-Ն որոշմամբ հաստատված ՀՀ առևտրի և տնտեսական զարգացման նախարարության մտավոր սեփականության գործակալության կանոնադրության 8-րդ կետի «ա» ենթակետի համաձայն՝ գյուտի հայտի ձևակերպման, ներկայացման, փոխակերպման, նախնական փորձաքննության անցկացման և առարկությունների ձևակերպման, ներկայացման և քննարկման հետ կապված հարցերը կարգավորելու նպատակով:
Կարգում օգտագործվող հասկացությունները
ՀՀ՝ Հայաստանի Հանրապետություն
Օրենք՝ «Արտոնագրերի մասին» ՀՀ օրենքը, որն ընդունվել է ՀՀ Ազգային ժողովի կողմից 2004 թ. դեկտեմբերի 8-ին և ուժի մեջ է մտել 2005 թ. հունվարի 9-ից
Փարիզյան կոնվենցիա՝ Արդյունաբերական սեփականության պահպանության մասին Փարիզյան կոնվենցիա
ՄՍՀԿ՝ Մտավոր սեփականության համաշխարհային կազմակերպություն
ԱՀՊ՝ Արտոնագրային համագործակցության մասին պայմանագիր (PCT)
ՄԱԴ՝ Միջազգային արտոնագրային դասակարգում
Գործակալություն՝ ՀՀ առևտրի և տնտեսական զարգացման նախարարության մտավոր սեփականության գործակալություն
Հայտ` գյուտի արտոնագիր ստանալու հայտ
Կոնվենցիայով հայտ՝ հայտ, որը ներկայացված է Փարիզյան կոնվենցիայի համաձայն առաջնության խնդրանքով
Միջազգային հայտ՝ հայտ, որը ներկայացված է ԱՀՊ պայմանագրի համաձայն
Եվրասիական հայտ՝ հայտ, որը ներկայացված է Եվրասիական արտոնագրային կոնվենցիայի համաձայն
Հեղինակ՝ այն ֆիզիկական անձը, ում ստեղծագործական աշխատանքով ստեղծվել է գյուտը
Հայտատու՝ ֆիզիկական կամ իրավաբանական անձ, ում անունով խնդրարկվում է արտոնագիրը
Արտոնագրատեր՝ անձ, ում անունով տրված է գյուտի արտոնագիրը
Ներկայացուցիչ՝ անձ, որը լիազորված է Գործակալությանը ներկայացնելու հայտատուին, արտոնագրատիրոջը կամ այլ անձի
Արտոնագրային հավատարմատար՝ ներկայացուցիչ, որը ֆիզիկական անձ է և Գործակալությունում գրանցված է որպես արտոնագրային հավատարմատար
Դիմում՝ գյուտի ՀՀ արտոնագիր ստանալու մասին դիմում։
Բ Ա Ժ Ի Ն I
ԳՅՈՒՏԻ ՀԱՅՏԻ ՁԵՎԱԿԵՐՊՈՒՄԸ ԵՎ ՆԵՐԿԱՅԱՑՈՒՄԸ
Գ Լ ՈՒ Խ 1
ԳՅՈՒՏԻ ԱՐՏՈՆԱԳԻՐ ՍՏԱՆԱԼՈՒ ՀԱՅՏԻ ՆԵՐԿԱՅԱՑՈՒՄԸ
Հայտ ներկայացնելու իրավունք ունեցող անձինք
1. Օրենքի 18-րդ հոդվածի 1-ին մասի և 9-րդ հոդվածի 1-ին մասի համաձայն, հայտը ներկայացնում է արտոնագիր ստանալու իրավունք ունեցող անձը, մասնավորապես՝ գյուտի հեղինակը (համահեղինակները), գործատուն կամ նրանց իրավահաջորդը (այսուհետ՝ հայտատու)։
Արտոնագիր ստանալու իրավունքը հավաստող որևէ փաստաթուղթ չի պահանջվում։
2. Հայտատուի կողմից Օրենքի 33-րդ հոդվածի 1-ին մասի «ա» ենթակետի համաձայն արտոնագիր ստանալու իրավունքի զիջումը, որի մասին նշված է հայտում կամ կարող է նշվել Գործակալություն ուղղված դիմումում՝ մինչև գյուտի պետական գրանցումը, համարվում է նաև հայտատուի իրավունքների զիջում։
3. Գյուտի հեղինակն իրավունք ունի հայտ ներկայացնելու հետևյալ դեպքերում՝
եթե գյուտը ծառայողական չէ, այսինքն՝ կապված չէ հեղինակի կողմից իր ծառայողական պարտականությունների կատարման հետ.
եթե գյուտը ծառայողական է, բայց աշխատողի (հեղինակի) և գործատուի միջև այդ մասին պայմանագիր չկա, կամ կնքված պայմանագրով նախատեսված է, որ աշխատողի կողմից ստեղծված գյուտի արտոնագիր ստանալու իրավունքը պատկանում է հեղինակին, կամ եթե գյուտի ստեղծման մասին գործատուին հայտնելու օրվանից երեք ամսվա ընթացքում վերջինս կամ նրա իրավահաջորդը հայտ չի ներկայացնում Գործակալություն կամ հայտ ներկայացնելու իրավունքը չի զիջում այլ անձի:
Հայտ ներկայացնելու ընթացակարգը
4. Հայտը կարող է ներկայացվել Գործակալություն անմիջականորեն կամ փոստային առաքմամբ:
5. Հայտը կարող է ներկայացվել Գործակալություն նաև ֆաքսով կամ էլեկտրոնային փոստով՝ ֆաքսիմիլային պատկերի տեսքով, հայտի բնօրինակի հետագա ներկայացմամբ՝ համաձայն սույն Կարգի 30-33-րդ կետերի։
Հայտը արտոնագրային հավատարմատարի կամ այլ ներկայացուցչի միջոցով ներկայացնելը
6. Հայտը կարող է ներկայացնել հայտատուն՝ անձամբ կամ Գործակալությունում գրանցված արտոնագրային հավատարմատարի կամ արտոնագրային հավատարմատար չհանդիսացող ներկայացուցչի միջոցով։
7. Օրենքի 18-րդ հոդվածի 4-րդ մասի համաձայն, օտարերկրյա իրավաբանական անձինք կամ նրանց արտոնագրային հավատարմատարները և ՀՀ-ից դուրս մշտապես բնակվող ֆիզիկական անձինք Գործակալության հետ գործավարությունն իրականացնում են արտոնագրային հավատարմատարների միջոցով։ ՀՀ միջազգային պայմանագրով նախատեսված դեպքերում օտարերկրյա իրավաբանական անձինք (կամ նրանց արտոնագրային հավատարմատարները) կամ ՀՀ-ից դուրս մշտապես բնակվող ֆիզիկական անձինք ՀՀ միջազգային պայմանագրի համաձայն կարող են հայտը ներկայացնել անձամբ, վճարել արտոնագրային տուրքերը և կատարել այլ գործողություններ։
8. Եթե նշված անձանց հետ որպես հայտատու հանդես են գալիս ՀՀ-ում մշտապես բնակվող ֆիզիկական անձինք կամ ՀՀ-ում գրանցված իրավաբանական անձինք, ապա հայտ ներկայացնելու և արտոնագիր ստանալու հետ կապված գործերը կարող են վարվել առանց արտոնագրային հավատարմատարի։ Այս դեպքում Գործակալությունը կարող է պահանջել, որ ՀՀ տարածքում նշվի հասցե՝ նամակագրություն իրականացնելու համար։
9. Ներկայացուցչի նշանակումը իրականացվում է հայտատուի, արտոնագրատիրոջ կամ այլ շահագրգիռ անձի կողմից տրված լիազորագրի միջոցով, որը կազմված է պարզ գրավոր ձևով, առանց նոտարական վավերացման։ Լիազորագիրը ստորագրվում է հայտատուի, արտոնագրատիրոջ կամ այլ շահագրգիռ անձի կողմից, ընդ որում, լիազորագրում պետք է նշվի հասցե նամակագրություն իրականացնելու համար։
10. Եթե ներկայացուցչին նշանակում են մի քանի անձինք, ապա լիազորագիրը ստորագրվում է բոլոր անձանց կողմից։
11. Առանձին լիազորագիր չի պահանջվում, եթե ներկայացուցիչը նշված է հայտատուի կողմից ստորագրված գյուտի արտոնագիր ստանալու մասին դիմումի ձևում։ Այդ դեպքում ներկայացուցիչն ունի բոլոր լիազորությունները տվյալ հայտի նկատմամբ՝ ընդհուպ մինչև արտոնագիր ստանալը։
12. Գործակալություն ներկայացվում է ներկայացուցչին տրված լիազորագրի բնօրինակը։
13. Եթե մեկ հայտում նշված են մի քանի հայտատու կամ արտոնագիրը տրված է մի քանի արտոնագրատիրոջ անունով, ապա նրանցից յուրաքանչյուրն իրավունք ունի գործերը վարելու Գործակալությունում, սակայն նրանք կամ բոլորը միասին պետք է ստորագրեն հայտատուի կամ արտոնագրատիրոջ ստորագրությունը պահանջող յուրաքանչյուր փաստաթուղթ, կամ հայտատուների կամ արտոնագրատերերի կազմից պետք է նշանակեն ընդհանուր ներկայացուցիչ, կամ էլ պետք է նշանակեն այլ ներկայացուցիչ։ Այս դրույթը տարածվում է նաև այլ շահագրգիռ անձանց վրա, որոնք վարում են գործերը Գործակալությունում։
Գ Լ ՈՒ Խ 2
ԳՅՈՒՏԻ ՀԱՅՏԸ
Գյուտի առարկան
14. Օրենքի 5-րդ հոդվածի 1-ին մասի համաձայն որպես գյուտ պահպանվում է ցանկացած բնագավառի տեխնիկական լուծում, որը վերաբերում է արտադրանքին (մասնավորապես՝ սարքին, նյութին, կենսատեխնոլոգիական արգասիքին) կամ եղանակին (նյութական միջոցների օգնությամբ նյութական օբյեկտի վրա գործողությունների իրականացման գործընթացին)։
15. Որպես արտադրանք գյուտի առարկան
Որպես արտադրանք գյուտի առարկա է համարվում, մասնավորապես՝ սարքը, նյութը, միկրոօրգանիզմի շտամը, բույսերի կամ կենդանիների բջիջների գիծը, գենետիկական կառուցվածքը։
Սարքերին վերաբերում են կառուցվածքները և պատրաստվածքները։
Նյութերին վերաբերում են, մասնավորապես՝ քիմիական միացությունները, այդ թվում՝ նուկլեինաթթուները և սպիտակուցները, բաղադրանյութերը (բաղադրությունները, խառնուրդները), միջուկային կերպափոխությամբ ստացված նյութերը։
Միկրոօրգանիզմների շտամներին վերաբերում են, մասնավորապես՝ մանրէների, վիրուսների, մանրէաֆագերի, մանրաջրիմուռների, մանրասնկերի շտամները, միկրոօրգանիզմների կոնսորցիումները։
Բույսերի կամ կենդանիների բջիջների գծերին վերաբերում են, մասնավորապես՝ բույսերի կամ կենդանիների օրգանների, հյուսվածքների բջիջների գծերը, համապատասխան բջիջների կոնսորցիումները։
Գենետիկական կառուցվածքներին վերաբերում են, մասնավորապես՝ պլազմիդները, վեկտորները, միկրոօրգանիզմների, բույսերի և կենդանիների կայուն կերպափոխված բջիջները, տրանսգենային բույսերը և կենդանիները։
16. Որպես եղանակ գյուտի առարկան
Որպես եղանակ գյուտի առարկա է համարվում նյութական միջոցներով նյութական օբյեկտի նկատմամբ գործողությունների իրականացման գործընթացը կամ նյութական օբյեկտի կիրառումը այլ նշանակությամբ։
Առաջարկություններ, որոնք ենթակա չեն իրավական պահպանության
17. Որպես գյուտ իրավական պահպանության ենթակա չեն՝
ա) Օրենքի 4-րդ հոդվածի 7-րդ մասի համաձայն, իրավական պահպանության ենթակա չեն այն գյուտերը, որոնց օգտագործումը հակասում է հասարակության շահերին, մարդասիրության և բարոյականության սկզբունքներին.
բ) Օրենքի 5-րդ հոդվածի 7-րդ մասի համաձայն, իրավական պահպանության ենթակա չեն՝
հայտնագործությունները, գիտական տեսությունները և մաթեմատիկական մեթոդները.
տնտեսության կազմակերպման և ղեկավարման եղանակները.
պայմանական նշանները, կարգացուցակները և կանոնները.
խաղերի կանոնները, մտավոր կամ տնտեսական գործունեության կանոնները և եղանակները.
հաշվիչ մեքենաների ալգորիթմները.
կառույցների, շենքերի ու տարածքների հատակագծերի սխեմաները և նախագծերը.
իրի արտաքին տեսքին վերաբերող այն լուծումները, որոնք ունեն միայն գեղագիտական նշանակություն։
գ) Օրենքի 5-րդ հոդվածի 8-րդ մասի համաձայն, սույն օրենքի իմաստով արտոնագրաունակ գյուտեր չեն համարվում՝
բույսերի տեսակները և կենդանիների ցեղատեսակները, ինչպես նաև դրանց ստացման բնական կենսաբանական եղանակները.
մարդու կլոնավորման եղանակները.
արդյունաբերական կամ առևտրային նպատակներով մարդու էմբրիոնների օգտագործումը.
մարդու սաղմի բջիջների գենետիկական նույնականության ձևափոխման եղանակները.
կենդանիների գենետիկական նույնականության ձևափոխման եղանակները, ինչպես նաև այդպիսի եղանակով ստացված կենդանին.
ինտեգրալ միկրոսխեմաների տոպոլոգիաները։
Գյուտի միասնության պահանջը1
8. Օրենքի 19-րդ հոդվածի 1-ին մասի համաձայն, գյուտի հայտը պետք է վերաբերի մեկ գյուտի կամ միասնական գյուտարարական մտահղացում կազմող մի խումբ գյուտերի:
19. Գյուտի միասնության պահանջը համարվում է պահպանված, եթե՝
գյուտի հավակնության սահմանման մեջ բնութագրված է մեկ գյուտ.
գյուտի հավակնության սահմանման մեջ բնութագրված է գյուտերի խումբ՝
որոնցից մեկը նախատեսված է մյուսի ստացման (պատրաստման) համար (օրինակ՝ սարքը կամ նյութը և սարքի կամ նյութի (ամբողջությամբ կամ դրա մասերի) ստացման (պատրաստման) եղանակը).
որոնցից մեկը նախատեսված է մյուսի իրագործման համար (օրինակ՝ եղանակ և դրա կամ դրա գործողություններից որևէ մեկի իրականացման սարք).
որոնցից մեկը նախատեսված է մյուսի (կամ մյուսում) օգտագործման համար (օրինակ՝ եղանակ և նյութ, որը նախատեսված է եղանակում օգտագործելու համար, եղանակ կամ սարք և դրա մասը, սարքի կամ նյութի այլ նշանակությամբ կիրառումը և այդ նշանակությանը համապատասխան՝ դրանց օգտագործմամբ եղանակ, սարքի կամ նյութի այլ նշանակությամբ կիրառումը և սարք կամ բաղադրանյութ, որոնցում դրանք օգտագործվում են այդ նշանակությանը համապատասխան որպես բաղադրիչ մաս).
որոնք վերաբերում են նույն նշանակությամբ նույն տեսակի առարկաներին, որոնք ապահովում են միևնույն տեխնիկական արդյունք (տարբերակներ)։
Հայտի կազմը
20. Օրենքի 19-րդ հոդվածի 2-րդ մասի համաձայն, գյուտի հայտը պետք է պարունակի՝
ա) դիմում՝ ՀՀ արտոնագիր ստանալու մասին, որտեղ նշվում են գյուտի անվանումը, հայտատուն (հայտատուները), հեղինակը (համահեղինակները) և նրանց բնակության կամ գտնվելու վայրը.
բ) գյուտի նկարագրությունը, որը բացահայտում է գյուտը՝ տվյալ բնագավառի մասնագետի կողմից դա իրականացնելու համար բավարար չափով.
գ) գյուտի հավակնության սահմանումը, որն արտահայտում է դրա էությունը և ամբողջապես հիմնված է նկարագրության վրա.
դ) գծագրեր և այլ նյութեր, եթե դրանք անհրաժեշտ են գյուտի էությունը հասկանալու համար.
ե) գյուտի համառոտ շարադրանքը (ռեֆերատ):
Դիմումը և հավակնության սահմանումը պետք է ստորագրված լինեն հայտատուի (հայտատուների) կողմից:
Հայտին կցվող փաստաթղթերը
21. Օրենքի 19-րդ հոդվածի 3-րդ մասի համաձայն, գյուտի հայտին կցվում է հայտը ներկայացնելու համար պետական տուրքի վճարման անդորրագիրը կամ բանկային հանձնարարագիրը (բնօրինակը)` պետական տուրքի տեսակի, վճարողի անվան, գումարի փոխանցման բանկային հաշվի համարի և վճարման ամսաթվի նշումով։
22. Եթե տուրքը վճարվել է զեղչով, ապա տուրքի վճարումը հաստատող փաստաթղթի հետ մեկտեղ պետք է ներկայացվի նաև զեղչով վճարման հիմքերը հաստատող փաստաթուղթ՝ տեղեկանք իրավաբանական անձի (հայտատուի) աշխատողների թվաքանակի մասին՝ նշելով հարկ վճարողի հաշվառման համարը, որը ստորագրում է դրա ղեկավարը կամ այդպիսի իրավունք ունեցող այլ անձ (նշելով պաշտոնը), որի ստորագրությունը վավերացվում է կնիքով։
23. Եթե Փարիզյան կոնվենցիայի 4-րդ հոդվածի համաձայն հայտատուն խնդրարկում է ավելի վաղ առաջնություն, հայտին պետք է կցվի առաջին հայտի պատճենը, որը վավերացված է այն գերատեսչության կողմից, որտեղ այն ներկայացվել է։ Եթե առաջին հայտերը մի քանիսն են, կցվում են այդ բոլոր հայտերի վավերացված պատճենները:
24. Եթե գյուտի հայտը վերաբերում է միկրոօրգանիզմի շտամին, բույսերի կամ կենդանիների բջիջների գծին կամ միջոցին, որում օգտագործվում է միկրոօրգանիզմի անհայտ շտամը կամ բջիջների գիծը, ապա հայտին պետք է կցվի տեղեկանք՝ նշելով լիազորված մարմնում՝ միկրոօրգանիզմների հավաքածուում, տվյալ շտամի կամ բջիջների գծի ավանդադրման մասին։ Ընդ որում, ավանդադրման թվականը պետք է նախորդի հայտի ներկայացման թվականին:
25. Եթե գյուտի հայտը ներառում է նուկլեոտիդների և(կամ) ամինաթթուների հաջորդականությունների ցանկ, ապա հայտին պետք է կցվի նուկլեոտիդների և ամինաթթուների հաջորդականությունների այդ նույն ցանկի պատճենի գրառումով մեքենաընթեռնելի պնակիտ, որը բավարարում է ՄՍՀԿ ST.25 ստանդարտին և հայտատուի կողմից ստորագրված դիմում՝ տպագիր և մեքենաընթեռնելի ձևերով ներկայացված հաջորդականությունների ցանկերի նույնականության մասին։
26. Եթե գյուտի հայտը ներկայացվում է ներկայացուցչի միջոցով, հայտին կցվում է հայտատուի կողմից նրան տրված լիազորագիրը։ Լիազորագրում նշվում է ներկայացուցչի լիազորությունների ծավալը, լիազորագիր տալու թվականը և վայրը։
Փաստաթղթերի ներկայացումը
Հայտի լեզուն
27. Հայտի դիմումը ներկայացվում է հայերեն:
28. Հայտի մյուս փաստաթղթերը՝
ՀՀ հայտատուները պարտավոր են ներկայացնել հայերեն.
օտարերկրյա հայտատուները կարող են ներկայացնել այլ լեզվով։ Այդ դեպքում նրանք պարտավոր են դրանց հայերեն թարգմանությունը Գործակալություն ներկայացնել հայտը ներկայացնելու օրվանից երկամսյա ժամկետում:
Օրինակների քանակը
29. Սույն Կարգի 20-րդ կետում նշված հայտի փաստաթղթերը, որոնք կազմված են հայերենով, ներկայացվում են 3 օրինակով: Նույն փաստաթղթերը, եթե կազմված են այլ լեզվով, ներկայացվում են 1 օրինակով, իսկ դրանց հայերեն թարգմանությունը՝ 3 օրինակով։
Ֆաքսի կամ էլեկտրոնային փոստի օգտագործումը
30. Հայտին վերաբերող ցանկացած փաստաթուղթ, որը մինչև սահմանված ժամկետի լրանալը առաքվել է ֆաքսով կամ էլեկտրոնային փոստով ֆաքսիմիլային պատկերի տեսքով, համարվում է ժամանակին ներկայացված, եթե դրա բնօրինակը Գործակալություն է ներկայացվում մեկ ամսվա ընթացքում։
31. Եթե հայտատուն կամ այլ շահագրգիռ անձ իր նախաձեռնությամբ ֆաքսով կամ էլեկտրոնային փոստով որևէ ժամկետի հետ կապ չունեցող փաստաթուղթ է ներկայացնում, ապա այդ փաստաթղթի բնօրինակը պետք է ներկայացվի մեկ ամսվա ընթացքում։
32. Եթե ֆաքսով կամ էլեկտրոնային փոստով ստացված փաստաթուղթն ամբողջությամբ կամ մասամբ ընթեռնելի չէ, փաստաթուղթը համարվում է չտրված, ինչի մասին ծանուցվում է հայտատուն։
33. Ավելի վաղ ֆաքսով կամ էլեկտրոնային փոստով ներկայացված փաստաթղթի բնօրինակը ներկայացնելիս անհրաժեշտ է ուղեկցող նամակում հավաստիացնել (եթե ֆիզիկական անձ է՝ ստորագրությամբ, եթե իրավաբանական անձ է՝ դրա ղեկավարի կամ այդպիսի իրավունք ունեցող այլ անձի (նշելով պաշտոնը) ստորագրությամբ՝ վավերացված կնիքով), որ ներկայացված փաստաթուղթը իրենից ներկայացնում է ավելի վաղ ստացված փաստաթղթի բնօրինակը և որ այդ փաստաթղթերի տեքստերը նույնական են։
Գ Լ ՈՒ Խ 3
ՀԱՅՏԻ ՓԱՍՏԱԹՂԹԵՐԻ ԲՈՎԱՆԴԱԿՈՒԹՅՈՒՆԸ
Դիմում արտոնագիր ստանալու մասին
34. Արտոնագիր ստանալու դիմումը ներկայացվում է սույն Կարգին կից տրված ձևով (ձև N 1):
35. Եթե որևէ տեղեկություն ամբողջությամբ չի տեղավորվում դիմումի համապատասխան սյունակում, ապա այդ տեղեկությունը նույն ձևով բերվում է լրացուցիչ թերթի վրա՝ դիմումի համապատասխան սյունակում նշելով՝ «տե՜ս լրացուցիչ թերթի վրա» կամ «տեղեկությունները բերված են լրացուցիչ թերթի վրա»:
36. Դիմումի 1-ին և 2-րդ սյունակները նախատեսված են Գործակալության կողմից լրացնելու համար և հայտատուի կողմից չեն լրացվում։
37. Դիմումի 1-ին սյունակը լրացվում է այն դեպքում, երբ դիմումը և դրան կից փաստաթղթերը ավելի վաղ ներկայացված են ֆաքսով կամ էլեկտրոնային փոստով համաձայն սույն Կարգի 30-33-րդ կետերին։ Այդ դեպքում նշվում է ֆաքսիմիլային կապով ստացված փաստաթղթերի թվականը և երկրի ծածկագիրը ըստ ՄՍՀԿ ST.3 ստանդարտի։
38. Դիմումի 2-րդ սյունակը նախատեսված է Գործակալության կողմից լրացնելու համար և հայտատուի կողմից այն չի լրացվում։
(86) ծածկագրով դաշտում բերվում են ստացող գերատեսչության կողմից սահմանված միջազգային հայտի գրանցման համարը և ներկայացման թվականը։
(87) ծածկագրով դաշտում բերվում են միջազգային հայտի միջազգային հրապարակման համարը և թվականը։
(85) ծածկագրով դաշտում բերվում է միջազգային հայտի ազգային փուլ փոխադրման թվականը։
39. Մտից N (21) և (22) ծածկագրերով «Հայտի պետական գրանցման համարը» և «Հայտի ներկայացման թվականը» դաշտերը նույնպես լրացվում են Գործակալության կողմից:
40. Դիմումի 3-րդ սյունակի (54) ծածկագրով դաշտում բերվում է հայտարկվող գյուտի (գյուտերի խմբի) անվանումը, որը պետք է համընկնի գյուտի նկարագրությունում բերված անվանման հետ։
41. Դիմումի 4-րդ սյունակի (71) ծածկագրով «Հայտատու (հայտատուներ)» դաշտում բերվում են տեղեկություններ հայտատուի մասին՝ ֆիզիկական անձի անունը, հայրանունը (եթե այն նշված է) և ազգանունը, մի քանի հայտատուների դեպքում՝ իրենց նշած հերթականությամբ, կամ իրավաբանական անձի պաշտոնական անվանումը, ինչպես նաև տեղեկություններ համապատասխանաբար դրանց բնակության կամ գտնվելու վայրի մասին, ներառյալ՝ երկրի պաշտոնական անվանումը, լրիվ փոստային հասցեն և երկրի ծածկագիրը ըստ ՄՍՀԿ ST.3 ստանդարտի:
Եթե հայտատուները մի քանիսն են, նշված տեղեկությունները բերվում են նրանցից յուրաքանչյուրի համար։
Եթե հայտատուները նաև հեղինակներ են, ապա նրանց բնակության վայրի մասին տեղեկությունները տրվում են միայն (72) ծածկագրով «Հեղինակներ» դաշտում։
42. Դիմումի 5-րդ սյունակի (72) ծածկագրով «Հեղինակ (համահեղինակներ)» դաշտում բերվում են տեղեկություններ գյուտի հեղինակի (հեղինակների) մասին՝ անունը, հայրանունը (եթե այն նշված է) և ազգանունը, բնակության վայրի լրիվ փոստային հասցեն, որը ներառում է երկրի պաշտոնական անվանումը և նրա ծածկագիրը ըստ ՄՍՀԿ ST.3 ստանդարտի։
43. (72) ծածկագրով դաշտի տակ տեղադրված սյունակը լրացվում է միայն այն դեպքում, երբ հեղինակը խնդրում է հայտի և(կամ) արտոնագրի մասին հրապարակվող տեղեկատվության մեջ չհիշատակվել որպես հեղինակ: Այս դեպքում նշվում է այն հեղինակի անունը, հայրանունը (եթե այն նշված է) և ազգանունը, ով ցանկանում է հրապարակման ժամանակ չհիշատակվել որպես հեղինակ, և նրա ստորագրությունը։
44. Հաջորդ դաշտը լրացվում է միայն այն դեպքում, երբ հայտ ներկայացնելու և արտոնագիր ստանալու իրավունքը հայտատուին փոխանցվել է հեղինակի իրավահաջորդի կողմից: Այստեղ նշվում են տեղեկություններ իրավահաջորդի մասին՝ անունը, հայրանունը (եթե այն նշված է), ազգանունը և բնակության հասցեն (ֆիզիկական անձի համար) կամ իրավաբանական անձի պաշտոնական անվանումը և գտնվելու վայրի հասցեն (այն դեպքում, երբ հեղինակի իրավահաջորդը իրավաբանական անձ է, դրվում է ղեկավարի ստորագրությունը՝ վավերացված կնիքով):
45. Դիմումի 6-րդ սյունակի համապատասխան վանդակներում «X» նշանը դրվում է այն դեպքում, երբ հայտատուն հրաժարվում է լրացուցիչ նյութեր ներկայացնելու իրավունքից կամ խնդրում է գաղտնագրել գյուտը, կամ հայտնում է գյուտն օտարերկրյա պետություններում արտոնագրելու մտադրության մասին, կամ խնդրում է անցկացնել գյուտի ըստ էության փորձաքննություն։
46. Դիմումի 7-րդ սյունակը նախատեսված է առաջնություն խնդրարկելու մասին նշում կատարելու համար, լրացվում է միայն այն դեպքում, երբ խնդրարկվում է ավելի վաղ առաջնություն, քան Գործակալություն հայտի ներկայացման թվականն է: Այս դեպքում համապատասխան վանդակում դնելով «X» նշանը, նշվում են առաջնության խնդրարկման հիմքերը և նշվում ավելի վաղ (առաջին, սկզբնական) ներկայացված հայտի համարը, որի կամ դրա լրացուցիչ նյութերի հիման վրա խնդրարկվում է առաջնությունը, և խնդրարկված առաջնության թվականը (ավելի վաղ ներկայացված հայտի կամ դրա լրացուցիչ նյութերի ստացման թվականը):
Եթե առաջնությունը խնդրարկվում է մի քանի հայտերի հիման վրա, ապա նշվում են բոլոր հայտերի համարները և դրվում խնդրարկվող առաջնության թվականները:
Կոնվենցիայով առաջնություն խնդրարկելու դեպքում նշվում է նաև առաջին հայտի ստացման երկրի ծածկագիրը ըստ ՄՍՀԿ ST.3 ստանդարտի:
47. Դիմումի 8-րդ «Կցվող փաստաթղթերի ցանկը» սյունակի համապատասխան վանդակները լրացվում են «X» նշանով՝ նշելով ներկայացվող փաստաթղթերի օրինակների ու յուրաքանչյուր օրինակի թերթերի քանակը: Նկարագրությունում «Նուկլեոտիդների և ամինաթթուների հաջորդականությունների ցանկ» բաժնի առկայության դեպքում «Գյուտի նկարագրությունը» տողում լրացուցիչ նշվում է՝ «Հաջորդականությունների ցանկով», ընդ որում, համապատասխան բաժիններում նշվում է թերթերի ընդհանուր քանակը: Կից ներկայացվող այն փաստաթղթերի համար, որոնք չեն նախատեսված դիմումի ձևում («Այլ փաստաթղթեր»), նշվում է դրանց կոնկրետ նշանակությունը: Եթե հայտում առկա են համակարգչային պնակիտներ, որոնցում գրված է նուկլեոտիդների և ամինաթթուների հաջորդականությունների ցանկը, ապա «Այլ փաստաթղթեր» բաժնում նշվում է՝ «համակարգչային պնակիտով»:
48. «Արտոնագիր ստանալու իրավունքի հիմքը» դաշտում «X» նշանով նշվում է արտոնագիր ստանալու համապատասխան հիմքը: Նշված սյունակը լրացվում է այն դեպքում, երբ (71) և (72) ծածկագրերով դաշտերում նշված են տարբեր անձինք։ Ընդ որում, նշված հիմքը հաստատող փաստաթուղթ չի պահանջվում:
49. Դիմումի 9-րդ սյունակում բերվում են տեղեկություններ այն անձի մասին, ով հայտատուի կողմից նշանակված է` իր անունից վարելու գործերը Գործակալության հետ՝ անունը, հայրանունը (եթե այն նշված է) և ազգանունը, բնակության վայրի հասցեն ՀՀ տարածքում, հեռախոսի, ֆաքսի և էլեկտրոնային փոստի համարները։
Այդ ներկայացուցիչը կարող է լինել հայտատուներից մեկը, արտոնագրային հավատարմատարը (նշվում է նրա գրանցման համարը Գործակալությունում) կամ այլ ներկայացուցիչ։
50. Դիմումի 10-րդ սյունակի (98) ծածկագրով «Նամակագրության հասցե» դաշտում բերվում են լրիվ փոստային հասցեն ՀՀ տարածքում և հասցեատիրոջ անունը կամ անվանումը, որոնք պետք է բավարարեն փոստային արագ առաքման սովորական պահանջներին։50. Դիմումի 10-րդ սյունակի (98) ծածկագրով «Նամակագրության հասցե» դաշտում բերվում են լրիվ փոստային հասցեն ՀՀ տարածքում և հասցեատիրոջ անունը կամ անվանումը, որոնք պետք է բավարարեն փոստային արագ առաքման սովորական պահանջներին։
Որպես նամակագրության հասցե կարող են նշվել, մասնավորապես, հայտատուի՝ ՀՀ-ում բնակության վայրի (ֆիզիկական անձի համար) կամ գտնվելու վայրի (իրավաբանական անձի համար) հասցեն, կամ արտոնագրային հավատարմատարի կամ այլ ներկայացուցչի հասցեն։
51. Եթե դիմումում բացակայում է նամակագրության հասցեն, ապա այդ հասցեն համարվում է արտոնագրային հավատարմատարի կամ այլ ներկայացուցչի հասցեն, եթե այն նշված է, հակառակ դեպքում՝ նամակագրության հասցեատեր կարող է նշվել ՀՀ-ում բնակվելու կամ գտնվելու վայր ունեցող հայտատուն (եթե հայտատուները մի քանիսն են, նրանցից առաջինի հասցեն)։
52. Դիմումի 11-րդ սյունակը՝ «Ստորագրություններ», լրացվում է՝ պարտադիր նշելով թվականը: Դիմումը ստորագրում է հայտատուն: Եթե հայտատուն իրավաբանական անձ է, ապա դիմումը ստորագրում է դրա ղեկավարը կամ իրավաբանական անձի հիմնադիր փաստաթղթով լիազորված այլ անձ՝ նշելով պաշտոնը, որի ստորագրությունը վավերացվում է իրավաբանական անձի կնիքով:
Եթե հայտը ներկայացվում է հայտատուի ներկայացուցչի միջոցով, դիմումը կարող է ստորագրվել հայտատուի ներկայացուցչի կողմից։
Այն դեպքում, երբ հայտը ներկայացված է արտոնագրային հավատարմատարի կամ հայտատուի այլ ներկայացուցչի միջոցով, դիմումին կցվում է հայտատուի կողմից տրված լիազորագիրը։
53. Դիմումի բաժիններում ստորագրությունները վերծանվում են՝ ստորագրող անձանց անունների սկզբնատառերի և ազգանունների նշումով:
54. Եթե ստորագրություններ պահանջող այս կամ այն տեղեկությունը բերվում է լրացուցիչ թերթի վրա, այն ստորագրում են նույն կարգով: Հայտատուի կամ նրա ներկայացուցչի ստորագրությունը պարտադիր է դիմումի յուրաքանչյուր լրացուցիչ թերթի վրա:
Գյուտի նկարագրությունը
Նկարագրության նշանակությունը
55. Գյուտի նկարագրությունը պետք է բավարար լրիվությամբ բացահայտի գյուտը՝ տվյալ բնագավառի մասնագետի կողմից դա իրականացնելու համար։ Եթե ՄԱԴ-ի գործող խմբագրության խորագիրը, որին վերաբերում է հայտարկվող գյուտը, որոշված է, ապա այդ խորագրի ցուցիչը անհրաժեշտ է տեղադրել անվանումից առաջ՝ էջի աջ անկյունում։
Նկարագրության կառուցվածքը
56. Նկարագրությունն սկսվում է գյուտի անվանումով և ունի հետևյալ բաժինները՝
տեխնիկայի բնագավառը, որին վերաբերում է գյուտը.
տեխնիկայի մակարդակը.
գյուտի բացահայտումը.
գրաֆիկական նյութերի համառոտ նկարագրությունը (եթե դրանք կան հայտում).
գյուտի իրականացումը.
հաջորդականությունների ցանկը (եթե նուկլեոտիդների և(կամ) ամինաթթուների հաջորդականությունները օգտագործված են գյուտի բնութագրման համար):
57. Չի թույլատրվում նկարագրության բաժինը փոխարինել համապատասխան անհրաժեշտ տեղեկություններ ներառող աղբյուրին (գրականության աղբյուր, ավելի վաղ ներկայացված հայտի նկարագրություն, պահպանական փաստաթղթին կից նկարագրություն և այլն) հղում կատարելով:
58. Նկարագրությունը շարադրելու կարգը կարող է տարբերվել վերը նշվածից, եթե հաշվի առնելով գյուտի առանձնահատկությունները՝ այլ կարգը նպաստում է գյուտը ավելի լավ հասկանալուն և ավելի հակիրճ շարադրելուն։
Գյուտի անվանումը
59. Գյուտի անվանումը պետք է լինի համառոտ և ճշգրիտ։ Գյուտի անվանումը, որպես կանոն, բնութագրում է դրա նշանակությունը և շարադրվում է եզակի թվով: Բացառություն են կազմում ընդհանուր կառուցվածքային բանաձևով ընդգրկվող քիմիական միացություններին վերաբերող գյուտերի անվանումները:
60. Քիմիական միացությանը վերաբերող գյուտի անվանման մեջ ներառվում է դրա անվանումն ըստ քիմիայում ընդունված որևէ անվանացուցակի կամ խմբի (դասի), որին այն վերաբերում է, կարող է բերվել նաև միացության կոնկրետ նշանակությունը, իսկ կենսաբանորեն ակտիվ միացությունների համար՝ կենսաբանական ակտիվության տեսակը:
61. Նուկլեինաթթուներին կամ սպիտակուցներին վերաբերող գյուտի անվանման մեջ ներառվում է նյութի անվանումը, նշանակությունը և դրա կողմից կատարվող ֆունկցիան։
62. Չպարզված կառուցվածքով քիմիական միացությանը, չպարզված բաղադրությամբ խառնուրդին, այդ թվում՝ կենսատեխնոլոգիական եղանակով ստացված, կամ դրանց ստացման եղանակին վերաբերող գյուտի անվանման մեջ ներառվում է նյութի կենսաբանական ակտիվության տեսակը կամ նշանակությունը։
63. Մանրէի շտամին վերաբերող գյուտի անվանման մեջ ներառվում են սեռային և տեսակային (միջազգային անվանացանկի պահանջներին համապատասխան) կենսաբանական օբյեկտի անվանումը լատիներեն և շտամի նշանակությունը:
64. Բույսերի կամ կենդանիների բջիջների գծին վերաբերող գյուտի անվանման մեջ ներառվում են բջիջների գծի անվանումը և նշանակությունը։
65. Գենետիկական կառուցվածքին վերաբերող գյուտի անվանման մեջ ներառվում են դրա անվանումը և նշանակությունը։
66. Արտադրանքի կամ եղանակի այլ նշանակությամբ կիրառմանը վերաբերող գյուտի անվանման մեջ ներառվում է այդ նշանակությունն արտացոլող տեխնիկական լուծման անվանումը։
67. Գյուտերի խմբի անվանման մեջ, որպես կանոն, ներառվում է հետևյալը՝
մեկը մյուսից ստացման (պատրաստման), իրագործման կամ օգտագործման համար նախատեսված գյուտերի խմբի անվանման մեջ ներառվում է մեկ գյուտի լրիվ և մյուսի՝ կրճատ անվանումը.
մեկը մյուսում կիրառելու համար նախատեսված գյուտերի խմբի անվանման մեջ ներառվում են խմբի մեջ մտնող գյուտերի լրիվ անվանումները.
տարբերակներին վերաբերող գյուտերի խմբի անվանման մեջ նշվում է մեկ գյուտի անվանումը, որը լրացվում է փակագծերում վերցված «տարբերակներ» բառով:
68. Օրենքի 8-րդ հոդվածի 6-րդ մասի համաձայն հեղինակն իրավունք ունի իր ստեղծած արդյունաբերական սեփականության օբյեկտն անվանակոչելու իր անվամբ կամ հատուկ անվամբ, եթե դրանով չեն խախտվում երրորդ անձանց՝ ՀՀ օրենսդրությամբ պահպանվող իրավունքները: Թույլ է տրվում գյուտի անվանման մեջ նշել գյուտի հեղինակին՝ գյուտի պատկանելությունը նշելու համար: Այդ դեպքում գյուտի անվանումը կարող է ներառել, օրինակ՝ «...Պողոսյանի համակարգ», «...ըստ Պողոսյանի», «...Պողոսյանի սխեմայով» բառերը:
Նկարագրության բաժինների բովանդակությունը
Տեխնիկայի բնագավառը
69. «Տեխնիկայի բնագավառը, որին վերաբերում է գյուտը» բաժնում նշվում է գյուտի կոնկրետ նշանակությունը և գյուտի կիրառման բնագավառը: Եթե այդ բնագավառները մի քանիսն են, նշվում է դրանցից առավել գերադասելին:
Տեխնիկայի մակարդակը
70. «Տեխնիկայի մակարդակը» բաժնում բերվում են տեղեկություններ հայտատուին հայտնի նմանակների մասին՝ առանձնացնելով գյուտի հատկանիշների ամբողջությամբ ամենամոտ նմանակը:
71. Որպես գյուտի նմանակ նշվում է նույն նշանակությամբ լուծումը, որը հայտնի է մինչև գյուտի առաջնության թվականը հանրամատչելի դարձած տեղեկություններից։
72. Նմանակներից յուրաքանչյուրը նկարագրելիս նկարագրության մեջ բերվում են այն բացահայտող տեղեկատվության աղբյուրի մատենագիտական տվյալները, նմանակի հատկանիշները, որոնցից հատուկ նշվում են հայտարկվող գյուտի էական հատկանիշներին համընկնող հատկանիշները, ինչպես նաև հայտատուին հայտնի՝ պահանջվող տեխնիկական արդյունքի ստացմանը խոչընդոտող պատճառները:
73. Եթե գյուտը վերաբերում է կոնկրետ նշանակությամբ կամ կենսաբանական ակտիվությամբ չպարզված բաղադրությամբ խառնուրդի ստացման եղանակին, որպես նմանակ նշվում է նույն նշանակությամբ կամ նույն կենսաբանական ակտիվությամբ խառնուրդի ստացման եղանակը:
74. Եթե գյուտը վերաբերում է նոր քիմիական, այդ թվում՝ բարձրամոլեկուլային միացության ստացման եղանակին, բերվում են տեղեկություններ դրա հայտնի կառուցվածքային նմանակի կամ ըստ նշանակության նմանակի ստացման եղանակի մասին:
75. Եթե գյուտը վերաբերում է միկրոօրգանիզմի շտամին, բույսերի կամ կենդանիների բջիջների գծին, գենետիկական կառուցվածքին, որպես նմանակ բերվում են տեղեկություններ նույն նշանակությամբ հայտնի միկրոօրգանիզմի, բույսերի կամ կենդանիների բջիջների գծի, գենետիկական կառուցվածքի մասին։
76. Եթե գյուտը բնութագրված է որպես այլ նշանակությամբ կիրառում, ապա որպես նմանակ նշվում է նույն նշանակությամբ հայտնի լուծումը:
77. Գյուտերի խումբ նկարագրելիս նմանակների մասին տեղեկությունները բերվում են յուրաքանչյուր գյուտի համար առանձին:
Գյուտի բացահայտումը
78. Գյուտի, որպես տեխնիկական լուծման, էությունն արտահայտվում է էական հատկանիշների համախմբությամբ, որը բավարար է գյուտի շնորհիվ ստացվող տեխնիկական արդյունքին հասնելու համար։
79. Հատկանիշները համարվում են էական, եթե դրանք ազդում են տեխնիկական արդյունքի ստացման հնարավորության վրա, այսինքն՝ գտնվում են նշված արդյունքի հետ պատճառահետևանքային կապի մեջ։
80. Տեխնիկական արդյունքն իրենից ներկայացնում է տեխնիկական ազդեցության, երևույթի, հատկության և այլնի բնութագիրը, որն օբյեկտիվորեն դրսևորվում է եղանակի իրականացման կամ արտադրանքի պատրաստման կամ օգտագործման դեպքում, այդ թվում՝ այն արտադրանքի օգտագործման դեպքում, որը ստացվել է անմիջականորեն եղանակով, որն արտացոլում է գյուտը։
81. Տեխնիկական արդյունք կարող է լինել, մասնավորապես՝ շփման գործակցի նվազեցումը (բարձրացումը), ձուլման կառուցվածքի արատների վերացումը, թրթռման նվազեցումը, լրման կանխումը, ազդանշանի ձևի աղավաղման նվազեցումը, օրգանի արյան մատակարարման բարելավումը, դեղագործական պատրաստուկի ազդեցության տեղակայումը, դրա թունայնության նվազեցումը, վակցինայի իմունագենության բարձրացումը, ֆիտոպաթոգենների նկատմամբ բույսի կայունության բարձրացումը, որոշակի ուղղվածությամբ հակագենների ստացումը, հեղուկի ծծանցման նվազեցումը, թրջելիության բարելավումը, աշխատանքային մարմնի և միջավայրի շփման բարելավումը, համակարգչի գործութային հիշողության պահանջվող ծավալի նվազեցումը կամ արագագործության բարձրացումը։
82. Ստացվող արդյունքը չի համարվում տեխնիկական բնույթ ունեցող, եթե այն, մասնավորապես՝
ստացվում է միայն այս կամ այն գործունեություն իրականացնելիս որոշակի կարգ պահպանելու շնորհիվ՝ դրա մասնակիցների միջև պայմանավորվածության կամ սահմանված կանոնների հիման վրա.
կայանում է միայն այս կամ այն տեղեկատվության ստացման մեջ և ստացվում է միայն մաթեմատիկական մեթոդ, էլեկտրոնային հաշվողական մեքենայի ծրագիր կամ ծրագրում օգտագործվող ալգորիթմ կիրառելու շնորհիվ.
պայմանավորված է միայն որևէ կրիչի վրա այս կամ այն ձևով ներկայացված տեղեկատվության իմաստային բովանդակության առանձնահատկություններով.
