ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

«20» օգոստոս 2024 թ.

N 263-Ն

Հիմք ընդունելով «Նորմատիվ իրավական ակտերի մասին» օրենքի 33-րդ, 34-րդ հոդվածները.

Հրամայում եմ`

1. Հայաստանի Հանրապետության առողջապահության նախարարի 2021 թվականի ապրիլի 26-ի «Անձի մահից հետո դոնոր հանդես գալու գրավոր անհամաձայնություն ներկայացնելու կարգը հաստատելու մասին» N 23-Ն հրամանի հավելվածի`

1) 2-րդ կետում «կառավարության 2006 թվականի մարտի 30-ի 420-Ն որոշմամբ սահմանված կարգով» բառերը փոխարինել «առողջապահության նախարարի 2023 թվականի հոկտեմբերի 17-ի N 48-Ն հրամանի 1-ին կետով հաստատված ընթացակարգով» բառերով, իսկ «տեղամասային թերապևտի» բառերը` «թերապևտի» բառով.

2) 5-րդ կետը շարադրել նոր խմբագրությամբ`

«5. Անձը դիակային դոնոր հանդես գալու գրավոր ներկայացված անհամաձայնությունը կարող է գրավոր հետ վերցնել և կրկին ներկայացնել իր բժշկի մոտ` առանց սահմանափակումների:»:

2. Հայաստանի Հանրապետության առողջապահության նախարարի 2021 թվականի դեկտեմբերի 9-ի «Արտահիվանդանոցային և հիվանդանոցային պայմաններում բժշկական օգնության և սպասարկման կազմակերպման, հիվանդանոցային բժշկական օգնության և սպասարկման մակարդակների սահմանման և տրամադրման կարգը հաստատելու մասին» N 93-Ն հրամանի հավելվածի 8-րդ կետում «Կառավարության 2006 թվականի մարտի 30-ի թիվ 420-Ն որոշմամբ» բառերը փոխարինել «Առողջապահության նախարարի 2023 թվականի հոկտեմբերի 17-ի N 48-Ն հրամանով» բառերով:

3. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:

Պարտականությունները կատարող`   20.08.2024

Լ. Նանուշյան