կայանում է հետաքրքրաշարժության և տեսարանայնության մեջ։
83. Եթե գյուտը վերաբերում է տեղեկատվության կրիչին, մասնավորապես՝ մեքենաընթեռնելի, կամ այդպիսի կրիչի ստացման եղանակին և բնութագրվում է կրիչի վրա գրառված տեղեկատվության բովանդակություն պարունակող հատկանիշների ներգրավմամբ, մասնավորապես՝ էլեկտրոնային հաշվողական մեքենայի ծրագրի կամ այդ ծրագրում օգտագործվող ալգորիթմի, ապա տեխնիկական արդյունքը չի համարվում տվյալ գյուտը մարմնավորող միջոցին վերաբերող, եթե այն դրսևորվում է միայն նշված տեղեկատվության մեջ ներառվող կարգագիրների իրագործելիության շնորհիվ (բացառությամբ այն դեպքի, երբ գյուտը վերաբերում է տեղեկատվության մեքենաընթեռնելի կրիչին, այդ թվում՝ փոխարինովի, որը նախատեսված է տեխնիկական միջոցի աշխատանքում անմիջական մասնակցության համար՝ այդ կրիչի վրա գրառված, նշված արդյունքի ստացումը ապահովող ծրագրի կառավարմամբ)։
84. «Գյուտի բացահայտումը» բաժնում մանրամասն բացահայտվում է այն տեխնիկական խնդիրը, որի լուծմանը նպատակաուղղված է գյուտը, և այն տեխնիկական արդյունքը, որը կարելի է ստանալ գյուտի կիրառմամբ:
85. Եթե գյուտը ստեղծելիս լուծվում է միայն այլ նշանակության տեխնիկական միջոցների տեսականու ընդլայնման խնդիրը կամ առաջին անգամ այդպիսի միջոցների ստացման խնդիրը, տեխնիկական արդյունքը կայանում է այդ նշանակության իրականացման մեջ։
86. Տեխնիկական արդյունքը կարող է լինել նաև մարդու գործունեության որևէ բնագավառում արդիական միջոցների տեսականու ընդլայնում կամ առաջին անգամ այդպիսի միջոցների ստացում։
87. Եթե գյուտը ապահովում է մի քանի տեխնիկական արդյունքների ստացում (այդ թվում՝ դրա կատարման որոշակի ձևերում կամ օգտագործման հատուկ պայմաններում), առաջարկվում է նշել բոլոր տեխնիկական արդյունքները։
88. Բերվում են գյուտը բնութագրող բոլոր էական հատկանիշները, առանձնացվում են ամենամոտ նմանակից տարբերող հատկանիշները, ընդ որում, նշվում են տեխնիկական արդյունքն ապահովող հատկանիշների ամբողջությունը բոլոր դեպքերի համար, որոնց վրա տարածվում է իրավական պահպանության հայտարկվող ծավալը, և այն հատկանիշները, որոնք բնութագրում են գյուտը միայն մասնավոր դեպքերում, կատարման որոշակի ձևերում կամ օգտագործման հատուկ պայմաններում:
89. Չի թույլատրվում հատկանիշի բնութագիրը փոխարինել տեղեկատվության աղբյուրով, որտեղ այդ հատկանիշը բացահայտված է։
90. Միկրոօրգանիզմի շտամին, բույսերի կամ կենդանիների բջիջների գծին վերաբերող գյուտերի համար, եթե տվյալ օբյեկտներն ավանդադրված են և այդ մասին կա վկայակոչում գյուտի նկարագրությունում, բացի դրանց հատկանիշներից, լրացուցիչ բերվում են այդպիսի օբյեկտների ավանդադրման իրավասություն ունեցող հավաքածուի՝ ավանդադրման կենտրոնի հապավումը կամ անվանումը և գրանցման համարը, որը շնորհված է հավաքածուի կողմից։ Եթե նշված օբյեկտները ավանդադրված չեն, բերվում է հեղինակի կողմից շնորհված նշումը։
91. Եթե հատկանիշը բնութագրելիս բերվում է նուկլեոտիդների կամ ամինաթթուների հաջորդականությունը, նշվում է նրա համարը հաջորդականությունների ցանկում «SEQ ID NO...» տեսքով, բերվում է համապատասխան ազատ տեքստ, եթե հաջորդականության բնութագիրը հաջորդականությունների ցանկում տրված է այդպիսի տեքստի օգտագործմամբ։
92. Եթե գյուտը բնութագրված է որպես այլ նշանակությամբ կիրառում, բացի կիրառվող առարկայի հատկանիշներից բերվում են նաև այդ նշանակությունը պայմանավորող հատկությունների մասին տեղեկություններ։
93. Եթե կիրառվող առարկան հայտնի է և կան տեղեկություններ դրա նախկին նշանակության մասին, բերվում են այն տեղեկատվության աղբյուրի մատենագիտական տվյալները, որում նկարագրված է գյուտը, և նշվում է այդ նշանակությունը։
94. Գյուտի էությունը բացահայտող տեղեկությունները, այդ թվում նաև տեխնիկական արդյունքին վերաբերող, գյուտերի խմբի համար բերվում են յուրաքանչյուր գյուտի համար առանձին:
Սարքը բնութագրող հատկանիշները
95. Սարքը բնութագրում են, մասնավորապես, հետևյալ հատկանիշները՝
կառուցվածքային տարրի (տարրերի) առկայությունը.
տարրերի միջև կապը.
տարրերի փոխդասավորվածությունը.
տարրի (տարրերի) կամ սարքի ամբողջությամբ իրագործման ձևը, մասնավորապես՝ երկրաչափական ձևը.
տարրերի կապի իրագործման ձևը.
տարրի (տարրերի) հարաչափերը և այլ հատկանիշները, դրանց փոխկապակցությունը.
նյութը, որից պատրաստված է տարրը (տարրերը) կամ սարքը ամբողջությամբ.
տարրի դեր կատարող միջավայրը։
96. Չի թույլատրվում սարքի բնութագրման համար օգտագործել հատկանիշներ, որոնք արտահայտում են սարքում ամբողջությամբ կամ նրա տարրի վրա այնպիսի նշումների (բառային, գեղարվեստական կամ համակցված) առկայությունը, որոնք չեն ազդում սարքի գործարկման և դրա նշանակությամբ իրագործելու վրա։
Միացությունը բնութագրող հատկանիշները
97. Քիմիական միացությունը բնութագրում են, մասնավորապես, հետևյալ հատկանիշները՝
ա) պարզված կառուցվածքով ցածրամոլեկուլային միացությունների համար՝ որակական կազմը (որոշակի տարրերի ատոմները), քանակական կազմը (յուրաքանչյուր տարրի ատոմների քանակը), քիմիական կառուցվածքային բանաձևով արտահայտված ատոմների միջև կապը և նրանց փոխդասավորվածությունը մոլեկուլում.
բ) պարզված կառուցվածքով բարձրամոլեկուլային միացությունների համար՝ մակրոմոլեկուլի տարրական օղակի քիմիական բանաձևը, մակրոմոլեկուլի կառուցվածքը ամբողջությամբ (գծային, ճյուղավորված), տարրական օղակների քանակը կամ մոլեկուլային զանգվածը, մոլեկուլազանգվածային բաշխումը, մակրոմոլեկուլի երկրաչափությունը և տարածաչափությունը, նրա ծայրային և կողմնային խմբերը, համապոլիմերների համար՝ լրացուցիչ համապոլիմերային օղակների հարաբերակցությունը և դրանց պարբերականությունը, նուկլեինաթթուների համար՝ նուկլեոտիդների հաջորդականությունը կամ դրան համարժեք հատկանիշ (հաջորդականություն, որը կոմպլեմենտար է հայտնի հաջորդականությանը ամբողջ երկայնքով, հաջորդականություն, որը կապված է գենետիկական կոդի հայտնի այլասերման հետ), սպիտակուցների համար՝ ամինաթթուների հաջորդականությունը կամ դրան համարժեք հատկանիշ (կոդավորող նուկլեոտիդային հաջորդականություն)։ Ընդ որում, բոլոր կենսատեխնոլոգիական արգասիքների համար, որոնք ներառում են նուկլեոտիդային կամ ամինաթթվային հաջորդականություններ, պետք է նշել դրանց կողմից կատարվող ֆունկցիան կամ ակտիվության տեսակը և ծագումը.
գ) չպարզված կառուցվածքով միացությունների համար՝ դրանք նույնականացնելու հնարավորություն ընձեռող ֆիզիկաքիմիական և այլ բնութագրերը (այդ թվում նաև ստացման եղանակի հատկանիշները), որոնք թույլ են տալիս տվյալ միացությունը մյուսներից ցման տարբերել:
Բաղադրանյութը բնութագրող հատկանիշները
98. Բաղադրանյութը բնութագրում են, մասնավորապես, հետևյալ հատկանիշները՝
որակական կազմը (բաղադրամասերը).
քանակական կազմը (բաղադրամասերի պարունակության չափը).
բաղադրանյութի կառուցվածքը.
բաղադրամասերի կառուցվածքը:
99. Չպարզված կառուցվածքով բաղադրանյութերի բնութագրման համար կարող են օգտագործվել դրանց ֆիզիկաքիմիական, ֆիզիկական և այլ հատկանիշները, ինչպես նաև ստացման եղանակի հատկանիշները:
Միջուկային կերպափոխությամբ ստացված նյութը բնութագրող հատկանիշները
100. Միջուկային կերպափոխությամբ ստացված նյութը բնութագրում են, մասնավորապես, հետևյալ հատկանիշները՝
որակական կազմը (տարրի իզոտոպ(ներ)ը).
քանակական կազմը (պրոտոնների և նեյտրոնների քանակը).
հիմնական միջուկային բնութագրերը՝ կիսատրոհման պարբերությունը, ճառագայթման տեսակը և էներգիան (ճառագայթաակտիվ իզոտոպների համար):
Մանրէների շտամները, բույսերի կամ կենդանիների բջիջների գծերը, միկրոօրգանիզմների կամ բջիջների կոնսորցիումները բնութագրող հատկանիշները
101. Մանրէի շտամը բնութագրում են, մասնավորապես, հետևյալ հատկանիշները՝
շտամի սեռային և տեսակային անվանումը (լատիներեն).
ծագումը (անջատման աղբյուրը, տոհմագիրը).
գենա- և քիմատաքսոնոմիկ բնութագրերը.
ձևաբանական և ֆիզիոլոգիական (այդ թվում՝ կուլտուրալ) բնութագրերը.
կենսատեխնոլոգիական բնութագիրը (կուլտիվացման պայմանները, շտամով արտադրվող օգտակար նյութի հատկությունները և անվանումը, ակտիվության (արգասավորության) մակարդակը).
վարակունակությունը, հակագենային կառուցվածքը, սերոլոգիական հատկությունները (բժշկական և անասնաբուժական նշանակությամբ միկրոօրգանիզմների շտամների համար).
հիբրիդացման սկզբունքը (հիբրիդային միկրոօրգանիզմների շտամների համար)։
102. Բույսերի կամ կենդանիների բջիջների գծերը բնութագրում են լրացուցիչ հատկանիշները, մասնավորապես՝
պասսաժների քանակը.
կարիոլոգիական բնութագիրը.
աճեցման (կինետիկ) բնութագիրը.
կենդանու օրգանիզմում կուլտիվացման բնութագիրը (հիբրիդների համար).
մորֆոգենեզի ունակությունը (բույսերի բջիջների համար)։
103. Միկրոօրգանիզմների, բույսերի և կենդանիների բջիջների կոնսորցիումները, վերը նշված հատկանիշներից բացի, բնութագրում են նաև լրացուցիչ հատկանիշները, մասնավորապես՝
ադապտացման և սելեկցիայի գործոնը և պայմանները.
տաքսոնոմիկ բաղադրությունը.
դոմինանտ բաղադրիչները.
փոխարինելիությունը.
կոնսորցիումի ամբողջական ֆիզիոլոգիական առանձնահատկությունները և տեսակը։
104. Գենետիկական կառուցվածքները բնութագրում են, մասնավորապես, հատկանիշները ըստ սույն Կարգի 95-96-րդ կետերի (ընդ որում, որպես կառուցվածքային տարրեր կարող են հանդես գալ էնհանսերը, պրոմոտորը, տերմինատորը, սկզբնավորող կոդոնը, լինկերը, օտարածին գենի հատվածը, մարկերը, flanking հաջորդականությունները)։
105. Կերպափոխված (տրանսֆորմացված) բջիջը բնութագրում են, մասնավորապես, հետևյալ հատկանիշները՝
կերպարափոխվող (տրանսֆորմացվող) տարրը.
բջջի ձեռքբերովի հատկանիշները (հատկությունները).
բջջի ծագման նշումը (պրոկարիոտ բջջի դեպքում՝ սեռը, ընտանիքը և/կամ տեսակը).
տաքսոնոմիկ հատկանիշները. բնական գենոմի մուտացիան.
բջջի կուլտիվացման պայմանները և այլ բնութագրեր, որոնք բավարար են տարբերակելու տվյալ բջիջը մեկ այլ բջջից։
106. Տրանսգենային բույսը բնութագրում են, մասնավորապես, հետևյալ հատկանիշները՝
գենոմում մոդիֆիկացված տարրի առկայությունը.
բույսի ձեռքբերովի հատկանիշները (հատկությունները).
բույսի ծագումը.
տաքսոնոմիկ պատկանելությունը և այլ բնութագրեր, որոնք բավարար են տարբերակելու տվյալ բույսը մեկ այլ բույսից։
107. Տրանսգենային կենդանուն բնութագրում են, մասնավորապես՝ հետևյալ հատկանիշները.
գենը և (կամ) ԴՆԹ-ն, որը տրանսֆորմացված է կենդանու գենոմում և կոդավորում է կամ արտահայտում է նպատակային արգասիքը.
կենդանու ձեռքբերովի հատկանիշները (հատկությունները).
կենդանու կողմից արտադրվող մոդիֆիկացված արգասիքը.
կենդանու պատկանելությունը (տեսակ, ցեղատեսակ և այլն) և այլ բնութագրեր, որոնք բավարար են տարբերակելու տվյալ կենդանուն մեկ այլ կենդանուց։
Եղանակը բնութագրող հատկանիշները
108. Եղանակը բնութագրում են, մասնավորապես, հետևյալ հատկանիշները՝
գործողության կամ գործողությունների համախմբության առկայությունը.
գործողությունների իրագործման հերթականությունը (հաջորդաբար, միաժամանակ, տարբեր զուգակցությամբ և այլն).
գործողությունների իրագործման պայմանները, ռեժիմը, նյութերի (ելանյութի, ազդանյութերի, կատալիզորդների և այլն), սարքերի (հարմարանքների, գործիքների, սարքավորումների և այլ), կենսատեխնոլոգիական արգասիքի օգտագործումը:
Սարքի, նյութի, եղանակի, միկրոօրգանիզմի շտամի, կենդանիների կամ բույսերի գծի, գենետիկական կառուցվածքի այլ նշանակությամբ կիրառումը բնութագրող հատկանիշները
109. Եթե գյուտը բնութագրվում է այլ նշանակությամբ կիրառմամբ, բացի կիրառվող առարկայի հատկանիշներից և նրա նշանակությունից, բերվում են նաև այդ նշանակությունը պայմանավորող հատկությունների մասին տեղեկություններ։
110. Եթե կան տեղեկություններ կիրառվող առարկայի նախկին նշանակության մասին, բերվում են այն տեղեկատվության աղբյուրի մատենագիտական տվյալները, որտեղ կիրառվող առարկան նկարագրված է, և նշվում է այդ նշանակությունը։
Գրաֆիկական նյութերի համառոտ նկարագրությունը
111. Նկարագրության այս բաժնում բերվում է նկարների ցանկը՝ համառոտ նկարագրելով, թե ինչ է պատկերված յուրաքանչյուր նկարի վրա։
112. Եթե ներկայացված են այլ գրաֆիկական նյութեր, որոնք պարզաբանում են գյուտի էությունը, ապա դրանք նույնպես նշվում են ցանկում և բերվում է դրանց բովանդակության համառոտ պարզաբանումը:
Գյուտի իրականացումը
113. Այս բաժնում ցույց է տրվում, թե ինչպես կարող է հայտատուի կողմից նշված նշանակությամբ իրագործվել գյուտը, գերադասելիորեն՝ օրինակների միջոցով և գծագրերին կամ այլ գրաֆիկական նյութերին հղումներով, եթե այդպիսիք կան։
114. Գյուտում, որի էությունը բնութագրվում է ընդհանրացված հասկացությամբ արտահայտված հատկանիշով, որը ներկայացված է, մասնավորապես՝ ֆունկցիոնալ ընդհանրացման մակարդակով, նկարագրվում են այդպիսի հատկանիշի իրականացման միջոցը կամ դրա ստացման եղանակները, կամ նշվում է այդպիսի միջոցի կամ դրա ստացման եղանակների հայտնի լինելը։
115. Այս բաժնում բերվում են նաև տեղեկություններ, որոնք հաստատում են գյուտի իրականացման դեպքում այն տեխնիկական արդյունքի ստացման հնարավորությունը, որը նշված է «Գյուտի բացահայտումը» բաժնում։
116. Եթե որպես գյուտի բնութագիր օգտագործվում են քանակական հատկանիշներ, որոնք բերված են արժեքների միջակայքի տեսքով, ցույց է տրվում այդ ամբողջ միջակայքում տեխնիկական արդյունքին հասնելու հնարավորությունը:
Սարքին վերաբերող գյուտի իրագործելիությունը հաստատող տեղեկություններ
117. Սարքին վերաբերող գյուտի իրագործման օրինակներում բերվում են դրա կառուցվածքի նկարագրությունը (ստատիկ վիճակում) և սարքի աշխատանքը կամ օգտագործման եղանակը՝ գծագրերին (կառուցվածքային տարրերի թվային նշումները նկարագրության մեջ պետք է համապատասխանեն դրանց թվային նշումներին գծագրի վրա), իսկ անհրաժեշտության դեպքում՝ այլ պարզաբանող նյութերին (էպյուրները, ժամանակավոր դիագրամները և այլն) հղումներ կատարելով։ Թվային նշումները կատարվում են ըստ հիշատակման հաջորդականության, աճման կարգով, համապատասխան բառից՝ տարրի անվանումից հետո, փակագծերում:
118. Եթե սարքը պարունակում է ֆունկցիոնալ մակարդակով բնութագրված տարր և իրագործելիության նկարագրվող ձևը ենթադրում է ծրագրավորված բազմաֆունկցիոնալ միջոցի օգտագործում, ապա ներկայացվում են այդ միջոցով տվյալ սարքի կազմում նախատեսված որոշակի գործառույթի կատարման հնարավորությունը հաստատող տեղեկություններ: Այն դեպքում, երբ այսպիսի տեղեկությունների թվում բերվում է ալգորիթմ, մասնավորապես՝ հաշվողական, ապա նախընտրելի է այն ներկայացնել բլոկ-սխեմայի կամ, եթե դա հնարավոր է, համապատասխան մաթեմատիկական արտահայտության տեսքով:
Միացությանը վերաբերող գյուտի իրագործելիությունը հաստատող տեղեկություններ
119. Պարզված կառուցվածքով քիմիական միացությանը վերաբերող գյուտի իրագործման օրինակներում բերվում են հայտնի եղանակներով ապացուցված կառուցվածքային բանաձևը, ֆիզիկաքիմիական հաստատունները, նկարագրվում է այդ միացության ստացման եղանակը և ապացուցվում է գյուտի օգտագործման հնարավորությունը նշված նշանակությամբ։
120. Եթե քիմիական միացությունը ստացված է միկրոօրգանիզմի շտամի, բույսերի կամ կենդանիների բջիջների գծի օգտագործմամբ, նկարագրվում է այդ շտամի, գծի օգտագործմամբ դրա ստացման եղանակը, տվյալներ շտամի, բջիջների գծի մասին, իսկ անհրաժեշտության դեպքում՝ ավանդադրման մասին տեղեկություններ։
121. Կենսաբանորեն ակտիվ նյութի համար բերվում են ակտիվության քանակական բնութագիրը և թունավորության մասին տեղեկություններ, իսկ անհրաժեշտության դեպքում՝ ազդեցության ընտրողականության և այլ ցուցանիշներ։
122. Մարդու կամ կենդանիների հիվանդության բուժման, ախտորոշման կամ կանխարգելման միջոցի համար բերվում են հավաստի տվյալներ, որոնք հաստատում են դրա պիտանիությունը գյուտն ըստ նշանակության իրագործելու համար, մասնավորապես՝ տեղեկություններ ֆիզիոլոգիական կամ ախտաբանական գործընթացների որոշակի փուլերի վրա այդ միջոցի ազդեցության կամ դրանց հետ կապի մասին։
123. Ընդհանուր կառուցվածքային բանաձև ունեցող պարզված կառուցվածքով քիմիական միացությունների խմբին (շարքին) վերաբերող գյուտի համար նշվում է խմբին (շարքին) պատկանող բոլոր միացությունների ստացման հնարավորությունը՝ բերելով ստացման եղանակի ընդհանուր սխեման և խմբի (շարքի) կոնկրետ միացության ստացման օրինակը, իսկ եթե խումբը (շարքը) ներառում է տարբեր քիմիական բնույթի ռադիկալներով միացություններ, բերվում են այդպիսի միացություններ ստանալու հնարավորությունը հաստատող բավարար քանակի օրինակներ:
124. Ստացված միացությունների համար բերվում են նաև հայտնի եղանակներով ապացուցված կառուցվածքային բանաձևերը, ֆիզիկաքիմիական հաստատունները, նշված նշանակությամբ իրագործելիության հնարավորության ապացույցները՝ հաստատելով այդպիսի հնարավորությունը տարբեր քիմիական բնույթի ռադիկալներով միացությունների նկատմամբ։
125. Եթե գյուտը վերաբերում է ընդհանուր կառուցվածքային տարր (տարրեր) ունեցող կենսատեխնոլոգիական արգասիքներին, ապա պետք է բերել հաստատող տեղեկություններ այն մասին, որ դրանք ունեն միևնույն ակտիվությունը և կատարում են միևնույն ֆունկցիան։
126. Եթե գյուտը վերաբերում է միջանկյալ միացությանը, ցույց է տրվում նաև դրա վերամշակման հնարավորությունը հայտնի վերջնական արտադրանքի, կամ դրանից կոնկրետ նշանակությամբ կամ կենսաբանական ակտիվությամբ նոր վերջնական արտադրանքի ստացման հնարավորությունը։
127. Եթե գյուտը վերաբերում է նուկլեինաթթուներին կամ սպիտակուցներին, ապա հաջորդականությունների ցանկում նշվում է հաջորդականության համարը (նուկլեոտիդների՝ նուկլեինաթթուների դեպքում, ամինաթթուների՝ սպիտակուցների դեպքում), ինչպես նաև բերվում են ֆիզիկաքիմիական և այլ բնութագրեր, որոնք թույլ են տալիս տարբերակել տվյալ արտադրանքը մյուսներից։ Նկարագրվում է եղանակ, որի միջոցով ստացվել է արտադրանքը, և ցույց է տրվում այդ արտադրանքի օգտագործման հնարավորությունն այլ նշանակությամբ։
128. Նուկլեոտիդների կամ ամինաթթուների հաջորդականությունը ներկայացվում է՝ նշելով դրա համարը հաջորդականությունների ցանկում «SEQ ID NO...» տեսքով, և բերվում է համապատասխան ազատ տեքստ, եթե հաջորդականությունների ցանկում հաջորդականության բնութագիրը տրված է այդպիսի տեքստի օգտագործման միջոցով։
129. Եթե գյուտը վերաբերում է բաղադրանյութին (խառնուրդին, լուծույթին, համահալվածքին, ապակուն և այլն), բերվում են օրինակներ, որոնցում նշվում են բաղադրանյութի կազմում ներառվող բաղադրամասերը, դրանց բնութագիրը և քանակական պարունակությունը։ Նկարագրվում է բաղադրանյութի ստացման եղանակը, իսկ եթե որպես բաղադրամաս այն ներառում է նոր նյութ, ապա նկարագրվում է նաև նրա ստացման եղանակը:
130. Բերվող օրինակներում յուրաքանչյուր բաղադրամասի պարունակությունը նշվում է այնպիսի եզակի արժեքով, որը գտնվում է գյուտի հավակնության սահմանման մեջ նշված արժեքների միջակայքում (հավակնության սահմանման մեջ բաղադրամասերի քանակական հարաբերակցությունը տոկոսներով (զանգվածով կամ ծավալով) արտահայտելու դեպքում օրինակում նշված բոլոր բաղադրամասերի գումարային պարունակությունը պետք է հավասար լինի 100 տոկոսի):
Միկրոօրգանիզմի շտամին, բույսերի կամ կենդանիների գծին, գենետիկական կառուցվածքին վերաբերող գյուտի իրագործելիությունը հաստատող տեղեկություններ
131. Միկրոօրգանիզմի շտամին, բույսերի կամ կենդանիների գծին, շտամների կամ բջիջների կոնսորցիումներին վերաբերող գյուտի իրագործման օրինակներում բերվում է շտամի, բջիջների գծի, կոնսորցիումի ստացման եղանակի նկարագրությունը։ Եթե դրա նկարագրությունը բավարար չէ գյուտի իրագործման համար, ներկայացվում են տեղեկություններ շտամի, բջիջների գծի, կոնսորցիումի կամ կոնսորցիումում ներառվող շտամների ավանդադրման մասին (ավանդադրման կենտրոնի-հավաքածուի անվանումը կամ հապավումը, հասցեն, գրանցման համարը), ընդ որում, ավանդադրման թվականը պետք է նախորդի հայտի ներկայացման թվականին կամ գյուտի առաջնության թվականին, եթե այն խնդրարկվել է:
132. Արտոնագրման նպատակներով ավանդադրումը համարվում է կայացած, եթե շտամը, բջիջների գիծը կամ կոնսորցիումը տեղակայված են արտոնագրային նպատակներով ավանդադրման միջազգային ճանաչման մասին Բուդապեշտյան պայմանագրով, նախատեսված ավանդադրման միջազգային կենտրոնում կամ շտամի, բջիջների գծի, կոնսորցիումի ավանդադրմանը լիազորված ազգային հավաքածուում, որը երաշխավորում է շտամի, բջիջների գծի կամ կոնսորցիումի կենսունակության պահպանումը, առնվազն, արտոնագրի գործողության ժամկետի ընթացքում և բավարարում է այդպիսի կենտրոն-հավաքածուներին ներկայացվող այլ սահմանված պահանջներին: Նկարագրվում է հայտարկվող նշանակությամբ շտամի, բջիջների գծի կամ կոնսորցիումի օգտագործման օրինակ՝ նշելով կուլտիվացման, նպատակային արգասիքի անջատման ու մաքրման, արգասիքի ելքի, արգասիքի կամ արտադրողի ակտիվությանմակարդակի պայմանները, դրա որոշման եղանակները և այլն։
133. Եթե գյուտը վերաբերում է նուկլեոտիդների կամ ամինաթթուների որոշակի հաջորդականությամբ նուկլեինաթթվին կամ սպիտակուցին (բազմապեպտիդին, պեպտիդին), ինչպես նաև դրանց տարբերակներին, որոնք ստացվել են նուկլեոտիդների կամ ամինաթթուների ներդիրների, դելեցիաների կամ տեղակալումների արդյունքում, բերվում են տեղեկություններ այդպիսի ներդիրների, դելեցիաների կամ տեղակալումների տեղայնացման մասին՝ նշելով ստացված արգասիքները և հաստատելով, որ այդ ձևով ստացված արգասիքները պետք է ունենան միևնույն ակտիվությունը և նույնանման ֆունկցիա, ինչպես և ելային արգասիքը։
Նուկլեինաթթուների հիբրիդացվող հաջորդականությունների համար բերվում են հիբրիդացման պայմանները և հիբրիդացման աստիճանը (տոկոսը)։ Պետք է բերել նաև հիբրիդացման աստիճանի գնահատման եղանակը, կոնկրետ հաջորդականությունների օրինակները, որոնք նշված աստիճանով հիբրիդացվում են ելայինի հետ, և այդպիսի հաջորդականությունների ֆունկցիոնալ առանձնահատկությունները հաստատող տեղեկություններ։
Նուկլեինաթթուների, սպիտակուցների, բազմապեպտիդների և պեպտիդների համանման և կոմպլեմենտար հաջորդականությունների համար բերվում է համանմանության կամ կոմպլեմենտարության աստիճանը (տոկոսը)։ Պետք է բերել նաև կոնկրետ հաջորդականությունների օրինակներ, որոնք նշված աստիճանով համանման կամ կոմպլեմենտար են ելայինին, և տեղեկություններ, որոնք հաստատում են այդպիսի հաջորդականությունների ֆունկցիոնալ առանձնահատկությունները։
Եղանակին վերաբերող գյուտի իրագործելիությունը հաստատող տեղեկություններ
134. Եղանակին վերաբերող գյուտի իրագործման օրինակներում նշվում են նյութական օբյեկտի նկատմամբ գործողությունների հաջորդականությունը և անհրաժեշտության դեպքում՝ գործողությունների կատարման պայմանները, կոնկրետ ռեժիմները (ջերմաստիճան, ճնշում և այլն), օգտագործվող նյութական միջոցները (սարքերը, նյութերը, շտամները և այլն)։ Եթե եղանակը բնութագրվում է մինչև գյուտի առաջնության թվականը հայտնի միջոցների օգտագործմամբ, բավարար է այդ միջոցները բացահայտել այնպես, որ հնարավոր լինի իրագործել գյուտը։ Անհայտ միջոցների օգտագործման դեպքում բերվում է դրանց բնութագիրը և անհրաժեշտության դեպքում կցվում է գրաֆիկական պատկերը։
135. Եթե եղանակում օգտագործվում են անհայտ նյութեր, ապա բացահայտվում է դրանց ստացման եղանակը, իսկ անհայտ միկրոօրգանիզմների շտամների կամ բջիջների գծերի օգտագործման դեպքում բերվում են տեղեկություններ դրանց ավանդադրման մասին կամ շտամի կամ բջիջների գծի ստացման եղանակի նկարագրությունը՝ գյուտի իրագործման համար բավարար չափով։
136. Ընդհանուր կառուցվածքային բանաձև ունեցող քիմիական միացությունների խմբի (շարքի) ստացման եղանակին վերաբերող գյուտի համար բերվում է այդ եղանակով խմբին (շարքին) վերաբերող միացության ստացման օրինակը, իսկ եթե խումբը (շարքը) ներառում է տարբեր քիմիական բնույթի ռադիկալներով միացություններ, ապա բերվում են այնքան օրինակներ, որոնք բավարար են այդ ռադիկալներով տարբեր միացությունների ստացման հնարավորությունը հաստատելու համար։ Խմբում (շարքում) ներառվող ստացված միացությունների համար բերվում են հայտնի եղանակներով հաստատված կառուցվածքային բանաձևերը և ֆիզիկաքիմիական բնութագրերը, իսկ անհայտ և հայտնի միացությունների համար, որոնց նշանակությունը ավելի վաղ սահմանված չի եղել, բերվում են նաև նշանակության կամ կենսաբանական ակտիվության մասին տեղեկություններ։
137. Չպարզված կառուցվածքով քիմիական միացությունների կամ չպարզված բաղադրությամբ խառնուրդների ստացման եղանակներին վերաբերող գյուտերի համար բերվում են տվյալ միացությունները այլ միացություններից տարբերակող բնութագրեր, միացությունների կամ խառնուրդների ստացման համար պահանջվող ելանյութերի մասին տեղեկություններ, ինչպես նաև հայտատուի կողմից նշված միացության նշանակության իրականացման հնարավորությունը հաստատող, մասնավորապես՝ այդպիսի նշանակությունը պայմանավորող հատկությունների մասին տեղեկություններ:
138. Մարդու կամ կենդանիների հիվանդության բուժման, ախտորոշման կամ կանխարգելման եղանակին վերաբերող գյուտի համար բերվում են տեղեկություններ բացահայտված գործոնների մասին, որոնք ազդում են ախտածնության պատճառների (էտիոպաթոգենեզի) վրա, կամ այլ հավաստի տվյալներ, որոնք հաստատում են նշված հիվանդության կամ վիճակի բուժման, ախտորոշման կամ կանխարգելման եղանակի պիտանիությունը, ընդ որում, այդ տվյալները ստացվում են, մասնավորապես՝ փորձարկումների ժամանակ համապատասխան մոդելների վրա կամ այլ ճանապարհով։
Սարքի, եղանակի, նյութի, միկրոօրգանիզմի շտամի, բույսերի կամ կենդանիների գծի, գենետիկական կառուցվածքի այլ նշանակությամբ կիրառմանը վերաբերող գյուտի իրագործելիությունը հաստատող տեղեկություններ
139. Այլ նշանակությամբ կիրառմանը վերաբերող գյուտի համար բերվում են տեղեկություններ, որոնք հաստատում են այդ նշանակությամբ կիրառվող առարկայի իրագործման հնարավորությունը։
140. Եթե գյուտը վերաբերում է նշված առարկաների կիրառմանը մարդու և կենդանիների որոշակի հիվանդության բուժման, ախտորոշման կամ կանխարգելման համար, բերվում են հավաստի տվյալներ, որոնք հաստատում են առարկայի պիտանիությունը համապատասխանաբար նշված հիվանդության բուժման, ախտորոշման կամ կանխարգելման համար։
Գյուտի հավակնության սահմանումը
Հավակնության սահմանման նշանակությունը եվ դրան ներկայացվող պահանջները
141. Հավակնության սահմանումը նախատեսված է արտոնագրով ընձեռվող իրավական պահպանության ծավալի
որոշման համար:
142. Հավակնության սահմանումը պետք է ամբողջությամբ հիմնված լինի նկարագրության վրա, այսինքն՝ դրանով բնութագրվող գյուտը պետք է բացահայտված լինի նկարագրության մեջ, իսկ հավակնության սահմանումով որոշվող իրավական պահպանության ծավալը պետք է հաստատված լինի նկարագրությունով։
143. Հավակնության սահմանումը պետք է արտահայտի գյուտի էությունը, այսինքն՝ ներառի դրա էական հատկանիշների համախմբությունը, որը բավարար է հայտատուի կողմից նշված տեխնիկական արդյունքին հասնելու համար։
144. Գյուտի հատկանիշները արտահայտվում են գյուտի հավակնության սահմանման մեջ այնպես, որ հիմնվելով տեխնիկայի մակարդակի վրա, մասնագետը հասկանա դրանց իմաստային բովանդակությունը:
145. Հավակնության սահմանման հատկանիշի բնութագրումը չի կարող փոխարինվել՝ հղում կատարելով տեղեկատվության աղբյուրին, որում այդ հատկանիշը բացահայտված է:
146. Հատկանիշի բնութագրման փոխարինումը նկարագրության կամ գծագրերի հղումով թույլատրվում է միայն այն դեպքում, երբ առանց դրա հնարավոր չէ բնութագրել հատկանիշը՝ չխախտելով սույն Կարգի 144-րդ կետով սահմանված պահանջը: Մասնավորապես, հավակնության սահմանումը չպետք է պարունակի այնպիսի հղումներ, ինչպիսիք են՝ «ինչպես նկարագրված է նկարագրության ...բաժնում», կամ «ինչպես ցուցադրված է գծագրի...տարրում»:
147. Եթե հավակնության սահմանման հատկանիշը բնութագրվում է նուկլեոտիդների կամ ամինաթթուների հաջորդականությամբ, ապա կարելի է նշել միայն հաջորդականության համարը հաջորդականությունների ցանկում, օրինակ՝ «SEQ ID NO...»:
148. Գյուտի հատկանիշը կարելի է բնութագրել ընդհանրացված հասկացությամբ (որն արտահայտում է ֆունկցիան, հատկությունը և այլն), որն ընդգրկում է դրա իրականացման տարբեր մասնավոր ձևերը, եթե նկարագրության մեջ բերվում են տեղեկություններ, որոնք հաստատում են, որ հատկապես ընդհանուր հասկացության մեջ ներառվող բնութագրերը ապահովում են այլ հատկանիշների համախմբությամբ հայտատուի կողմից նշված տեխնիկական արդյունքին հասնելը:
149. Հատկանիշը կարելի է արտահայտել այլընտրանքի տեսքով, պայմանով, որ ցանկացած այլընտրանքի կիրառման դեպքում գյուտի հավակնության սահմանման մեջ ներառված մնացած հատկանիշների համախմբությամբ ապահովվում է նույն տեխնիկական արդյունքի ստացումը:
150. Հավակնության սահմանման մեջ գծագրեր չեն բերվում։
Հավակնության սահմանման կառուցվածքը
151. Հավակնության սահմանումը կարող է լինել միօղակ կամ բազմօղակ և ներառել համապատասխանաբար մեկ կամ մի քանի կետ:
Միօղակ հավակնության սահմանումը
152. Միօղակ հավակնության սահմանումը կիրառվում է էական հատկանիշների համախմբությամբ մեկ գյուտը բնութագրելու համար, որն իր կատարման կամ օգտագործման մասնավոր դեպքերում չունի այդ համախմբության զարգացում կամ ճշգրտում:
Բազմօղակ հավակնության սահմանումը
153. Բազմօղակ հավակնության սահմանումը կիրառվում է մեկ գյուտի բնութագրման համար՝ զարգացնելով և(կամ) ճշգրտելով դրա հատկանիշների համախմբությունը գյուտի կատարման կամ օգտագործման մասնավոր դեպքերի համար կամ գյուտերի խմբի բնութագրման համար։
154. Մեկ գյուտ բնութագրող բազմօղակ հավակնության սահմանումն ունի մեկ անկախ կետ և դրան հաջորդող կախյալ կետ (կետեր)։
155. Գյուտերի խումբ բնութագրող բազմօղակ հավակնության սահմանումն ունի մի քանի անկախ կետեր, որոնցից յուրաքանչյուրը բնութագրում է խմբի գյուտերից մեկը: Ընդ որում, խմբի յուրաքանչյուր գյուտը կարող է բնութագրվել համապատասխան անկախ կետի կախյալ կետերի օգնությամբ, որոնք ենթարկվում են համապատասխան անկախ կետին:
156. Բազմօղակ հավակնության սահմանման կետերը համարակալվում են արաբական թվանշաններով՝ հաջորդաբար, սկսած 1-ից, ըստ դրանց շարադրության։
157. Գյուտերի խումբը բնութագրող հավակնության սահմանումը շարադրելիս պահպանվում են հետևյալ կանոնները՝
ա) առանձին գյուտեր բնութագրող անկախ կետերը, որպես կանոն, հավակնության սահմանման այլ կետերին հղումներ չեն պարունակում (այդպիսի հղման առկայությունը, այսինքն՝ կախյալ կետի ձևով անկախ կետի շարադրությունը ընդունելի է միայն այն դեպքում, երբ դա թույլ է տալիս անկախ կետի բովանդակությունն ամբողջությամբ բերել այլ կետի մեջ, առանց անկախ կետի շարադրությունը կրկնելու).
բ) հավակնության սահմանման բոլոր կախյալ կետերը խմբավորվում են այն անկախ կետի հետ, որին անմիջականորեն կամ այլ կախյալ կետերի միջոցով միջնորդավորված ենթարկվում են, ներառյալ նաև այն դեպքերը, երբ խմբի տարբեր գյուտերի բնութագրման համար ներգրավվում են միևնույն բովանդակության կախյալ կետեր։
158. Բազմօղակ հավակնության սահմանումը կարող է բնութագրել գյուտերի խումբ, որն իրենից ներկայացնում է գյուտի տարբերակներ, այսինքն՝ գյուտի մի տեսակի առարկաներ, որոնք ունեն նմանատիպ տեխնիկական էություն, միևնույն նշանակություն և ապահովում են միևնույն տեխնիկական արդյունքի ստացումը սկզբունքորեն նմանատիպ ձևով։
159. Գյուտերի խմբում ներառված մի տեսակի առարկաները կարող են միմյանց հարաբերակցվել որպես «մաս» և «ամբողջություն»։
Հավակնության սահմանման կետը
160. Հավակնության սահմանման կետը ներառում է գյուտի հատկանիշները, այդ թվում՝ գյուտի նշանակությունը արտահայտող սեռային հասկացությունը (գյուտի անվանումը), որից սկսվում է հավակնության սահմանման շարադրությունը և, որպես կանոն, կազմված է սահմանափակիչ մասից, որը ներառում է գյուտի ամենամոտ նմանակի հատկանիշներին համընկնող հատկանիշները, և տարբերիչ մասից, որը ներառում է գյուտի՝ ամենամոտ նմանակից տարբերող հատկանիշները:
161. Եթե հավակնության սահմանումը կազմված է սահմանափակիչ և տարբերիչ մասերից, ապա սահմանափակիչ մասը շարադրելուց հետո գրվում է «տարբերվում է նրանով» բառակապակցությունը, որից անմիջապես հետո շարադրվում է տարբերիչ մասը։
162. Հավակնության սահմանումը կազմվում է առանց սահմանափակիչ և տարբերիչ մասերի բաժանման, եթե այն, մասնավորապես, բնութագրում է՝
անհատական քիմիական միացություն.
մանրէի շտամ, բույսերի կամ կենդանիների բջիջների գիծ.
այլ նշանակությամբ կիրառում.
նմանակներ չունեցող գյուտ:
163. Հավակնության սահմանման կետի սահմանափակիչ մասը կարող է շարադրվել առանց այն գյուտի առարկայի բոլոր հատկանիշների թվարկման, որին գյուտը վերաբերում է, եթե գյուտի նշանակությունը արտահայտող սեռային հասկացությունից ակնհայտ է առարկայի այդ հատկանիշների առկայությունը, իսկ գյուտի էությունը կայանում է հավակնության սահմանման սահմանափակիչ մասի առանձին հատկանիշների զարգացման և ճշգրտման մեջ։
164. Այս դեպքում, հավակնության սահմանման կետը շարադրելիս գյուտի նշանակությունը արտահայտող սեռային հասկացությունից հետո գրվում է «բնութագրվում է», «ունի», «ներառում է» կամ այլ բառ, որոնցից հետո բերվում է գյուտը բնութագրող մնացած հատկանիշների համախմբությունը։
165. Հավակնության սահմանումը (կամ բազմօղակ հավակնության սահմանման յուրաքանչյուր կետը) շարադրվում է մեկ նախադասությամբ:
Հավակնության սահմանման անկախ կետը
166. Գյուտի հավակնության սահմանման անկախ կետը բնութագրում է գյուտը` խնդրարկվող իրավական պահպանության ծավալը որոշող հատկանիշների համախմբությամբ, և շարադրվում է գյուտի առարկայի տրամաբանական սահմանման ձևով։
167. Գյուտի հավակնության սահմանման անկախ կետը պետք է վերաբերի միայն մեկ գյուտի։
168. Նշված պահանջը չի համարվում պահպանված, մասնավորապես, եթե գյուտի հավակնության սահմանման անկախ կետը ներառում է՝
ա) որպես այլընտրանքային ներկայացված հատկանիշներ, որոնք իրականում այդպիսին չեն.
բ) հատկանիշ, որն արտահայտված է այնպես, որ ընդունվում է դրա բացակայության հնարավորությունը գյուտը բնութագրող հատկանիշների համախմբության մեջ։ Այդ դրույթը չի վերաբերում այն դեպքին, երբ համախմբության հատկանիշի բացակայությունն այլընտրանքի արտահայտման ձևն է։ Օրինակ, եթե նյութի բաղադրիչներից մեկի քանակն արտահայտված է 0-n % -ով և այդ միջակայքում ապահովվում է նշված տեխնիկական արդյունքը, ապա այդպիսի գրառումը չի կարող վկայել գյուտի միասնության պահանջի խախտման մասին.
գ) տարբեր տեսակի առարկաներին վերաբերող գյուտերի բնութագիր.
դ) գյուտի տարբերակներ.
ե) միջոցների համախմբություն, որոնցից յուրաքանչյուրն ունի իր նշանակությունը՝ առանց այդ համախմբությամբ ընդհանուր նշանակության իրագործման։
169. Գյուտի հավակնության սահմանման մեկ անկախ կետում տարբեր նշանակության միջոցներ հանդիսացող հատկանիշների համախմբումը թույլատրվում է միայն եթե՝
ա) այդ միջոցներից յուրաքանչյուրը կառուցվածքային և(կամ) ֆունկցիոնալ կապված է, առնվազն, մեկ այլ միջոցի հետ, որի բնութագիրը բերված է այդ կետում.
բ) այդ միջոցներից յուրաքանչյուրն ազդում է բոլոր միջոցների օգտագործմամբ ընդհանուր տեխնիկական արդյունքի հասնելու վրա, որն իրենից պետք է ներկայացնի այդ համատեղ օգտագործմամբ ապահովող ամբողջական տեխնիկական արդյունքը։
170. Չի թույլատրվում մեկ կամ մի քանի անկախ կետերում շարադրել տարբեր նշանակության միջոցներ (օրինակ՝ պտուտակիչ և դուր), որոնք միմյանց չեն հարաբերակցվել որպես «մաս» և «ամբողջություն», եթե որպես «ամբողջություն» տվյալ առարկայի օգտագործման արդյունքում ստացվող տեխնիկական արդյունքը՝
ա) իրենից ներկայացնում է միայն արդյունք, որը ստացվում է այդ միջոցներից մեկի կամ մի քանիսի օգտագործմամբ, կամ
բ) հավասար է միջոցներից յուրաքանչյուրի օգտագործման արդյունքների պարզ գումարի։
171. Թույլատրվում է հավակնության սահմանման մեկ անկախ կետում բնութագրել տարբերակներ հանդիսացող մի քանի գյուտեր, եթե դրանք տարբերվում են միայն այնպիսի հատկանիշներով, որոնք արտահայտված են այլընտրանքի ձևով։
Հավակնության սահմանման կախյալ կետը
172. Գյուտի հավակնության սահմանման կախյալ կետը ներառում է գյուտի անկախ կետում բերված հատկանիշների համախմբության զարգացումը և(կամ) ճշգրտումը այն հատկանիշներով, որոնք բնութագրում են գյուտը միայն նրա պատրաստման կամ օգտագործման մասնավոր դեպքերում:
173. Կախյալ կետի շարադրությունը սկսվում է սեռային հասկացության նշումից, որը, որպես կանոն, բերվում է հակիրճ ձևով անկախ կետի համեմատությամբ, և այն անկախ և(կամ) կախյալ կետի հղումից, որին վերաբերում է տվյալ կախյալ կետը, որից հետո բերվում են գյուտի պատրաստման կամ օգտագործման մասնավոր դեպքերը բնութագրող հատկանիշները:
174. Եթե գյուտի պատրաստման կամ օգտագործման մասնավոր դեպքում այն բնութագրելու համար կախյալ կետի հատկանիշների հետ մեկտեղ անհրաժեշտ են միայն անկախ կետի հատկանիշները, ապա կիրառվում է այդ կախյալ կետի ենթակայությունն անմիջականորեն անկախ կետի։ Եթե նշված բնութագրման համար անհրաժեշտ են նաև հավակնության սահմանման մեկ կամ մի քանի այլ կախյալ կետերի հատկանիշները, օգտագործվում է տվյալ կախյալ կետի ենթակայությունն անկախ կետի համապատասխան կախյալ կետի միջոցով: Ընդ որում, տվյալ կախյալ կետում կատարվում է հղում միայն այն կախյալ կետին, որին նա ենթարկվում է անմիջականորեն։
175. Հավակնության սահմանման մի քանի կետերի կախյալ կետի անմիջական ենթակայությունը (բազմակի ենթակայություն) արտահայտելու համար դրանց հղումը բերվում է միայն այլընտրանքի տեսքով։ Բազմակի ենթակայությամբ հավակնության սահմանման կետը չի կարող հիմք հանդիսանալ բազմակի ենթակայությամբ հավակնության սահմանման այլ կետերի համար։
176. Չի կարելի հավակնության սահմանման կախյալ կետը շարադրել այնպես, որ փոխարինվեն կամ բացառվեն գյուտի հատկանիշները, որոնք բերված են հավակնության սահմանման այն կետում, որին տվյալ կախյալ կետը ենթարկվում է։
177. Եթե գյուտի հավակնության սահմանման կախյալ կետը ձևակերպված է այնպես, որ կատարվում է անկախ կետի հատկանիշների բացառում կամ փոխարինում, ապա ընդունելի չէ, որ տվյալ կախյալ կետը այն անկախ կետի հետ, որին ենթարկվում է, համատեղ բնութագրեն մեկ գյուտ:
Սարքին վերաբերող հավակնության սահմանման առանձնահատկությունները
178. Սարքի հատկանիշները հավակնության սահմանման մեջ շարադրվում են այնպես, որ սարքը բնութագրվի ստատիկ վիճակում: Սարքի կառուցվածքային տարրի կատարումը բնութագրելիս կարող է նշվել դրա շարժունակության, որոշակի գործառույթի իրականացման հնարավորությունը (օրինակ՝ արգելակման հնարավորությամբ, սևեռման հնարավորությամբ) և այլն:
179. Սարքի կառուցվածքային տարրի կատարումը բնութագրելիս կարող են օգտագործվել նաև այնպիսի արտահայտություններ, որոնք պարզաբանում են նշանակությունը կամ գործառույթը, այս կամ այն հանգույցի կամ մեխանիզմի գործողության սկզբունքը, հատկապես երբ այն օժանդակում է գյուտն առավել ամբողջական հասկանալուն (օրինակ՝ «...օգտագործված է X տարրը, որն ապահովում է...»):
180. Պարտադիր չէ, որ սարքի հատկանիշները ներկայացվեն որպես կոնկրետ նյութական միջոցներ: Այդ հատկանիշները կարող են ներկայացվել դրանց ֆունկցիոնալ հատկությունների միջոցով, պայմանով, որ մասնագետի մոտ կասկած չհարուցի հայտնի նյութական միջոցներով այդ գործառույթներն իրագործելու հնարավորությունը: Օրինակ՝ «Սարքն ունի X հանգույցի սառեցման օդափոխիչ»-ի փոխարեն կարելի է նշել. «Սարքն ունի X հանգույցի սառեցման միջոց», հատկապես, եթե դա չի փոխում գյուտի էությունը:
181. Եթե հայտնի սարքում հայտարկվում է որևէ հանգույցի կատարելագործում, ապա գյուտի հավակնության սահմանման սահմանափակիչ մասում պարտադիր չէ թվարկել դրա բոլոր էական հատկանիշները, որոնք այդ առարկայի անբաժանելի մասն են կազմում: Օրինակ՝ եթե նկարագրվում է հեծանիվ, պարտադիր չէ նշել, որ դա ունի անիվներ:
182. Եթե գյուտի հավակնության սահմանումը բնութագրվում է այլընտրանքային միջոցների կիրառմամբ, որոնց սեռային պատկանելության որոշումը դժվար է, ապա այդ հասկացությունները ներկայացվում են՝ թվարկելով դրանք «կամ» շաղկապի միջոցով:
183. Եթե գյուտի հայտը ներառում է գծագրեր, ցանկալի է, որ հավակնության սահմանման մեջ հիշատակված տեխնիկական հատկանիշներն ուղեկցվեն հղումային նշումներով։ Հղումային նշումները (գծագրի տարրերի համարները), դրանց օգտագործման դեպքում, ցանկալի է նշել տարրից հետո՝ փակագծերում: Եթե հղումային նշումները չեն նպաստում հավակնության սահմանման ավելի արագ հասկացմանը, ապա դրանք կարելի է չկատարել։
Նյութին վերաբերող հավակնության սահմանման առանձնահատկությունները
184. Ցանկացած ծագում ունեցող պարզված կառուցվածքով քիմիական միացությունը բնութագրող հավակնության սահմանումը ներառում է միացության անվանումն ըստ քիմիայի բնագավառում ընդունված անվանացուցակներից որևէ մեկի, կամ միացության անվանումը և նրա կառուցվածքային բանաձևը (միացության նշանակությունը կարող է չնշվել):
185. Չպարզված կառուցվածքով քիմիական միացություն բնութագրող հավակնության սահմանումը ներառում է միացության անվանումը, ինչպես նաև միացության նշանակության բնութագրի հետ միասին ֆիզիկաքիմիական և այլ բնութագրեր, որոնք թույլ են տալիս տարբերակել տվյալ միացությունն այլ միացություններից, մասնավորապես՝ դրա ստացման եղանակի հատկանիշները։
186. Նուկլեինաթթուներ և սպիտակուցներ բնութագրող հավակնության սահմանումը ներառում է դրանց անվանումը՝ նշանակության նշումով, հաջորդականության համարը (նուկլեոտիդների՝ նուկլեինաթթուների հաջորդականությունների ցանկում, և ամինաթթուների՝ սպիտակուցների հաջորդականությունների ցանկում), ինչպես նաև ֆիզիկաքիմիական և այլ բնութագրեր, որոնք թույլ են տալիս տարբերակել տվյալ արտադրանքը այլ արտադրանքից։ Եթե նուկլեոտիդների հաջորդականությունը կոդավորում է սպիտակուցի ամինաթթվային հաջորդականություն, լրացուցիչ բերվում է այդ սպիտակուցի ֆունկցիան։
187. Գենը բնութագրող հավակնության սահմանումը ներառում է ԴՆԹ-ի նուկլեոտիդների հաջորդականությունը և(կամ) այդ գենով կոդավորվող սպիտակուցի ամինաթթուների հաջորդականությունը:
188. Ռեկոմբինանտային սպիտակուց բնութագրող հավակնության սահմանումը ներառում է ամինաթթվային հաջորդականություն և այն կոդավորող կառուցվածքային գենի նուկլեոտիդային հաջորդականություն:
189. Միակլոնալ հակամարմին բնութագրող հավակնության սահմանումը ներառում է՝ հակամարմնի համար ճանաչելի հակագենը, նշված հակամարմին արտադրող հիբրիդոմը և հակամարմնի նույնականացման այլ հատկություններ:
Միակլոնալ հակամարմնի ստացման եղանակը ներառում է՝ իմունագենի բնույթի որոշումը, իմունացման եղանակը, հակամարմին արտադրող բջիջների ընտրության եղանակը, միակլոնալ հակամարմնի տարբերակման եղանակը և այլն:
190. Հակաբիոտիկներ բնութագրող հավակնության սահմանումը ներառում է՝ արտազատման աղբյուրը (մանրէի կամ բջիջների կուլտուրայի շտամը), տարրերի կազմը, մոլեկուլային զանգվածը, նյութի օպտիկական ակտիվությունը, սպեկտրային վերլուծության տվյալները, նյութի գույնը և ֆիզիկական վիճակը, լուծելիությունը և գունային ռեակցիաները:
191. Բաղադրանյութ բնութագրող հավակնության սահմանումը ներառում է՝ դրա անվանումը, նշանակությունը, բաղադրանյութի մաս կազմող բաղադրամասերը և, անհրաժեշտության դեպքում, բաղադրամասերի քանակական պարունակությունը։
192. Եթե բաղադրանյութը բնութագրող հավակնության սահմանումը ներառում է բաղադրամասերի քանակական պարունակությանը վերաբերող հատկանիշներ, ապա դրանք արտահայտվում են ցանկացած միարժեք միավորներով, որպես կանոն, պարունակության նվազագույն և առավելագույն սահմանները (ստորին և վերին) բնութագրող երկու նշանակություններով: Ընդ որում, քանակական պարունակությունը գերադասելի է արտահայտել զանգվածային տոկոսներով (զանգվ%):
193. Բաղադրանյութի բաղադրամասերից մեկի պարունակությունը կարող է նշվել մեկ արժեքով, իսկ մնացած բաղադրամասերինը՝ որպես այդ միավոր արժեքի նկատմամբ արժեքների միջակայք (օրինակ՝ բաղադրամասերի պարունակությունը նշվում է հիմնական բաղադրամասերի 100 զանգվածային մասերի կամ լուծույթի 1 լիտրի նկատմամբ): Այդ դեպքում բաղադրամասերի պարունակության միջակայքը նշվում է զանգվածային տոկոսներով, փակագծերում:
194. Բաղադրանյութի կազմում հակաբիոտիկների, անատոքսինների և այլնի քանակական պարունակությունը կարող է նշվել այլ միավորներով, քան բաղադրանյութի մնացած բաղադրամասերինը (օրինակ՝ հազար միավորներով բաղադրանյութի մնացած բաղադրամասերի զանգվածային քանակության նկատմամբ):
195. Եթե բաղադրանյութին վերաբերող գյուտը բնութագրվում է լրացուցիչ բաղադրամասի ներմուծմամբ, ապա հավակնության սահմանման մեջ համապատասխան տարբերիչ հատկանիշից առաջ դրվում է «լրացուցիչ պարունակում է» բառակապակցությունը։
196. Այն բաղադրանյութերի համար, որոնց նշանակությունը որոշվում է միայն նոր ակտիվ տարրով, իսկ այլ բաղադրամասերը չեզոք կրողներ են տվյալ նշանակության բաղադրանյութերի մեջ ավանդային օգտագործվողների շարքից, հավակնության սահմանման մեջ թույլատրվում է նշել միայն այդ ակտիվ տարրի և բաղադրանյութի կազմում դրա քանակական պարունակությունը, այդ թվում՝ «արդյունավետ քանակ» ձևով:
197. Այդպիսի բաղադրանյութ բնութագրելու մեկ այլ տարբերակն է, երբ բացի ակտիվ տարրից նշվում են նաև այլ բաղադրամասեր (կայունարարներ, կոնսերվանտներ, լցանյութեր, չեզոք կրողներ և այլն)՝ «նպատակային հավելույթ» ընդհանրացված հասկացության ձևով: Ընդ որում, անհրաժեշտության դեպքում, կարող է նշվել ակտիվ տարրի և նպատակային հավելույթի քանակական հարաբերակցությունը:
198. Եթե որպես գյուտի հատկանիշ նշված է բարդ բաղադրությամբ հայտնի նյութ, ապա կարող է օգտագործվել դրա հատուկ անվանումը՝ բերելով նաև նյութի և դրա հիմքի ֆունկցիան կամ հատկությունները: Այս դեպքում գյուտի նկարագրության մեջ պետք է բերվի տեղեկատվության աղբյուրը, որում այդ նյութը նկարագրված է։
199. Եթե հավակնության սահմանման մեջ գյուտը բնութագրվում է այլընտրանքային հասկացությունների օգտագործմամբ, որոնց սեռային պատկանելության որոշումը դժվար է, ապա այդ հասկացությունները կարող են ներկայացվել՝ թվարկվելով «կամ» շաղկապի միջոցով: Օրինակ՝ քիմիային վերաբերող հայտերում, գյուտի հավակնության սահմանման անկախ կետում այդ հասկացությունները կարող են ներկայացվել հետևյալ ձևով՝ «...օգտագործված է A նյութը կամ B նյութը...» և այլն, կամ՝ «նյութը ընտրված է ....խմբից»:
Միկրոօրգանիզմի շտամին, բույսերի կամ կենդանիների բջիջների գծին, գենետիկական կառուցվածքին վերաբերող հավակնության սահմանման առանձնահատկությունները
200. Միկրոօորգանիզմի շտամ բնութագրող հավակնության սահմանումը ներառում է նրա սեռային ու տեսակային անվանումը՝ լատիներեն, և շտամի նշանակությունը։ Եթե շտամը ավանդադրված է, բերվում է լիազորված պաշտոնական հավաքածուի՝ ավանդադրման կենտրոնի անվանումը կամ հապավումը, ավանդադրված օբյեկտին ըստ հավաքածուի շնորհված գրանցման համարը: Եթե շտամը ավանդադրված չէ, բերվում է հեղինակի կողմից շնորհված անվանումը։
201. Բույսերի կամ կենդանիների բջիջների գիծ բնութագրող հավակնության սահմանումը ներառում է բջիջների անվանումը և դրանց նշանակությունը։ Եթե գիծն ավանդադրված է, բերվում է լիազորված պաշտոնական հավաքածուի՝ ավանդադրման կենտրոնի հապավումը, ավանդադրված օբյեկտին ըստ հավաքածուի շնորհված գրանցման համարը, իսկ եթե գիծը ավանդադրված չէ, բերվում է հեղինակի կողմից գծին շնորհված անվանումը:
202. Գենետիկական կառուցվածք բնութագրող հավակնության սահմանումը ներառում է դրա անվանումը և հատկանիշներ, որոնք արտահայտում են կառուցվածքային իրականացումը (տես սույն Կարգի 95-96-րդ կետերը)։
203. Վեկտորը (պլազմիդը) բնութագրող հավակնության սահմանումը ներառում է՝ ԴՆԹ-ի նուկլեոտիդների հաջորդականությունը, ռեստրիկցիայի քարտեզը, մոլեկուլային կշիռը, հիմքերի զույգերի քանակը, ստացման աղբյուրը, վեկտորի (պլազմիդի) տարբերակման համար էական կառուցվածքային տարրերի ստացման եղանակը և ֆունկցիոնալ ակտիվությունը: Լրացուցիչ կարող է նշվել տվյալ վեկտորը (պլազմիդը) պարունակող ավանդադրված շտամը:
204. Տրանսֆորմանտը (կերպափոխված մանրէ) բնութագրող հավակնության սահմանումը ներառում է դրա հատկությունները և(կամ) վեկտորի (պլազմիդի) հատկությունները:
205. Հիբրիդոմը (միաձուլման եղանակով ստացված բջիջ) բնութագրող հավակնության սահմանումը ներառում է՝ հիբրիդոմի ծնողական բջիջները, հիբրիդոմի ֆունկցիաները ու հատկությունները, ինչպես նաև դրա ստացման եղանակը: Հիբրիդոմի ստացման եղանակը ներառում է ծնողական բջիջների նախնական մշակման փուլը, միաձուլման պայմանները, միաձուլված բջիջների ընտրության եղանակը, դրանց տարբերակման միջոցները և այլն:
206. Մանրէների շտամների, բույսերի կամ կենդանիների բջիջների գծերի կոնսորցիումներ բնութագրող հավակնության սահմանումը ներառում է՝
ա) յուրաքանչյուր շտամի սեռային և տեսակային անվանումը՝ լատիներեն, շտամի նշանակությունը, պաշտոնական հավաքածուի՝ ավանդադրման կենտրոնի հապավումը, ավանդադրված առարկային ըստ հավաքածուի շնորհված գրանցման համարը՝ մանրէների և բույսերի և(կամ) կենդանիների բջիջների խառը գծեր հանդիսացող կոնսորցիումների դեպքում,
որոնցում յուրաքանչյուր մանրէի շտամը ավանդադրված է ինքնուրույն.
բ) կոնսորցիումի լատինական անվանումը, կոնսորցիումի նշանակությունը, պաշտոնական հավաքածուի՝ ավանդադրման կենտրոնի հապավումը, ավանդադրված առարկային ըստ հավաքածուի շնորհված գրանցման համարը՝ մանրէների և բույսերի և(կամ) կենդանիների բջիջների զուգորդումներ (ասոցիացիաներ) հանդիսացող կոնսորցիումների դեպքում, որոնք ավանդադրվում են որպես միասնական ամբողջություն:
Եղանակին վերաբերող հավակնության սահմանման առանձնահատկությունները
207. Եղանակին վերաբերող հավակնության սահմանումը ներառում է հատկանիշներ, որոնք վերաբերում են գործողության կամ գործողությունների համախմբության առկայությանը, գործողությունների իրագործման հերթականությանը (հաջորդաբար, միաժամանակ, տարբեր զուգակցությամբ և այլն) և գործողությունների իրագործման պայմանների, ռեժիմների, նյութերի (սկզբնական հումքի, գործիքների, ազդանյութերի, կատալիզորդների և այլն), սարքերի (հարմարանքների, գործիքների, սարքավորումների և այլն), մանրէների շտամների, բույսերի և կենդանիների բջիջների գծերի օգտագործմանը:
208. Գործողությունը (գործադրաձևը, գործույթը) որպես եղանակի հատկանիշ բնութագրելիս բայերը օգտագործվում են ներգործական սեռով, սահմանական եղանակով, երրորդ դեմքով, հոգնակի թվով (օրինակ՝ տաքացնում են, խոնավացնում են, սառեցնում են և այլն):
Գյուտի այլ նշանակությամբ կիրառմանը վերաբերող հավակնության սահմանման առանձնահատկությունները
208. Այլ նշանակությամբ կիրառմանը վերաբերող գյուտի համար օգտագործվում է հետևյալ կառուցվածքով հավակնության սահմանումը՝ «Կիրառումը..... (բերվում է արտադրանքի կամ եղանակի անվանումը կամ բնութագիրը) որպես ..... (բերվում է նշված արտադրանքի կամ եղանակի հայտարկվող նշանակությունը)։
Գյուտի էությունը պարզաբանող նյութերը
209. Գյուտի էությունը պարզաբանող նյութերը կարող են ձևակերպվել գրաֆիկական պատկերների (գծագրերի, սխեմաների, տարածական պատկերների, գրաֆիկների, էպյուրների, տատանագրերի և այլն), լուսանկարների և աղյուսակների տեսքով:
210. Տարածական պատկերները ներկայացվում են այն դեպքում, երբ հնարավոր չէ լուսաբանել գյուտը գծագրերով կամ սխեմաներով:
211. Լուսանկարները ներկայացվում են որպես գրաֆիկական պատկերների լրացում: Բացառիկ դեպքերում, օրինակ՝ վիրաբուժական միջամտության իրագործման փուլերի լուսաբանման համար լուսանկարները կարող են ներկայացվել որպես պարզաբանող նյութերի հիմնական ձև։
212. Գծագրերից, սխեմաներից, տարածական պատկերներից յուրաքանչյուրը համարակալվում է (նկ. 1, նկ. 2 և այլն)։
Գրաֆիկական նյութերը ներկայացվում են առանձին թերթերով։
Գյուտի համառոտ շարադրանքը (ռեֆերատը)
213. Ռեֆերատը ծառայում է գյուտի մասին տեղեկատվության նպատակներին և իրենից ներկայացնում է գյուտի նկարագրության բովանդակության համառոտ շարադրանքը, որը ներառում է գյուտի անվանումը, գյուտին վերաբերող տեխնիկայի բնագավառի բնութագիրը և/կամ կիրառման բնագավառը, եթե այն պարզ չէ գյուտի անվանումից, գյուտի էության բնութագիրը՝ նշելով ստացվող տեխնիկական արդյունքը։
214. Գյուտի էությունը շարադրվում է ազատ ձևով՝ նշելով գյուտի հավակնության սահմանման անկախ կետում բերված գյուտի բոլոր էական հատկանիշները։ Անհրաժեշտության դեպքում ռեֆերատում բերվում են հղումներ այն նկարի (նկարների) տարրերի համարներին, որն ընտրված է ռեֆերատի հետ հրապարակելու համար։
215. Եթե գյուտի առարկան սարք է, ապա գերադասելի է դրա կառուցվածքը նկարագրել դինամիկայում, այսինքն՝ աշխատանքի մեջ: Սարքը նկարագրող ռեֆերատում տարրերի առկայությունը բնութագրելիս առաջարկվում է օգտագործել «ունի» բայը, քանի որ «ունի» բայի օգտագործումը ոճաբանորեն և տրամաբանորեն չի պահանջում մեկ նախադասությունում թվարկել սարքի կառուցվածքի բոլոր հատկանիշները: Անհրաժեշտ է խուսափել «կազմված է ...ից» արտահայտությունից, որը տրամաբանորեն պահանջում է թվարկել բոլոր հատկանիշները:
216. Առաջարկվում է սարքի բաղկացուցիչ մասերը թվարկել ընդհանուրից դեպի մասնավորը, օրինակ՝ սարքավորում (մեքենա, համակարգ և այլն) - սարք - հարմարանք - մեխանիզմ- հանգույց- մանրամաս և այլն:
217. Եթե գյուտի առարկան եղանակ է, ռեֆերատում պետք է շարադրվեն տվյալ եղանակը կազմող գործողությունները (գործողություն, պրոցես), դրանց իրականացման կոնկրետ պայմանները, գործողությունների հաջորդականությունը, պրոցեսների անցկացման ռեժիմները և այլն: Եղանակին վերաբերող ռեֆերատը կազմելիս անհրաժեշտ է օգտագործել ներգործական սեռի, սահմանական եղանակի երրորդ դեմքով և անպայման հոգնակի թվով բայեր (վերցնում են, տաքացնում են, միացնում են և այլն): Հարկ է խուսափել օգտակար տեղեկատվություն չպարունակող արտահայտություններից, ինչպես՝ «եղանակը կազմված է մի քանի գործողություններից», կամ «եղանակը պարունակում է հետևյալ գործողությունները» և այլն: Անհրաժեշտ է նկարագրել գյուտի բուն տեխնիկական էությունը:
218. Քիմիական նյութերի սինթեզին վերաբերող գյուտերի ռեֆերատներում անհրաժեշտ է նշել ստացվող նյութերի առավել կարևոր հատկությունները, պրոցեսների անցկացման ռեժիմները, կիրառման հնարավոր բնագավառները:
219. Եթե գյուտի առարկան նյութ է, անհրաժեշտ է նշել նյութը բնութագրող էական կիրառական հատկանիշները, ինչպես նաև դրա օգտագործման հնարավորությունը: Հասարակ մեխանիկական խառնուրդների համար հատկությունների նշման հետ մեկտեղ անհրաժեշտ է թվարկել բաղադրամասերը և դրանց քանակական պարունակությունը:
220. Քիմիական միացությունների համար անհրաժեշտ է նշել միացությունների դասը, որին դրանք պատկանում են (օրինակ՝ նյութը պատկանում է ալկիլբենզոլային սուլֆոնիլային միզանյութերի դասին, որոնք օգտագործվում են որպես հակաշաքարախտային դեղամիջոցներ), ինչպես նաև դրանց քիմիական կառուցվածքը և ֆիզիկաքիմիական հատկությունները: Անհրաժեշտության դեպքում ռեֆերատում բերվում է քիմիական բանաձև, որը մյուս քիմիական բանաձևերի համեմատ գյուտը բնութագրում է լավագույն ձևով: Քիմիական բանաձևերը հարկ է բերել գծային տեսքի: Կառուցվածքային բանաձևերը, որտեղ հնարավոր է, հարկ է բերել այնպիսի տեսքի, որ հնարավոր լինի տպագրել մեկ տողով:
221. Եթե գյուտի առարկան շտամ է, բոլոր դեպքերում անհրաժեշտ է հաշվի առնել մանրէների համակարգության և անվանացուցակի ժամանակակից մակարդակը: Բոլոր էական հատկանիշները անհրաժեշտ է նշել ամբողջությամբ:
222. Միկրոօրգանիզմների անվանումների կրկնական հիշատակման դեպքում սեռի անվանումը կարող է նշվել կրճատ՝ առաջին տառով (մեծատառ) այն դեպքում, երբ կա տեսակային մակդիր: Ռեֆերատի տեքստում անհրաժեշտ է նշել ստացման եղանակը, կենսատեխնոլոգիական հատկությունները, աճեցման միջավայրի կազմը, կենսաբանական ակտիվությունը պարբերական և անընդհատ կուլտիվացման պայմաններում, աճի խթանիչները, սուբստրատի նպատակային արգասիքի թողարկման տոկոսը, նպատակային արգասիքի քանակը:
223. Եթե գյուտի առարկա է հանդիսանում հայտնի սարքի, եղանակի և այլնի այլ նշանակությամբ կիրառումը՝ առանց դրա էության փոփոխման, ապա հարկ է նշել նույն նշանակությունն ունեցող հայտնի միջոցները և ստացվող տեխնիկական արդյունքը:
224. Եթե հայտն ընդգրկում է գյուտերի խումբ (օրինակ՝ եղանակ և դրա իրականացման սարք, կամ նյութ և դրա ստացման եղանակ), ապա այդ գյուտերի էությունը շարադրվում է այնպես, որ պարզ լինի, թե ինչու են դրանք կազմում միասնական գյուտարարական մտահղացում:
225. Մաթեմատիկական բանաձևերը ներառվում են ռեֆերատում, եթե առանց դրանց ռեֆերատի տեքստը կազմելն անհնար է: Ռեֆերատի տեքստում մաթեմատիկական բանաձևերը պետք է բերվեն գծային տեսքի: Տառային նշանակումները և նշանները բանաձևերում պետք է տրվեն նկարագրությանը խիստ համապատասխան:
226. Կոտորակային միավորները գրելու համար անհրաժեշտ է օգտագործել թեք գիծ, օրինակ՝ կալ/մոլ:
227. Եթե ռեֆերատում էական հատկանիշ է մաթեմատիկական արտահայտությունը, ապա անհրաժեշտ է այն սկզբում նկարագրել ընդհանուր բառերով, օրինակ՝ «ճնշումը, ջերմաստիճանը և հոսքի արագությունը որոշվում է մաթեմատիկական արտահայտությամբ»: Դրանից հետո հարկ է գրել արտահայտությունն ամբողջությամբ:
228. Ռեֆերատը պետք է պարունակի ոչ ավելի, քան 150 բառ: Բացառություն կարող են կազմել այն գյուտերը, որոնք ունեն բազմաթիվ էական հատկանիշներ, որոնց բացակայությունը ռեֆերատի տեքստում կհանգեցնի գյուտի էության աղավաղմանը, օրինակ՝ օրգանական քիմիային, ավտոմատիկային, կենսատեխնոլոգիային, հաշվողական տեխնիկային, գյուտերի խմբին վերաբերող ռեֆերատների դեպքում:
229. Ռեֆերատի լեզուն պետք է լինի հակիրճ և ստույգ: Ռեֆերատի տեքստը հարկ է կազմել առանձին կարճ նախադասություններով, չօգտագործել բարդ նախադասություններ և հավակնության սահմանմանը բնորոշ քերականական դարձվածքներ:
230. Խորհուրդ չի տրվում մեկ նախադասության մեջ նկարագրել սարքի մի քանի հանգույց կամ բլոկ, մի քանի տարբեր օրգանական նյութեր, եղանակի մի քանի միատիպ գործողություններ, որոնք բնութագրվում են միայն անցկացման տարբեր պայմաններով:
231. Բոլոր քանակական ցուցանիշները անհրաժեշտ է տեղադրել անմիջականորեն այն տերմինից հետո, որը բնորոշում է դրանք, օրինակ՝ «ծավալային զանգվածը՝ 500 կգ/մ3», իսկ բարդ նյութեր պարունակող բաղադրիչների քանակական հարաբերակցությունը բերել հաջորդաբար, այլ ոչ թե սյունակով:
232. Եթե հավակնության սահմանման մեջ որևէ հատկանիշ բնութագրված է ընդհանուր ձևով, իսկ նկարագրությունում կամ կախյալ կետերում այն կոնկրետացված է, ապա ռեֆերատի տեքստում հարկ է օգտագործել ավելի կոնկրետ տերմինը: Օրինակ՝ հավակնության սահմանման մեջ նշված «սառեցման միջոց» հատկանիշի փոխարեն հարկ է նշել նկարագրությունում նշված «սառնարան»-ը:
233. Ռեֆերատում չպետք է լինեն շարադրվող հարցերը ճիշտ հասկանալուն կամ դրանց ոչ համարժեք պարզաբանմանը խանգարող անորոշ ձևակերպումներ կամ նշանակումներ, չպետք է օգտագործել ժխտական դարձվածքներ: Իմաստավոր տերմինները պետք չէ փոխարինել դերանուններով, ածականներով և այլն: Ռեֆերատում պետք է կիրառվեն ստանդարտ տերմիններ, իսկ դրանք չլինելու դեպքում՝ առավել օգտագործվող, գիտատեխնիկական գրականության մեջ ընդունված տերմիններ: Ընդ որում, պետք է պահպանվի տերմինների միասնականությունը:
234. Ռեֆերատում չպետք է օգտագործել հապավումներ և կրճատումներ:
235. Ռեֆերատի առաջին տողը պետք է սկսվի (57) ծածկագրով (ըստ գյուտերին վերաբերող մատենագիտական տվյալների նույնականացման ՄՍՀԿ ՏT.9 ստանդարտի):
236. Ռեֆերատը ներառում է լրացուցիչ տեղեկություններ հավակնության սահմանման անկախ կետերի (եթե դրանք մեկից ավելի են) և գրաֆիկական պատկերների քանակի մասին: Օրինակ՝ հավակնության սահմանման երեք անկախ կետերի և գծագրի չորս նկարների դեպքում նշվում է՝ «3 անկախ կետ, 4 նկ.»:
Գ Լ ՈՒ Խ 4
ԱՐՏԱՀԱՅՏՈՒԹՅՈՒՆՆԵՐ ԵՎ ՏԱՐՐԵՐ, ՈՐՈՆՔ ՉԵՆ ԿԱՐՈՂ ՕԳՏԱԳՈՐԾՎԵԼ
237. Հայտը չպետք է պարունակի բարոյականությանը և հասարակական կարգին հակասող արտահայտություններ, գծագրեր, նկարներ, լուսանկարներ և այլ նյութեր, այլ անձանց հայտերի կամ արտոնագրերի, տեխնոլոգիական գործընթացների և արտադրանքի նկատմամբ արհամարհական արտահայտություններ, որոնք ակնհայտորեն չեն վերաբերում գյուտին:
238. Նկարագրության «գյուտի մակարդակը» բաժնում բերված հայտնի գյուտերի թերությունների պարզ նշումը չի համարվում անթույլատրելի քայլ:
Գ Լ ՈՒ Խ 5
ՏԵՐՄԻՆՆԵՐ ԵՎ ՆՇԱՆՆԵՐ
239. Գյուտի հավակնության սահմանման, նկարագրության և պարզաբանող նյութերում, ինչպես նաև ռեֆերատում օգտագործվում են ստանդարտացված տերմիններ ու կրճատումներ, իսկ դրանք չլինելու դեպքում՝ գիտատեխնիկական գրականության մեջ ընդունվածները:
240. Գրականության մեջ լայն տարածում չգտած տերմիններ և նշաններ գործածելիս դրանց նշանակությունը պարզաբանվում է տեքստում առաջին անգամ օգտագործելիս:
241. Չի թույլատրվում օգտագործել տերմիններ, որոնք բնութագրվում են գիտատեխնիկական գրականության մեջ ոչ գիտական դասված հասկացություններով։
242. Բոլոր պայմանական նշանները վերծանվում են: Նկարագրության, հավակնության սահմանման մեջ և ռեֆերատում պահպանվում է տերմինների միասնականությունը, այսինքն՝ միևնույն հատկանիշներն անվանվում են միատեսակ: Տերմինների միասնականության պահանջը վերաբերում է նաև ֆիզիկական միավորների չափայնություններին և գործածվող պայմանական նշաններին։
243. Անհրաժեշտության դեպքում, գյուտի անվանումը կարող է ներառել լատինական այբուբենի նիշեր և արաբական թվանշաններ: Գյուտի անվանման մեջ այլ այբուբենի նիշեր և հատուկ նշաններ չպետք է օգտագործել:
244. Ֆիզիկական մեծություններն արտահայտվում են, գերադասելիորեն, գործող Միավորների միջազգային համակարգի (SI) միավորներով:
245. Գյուտի անվանման մեջ և ռեֆերատում հունական այբուբենի տառերը պետք է գրվեն հայերեն տառադարձությամբ, օրինակ՝ «b»-ն պետք է գրվի՝ «բետա»:
Գ Լ ՈՒ Խ 6
ՀԱՅՏԻ ՓԱՍՏԱԹՂԹԵՐԻ ՁԵՎԱԿԵՐՊՈՒՄԸ
Պիտանիությունը վերարտադրման համար
246. Հայտի բոլոր փաստաթղթերը (դիմումը, գյուտի նկարագրությունը, հավակնության սահմանումը, գրաֆիկական նյութերը և ռեֆերատը) ներկայացվում են այնպիսի տեսքով, որ հնարավոր լինի դրանց պատճենները վերարտադրել անսահմանափակ քանակով։
247. Թերթերը չպետք է լինեն ճմրթված կամ պատռված, չպետք է ունենան ծալատեղեր:
248. Յուրաքանչյուր թերթ օգտագործվում է միայն մեկ կողմից՝ տողերը զուգահեռ տեղադրելով թերթի փոքր եզրին։
Օգտագործվող նյութը
249. Հայտի փաստաթղթերը պատրաստում են էլաստիկ, ամուր, սպիտակ, հարթ, ոչ փայլուն թղթի վրա։
Առանձին թերթեր, թերթերի չափը, դաշտերը
250. Հայտի յուրաքանչյուր փաստաթուղթը և նուկլեոտիդների և(կամ) ամինաթթուների հաջորդականությունների ցանկը սկսվում է առանձին թերթից:
251. Թերթերն ունեն A4 ձևաչափը (29,7սմ x 21սմ)։
252. Գյուտի նկարագրության, հավակնության սահմանման և ռեֆերատի թերթերի ազատ դաշտերը (լուսանցքները) պետք է լինեն ոչ պակաս, քան՝
|
վերինը՝ |
2 սմ |
|
ձախը՝ |
2,5 սմ, |
|
աջը՝ |
2 սմ |
|
ստորինը՝ |
2 սմ: |
|
վերինը՝ |
4 սմ |
|
ձախը՝ |
24 սմ, |
|
աջը՝ |
3 սմ |
|
ստորինը՝ |
3 սմ: |
Գրաֆիկական նյութեր պարունակող թերթերի ազատ դաշտերը պետք լինեն ոչ պակաս, քան՝
|
վերինը՝ |
2,5 սմ |
|
ձախը՝ |
2,5 սմ, |
|
աջը՝ |
1,5 սմ |
|
ստորինը՝ |
1 սմ: |
Այդ թերթերի նշված դաշտերով շրջափակված օգտագործելի մակերևույթը չպետք է ներառվի շրջանակի մեջ:
253. Լուսանկարների ձևաչափն ընտրվում է այնպես, որ այն չգերազանցի հայտի փաստաթղթերի թերթերի սահմանված չափերը: Փոքր ձևաչափի լուսանկարները ներկայացվում են թղթի թերթերի վրա սոսնձված՝ պահպանելով թերթի ձևաչափի և որակի նկատմամբ սահմանված պահանջները։
Թերթերի համարակալումը
254. Թերթերի համարակալումը կատարում են հաջորդաբար, արաբական թվանշաններով՝ սկսած 1-ից՝ օգտագործելով համարակալման առանձին սերիաները։ Համարակալման առաջին սերիային վերաբերում է դիմումը, երկրորդ սերիային՝ նկարագրությունը, հավակնության սահմանումը և ռեֆերատը։ Եթե հայտը պարունակում է գծագրեր և այլ գրաֆիկական նյութեր, դրանք համարակալվում են առանձին սերիայի ձևով։ Նույն ձևով համարակալվում է նուկլեոտիդների և (կամ) ամինաթթուների հաջարդականությունների ցանկը։
255. Թվանշանները դրվում են թերթի ստորին մասի կենտրոնում:
256. Նկարագրության և հավակնության սահմանման յուրաքանչյուր թերթի յուրաքանչյուր հինգերորդ տողը ցանկալի է համարակալել։
257. Համարները դրվում են թերթի ձախ դաշտի աջ կողմում։
Տեքստի ձեվակերպումը
258. Փաստաթղթերը տպագրվում են սև գույնի տառաշարով՝ շահագրգիռ անձանց դրանց ծանոթանալու և անմիջական վերարտադրելու հնարավորության ապահովմամբ։ Գյուտի նկարագրության, հավակնության սահմանման և ռեֆերատի տեքստերը պետք է լինեն տպագրված տողերի 1,5 միջակայքով, ընդ որում, տպագրման տառատեսակի մեծատառերի բարձրությունը պետք է լինի 0, 21 սմ-ից ոչ պակաս։
259. Գրաֆիկական նիշերը, լատիներեն անվանումները, լատինական և հունական տառերը, մաթեմատիկական և քիմիական բանաձևերը կամ նշանները կարող են գրվել ձեռագիր՝ սև գույնի թանաքով, մածուկով կամ տուշով: Չի թույլատրվում բանաձևերի խառը ձևակերպումը՝ մեքենագիր և ձեռագիր:
260. Ներկայացված նյութերը պետք է զերծ լինեն ջնջումներից, ուղղումներից, ընդմիջարկություններից, սոսնձված պիտակներից և ձեռագիր մակագրություններից, որոնք կարող են բովանդակային առումով որևէ կասկած հարուցել: Տեքստի մեկ էջը կարող է ունենալ երեքից ոչ ավելի ուղղված վրիպումներ, եթե չեն խախտվում որակյալ վերարտադրման պահանջները:
261. Եթե հայտի փաստաթղթերը ներկայացման պահին տպագրված են ոչ համակարգչային եղանակով, նախնական փորձաքննության ընթացքում պետք է ներկայացվեն դրանց համակարգչային տպագրված տարբերակները։
Քիմիական բանաձեվերը
262. Գյուտի նկարագրության, հավակնության սահմանման և ռեֆերատի մեջ կարող են օգտագործվել քիմիական բանաձևեր:
263. Քիմիական միացությունների կառուցվածքային բանաձևերը տրվում են շարադրման ընթացքում, օգտագործելով տառային նշումներ:
Բանաձևի տառային նշումների մեկնաբանությունները գրվում են իրար տակ, բաժանված:
264. Կառուցվածքային քիմիական բանաձևեր գրելիս օգտագործվում են տարրերի ընդհանուր գործածական խորհրդանիշները և հստակորեն նշվում են տարրերի և ռադիկալների միջև կապերը:
265. Անհրաժեշտության դեպքում, քիմիական բանաձևերը կարելի է զետեղել թերթի երկար կողմին զուգահեռ: Այս դեպքում թերթերն անհրաժեշտ է ներկայացնել այնպես, որ բանաձևերի վերին մասը գտնվի թերթի ձախ կողմում:
Նուկլեոտիդների եվ ամինաթթուների հաջորդականությունների ցանկի պատճենի ձեվակերպումը
266. Համակարգչային տեղեկակիրների վրա ներկայացված նուկլեոտիդների և ամինաթթուների հաջորդականությունների ցանկի պատճենը պետք է նույնական լինի թղթի վրա ներկայացվածին: Թղթի վրա ներկայացված նուկլեոտիդների և(կամ) ամինաթթուների հաջորդականությունների ցանկը պետք է ձևակերպված լինի համաձայն ՄՍՀԿ ST.25 ստանդարտի։
267. Հաջորդականությունների ցանկի պատճենը համակարգչային տեղեկակիրների վրա ներկայացվում է մեկ ֆայլում, ցանկալի է մեկ պնակիտի վրա: Պնակիտի տվյալները պատրաստվում են WIindows-ի համար՝ օգտագործելով 01251 կոդային էջերը, և MS DOS-ի համար՝ 866 (գերադասելիորեն, առնվազն՝ Word 6 տեքստային խմբագիրը Windows-ի համար):
268. Պնակիտը պետք է ունենա մշտապես ամրացված պիտակ, որի վրա տպատառ նշվում են հայտատուի անունը, ազգանունը (անվանումը), գյուտի անվանումը, գրառման թվականը, տեքստային խմբագրի և գործառութային համակարգի անվանումները:
Մաթեմատիկական բանաձեվերը եվ սիմվոլները
269. Գյուտի նկարագրության հավակնության սահմանման մեջ, ինչպես նաև ռեֆերատում կարող են օգտագործվել մաթեմատիկական արտահայտություններ (բանաձևեր) և նիշեր:
270. Բանաձևերը կարող են բնութագրել, օրինակ՝ չափերի հարաբերակցությունը, որևէ պրոցեսի պարամետրերը կամ պարունակել որոնելի մեծության ստացման եղանակին վերաբերող տեղեկատվություն, եթե խոսքը, օրինակ՝ վերլուծության, որոշման կամ վերահսկման եղանակի մասին է: Մաթեմատիկական արտահայտության ներկայացման ձևը չի կարգավորվում:
271. Մաթեմատիկական արտահայտությունների բոլոր տառային նշանակումները վերծանվում են: Տառային նշանակումների վերծանումը տրվում է բանաձևում բերված հերթականությամբ՝ սյունակով, անջատելով ստորակետներով:
272. <, >, = և մաթեմատիկական այլ նշաններն օգտագործվում են միայն մաթեմատիկական բանաձևերում, իսկ տեքստում հարկ է գրել բառերով՝ «մեծ է», «փոքր է», «հավասար է» և այլն:
273. Մեծությունների արժեքների միջակայքերը կարող են բերվել (-) նշանով կամ «...ից մինչև...» արտահայտությամբ, իսկ մեծությունների միջակայքերի հարաբերակցությունները բերվում են (:) նշանով:
274. Մեծությունների տոկոսային արտահայտման դեպքում տոկոսի նշանը (%) դրվում է թվից հետո: Եթե մեծությունները մի քանիսն են, տոկոսի նշանը դրվում է դրանց թվարկումից առաջ և դրանցից անջատվում է կետով, օրինակ, զանգվ. %.
|
երկաթ՝ |
15-20 |
|
պղինձ՝ |
12-17 և այլն: |
275. Մաթեմատիկական բանաձևերը կարող են տեղադրվել ինչպես նկարագրության մեջ, այնպես էլ նկարագրության հավելվածի տեսքով: Այս դեպքում մաթեմատիկական բանաձևերը կարող են տեղադրվել երկար կողմին զուգահեռ: Այսդեպքում թերթերը ներկայացվում են այնպես, որ բանաձևերի վերին մասը գտնվի թերթի ձախ կողմում:
276. Մաթեմատիկական բանաձևերում տողադարձը թույլատրվում է միայն ըստ գործողության նշանի:
Աղյուսակները
277. Գյուտի նկարագրությունը և ռեֆերատը կարող են ունենալ աղյուսակներ: Հավակնության սահմանումը կարող է ունենալ աղյուսակներ միայն այն դեպքում, երբ դրանց կիրառման անհրաժեշտությունը բխում է դրա էությունից:
278. Աղյուսակները կարող են տեղադրվել ինչպես նկարագրության մեջ, այնպես էլ նկարագրության հավելվածի տեսքով: Այդ դեպքում աղյուսակները կարող են տեղադրվել թերթի երկար կողմին զուգահեռ: Այս դեպքում թերթերը ներկայացվում են այնպես, որ աղյուսակների վերին մասը գտնվի թերթի ձախ կողմում:
Գրաֆիկական նյութերը
279. Գրաֆիկական նյութերը ներկայացվում են դիմացկուն, սպիտակ, հարթ թղթի վրա՝ սև չջնջվող, պարզ գծերով և
ստվերագծերով, առանց գունազարդման:
280. Գրաֆիկական նյութի մասշտաբը և հստակությունը ընտրվում են այնպես, որ չափերի՝ մինչև 2/3 գծային փոքրացմամբ վերարտադրման դեպքում հնարավոր լինի տարբերել բոլոր մանրամասները:
281. Հարկավոր չէ թվանշանները և տառերը տեղադրել փակագծերի, շրջանակների և այլնի մեջ: Թվանշանների և տառերի բարձրությունը պետք է լինի 0,32 սմ-ից ոչ պակաս: Թվանշանները և տառերը պետք է լինեն հստակ, դրանց գծերի հաստությունը պետք է համապատասխանի պատկերների գծերի հաստությանը:
282. Յուրաքանչյուր գրաֆիկական նյութ համարակալվում է արաբական թվանշանով (նկ. 1, նկ. 2 և այլն), անկախ տվյալ նյութի տեսակից (գծագիր, սխեմա, գրաֆիկ և այլն) և թերթերի համարակալումից, նկարագրության տեքստի «գրաֆիկական նյութերի համառոտ նկարագրությունը» բաժնում հիշատակման հերթականությանը համապատասխան: Եթե նկարագրությունը պարզաբանվում է մեկ պատկերով, այն չի համարակալվում:
283. Գծագրի մեկ էջում կարող են զետեղվել մի քանի պատկերներ, ընդ որում, դրանք պետք է պարզորեն սահմանազատվեն մեկը մյուսից: Եթե երկու և ավելի թերթերում զետեղված պատկերները միասնական պատկերի մասեր են, ապա դրանք զետեղվում են այնպես, որ այդ պատկերը հնարավոր լինի ամբողջակազմել տարբեր թերթերում զետեղված պատկերներից՝ առանց որևէ մեկը բաց թողնելու: Առանձին պատկերները թերթում կամ թերթերում զետեղվում են այնպես, որ թերթերն առավելագույն չափով հագեցված լինեն և գծագիրը հնարավոր լինի կարդալ թերթի երկար կողմը ուղղաձիգ տեղադրելիս: Եթե պատկերները զետեղվում են թերթի երկար կողմին զուգահեռ, ապա դրանց վերին մասը պետք է գտնվի թերթի ձախ կողմում:
284. Գծագրերը պատրաստվում են տեխնիկական գծագրերի պատրաստման կանոնների համաձայն:
285. Գերադասելի է գծագրերում օգտագործել ուղղանկյուն (օրթոգոնալ) պրոյեկցիաներ (տարբեր տեսքերով, կտրվածքներով և հատվածներով), կարող է օգտագործվել նաև աքսոնոմետրական պրոյեկցիան:
286. Կտրվածքները թեք ստվերագծով պետք է ցույց տալ այնպես, որ չխոչընդոտվի հիմնական գծերի և հղումային նշանակումների պարզ ընթերցումը:
287. Գծագրում յուրաքանչյուր տարր կատարվում է մյուսներին համամասն, բացառությամբ այն դեպքերի, երբ տարրը ավելի պարզ պատկերելու համար անհրաժեշտ է շեղվել համամասնությունից:
288. Գծագրերը կատարվում են առանց որևէ մակագրության, բացառությամբ կտրվածքների նշանակումներից («կտրվածք Ա-Ա» և այլն):
289. Գծագրի վրա չափերը չեն նշվում: Անհրաժեշտության դեպքում դրանք բերվում են նկարագրության մեջ:
290. Գծագրի վրա պատկերված տարրերը նշանակվում են արաբական թվանշաններով, գյուտի նկարագրությանը համապատասխան: Մի քանի նկարների վրա բերված միևնույն տարրը նշվում է միևնույն թվանշանով: Մի քանի նկարների վրա պատկերված տարբեր տարրերը չեն կարող նշվել միևնույն թվանշանով: Նկարագրության մեջ չհիշատակված նշանները գծագրերում չեն գրվում: Հանգույցները և մանրամասերը նշող թվանշանները կամ կտրվածքները և հատվածքները նշող տառանշանները, որպես կանոն, զետեղվում են պատկերված հանգույցի կամ մանրամասի սահմաններից դուրս և գծով միացվում են համապատասխան մասերին: Դուրսբերման գիծը տարվում է այնպես, որ հեշտությամբ տարբերվի նկարի տարրերի եզրագծերից: Եթե թվով նշված հանգույցը (տարրը և այլն) ամբողջությամբ բերված է առանձին նկարում, ապա այդ դեպքում տվյալ հանգույցի նշման գիծը չի տարվում: Գծագրերում տառանշանները գրվում են հայերենով, իսկ որտեղ դա ընդունված է՝ լատինական կամ հունական տառերով:
291. Եթե սարքի տարբեր հանգույցներում օգտագործում են նույնական տարրեր, դրանք հարկավոր է նշել տարբեր թվանշաններով, իսկ դրանց նույնականության մասին նշել նկարագրությունում։
292. Գրաֆիկական նյութը սխեմայի տեսքով ներկայացնելու դեպքում օգտագործվում են ստանդարտ պայմանական գրաֆիկական նշաններ: Կարող են մի տեսակի սխեմայում պատկերվել մեկ այլ տեսակի սխեմայի տարրեր, օրինակ՝ էլեկտրական սխեմայում՝ կինեմատիկական կամ հիդրավլիկական սխեմայի տարրեր: Սխեմայի տարրերը ուղղանկյունաձև գրաֆիկական նշաններով ներկայացնելու դեպքում, տարրի նշման թվանշանը կարող է գրվել անմիջապես ուղղանկյան մեջ: Որոշ դեպքերում տարրի նշման թվանշանը կարող է գրվել պատկերված սարքի եզրագծի ներսում՝ եզրագծի ներսում դատարկ տեղի առկայությունից կամ մի քանի տարրեր կամ ստվերագծված դաշտը գծով չհատելու անհրաժեշտությունից ելնելով:
293. Նկարագրության և հավակնության սահմանման մեջ գծագրեր, սխեմաներ և նկարներ չեն բերվում:
294. Լուսանկարները ներկայացվում են միայն որպես գրաֆիկական պատկերման այլ ձևերի լրացում: Բացառիկ դեպքերում լուսանկարը կարող է ներկայացվել որպես գրաֆիկական պատկերման հիմնական ձև, օրինակ՝ եթե անհրաժեշտ է ցույց տալ վիրահատության փուլերը և այլն:
Բ Ա Ժ Ի Ն II
ԳՈՐԾԵՐԻ ՎԱՐՈՒՄԸ ԳՈՐԾԱԿԱԼՈՒԹՅԱՆ ՀԵՏ
Գ Լ ՈՒ Խ 7
ՆԵՐԿԱՅԱՑՈՒՑՉԻ ՆՇԱՆԱԿՈՒՄԸ
295. Հայտը ներկայացնելու, հայտով նամակագրություն վարելու և հայտի քննարկման ժամանակ այլ գործողություններ կատարելու համար հայտատուն կարող է նշանակել ներկայացուցիչ՝ տալով նրան լիազորագիր:
296. Օրենքի 18-րդ հոդվածի համաձայն օտարերկրյա իրավաբանական անձինք և ՀՀ-ից դուրս մշտապես բնակվող ֆիզիկական անձինք Գործակալության հետ գործավարությունն իրականացնում են Գործակալությունում գրանցված արտոնագրային հավատարմատարների միջոցով։
297. ՀՀ միջազգային պայմանագրով նախատեսված դեպքերում օտարերկրյա իրավաբանական անձինք կամ ՀՀ-ից դուրս մշտապես բնակվող ֆիզիկական անձինք, ՀՀ միջազգային պայմանագրի համաձայն, կարող են հայտը ներկայացնել անձամբ, վճարել արտոնագրային տուրքերը և կատարել այլ գործողություններ։ Եթե սույն մասի համաձայն` հայտատուն, այլ շահագրգիռ անձը Գործակալության հետ գործավարությունն իրականացնում են անձամբ կամ Գործակալությունում գրանցված արտոնագրային հավատարմատար չհանդիսացող այլ ներկայացուցչի միջոցով, ապա Գործակալությունը կարող է պահանջել, որ ՀՀ տարածքում նշվի հասցե՝ նամակագրություն իրականացնելու համար։
298. Մեկ լիազորագիրը կարող է վերաբերել միևնույն հայտատուի մի քանի հայտերին, որոնք ներկայացվել են կամ ապագայում ներկայացվելու են այդ անձի կողմից։ Այս դեպքում հայտերից մեկի համար ներկայացվում է լիազորագրի բնօրինակը (դրա վավերացված պատճենը), իսկ մնացած հայտերից յուրաքանչյուրի համար՝ լիազորագրի պատճենը, որի վրա նշվում է այն հայտի համարը, որում պահվում է լիազորագրի բնօրինակը (վավերացված պատճենը)։
299. Եթե լիազորագիրը ներկայացված է օտար լեզվով, նրան կցվում է հայերեն թարգմանությունը։
300. Լիազորագիրը տրվում է հայտը ներկայացնելիս կամ գործավարության ընթացքում և կցվում է հայտին:
301. Մինչև լիազորագիր ներկայացնելը ներկայացուցչի կատարած գործողությունները համարվում են անօրինական և հաշվի չեն առնվում:
302. Ներկայացուցչի իրավասությունները գործում են մինչև լիազորագրում նշված իրավասությունների ավարտը, դրանց գործողության ժամկետի ավարտը, կամ մինչև այն ժամանակը, երբ Գործակալությունը կծանուցի այդ իրավասությունների դադարեցման մասին:
303. Հայտատուն կամ նրա իրավահաջորդը ներկայացուցչի նշանակումը կարող է չեղյալ հայտարարել Գործակալություն ներկայացված գրավոր դիմումի միջոցով:
Գ Լ ՈՒ Խ 8
ՆԱՄԱԿԱԳՐՈՒԹՅՈՒՆԸ ԳՈՐԾԱԿԱԼՈՒԹՅԱՆ ՀԵՏ
304. Նամակագրությունը վարում է հայտատուն կամ նրա կողմից լիազորված ներկայացուցիչը, յուրաքանչյուր հայտով առանձին:
305. Հայտի փաստաթղթերը ներկայացվում են Գործակալություն անմիջականորեն կամ փոստային առաքմամբ:
306. Հայտի փաստաթղթերը կարող են ներկայացվել ֆաքսով կամ էլեկտրոնային փոստով։ Այս դեպքում կիրառվում են սույն Կարգի 30-33-րդ կետերի դրույթները։
307. Հայտ ներկայացնելուց հետո դրան վերաբերող նյութերը ներկայացվում են հայտի համարի նշմամբ և հայտատուի կամ նրա ներկայացուցչի ստորագրությամբ: Եթե նյութերը ձևակերպված են սահմանված պահանջների խախտմամբ, հայտատուն ծանուցվում է այդ մասին և նրան առաջարկվում է ծանուցագիրն ստանալուց հետո երկամսյա ժամկետում վերացնել նշված թերությունները։
308. Եթե հայտատուն իրավաբանական անձ է, նրա անունից փաստաթղթերը ստորագրվում են սույն Կարգի 53-րդ կետով սահմանված կարգով: Եթե հարցմանը համապատասխան ներկայացված նյութերում հայտի համարը նշված չէ, ապա դրանք վերադարձվում են առանց քննարկման, այն դեպքում, երբ հայտի համարը հնարավոր չէ որոշել անուղղակի ճանապարհով:
309. Օրենքով սահմանված ժամկետները հաշվարկվում են հետևյալ կերպ`
ա) եթե ժամկետը արտահայտված է «...ժամանակամիջոցում..», «..(ոչ ուշ)…», «…(մինչև լրանալը)…», «...թվականից...» ձևով, ապա դրա հաշվարկն սկսվում է նշված թվականին հաջորդող օրվանից.
բ) եթե ժամկետի վերջին օրը ոչ աշխատանքային է, ապա ժամկետի ավարտը համարվում է դրան հաջորդող առաջին աշխատանքային օրը.
գ) եթե ժամկետն ավարտվում է այնպիսի ամսում, որը չունի համապատասխան ամսաթիվը, ապա ժամկետը լրանում է այդ ամսվա վերջին օրը:
310. Եթե Գործակալության հետ նամակագրությունն իրականացնում է հայտատուի ներկայացուցիչը, ապա նյութերի ներկայացման ժամկետը հաշվարկվում է նրա կողմից գրության ստացման թվականից:
311. Օրենքի 18-րդ հոդվածի 3-րդ մասի համաձայն Գործակալությունում գործավարությունը վարում են հայերենով:
Այլ լեզվով ներկայացված նյութերին պետք է կցվի դրանց հայերեն թարգմանությունը:
Այլ լեզվով ներկայացված նյութը համարվում է չներկայացված, եթե այն ներկայացվել է առանց թարգմանության:
312. Գործակալություն ներկայացված նյութերը, որոնք ձևակերպված են թերություններով և դժվար ընթեռնելի են, չեն քննարկվում, ինչի մասին ծանուցվում է այդ նյութեր ներկայացրած անձը:
Գ Լ ՈՒ Խ 9
ՀԱՅՏԻ ՓԱՍՏԱԹՂԹԵՐՈՒՄ ՈՒՂՂՈՒՄՆԵՐ ԵՎ ՃՇԳՐՏՈՒՄՆԵՐ ԿԱՏԱՐԵԼԸ
313. Նախնական փորձաքննության ընթացքում, Օրենքի 23-րդ հոդվածի 7-րդ մասի համաձայն, հայտատուն կարող է իր նախաձեռնությամբ` համապատասխան տուրքի վճարման պայմանով, լրացուցիչ նյութեր ներկայացնելով ճշգրտումներ և ուղղումներ կատարել հայտի նյութերում՝ չփոփոխելով ներկայացված գյուտի էությունը, եթե հայտ ներկայացնելիս նա չի հրաժարվել այդ իրավունքից։
314. Հայտի փաստաթղթերում ուղղումներ և ճշգրտումներ կատարվում են փոխարինող էջեր ներկայացնելու միջոցով: Փոխարինող էջերը ներկայացվում են համապատասխան փաստաթղթի յուրաքանչյուր օրինակի համար առանձին, հայերեն լեզվով կամ փաստաթղթի հայերեն թարգմանությամբ և պետք է բավարարեն սույն Կարգի 246-294-րդ կետերի պահանջներին: Եթե փոփոխություններ մտցնելուց հետո փոխարինող էջի տեքստը զբաղեցնում է էջը ոչ լրիվությամբ կամ տեքստը, որը նախկինում զբաղեցնում էր մեկ էջ, դուրս է գալիս դրա շրջանակներից, ապա անհրաժեշտ է փոխարինել նաև հաջորդող թերթերը։
315. Փոխարինող էջերին կցվող ուղեկցող նամակում բերվում են առաջարկվող փոփոխությունների համառոտ պարզաբանումները։ Եթե փոփոխությունները կատարվում են հայտատուի նախաձեռնությամբ, ապա պարզաբանումները բերվում են հայտատուի դիմումում, որին կցվում է սահմանված չափով համապատասխան պետական տուրքի վճարումը հաստատող փաստաթուղթը։
316. Հայտի փաստաթղթերում կատարված փոփոխությունները և ճշգրտումները, որոնք ներկայացված չեն փոխարինված էջերի տեսքով, բացառությամբ սույն Կարգի 317-րդ և 318-րդ կետերում նշվածների, հայտի մասին տեղեկությունների հրապարակման ժամանակ հաշվի չեն առնվում։
317. Եթե ուղղումները վերաբերում են տպագրական սխալներին, մատենագիտական տվյալներում թույլ տրված անճշտություններին և այլն, և այդ ուղղումները չեն խանգարում տեքստի անմիջական վերարտադրմանը, ապա հայտատուն կարող է ճշգրտումներ կատարելու անհրաժեշտության մասին նշել դիմումում, առանց փոխարինող թերթեր ներկայացնելու:
318. Եթե փոփոխությունները վերաբերում են հայտատուի կամ հայտատուի ներկայացուցչի անվանմանը, պայմանով, որ այն մնում է նույն անձը, և/կամ նրա հասցեին, և/կամ նամակագրության հասցեին, դիմումը կարող է վերաբերել միևնույն հայտատուի մի քանի հայտերին։ Այս դեպքում դիմումի բնօրինակը ներկայացվում է հայտերից մեկով, իսկ մնացածներից յուրաքանչյուրով ներակայացվում է դրա պատճենը, որի վրա նշվում է այն հայտը, որում պահվում է դիմումի բնօրինակը։
Գ Լ ՈՒ Խ 10
ՀԱՅՏԻ ՀԵՏ ԿԱՆՉՈՒՄԸ, ԱՐՏՈՆԱԳԻՐ ՍՏԱՆԱԼՈՒ ԻՐԱՎՈՒՆՔԻ ԶԻՋՈՒՄԸ
319. Օրենքի 33-րդ հոդվածի 1-ին մասի «ա» կետի համաձայն՝ հայտատուն իրավունք ունի մինչև գյուտի պետական գրանցումը հետ կանչել ներկայացված հայտը, հրաժարվել արտոնագրից և արտոնագիր ստանալու իրավունքը զիջել այլ անձի՝ այդ մասին դիմում ներկայացնելով Գործակալություն, որին պետք է կցվի համապատասխան պետական տուրքի վճարումը հաստատող փաստաթուղթ։
320. Հայտատուի՝ հետկանչման մասին ստացված դիմումի հիման վրա Գործակալությունը որոշում է կայացնում հայտի հետկանչման մասին, որի մեկ օրինակը ուղարկվում է հայտատուին։ Հայտատուին որոշումը ուղարկելուց հետո հայտի գործավարությունը դադարեցվում է։
321. Հետագայում հայտատուի իրավունքները չեն կարող հիմնվել այդ հայտի վրա (մասնավորապես՝ չի կարող
խնդրարկվել առաջնություն այն դեպքերում, որոնք նախատեսված են Օրենքի 22-րդ հոդվածի 3-րդ, 4-րդ և 7-րդ մասերով)։
322. Հայտի հետկանչման մասին իր դիմումը չեղյալ համարելու վերաբերյալ հայտատուի խնդրանքը, որը ներկայացվել է դիմումից հետո, չի կարող բավարարվել։
323. Սույն Կարգի 320-րդ և 321-րդ կետերի դրույթները գործում են նաև այն հայտերի նկատմամբ, որոնցով, համաձայն սույն Կարգով նախատեսված դեպքերի, կայացվել է որոշում հայտը հետ կանչված համարելու մասին։
324. Եթե հայտ ներկայացնելուց հետո տվյալ հայտով արտոնագիր ստանալու իր իրավունքը հայտատուն զիջում է այլ անձի, ապա Գործակալություն ներկայացված դիմումում նշվում է`
ա) հիշատակում այն մասին, որ խնդրարկվում է հայտատուի փոփոխություն.
բ) համապատասխան հայտի համարը.
գ) հայտատուի անունը, ազգանունը և հասցեն.
դ) նոր հայտատուի անունը, ազգանունը և հասցեն.
ե) հայտատուի փոփոխության թվականը.
զ) խնդրարկվող փոփոխության հիմքերը։
Դիմումն ստորագրում են արտոնագիր ստանալու իրավունքը զիջող հայտատուն և այդ իրավունքը ձեռք բերող անձը:
325. Եթե հայտատուի փոփոխությունը կատարվում է պայմանագրի կնքման արդյունքում, ապա պետք է Գործակալություն ներկայացվի՝
ա) պետական նոտարի կողմից վավերացված պայմանագրի պատճենը, կամ
բ) հայտատուի փոփոխությանը վերաբերող քաղվածք պայմանագրից, ընդ որում, քաղվածքը պետք է վավերացված լինի պետական նոտարի կողմից։
326. Եթե հայտատուի փոփոխությունը կատարվում է իրավաբանական անձի միաձուլման կամ վերակազմակերպման կամ բաժանման արդյունքում, ապա պետք է Գործակալություն ներկայացվի՝ իրավաբանական անձի միաձուլումը կամ վերակազմակերպումը կամ բաժանումը ապացուցող փաստաթուղթը, մասնավորապես՝ պետական ռեգիստրի վկայականից քաղվածք, ընդ որում, քաղվածքը պետք է վավերացված լինի պետական նոտարի կողմից։
327. Եթե հայտատուի փոփոխությունը կատարվում է ոչ թե պայմանագրի կնքման արդյունքում կամ իրավաբանական անձի միաձուլման կամ վերակազմակերպման կամ բաժանման արդյունքում, այլ հիմնված է այլ պատճառների, օրինակ՝ դատարանի որոշման վրա, ապա պետք է Գործակալություն ներկայացվի փոփոխությունները ապացուցող պետական նոտարի կողմից վավերացված փաստաթղթի պատճենը։
Գ Լ ՈՒ Խ 11
ՀԱՅՏԻ ՆՅՈՒԹԵՐԻՆ ԾԱՆՈԹԱՆԱԼԸ
328. Օրենքի 24-րդ հոդվածի 3-րդ մասի համաձայն համընդհանուր ծանոթացման ընթացքում ցանկացած անձ կարող է ծանոթանալ հայտին և դրան կից փաստաթղթերին և, անհրաժեշտության դեպքում՝ պահանջել հայտի, հայտին վերաբերող փաստաթղթերի կամ դրանց մի մասի պատճենները համապատասխան պետական տուրքի վճարման պայմանով։
Գ Լ ՈՒ Խ 12
ՀԱՅՏԻ ՔՆՆԱՐԿՄԱՆ ԸՆԹԱՑՔՈՒՄ ՓՈՐՁԱՔՆՆՈՒԹՅԱՆ ԿՈՂՄԻՑ ՆՇՎԱԾ ՓԱՍՏԱԹՂԹԵՐԻՆ ԾԱՆՈԹԱՆԱԼԸ
329. Հայտատուն (կամ նրա ներկայացուցիչը) կարող է Գործակալությունից պահանջել փորձաքննության հարցման կամ որոշման մեջ նշված նյութերի պատճենները: Նշված նյութերն ուղարկվում են հայտատուի դիմումի ստացման օրվանից մեկ ամսվա ընթացքում՝ համապատասխան պետական տուրք վճարելու պայմանով:
330. Եթե այդ նյութերը վերաբերում են չհրապարակված հայտին, ապա հայտատուն կարող է դրանց ծանոթանալ Գործակալությունում: Այդ նյութերի պատճենները հայտատուին չեն ուղարկվում:
Գ Լ ՈՒ Խ 13
ՀԱՅՏԻ ՔՆՆԱՐԿՈՒՄԸ ՀԱՅՏԱՏՈՒԻ ՄԱՍՆԱԿՑՈՒԹՅԱՄԲ
331. Հայտի հետ կապված հարցերի քննարկումը հայտատուի մասնակցությամբ անց է կացվում Գործակալության առաջարկությամբ կամ հայտատուի խնդրանքով՝ երկու կողմերն այդ հարցերին ծանոթանալուց հետո:
332. Փորձաքննության հարցերը կարող են շարադրվել այն հարցման մեջ, որում լրացուցիչ հայտնվում է հանդիպման նպատակահարմարության մասին, իսկ հայտատուի հարցերը՝ այդպիսի հանդիպման մասին դիմումի մեջ:
333. Հարցման դեպքում հայտատուի պատասխանը ներկայացվում է Օրենքի 23-րդ հոդվածի 4-րդ մասով սահմանված ժամկետում, անկախ նրանից, թե հայտատուն մտադրություն ունի մասնակցելու հայտի քննարկմանը, թե ոչ:
334. Հայտի քննարկման թվականը և ժամը հայտատուի հետ նախապես համաձայնեցվում են:
335. Հանգամանքների փոփոխման դեպքում այն կողմը, որը նշանակված ժամկետին հնարավորություն չունի մասնակցելու հայտի քննարկմանը, այդ մասին անհապաղ տեղեկացնում է մյուս կողմին:
336. Եթե Գործակալությունը կամ հայտատուն հայտի համատեղ քննարկումը համարում են անժամանակ կամ ոչ նպատակահարմար, Գործակալության առաջարկությունը կամ հայտատուի խնդրանքը կարող է մերժվել՝ բերելով համապատասխան փաստարկներ:
337. Առանց նախնական համաձայնության Գործակալություն ներկայացված հայտի համատեղ քննարկման հայտատուի խնդրանքը կարող է մերժվել:
338. Հայտի քննարկմանը կարող է մասնակցել հայտատուի ներկայացուցիչը՝ պայմանով, որ լիազորագրում նշված են նրա իրավասությունները։
339. Անձը, որը միակ հայտատուն չէ, մյուս հայտատուների բացակայության դեպքում կարող է մասնակցել հայտի քննարկմանը միայն ներկայացուցչության լիազորագրի առկայության դեպքում:
340. Հայտի՝ հայտատուի մասնակցությամբ քննարկմանը նրա խնդրանքով, որպես խորհրդատու, կարող է մասնակցել նաև այլ անձ։ Այլ անձի մասնակցությունը հայտի քննարկմանը հնարավոր է նաև հայտատուի ներկայացուցչի խնդրանքով, եթե լիազորագրով նրան տրված է այդպիսի իրավասություն։
341. Հայտատուի մասնակցությամբ հայտի քննարկումն իրականացվում է բանակցությունների միջոցով կամ փորձաքննական խորհրդակցությունում:
342. Բանակցություններն անցկացվում են այն դեպքում, երբ հարցերը կարող են վճռվել անմիջականորեն փորձագետի և հայտատուի կողմից, իսկ փորձաքննական խորհրդակցությունը՝ եթե հարցի լուծման համար պահանջվում է փորձաքննության կողմից մի շարք մասնագետների մասնակցություն:
343. Բանակցությունների կամ փորձաքննական խորհրդակցության արդյունքում սահմանված ձևով կազմվում է արձանագրություն՝ երկու օրինակից, որում նշվում են տեղեկություններ մասնակիցների մասին, կողմերի ներկայացրած փաստարկները և առաջարկությունները, ինչպես նաև հետագա գործավարության մասին եզրակացությունները:
344. Արձանագրության մեջ կարող են բերվել հայտատուի (նրա ներկայացուցչի) կողմից առաջարկված գյուտի հավակնության սահմանման նոր խմբագրությունը, հայտը հետ կանչելու մասին դիմումը, գրավոր բացատրություն պահանջող փորձաքննության հարցերը և այլն:
345. Արձանագրությունը ստորագրվում է փորձաքննական խորհրդակցության բոլոր մասնակիցների կողմից, որի մեկ օրինակը կցվում է հայտի նյութերին, մյուսը հանձնվում է հայտատուին:
346. Քննարկվող հարցերի վերաբերյալ անհամաձայնության դեպքում արձանագրության մեջ կարող է տեղ գտնել խորհրդակցության մասնակիցների հատուկ կարծիքը: Արձանագրության օրինակը, որն ընդգրկում է համապատասխան եզրակացություններ, կարող է փոխարինել փորձաքննության հարցմանը, ինչը ձևակերպվում է համապատասխան գրառմամբ:
347. Արձանագրությունը կարող է փոխարինել փորձաքննության հարցմանը տրված հայտատուի պատասխանը (եթե չեն խախտվում պատասխանի ներկայացման սահմանված ժամկետները): Այս դեպքում արձանագրության մեջ կատարվում է համապատասխան գրառում:
Գ Լ ՈՒ Խ 14
ՀԱՐՑՄԱՄԲ ՊԱՀԱՆՋՎՈՂ ՓԱՍՏԱԹՂԹԵՐԻ ԵՎ ՆՅՈՒԹԵՐԻ ՆԵՐԿԱՅԱՑՄԱՆ ԺԱՄԿԵՏԻ ԵՐԿԱՐԱՁԳՈՒՄԸ
348. Օրենքի 39-րդ հոդվածի 1-ին մասի համաձայն Օրենքով սահմանված փորձաքննության հարցման պատասխանի ներկայացման ժամկետները Գործակալությունը կարող է երկարաձգել մեկ անգամ երկու ամսով։
349. Երկարաձգման մասին դիմումը պետք է ներկայացվի մինչև սահմանված ժամկետների ավարտը՝ դրան կցելով սահմանված պետական տուրքի վճարումը հաստատող փաստաթուղթը:
350. Եթե սահմանված պետական տուրքի վճարումը հաստատող փաստաթուղթը չի ներկայացված, ապա ժամկետի երկարաձգման մասին դիմումը չի բավարարվում, ինչի մասին ծանուցվում է հայտատուն։
351. Դիմումի ներկայացման ժամկետը խախտելու դեպքում հայտատուի խնդրանքը չի բավարարվում, ինչի մասին նա ծանուցվում է։
Գ Լ ՈՒ Խ 15
ԲԱՑ ԹՈՂՆՎԱԾ ԺԱՄԿԵՏՆԵՐԻ ՎԵՐԱԿԱՆԳՆՈՒՄԸ
352. Օրենքի 39-րդ հոդվածի 2-րդ մասի համաձայն Օրենքով սահմանված և հայտատուի կողմից բաց թողնված ժամկետները կարող է վերականգնել Գործակալությունը, բացառությամբ դատարան դիմելու համար՝ Օրենքի 23-րդ հոդվածի 13-րդ, 26-րդ հոդվածի 7-րդ, 27-րդ հոդվածի 6-րդ, 29-րդ հոդվածի 14-րդ և 30-րդ հոդվածի 14-րդ մասերով սահմանված ժամկետների։
353. Օրենքի 23-րդ հոդվածի համաձայն կարող են վերականգնվել հետևյալ ժամկետները՝ա) ուղղված կամ պակաս փաստաթղթերի ներկայացնելու առաջարկությամբ փորձաքննության հարցման ժամկետը (Օրենքի 23-րդ հոդվածի 4-րդ մասը).
բ) միասնության պահանջի խախտմամբ ներկայացված հայտի փաստաթղթերում անհրաժեշտ ճշգրտումներ կատարելու առաջարկությամբ փորձաքննության հարցման ժամկետը (Օրենքի 23-րդ հոդվածի 5-րդ և 6-րդ մասերը).
գ) լրացուցիչ կամ ճշգրտված նյութերը ներկայացնելու առաջարկությամբ փորձաքննության հարցման ժամկետը
(Օրենքի 23-րդ հոդվածի 7-րդ և 8-րդ մասերը).
դ) կրկնական փորձաքննության խնդրանքով դիմելու ժամկետը (Օրենքի 23-րդ հոդվածի 10-րդ և 26-րդ հոդվածի 3-րդ մասերը).
ե) Գործակալության բողոքարկման խորհուրդ բողոք ներկայացնելու ժամկետը (Օրենքի 23-րդ հոդվածի 12-րդ և 26-րդ հոդվածի 8-րդ մասերը)։
354. Օրենքի 39-րդ հոդվածի 2-րդ մասի համաձայն, բաց թողնված ժամկետների վերականգնման մասին դիմումը կարող է ներկայացվել ժամկետն ավարտվելու օրվանից վեցամսյա ժամկետում՝ դրան կցելով սահմանված պետական տուրքի վճարումը հաստատող փաստաթսահմանված ուղթը:
355. Սահմանված պետական տուրքի վճարումը հաստատող փաստաթուղթը պետք է ներկայացվի դիմումի հետ միաժամանակ։
356. Բաց թողնված ժամկետի վերականգնման մասին հայտատուն ծանուցվում է։
357. Եթե որոշվի, որ սույն Կարգի 354-րդ և 355-րդ կետերում նշված պահանջները չեն պահպանված, ապա դիմումը չի բավարարվում, ինչի մասին հայտատուն ծանուցվում է:
ԲԱԺԻՆ III
ԳՅՈՒՏԻ ՀԱՅՏԻ ՆԱԽՆԱԿԱՆ ՓՈՐՁԱՔՆՆՈՒԹՅՈՒՆԸ
Գ Լ ՈՒ Խ 16
ՀԱՅՏԻ ՆԵՐԿԱՅԱՑՎԱԾ ՆՅՈՒԹԵՐԻ ՀԵՏ ՎԱՐՎԵԼՈՒ ԿԱՐԳԸ
358. Գործակալություն ներկայացված նյութերը որպես հայտ գրանցվում են՝ նշելով դրա ստացման թվականը, եթե այն պարունակում է առնվազն՝
ա) հիշատակում այն մասին, որ հայտով խնդրարկվում է գյուտի արտոնագիր.
բ) տեղեկություններ, որոնք թույլ են տալիս անհատականացնել հայտատուին կամ հաղորդակցվել նրա հետ.
գ) տարր, որն արտաքնապես հիշեցնում է գյուտի նկարագրությունը։
359. Եթե ներկայացված նյութերը համապատասխանում են սույն Կարգի 358-րդ կետում նշված պահանջին, հայտին տրվում է Գործակալության իննանիշ գրանցման համար (առաջին տառը որոշում է հայտի պատկանելությունը գյուտի (P), հաջորդ՝ ավագ կարգերի չորս թվանշանները նշում են հայտի ներկայացման տարեթիվը, մնացած չորսը՝ հայտի տվյալ տարվա հերթական համարը, սկսելով 0001-ից):
360. Եթե ներկայացված նյութերը չեն համապատասխանում սույն Կարգի 358-րդ կետում նշված պահանջին, Գործակալությունը հայտի նյութերն ստանալու օրվանից հնգօրյա ժամկետում ստուգում է դրանց համապատասխանությունը նշված պահանջին և այդ մասին անհապաղ ծանուցում է հայտատուին և առաջարկում նշված ծանուցագիրն ստանալու օրվանից երկամսյա ժամկետում ներկայացնել բացակայող փաստաթղթերը (տեղեկությունները)։ Եթե հայտատուն սահմանված ժամկետում չի ներկայացնում պահանջվող փաստաթղթերը, ապա հայտը համարվում է չներկայացված, ինչի մասին հայտատուն ծանուցվում է։ Եթե նշված փաստաթղթերը Գործակալություն ներկայացվել են ոչ միաժամանակ, ապա հայտի ներկայացման թվականը սահմանվում է բացակայող փաստաթղթերից վերջինի ստացման թվականով և հայտին տրվում է Գործակալության իննանիշ գրանցման համար սույն Կարգի 359-րդ կետի համաձայն։
361. Եթե հայտի փաստաթղթերը ստացվում են ֆաքսով կամ էլեկտրոնային փոստով, գրանցման համարը տրվում է գյուտի արտոնագիր ստանալու մասին դիմումի բնօրինակն ստանալու դեպքում։
362. Ներկայացված հայտի նյութերի յուրաքանչյուր թերթի հակառակ երեսին Գործակալությունը նշում է ստացման թվականը: Այդ ձևով թվագրվում է նաև այդ հայտով հետագա ողջ նամակագրությունը: Գրանցված հայտի նյութերը հետ չեն վերադարձվում:
363. Հայտի մասին տեղեկությունները Գործակալություն ներկայացնելու պահից մինչև դրանց պաշտոնական հրապարակումը ենթակա չեն բացահայտման։
Գ Լ ՈՒ Խ 17
ՀԱՅՏԻ ՆԱԽՆԱԿԱՆ ՓՈՐՁԱՔՆՆՈՒԹՅՈՒՆԸ
Հայտի նախնական փորձաքննության անցկացման պայմանները
364. Ներկայացված նյութերը որպես հայտ գրանցելու դեպքում, դրա ներկայացման թվականի, ինչպես նաև հայտի նախնական փորձաքննությունը սկսելու մասին Գործակալությունը անհապաղ ծանուցում է հայտատուին:
365. Օրենքի 23-րդ հոդվածի 1-ին մասի համաձայն, գյուտի հայտի նախնական փորձաքննությունը Գործակալությունն իրականացնում է հայտի ներկայացման թվականը սահմանելուց հետո երկամսյա ժամկետում։
Հայտի ներկայացման թվականի սահմանումը
366. Օրենքի 19-րդ հոդվածի 5-րդ մասի համաձայն, գյուտի հայտի ներկայացման թվականը համարվում է հայտի ստացման թվականը, եթե այն պարունակում է առնվազն՝
ա) հիշատակում այն մասին, որ հայտով խնդրարկվում է գյուտի արտոնագիր.
բ) տեղեկություններ, որոնք թույլ են տալիս անհատականացնել հայտատուին կամ հաղորդակցվել նրա հետ.
գ) տարր, որն արտաքնապես հիշեցնում է գյուտի նկարագրությունը։
367. Եթե նշված փաստաթղթերը ներկայացվել են ոչ միաժամանակ, ապա հայտի ներկայացման թվականը սահմանվում է բացակայող փաստաթղթերից վերջինի ստացման թվականով, ինչի մասին հայտատուն ծանուցվում է։
368. Հայտի ներկայացման թվականի սահմանման նպատակով որպես արտոնագիր տալու մասին դիմում կարող է համարվել փաստաթուղթ կամ մի քանի փաստաթղթեր, որոնք ներկայացված են հայերենով և ներառում են բացահայտ կամ ենթադրվող նշում, որ այդ և դրանց հետ ներկայացված այլ փաստաթղթերի համախմբությունը (առաջնային փաստաթղթեր) պետք է դիտել որպես գյուտի արտոնագիր ստանալու հայտ, ինչպես նաև նշումներ, որոնք թույլ են տալիս անհատականացնել հայտատուին կամ հաղորդակցվել նրա հետ։
369. Եթե առաջնային փաստաթղթերի ստացման դրությամբ հայտատուն Օրենքի 22-րդ հոդվածի 2-րդ մասի համաձայն խնդրարկում է կոնվենցիայով առաջնություն, ապա որպես հայտի ներկայացման թվական Գործակալությունը սահմանում է նկարագրության բացակայող բաժնի, հավակնության սահմանման կամ գծագրի ստացման թվականը, պայմանով, որ հայտատուն ներկայացնում է նշված թվականի այդպիսի սահմանման մասին դիմում, որում նշված է, որ նկարագրության բացակայող բաժինը, հավակնության սահմանումը կամ գծագրերը առկա են առաջին հայտում, որը տրված է արդյունաբերական սեփականության պահպանության մասին Փարիզյան կոնվենցիային մասնակից որևէ պետությունում, կցելով առաջին հայտի վավերացված պատճենը կամ ներկայացնել դա` հայտը լիազոր մարմին ներկայացնելու օրվանից 3 ամսվա ընթացքում:
370. Եթե առաջնային փաստաթղթերի ստացման դրությամբ հայտատուն Օրենքի 22-րդ հոդվածի 3-րդ, 4-րդ և 7-րդ մասերի համաձայն խնդրարկում է առաջնություն, ապա Գործակալությունը որպես հայտի ներկայացման թվական սահմանում է նկարագրության բացակայող բաժնի, հավակնության սահմանման կամ գծագրի ստացման թվականը, պայմանով, որ հայտատուն ներկայացնում է նշված թվականի այդպիսի սահմանման մասին դիմում, որում նշված է, որ նկարագրության բացակայող բաժինը, հավակնության սահմանումը կամ գծագրերը առկա են համապատասխանաբար, սկզբնական հայտին վերաբերող լրացուցիչ նյութերում, ավելի վաղ ներկայացված հայտում կամ սկզբնական հայտում, որոնք հիմք են հանդիսանում առաջնություն խնդրարկելու համար։
Հայտի նախնական փորձաքննության բովանդակությունը
371. Նախնական փորձաքննության ընթացքում ստուգվում է՝
ա) հայտի անհրաժեշտ, այդ թվում՝ դրան կցվող փաստաթղթերի առկայությունը.
բ) վճարված պետական տուրքի չափի համապատասխանությունը սահմանված չափին, այդ թվում՝ հավակնության սահմանման անկախ կետերի և խնդրարկվող կոնվենցիայով առաջնությունների քանակներին.
գ) Օրենքի 18-րդ հոդվածի 4-6-րդ մասերով նախատեսված հայտի ներկայացման կարգի պահպանումը, իսկ անհրաժեշտության դեպքում՝ ներկայացուցչության լիազորագրի առկայությունը և դրա համապատասխանությունը սահմանված պահանջներին.
դ) արտոնագրային հավատարմատարի միջոցով ներկայացված հայտի դեպքում՝ հայտի ներկայացման կարգի համապատասխանությունը Գործակալության պահանջներին.
ե) վերաբերու՞մ է արդյոք գյուտն այն առարկաներին, որոնց տրվում է իրավական պահպանություն (տես սույն Կարգի 17-րդ կետը).
զ) գյուտի միասնության պահանջի պահպանումը (տես սույն Կարգի 18-րդ կետը).
է) լրացուցիչ նյութերի ներկայացման համար սահմանված կարգի պահպանումը (տես՝ սույն Կարգի 314-րդ կետը).
ը) հայտատուի կողմից կատարված գյուտի դասակարգման ճշտությունն ըստ ՄԱԴ-ի (կամ կատարվում է այդպիսի դասակարգում, եթե այն չի արվել հայտատուի կողմից):
Հայտը ներկայացնելու համար վճարված պետական տուրքի համապատասխանության ստուգումը
372. Հայտի գրանցված նյութերում ստուգվում է հայտը ներկայացնելու համար սահմանված պետական տուրքի վճարումը հաստատող փաստաթղթերի առկայությունը:
373. Եթե հայտը ներկայացնելու համար պետական տուրքը չի համապատասխանում սահմանված չափին կամ վճարված է հավակնության սահմանման անկախ կետերի քանակի համար սահմանվածից պակաս չափով, ապա հայտատուն ծանուցվում է տուրքի լրավճարման կամ հավակնության սահմանման ճշգրտման և(կամ) տուրքի լրավճարման ճանապարհով վճարված պետական տուրքի չափը հավակնության սահմանման անկախ կետերի քանակին համապատասխանեցնելու անհրաժեշտության մասին:
Հայտի ուղղված կամ պակաս փաստաթղթերի ներկայացման մասին հարցումը
374. Եթե նախնական փորձաքննության ընթացքում պարզվում է, որ հայտը ձևակերպված է թերություններով՝ բերելով իրավական բնույթի անհրաժեշտ փաստարկները, հայտատուին ուղարկվում է հարցում՝ հայտնաբերված թերությունների նշումով, առաջարկելով հարցումն ստանալու օրվանից երկամսյա ժամկետում ներկայացնել պակաս կամ ուղղված փաստաթղթերը:
375. Հարցման հիմք է հանդիսանում՝
ա) սույն Կարգի 20-26-րդ կետերով նախատեսված հայտի փաստաթղթերից առնվազն մեկի պակասը և(կամ) սահմանված քանակից պակաս հայտի փաստաթղթերի օրինակների ներկայացումը.
բ) սահմանված պետական տուրքի վճարումը հաստատող փաստաթղթի կամ զեղչով պետական տուրքը վճարելու հնարավորությունը հաստատող փաստաթղթի բացակայությունը.
գ) հայտի փաստաթղթերի հայերեն թարգմանության բացակայությունը, եթե դրանք ներկայացված են այլ լեզվով.
դ) լիազորված ավանդադրման կենտրոնում միկրոօրգանիզմի շտամի, բույսերի կամ կենդանիների բջիջների գծի
ավանդադրման մասին փաստաթղթի բացակայությունը, եթե հայտում կա ավանդադրման մասին նշում.
ե) հայտի ներկայացման կարգի խախտումը.
զ) ներկայացուցչի լիազորագրի բացակայությունը, եթե դիմումն ստորագրված է արտոնագրային հավատարմատար չհանդիսացող հայտատուի ներկայացուցչի կողմից, կամ լիազորագրի ըստ սահմանված պահանջի ձևակերպման խախտումը.
է) փաստաթղթերի ձևակերպման մեջ թերությունների բացահայտումը, որոնք խոչընդոտում են դրանց անմիջական վերարտադրմանը, հրապարակմանը, պահպանմանը և(կամ) անհնարին են դարձնում դրանց՝ շահագրգիռ անձանց ծանոթանալը (թերթերի ձևաչափերի, ազատ դաշտերի չափերի նկատմամբ պահանջների խախտումը, տպագրության որակը և այլն, որոնք դժվարացնում են հայտի նյութերի ընթերցումը).
ը) արտոնագիր ստանալու մասին դիմումում սույն Կարգով նախատեսված ստորագրությունների, կնիքի դրոշմվածքի (եթե կա դրա անհրաժեշտությունը) բացակայությունը.
թ) գյուտի նկարագրությունում սույն Կարգով նախատեսված կառուցվածքային բաժինների բացակայությունը (եթե տեղեկությունները, որոնք պետք է լինեին համապատասխան բաժնում, բերված են այլ բաժնում, հարցում չի ուղարկվում), ինչպես նաև նկարագրության կամ գյուտի հավակնության սահմանման մեջ հատկանիշի բնութագրի փոխարինումը այն տեղեկատվության աղբյուրի նշումով, որտեղ այդ հատկանիշը բացահայտված է.
ժ) գյուտի նկարագրության «տեխնիկայի մակարդակը» բաժնում ամենամոտ նմանակի մասին տեղեկությունների բացակայությունը։ Ընդ որում, փորձաքննությունը կարող է հայտատուին հարցման մեջ հայտնել իր կողմից ընտրված ամենամոտ նմանակի տարբերակի մասին և առաջարկել հայտատուին քննարկել այդ նմանակը և համաձայնության դեպքում ճշգրտել հավակնության սահմանումը.
ժա) հայտում ոչ հանրամատչելի կամ գաղտնի ճանաչված տեղեկատվական աղբյուրների նշումը.
ժբ) գյուտի հավակնության սահմանման կետը մեկ նախադասությամբ շարադրելու՝ սույն Կարգի 165-րդ կետի պահանջների խախտումը.
ժգ) հավակնության սահմանման մեջ այն գյուտի առարկայի նշման բացակայությունը, որի համար խնդրարկվում է իրավական պահպանություն.
ժդ) հավակնության սահմանման մեջ գյուտի համապատասխան առարկայի հատկանիշների փոխարեն միայն դրա շահագործման և սպառման հատկությունների, իրագործման կամ օգտագործման դեպքում տեղի ունեցող ազդեցությունների կամ երևույթների մասին տվյալների առկայությունը.
ժե) բազմօղակ հավակնության սահմանման կախյալ կետերում այնպիսի հատկանիշների առկայությունը, որոնց իրագործումը հանգեցնում է հակասությունների կամ հակասում է հասարակական շահերին, մարդասիրության և բարոյականության սկզբունքներին.
ժզ) Օրենքի 19-րդ հոդվածի 1-ին մասով և սույն Կարգի 18-րդ և 19-րդ կետերով սահմանված գյուտի միասնության պահանջի խախտումը.
ժէ) հավակնության սահմանման մեջ այնպիսի կախյալ կետի առկայությունը, որը հանգեցնում է համապատասխան անկախ կետի հատկանիշի բացառման կամ փոխարինման.
ժը) հայտի փաստաթղթերում տեղ գտած անհամապատասխանությունները (դիմումում բերված գյուտի անվանումը չի համապատասխանում նկարագրությունում բերված անվանմանը, նկարագրության մեջ բացակայում են հավակնության սահմանման մեջ բերված հատկանիշները, գծագրերը չեն համապատասխանում նկարագրությանը և այլն).
ժթ) սույն Կարգի 213-236-րդ կետերով ռեֆերատի նկատմամբ սահմանված պահանջների խախտումը.
ի) սույն Կարգի պահանջների այլ խախտումների առկայությունը, որոնք բացահայտվում են առանց հայտարկված գյուտի (գյուտերի խմբի) էությունը վերլուծելու։
376. Փորձաքննությունը հայտատուին ուղղված հարցման մեջ կարող է առաջարկել ներկայացնել մեկ գյուտին կամ միասնական գյուտարարական մտահղացում կազմող գյուտերի խմբին վերաբերող գյուտի նկարագրությունը և հավակնության սահմանումը, ընդ որում, անհրաժեշտության դեպքում, լրավճարելով համապատասխան պետական տուրք։
377. Եթե հայտ ներկայացնելու համար պետական տուրքը վճարված է ավելի պակաս, քան անհրաժեշտ է հավակնության սահմանման անկախ կետերին համապատասխան, ապա հայտատուին առաջարկվում է համապատասխանեցնել դրանք՝ ճշգրտելով կետերի քանակը և(կամ) լրավճարել պետական տուրքը:
378. Ուղղված կամ պակաս փաստաթղթերը ներկայացնելու առաջարկությամբ հարցումը հայտատուին կարող է ուղարկվել այնքան անգամ, ինչքան անհրաժեշտ է հայտի փաստաթղթերում թերությունները վերացնելու համար: Հայտատուի նախաձեռնությամբ և հարցման հիման վրա ներկայացված փաստաթղթերը ձևակերպվում են սույն Կարգի 313-318-րդ կետերի համաձայն:
379. Եթե հայտատուն սահմանված ժամկետում չի ներկայացնում պահանջվող նյութերը կամ դրանց ներկայացնելու ժամկետի երկարաձգման մասին դիմումը՝ կցելով դրան համապատասխան պետական տուրքի վճարումը հաստատող փաստաթուղթը, ապա հայտը համարվում է հետ կանչված, ինչի մասին հայտատուն ծանուցվում է:
380. Հայտով գործավարությունը կարող է շարունակվել այն դեպքում, երբ հայտատուն Գործակալություն է ներկայացնում բաց թողնված ժամկետների վերականգնման մասին դիմում՝ կցելով դրան համապատասխան պետական տուրքի վճարումը հաստատող փաստաթուղթ։ Եթե հայտատուն չի ներկայացնում այդ դիմումը, ապա որոշում է կայացվում գյուտի հայտի հետկանչման մասին, հայտով գործավարությունը դադարեցվում է, և հայտի նյութերը փոխանցվում են Գործակալության արխիվ:
Հայտարկված գյուտի դասակարգումը
381. Նախնական փորձաքննության ընթացքում, գյուտի առարկան այս կամ այն տեխնիկայի բնագավառին վերաբերելու նպատակով, հայտարկված գյուտը դասակարգվում է ՄԱԴ-ի գործող խմբագրությանը համապատասխան։
382. Դասակարգման ցուցիչ ընտրելիս հիմք է ընդունվում հայտարկված գյուտի հավակնության սահմանումը: Ավելի ճշգրիտ դասակարգման համար հաշվի են առնվում նաև գյուտի նկարագրությունը և գծագրերը: Եթե հայտը ներառում է մի քանի գյուտի առարկա, որոնք վերաբերում են ՄԱԴ-ի տարբեր բաժիններին, ապա սահմանվում են դասակարգման բոլոր համապատասխան ցուցիչները: Ընդ որում, առաջին ցուցիչի ընտրությունը որոշվում է գյուտի անվանումով:
383. Դասակարգման ցուցիչները, որոնք որոշվում են նախնական փորձաքննության ընթացքում, կարող են փոփոխվելհետագայում, գյուտի ըստ էության փորձաքննության ընթացքում:
Առաջնության սահմանումը հայտի ներկայացման թվականով
384. Օրենքի 22-րդ հոդվածի 1-ին մասի համաձայն, գյուտի առաջնությունը որոշվում է հայտը Գործակալություն ներկայացնելու թվականով (հայտի ներկայացման թվականի սահմանման կարգը բերված է սույն Կարգի 366-370-րդ կետերում):
Առաջնության սահմանումը ավելի վաղ թվականով
385. Եթե հայտատուն խնդրարկում է գյուտի առաջնության ավելի վաղ թվական, քան հայտը Գործակալություն ներկայացնելու թվականը, ապա ստուգվում է հայտատուի կողմից Օրենքի 22-րդ հոդվածի 2-6-րդ մասերով սահմանված պայմանների պահպանումը, ընդ որում առաջնություն խնդրարկելու հիմք հանդիսացող նյութերում հայտարկված գյուտի բացահայտման պայմանի պահպանման ստուգումը կատարվում է միայն այն դեպքում, եթե առաջնության խնդրարկման իսկության ստուգումը կապված է հայտարկված գյուտի արտոնագրաունակության հաստատման հետ։
Կոնվենցիայով առաջնության սահմանումը
386. Եթե հայտատուն խնդրարկում է կոնվենցիայով առաջնություն (համաձայն Օրենքի 22-րդ հոդվածի 2-րդ մասի), ապա ստուգվում է հետևյալ պայմանների պահպանումը՝
ա) գյուտի հայտը պետք է Գործակալություն ներկայացվի առաջին հայտը Փարիզյան կոնվենցիային մասնակից որևէ պետություն ներկայացնելու թվականից 12 ամսվա ընթացքում.
բ) Կոնվենցիայով առաջնության իրավունքից օգտվելու ցանկության մասին հայտատուն պարտավոր է նշել հայտը ներկայացնելիս կամ հայտը ներկայացնելու օրվանից 2 ամսվա ընթացքում` կցելով Փարիզյան կոնվենցիային մասնակից որևէ պետություն ներկայացված առաջին հայտի վավերացված պատճենը, կամ այդ պատճենը ներկայացնել Գործակալություն հայտը ներկայացնելու օրվանից 3 ամսվա ընթացքում։
387. Եթե առաջին հայտերը մի քանիսն են, ապա ստուգումը կատարվում է դրանցից յուրաքանչյուրի նկատմամբ առանձին։
Առաջնության սահմանումն ավելի վաղ ներկայացված հայտով լրացուցիչ նյութերի ստացման թվականով
388. Օրենքի 22-րդ հոդվածի 3-րդ մասի համաձայն, գյուտի առաջնությունը կարող է որոշվել լրացուցիչ նյութերի ստացման թվականով։
389. Լրացուցիչ նյութերի ստացման թվականով առաջնություն խնդրարկելու դեպքում ստուգվում է՝
ա) լրացուցիչ նյութերով ձևակերպված նոր հայտը 3 ամսվա ընթացքում ներկայացնելու ժամկետի պահպանումը, որը հաշվարկվում է սկսած այն ծանուցագրի ներկայացման օրվանից, որով հայտատուն տեղեկացվել է, որ սկզբնական հայտի նյութերում նկարագրված լուծման էությունը փոփոխելու պատճառով լրացուցիչ նյութերը հաշվի չեն առնվելու.
բ) հայտարկված գյուտի էության բացահայտված լինելը լրացուցիչ նյութերում, որոնց ներկայացման թվականով խնդրարկվում է առաջնությունը (հաշվի առնելով նաև այն սկզբնական հայտի բովանդակությունը, որով ներկայացվել են լրացուցիչ նյութերը).
գ) նոր հայտի ներկայացման թվականի դրությամբ սկզբնական հայտը հետ կանչված չհամարվելու կամ հետ կանչված չլինելու փաստը։
Առաջնության սահմանումը նույն հայտատուի՝ ավելի վաղ ներկայացված հայտի ներկայացման թվականով
390. Օրենքի 22-րդ հոդվածի 4-րդ մասի համաձայն, գյուտի առաջնությունը կարող է որոշվել նույն գյուտի էությունը բացահայտող նույն հայտատուի ավելի վաղ ներկայացրած հայտի ներկայացման թվականով։
391. Նույն հայտատուի՝ ավելի վաղ ներկայացված նույն գյուտի էությունը բացահայտող հայտի ներկայացման թվականով առաջնություն խնդրարկելու դեպքում ստուգվում է՝
ա) Գործակալություն ավելի վաղ ներկայացված հայտի ներկայացման օրվանից 12 ամսվա ընթացքում գյուտի հայտը ներկայացնելու ժամկետի պահպանումը.
բ) հայտը նույն հայտատուի կողմից ներկայացնելը.
գ) ավելի վաղ ներկայացված գյուտի հայտում հայտարկվող գյուտը բացահայտված լինելը.
դ) ավելի վաղ ներկայացված հայտը հետ կանչված չլինելը այն հայտի ներկայացման թվականի դրությամբ, որով
խնդրարկվում է այդպիսի առաջնություն:
392. Օրենքի 22-րդ հոդվածի 5-րդ մասի համաձայն, գյուտի առաջնությունը կարող է որոշվել ավելի վաղ ներկայացված մի քանի հայտի հիման վրա, որոնցից յուրաքանչյուրի նկատմամբ պետք է պահպանվեն սույն Կարգի 385-րդ կետում նշված բոլոր պահանջները:
393. Օրենքի 22-րդ հոդվածի 6-րդ մասի համաձայն, հայտի առաջնությունը չի կարող որոշվել այն հայտի ներկայացման թվականով, որով արդեն պահանջվել է ավելի վաղ առաջնություն:
394. Ավելի վաղ ներկայացված հայտի ներկայացման թվականով առաջնություն խնդրարկելու դեպքում ավելի վաղ ներկայացված հայտը (կամ հայտերը) համարվում է (են) հետ կանչված, ինչի մասին հայտատուն ծանուցվում է:
Զատված հայտով ներկայացված գյուտի առաջնության սահմանումը
395. Օրենքի 22-րդ հոդվածի 7-րդ մասի համաձայն, զատված (սկզբնական հայտից առանձնացված) հայտով ներկայացված գյուտի առաջնությունը որոշվում է սկզբնական հայտի ստացման թվականով, հայտատուի կողմից հետևյալ պայմանների պահպանման դեպքում՝
ա) զատված հայտը պետք է ներկայացվի Գործակալություն՝ մինչև սկզբնական հայտով արտոնագիր տալը մերժելու մասին որոշման ընդունումը, որի վիճարկման հնարավորություններն ամբողջովին սպառված են, կամ մինչև գյուտի պետական գրանցումը, եթե արտոնագիր տալու մասին որոշում է կայացվել.
բ) զատված հայտ ներկայացնելու օրվա դրությամբ սկզբնական հայտը հետ կանչված չէ կամ հետ կանչված ճանաչված չէ.
գ) զատված հայտով հայտարկված գյուտը պետք է բացահայտված լինի սկզբնական հայտում կամ առաջին հայտում, եթե այն զատված է կոնվենցիայով հայտից և առաջնությունը խնդրարկվում է այդ հայտի առաջնության թվականով:
396. Այն դեպքում, երբ հայտը զատված է կոնվենցիայով հայտից, գյուտի առաջնությունը որոշվում է կոնվենցիայով հայտի առաջնության, այլ ոչ թե Գործակալություն ներկայացնելու թվականով:
Մի քանի առաջնությունների սահմանումը
397. Եթե հայտատուն Գործակալություն ներկայացված մեկ հայտով խնդրարկում է մի քանի առաջնություն, ապա այդպիսի առաջնություններից յուրաքանչյուրի համար ստուգվում է սույն Կարգի 384-396-րդ կետերում նշված համապատասխան պահանջների պահպանումը:
398. Մասնավորապես՝ եթե գյուտի հավակնության սահմանման անկախ կետերից մեկում նկարագրված գյուտով
խնդրարկվում է առաջնություն նույն հայտատուի՝ ավելի վաղ ներկայացված հայտի ներկայացման թվականով, իսկ այլ անկախ կետում նկարագրված գյուտով խնդրարկվում է առաջնություն այդ հայտով լրացուցիչ նյութերի ստացման թվականով, ապա նշված գյուտերից յուրաքանչյուրի համար համապատասխանաբար պետք է պահպանվեն սույն Կարգի 390-394-րդ և 388-389-րդ կետերում նշված պայմանները։
399. Մեկից ավելի առաջնություն սահմանվում է նաև այն դեպքում, երբ հայտարկված է գյուտերի խումբ, որի մեջ մտնող գյուտերը նկարագրված են ներկայացված հայտին նախորդող մի քանի հայտերում:
400. Մի քանի առաջնություն սահմանվում է նաև այն դեպքում, երբ գյուտը բնութագրված է այլընտրանքի տեսքի հատկանիշով (հատկանիշներով) (օրինակ՝ Մարկուշի բանաձևը), ինչպես նաև որևէ մեծության արժեքների միջակայքի տեսքով:
401. Գյուտերի խմբի յուրաքանչյուր գյուտի կամ այն գյուտի առաջնությունը, որը բնութագրված է ներկայացված այլընտրանքներից որևէ մեկով կամ ներկայացված միջակայքի որևէ արժեքով (կամ արժեքների տիրույթով), կարող է սահմանվել դրան նախորդող հայտի ներկայացման թվականով, որում դա նկարագրված է:
402. Մասնակի առաջնություն կարող է սահմանվել այն դեպքում, երբ գյուտերից մի քանիսը նկարագրված են նախորդող հայտում (հայտերում), իսկ մնացածը՝ առաջին անգամ նոր հայտում: Այս դեպքում ավելի վաղ առաջնություն սահմանվում է միայն այն գյուտերի համար, որոնք նկարագրված են նախորդող հայտում (հայտերում):
403. Եթե հավակնության սահմանման անկախ և կախյալ կետերում բնութագրված գյուտերի համար ներկայացման տարբեր թվականներ ունեցող երկու առաջին հայտերի հիման վրա խնդրարկվում են տարբեր կոնվենցիայով առաջնություններ, ստուգվում է երկու առաջին հայտերի վավերացված պատճենների առկայությունը և այդ հայտերի ներկայացման թվականի նկատմամբ 12-ամսյա ժամկետի պահպանումը:
404. Անկախ և կախյալ կետերում բնութագրված յուրաքանչյուր գյուտի բացահայտումը ստուգվում է այն առաջին գյուտի նկատմամբ, որի ներկայացման թվականով խնդրարկվում է նոր հայտով ներկայացված գյուտի առաջնությունը:
Գյուտի առաջնության թվականի սահմանման լրացուցիչ պայմանների ստուգումը
405. Սույն Կարգի 384-404-րդ կետերին համապատասխան՝ առաջնության սահմանման պայմանների պահպանումն ստուգելիս պետք է համոզվել, որ Գործակալություն ներկայացված հայտը, որի հիման վրա խնդրարկվում է առաջնություն, կամ որի համար ներկայացված են այդպիսի խնդրագրի հիմք հանդիսացող լրացուցիչ նյութեր, հետ կանչված չէ կամ չի համարվում այդպիսին:
406. Խնդրարկվող առաջնության սահմանման պայման հանդիսացող ժամկետների՝ հայտատուի կողմից պահպանումն ստուգելու ընթացքում պետք է ղեկավարվել սույն Կարգի 309-րդ կետով:
407. Խնդրարկվող առաջնության հիմք հանդիսացող ավելի վաղ ներկայացված նյութերում (հայտում, լրացուցիչ նյութերում) հայտարկված գյուտի բացահայտման պահանջի պահպանումը հաստատելու համար ստուգվում է՝
ա) նշվա՞ծ են, արդյոք, այդ նյութերում հայտարկված գյուտի հավակնության սահմանման բոլոր հատկանիշները և արդյո՞ք դրանք միայն գովազդային բնույթ չեն կրում.
բ) արդյո՞ք գյուտն այդ նյութերում բացահայտված է իրագործման համար բավարար լրիվությամբ: Կոնվենցիայով առաջնության խնդրարկման դեպքում տվյալ պայմանն ստուգելիս հայտատուին կարող է առաջարկվել ներկայացնել առաջին հայտի թարգմանությունը:
408. Եթե առաջնության ստուգման ընթացքում ի հայտ եկած հարցերը չեն խոչընդոտում հայտի նախնական փորձաքննության անցկացմանը, ապա դրանք պարզվում են հայտի քննարկման հետ կապված այլ հարցերի հետ մեկտեղ:
409. Եթե հայտատուն պահպանել է սույն Կարգի 384-404-րդ կետերում նշված բոլոր պահանջները, ապա հայտարկված գյուտի համար սահմանվում է խնդրարկված առաջնությունը:
410. Այն դեպքում, երբ գյուտի առաջնությունը խնդրարկվում է կոնվենցիայով հայտից զատված հայտով ըստ սույն Կարգի 395-396-րդ կետերի պահանջների, գյուտի առաջնությունը սահմանվում է կոնվենցիայով հայտի առաջնության, այլ ոչ թե Գործակալություն ներկայացնելու թվականով:
411. Եթե հայտատուի կողմից պահպանված չէ սույն Կարգի 384-404-րդ կետերում նշված պահանջներից առնվազն մեկը, ապա սույն Կարգի 395-396-րդ կետերին համապատասխան գյուտի առաջնությունը սահմանվում է հայտը Գործակալություն ներկայացնելու թվականով, ինչի մասին հայտատուն նախապես ծանուցվում է: Եթե նշված պահանջները չեն պահպանված որևէ գյուտի նկատմամբ, որն, օրինակ՝ բնութագրված է բազմօղակ հավակնության սահմանման կետերից որևէ մեկում, ապա միայն այս գյուտի առաջնությունն է սահմանվում հայտը Գործակալություն ներկայացնելու թվականով:
412. Այն դեպքում, երբ առաջնության թվականը սահմանելուց հետո հայտատուն ներկայացնում է փոփոխված հավակնության սահմանում, կատարվում է խնդրարկված առաջնության սահմանման հիմքերի կրկնակի ստուգում:
413. Օրենքի 22-րդ հոդվածի 8-րդ մասի համաձայն, եթե փորձաքննության ընթացքում պարզվում է, որ նույնական գյուտերն ունեն առաջնության միևնույն թվականը, ապա արտոնագիրը կարող է տրվել այն հայտով, որն ունի Գործակալություն ուղղված ավելի վաղ առաքման թվականի ապացույց: Այդ թվականները համընկնելու դեպքում հայտատուների համաձայնությամբ նրանց տրվում է մեկ արտոնագիր:
Գյուտի հավակնության սահմանման ստուգումը
414. Օրենքի 23-րդ հոդվածի 5-րդ և 6-րդ մասերի համաձայն, եթե գյուտի հայտի նախնական փորձաքննության ընթացքում պարզվել է, որ հայտը ներկայացվել է միասնության պահանջի խախտմամբ, ապա հայտատուին առաջարկվում է երկամսյա ժամկետում հայտնել, թե գյուտերից որը պետք է քննարկվի, և անհրաժեշտ ճշգրտումներ կատարել հայտի փաստաթղթերում:
415. Միասնության պահանջի խախտման մասին ծանուցագիրը նշված երկամսյա ժամկետում հայտատուի կողմից անպատասխան թողնելու դեպքում քննարկվում է այն գյուտը, որը հավակնության սահմանման մեջ բերված է առաջինը: Այս դեպքում հայտատուին ուղարկվում է հարցում՝ այն ստանալու օրվանից երկամսյա ժամկետում հայտի փաստաթղթերում ճշգրտումներ կատարելու առաջարկությամբ։
416. Գյուտի հավակնության սահմանման ստուգումն անցկացվում է հայտարկված գյուտի հավակնության սահմանման մեջ էական հատկանիշների առկայության նկատմամբ, որոնց համախմբությունը բավարար է հայտատուի կողմից նշված տեխնիկական արդյունքն ստանալու համար:
417. Եթե պարզվում է, որ գյուտի հավակնության սահմանման անկախ կետում բացակայում է հատկանիշ, որը փորձաքննության կարծիքով էական հատկանիշ է, այսինքն՝ առանց այդ հատկանիշի տեխնիկական արդյունքը չի ապահովվում, սակայն այդ հատկանիշը առկա է նկարագրության մեջ կամ հավակնության սահմանման կախյալ կետում, ապա հայտատուին առաջարկվում է այդ հատկանիշը ներառել հավակնության սահմանման անկախ կետում։ Ընդ որում, բերվում են փաստարկներ, որոնք ապացուցում են տեխնիկական արդյունքի ստացման համար դրա անհրաժեշտությունը: Այդ փաստարկները կարող են հիմնվել հատկանիշների և տեխնիկական արդյունքի միջև պատճառահետևանքային կապի վրա կամ փորձաքննության կողմից կատարված հայտարկված գյուտի տեսական վերլուծության վրա։
418. Այն դեպքում, երբ որոշվում է, որ հայտատուի կողմից բերված հավակնության սահմանման անկախ կետը ներառում է ոչ էական հատկանիշներ կամ հատկանիշներ, որոնք բնութագրում են հայտարկված գյուտի իրագործման կամ օգտագործման մասնավոր ձևերը, հայտատուին կարող է առաջարկվել քննարկել այդպիսի խմբագրությամբ հավակնության սահմանման պահպանման նպատակահարմարության հարցը։
419. Գյուտի հավակնության սահմանման ստուգումը ներառում է նաև սույն Կարգի 144-րդ կետի համաձայն հավակնության սահմանման հատկանիշների արտահայտումը գյուտի հավակնության սահմանման մեջ այնպես, որ հիմնվելով տեխնիկայի մակարդակի վրա` մասնագետը հասկանա դրանց իմաստային բովանդակությունը:
420. Եթե պարզվում է, որ հատկանիշի իմաստային բովանդակության բացահայտման համար անհրաժեշտ է գյուտի նկարագրության հիման վրա ճշգրտել դրա բնութագրումը, ապա հայտատուին առաջարկվում է ճշգրտել այն:
421. Եթե հատկանիշի իմաստային բովանդակության բացահայտման պահանջը պահպանված է, բայց դրա բնութագրման համար օգտագործված են տերմինններ, որոնք հնացած են կամ տեխնիկայի կոնկրետ բնագավառում ընդունված չեն, հայտատուին կարելի է առաջարկել համապատասխան ճշգրտում մտցնել գյուտի հավակնության սահմանման մեջ:
422. Եթե պարզվում է, որ հատկանիշը բնութագրված է այնպիսի հասկացություններով, որոնք չեն ապահովում դրա իմաստային բովանդակության բացահայտման պահանջը և հայտատուն հրաժարվում է ճշգրտել գյուտի հավակնության սահմանումը, ապա հայտի հետագա քննարկման ընթացքում այդպիսի հասկացությունները հաշվի չեն առնվում:
423. Գյուտի հավակնության սահմանման ստուգումը ներառում է նաև դրա համապատասխանեցումը սույն Կարգի 141-149-րդ կետերի պահանջներին՝ արդյո՞ք գյուտի նկարագրությունը պարունակում է գյուտը բնութագրող հասկացություններ:
424. Եթե բացահայտվում են այնպիսի հասկացություններ, որոնք հայտատուն օգտագործում է հավակնության սահմանման հատկանիշների բնութագրման համար, բայց դրանք բացակայում են գյուտի նկարագրության մեջ, ապա հայտատուն ծանուցվում է, որ ներկայացված հավակնության սահմանումը հիմնված չէ նկարագրության վրա, և առաջարկվում է այդ հասկացությունները ներգրավել նկարագրության մեջ (եթե հայտատուն կարևորում է դրանց պահպանումը հավակնության սահմանման մեջ) կամ այդ հասկացությունները հանել վերջինից:
425. Գյուտի հավակնության սահմանման ստուգումը ներառում է նաև հավակնության սահմանման մեջ այնպիսի հատկանիշների բացահայտում, որոնք անհրաժեշտ են միայն ոչ տեխնիկական համարվող արդյունքի ստացման համար, կամ այն արդյունքի համար, որը չի կարող վերաբերել գյուտը կիրառող միջոցին (այն գյուտի համար, որը նկարագրված է էլեկտրոնային հաշվողական մեքենաների ծրագրի կամ այդ ծրագրում օգտագործվող ալգորիթմի հատկանիշներով)՝ հաշվի առնելով սույն Կարգի 82-րդ կետի պահանջները։
426. Եթե գյուտի հավակնության սահմանման մեջ առկա են այնպիսի հատկանիշներ, որոնք անհրաժեշտ են միայն ոչ տեխնիկական համարվող արդյունքի ստացման համար, կամ այն արդյունքի համար, որը չի կարող վերաբերել գյուտը կիրառող միջոցին, ապա հայտատուին առաջարկվում է ճշգրտել հավակնության սահմանումը՝ բացառելով դրանից այդ հատկանիշները։
427. Հայտատուին անհրաժեշտ է ուշադրություն դարձնել այն հանգամանքին, որ սարքի վրա, որը կարող է հանդիսանալ որպես գյուտի առարկա կամ օգտագործվել եղանակին վերաբերող գյուտում, կարող են լինել բառային, պատկերային կամ համակցված նշումներ։ Հայտատուն նաև ծանուցվում է այդ նշումների և ապրանքային նշանների համընկնման հնարավորության մասին՝ ընդհուպ մինչև շփոթելու աստիճան։ Դա կարող է հանգեցնել, գյուտի օգտագործման դեպքում, արտոնագրատիրոջ և ապրանքային նշանի (սպասարկման նշանի) սեփականատիրոջ իրավունքների բախմանը, կամ գրանցված ապրանքի ծագման տեղանվան հակաօրինական օգտագործմանը։
428. Սույն Կարգի 142-րդ կետի պահանջներին հավակնության սահմանման համապատասխանությունը ստուգելիս, որոշվում է, օգտագործվել են արդյո՞ք հավակնության սահմանման մեջ ներառվող հատկանիշների բնութագրման համար նկարագրությունում առկա հասկացությունները։
429. Եթե հավակնության սահմանումը ներառում է հասկացություններ, որոնք բացակայում են դրանց բառացի ձևակերպմամբ նկարագրության մեջ, ապա որոշվում է՝ բացահայտված է արդյո՞ք նկարագրության մեջ այդպիսի հասկացությունների բովանդակությունը։
430. Ստուգվում է նաև հավակնության սահմանման հատկանիշները բնութագրելու համար՝ հայտատուի կողմից ընդհանրացման աստիճանի կիրառման իրավասությունը։ Մասնավորապես, եթե հատկանիշը բնութագրված է ֆունկցիայի, հատկության մակարդակով, ապա ստուգվում է նկարագրության մեջ այն տեղեկությունների առկայությունը, որոնք ապացուցում են հավակնության սահմանման անկախ կետի մեջ ներառված այլ հատկանիշների համախմբությամբ այդպիսի ձևով նկարագրված հատկանիշի բավարարությունը՝ հայտատուի կողմից նշված տեխնիկական արդյունքը ստանալու համար։
431. Եթե հայտատուի կողմից նշված տեխնիկական արդյունքը ստանալու հնարավորության մասին կարող են բերվել միայն փորձարարական տվյալներ, ապա պետք է ստուգել գյուտի նկարագրության մեջ գյուտի իրագործելիությունը հաստատող համապատասխան տվյալներով օրինակների առկայությունը, ինչպես նաև դրանց բավարար լինելը եզրակացնելու, որ այդպիսի տեխնիկական արդյունքը հնարավոր է ստանալ ոչ միայն բերված օրինակների մասնավոր դեպքերում, և որ հայտատուն իրավասու է օգտագործել ընդհանրացման աստիճանը գյուտի հատկանիշների բնութագրման դեպքում։
432. Եթե որոշվում է, որ հավակնության սահմանումը չի կարող նկարագրության վրա լրիվությամբ հիմնված համարվել, հայտատուն ծանուցվում է դրա մասին, և նրան առաջարկվում է համապատասխան ճշգրտում մտցնել հավակնության սահմանման և/կամ նկարագրության մեջ։
433. Եթե հայտում բերված է միօղակ կամ մեկ անկախ կետով բազմօղակ հավակնության սահմանում, ստուգումը կատարվում է սույն Կարգի 152-159-րդ կետերի պահանջների համաձայն: Եթե պարզվում է, որ խախտված են նշված պահանջները, ապա հայտատուին ուղարկվում է հարցում այդ խախտումները վերացնելու և հավակնության սահմանումը ճշգրտելու առաջարկությամբ: Ընդ որում, հայտատուն ծանուցվում է նաև ճշգրտված հավակնության սահմանման մեջ միասնության պահանջը չխախտելու անհրաժեշտության մասին, ինչպես նաև հավակնության սահմանման ճշգրտումից հրաժարվելու դեպքում՝ քննարկման ենթակա գյուտը նշելու անհրաժեշտության մասին:
434. Եթե հատկանիշը բնութագրելու համար հայտատուն չի պահպանում այլընտրանքային հասկացությունների կիրառման պայմանները, ապա նա ծանուցվում է կատարված խախտման բնույթի մասին, նշելով կոնկրետ այլընտրանքային բնութագրեր (բոլորը, կամ հայտատուի կողմից բերվածներից մի քանիսը), որոնց նկատմամբ բացահայտված է այդ խախտումը:
435. Եթե քիմիական միացություններին վերաբերող գյուտերում օգտագործված է Մարկուշի բանաձևը, ապա պետք է հաշվի առնել՝ արդյո՞ք գյուտի հավակնության սահմանման մեջ թվարկված միացություններն ունեն ընդհանուր հատկություններ, կամ արդյո՞ք այդ միացություններն ունեն ընդհանուր էական կառուցվածքային տարր, որը տեխնիկայի նախորդ մակարդակի նկատմամբ կազմում է դրանց տարբերիչ բնութագիրը:
436. Եթե հայտատուի կողմից առաջարկված է մի քանի անկախ կետ ունեցող բազմօղակ հավակնության սահմանում, ապա փորձաքննությունը վերլուծում է յուրաքանչյուր անկախ կետ (և դրա կախյալ կետերը) և որոշում է՝ արդյո՞ք հավակնության սահմանման մեջ ընդգրկված գյուտերը ներկայացնում են միասնական գյուտարարական մտահղացում կազմող գյուտերի խումբ, անկախ այդ գյուտերն առանձին կետերում կամ մեկ կետում այլընտրանքի ձևով ներկայացված լինելու հանգամանքից: Գյուտի միասնությունն առկա է միայն այն դեպքում, երբ հայտարկված գյուտերի միջև կա տեխնիկական փոխադարձ կապ, որը ներառում է մեկ կամ մի քանի միանման կամ համապատասխան «հատուկ տեխնիկական հատկանիշներ», այսինքն՝ այնպիսի հատկանիշներ, որոնք որոշում են տեխնիկայի մակարդակի մեջ գյուտերից յուրաքանչյուրի ներդրումը:
437. Եթե ստուգվում է անկախ կետերում բնութագրած գյուտերի տարբերակներին վերաբերելու ճշտությունը, անհրաժեշտ է համոզվել, որ տարբերակների՝ հայտատուի կողմից նշված նշանակությունները և տեխնիկական արդյունքները համընկնում են:
438. Տեխնիկական արդյունքների համընկնելու պայմանը խախտված չի համարվում, եթե խմբի գյուտերից յուրաքանչյուրի համար նշված է մի քանի տեխնիկական արդյունք, որոնցից համընկնող է միայն մի մասը:
439. Տեխնիկական արդյունքների համընկնելու պայմանը խախտված չի համարվում նաև այն դեպքում, երբ բոլոր գյուտերի տեխնիկական ընդհանուր արդյունքի բնութագրումից բացի, որևէ մեկի ձևակերպումը լրացուցիչ ներառում է ինչ որ հատուկ առանձնահատկություն: Օրինակ՝ «շփման նվազեցում», «շփման նվազեցում բարձր խոնավության պայմաններում»:
440. Գյուտի հավակնության սահմանման ստուգման ընթացքում պետք է ուշադրություն դարձնել հետևյալ հանգամանքներին՝
ա) արդյո՞ք գյուտի անվանումը համապատասխանում է գյուտը բնութագրող հատկանիշներին: Օրինակ՝ եթե հայտարկված է «Եղանակ», ապա ստուգվում է եղանակը բնութագրող հատկանիշների համախմբության առկայությունը հավակնության սահմանման մեջ.
բ) արդյո՞ք լրացուցիչ կետերի բովանդակությունը համապատասխանում է դրանց ներկայացվող պահանջներին, այսինքն՝ արդյո՞ք այդ կետերում ներկայացված տեղեկատվությունը հանդիսանում է անկախ կետում բերված հատկանիշների համախմբության ճշգրտում կամ զարգացում, թե՞ այդ հատկանիշները բնութագրում են գյուտի այլ առարկա.
գ) արդյո՞ք գյուտի հավակնության սահմանման անկախ կետը չի պարունակում տարբեր տեսակի գյուտի առարկաների նկարագրություն, հաշվի առնելով որ դրանք պետք է շարադրվեն տարբեր անկախ կետերում.
դ) արդյո՞ք այս կամ այն հատկանիշի իրագործման տարբեր ձևերի ներառումը գյուտի հավակնության սահմանման միևնույն կետում հիմնավորված է.
ե) արդյո՞ք ֆունկցիոնալ կախում ունեցող հատկանիշների տարբեր խմբերը հանդիսանում են այլընտրանքներ, այսինքն՝ խմբեր, որոնք նկարագրում են օբյեկտի կոնկրետ բնութագիրը և իրականացնում միանման ֆունկցիա, օրինակ՝ եթե նկարագրվում է եղանակ, որը նախատեսում է միանման ֆունկցիայի իրականացումը A և B փոխկապակցված պարամետրերի զույգերով, որոնք կարող են ընդունել A1, B1, A2, B2 և այլ նշանակություններ: Այդ զույգերը կարող են հանդիսանալ որպես այլընտրանքներ: Հակառակ դեպքում՝ հայտատուն կարող է ծանուցվել այն մասին, որ տվյալ առաջարկությունը կարող է ներկայացվել հավակնության սահմանման մի քանի անկախ կետերում բնութագրված գյուտերի խմբով, որոնցից յուրաքանչյուրը պարունակում է այդ պարամետրերի համակցություններից մեկը.
զ) նամակագրության ընթացքում հայտատուի կողմից ներկայացված հավակնության սահմանման ստուգմամբ պարզվում է՝ արդյո՞ք այդ հավակնության սահմանումը չի պարունակում նոր անկախ կետ, որը չի վերաբերում հայտարկված գյուտին: Օրինակ՝ եթե հայտի սկզբնական նյութերում գյուտի առարկա է «Սարքը», լրացուցիչ նյութերը չպետք է պարունակեն «Եղանակ» առարկայի վերաբերող անկախ կետով գյուտի հավակնության սահմանում, եթե անգամ չի խախտվել միասնության պահանջը:
Լրացուցիչ նյութերի ստուգումը
441. Օրենքի 23-րդ հոդվածի 4-րդ և 7-րդ մասերի համաձայն, նախնական փորձաքննության ընթացքում հայտատուն իր նախաձեռնությամբ կամ հարցման հիման վրա կարող է, լրացուցիչ նյութեր ներկայացնելով, ուղղումներ կամ ճշգրտումներ կատարել հայտի նյութերում՝ չփոփոխելով ներկայացված գյուտի էությունը, եթե հայտ ներկայացնելիս նա չի հրաժարվել այդ իրավունքից: Այս դեպքում նախնական փորձաքննության ժամկետը երկարաձգվում է ոչ ավելի, քան մեկ ամսով։
442. Լրացուցիչ նյութերը համարվում են գյուտի էությունը փոփոխող, եթե դրանք պարունակում են հավակնության սահմանման մեջ մտցվելու ենթակա հատկանիշներ, որոնք առկա չեն եղել հայտի սկզբնական նյութերում: Լրացուցիչ նյութերի այն մասը, որը փոփոխում է ներկայացված գյուտի էությունը, փորձաքննության ընթացքում հաշվի չի առնվում, և հայտատուն կարող է դա ձևակերպել որպես առանձին հայտ:
443. Հայտատուի նախաձեռնությամբ հայտի փաստաթղթերի մեջ ուղղումներ կամ ճշգրտումներ կատարող լրացուցիչ նյութեր ստանալու դեպքում ստուգվում է նաև դրանց ներկայացման համար նախատեսված պետական տուրքի վճարումը հաստատող փաստաթղթի առկայությունը։ Նշված փաստաթուղթը լրացուցիչ նյութերի հետ չներկայացնելու դեպքում, վերջիններս հաշվի չեն առնվում, ինչի մասին հայտատուն ծանուցվում է։
445. Հայտատուի կողմից սահմանված ժամկետների պահպանման ստուգումը կատարվում է սույն Կարգի 441-րդ կետի համաձայն:
446. Հայտատուի նախաձեռնությամբ կամ Գործակալության հարցման հիման վրա լրացուցիչ նյութեր ստանալու դեպքում ստուգվում է՝ արդյո՞ք դրանք չեն փոփոխում հայտարկված գյուտի էությունը:
447. Այն հատկանիշները, որոնք բնութագրում են միայն նախորդող տեխնիկայի մակարդակի լուծումները (այդ թվում և ամենամոտ նմանակը), չեն վերաբերում հայտի սկզբնական նյութերում հայտարկված գյուտի հատկանիշներին:
448. Այն դեպքում, երբ հայտը վերաբերում է տարբերակներ հանդիսացող գյուտերի խմբին, հայտի սկզբնական նյութերում պարունակվող խմբի որևէ գյուտի հատկանիշներ են համարվում նկարագրության մեջ հենց այդ գյուտի վերաբերյալ հիշատակված հատկանիշները:
449. Եթե հայտարկված գյուտը վերաբերում է հայտնի սարքի, եղանակի, նյութի կամ շտամի այլ նշանակությամբ կիրառմանը, ապա գյուտի էությունը փոփոխող են ճանաչվում այն լրացուցիչ նյութերը, որոնցում նշված են հայտի սկզբնական նյութերում բացակայող այլ նոր նշանակության կամ հայտնի օբյեկտը բնութագրող այլ հատկանիշներ:
450. Լրացուցիչ նյութերը չեն համարվում գյուտի էությունը փոփոխող, եթե դրանք հայտարկված գյուտի մասին պարունակում են հայտի սկզբնական նյութերում բացակայող տեղեկություններ, որոնք հավակնության սահմանման մեջ ներառվելու ենթակա հատկանիշներ չեն: Այդպիսի տեղեկություններ կարող են համարվել, մասնավորապես, գյուտի իրագործմանը վերաբերող նոր (լրացուցիչ) տվյալները, գյուտի իրագործման օրինակները, լրացուցիչ տեխնիկական արդյունքի ստացման հնարավորության նշումը, ճշգրտված գրաֆիկական նյութերը և այլն:
451. Եթե փորձաքննությունը գտնում է, որ լրացուցիչ նյութերը փոփոխում են հայտարկված գյուտի էությունը, ապա հայտատուն ծանուցվում է այն մասին, թե ներկայացված լրացուցիչ նյութերից որոնք են փոփոխել գյուտի էությունը:
452. Եթե լրացուցիչ նյութերում ներկայացվում է հայտատուի կողմից փոփոխված հավակնության սահմանումը, ստուգման ընթացքում որոշվում է՝ արդյո՞ք այդ հավակնության սահմանումը ներառում է այլ գյուտ այն հավակնության սահմանման նկատմամբ, որի նկատմամբ կատարվել են փոփոխություններ:
453. Փոփոխված հավակնության սահմանումը համարվում է այլ գյուտ ներառող, եթե՝
ա) հավակնության սահմանման մեջ ներառվում է լրացուցիչ անկախ կետ.
բ) նշանակությունն արտահայտող սեռային հասկացությունը փոխարինվում է այլ, ոչ համարժեք չհատվող և կախվածության մեջ չգտնվող հասկացությամբ.
գ) գյուտի առարկայի տեսակը (սարք, եղանակ, նյութ և այլն) փոփոխվում է, եթե չի կատարվել պայմանը, որով վերստին նշված գյուտի տեսակը առավելագույն չափով համապատասխանում է փոփոխված գյուտի հավակնության սահմանման մեջ ներառվող հատկանիշների բնույթին։
454. Եթե լրացուցիչ նյութերը ամբողջությամբ կամ մասամբ փոփոխում են հայտարկված գյուտի էությունը և (կամ) ներկայացված են՝ առանց գյուտի միասնության պահանջի պայմանները պահպանելու, ապա հայտատուն ծանուցվում է այն մասին, որ դրանք չեն կարող հաշվի առնվել փորձաքննության կողմից ամբողջությամբ կամ համապատասխան մասով:
Հայտի փոխակերպումը
455. Օրենքի 31-րդ հոդվածի 1-ին մասի համաձայն, մինչև գյուտի արտոնագիր տալու մասին որոշման կայացումը հայտատուն կարող է դիմում ներկայացնել Գործակալություն՝ տվյալ գյուտի հայտը օգտակար մոդելի հայտի փոխակերպելու խնդրանքով, կցելով դրան համապատասխան պետական տուրքի վճարումը հաստատող փաստաթուղթը։
456. Գյուտարարական մակարդակի բացակայության հիմքերով գյուտի արտոնագիր տալը մերժելու մասին Գործակալության որոշման կայացման դեպքում, այն ստանալու օրվանից երկամսյա ժամկետում, հայտատուն կարող է դիմում ներկայացնել տվյալ գյուտի հայտը օգտակար մոդելի հայտի փոխակերպման խնդրանքով։
457. Եթե դիմումը ներկայացված է սահմանված ժամկետի խախտմամբ, դիմումը մերժվում է, ինչի մասին հայտատուն ծանուցվում է:
458. Եթե դիմումի հետ մեկտեղ չի ներկայացվում պետական տուրքի վճարման անդորրագիրը, ապա դիմումը համարվում է չներկայացված, ինչի մասին հայտատուն ծանուցվում է:
459. Հայտը, որի փոխակերպումը չի կայացել, մնում է գյուտի հայտ, և նրա հետագա գործավարությունն անցկացվում է սույն Կարգի համաձայն:
460. Եթե հայտատուի դիմումը՝ տվյալ գյուտի հայտը օգտակար մոդելի հայտի փոխակերպման խնդրանքով, ներկայացված է սահմանված ժամկետում և ձևակերպված է համաձայն Օրենքի 6-րդ հոդվածի 6-րդ մասով սահմանված պահանջներին, և դիմումի հետ մեկտեղ ներկայացված է համապատասխան պետական տուրքի վճարումը հաստատող փաստաթուղթը, ապա հայտատուին ուղարկվում է փոխակերպման կայացման մասին ծանուցագիր, որով հայտատուն նաև ծանուցվում է, որ հայտի հետագա գործավարությունը կիրականացվի «Օգտակար մոդելի արտոնագիր ստանալու հայտի ձևակերպման, ներկայացման և քննարկման կարգի» համաձայն։
461. Եթե հայտատուի կողմից հայտի փոխակերպման մասին ներկայացված դիմումի ստացման թվականի դրությամբ ներկայացվել են գյուտի հայտով ճշգրտումներ կամ ուղղումներ մտցնող լրացուցիչ նյութեր կամ գյուտի ճշգրտված հավակնության սահմանումը, ապա այդ նյութերի ստուգումը կատարվում է սույն Կարգի համաձայն, որի արդյունքների մասին ծանուցվում է հայտատուն:
462. Փոխակերպումը չի կատարվում հետ կանչված հայտերի նկատմամբ։
463. Եթե հայտի փոխակերմպան մասին դիմումը վերաբերում է հայտի, որը համարվում է հետ կանչված Օրենքի 23-րդ հոդվածի 2-րդ և 4-րդ մասերով սահմանված պահանջներին չբավարարելու պատճառով, և դիմումի հետ մեկտեղ ստացվել է բաց թողնված ժամկետների վերականգնման մասին դիմում, ապա վերջինս քննարկվում է սույն Կարգի 352-357-րդ կետերի համաձայն:
464. Եթե հնարավոր է վերականգնել ժամկետը, ապա հայտատուն ծանուցվում է այդ մասին, ինչպես նաև հայտը փոխակերպելու մասին, եթե բավարարված են սույն կետով սահմանված պահանջները:
465. Եթե մինչև հայտի փոխակերպման մասին հայտատուին ծանուցագիր ուղարկելը, հայտատուից ստացվել է հայտի փոխակերպման մասին իր դիմումը հետ կանչելու մասին դիմում, ապա հայտը համարվում է չփոխակերպված, իսկ վճարված պետական տուրքը վերադարձման ենթակա:
466. Եթե հայտի փոխակերպման մասին հայտատուին ծանուցագիր ուղարկելուց հետո հայտատուից ստացվել է հայտի փոխակերպման մասին իր դիմումը հետ կանչելու մասին դիմում, ապա դա չի կարող հիմք հանդիսանալ հայտի հակառակ փոխակերպման և վճարված պետական տուրքի վերադարձման համար:
Արտոնագիր տալը մերժելու մասին որոշումը
467. Եթե հայտի նախնական փորձաքննության արդյունքում պարզվի, որ ներկայացված գյուտը վերաբերում է Օրենքի 4-րդ հոդվածի 7-րդ կամ 5-րդ հոդվածի 7-րդ և 8-րդ մասերին, ապա որոշում է կայացվում արտոնագիր տալը մերժելու մասին։
468. Մինչև արտոնագիր տալը մերժելու մասին որոշման կայացումը հայտատուին կարող է ուղարկվել հարցում՝ բերելով փաստարկներ, որոնք կարող են հիմք հանդիսանալ արտոնագիր տալը մերժելու համար, անհրաժեշտության դեպքում, հղում կատարելով տեղեկատվության համապատասխան աղբյուրներին և առաջարկելով հերքել փորձաքննության կողմից բերված փաստարկները։
469. Օրենքի 23-րդ հոդվածի 10-րդ մասի համաձայն, արտոնագիր տալը մերժելու մասին փորձաքննության որոշմանը չհամաձայնելու դեպքում, այն ստանալու օրվանից երկամսյա ժամկետում, հայտատուն իրավունք ունի կրկնական փորձաքննության խնդրանքով դիմելու գործակալություն: Կրկնական փորձաքննությունն անցկացվում է դիմումն ստանալու օրվանից մեկամսյա ժամկետում:
470. Օրենքի 23-րդ հոդվածի 12-րդ մասի համաձայն կրկնական փորձաքննության որոշմանը չհամաձայնելու դեպքում, դա ստանալու օրվանից երկամսյա ժամկետում հայտատուն իրավունք ունի բողոք ներկայացնելու Գործակալության բողոքարկման խորհուրդ: Բողոքարկման խորհուրդը բողոքը քննարկում է դա ստանալու օրվանից երկամսյա ժամկետում։
471. Եթե պարզվի, որ հայտարկված գյուտի հավակնության սահմանումն ունի մեկ անկախ կետ և կախյալ կետեր, և անկախ կետը չի համապատասխանում արտոնագրաունակության պայմաններից որևէ մեկին, իսկ հայտատուն հրաժարվում է ճշգրտել այդ կետը, ապա որոշում է կայացվում արտոնագիր տալը մերժելու մասին:
472. Եթե պարզվի, որ հայտարկված գյուտի, որը բնութագրվել է մեկ անկախ կետ և կախյալ կետեր ունեցող բազմօղակ հավակնության սահմանումով, անկախ կետը համապատասխանում է արտոնագրաունակության պայմաններին, իսկ կախյալ կետերում պարունակվող գյուտի բնութագրումը խոչընդոտում է հայտատուի կողմից նշված գյուտի նշանակության իրականացումը, կամ էլ հակասում է հասարակական շահերին, մարդասիրության և բարոյականության սկզբունքներին, իսկ հայտատուն հրաժարվում է ճշգրտել կամ հանել այդ կախյալ կետերը, ապա որոշում է կայացվում արտոնագիր տալը մերժելու մասին:
473. Այն դեպքում, երբ հայտատուի կողմից առաջարկված հավակնության սահմանումն ունի մեկ անկախ կետ և այն չի ներառում նկարագրության մեջ առկա գյուտի էական հատկանիշը, ինչի արդյունքում գյուտը չի համապատասխանում արտոնագրաունակության պայմաններից որևէ մեկին, և հայտատուն հրաժարվում է այդ հատկանիշը ներառել հավակնության սահմանման մեջ, ապա որոշում է կայացվում արտոնագիր տալը մերժելու մասին:
474. Եթե պարզվի, որ հավակնության սահմանման մեջ բնութագրված հայտարկված գյուտերի խմբից որևէ մեկը արտոնագրաունակ չէ, և հայտատուն հրաժարվում է ճշգրտել կամ հանել հավակնության սահմանումից այդ գյուտի բնութագրումը, ապա որոշում է կայացվում արտոնագիր տալը մերժելու մասին: Ընդ որում, որոշման մեջ հաստատվում է խմբի մյուս գյուտի (գյուտերի) արտոնագրաունակությունը:
Հայտի պաշտոնական հրապարակման մասին որոշումը
475. Եթե նախնական փորձաքննության արդյունքում պարզվի, որ հայտը պարունակում է բոլոր անհրաժեշտ փաստաթղթերը, պահպանված են սույն Կարգով սահմանված պահանջները, և առաջարկությունը վերաբերում է արտոնագրաունակ գյուտերին, ապա որոշում է կայացվում գյուտի հայտի պաշտոնական հրապարակման մասին, որի մի օրինակն ուղարկվում է հայտատուին:
476. Եթե հայտով չի խնդրարկվել ավելի վաղ առաջնություն, քան հայտը Գործակալություն ներկայացնելու թվականն է, ապա այդ որոշումով հայտատուն ծանուցվում է նաև գյուտի առաջնության թվականի մասին:
Գ Լ ՈՒ Խ 18
ՀԱՅՏԻ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐԻ ՀՐԱՊԱՐԱԿՈՒՄԸ
Հայտեր, որոնց վերաբերյալ տեղեկությունները հրապարակվում են
477. Օրենքի 24-րդ հոդվածի 1-ին մասի համաձայն, գյուտի հայտի պաշտոնական հրապարակման մասին որոշման հիման վրա Գործակալությունն իր «Գյուտերի հայտեր» պաշտոնական տեղեկագրում տեղեկություններ է հրապարակում հայտի վերաբերյալ:
478. Եթե հայտի նախնական փորձաքննության ընթացքում հայտարկված գյուտը ՀՀ օրենսդրությամբ սահմանված կարգով ճանաչվի գաղտնի, ապա հայտատուն ծանուցվում է, որ գյուտի հայտը գաղտնագրված է և պաշտոնական հրապարակման և համընդհանուր ծանոթացման չի դրվում:
479. Հայտատուի առևտրային շահերից ելնելով՝ հայտի վերաբերյալ պաշտոնական տեղեկությունների հրապարակումը և հայտի համընդհանուր ծանոթացման դնելը չի կարող հետաձգվել:
Պաշտոնապես հրապարակված հայտի նյութերին ծանոթանալը
480. Օրենքի 24-րդ հոդվածի 3-րդ մասի համաձայն, գյուտի հայտի վերաբերյալ պաշտոնական տեղեկություններ հրապարակելու օրվանից հայտը կից փաստաթղթերով համընդհանուր ծանոթացման է դրվում չորս ամսով։
481. Գործակալությունը համընդհանուր ծանոթացման է դնում հայտի դիմումի, գյուտի նկարագրության, հավակնության սահմանման, գծագրերի (եթե դրանք կցված են հայտին), ինչպես նաև հայտի նշված նյութերը ճշգրտող, ուղղումներ ներառող լրացուցիչ նյութերի պատճենները, եթե այդ նյութերը սահմանված կարգով ներկայացված են հայտի ստացման թվականից երկամսյա ժամկետում, և հայտ ներկայացնելու համար պետական տուրքի վճարումը հաստատող փաստաթուղթը:
482. Դիմումի պատճենը համընդհանուր ծանոթացման չի դրվում, եթե առկա է գյուտի մասին հրապարակվող տեղեկատվության մեջ որպես հեղինակ (հեղինակներ) չհիշատակվելու մասին դիմում: Այդ դեպքում մնացած նյութերը համընդհանուր ծանոթացման են դրվում առանց հեղինակի (հեղինակների) հիշատակման:
483. Համընդհանուր ծանոթացման դրված նյութերի պատճենները կարող են տրվել յուրաքանչյուր անձի՝ համապատասխան պետական տուրքի վճարման դեպքում:
484. Ազգային փուլ անցած միջազգային հայտերը (ԱՀՊ ընթացակարգով), ինչպես նաև կոնվենցիայով առաջնության խնդրարկմամբ ստացված հայտերը Գործակալությունը համընդհանուր ծանոթացման է դնում նույն կարգով, ինչպես ազգային ընթացակարգով ստացված հայտերն են դրվում՝ համընդհանուր ծանոթացման փաստից բխող բոլոր հետևանքներով:
Գյուտի մասին հրապարակվող տեղեկատվության մեջ հեղինակին չհիշատակելը
485. Եթե արտոնագիր ստանալու դիմումի մեջ հեղինակը չի հայտնել գյուտի հրապարակվող տեղեկատվության մեջ որպես հեղինակ չհիշատակվելու մասին իր խնդրանքը, ապա նա այդ մասին կարող է հայտնել առանձին դիմումով՝ մինչև հրապարակման տեխնիկական նախապատրաստման ավարտը:
486. Հեղինակը կարող է նշված դիմումը հետ կանչել նույն ժամկետում:
Գ Լ ՈՒ Խ 19
ՀԱՄԸՆԴՀԱՆՈՒՐ ԾԱՆՈԹԱՑՄԱՆ ԴՐՎԱԾ ՀԱՅՏԵՐՈՎ ԱՐՏՈՆԱԳԻՐ ՏԱԼՈՒ ԴԵՄ ԱՌԱՐԿՈՒԹՅԱՆ
ՁԵՎԱԿԵՐՊՈՒՄԸ, ՆԵՐԿԱՅԱՑՈՒՄԸ ԵՎ ՔՆՆԱՐԿՈՒՄԸ
487. Գյուտի հայտի համընդհանուր ծանոթացման ընթացքում ցանկացած անձ, այդ թվում՝ Գործակալության փորձագետը, կարող է հիմնավոր առարկություն ներկայացնել տվյալ հայտով արտոնագիր տալու դեմ:
Առարկության ձեվակերպումը
488. Առարկությունը ձևակերպվում է, եթե՝
ա) խախտված են Օրենքի 19-րդ հոդվածի 1-ին մասով սահմանված պահանջները (գյուտի միասնության պահանջը).
բ) Օրենքի 5-րդ հոդվածի համաձայն առկա են գյուտի արտոնագրաունակության պայմանների ակնհայտ խախտման մասին վկայող տեղեկությունները.
գ) խախտված է Օրենքի 4-րդ հոդվածի 7-րդ մասով սահմանված պահանջը (իրավական պահպանության ենթակա չէ այն գյուտը, որի օգտագործումը հակասում է հասարակության շահերին, մարդասիրության և բարոյականության սկզբունքներին):
489. Եթե փորձագետը կասկածում է առաջարկված միջոցներով տեխնիկական արդյունքը ստանալու հնարավորության հարցում, ապա նա կարող է հայտն ուղարկել այլ ոչ շահագրգիռ մասնագիտացված կազմակերպություն՝ մասնագետի եզրակացություն ստանալու համար։
Առարկության ներկայացումը
490. Արտոնագիր տալու դեմ առարկությունը պետք է Գործակալություն ներկայացվի համընդհանուր ծանոթացման չորսամսյա ժամկետի ավարտից ոչ ուշ:
491. Առարկությունը ներկայացվում է գրավոր դիմումի ձևով, որը բավարարում է սույն Կարգի 488-րդ կետով սահմանված պահանջներին:
492. Առարկությունը ներկայացվում է հայերեն, երկու օրինակից:
493. Առարկության մեջ նշվում են գյուտի հայտի համարը, հայտի ներկայացման թվականը, գյուտի անվանումը, հայտատուի մասին տեղեկություններ, հայտը համընդհանուր ծանոթացման դնելու թվականը, առարկություն ներկայացնողի անունը, ազգանունը կամ իրավաբանական անձի լրիվ անվանումը, նամակագրության հասցեն: Առարկությունն ստորագրում է առարկություն ներկայացնող անձը, իսկ եթե նա իրավաբանական անձ է՝ նրա ղեկավարը, որի ստորագրությունը վավերացվում է կնիքով:
Առարկության քննարկումը
494. Օրենքի 25-րդ հոդվածի 4-րդ մասի համաձայն առարկությունն ստանալու օրվանից 10-օրյա ժամկետում Գործակալությունը հայտատուին է ուղարկում առարկության պատճենը՝ դա ստանալու օրվանից մեկամսյա ժամկետում իր նկատառումները ներկայացնելու առաջարկությամբ:
495. Պատասխանի ներկայացման մեկամսյա ժամկետը հաշվարկվում է հայտատուի կողմից առարկության պատճենն ստանալու օրվանից, հաշվի առնելով, որ առարկության պատճենը համարվում է հայտատուի կողմից ստացված, եթե այն հանձնված է հայտատուին կամ հայտում նշված նրա ներկայացուցչին (հավատարմատարին):
496. Նույն հայտով մի քանի առարկությունների ստացման դեպքում նրանցից յուրաքանչյուրով կատարվում է առանձին գործավարություն:
497. Գործակալությունն ստացված առարկությունները քննարկում է համընդհանուր ծանոթացման ժամկետի ավարտից հետո կամ եթե հայտատուի նկատառումներն ստացված են ավելի ուշ, դրանց ստացման օրվանից հետո մեկամսյա ժամկետում:
498. Հաշվի առնելով հայտով ստացված բոլոր առարկությունների քննարկման արդյունքները, հայտատուի փաստարկները և նկատառումները ըստ առարկությունների էության, ինչպես նաև փորձագետի տրամադրության տակ գտնվող այլ տեղեկատվությունը, որոշում է կայացվում նախնական արտոնագիր տալու կամ տալը մերժելու մասին:
499. Արտոնագիր տալը մերժելու մասին որոշման մեջ բերվում է ստացված բոլոր առարկությունների վերլուծությունը, և եզրակացություն է արվում հայտի քննարկման արդյունքների մասին:
500. Որոշմանը չհամաձայնելու դեպքում, այն ստանալու օրվանից երկամսյա ժամկետում, հայտատուն իրավունք ունի դիմելու կրկնական փորձաքննության խնդրանքով: Կրկնական փորձաքննությունն անցկացվում է խնդրագիրն ստանալու օրվանից մեկամսյա ժամկետում: Կրկնական փորձաքննության արդյունքում որոշում է կայացվում նախնական արտոնագիր տալու կամ տալը մերժելու մասին:
501. Կրկնական փորձաքննության որոշմանը չհամաձայնելու դեպքում, այն ստանալու օրվանից երկամսյա ժամկետում, հայտատուն իրավունք ունի բողոք ներկայացնելու Գործակալության բողոքարկման խորհուրդ: Բողոքարկման խորհուրդը բողոքը քննարկում է այն ստանալու օրվանից երկամսյա ժամկետում:
502. Կրկնական փորձաքննության և բողոքարկման խորհրդի որոշմանը չհամաձայնելու դեպքում հայտատուն իրավունք ունի օրենքով սահմանված կարգով դիմելու դատարան:
503. Հայտատուն և առարկություն ներկայացնող անձը կայացված որոշման մասին ծանուցվում են 10-օրյա ժամկետում:
Գ Լ ՈՒ Խ 20
ՆԱԽՆԱԿԱՆ ԱՐՏՈՆԱԳԻՐ ՏԱԼՈՒ ՄԱՍԻՆ ՈՐՈՇՈՒՄԸ
504. Օրենքի 26-րդ հոդվածի 8-րդ մասի համաձայն, համընդհանուր ծանոթացման ժամկետի ավարտից հետո, արտոնագիր տալու վերաբերյալ առարկության բացակայության դեպքում, Գործակալությունը 10-օրյա ժամկետում որոշում է կայացնում նախնական արտոնագիր տալու մասին:
505. Առարկությունների առկայության դեպքում նախնական արտոնագիր տալու մասին որոշումը կայացվում է սույն Կարգի 494-503-րդ կետերի համապատասխան առարկությունների քննարկումից հետո: Նախնական արտոնագիրը տրվում է հայտատուի պատասխանատվությամբ, առանց իսկության երաշխիքի:
506. Եթե նախնական արտոնագիր տալու մասին որոշումն ստանալու օրվանից 3-ամսյա ժամկետում հայտատուն չվճարի արտոնագիր տալու համար սահմանված չափով պետական տուրքը, սակայն ներկայացնի նախնական արտոնագիր տալու գործընթացը դադարեցնելու և ըստ էության փորձաքննություն անցկացնելու մասին խնդրագիր՝ դրան կցելով համապատասխան պետական տուրքի վճարումը հաստատող փաստաթուղթը, ապա Գործակալությունը դադարեցնում է նախնական արտոնագիր տալու գործընթացը և Օրենքի 27-րդ հոդվածի համաձայն անցկացնում է գյուտի ըստ էության փորձաքննություն:
507. Եթե գյուտի արտոնագիր տալու մասին որոշումը կայացվում է արտոնագրի գործողության 2-րդ տարում կամ ավելի ուշ, ապա որոշման մեջ նշվում է արտոնագիրը գործողության մեջ պահելու այդ տարիների համար նախատեսված պետական տուրքերի վճարման անհրաժեշտության մասին։
508. Արտոնագիրը տրվում է, և համապատասխան նյութերը հրապարակման են հանձնվում որոշման մեջ նշված բոլոր պետական տուրքերը լրիվ չափով վճարելու մասին անդորրագրի ներկայացումից հետո։
509. Եթե առկա են նկարագրության և (կամ) գծագրերի մեջ թերություններ, որոնք վերացնելու անհրաժեշտության մասին հայտատուն ավելի վաղ չի ծանուցվել, ապա հայտատուին կարող է առաջարկվել ներկայացնել ճշգրտված նկարագրությունը և (կամ) գծագրերը նախնական արտոնագիր տալու մասին որոշումն ստանալու օրվանից եռամսյա ժամկետում։
Գ Լ ՈՒ Խ 21
ՄԻՋԱԶԳԱՅԻՆ ՀԱՅՏԻ ՆԵՐԿԱՅԱՑՈՒՄԸ ԵՎ ՔՆՆԱՐԿՈՒՄԸ
Միջազգային հայտի ներկայացումը
510. ԱՀՊ-ի 2-րդ հոդվածի համաձայն Գործակալությունը կատարում է ՀՀ ստացող գերատեսչության գործառույթները, ղեկավարվելով ԱՀՊ-ով, ԱՀՊ-ին կից Հրահանգով, ԱՀՊ-ի համապատասխան Վարչական հրահանգով, ՄՍՀԿ միջազգային բյուրոյի կողմից հրապարակվող համապատասխան ձեռնարկներով, ինչպես նաև Օրենքով և սույն Կարգով։
511. Գործակալությունը հանդես է գալիս որպես ստացող գերատեսչություն, եթե հայտատուներից առնվազն մեկը ՀՀ քաղաքացի կամ իրավաբանական անձ է, ինչպես նաև ՀՀ-ում մշտապես բնակվող ֆիզիկական անձ։
512. Միջազգային հայտը Գործակալություն ներկայացվում է անգլերեն լեզվով։
513. Միջազգային հայտը ներկայացվում է երեք օրինակով, որոնցից յուրաքանչյուրը պետք է պիտանի լինի անմիջական վերարտադրման համար։ Եթե միջազգային հայտը ներկայացվել է պահանջվող քանակից պակաս օրինակներով, ապա ԱՀՊ-ին կից Հրահանգի 21.1(c) կանոնի համաձայն հայտատուի խնդրանքով Գործակալությունը կարող է պատրաստել միջազգային հայտի պահանջվող քանակը՝ պայմանով, որ հայտատուն վճարի համապատասխան պետական տուրքը։
514. Միջազգային հայտի դիմումը լրացվում ՄՍՀԿ-ի կողմից տրամադրվող համակարգչային ծրագրի միջոցով։
515. Նուկլեոտիդների և(կամ) ամինաթթուների հաջորդականություններ պարունակող միջազգային հայտում ՄՍՀԿ ST.25 ստանդարտի պահանջին բավարարող հաջորդականությունների ցանկը ներկայացվում է որպես հայտի նկարագրության առանձին մաս։
516. Գործակալությունը ստուգում է միջազգային հայտի համապատասխանությունը ԱՀՊ-ի 11(1)-րդ և 14-րդ հոդվածներով սահմանված պահանջներին և համապատասխանության դեպքում սահմանում է դրա միջազգային ներկայացման թվականը և այդ թվականից մեկամսյա ժամկետում միջազգային հայտը առաքում է ՄՍՀԿ Միջազգային բյուրո։
517. Միջազգային հայտով միջազգային որոնում անցկացնելու համար համապատասխան տուրքի վճարման դեպքում Գործակալությունը միջազգային հայտի օրինակը՝ «որոնման պատճենը», առաքում է այն Միջազգային որոնման մարմին, որը նշված է միջազգային հայտի դիմումում։
Ազգային փուլ
518. ԱՀՊ-ի 2-րդ հոդվածի համաձայն Գործակալությունը կատարում է ՀՀ նշված և ընտրված գերատեսչության գործառույթները, ղեկավարվելով ԱՀՊ-ով, ԱՀՊ-ին կից Հրահանգով, ԱՀՊ-ի համապատասխան Վարչական հրահանգով, ՄՍՀԿ միջազգային բյուրոյի կողմից հրապարակվող համապատասխան ձեռնարկներով, ինչպես նաև Օրենքով և սույն Կարգով։
519. Միջազգային հայտը ազգային փուլ փոխադրելու համար հայտատուին անհրաժեշտ է խնդրարկվող առաջնության թվականից 31 ամսվա ընթացքում Գործակալություն ներկայացնել, առնվազն, սույն Կարգի 34-54-րդ կետերի համաձայն դիմում արտոնագիր ստանալու մասին, որում նշված է նաև միջազգային հայտի համարը և ներկայացման թվականը, Միջազգային բյուրոյի կողմից միջազգային հայտի հրապարակման առաջին էջը։ Օրենքի 42-րդ հոդվածի 3-րդ մասի համաձայն, եթե նշված փաստաթղթերը 31 ամսվա ընթացքում չեն ներկայացվել Գործակալություն, ապա ԱՀՊ ընթացակարգով միջազգային հայտի գործողությունը ՀՀ-ի նկատմամբ դադարեցվում է։
520. Միջազգային հայտը, որում ՀՀ-ն նշված է որպես նշված պետություն, որտեղ հայտատուն մտադրված է ստանալու գյուտի արտոնագիր, որի նկատմամբ համաձայն ԱՀՊ-ի 11(1)-րդ հոդվածի սահմանված է միջազգային ներկայացման թվականը, կարող է քննարկվել Գործակալությունում համաձայն Օրենքի (այսուհետ՝ ազգային փուլ)։
521. Գործակալությունը սկսում է հայտի քննարկումը այն թվականից, որի դրությամբ լրանում է 31 ամիսը՝ սկսած միջազգային հայտի խնդրարկվող առաջնության թվականից, որը նշված է ԱՀՊ-ի 2(xi)-րդ հոդվածում։
522. Միջազգային հայտի մյուս փաստաթղթերը ներկայացվում են սույն Կարգի 20-26-րդ կետերի համաձայն։
523. Եթե հայտատուն ազգային փուլ է փոխադրում միջազգային հայտ, որի հավակնության սահմանումը փոփոխվել է համաձայն ԱՀՊ-ի 19-րդ հոդվածի, ապա հայտատուին անհրաժեշտ է ներկայացնել փոփոխված հավակնության սահմանման հայերեն թարգմանությունը՝ միաժամանակ կցելով հայտատուի կողմից կատարված փոփոխությունների պարզաբանումները։
524. Եթե հայտատուն ազգային փուլ է փոխադրում միջազգային հայտ, որի հավակնության սահմանումը, նկարագրությունը և գծագրերը փոփոխվել են համաձայն ԱՀՊ-ի 34(2)(b)-րդ հոդվածի, ապա հայտատուին անհրաժեշտ է ներկայացնել միջազգային հայտի հայերեն թարգմանությունը՝ հաշվի առնելով Միջազգային նախնական փորձաքննության կողմից կատարված փոփոխությունները՝ ներկայացնելով դրանց հայերեն թարգմանությունը։
Ազգային փուլ փոխադրված միջազգային հայտի նախնական փորձաքննությունը
525. ԱՀՊ-ի 11(3)-րդ հոդվածի համաձայն, միջազգային հայտի ներկայացման թվականը Գործակալությունը՝ որպես նշված կամ ընտրված գերատեսչություն, սահմանում է ըստ միջազգային հայտի միջազգային ներկայացման թվականի։
526. Նախնական փորձաքննության ընթացքում, ԱՀՊ-ի 27(1)-րդ հոդվածի համաձայն, միջազգային հայտի ձևին ու բովանդակությանը ներկայացվում են ԱՀՊ և դրան կից Հրահանգով սահմանված պահանջներ։
527. Նախնական փորձաքննության ընթացքում ստուգվում է՝
ա) հայտի անհրաժեշտ և սույն Կարգով սահմանված պահանջներին համապատասխան ձևակերպված փաստաթղթերի առկայությունը.
բ) վճարված պետական տուրքի չափի համապատասխանությունը սահմանված չափին.
գ) դիմումում նշված տեղեկությունների համապատասխանությունը միջազգային հայտի հրապարակման մեջ բերված մատենագիտական տվյալներին.
դ) հայտատուի անվանմանը, հեղինակներին, ինչպես նաև խնդրարկվող առաջնությանը վերաբերող տեղեկությունների փոփոխման մասին վկայող փաստաթղթերի առկայությունը.
ե) լրացուցիչ նյութերի ներկայացման սահմանված կարգի պահպանումը.
զ) ըստ ՄԱԴ-ի գյուտի դասակարգման ճշտությունը.
է) միջազգային որոնման հաշվետվության և (կամ) միջազգային նախնական փորձաքննության եզրակացության առկայությունը։
528. Եթե միջազգային որոնման հաշվետվությունը և(կամ) միջազգային նախնական փորձաքննության եզրակացություԵվրասիական հայտի ներկայացումընը ներառում են գյուտի միասնության պահանջի խախտման մասին հետևություններ և հաստատվում է դրանց հիմնավորվածությունը, ապա այն դեպքում, երբ միջազգային հայտի որևէ մասերով չի կազմվել միջազգային որոնման հաշվետվություն կամ չի անցկացվել միաջազգային նախնական փորձաքննություն, քանի որ հայտատուի կողմից վճարված չեն ԱՀՊ-ի 17(3)(a)-րդ և 34(3)(a)-րդ հոդվածներով նախատեսված լրացուցիչ տուրքերը, միջազգային հայտի նշված մասերը կարող են հաշվի առնվել քննարկման ընթացքում՝ պայմանով, որ հայտատուն վճարի սահմանված պետական տուրքը։
Այն դեպքում, երբ միջազգային հայտի որևէ մասով (մասերով) չի կազմվել միջազգային որոնման հաշվետվություն կամ չի անցկացվել միջազգային նախնական փորձաքննություն, քանի որ այն վերաբերում է ԱՀՊ-ի 17(2)(a)(i)-րդ հոդվածով և Հրահանգի 39(1)(iv)-րդ կետով նախատեսված առարկաներին (մարդու կամ կենդանիների վիրաբուժական կամ բուժական բուժման եղանակներ, ինչպես նաև՝ ախտորոշման եղանակներ), միջազգային հայտի նշված մասը (մասերը) կարող են հաշվի առնվել քննարկման ընթացքում՝ պայմանով, որ հայտատուն վճարի սահմանված պետական տուրքը։
529. Սահմանված տուրքի չվճարման դեպքում քննարկման են դրվում միջազգային հայտի միայն այն մասերը, որոնցով կազմվել է միջազգային որոնման հաշվետվությունը և(կամ) անցկացվել է միջազգային նախնական փորձաքննությունը։
530. Եթե միջազգային հայտի նախնական փորձաքննության ընթացքում պարզվում է, որ հայտը ձևակերպված է դրա փաստաթղթերի նկատմամբ պահանջների խախտմամբ, սույն Կարգի 313-318-րդ կետերի համաձայն հայտատուին
ուղարկվում է հարցում՝ ուղղված կամ պակաս փաստաթղթերը երկամսյա ժամկետում ներկայացնելու առաջարկությամբ:
Գ Լ ՈՒ Խ 22
ԵՎՐԱՍԻԱԿԱՆ ՀԱՅՏԻ ՆԵՐԿԱՅԱՑՈՒՄԸ, ՍՏՈՒԳՈՒՄԸ ԵՎ ԱՌԱՔՈՒՄԸ
Եվրասիական հայտի ներկայացումը
531. Եվրասիական արտոնագրային կոնվենցիայի 15(1)(i)-րդ հոդվածի և Օրենքի 40-րդ հոդվածի 5-րդ մասի համաձայն Գործակալությունը կատարում է գործառույթներ, որոնք կապված են Եվրասիական արտոնագրային կոնվենցիայի ընթացակարգով Եվրասիական արտոնագրային գերատեսչություն ներկայացվող եվրասիական հայտի ներկայացման, ստուգման և առաքման հետ։ Գործակալությունը հանդես է գալիս որպես ստացող գերատեսչություն միայն ՀՀ քաղաքացիների և իրավաբանական անձանց, ինչպես նաև ՀՀ մշտապես բնակվող ֆիզիկական անձանց համար։
532. Եվրասիական արտոնագրային կոնվենցիայի 15(1)(i)-րդ հոդվածի համաձայն եվրասիական հայտը կարող է ներկայացվել Գործակալություն, եթե հայտատուներից առնվազն մեկը ՀՀ տարածքում ունի բնակության կամ գտնվելու վայր։
533. Ցանկացած անձ, որն ունի ՀՀ տարածքում գործող արդյունաբերական կամ առևտրային ձեռնարկություն, համարվում է ՀՀ տարածքում բնակության կամ գտնվելու վայր ունեցող անձ։
534. Գործակալության միջոցով եվրասիական հայտը Եվրասիական արտոնագրային գերատեսչություն առաքելու դեպքում հայտատուին անհրաժեշտ է ներկայացնել դիմում՝ կցելով Եվրասիական արտոնագրային կոնվենցիայի համաձայն փորձաքննության պահանջներին (ձևական հատկանիշներով) հայտի համապատասխանությունն ստուգելու և առաքելու համար պետական տուրքի վճարումը հաստատող փաստաթուղթ։
535. Համաձայն Եվրասիական արտոնագրային կոնվենցիային կից Արտոնագրային հրահանգի 29-րդ կանոնի, եվրասիական հայտի բոլոր փաստաթղթերը ներկայացվում են չորս օրինակով, որոնցից երեքը առաքվում են Եվրասիական արտոնագրային գերատեսչություն, իսկ մեկը մնում է Գործակալությունում։
536. Եվրասիական հայտին կցվում են հետևյալ փաստաթղթերը՝ մեկ օրինակից՝
ա) միասնական ընթացակարգային տուրքի վճարումը հաստատող փաստաթուղթը.
բ) Փարիզյան կոնվենցիային մասնակից որևէ պետություն ներկայացված առաջին հայտի վավերացված պատճենը, եթե Փարիզյան կոնվենցիայի 4-րդ հոդվածի համաձայն եվրասիական հայտով խնդրարկվում է առաջնություն։ Եթե նախորդող հայտերը մի քանիսն են, կցվում են բոլոր հայտերի պատճենները.
գ) շտամի կամ բջիջների գծի ավանդադրման տեղեկանքը, եթե եվրասիական հայտը վերաբերում է միկրոօրգանիզմի շտամին, բույսերի կամ կենդանիների բջիջների գծին կամ միջոցին, որում օգտագործվում է միկրոօրգանիզմի անհայտ շտամը կամ բջիջների գիծը.
դ) նուկլեոտիդների և ամինաթթուների հաջորդականությունների այդ նույն ցանկի պատճենի գրառումով մեքենաընթեռնելի տեղեկակիրը (պնակիտ), որը բավարարում է ՄՍՀԿ ST.25 ստանդարտին և հայտատուի կողմից ստորագրված դիմում՝ տպագիր և մեքենաընթեռնելի ձևերով ներկայացված հաջորդականությունների ցանկերի նույնականության մասին, եթե եվրասիական հայտը ներառում է նուկլեոտիդների և/կամ ամինաթթուների հաջորդականությունների ցանկ.
ե) հայտատուի կողմից ներկայացուցչին տրված լիազորագիրը, եթե եվրասիական հայտը ներկայացվում է ներկայացուցչի միջոցով։
537. Մեկ օրինակով են ներկայացվում նաև այլ փաստաթղթերը, այդ թվում՝ ուղեկցող նամակը, տուրքերի հաշվարկի ցուցակը և այլն։
538. Եվրասիական հայտի դիմումը և մյուս փաստաթղթերը ներկայացվում են ռուսերեն լեզվով։
539. Արտոնագրային հրահանգի 34-րդ կանոնի համաձայն Եվրասիական արտոնագրային գերատեսչություն և հայտատուին ուղարկվում է եվրասիական հայտի ստացման մասին տեղեկություն՝ նշելով հայտի ստացման թվականը, Գործակալությունում գրանցման համարը, գյուտի անվանման և հայտատուին կամ նրա ներկայացուցչին, եթե նա նշանակված է, վերաբերող տեղեկություններ, ինչպես նաև եվրասիական հայտի ներկայացման թվականը, եթե այն սահմանված է։
Եվրասիական հայտի ներկայացման թվականի սահմանումը
540. Գործակալությունը եվրասիական հայտի ներկայացման թվականը սահմանում է հայտը Գործակալության կողմից ստանալու թվականով, եթե եվրասիական հայտը այդ թվականի դրությամբ պարունակում է առնվազն՝
ա) հիշատակում այն մասին, որ հայտով խնդրարկվում է եվրասիական գյուտի արտոնագիր.
բ) տեղեկություններ, որոնք թույլ են տալիս անհատականացնել հայտատուին կամ հաղորդակցվել նրա հետ.
գ) տարր, որն արտաքնապես հիշեցնում է գյուտի նկարագրությունը։
541. Եթե նշված փաստաթղթերը Գործակալություն ներկայացվել են ոչ միաժամանակ, ապա եվրասիական հայտի ներկայացման թվականը սահմանվում է բացակայող փաստաթղթերից վերջինի ստացման թվականով։
542. Արտոնագրային հրահանգի 33-րդ կանոնի համաձայն, արտաքնապես գյուտի նկարագրությունը հիշեցնող տարրի փոխարեն կարող է ներկայացվել դիմում այն մասին, որ ներկայացման թվականի սահմանման նպատակով գյուտի նկարագրությունը կարող է փոխարինվել հայտատուի կողմից ավելի վաղ ներկայացված (առաջնային կամ նախորդող) հայտի հղումով։ Դիմումը պետք է ներկայացվի ռուսերեն լեզվով և ներառի ավելի վաղ ներկայացված հայտի համարը, այն գերատեսչության անվանումը, որտեղ ներկայացվել է հայտը, և հայտի ներկայացման թվականը։ Եթե առաջնային կամ նախորդող հայտը ներկայացված են այլ անձի կողմից, դիմումիմ պետք է կցվի հայտատուի իրավահաջորդությունն ապացուցող փաստաթուղթ։
543. Եթե հայտի ներկայացման թվականը սահմանելիս Գործակալությունը գտնում է, որ գյուտի նկարագրության մասը կամ գծագիրը, որին հղում է կատարված, ենթադրվում է բացակայող, ապա նա այդ մասին անհապաղ ծանուցում է հայտատուին՝ ծանուցագրի ստացման օրվանից երկամսյա ժամկետում բացակայող նյութերը ներկայացնելու անհրաժեշտության մասին։
544. Եթե նշված երկամսյա ժամկետում հայտատուն ներկայացնում է ծանուցագրում նշված նյութերը, ապա դրանք ներառվում են հայտի կազմում։ Այդ դեպքում հայտի ներկայացման թվականը սահմանվում է նկարագրության այդ մասի կամ գծագրի ստացման թվականով։
Եվրասիական հայտի քննարկումը եվ առաքումը
545. Եվրասիական արտոնագրային կոնվենցիայի 15(1)(i)-րդ հոդվածի համաձայն Գործակալությունը ստուգում է՝
ա) եվրասիական հայտի ներկայացման թվականի սահմանման համար անհրաժեշտ փաստաթղթերի առկայությունը, ինչպես նաև հայտին կից փաստաթղթերի առկայությունը.
բ) եվրասիական հայտի ձևի և բովանդակության համապատասխանությունը Եվրասիական արտոնագրային կոնվենցիայի և Արտոնագրային հրահանգի պահանջներին (առանց հայտարկվող գյուտի էության վերլուծության)։
546. Գործակալությունը Եվրասիական արտոնագրային գերատեսչություն է առաքում եվրասիական հայտի երեք օրինակ՝ պայմանով, որ Եվրասիական արտոնագրային կոնվենցիայի համաձայն վճարված է փորձաքննության պահանջներին (ձևական հատկանիշներով) հայտի համապատասխանությունն ստուգելու և առաքելու համար սահմանված տուրքերը։
547. Եթե ստուգման ընթացքում պարզվի, որ եվրասիական հայտը ձևակերպված է դրա փաստաթղթերի նկատմամբ սահմանված պահանջների խախտմամբ, Գործակալությունը հայտնաբերված թերությունների մասին ծանուցում է հայտատուին՝ ծանուցագրի ստացման օրվանից երկամսյա ժամկետում բացակայող կամ ճշգրտող նյութերը (տեղեկությունները) ներկայացնելու առաջարկությամբ։
548. Եթե հայտատուն սահմանված ժամկետում չի ներկայացնում նշված փաստաթղթերը, եվրասիական հայտը համարվում է չներկայացված, ինչի մասին հայտատուն ծանուցվում է։
549. Արտոնագրային հրահանգի 34(3)-րդ կանոնի համաձայն եվրասիական հայտը առաքվում է Եվրասիական արտոնագրային գերատեսչություն հայտի ներկայացման թվականից մեկամսյա ժամկետում։
Եվրասիական հայտի փոխակերպումը ազգային հայտի եվ փոխակերպված հայտի քննարկումը Գործակալությունում
550. Եվրասիական արտոնագրային կոնվենցիայի 16-րդ հոդվածի համաձայն եվրասիական հայտը, որով Եվրասիական արտոնագրային գերատեսչությունը կայացրել է արտոնագիր տալը մերժելու մասին որոշում, կամ մերժել է այդ որոշման դեմ առարկության բավարարումը, կարող է փոխակերպվել գյուտի ՀՀ արտոնագիր ստանալու հայտի։
551. Եվրասիական հայտը ազգային հայտի փոխակերպման մտադրության մասին խնդրագիրը պետք է հայտատուի կողմից ներկայացվի Եվրասիական գերատեսչություն՝ համապատասխան ծանուցագիր ստանալու թվականից վեց ամսվա ընթացքում։
Եվրասիական հայտի վավերացված պատճենը առաքվում է Գործակալություն՝ պայմանով, որ հայտատուն վճարի Եվրասիական արտոնագրային գերատեսչությունում համապատասխան տուրք։
552. Օրենքի 42-րդ հոդվածի 5-րդ մասի և սույն Կարգի համաձայն Եվրասիական արտոնագրային գերատեսչությունից եվրասիական հայտի վավերացված պատճենն ստանալու օրվանից Գործակալությունը սկսում է փոխակերպված հայտի քննարկումը։
553. Գործակալությունը հայտատուին ուղարկում է ծանուցագիր՝ եվրասիական հայտի վավերացված պատճենի ստանալու փաստի մասին, ինչպես նաև Օրենքով նախատեսված գյուտի ՀՀ արտոնագիր ստանալու մասին դիմումի և սահմանված տուրքի վճարումը հաստատող փաստաթղթի ներկայացման անհրաժեշտության մասին։
554. Ծանուցագիրն ստանալու օրվանից երկամսյա ժամկետում հայտատուն պետք է ներկայացնի սույն Կարգի 20-24-րդ կետերով սահմանված հայտի անհրաժեշտ նյութերը։
555. Փոխակերպված հայտը համարվում է գյուտի ՀՀ արտոնագիր ստանալու ճիշտ ձևակերպված հայտ, որն ունի եվրասիական հայտի ներկայացման թվականը և առաջնության թվականը (եթե այն սահմանված է)
|
ԴԻՄՈՒՄ գյուտի ՀՀ արտոնագիր ստանալու մասին |
Ձև N 1 |
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Հավելված 2 | |
|
Հաստատված է |
Կ Ա Ր Գ
ԳՅՈՒՏԻ ԸՍՏ ԷՈՒԹՅԱՆ ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ
Բ ո վ ա ն դ ա կ ու թ յ ու ն
Կարգում օգտագործվող հասկացությունները
ԳԼՈՒԽ 1. ԸՍՏ ԷՈՒԹՅԱՆ ՓՈՐՁԱՔՆՆՈՒԹՅԱՆ ԲՈՎԱՆԴԱԿՈՒԹՅՈՒՆԸ
ԳԼՈՒԽ 2. ԸՍՏ ԷՈՒԹՅԱՆ ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ ՊԱՅՄԱՆՆԵՐԸ
ԳԼՈՒԽ 3. ԳՅՈՒՏԻ ԱՌԱՋՆՈՒԹՅԱՆ ԹՎԱԿԱՆԻ ՍԱՀՄԱՆՈՒՄԸ
Կոնվենցիայով առաջնության սահմանումը
Լրացուցիչ նյութերի ստացման թվականով առաջնության սահմանումը
Նույն հայտատուի՝ ավելի վաղ ներկայացված հայտի ներկայացման թվականով առաջնության սահմանումը
Զատված հայտով ներկայացված գյուտի առաջնության սահմանումը
Մի քանի առաջնություն սահմանելու պայմանները
Գյուտի առաջնության թվականի սահմանման լրացուցիչ պայմանների ստուգումը
ԳԼՈՒԽ 4. ԳՅՈՒՏԻ ՀԱՎԱԿՆՈՒԹՅԱՆ ՍԱՀՄԱՆՄԱՆ ՍՏՈՒԳՈՒՄԸ
Գյուտի միասնության պահանջի պահպանման ստուգումը
Միջանկյալ և վերջնական արգասիքները
Այլընտրանքները գյուտի հավակնության սահմանման մեկ կետում (Մարկուշի բանաձև)
ԳԼՈՒԽ 5. ԳՅՈՒՏԻ ԱՐՏՈՆԱԳՐԱՈՒՆԱԿՈՒԹՅԱՆ ՍՏՈՒԳՈՒՄԸ
Տեղեկատվության որոնման անցկացումը
Տեխնիկայի մակարդակը
Տեղեկատվության որոնման բնագավառը և ծավալը
Արդյունաբերորեն կիրառելիության ստուգումը
Նորության ստուգումը
Գյուտարարական մակարդակի ստուգումը
Բազմօղակ հավակնության սահմանմամբ բնութագրված գյուտի արտոնագրաունակության ստուգման առանձնահատկությունները
ԳԼՈՒԽ 6. ԼՐԱՑՈՒՑԻՉ ՆՅՈՒԹԵՐԻ ՎԵՐԱԲԵՐՅԱԼ ՀԱՐՑՈՒՄ
ԳԼՈՒԽ 7. ԼՐԱՑՈՒՑԻՉ ՆՅՈՒԹԵՐԻ ՍՏՈՒԳՈՒՄԸ
ԳԼՈՒԽ 8. ԱՐՏՈՆԱԳԻՐ ՏԱԼՈՒ ՄԱՍԻՆ ՈՐՈՇՈՒՄԸ
ԳԼՈՒԽ 9. ԱՐՏՈՆԱԳԻՐ ՏԱԼԸ ՄԵՐԺԵԼՈՒ ՄԱՍԻՆ ՈՐՈՇՈՒՄԸ
ԳԼՈՒԽ 10. ԿՐԿՆԱԿԱՆ ՓՈՐՁԱՔՆՆՈՒԹՅՈՒՆԸ
ԳԼՈՒԽ 11. ՄԻՋԱԶԳԱՅԻՆ ՀԱՅՏԻ ԸՍՏ ԷՈՒԹՅԱՆ ՓՈՐՁԱՔՆՆՈՒԹՅՈՒՆԸ
Սույն կարգը սահմանված է «Արտոնագրերի մասին» ՀՀ օրենքի 27-րդ հոդվածի 7-րդ մասի, ինչպես նաև ՀՀ կառավարության 2002 թվականի հուլիսի 11-ի N 1231-Ն որոշմամբ հաստատված ՀՀ առևտրի և տնտեսական զարգացման նախարարության մտավոր սեփականության գործակալության կանոնադրության 8-րդ կետի «ա» ենթակետի համաձայն՝ գյուտի ըստ էության փորձաքննության անցկացման հետ կապված հարցերը կարգավորելու նպատակով:
Կարգում օգտագործվող հասկացությունները
ՀՀ՝ Հայաստանի Հանրապետություն
Օրենք՝ «Արտոնագրերի մասին» ՀՀ օրենքը, որն ընդունվել է ՀՀ Ազգային ժողովի կողմից 2004 թ. դեկտեմբերի 8-ին և ուժի մեջ է մտել 2005 թ. հունվարի 9-ից
Կարգ՝ ՀՀ առևտրի և տնտեսական զարգացման նախարարի 1 ապրիլի 2005 թ. «Գյուտի արտոնագիր ստանալու հայտի ձևակերպման, ներկայացման, փոխակերպման, նախնական փորձաքննության անցկացման և առարկությունների ձևակերպման, ներկայացման և քննարկման Կարգ» N 71-Ն հրամանը
Փարիզյան կոնվենցիա՝ Արդյունաբերական սեփականության պահպանության մասին Փարիզյան կոնվենցիա
ՄՍՀԿ՝ Մտավոր սեփականության համաշխարհային կազմակերպություն
ԱՀՊ՝ Արտոնագրային համագործակցության մասին պայմանագիր (PCT)
ՄԱԴ՝ Միջազգային արտոնագրային դասակարգում
Գործակալություն՝ ՀՀ առևտրի և տնտեսական զարգացման նախարարության մտավոր սեփականության գործակալություն
Հայտ` գյուտի արտոնագիր ստանալու հայտ
Կոնվենցիայով հայտ՝ հայտ, որը ներկայացված է Փարիզյան կոնվենցիայի համաձայն առաջնության խնդրանքով
Միջազգային հայտ՝ հայտ, որը ներկայացված է ԱՀՊ պայմանագրի համաձայն
Եվրասիական հայտ՝ հայտ, որը ներկայացված է Եվրասիական արտոնագրային կոնվենցիայի համաձայն
Հեղինակ՝ այն ֆիզիկական անձը, ում ստեղծագործական աշխատանքով ստեղծվել է գյուտը
Հայտատու՝ ֆիզիկական կամ իրավաբանական անձ, ում անունով խնդրարկվում է արտոնագիրը
Արտոնագրատեր՝ անձ, ում անունով տրված է գյուտի արտոնագիրը
Ներկայացուցիչ՝ անձ, որը լիազորված է Գործակալությանը ներկայացնելու հայտատուին, արտոնագրատիրոջը կամ այլ անձի
Արտոնագրային հավատարմատար՝ ներկայացուցիչ, որը ֆիզիկական անձ է և Գործակալությունում գրանցված է որպես արտոնագրային հավատարմատար
Դիմում՝ գյուտի ՀՀ արտոնագիր ստանալու մասին դիմում։
Գ Լ ՈՒ Խ 1
ԸՍՏ ԷՈՒԹՅԱՆ ՓՈՐՁԱՔՆՆՈՒԹՅԱՆ ԲՈՎԱՆԴԱԿՈՒԹՅՈՒՆԸ
1. Ըստ էության փորձաքննության անցկացման ընթացքում Գործակալությունը՝
Օրենքի 22-րդ հոդվածի համաձայն սահմանում է գյուտի առաջնության թվականը, եթե դա չի սահմանվել հայտի նախնական փորձաքննության փուլում.
ստուգում է հայտատուի կողմից ներկայացված գյուտի հավակնության սահմանումը.
լրացուցիչ նյութերը ստուգում է, եթե այդպիսի նյութեր ներկայացված են հայտատուի կողմից.
Օրենքով սահմանված արտոնագրաունակության պայմաններին գյուտի համապատասխանությունը ստուգելու նպատակով տեխնիկայի մակարդակը որոշելու համար հավակնության սահմանման մեջ բնութագրված գյուտի նկատմամբ
իրականացնում է տեղեկատվության որոնում։
Գ Լ ՈՒ Խ 2
ԸՍՏ ԷՈՒԹՅԱՆ ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ ՊԱՅՄԱՆՆԵՐԸ
2. Օրենքի 27-րդ հոդվածի համաձայն, հայտատուի կամ, եթե տրվել է նախնական արտոնագիր, արտոնագրատիրոջ դիմումի հիման վրա, որը կարող է տրվել հայտ ներկայացնելու օրվանից մինչև նախնական արտոնագրի գործողության ժամկետի 7-րդ տարին լրանալը, Գործակալությունն անցկացնում է գյուտի ըստ էության փորձաքննություն, որի ընթացքում ստուգվում է գյուտի համապատասխանությունը սույն Օրենքի 5-րդ հոդվածի 2-րդ, 3-րդ և 7-րդ մասերով սահմանված արտոնագրաունակության պայմաններին և գյուտի էությունից ելնելով՝ Օրենքի 19-րդ հոդվածի 1-ին մասով սահմանված գյուտի միասնության պահանջին:
3. Դիմումը կարող է ներկայացվել նաև նշված ժամկետի ավարտից հետո՝ 12 ամսվա ընթացքում, լրացուցիչ պետական տուրք վճարելու պայմանով։ Եթե ըստ էության փորձաքննություն անցկացնելու մասին դիմումը (այսուհետ նաև՝ դիմում) ներկայացված չէ սահմանված ժամկետում, ապա հայտը համարվում է հետ կանչված, ինչի մասին հայտատուն ծանուցվում է։
4. Դիմումի հետ մեկտեղ հայտատուն Գործակալություն է ներկայացնում գյուտի ըստ էության փորձաքննություն անցկացնելու համար սահմանված պետական տուրքի վճարումը հաստատող փաստաթուղթը: Փաստաթղթին ներկայացվող պահանջները սահմանված են Կարգի 21-22-րդ կետերում։ Պետական տուրքի վճարված չափը որոշվում է՝ ելնելով հավակնության սահմանման բոլոր անկախ կետերի քանակից կամ խնդրագրում նշված անկախ կետերի քանակից:
5. Եթե հայտատուի կողմից ներկայացվել է սահմանվածից փոքր չափով տուրքի վճարումը հաստատող փաստաթուղթ, ապա հայտատուին ծանուցագիր է ուղարկվում՝ այն ստանալու օրվանից երկամսյա ժամկետում պետական տուրքի լրավճարման կամ վճարած գումարի և անկախ կետերի քանակի համապատասխանեցումը ապահովող փոփոխություններ կատարելու անհրաժեշտության մասին,
եթե նշված համապատասխանեցմանը կարելի է հասնել այդ ճանապարհով։
Եթե նշված ժամկետում պահանջվող տեղեկությունը և(կամ) փաստաթուղթը հայտատուն չի ներկայացնում, ապա նրան կրկին անգամ ուղարկվում է նույնանման ծանուցագիր։
6. Պահանջվող տեղեկությունը և(կամ) փաստաթուղթը կրկին չներկայացնելու դեպքում, ըստ էության փորձաքննություն անցկացնելու մասին դիմումը չի բավարարվում, իսկ գործավարությունը դադարեցվում է, ինչի մասին հայտատուն ծանուցվում է։ Հայտատուն նաև ծանուցվում է այն մասին, որ նա պահպանում է սույն Կարգի 2-3-րդ կետերում նշված ժամկետներում ըստ էության փորձաքննություն անցկացնելու մասին դիմումը Գործակալություն ներկայացնելու իր իրավունքը։
7. Դիմումն ընդունվում է քննարկման, եթե գյուտի հայտը, որին վերաբերում է դիմումը, գտնվում է քննարկման փուլում, կամ հայտով տրված նախնական արտոնագիրը գտնվում է գործողության մեջ:
8. Գյուտի ըստ էության փորձաքննությունն սկսվում է հայտի նախնական փորձաքննության ավարտից անմիջապես հետո, իսկ եթե դիմումի ներկայացման պահին նախնական փորձաքննությունն ավարտված է՝ դիմումի ներկայացման օրվանից:
9. Եթե դիմումը ներկայացվել է մինչև նախնական արտոնագիր տալու մասին Գործակալության որոշման կայացումը, ապա Գործակալությունը դադարեցնում է նախնական արտոնագիր տալու գործընթացը և Օրենքի 27-րդ հոդվածի համաձայն անցկացնում է ըստ էության փորձաքննություն:
10. Եթե նախնական արտոնագիր տալու մասին որոշումն ստանալու օրվանից եռամսյա ժամկետում հայտատուն չի վճարում արտոնագիր տալու համար սահմանված չափով պետական տուրքը, սակայն ներկայացնում է ըստ էության փորձաքննություն անցկացնելու մասին դիմում՝ դրան կցելով համապատասխան պետական տուրքի վճարումը հաստատող փաստաթուղթ, ապա Գործակալությունը դադարեցնում է նախնական արտոնագիր տալու գործընթացը և Օրենքի 27-րդ հոդվածի համաձայն անցկացնում է ըստ էության փորձաքննություն:
11. Եթե գյուտի հայտը փոխակերպվում է օգտակար մոդելի հայտի, ապա դրա որպես գյուտի հայտ քննարկումը դադարեցվում է, ինչի մասին հայտատուն ծանուցվում է։
12. Եթե հայտատուից ստացվում է խնդրագիր ըստ էության փորձաքննություն անցկացնելու մասին դիմումը հետ կանչելու մասին, ապա այդ խնդրագիրը բավարարվում է՝ պայմանով, որ խնդրագիրը ստացվել է մինչև նախնական փորձաքննության սկսվելը։ Այդ դեպքում, վճարված պետական տուրքի գումարը ենթակա է վերադարձման։ Եթե նշված խնդրագիրը ներկայացվում է ըստ էության փորձաքննությունը սկսելուց հետո, ապա փորձաքննությունն ընդհատվում է, իսկ վճարված պետական տուրքի գումարը հետ չի վերադարձվում համաձայն «Պետական տուրքի մասին» ՀՀ օրենքի 38-րդ հոդվածի 1-ին մասի «է» կետի։
Գ Լ ՈՒ Խ 3
ԳՅՈՒՏԻ ԱՌԱՋՆՈՒԹՅԱՆ ԹՎԱԿԱՆԻ ՍԱՀՄԱՆՈՒՄԸ
Առաջնության սահմանումը հայտի ներկայացման թվականով
13. Եթե առաջնության թվականը չի սահմանվել հայտի նախնական փորձաքննության փուլում, ապա դա սահմանվում է ըստ էության փորձաքննության փուլում։
Օրենքի 22-րդ հոդվածի համաձայն, գյուտի առաջնությունը որոշվում է հայտը Գործակալություն ներկայացնելու թվականով։
Առաջնության սահմանումը ավելի վաղ թվականով
14. Եթե հայտատուն խնդրարկում է գյուտի առաջնության ավելի վաղ թվական, քան հայտը Գործակալություն ներկայացնելու թվականը, ապա ստուգվում է հայտատուի կողմից Օրենքի 22-րդ հոդվածի 2-6-րդ մասերով սահմանված պայմանների պահպանումը, ընդ որում, առաջնություն խնդրարկելու հիմք հանդիսացող նյութերում հայտարկված գյուտի բացահայտման պայմանի պահպանման ստուգումը կատարվում է միայն այն դեպքում, եթե առաջնության խնդրարկման իսկության ստուգումը կապված է հայտարկված գյուտի արտոնագրաունակության հաստատման հետ։
Կոնվենցիայով առաջնության սահմանումը
15. Եթե հայտատուն խնդրարկում է կոնվենցիայով առաջնություն (համաձայն Օրենքի 22-րդ հոդվածի 2-րդ մասի), ապա ստուգվում է հետևյալ պայմանների պահպանումը՝
ա) գյուտի հայտը պետք է Գործակալություն ներկայացվի առաջին հայտը Փարիզյան կոնվենցիային մասնակից որևէ պետություն ներկայացնելու թվականից 12 ամսվա ընթացքում.
բ) Կոնվենցիայով առաջնության իրավունքից օգտվելու ցանկության մասին հայտատուն պարտավոր է նշել հայտը ներկայացնելիս կամ հայտը ներկայացնելու օրվանից 2 ամսվա ընթացքում` կցելով Փարիզյան կոնվենցիային մասնակից որևէ պետություն ներկայացված առաջին հայտի վավերացված պատճենը, կամ այդ պատճենը ներկայացնել Գործակալություն ներկայացնելու օրվանից 3 ամսվա ընթացքում։
16. Եթե առաջին հայտերը մի քանիսն են, ապա ստուգումը կատարվում է դրանցից յուրաքանչյուրի նկատմամբ առանձին։
Առաջնության սահմանումը ավելի վաղ ներկայացված հայտով լրացուցիչ նյութերի ստացման թվականով
17. Օրենքի 22-րդ հոդվածի 3-րդ մասի համաձայն, գյուտի առաջնությունը կարող է որոշվել լրացուցիչ նյութերի ստացման թվականով։
18. Լրացուցիչ նյութերի ստացման թվականով առաջնություն խնդրարկելու դեպքում ստուգվում է՝
ա) լրացուցիչ նյութերով ձևակերպված նոր հայտը 3 ամսվա ընթացքում ներկայացնելու ժամկետի պահպանումը, որը հաշվարկվում է սկսած այն ծանուցագրի ներկայացման օրվանից, որով հայտատուն տեղեկացվել է, որ սկզբնական հայտի նյութերում նկարագրված տեխնիկական լուծման էությունը փոփոխելու պատճառով լրացուցիչ նյութերը հաշվի չեն առնվելու.
բ) հայտարկված գյուտի էության բացահայտված լինելը լրացուցիչ նյութերում, որոնց ներկայացման թվականով խնդրարկվում է առաջնությունը (հաշվի առնելով նաև այն սկզբնական հայտի բովանդակությունը, որով ներկայացվել են լրացուցիչ նյութերը).
գ) նոր հայտի ներկայացման թվականի դրությամբ սկզբնական հայտը հետ կանչված չհամարվելու կամ հետ կանչված չլինելու փաստը։
Առաջնության սահմանումը նույն հայտատուի՝ ավելի վաղ ներկայացված հայտի ներկայացման թվականով
19. Օրենքի 22-րդ հոդվածի 4-րդ մասի համաձայն, գյուտի առաջնությունը կարող է որոշվել նույն գյուտի էությունը բացահայտող նույն հայտատուի ավելի վաղ ներկայացված հայտի ներկայացման թվականով։
20. Նույն հայտատուի՝ ավելի վաղ ներկայացված նույն գյուտի էությունը բացահայտող հայտի ներկայացման թվականով առաջնություն խնդրարկելու դեպքում ստուգվում է՝
ա) Գործակալություն ավելի վաղ ներկայացված հայտի ներկայացման օրվանից 12 ամսվա ընթացքում գյուտի հայտը ներկայացնելու ժամկետի պահպանումը.
բ) հայտը նույն հայտատուի կողմից ներկայացվելը.
գ) ավելի վաղ ներկայացված գյուտի հայտում հայտարկվող գյուտի բացահայտված լինելը.
դ) ավելի վաղ ներկայացված հայտի հետ կանչված չլինելը այն հայտի ներկայացման թվականի դրությամբ, որով խնդրարկվում է այդպիսի առաջնություն:
21. Օրենքի 22-րդ հոդվածի 5-րդ մասի համաձայն, գյուտի առաջնությունը կարող է որոշվել ավելի վաղ ներկայացված մի քանի հայտի հիման վրա, որոնցից յուրաքանչյուրի նկատմամբ պետք է պահպանվեն սույն Կարգի 385-րդ կետում նշված բոլոր պահանջները:
22. Օրենքի 22-րդ հոդվածի 6-րդ մասի համաձայն, հայտի առաջնությունը չի կարող որոշվել այն հայտի ներկայացման թվականով, որով արդեն պահանջվել է ավելի վաղ առաջնություն:
23. Ավելի վաղ ներկայացված հայտի ներկայացման թվականով առաջնություն խնդրարկելու դեպքում ավելի վաղ ներկայացված հայտը (կամ հայտերը) համարվում է (են) հետ կանչված, ինչի մասին հայտատուն ծանուցվում է:
Զատված հայտով ներկայացված գյուտի առաջնության սահմանումը
24. Օրենքի 22-րդ հոդվածի 7-րդ մասի համաձայն, զատված (սկզբնական հայտից առանձնացված) հայտով ներկայացված գյուտի առաջնությունը որոշվում է սկզբնական հայտի ստացման թվականով՝ հայտատուի կողմից հետևյալ պայմանների պահպանման դեպքում՝
ա) զատված հայտը պետք է ներկայացվի Գործակալություն՝ մինչև սկզբնական հայտով արտոնագիր տալը մերժելու մասին որոշման ընդունումը, որի վիճարկման հնարավորություններն ամբողջովին սպառված են, կամ մինչև գյուտի պետական գրանցումը, եթե արտոնագիր տալու մասին որոշում է կայացվել.
բ) զատված հայտ ներկայացնելու օրվա դրությամբ սկզբնական հայտը հետ կանչված չէ կամ հետ կանչված ճանաչված չէ. գ) զատված հայտով հայտարկված գյուտը պետք է բացահայտված լինի սկզբնական հայտում կամ առաջին հայտում, եթե այն զատված է կոնվենցիայով հայտից և առաջնությունը խնդրարկվում է այդ հայտի առաջնության թվականով:
25. Այն դեպքում, երբ հայտը զատված է կոնվենցիայով հայտից, գյուտի առաջնությունը որոշվում է կոնվենցիայով հայտի առաջնության, այլ ոչ թե Գործակալություն ներկայացնելու թվականով:
Մի քանի առաջնությունների սահմանումը
26. Եթե հայտատուն Գործակալություն ներկայացված մեկ հայտով խնդրարկում է մի քանի առաջնություն, ապա այդպիսի առաջնություններից յուրաքանչյուրի համար ստուգվում է Կարգի 388-396-րդ կետերում նշված համապատասխան պահանջների պահպանումը:
Մասնավորապես՝ եթե գյուտի հավակնության սահմանման անկախ կետերից մեկում նկարագրված գյուտով խնդրարկվում է առաջնություն նույն հայտատուի՝ ավելի վաղ ներկայացրած հայտի ներկայացման թվականով, իսկ այլ անկախ կետում նկարագրված գյուտով խնդրարկվում է առաջնություն այդ հայտով լրացուցիչ նյութերի ստացման թվականով, ապա նշված գյուտերից յուրաքանչյուրի համար համապատասխանաբար պետք է պահպանվեն Կարգի 390-394-րդ և 388-389-րդ կետերում նշված պայմանները։
27. Մեկից ավելի առաջնություն սահմանվում է նաև այն դեպքում, երբ հայտարկված է գյուտերի խումբ, որի մեջ մտնող գյուտերը նկարագրված են ներկայացված հայտին նախորդող մի քանի հայտերում:
28. Մի քանի առաջնություն սահմանվում է նաև այն դեպքում, երբ գյուտը բնութագրված է այլընտրանքի տեսքի հատկանիշով(ներով) (օրինակ՝ Մարկուշի բանաձևը), ինչպես նաև որևէ մեծության արժեքների միջակայքի տեսքով:
29. Գյուտերի խմբի յուրաքանչյուր գյուտի կամ այն գյուտի առաջնությունը, որը բնութագրված է ներկայացված այլընտրանքներից որևէ մեկով կամ ներկայացված միջակայքի որևէ արժեքով (կամ արժեքների տիրույթով), կարող է սահմանվել դրան նախորդող հայտի ներկայացման թվականով, որում դա նկարագրված է:
30. Մասնակի առաջնություն կարող է սահմանվել այն դեպքում, երբ գյուտերից մի քանիսը նկարագրված են նախորդող հայտում(երում), իսկ մնացածը՝ առաջին անգամ նոր հայտում: Այս դեպքում ավելի վաղ առաջնություն սահմանվում է միայն այն գյուտերի համար, որոնք նկարագրված են նախորդող հայտում(երում):
31. Եթե հավակնության սահմանման անկախ և կախյալ կետերում բնութագրված գյուտերի համար ներկայացման տարբեր թվականներ ունեցող երկու առաջին հայտերի հիման վրա խնդրարկվում են տարբեր կոնվենցիայով առաջնություններ, ստուգվում է երկու առաջին հայտերի վավերացված պատճենների առկայությունը և այդ հայտերի ներկայացման թվականի նկատմամբ 12-ամսյա ժամկետի պահպանումը:
32. Անկախ և կախյալ կետերում բնութագրված յուրաքանչյուր գյուտի բացահայտումը ստուգվում է այն առաջին գյուտի նկատմամբ, որի ներկայացման թվականով խնդրարկվում է նոր հայտով ներկայացված գյուտի առաջնությունը:
Գյուտի առաջնության թվականի սահմանման լրացուցիչ պայմանների ստուգումը
33. Կարգի 384-404-րդ կետերին համապատասխան առաջնության սահմանման պայմանների պահպանումն ստուգելիս պետք է համոզվել, որ Գործակալություն ներկայացված հայտը, որի հիման վրա խնդրարկվում է առաջնություն, կամ որի համար ներկայացված են այդպիսի խնդրագրի հիմք հանդիսացող լրացուցիչ նյութեր, հետ կանչված չէ կամ չի համարվում այդպիսին:
34. Խնդրարկվող առաջնության սահմանման պայման հանդիսացող ժամկետների՝ հայտատուի կողմից պահպանումն ստուգելու ընթացքում պետք է ղեկավարվել Կարգի 309-րդ կետով:
Խնդրարկվող առաջնության հիմք հանդիսացող ավելի վաղ ներկայացված նյութերում (հայտում, լրացուցիչ նյութերում) հայտարկված գյուտի բացահայտման պահանջի պահպանումը հաստատելու համար ստուգվում է՝
ա) նշվա՞ծ են, արդյոք, այդ նյութերում հայտարկված գյուտի հավակնության սահմանման բոլոր հատկանիշները, և արդյո՞ք դրանք միայն գովազդային բնույթ չեն կրում.
բ) արդյո՞ք գյուտն այդ նյութերում բացահայտված է իրագործման համար բավարար լրիվությամբ: Կոնվենցիայով առաջնության խնդրարկման դեպքում տվյալ պայմանն ստուգելիս հայտատուին կարող է առաջարկվել ներկայացնել առաջին հայտի թարգմանությունը:
35. Եթե առաջնության ստուգման ընթացքում ի հայտ եկած հարցերը չեն խոչընդոտում հայտի նախնական փորձաքննության անցկացմանը, ապա դրանք պարզվում են հայտի քննարկման հետ կապված այլ հարցերի հետ մեկտեղ:
36. Եթե հայտատուն պահպանել է Կարգի 384-404-րդ կետերում նշված բոլոր պահանջները, ապա հայտարկված գյուտի համար սահմանվում է խնդրարկված առաջնությունը:
37. Այն դեպքում, երբ գյուտի առաջնությունը խնդրարկվում է կոնվենցիայով հայտից զատված հայտով ըստ Կարգի 395-396-րդ կետերի պահանջների, գյուտի առաջնությունը սահմանվում է կոնվենցիայով հայտի առաջնության, այլ ոչ թե Գործակալություն ներկայացնելու թվականով:
38. Եթե հայտատուի կողմից պահպանված չէ Կարգի 384-404-րդ կետերում նշված պահանջներից առնվազն մեկը, ապա Կարգի 395-396-րդ կետերին համապատասխան գյուտի առաջնությունը սահմանվում է հայտը Գործակալություն ներկայացնելու թվականով, ինչի մասին հայտատուն նախապես ծանուցվում է: Եթե նշված պահանջները չեն պահպանված որևէ գյուտի նկատմամբ, որը, օրինակ, բնութագրված է բազմօղակ հավակնության սահմանման կետերից որևէ մեկում, ապա միայն այս գյուտի առաջնությունն է սահմանվում հայտը Գործակալություն ներկայացնելու թվականով:
39. Այն դեպքում, երբ առաջնության թվականը սահմանելուց հետո հայտատուն ներկայացնում է փոփոխված հավակնության սահմանում, կատարվում է խնդրարկված առաջնության սահմանման հիմքերի կրկնակի ստուգում:
40. Օրենքի 22-րդ հոդվածի 8-րդ մասի համաձայն, եթե փորձաքննության ընթացքում պարզվում է, որ նույնական գյուտերն ունեն առաջնության միևնույն թվականը, ապա արտոնագիրը կարող է տրվել այն հայտով, որն ունի Գործակալություն ուղղված ավելի վաղ առաքման թվականի ապացույց: Այդ թվականները համընկնելու դեպքում հայտատուների համաձայնությամբ նրանց տրվում է մեկ արտոնագիր:
Գ Լ ՈՒ Խ 4
ԳՅՈՒՏԻ ՀԱՎԱԿՆՈՒԹՅԱՆ ՍԱՀՄԱՆՄԱՆ ՍՏՈՒԳՈՒՄԸ
Գյուտի միասնության պահանջի պահպանման ստուգումը
41. Համաձայն Օրենքի 23-րդ հոդվածի 5-րդ և 6-րդ մասերի, եթե գյուտի հայտի ըստ էության փորձաքննության ընթացքում պարզվել է, որ հայտը ներկայացվել է միասնության պահանջի խախտմամբ, ապա հայտատուին առաջարկվում է երկամսյա ժամկետում հայտնել, թե գյուտերից որը պետք է քննարկվի, և անհրաժեշտ ճշգրտումներ կատարել հայտի փաստաթղթերում:
Միասնության պահանջի խախտման մասին ծանուցագիրը նշված երկամսյա ժամկետում հայտատուի կողմից անպատասխան թողնելու դեպքում քննարկվում է այն գյուտը, որը հավակնության սահմանման մեջ բերված է առաջինը: Այս դեպքում հայտատուին ուղարկվում է հարցում՝ այն ստանալու օրվանից երկամսյա ժամկետում հայտի փաստաթղթերում ճշգրտումներ կատարելու առաջարկությամբ։
42. Գյուտի հավակնության սահմանման ստուգումն անցկացվում է հայտարկված գյուտի հավակնության սահմանման մեջ էական հատկանիշների առկայության նկատմամբ, որոնց համախմբությունը բավարար է հայտատուի կողմից նշված տեխնիկական արդյունքն ստանալու համար:
43. Եթե որոշվում է, որ գյուտի հավակնության սահմանման անկախ կետում բացակայում է հատկանիշ, որը փորձաքննության կարծիքով համարվում է էական հատկանիշ, այսինքն՝ առանց այդ հատկանիշի տեխնիկական արդյունքը չի ապահովվում, սակայն այդ հատկանիշը առկա է նկարագրության մեջ կամ հավակնության սահմանման կախյալ կետում, ապա հայտատուին առաջարկվում է այդ հատկանիշը ներառել հավակնության սահմանման անկախ կետում։ Ընդ որում, բերվում են փաստարկներ, որոնք ապացուցում են տեխնիկական արդյունքի ստացման համար դրա անհրաժեշտությունը: Այդ փաստարկները կարող են հիմնվել հատկանիշների և տեխնիկական արդյունքի միջև պատճառահետևանքային կապի վրա կամ փորձաքննության կողմից կատարված հայտարկված գյուտի տեսական վերլուծության վրա։
44. Այն դեպքում, երբ որոշվում է, որ հայտատուի կողմից բերված հավակնության սահմանման անկախ կետը ներառում է ոչ էական հատկանիշներ կամ հատկանիշներ, որոնք բնութագրում են հայտարկված գյուտի իրագործման կամ օգտագործման մասնավոր ձևերը, հայտատուին կարող է առաջարկվել քննարկել այդպիսի խմբագրությամբ հավակնության սահմանման պահպանման նպատակահարմարության հարցը։
45. Կարգի 144-րդ կետի համաձայն ստուգվում է նաև՝ արդյո՞ք գյուտի հատկանիշները արտահայտվում են գյուտի հավակնության սահմանման մեջ այնպես, որ հիմնվելով տեխնիկայի մակարդակի վրա, մասնագետը հասկանա դրանց իմաստային բովանդակությունը:
46. Եթե պարզվում է, որ հատկանիշի իմաստային բովանդակության բացահայտման համար անհրաժեշտ է գյուտի նկարագրության հիման վրա ճշգրտել դրա բնութագրումը, ապա հայտատուին առաջարկվում է ճշգրտել այն:
47. Եթե հատկանիշի իմաստային բովանդակության բացահայտման պահանջը պահպանված է, բայց դրա բնութագրման համար օգտագործված են տերմինններ, որոնք հնացած են կամ տեխնիկայի կոնկրետ բնագավառում ընդունված չեն, հայտատուին կարելի է առաջարկել համապատասխան ճշգրտում մտցնել գյուտի հավակնության սահմանման մեջ:
48. Եթե պարզվում է, որ հատկանիշը բնութագրված է այնպիսի հասկացություններով, որոնք չեն ապահովում դրա իմաստային բովանդակության բացահայտման պահանջը և հայտատուն հրաժարվում է ճշգրտել գյուտի հավակնության սահմանումը, ապա հայտի հետագա քննարկման ընթացքում այդպիսի հասկացությունները հաշվի չեն առնվում:
49. Գյուտի հավակնության սահմանման ստուգումը ներառում է նաև դրա համապատասխանեցումը Կարգի 141-149-րդ կետերի պահանջներին՝ արդյո՞ք գյուտի նկարագրությունը պարունակում է գյուտը բնութագրող հասկացություններ:
50. Եթե բացահայտվում են այնպիսի հասկացություններ, որոնք հայտատուն օգտագործում է հավակնության սահմանման հատկանիշների բնութագրման համար, բայց դրանք բացակայում են գյուտի նկարագրության մեջ, ապա հայտատուն ծանուցվում է, որ ներկայացված հավակնության սահմանումը հիմնված չէ նկարագրության վրա, և առաջարկվում է ներգրավել այդ հասկացությունները նկարագրության մեջ (եթե հայտատուն կարևորում է դրանց պահպանումը հավակնության սահմանման մեջ), կամ այդ հասկացությունները հանել վերջինից:
51. Գյուտի հավակնության սահմանման ստուգումը ներառում է նաև հավակնության սահմանման մեջ այնպիսի հատկանիշների բացահայտում, որոնք անհրաժեշտ են միայն ոչ տեխնիկական համարվող արդյունքի ստացման համար, կամ այն արդյունքի համար, որը չի կարող վերաբերել գյուտը կիրառող միջոցին (այն գյուտի համար, որը նկարագրված է էլեկտրոնային հաշվողական մեքենաների ծրագրի կամ այդ ծրագրում օգտագործվող ալգորիթմի հատկանիշներով)՝ հաշվի առնելով Կարգի 82-րդ կետի պահանջները։
52. Եթե գյուտի հավակնության սահմանման մեջ առկա են այնպիսի հատկանիշներ, որոնք անհրաժեշտ են միայն ոչ տեխնիկական համարվող արդյունքի ստացման համար, կամ այն արդյունքի համար, որը չի կարող վերաբերել գյուտը կիրառող միջոցին, ապա հայտատուին առաջարկվում է ճշգրտել հավակնության սահմանումը՝ բացառելով դրանից այդ հատկանիշները։
53. Հայտատուին անհրաժեշտ է ուշադրություն դարձնել այն հանգամանքին, որ սարքի վրա, որը կարող է հանդիսանալ որպես գյուտի առարկա կամ օգտագործվել եղանակին վերաբերող գյուտում, կարող են լինել բառային, պատկերային կամ համակցված նշումներ։ Հայտատուն նաև ծանուցվում է այդ նշումների և ապրանքային նշանների՝ ընդհուպ մինչև շփոթելու աստիճան համընկնման հնարավորության մասին։ Դա կարող է հանգեցնել, գյուտի օգտագործման դեպքում, արտոնագրատիրոջ և ապրանքային նշանի (սպասարկման նշանի) սեփականատիրոջ իրավունքների բախմանը կամ գրանցված ապրանքի ծագման տեղանվան հակաօրինական օգտագործմանը։
54. Հավակնության սահմանման համապատասխանությունը Կարգի 142-րդ կետի պահանջներին ստուգելիս որոշվում է՝ օգտագործվե՞լ են արդյոք հավակնության սահմանման մեջ ներառվող հատկանիշների բնութագրման համար նկարագրությունում առկա հասկացությունները։
Եթե հավակնության սահմանումը ներառում է հասկացություններ, որոնք բացակայում են դրանց բառացի ձևակերպմամբ նկարագրության մեջ, ապա որոշվում է՝ արդյո՞ք բացահայտված է նկարագրության մեջ այդպիսի հասկացությունների բովանդակությունը։
55. Ստուգվում է նաև հավակնության սահմանման հատկանիշները բնութագրելու համար հայտատուի կողմից ընդհանրացման աստիճանի կիրառման իրավասությունը։ Մասնավորապես, եթե հատկանիշը բնութագրված է ֆունկցիայի, հատկության մակարդակով, ապա ստուգվում է նկարագրության մեջ այն տեղեկությունների առկայությունը, որոնք ապացուցում են հավակնության սահմանման անկախ կետի մեջ ներառված այլ հատկանիշների համախմբությամբ այդպիսի ձևով նկարագրված հատկանիշի բավարարությունը՝ հայտատուի կողմից նշված տեխնիկական արդյունքը ստանալու համար։
56. Եթե հայտատուի կողմից նշված տեխնիկական արդյունքը ստանալու հնարավորության մասին կարող են բերվել միայն փորձարարական տվյալներ, ապա պետք է ստուգել գյուտի նկարագրության մեջ գյուտի իրագործելիությունը հաստատող համապատասխան տվյալներով օրինակների առկայությունը, ինչպես նաև դրանց բավարար լինելը եզրակացնելու, որ այդպիսի տեխնիկական արդյունքը հնարավոր է ստանալ ոչ միայն բերված օրինակների մասնավոր դեպքերում, և որ հայտատուն իրավասու է օգտագործել ընդհանրացման աստիճանը գյուտի հատկանիշների բնութագրման դեպքում։
57. Եթե որոշվում է, որ հավակնության սահմանումը չի կարող համարվել լրիվությամբ հիմնված նկարագրության վրա, հայտատուն ծանուցվում է դրա մասին և նրան առաջարկվում է կատարել հավակնության սահմանման և(կամ) նկարագրության մեջ համապատասխան ճշգրտում։
58. Եթե հայտում բերված է միօղակ կամ մեկ անկախ կետով բազմօղակ հավակնության սահմանում, ստուգումը կատարվում է Կարգի 152-159-րդ և 596-րդ կետերի պահանջների համաձայն: Եթե պարզվում է, որ խախտված են նշված պահանջները, ապա հայտատուին ուղարկվում է հարցում այդ խախտումները վերացնելու և հավակնության սահմանումը ճշգրտելու առաջարկությամբ: Ընդ որում, հայտատուն ծանուցվում է նաև ճշգրտված հավակնության սահմանման մեջ միասնության պահանջը չխախտելու անհրաժեշտության մասին, ինչպես նաև հավակնության սահմանման ճշգրտումից հրաժարվելու դեպքում՝ քննարկման ենթակա գյուտը նշելու անհրաժեշտության մասին:
59. Եթե հատկանիշը բնութագրելու համար հայտատուն չի պահպանում այլընտրանքային հասկացությունների կիրառման պայմանները, ապա նա ծանուցվում է կատարված խախտման բնույթի մասին՝ նշելով կոնկրետ այլընտրանքային բնութագրեր (բոլորը, կամ հայտատուի կողմից բերվածներից մի քանիսը), որոնց նկատմամբ բացահայտված է այդ խախտումը:
60. Եթե քիմիական միացություններին վերաբերող գյուտերում օգտագործված է Մարկուշի բանաձևը, ապա պետք է հաշվի առնել՝ արդյո՞ք գյուտի հավակնության սահմանման մեջ թվարկված միացություններն ունեն ընդհանուր հատկություններ, կամ արդյո՞ք այդ միացություններն ունեն ընդհանուր էական կառուցվածքային տարր, որը տեխնիկայի նախորդ մակարդակի նկատմամբ կազմում է դրանց տարբերիչ բնութագիրը:
61. Եթե հայտատուի կողմից առաջարկված է մի քանի անկախ կետ ունեցող բազմօղակ հավակնության սահմանում, ապա փորձաքննությունը վերլուծում է յուրաքանչյուր անկախ կետ (և դրա կախյալ կետերը) և որոշում՝ արդյո՞ք հավակնության սահմանման մեջ ընդգրկված գյուտերը ներկայացնում են միասնական գյուտարարական մտահղացում կազմող գյուտերի խումբ, անկախ այդ գյուտերն առանձին կետերում կամ մեկ կետում այլընտրանքի ձևով ներկայացված լինելու հանգամանքից: Գյուտի միասնությունը առկա է միայն այն դեպքում, երբ հայտարկված գյուտերի միջև կա տեխնիկական փոխադարձ կապ, որը ներառում է մեկ կամ մի քանի միանման կամ համապատասխան «հատուկ տեխնիկական հատկանիշներ», այսինքն՝ այնպիսի հատկանիշներ, որոնք որոշում են տեխնիկայի մակարդակի մեջ գյուտերից յուրաքանչյուրի ներդրումը:
62. Եթե ստուգվում է անկախ կետերում բնութագրված գյուտերի տարբերակներին վերաբերելու ճշտությունը, անհրաժեշտ է համոզվել, որ տարբերակների՝ հայտատուի կողմից նշված նշանակությունները և տեխնիկական արդյունքները համընկնում են:
63. Տեխնիկական արդյունքների համընկնելու պայմանը խախտված չի համարվում, եթե խմբի գյուտերից յուրաքանչյուրի համար նշված է մի քանի տեխնիկական արդյունք, որոնցից համընկնող է միայն մի մասը:
64. Տեխնիկական արդյունքների համընկնելու պայմանը խախտված չի համարվում նաև այն դեպքում, երբ բոլոր գյուտերի տեխնիկական ընդհանուր արդյունքի բնութագրումից բացի, որևէ մեկի ձևակերպումը լրացուցիչ ներառում է ինչ-որ հատուկ առանձնահատկություն, օրինակ՝ «շփման նվազեցում», «շփման նվազեցում բարձր խոնավության պայմաններում»:
65. Գյուտի հավակնության սահմանման ստուգման ընթացքում պետք է ուշադրություն դարձնել հետևյալ հանգամանքներին՝
ա) արդյո՞ք գյուտի անվանումը համապատասխանում է գյուտը բնութագրող հատկանիշներին: Օրինակ՝ եթե հայտարկված է «Եղանակ», ապա ստուգվում է եղանակը բնութագրող հատկանիշների համախմբության առկայությունը հավակնության սահմանման մեջ.
բ) արդյո՞ք լրացուցիչ կետերի բովանդակությունը համապատասխանում է դրանց ներկայացվող պահանջներին, այսինքն՝ արդյո՞ք այդ կետերում ներկայացված տեղեկատվությունը հանդիսանում է անկախ կետում բերված հատկանիշների համախմբության ճշգրտում կամ զարգացում, թե՞ այդ հատկանիշները բնութագրում են գյուտի այլ առարկա.
գ) արդյո՞ք գյուտի հավակնության սահմանման անկախ կետը չի պարունակում տարբեր տեսակի գյուտերի նկարագրություն, հաշվի առնելով, որ դրանք պետք է շարադրվեն տարբեր անկախ կետերում.
դ) արդյո՞ք այս կամ այն հատկանիշի իրագործման տարբեր ձևերի ներառումը գյուտի հավակնության սահմանման միևնույն կետում հիմնավորված է.
ե) արդյո՞ք ֆունկցիոնալ կախում ունեցող հատկանիշների տարբեր խմբերը հանդիսանում են այլընտրանքներ, այսինքն՝ խմբեր, որոնք նկարագրում են օբյեկտի կոնկրետ բնութագիրը և իրականացնում միանման ֆունկցիա, օրինակ՝ եթե նկարագրվում է եղանակ, որը նախատեսում է միանման ֆունկցիայի իրականացումը A և B փոխկապակցված պարամետրերի զույգերով, որոնք կարող են ընդունել A1, B1, A2, B2 և այլ նշանակություններ: Այդ զույգերը կարող են հանդիսանալ որպես այլընտրանքներ: Հակառակ դեպքում՝ հայտատուն կարող է ծանուցվել այն մասին, որ տվյալ առաջարկությունը կարող է ներկայացվել հավակնության սահմանման մի քանի անկախ կետերում բնութագրված գյուտերի խմբով, որոնցից յուրաքանչյուրը պարունակում է այդ պարամետրերի համակցություններից մեկը.
զ) նամակագրության ընթացքում հայտատուի կողմից ներկայացված հավակնության սահմանման ստուգմամբ պարզվում է՝ արդյո՞ք այդ հավակնության սահմանումը չի պարունակում նոր անկախ կետ, որը չի վերաբերում հայտարկված գյուտին: Օրինակ՝ եթե հայտի սկզբնական նյութերում գյուտի առարկա է «Սարքը», լրացուցիչ նյութերը չպետք է պարունակեն «Եղանակ» անկախ կետով գյուտի հավակնության սահմանում, եթե անգամ չի խախտվել միասնության պահանջը:
66. Հայտատուի կողմից ներկայացված հավակնության սահմանման տարբեր կառուցվածքների դեպքում փորձաքննությունն անցկացվում է հետևյալ կերպ՝
ա) եթե ներկայացված հայտում գյուտի հավակնության սահմանումը կազմված է առանց անկախ կետի սահմանափակիչ և տարբերիչ մասերի սահմանազատման, իսկ տեղեկատվության որոնման արդյունքում չեն հայտնաբերվել նմանակներ (ապրիորի սահմանվում է, որ գյուտը համապատասխանում է արդյունաբերական կիրառելիության չափանիշին), ապա որոշում է կայացվում հայտատուի կողմից առաջարկված հավակնության սահմանումով արտոնագիր տալու մասին.
բ) եթե ներկայացված հայտում գյուտի հավակնության սահմանումը կազմված է առանց անկախ կետի սահմանափակիչ և տարբերիչ մասերի սահմանազատման, իսկ տեղեկատվության որոնման արդյունքում հայտնաբերվել են նորությունը և(կամ) գյուտարարական մակարդակը չխախտող նմանակներ, որոնք հաշվի առնելու դեպքում հավակնության սահմանումը կարող է կազմվել անկախ կետի սահմանափակիչ և տարբերիչ մասերի սահմանազատմամբ, ինչի մասին հայտատուն ծանուցվում է։ Հայտատուի անհամաձայնության դեպքում որոշում է կայացվում հայտատուի կողմից առաջարկված հավակնության սահմանումով արտոնագիր տալու մասին, իսկ հայտնաբերված նմանակները նշվեն նկարագրությունում.
գ) եթե ներկայացված հայտում գյուտի հավակնության սահմանումը կազմված է առանց անկախ կետի սահմանափակիչ և տարբերիչ մասերի սահմանազատման, իսկ տեղեկատվության որոնման արդյունքում հայտնաբերվել են նորությունը և(կամ) գյուտարարական մակարդակը չխախտող նմանակներ, բայց հարցում ուղարկելու համար առկա են այլ բավարար հիմքեր, անհրաժեշտ է այդ փաստարկների հետ մեկտեղ հայտատուին ծանուցել հավակնության սահմանման
ճշգրտման հնարավորության (բայց ոչ պահանջի) մասին (եթե նկարագրության «Տեխնիկայի մակարդակը» բաժնում բացակայում են նմանակների մասին տեղեկություններ, բայց դրանց մասին տեղեկատվությունը առկա է հայտնաբերված աղբյուրներում): Եթե հայտատուն, ըստ էության պատասխանելով հարցմանը և չցանկանալով փոփոխել գյուտի հավակնության սահմանումը, կազմում է այն՝ անկախ կետը սահմանազատելով սահմանափակիչ և տարբերիչ մասերի, ապա որոշում է կայացվում հայտատուի կողմից առաջարկված հավակնության սահմանումով արտոնագիր տալու մասին.
դ) եթե ներկայացված հայտում գյուտի հավակնության սահմանումը կազմված է առանց անկախ կետի սահմանափակիչ և տարբերիչ մասերի սահմանազատման, իսկ տեղեկատվության որոնման արդյունքում հայտնաբերվել են նորությունը և(կամ) գյուտարարական մակարդակը չխախտող և ավելի մոտ նմանակների մասին տեղեկություններ (հայտատուի կողմից ընտրված նմանակների համեմատությամբ) պարունակող տեղեկատվության աղբյուրներ, իսկ փորձաքննությունը հարցում ուղարկելու համար ունի այլ բավարար հիմքեր, ապա անրաժեշտ է այդ փաստարկների հետ մեկտեղ հայտատուին ծանուցել որոնման արդյունքում հայտնաբերված ամենամոտ նմանակների և հավակնության սահմանման ճշգրտման նպատակահարմարության (բայց ոչ պահանջի) մասին: Եթե հայտատուն, ըստ էության պատասխանելով, չցանկանա փոփոխել հավակնության սահմանումը, ապա որոշում է կայացվում հայտատուի կողմից առաջարկված հավակնության սահմանումով արտոնագիր տալու մասին (եթե չկան այլ խախտումներ):
67. Արտոնագրով ընձեռված գյուտի իրավական պահպանության ծավալը որոշվում է դրա հավակնության սահմանումով, անկախ նրանից՝ սահմանազատվա՞ծ է անկախ կետը սահմանափակիչ և տարբերիչ մասերի, թե ոչ:
68. Գյուտի հայտը պետք է վերաբերի մեկ գյուտի կամ գյուտերի խմբի, որոնք կապված են միասնական գյուտարարական մտահղացմամբ:
69. Գյուտի միասնության պահանջի պահպանման ստուգումը ներառում է հայտարկված գյուտերի միջև տեխնիկական փոխկապվածության պարզումը, որն արտահայտվում է ընդհանուր տեխնիկական հատկանիշներով (հատկանիշների համախմբությամբ), որոնք որոշում են գյուտերից յուրաքանչյուրի ավանդը տեխնիկայի մակարդակի մեջ:
70. Վերը նշված տեխնիկական փոխկապվածությունը ոչ միշտ է ակնհայտորեն բխում հավակնության սահմանումից: Սովորաբար դա ի հայտ է գալիս հավակնության սահմանման մեջ չհիշատակված տեխնիկական արդյունքի կամ հատկության քննարկման ժամանակ:
71. Գյուտի տեխնիկական խնդրի որոշումը գյուտի միասնության պահանջի պահպանման ստուգման պարտադիր պայմանն է, այսինքն, անհրաժեշտ է որոշել՝ արդյո՞ք տեխնիկական խնդրի հայտարկված լուծումը ներկայացնում է միասնական գյուտարարական մտահղացում, թե ոչ:
72. Համապատասխան վերլուծությունն անցկացվում է հավակնության սահմանման հիման վրա, հաշվի առնելով նկարագրությունը և գծագրերը, եթե այդպիսիք կան:
73. Գյուտի միասնության պահանջի պահպանման ստուգումը ներառում է հետևյալ փուլերը՝
ա) առաջին (առաջինը հիշատակված հավակնության սահմանման մեջ) գյուտի առարկայի համեմատումը գյուտի առարկային վերաբերող հայտնի տեղեկատվության աղբյուրի հետ՝ այն տեխնիկական հատկանիշները որոշելու նպատակով, որոնք սահմանում են այդ գյուտի ավանդը քննարկվող տեխնիկայի մակարդակում ամբողջությամբ.
բ) առաջին գյուտի տեխնիկական հատկանիշների (որոնք սահմանված են առաջին փուլում) համեմատումը երկրորդ գյուտի առարկայի հետ և մեկ կամ մի քանի նույնանման կամ համապատասխան երկու գյուտերի միջև տեխնիկական փոխկապվածություն ապահովող տեխնիկական հատկանիշների առկայության կամ բացակայության որոշումը.
գ) եթե առկա է տեխնիկական փոխկապվածությունը, արձանագրվում է միասնական գյուտարարական մտահղացման առկայությունը, հակառակ եպքում՝ միասնական մտահղացումը բացակայում է:
74. Պարզ դեպքերում «համապատասխան տեխնիկական հատկանիշներ» տերմինը վերաբերում է նաև այլընտրանքային հատկանիշներին, որոնք կարող են փոխարինել մեկը մյուսին: Օրինակ՝ համապատասխանությունն առկա է, եթե հավակնության սահմանման մեկ կետում առաձգականություն ապահովող տեխնիկական հատկանիշը կարող է լինել մետաղե զսպանակ, իսկ մեկ այլ կետում՝ կաուչուկից կամ այլ նյութից պատրաստված տարր:
Որոշ դեպքերում, սակայն, «համապատասխան» տերմինը կարող է օգտագործվել «լրացուցիչ», «օժանդակող», «հատուկ հարմարեցված» և այլ իմաստներով:
75. Տարբերակների դեպքում տեխնիկական արդյունքին պետք է հասնել միևնույն ձևով գյուտերի խմբի յուրաքանչյուր գյուտով:
76. Միասնության պահանջին գյուտի համապատասխանության գնահատումը կախված չէ նրանից, թե խումբ կազմող գյուտերը ներկայացված են տարբեր կետերում, կամ մեկ կետում՝ որպես այլընտրանք:
77. Գյուտի կետերի շարադրման հաջորդականությունը չի կարող ազդել միասնության պահանջի խախտման փաստի որոշման վրա:
78. Գյուտի հայտը մեկ դասի վերաբերելու փաստը միասնության պահանջին համապատասխանության մասին չի վկայում:
Միջանկյալ եվ վերջնական արգասիքները
79. «Միջանկյալ» տերմինը նշանակում է միջանկյալ կամ սկզբնական արգասիք: Դրանք են՝ արգասիքներ, որոնց հատկությունները հնարավորություն են տալիս օգտագործել դրանք վերջնական արգասիքների արտադրությունում՝ ֆիզիկական և(կամ) քիմիական կերպափոխությունների միջոցով:
80. Գյուտի միասնությունը համարվում է չխախտված, եթե՝
ա) միջանկյալ և վերջնական արգասիքներն ունեն միևնույն կառուցվածքային տարրը, որի մեջ միջանկյալ և վերջնական արգասիքի հիմնական քիմիական կառուցվածքները նույնն են, կամ այդ արգասիքների քիմիական կառուցվածքները տեխնիկապես սերտ փոխկապված են, ընդ որում, միջանկյալ արգասիքի կառուցվածքը ներառված է վերջնական արգասիքի կառուցվածքի մեջ էական կառուցվածքային տարրի ձևով.
բ) միջանկյալ և վերջնական արգասիքները տեխնիկապես փոխկապված են այնքանով, որքանով վերջնական արգասիքն ստացվում է անմիջականորեն միջանկյալ արգասիքից կամ վերջինից անջատվում է այլ միջանկյալ արգասիքների միջոցով, որոնք ունեն նույնական էական կառուցվածքային տարր:
81. Գյուտի միասնությունը խախտված չէ նաև, եթե ներկայացված են միջանկյալ և չպարզված կառուցվածքով վերջնական արգասիքներ, օրինակ՝ չպարզված կառուցվածքով միջանկյալ արգասիք և չպարզված կառուցվածքով վերջնական արգասիք:
82. Այդպիսի դեպքերում անհրաժեշտ է ցույց տալ, որ միջանկյալ և վերջնական արգասիքները տեխնիկապես նույնն են, օրինակ՝ միջանկյալ արգասիքը, ինչպես և վերջնականը, ունի նույն էական տարրը, կամ այն ներմուծված է վերջնականի մեջ:
83. Տարբեր միջանկյալ արգասիքները, որոնք վերջնական արգասիքի ստացման համար օգտագործվում են տարբեր տեխնոլոգիական պրոցեսներում, կարող են նշվել մեկ հավակնության սահմանման մեջ, եթե դրանք ունեն ընդհանուր էական կառուցվածքային տարր:
Այլընտրանքները գյուտի հավակնության սահմանման մեկ կետում (Մարկուշի բանաձեվ)
84. Այս դեպքում հավակնության սահմանման մեկ անկախ կետը համարժեք է անկախ կետերի շարքին, որը յուրաքանչյուր այլընտրանքը նկարագրում է առանձին:
85. Միասնության պահանջին գյուտի համապատասխանության գնահատման եղանակը կախված չէ խումբ կազմող գյուտերը տարբեր կետերում կամ այլընտրանքի տեսքով մեկ կետում ներկայացված լինելուց:
86. Եթե Մարկուշի բանաձևը օգտագործվում է այլընտրանքների համար՝ քիմիական միացությունների ձևով, ապա դրանք համարվում են նույն բնույթն ունեցող, պայմանով, որ՝
ա) բոլոր այլընտրանքներն ունեն ընդհանուր հատկություն, կամ ակտիվություն, կամ՝
բ) էական կառուցվածքային տարրն առկա է բոլոր այլընտրանքներում, կամ՝ եթե ընդհանուր կառուցվածքը չի կարող լինել միավորող չափանիշ, ապա բոլոր այլընտրանքները պատկանում են քիմիական միացությունների մեկ դասի, որը համարվում է այդպիսին տեխնիկայի այն բնագավառում, որին պատկանում է գյուտը:
87. Ընդհանուր կառուցվածքային տարրն առկա է բոլոր այլընտրանքներում, եթե այդ միացություններն ունեն ընդհանուր կառուցվածքային մաս, որը կազմում է դրանց համապատասխան կառուցվածքների մեծ մասը, կամ եթե միացություններում ընդհանուրը դրանց համապատասխան կառուցվածքների միայն փոքր մասն է, և տեխնիկայի նախորդող մակարդակի նկատմամբ այդ ընդհանուր մասը կազմում է դրանց տարբերիչ հատկանիշը:
Այդպիսի կառուցվածքային մասը կարող է ներկայացված լինել միակ բաղադրիչով կամ փոխկապված բաղադրիչների համակցությամբ:
88. «Քիմիական միացությունների այդպիսին ճանաչված դաս» բառակապակցությունը նշանակում է, որ տեխնիկայի մակարդակի իմացությունը հնարավորություն է տալիս ենթադրել, որ այդ դասի անդամներն ունեն նման բնութագրեր՝ հայտարկված գյուտի համատեքստով: Այդ անդամները կարող են փոխարինվել մեկը մյուսով՝ ակնկալելով նույն տեխնիկական արդյունքը:
89. Այն փաստը, որ այլընտրանքները Մարկուշի բանաձևում կարող են դասակարգվել տարբեր ձևով, չի նշանակում, որ խախտված է գյուտի միասնության պահանջը:
90. Եթե այլընտրանքների առկայության պայմաններում նշվում է, որ առնվազն դրանցից մեկը, որը մտնում է Մարկուշի բանաձևի մեջ, նոր չէ տեխնիկայի նախորդող մակարդակի նկատմամբ, փորձաքննությունը պետք է վերանայի գյուտի միասնության հարցը: Սակայն պարտադիր չէ, որ այդ վերանայումը հանգեցնի գյուտի միասնության պահանջի խախտման մասին եզրակացության:
91. Հայտարկված գյուտի արտոնագրաունակությունը ստուգելու նպատակով հաշվի է առնվում այն հավակնության սահմանումը, որի նկատմամբ կատարվել է ստուգում՝ համաձայն սույն կետի։
Գ Լ ՈՒ Խ 5
ԳՅՈՒՏԻ ԱՐՏՈՆԱԳՐԱՈՒՆԱԿՈՒԹՅԱՆ ՍՏՈՒԳՈՒՄԸ
92. Հայտարկված գյուտի արտոնագրաունակության ստուգումն սկսվում է Օրենքի 5-րդ հոդվածի 7-րդ և 8-րդ մասերում բերված ցանկին դրա վերաբերելու հարցը պարզելով։
93. Եթե որոշվում է, որ հայտարկված գյուտը վերաբերում է Օրենքի 5-րդ հոդվածի 7-րդ և 8-րդ մասերում բերված ցանկին, ապա հայտատուին ուղարկվում է համապատասխան փաստարկներով հարցում։ Եթե հայտարկված գյուտը չի վերաբերում այդ ցանկին, ապա ստուգվում է համապատասխանությունը դրա արտոնագրաունակության պայմաններին։
94. Այն դեպքում, երբ հայտատուի կողմից ներկայացված հավակնության սահմանման մեջ ներառված է այլընտրանքային հասկացություններով արտահայտված հատկանիշ, արտոնագրաունակության ստուգումը կատարվում է այդպիսի հասկացություններից մեկը ներառող հատկանիշների յուրաքանչյուր համախմբության նկատմամբ։
95. Բազմօղակ հավակնության սահմանում (ինչպես մեկ անկախ կետով, այնպես էլ մի քանի անկախ կետերով) ունեցող հայտերի դեպքում՝ արտոնագրաունակության ստուգման առանձնահատկությունները բերված են սույն Կարգի 137-144-րդ կետերում։
96. Օրենքի 5-րդ հոդվածի 5-րդ մասի համաձայն, հայտարկված գյուտի արտոնագրաունակությունը ստուգելիս տեխնիկայի մակարդակի մեջ չեն ներառվում հեղինակի (հայտատուի) կամ նրանից ուղղակիորեն կամ անուղղակիորեն տեղեկություն ստացած այլ անձի (այդ հանգամանքը պետք է ապացուցի հայտատուն) կողմից գյուտի էության հրապարակային բացահայտման աղբյուրները, եթե դրանք հրապարակվել են գյուտի հայտը ներկայացնելուն նախորդող 12 ամսվա ընթացքում, իսկ ավելի վաղ առաջնություն պահանջելու դեպքում` այդ առաջնության թվականին նախորդող 12 ամսվա ընթացքում:
Տեղեկատվության որոնման անցկացումը
97. Տեղեկատվության որոնման նպատակն է՝ տեխնիկայի նախորդող մակարդակի որոշումը: Տեղեկատվության որոնումը կատարվում է հավակնության սահմանման հիման վրա, հաշվի առնելով նկարագրությունն ու գծագրերը և հավակնության սահմանման հնարավոր թույլատրելի փոփոխությունները Կարգի 414-440-րդ կետերի համաձայն:
98. Տեղեկատվության որոնում կատարելիս հայտատուի կողմից հայտի փաստաթղթերի ուղղումները, ճշգրտումները և փոփոխությունները հաշվի են առնվում, եթե դրանք ներկայացված են սույն Կարգի 151-162-րդ կետերի համաձայն:
Տեխնիկայի մակարդակը
99. Օրենքի 5-րդ հոդվածի 4-րդ մասի համաձայն, տեխնիկայի մակարդակը ներառում է մինչև տվյալ գյուտի առաջնության տարին, ամիսը, ամսաթիվը (այսուհետ՝ թվական) աշխարհում հանրամատչելի դարձած տեխնիկայի բնագավառի լուծումների (առանձին մասերի) վերաբերյալ ցանկացած տեղեկություն: Տեխնիկայի մակարդակը ներառում է նաև Գործակալություն ներկայացված հայտերով բացահայտված ավելի վաղ առաջնությամբ գյուտերի և օգտակար մոդելների էությունը՝ պայմանով, որ տվյալ հայտերը կամ դրանց հիման վրա տրված արտոնագրերը լիազոր մարմինը կհրապարակի հետագայում:
100. Հանրամատչելի են համարվում տեղեկատվության այն աղբյուրների մեջ բերված տեղեկությունները, որոնց բովանդակությանը ցանկացած անձ կարող է ծանոթանալ անմիջականորեն կամ դրա մասին ծանուցվել օրինական ճանապարհով:
101. Տեխնիկայի մակարդակում տեղեկատվության աղբյուրի ընդգրկվելը որոշող թվական է համարվում՝
ա) արտոնագրված օտարերկրյա գյուտերի կամ հրապարակված հայտերի նկարագրությունների համար՝ դրանցում նշված հրապարակման թվականը.
բ) ՀՀ-ում արտոնագրված գյուտերի նկարագրությունների համար՝ դրանցում նշված հրապարակման թվականը.
գ) ՀՀ-ում հրապարակված հայտերի համար՝ դրանցում նշված հրապարակման թվականը.
դ) ՄՍՀԿ-ի կողմից հրապարակված միջազգային հայտերի համար՝ դրանցում նշված հրապարակման թվականը.
ե) տպագրական հրատարակությունների համար՝ դրանց լույս ընծայման թվականը, իսկ վերջինիս բացակայության դեպքում՝ ամսվա վերջին օրը կամ հրատարակության մեջ նշված տարվա դեկտեմբերի 31-ը, եթե լույս տեսնելու թվականը համապատասխանաբար տրված է միայն ամսով կամ տարեթվով.
զ) ավանդադրված ձեռագրերի, հոդվածների, տեսությունների, մենագրությունների և այլ նյութերի համար՝ դրանց ավանդադրման թվականը.
է) ձեռագրի իրավունքով հրատարակված ատենախոսությունների նյութերի և դրանց սեղմագրերի համար՝ գրադարան առաքելու թվականը.
ը) մրցույթի ընդունված աշխատանքների համար՝ մրցույթի անցկացմանը վերաբերող փաստաթղթերով հաստատված ծանոթացման ներկայացնելու թվականը.
թ) տեսողությամբ ընկալվող տեղեկատվության աղբյուրների (պլակատներ, մոդելներ, արտադրատեսակներ և այլն) համար՝ փաստաթղթերով հիմնավորված թվականը, որից սկսած հնարավոր է դրանց դիտումը.
ժ) ցուցահանդես ներկայացված ցուցանմուշների համար՝ փաստաթղթերով հիմնավորված թվականը, որից սկսվել է ցուցադրումը.
ժա) բանավոր զեկուցումների, դասախոսությունների, ելույթների համար՝ զեկուցման, դասախոսության, ելույթի թվականը, եթե դրանք արձանագրված են ձայնագրող սարքերով կամ սղագրված են նշված թվականին գործող համապատասխան միջոցառումների անցկացման կանոններով սահմանված կարգով.
ժբ) ռադիոյով, հեռուստատեսությամբ, կինոյով հաղորդագրությունների համար՝ դրանց հեռարձակման թվականը, եթե այն արձանագրված է համապատասխան տեղեկատվության կրիչի վրա նշված թվականին գործող սահմանված կարգով.
ժգ) օգտագործման արդյունքում հայտնի դարձած տեխնիկական միջոցի մասին տեղեկությունների համար՝ փաստաթղթերով հիմնավորված թվականը, որից սկսած այդ տեղեկությունները դարձել են հանրամատչելի.
ժդ) եթե նախորդող հայտը մինչև դրա հրապարակումը հետ է կանչվել կամ համարվել է այդպիսին, բայց հրապարակվել է՝ քանի որ պատրաստ էր հրապարակման, այդ հրապարակումը համարվում է անվավեր, ինչի մասին լիազոր մարմինը կատարում է համապատասխան հրապարակում:
Տեղեկատվության որոնման բնագավառը եվ ծավալը
102. Տեղեկատվության որոնման բնագավառը որոշելիս հաշվի են առնվում գյուտի առարկան ամբողջությամբ և դրաինքնուրույն ֆունկցիա ունեցող ամենամոտ նմանակից տարբերող հատկանիշները։
103. Տեղեկատվության որոնման բնագավառը որոշելիս նույնպես հաշվի են առնվում ինքնուրույն ֆունկցիա ունեցող գյուտի և ամենամոտ նմանակի ընդհանուր հատկանիշները, եթե դրանք պարունակում են տարբերիչ ինքնուրույն ֆունկցիա չունեցող հատկանիշներ։ Այդպիսի հատկանիշների որոնումը անցկացվում է ինչպես հայտնի առարկաների, այնպես էլ դրանց մասերի վերաբերյալ, անկախ առարկայի և դրա մասերի նշանակության։
104. Որոնումն անցկացվում է Գործակալության տրամադրության տակ գտնվող, ինչպես նաև հանրապետության համապատասխան գրադարաններում եղած տեղեկատվական նյութերով: Անհրաժեշտության դեպքում որոնման աշխատանքները կարող են պատվիրվել միջազգային որոնման որևէ մարմնի:
105. Որոնման խորությունը որոշվում է` ելնելով տեխնիկայի համապատասխան բնագավառի զարգացման ժամանակաշրջանից և տեմպերից։
Արդյունաբերորեն կիրառելիության ստուգումը
106. Օրենքի 5-րդ հոդվածի 6-րդ մասի համաձայն՝ գյուտն արդյունաբերորեն կիրառելի է, եթե այն կարող է օգտագործվել արդյունաբերության, գյուղատնտեսության, առողջապահության և այլ ոլորտներում:
107. Գյուտը արդյունաբերորեն կիրառելի համարելու համար անհրաժեշտ է պայմանների հետևյալ համախմբության պահպանումը՝
ա) արդյո՞ք նշված է հայտարկված գյուտի նշանակությունը հայտի ներկայացման թվականի դրությամբ հայտի նկարագրության մեջ (եթե այդ թվականի դրությամբ հայտը պարունակում է հավակնության սահմանում, ապա նշված է նշանակությունը նկարագրության կամ հավակնության սահմանման մեջ), իսկ ավելի վաղ, քան հայտի ներկայացման թվականը առաջնություն խնդրարկելու դեպքում՝ նաև փաստաթղթերում, որոնք հիմք են հանդիսանում առաջնության խնդրարկման համար.
բ) արդյո՞ք հայտի նկարագրությունում և վերը նշված փաստաթղթերում նկարագրված են այն միջոցները և մեթոդները, որոնցով հնարավոր է գյուտի իրագործումն այն տեսքով, որով այն բնութագրված է գյուտի հավակնության սահմանման յուրաքանչյուր կետում: Նշված փաստաթղթերում այդպիսի տեղեկությունների բացակայության դեպքում բավարար է նշված միջոցների և եղանակների նկարագրված լինելը մինչև գյուտի առաջնության թվականը հանրամատչելի դարձած տեղեկատվության աղբյուրում.
գ) հնարավո՞ր է իսկապես հայտատուի կողմից նշված նշանակությամբ իրագործել գյուտը՝ իրականացնելով այն հավակնության սահմանման յուրաքանչյուր կետով.
դ) գյուտի նկարագրության մեջ նշված նշանակությամբ գյուտի իրագործելիությունը հաստատող օրինակների առկայությունը.
ե) արդյո՞ք բերված օրինակները բավարար են, որ նշված պահանջի պահպանման դրույթը տարածվի նաև այն հատկանիշի իրագործելիության տարբեր մասնավոր ձևերի վրա, որը բնութագրված է հավակնության սահմանման մեջ հայտատուի կողմից բերված հասկացությունով։
108. Եթե պարզվում է, որ բոլոր նշված պահանջները պահպանվել են, գյուտը համարվում է արդյունաբերորեն կիրառելիության պայմանին համապատասխանող։
Եթե չի պահպանվել նշված պայմաններից նույնիսկ մեկը, եզրակացություն է արվում գյուտը արդյունաբերորեն կիրառելիության պայմանին չհամապատասխանելու մասին: Այս դեպքում կարելի է, շարադրելով համապատասխան փաստարկները, հարցում հղել հայտատուին՝ առաջարկելով կարծիք արտահայտել այդ փաստարկների վերաբերյալ ու խմբագրել հավակնության սահմանումը (եթե փորձաքննության կարծիքով, հայտի նյութերը թույլ են տալիս այնպիսի խմբագրում, որի արդյունքում նշված եզրակացությունը կարող է փոփոխվել): Ընդ որում, հարցման մեջ կարող են կոնկրետ առաջարկություններ արվել հավակնության սահմանման վերաբերյալ:
109. Եթե պարզվել է, որ գյուտը չի համապատասխանում արդյունաբերորեն կիրառելիության պայմանին, ապա նորության և գյուտարարական մակարդակի պայմաններին դրա համապատասխանելիության ստուգում չի կատարվում:
Նորության ստուգումը
110. Օրենքի 5 հոդվածի 2-րդ մասի համաձայն գյուտը համարվում է նոր, եթե դա տեխնիկայի մակարդակի առանձին մաս չէ:
111. Գյուտի նորության ստուգումը կատարվում է հավակնության սահմանման անկախ կետի՝ գյուտը բնութագրող հատկանիշների ամբողջ համախմբության նկատմամբ:
112. Առաջնության ավելի վաղ թվականով գյուտի հայտը այդ թվականից ներառվում է տեխնիկայի մակարդակի մեջ (միայն նորության ստուգման համար)՝ պահպանելով հետևյալ պայմանների համախմբությունը՝
հայտը ներկայացվել է Հայաստանի Հանրապետություն (ՀՀ ներկայացված հայտերը հավասարեցվում են ԽՍՀՄ հեղինակային վկայագրեր կամ արտոնագրեր ստանալու հայտերին, որոնցով սահմանված կարգով ներկայացվել են ՀՀ արտոնագիր ստանալու դիմումներ, և եվրասիական հայտեր, որոնք փոխակերպվել են ՀՀ ազգային հայտերի՝ համաձայն Եվրասիական արտոնագրային կոնվենցիայի 16-րդ հոդվածի).
հայտը ներկայացվել է այլ անձի կողմից, այսինքն՝ այլ հայտատուի կողմից.
հայտի փաստաթղթերին կարող է ծանոթանալ ցանկացած անձ՝ համաձայն Օրենքի 24-րդ հոդվածի։
Առաջնության ավելի վաղ թվականով գյուտի հայտը ներառվում է տեխնիկայի մակարդակի մեջ՝ նկարագրության և հավակնության սահմանման կտրվածքով, որոնք առկա են հայտում դրա ստացման թվականի դրությամբ։ Եթե ստացման թվականը ավելի ուշ է, քան քննարկվող հայտի առաջնության թվականը, ապա առաջնության ավելի վաղ թվականով հայտը ներառվում է տեխնիկայի մակարդակի մեջ միայն դրա բովանդակության այն մասի կտրվածքով, որը համընկնում է առաջնություն հաստատելու հիմք հանդիսացող փաստաթղթերի բովանդակության հետ։
113. Տեխնիկայի մակարդակի մեջ ներառվում են նաև առաջնության թվականի դրությամբ այն բոլոր գյուտերը և օգտակար մոդելները, որոնք (այդ թվում՝ և նույն անձի կողմից) արտոնագրված են ՀՀ-ում (այսինքն՝ պետական գրանցամատյանում գրանցված գյուտերը և գյուտերը, որոնք արտոնագրված են համաձայն Եվրասիական արտոնագրային կոնվենցիայի)։
114. Գաղտնի գյուտի հայտի քննարկման դեպքում տեխնիկայի մակարդակի մեջ ներառվում են նաև ավելի վաղ առաջնության թվականի պայմանով գաղտնի գյուտերը, որոնք արտոնագրված են ՀՀ-ում։
115. Գյուտը համարվում է հայտնի և նորության պայմանին չհամապատասխանող, եթե տեխնիկայի մակարդակում հայտնաբերված է միջոց, որի հատկանիշները նույնական են հայտատուի կողմից առաջարկված հավակնության սահմանման բոլոր հատկանիշներին, ներառյալ գյուտի նշանակությունը բնութագրող հատկանիշները:
116. Եթե հայտարկված գյուտը վերաբերում է այլ նշանակությամբ կիրառմանը, ապա այն չի համարվում նորության պայմանին համապատասխանող, եթե հայտնաբերված է տեղեկատվության աղբյուր, որից հայտնի է նույն նշանակությամբ նույն արտադրանքի կամ եղանակի կիրառումը:
117. Այն դեպքում, երբ հայտարկված գյուտի հայտնիությունը բացահայտող տեխնիկայի մակարդակից հայտնաբերված տեղեկատվության աղբյուր է հանդիսանում ավելի վաղ առաջնության թվական ունեցող հայտը, պետք է համոզվել, որ Օրենքի 24-րդ հոդվածի համաձայն, այդ հայտի նյութերին կարող է ծանոթանալ ցանկացած անձ, այսինքն՝ տեղեկություններ այդ հայտի մասին տպագրված են, և վերջինս հայտի տպագրման թվականին հետ կանչված չէ կամ չի համարվել այդպիսին։
118. Եթե բացահայտված հայտը հետ կանչված չէ և լրացել է Օրենքի 33 հոդվածի 1-ին մասի «ա» կետով սահմանված հետկանչման ժամկետը, հայտարկված գյուտի փորձաքննությունը շարունակվում է:
119. Այն դեպքում, երբ բացահայտված հայտը հետ կանչված չէ, բայց չի լրացել նրա հետկանչման ժամկետը, քննարկվող գյուտի հայտատուին հայտնվում է այդպիսի հայտի առկայության մասին (առանց հայտատուին նշելու և հայտի բովանդակությունը բացելու) և իր հայտի քննարկումը հետաձգելու անհրաժեշտության մասին, մինչև ավելի վաղ առաջնության թվական ունեցող հայտով որոշակիության հասնելը:
120. Արտոնագիր տալը մերժելու մասին որոշման մեջ ավելի վաղ առաջնության թվական ունեցող հայտի հակադրումը թույլատրվում է միայն դրա բովանդակությանը հայտատուի ծանոթանալուց հետո, մասնավորապես այն հրապարակելու արդյունքում:
121. Եթե հայտատուն համաձայն չէ հայտի քննարկման հետաձգմանը, ապա սահմանվում է, որ հայտարկված գյուտը չի համապատասխանում նորության պայմանին:
122. Եթե պարզվել է, որ հավակնության սահմանման կախյալ կետեր ունեցող անկախ կետում բնութագրված գյուտը համապատասխանում է նորության պայմանին, կախյալ կետերի նկատմամբ տեխնիկայի մակարդակի վերլուծություն չի կատարվում:
123. Այն դեպքում, երբ հավակնության սահմանման կախյալ կետեր ունեցող անկախ կետում բնութագրված գյուտը չի ճանաչվում նոր, գյուտի հետագա քննարկումը կատարվում է սույն Կարգի 167-171-րդ կետերի համաձայն:
124. Եթե պարզվել է, որ կախյալ կետեր չունեցող հավակնության սահմանումով բնութագրված գյուտը չի համապատասխանում նորության պայմանին, հայտատուին կարող է ուղարկվել փորձաքննության փաստարկների շարադրանքով և դրանց վերաբերյալ իր կարծիքը ներկայացնելու առաջարկությամբ հարցում: Անհրաժեշտության դեպքում հայտատուին կարող է առաջարկվել նաև ներկայացնել հայտի սկզբնական նյութերի վրա հիմնված գյուտի ճշգրտված հավակնության սահմանումը:
125. Եթե պարզվել է, որ գյուտը չի համապատասխանում նորության պայմանին, ապա գյուտարարական մակարդակի պայմանին դրա համապատասխանելիության ստուգում չի կատարվում:
Գյուտարարական մակարդակի ստուգումը
126. Օրենքի 5 հոդվածի 3-րդ մասի համաձայն, գյուտն ունի գյուտարարական մակարդակ, եթե մասնագետի համար դա ակնհայտորեն չի բխում տեխնիկայի մակարդակից:
127. Մասնագետի համար գյուտն ակնհայտորեն չի բխում տեխնիկայի նախորդող մակարդակից, մասնավորապես, այն դեպքում, երբ չեն հայտնաբերվել տեխնիկական լուծումներ, որոնց հատկանիշները համընկնում են գյուտի տարբերիչ հատկանիշների հետ, կամ թեև այդպիսի լուծումներ հայտանաբերվել են, սակայն ապացուցված չէ դրանց հատկանիշների ազդեցության հայտնիությունը հայտատուի կողմից նշված տեխնիկական արդյունքի վրա:
128. Նշված պայմանների պահպանման ստուգումը ներառում է՝
ա) ամենամոտ նմանակի որոշումը Կարգի 99-101-րդ կետերի համաձայն.
բ) հավակնության սահմանման անկախ կետի այն հատկանիշների հայտնաբերումը, որոնցով բնութագրվում է հայտարկվող գյուտը և որոնցով այն տարբերվում է ամենամոտ նմանակից.
գ) տեխնիկայի մակարդակում այնպիսի որոշումների հայտնաբերումը, որոնց էական հատկանիշները համընկնում են հայտարկվող գյուտի տարբերիչ հատկանիշների հետ.
դ) տեխնիկայի մակարդակի վերլուծությունը հայտարկվող գյուտի տարբերիչ հատկանիշների հետ համընկնող հատկանիշների, հայտատուի կողմից նշված տեխնիկական արդյունքի վրա ազդեցության հայտնիությունը պարզելու նպատակով:
129. Գյուտարարական մակարդակի պայմանին չեն համապատասխանում այն գյուտերը, որոնք, մասնավորապես, հիմնված են՝
ա) որևէ հայտնի մասով (մասերով) հայտնի միջոցի լրացման վրա, որը (որոնք) միացվում է (են) դրան հայտնի եղանակով, ապահովելով այն տեխնիկական արդյունքի ստացումը, որի նկատմամբ հաստատվում է հատկապես այդ լրացումների ազդեցությունը.
բ) հայտնի միջոցի որևէ մասը (մասերը) մեկ այլ հայտնի մասով փոխարինելու վրա, ապահովելով այն տեխնիկական արդյունքի ստացումը, որի նկատմամբ հաստատվում է հատկապես այդ փոխարինման ազդեցությունը.
գ) միջոցի (տարր, գործողություն) որևէ մասի բացառման վրա, ինչը հանգեցնում է այդ բացառված մասով պայմանավորված ֆունկցիայի վերացմանը և այդ բացառմամբ ակնկալվող տեխնիկական արդյունքի (պարզեցում, զանգվածի, եզրաչափքի և նյութատարության նվազեցում, հուսալիության բարձրացում, գործընթացի տևողության կրճատում և այլն) ստացմանը.
դ) տեխնիկական արդյունքի ուժեղացման նպատակով նույնատիպ տարրերի կամ գործողությունների քանակի ավելացման վրա, ընդ որում, այդ արդյունքը պայմանավորված է այդպիսի տարրերի, գործողությունների առկայությամբ.
ե) հայտնի նյութից հայտնի միջոցի կամ դրա մասի (մասերի) պատրաստման վրա՝ հասնելով այդ նյութի հայտնի հատկություններով պայմանավորված տեխնիկական արդյունքի.
զ) այնպիսի միջոցի ստացման վրա, որը կազմված է հայտնի մասերից, որոնց ընտրությունը և որոնց միջև կապը իրագործվում են հայտնի կանոնների, առաջարկությունների համաձայն, և ստացվող տեխնիկական արդյունքը պայմանավորված է միայն այդ միջոցի մասերի հայտնի հատկություններով և դրանց միջև կապով.
է) հայտնի սարքի, եղանակի, նյութի, շտամի այլ նշանակությամբ կիրառման վրա, եթե այդ նոր նշանակությունը պայմանավորված է դրա հայտնի հատկություններով, կառուցվածքով, կատարմամբ, և հայտնի է, որ հատկապես այդպիսի հատկությունները, կառուցվածքը, կատարումը անհրաժեշտ են այդ նշանակության իրագործման համար:
Գյուտարարական մակարդակի պայմանին համապատասխանող չեն ճանաչվում այն գյուտերը, որոնք հիմնված են քանակական հատկանիշի (հատկանիշների) փոփոխման վրա, կամ՝ փոխադարձ կապի միջոցով այդպիսի հատկանիշների ներկայացման վրա, կամ այդ կապի տեսքի փոփոխման վրա, եթե հայտնի է տեխնիկական արդյունքի ստացման վրա հատկանիշներից յուրաքանչյուրի ազդեցությունը, և այդպիսի հատկանիշների նոր նշանակությունները կամ դրանց փոխադարձ կապը կարող են ստացվել՝ ելնելով հայտնի կախվածություններից, օրինաչափություններից:
130. Գյուտարարական մակարդակի պայմանին, մասնավորապես, համապատասխանում են՝
ա) պարզված կառուցվածքով նոր անհատական միացությունների (դաս, խումբ) ստացման եղանակները.
բ) պարզված կառուցվածքով նոր անհատական միացությունների (դաս, խումբ) ստացման եղանակները, եթե դրանք հիմնված են տվյալ միացությունների դասի կամ խմբի համար նոր ռեակցիայի վրա, կամ՝ տվյալ միացությունների դասի կամ խմբի համար հայտնի ռեակցիայի վրա, որի անցկացման պայմանները հայտնի չեն.
գ) առնվազն երկու հայտնի բաղադրիչներ ներառող բաղադրանյութը, ընդ որում, դրանք ապահովում են սիներգիկ ազդեցություն, որին հասնելու հնարավորությունը (այսինքն՝ երկու բաղադրիչների հատկությունները արտահայտող, սակայն այդպիսի հատկություններից առնվազն մեկի քանակական ցուցանիշները ավելի բարձր են, քան առանձին բաղադրիչի հատկությունների ցուցանիշները) չի բխում տեխնիկայի նախորդող մակարդակից.
դ) ընդհանուր կառուցվածքային բանաձևով հայտնի միացությունների խմբին պատկանող անհատական միացությունը, սակայն այն նկարագրված չէ որպես հատուկ ստացված և ուսումնասիրված և այդ խմբի համար նոր անհայտ քանակական ու որակական հատկություններ արտահայտող (սելեկտիվ գյուտ):
131. Գյուտը չի ճանաչվում գյուտարարական մակարդակի պահանջին չհամապատասխանող դրա թվացող պարզության պատճառով և հայտի նյութերում տեխնիկական արդյունքի հասնելու մեխանիզմի բացահայտման պատճառով, եթե այդպիսի բացահայտումը հայտնի է դարձել ոչ թե տեխնիկայի մակարդակից, այլ հայտի նյութերից:
132. Հայտարկված գյուտի տարբերիչ հատկանիշների՝ տեխնիկական արդյունքի վրա ազդելու հայտնիությունը կարող է հաստատվել ինչպես մեկ, այնպես էլ մի քանի տեղեկատվության աղբյուրներով: Թույլատրվում է ներգրավել փաստարկներ, որոնք հիմնված են տեխնիկայի կոնկրետ բնագավառից հայտնի գիտելիքների վրա, առանց նշելու տեղեկատվության որևէ աղբյուր: Սակայն եթե հայտատուն պնդում է նշել այդ աղբյուրը, փորձաքննությունը պետք է դա անի:
133. Տեխնիկական արդյունքի վրա տարբերիչ հատկանիշների ազդեցության հայտնիության հաստատումը չի պահանջվում, եթե այդ հատկանիշների նկատմամբ այդպիսի արդյունք չի նշվել հայտատուի կողմից կամ այն դեպքում, երբ սահմանվում է, որ իր կողմից նշված տեխնիկական արդյունքը չի ստացվել:
134. Եթե կախյալ կետեր ունեցող բազմօղակ հավակնության սահմանումով բնութագրված հայտարկված գյուտը անկախ կետի մասով ճանաչվել է գյուտարարական մակարդակի պայմանին համապատասխանող, ապա կախյալ կետերով հետագա ստուգում չի կատարվում:
135. Եթե պարզվել է, որ կախյալ կետեր ունեցող հավակնության սահմանման անկախ կետում բնութագրված գյուտը չի համապատասխանում գյուտարարական մակարդակի պայմանին, հայտի հետագա քննարկումը կատարվում է Կարգի 137-143-րդ կետերի համաձայն:
136. Եթե պարզվել է, որ կախյալ կետեր չունեցող հավակնության սահմանմամբ բնութագրված գյուտը չի համապատասխանում գյուտարարական մակարդակի պայմանին, ապա հայտատուին կարող է ուղարկվել փորձաքննության համապատասխան փաստարկներով հարցում՝ առաջարկելով ներկայացնել իր (հայտատուի) նկատառումները այդ փաստարկների վերաբերյալ և, անհրաժեշտության դեպքում, հայտի սկզբնական նյութերի շրջանակներում ճշգրտված հավակնության սահմանումը Կարգի 144-150-րդ կետերի պահանջներին համաձայն:
Բազմօղակ հավակնության սահմանմամբ բնութագրված գյուտի
արտոնագրաունակության ստուգման առանձնահատկությունները
137. Եթե գյուտը բնութագրված է կախյալ կետեր ունեցող բազմօղակ հավակնության սահմանումով և անկախ կետի վերաբերյալ արվել է արտոնագրաունակության (նորության կամ գյուտարարական մակարդակի պայմաններին համապատասխանություն) բացակայության եզրակացություն, ապա հայտատուն ծանուցվում է այդ մասին, և նրան առաջարկվում է արտահայտել իր կարծիքը հայտի հետագա քննարկման նպատակահարմարության վերաբերյալ, պայմանով, որ նպատակահարմարության դեպքում անհրաժեշտ է ներկայացնել ճշգրտված հավակնության սահմանումը: Այն դեպքում, երբ փորձագետին հայտնի են տեղեկատվության աղբյուրներ, որոնք կախյալ կետերի պարունակությունը անկախ կետի մեջ ներառելու դեպքում կարող են հաշվի առնվել, հայտատուն ծանուցվում է նաև այդ մասին:
138. Այն դեպքում, երբ պարզվել է գյուտի արտոնագրաունակությունը կախյալ կետեր ունեցող բազմօղակ հավակնության սահմանման անկախ կետի նկատմամբ, անհրաժեշտ է համոզվել, որ կախյալ կետերի հատկանիշների ներգրավմամբբնութագրվող գյուտը համապատասխանում է արդյունաբերորեն կիրառելիության պայմանին և չի հակասում հասարակության շահերին, մարդասիրության և բարոյականության սկզբունքներին:
139. Բոլոր վերը նշված պայմանների նկատմամբ ստուգման դրական արդյունքի դեպքում, կախյալ կետեր ունեցող բազմօղակ հավակնության սահմանումով բնութագրվող գյուտը ճանաչվում է արտոնագրաունակ, և որոշում է կայացվում հիմնական արտոնագիր տալու մասին Կարգի 163-166-րդ կետերի համաձայն:
140. Բոլոր վերը նշված պայմանների նկատմամբ ստուգման բացասական արդյունքի դեպքում, հայտատուին հայտնվում է դրա մասին հարցումով և առաջարվում է ներկայացնել փորձաքննության եզրակացությունները հերքող իր (հայտատուի) նկատառումները կամ հավակնության սահմանումից այդպիսի կախյալ կետերը հանել:
141. Եթե հայտարկվում է գյուտերի խումբ, ապա արտոնագրաունակության ստուգումը կատարվում է այդ խմբի մեջ ներառվող յուրաքանչյուր գյուտի նկատմամբ: Խմբի արտոնագրաունակությունը կարող է հաստատվել միայն այն դեպքում, երբ խմբի բոլոր գյուտերը արտոնագրաունակ են: Եթե սահմանվում է, որ խմբի ոչ բոլոր գյուտերն են արտոնագրաունակ, ապա հայտատուին հաղորդվում է դրա մասին, առաջարկվում է ներկայացնել իր կարծիքը բերված փաստարկների վերաբերյալ և, անհրաժեշտության դեպքում, հավակնության սահմանումից հանել այն անկախ կետերը, որոնք արտոնագրաունակ չեն, կամ ներկայացնել այդ կետերը ճշգրտված տեսքով:
142. Եթե վերը բերված դեպքերում հայտատուն ներկայացնում է փոփոխված հավակնության սահմանումը, հայտի հետագա քննարկումը կատարվում է սույն Կարգի 41-143-րդ կետերի համաձայն այդ հավակնության սահմանումով բնութագրված գյուտի (գյուտերի) նկատմամբ:
143. Այն դեպքում, երբ հայտատուն, չբերելով փորձաքննության փաստարկները հերքող իր նկատառումները, պնդում է արտոնագիր տալու մասին որոշումը կայացնել իր կողմից ավելի վաղ ներկայացված հավակնության սահմանումով, հայտի հետագա քննարկումը չի կատարվում, և որոշում է կայացվում արտոնագիր տալը մերժելու մասին սույն Կարգի 167-171-րդ կետերի համաձայն:
Գ Լ ՈՒ Խ 6
ԼՐԱՑՈՒՑԻՉ ՆՅՈՒԹԵՐԻ ՎԵՐԱԲԵՐՅԱԼ ՀԱՐՑՈՒՄ
144. Օրենքի 27 հոդվածի 2-րդ մասի համաձայն, գյուտի ըստ էության փորձաքննության ընթացքում Գործակալությունը հարցման հիման վրա կարող է հայտատուից կամ արտոնագրատիրոջից պահանջել փորձաքննության անցկացումը հնարավոր դարձնող լրացուցիչ նյութեր։
145. Հարցման հիմք կարող են հանդիսանալ, մասնավորապես, հետևյալ հանգամանքները՝
ա) տուրքերի վճարման հետ կապված հարցերի պարզման անհրաժեշտությունը.
բ) գյուտի հավակնության սահմանման ճշգրտման անհրաժեշտությունը, հաշվի առնելով դրա ստուգման արդյունքները սույն Կարգի 41-91-րդ կետերի համաձայն.
գ) հայտարկվող գյուտի արտոնագրաունակության ստուգմանն առնչվող խնդիրների լուծման անհրաժեշտությունը սույն Կարգի 96-144-րդ կետերի համաձայն.
դ) հայտարկվող գյուտի արտոնագրաունակության ստուգման արդյունքում գյուտի հավակնության սահմանման ճշգրտման անհրաժեշտությունը.
ե) միևնույն առաջնության թվական ունեցող արդյունաբերական սեփականության նույնական օբյեկտների քննարկման հետ կապված հարցերի լուծման անհրաժեշտությունը:
146. Սույն Կարգի 41-91-րդ կետերի համաձայն քննարկված գյուտի (գյուտերի) արտոնագրաունակությունը պարզելու դեպքում, դրա մասին հարցում է ուղարկվում հայտատուին, որին առաջարկվում է ճշգրտել հավակնության սահմանումը՝ հանելով հավակնության սահմանումից այն գյուտը (գյուտերը), որի (որոնց) նկատմամբ չի կատարվել արտոնագրաունակության ստուգում, կամ գյուտի միասնության պահանջը պահպանելով այդ գյուտը (գյուտերը) առանձնացնել (շարադրել, ձևակերպել) անկախ կետով (կետերով), վճարելով համապատասխան պետական տուրք: Ընդ որում, հայտատուն ծանուցվում է, որ սահմանված երկամսյա ժամկետում խնդրարկված նյութերը կամ այդ ժամկետը երկարաձգելու դիմումը չներկայացնելու դեպքում հայտի ըստ էության փորձաքննության դիմումը համարվում է հետ կանչված Օրենքի 27 հոդվածի 2-րդ մասի համաձայն։
147. Հարցում է ուղարկվում հայտատուին նաև այն դեպքում, երբ գյուտի արտոնագրաունակությունը պարզելուց հետո հայտատուն հրաժարվում է հավակնության սահմանումից հանել հայտի սկզբնական նյութերում բացակայող հատկանիշը (հատկանիշները) կամ նոր հավակնության սահմանման կետը, որը (որոնք) հնարավոր չէ ընդունել սույն Կարգի 151-162-րդ կետերի համաձայն։
Հայտատուին առաջարկվում է ներկայացնել ճշգրտված այդպիսի հատկանիշ (հատկանիշներ) կամ նոր կետ չպարունակող հավակնության սահմանում, և հայտնվում է, որ սահմանված երկամսյա ժամկետում խնդրարկված նյութերը կամ այդ ժամկետը երկարաձգելու դիմումը չներկայացնելու դեպքում հայտի ըստ էության փորձաքննության դիմումը համարվում է հետ կանչված Օրենքի 27 հոդվածի 2-րդ մասի համաձայն։
148. Ցանկացած հարցով փորձաքննության կողմից արտահայտված կարծիքը պետք է ամրագրվի տեխնիկական կամ իրավական բնույթի փաստարկներով: Անհրաժեշտության դեպքում հղումներ են կատարվում տեխնիկական գրականությանը, Օրենքի դրույթներին, սույն Կարգին և այլ նորմատիվ փաստաթղթերին:
149. Այն դեպքում, երբ հարցման մեջ հղում է կատարվում տեղեկատվության աղբյուրին, պետք է նշել դրա բոլոր մատենագիտական տվյալները, որոնք անհրաժեշտ են այդ աղբյուրը հայտնաբերելու համար, ինչպես նաև այլ տվյալներ (էջ, պարբերություն, նկարի համար և այլն):
150. Հարցումը կարող է ուղարկվել հայտատուին այնքան անգամ, որքան անհրաժեշտ է հայտի քննարկման համար:
Գ Լ ՈՒ Խ 7
ԼՐԱՑՈՒՑԻՉ ՆՅՈՒԹԵՐԻ ՍՏՈՒԳՈՒՄԸ
151. Օրենքի 23-րդ հոդվածի 7-րդ մասի և 27-րդ հոդվածի 2-րդ մասի համաձայն, ըստ էության փորձաքննության ընթացքում հայտատուն իր նախաձեռնությամբ կամ հարցման հիման վրա կարող է, լրացուցիչ նյութեր ներկայացնելով, ուղղումներ կամ ճշգրտումներ կատարել հայտի նյութերում՝ չփոփոխելով ներկայացված գյուտի էությունը, եթե հայտ ներկայացնելիս նա չի հրաժարվել այդ իրավունքից։
Լրացուցիչ նյութերը համարվում են գյուտի էությունը փոփոխող, եթե դրանք պարունակում են հավակնության սահմանման մեջ մտցնելու ենթակա հատկանիշներ, որոնք առկա չեն եղել հայտի սկզբնական նյութերում:
Լրացուցիչ նյութերի այն մասը, որը փոփոխում է ներկայացված գյուտի էությունը, փորձաքննության ընթացքում հաշվի չի առնվում, և հայտատուն կարող է դա ձևակերպել որպես առանձին հայտ:
152. Հայտատուի՝ իր նախաձեռնությամբ հայտի փաստաթղթերի մեջ ուղղումներ կան ճշգրտումներ կատարող լրացուցիչ նյութեր ստանալու դեպքում ստուգվում է նաև դրանց ներկայացման համար նախատեսված պետական տուրքի վճարումը հաստատող փաստաթուղթը։ Նշված փաստաթուղթը լրացուցիչ նյութերի հետ չներկայացնելու դեպքում, վերջիններս հաշվի չեն առնվում, ինչի մասին հայտատուն ծանուցվում է։
153. Հայտատուի կողմից սահմանված ժամկետների պահպանման ստուգումը կատարվում է Կարգի 441-454-րդ կետերի համաձայն:
154. Հայտատուի նախաձեռնությամբ կամ Գործակալության հարցման հիման վրա լրացուցիչ նյութեր ստանալու դեպքում ստուգվում է՝ արդյո՞ք դրանք չեն փոփոխում հայտարկված գյուտի էությունը:
155. Այն հատկանիշները, որոնք բնութագրում են միայն նախորդող տեխնիկայի մակարդակի լուծումները (այդ թվում և ամենամոտ նմանակը), չեն վերաբերում հայտի սկզբնական նյութերում հայտարկված գյուտի հատկանիշներին:
156. Այն դեպքում, երբ հայտը վերաբերում է տարբերակներ-գյուտերի խմբին, հայտի սկզբնական նյութերում պարունակվող խմբի որևէ գյուտի հատկանիշներ են համարվում նկարագրության մեջ հենց այդ գյուտի վերաբերյալ հիշատակված հատկանիշները:
157. Եթե հայտարկված գյուտը վերաբերում է հայտնի արտադրանքի կամ եղանակի այլ նշանակությամբ կիրառմանը, ապա գյուտի էությունը փոփոխող են ճանաչվում այն լրացուցիչ նյութերը, որոնցում նշված են հայտի սկզբնական նյութերում բացակայող այլ նշանակությունը կամ հայտնի օբյեկտը բնութագրող այլ հատկանիշները:
158. Լրացուցիչ նյութերը չեն համարվում գյուտի էությունը փոփոխող, եթե դրանք հայտարկված գյուտի մասին պարունակում են հայտի սկզբնական նյութերում բացակայող տեղեկություններ, որոնք հավակնության սահմանման մեջ ներառվելու ենթակա հատկանիշներ չեն: Այդպիսի տեղեկություններ կարող են համարվել, մասնավորապես, գյուտի իրագործմանը վերաբերող նոր (լրացուցիչ) տվյալները, գյուտի իրագործման օրինակները, լրացուցիչ տեխնիկական արդյունքի ստացման հնարավորության նշումը, ճշգրտված գրաֆիկական նյութերը և այլն:
159. Եթե փորձաքննությունը գտնում է, որ լրացուցիչ նյութերը փոփոխում են հայտարկված գյուտի էությունը, ապա հայտատուն ծանուցվում է այն մասին, թե ներկայացված լրացուցիչ նյութերից որոնք են փոփոխել գյուտի էությունը:
160. Եթե լրացուցիչ նյութերում ներկայացվում է հայտատուի կողմից փոփոխված հավակնության սահմանումը, ստուգման ընթացքում որոշվում է՝ արդյո՞ք այդ հավակնության սահմանումը ներառում է այլ գյուտ այն հավակնության սահմանման նկատմամբ, որի նկատմամբ կատարվել են փոփոխություններ:
161. Փոփոխված հավակնության սահմանումը համարվում է այլ գյուտ ներառող, եթե՝
հավակնության սահմանման մեջ ներառվում է լրացուցիչ անկախ կետ.
նշանակությունը արտահայտող սեռային հասկացությունը փոխարինվում է այլ, ոչ համարժեք չհատվող և կախվածության մեջ չգտնվող հասկացությամբ.
գյուտի առարկայի տեսակը (արտադրանք կամ եղանակ) փոփոխվում է, եթե չի կատարվել պայմանը, որով վերստին նշված գյուտի տեսակը առավելագույն չափով համապատասխանում է փոփոխված գյուտի հավակնության սահմանման մեջ ներառվող հատկանիշների բնույթին։
162. Եթե լրացուցիչ նյութերը ամբողջությամբ կամ մասամբ փոփոխում են հայտարկված գյուտի էությունը և(կամ) ներկայացված են՝ չպահպանելով գյուտի միասնության պահանջի պայմանները, ապա հայտատուն ծանուցվում է այն մասին, որ դրանք չեն կարող հաշվի առնվել փորձաքննության կողմից ամբողջությամբ կամ համապատասխան մասով:
Գ Լ ՈՒ Խ 8
ԱՐՏՈՆԱԳԻՐ ՏԱԼՈՒ ՄԱՍԻՆ ՈՐՈՇՈՒՄԸ
163. Եթե ըստ էության փորձաքննության արդյունքում պարզվում է, որ հայտատուի կողմից առաջարկված հավակնության սահմանումով հայտարկված գյուտը համապատասխանում է արտոնագրաունակության պայմաններին, Գործակալությունը Օրենքի 27-րդ հոդվածի 3-րդ մասի համաձայն, որոշում է կայացնում հիմնական արտոնագիր տալու մասին այդ հավակնության սահմանումով։
164. Եթե գյուտի նկարագրությունը կամ գծագրերը ունեն թերություններ, հայտատուին առաջարկվում է եռամսյա ժամկետում ներկայացնել ճշգրտված նկարագրությունը կամ գծագրերը։ Սահմանված ժամկետում ճշգրտված նկարագրությունը կամ գծագրերը չներկայացնելու դեպքում, դրանք տպագրվում են նշված թերություններով։
165. Հիմնական արտոնագրի մասին պաշտոնական տեղեկությունների հրապարակման օրվանից նախնական արտոնագրի գործողությունը դադարեցվում է:
166. Օրենքի 4-րդ հոդվածի 3-րդ մասի համաձայն, հիմնական արտոնագիրը գործում է մինչև հայտը ներկայացնելու օրվանից 20 տարին լրանալը:
Գ Լ ՈՒ Խ 9
ԱՐՏՈՆԱԳԻՐ ՏԱԼԸ ՄԵՐԺԵԼՈՒ ՄԱՍԻՆ ՈՐՈՇՈՒՄԸ
167. Եթե ըստ էության փորձաքննության արդյունքում պարզվում է, որ հայտատուի կողմից առաջարկված հավակնության սահմանումով հայտարկված գյուտը չի համապատասխանում արտոնագրաունակության պայմաններից որևէ մեկին, Գործակալությունը Օրենքի 27-րդ հոդվածի 3-րդ մասի համաձայն, որոշում է կայացնում արտոնագիր տալը մերժելու մասին՝ բերելով համապատասխան փաստարկներ:
Օրենքի 34-րդ հոդվածի 5-րդ մասի համաձայն, գյուտի նախնական արտոնագիրն ամբողջությամբ ճանաչվում է անվավեր, եթե Օրենքի 27-րդ հոդվածի համաձայն, անցկացված փորձաքննության արդյունքում արտոնագրաունակության պայմաններին չհամապատասխանելու հիմքով մերժվում է գյուտի հիմնական արտոնագիր տալը։
168. Եթե պարզվում է, որ մեկ անկախ կետ և կախյալ կետեր ունեցող բազմօղակ հավակնության սահմանումով բնութագրված հայտարկված գյուտը անկախ կետի մասով չի համապատասխանում արտոնագրաունակության պայմաններից որևէ մեկին, իսկ հայտատուն հրաժարվում է ճշգրտել այդ կետը, ապա որոշում է ընդունվում արտոնագիր տալը մերժելու մասին:
169. Եթե պարզվում է, որ մեկ անկախ կետ և կախյալ կետեր ունեցող բազմօղակ հավակնության սահմանումով բնութագրված հայտարկված գյուտի անկախ կետը համապատասխանում է արտոնագրաունակության պայմաններին, իսկ կախյալ կետերում պարունակվող գյուտի բնութագրումը խոչընդոտում է հայտատուի կողմից նշված գյուտի նշանակության իրականացմանը, կամ էլ հակասում է հասարակական շահերին, մարդասիրության և բարոյականության սկզբունքներին, իսկ հայտատուն հրաժարվում է ճշգրտել կամ հավակնության սահմանումից հանել այդ կախյալ կետերը, ապա որոշում է ընդունվում արտոնագիր տալը մերժելու մասին:
170. Այն դեպքում, երբ հայտատուի կողմից առաջարկված հավակնության սահմանումն ունի մեկ անկախ կետ և այն չի ներառում նկարագրության մեջ առկա գյուտի էական հատկանիշը, ինչի արդյունքում գյուտը չի համապատասխանում արտոնագրաունակության որևէ պայմանի, և հայտատուն հրաժարվում է մտցնել այդ հատկանիշը հավակնության սահմանման մեջ, որոշում է ընդունվում արտոնագիր տալը մերժելու մասին:
171. Եթե պարզվում է, որ հավակնության սահմանման մեջ բնութագրված հայտարկված գյուտերի խմբից որևէ մեկը կամ տարբեր այլընտրանքային հատկանիշներ ունեցող որևէ հատկանիշների համախմբություն արտոնագրաունակ չէ, և հայտատուն հրաժարվում է ճշգրտել կամ հավակնության սահմանումից հանել այդ գյուտի բնութագրումը, որոշում է կայացվում արտոնագիր տալը մերժելու մասին: Ընդ որում, որոշման մեջ հաստատվում է խմբի մյուս գյուտի (գյուտերի) արտոնագրաունակությունը:
Գ Լ ՈՒ Խ 10
ԿՐԿՆԱԿԱՆ ՓՈՐՁԱՔՆՆՈՒԹՅՈՒՆԸ
172. Օրենքի 27-րդ հոդվածի 4-րդ մասի համաձայն Գործակալության որոշմանը չհամաձայնելու դեպքում այն ստանալու օրվանից երկամսյա ժամկետում, հայտատուն կարող է դիմել կրկնական փորձաքննության խնդրանքով: Կրկնական փորձաքննությունն անցկացվում է դիմումն ստանալու օրվանից մեկամսյա ժամկետում:
173. Օրենքի 27-րդ հոդվածի 5-րդ մասի համաձայն, կրկնական փորձաքննության որոշմանը չհամաձայնելու դեպքում, այն ստանալու օրվանից երկամսյա ժամկետում, հայտատուն իրավունք ունի բողոք ներկայացնել Գործակալության բողոքարկման խորհուրդ, վճարելով համապատասխան պետական տուրք։ Բողոքարկման խորհուրդը բողոքը քննարկում է դա ստանալու օրվանից երկամսյա ժամկետում։
174. Օրենքի 27 հոդվածի 6-րդ մասի համաձայն, փորձաքննության ցանկացած որոշմանը կամ բողոքարկման խորհրդի որոշմանը չհամաձայնելու դեպքում, այն ստանալու օրվանից 6 ամսվա ընթացքում հայտատուն իրավունք ունի օրենքով սահմանված կարգով դիմել դատարան:
Գ Լ ՈՒ Խ 11
ՄԻՋԱԶԳԱՅԻՆ ՀԱՅՏԻ ԸՍՏ ԷՈՒԹՅԱՆ ՓՈՐՁԱՔՆՆՈՒԹՅՈՒՆԸ
175. Միջազգային հայտի ըստ էության փորձաքննությունը անցկացվում է սույն Կարգի 1-171-րդ կետերի համաձայն։
176. Օրենքի 27-րդ հոդվածի 1-ին մասով սահմանված ժամկետը, որի ընթացքում կարող է տրվել դիմում ըստ էության փորձաքննություն անցկացնելու մասին, հաշվարկվում է այդ հայտի միջազգային հայտի ներկայացման թվականից։
177. Համաձայն ԱՀՊ-ի 27(5)-րդ հոդվածի, հայտարկվող գյուտի տեխնիկայի մակարդակը որոշելու և գյուտի համապատասխանությունը արտոնագրաունակության պայմաններին ստուգելու ժամանակ Գործակալությունը ղեկավարվում է Օրենքի և սույն Կարգի դրույթներով։
