ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

«17» ապրիլ 2024 թ.

N 113-Ն

ԱՉՔԻ ԲՈՐԲՈՔԱՅԻՆ ՀԻՎԱՆԴՈՒԹՅԱՆ ՀԵՏԵՎԱՆՔՈՎ ԱՌԱՋԱՑԱԾ ԵՐԿՐՈՐԴԱՅԻՆ ԳԼԱՈՒԿՈՄԱՅՈՎ ՊԱՑԻԵՆՏԻ ՎԱՐՄԱՆ ԳՈՐԾԵԼԱԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Բնակչության բժշկական օգնության և սպասարկման մասին» օրենքի 2-րդ հոդվածի 1-ին մասի 31-րդ կետը`

Հրամայում եմ

1. Հաստատել աչքի բորբոքային հիվանդության հետեվանքով առաջացած երկրորդային գլաուկոմայով պացիենտի վարման գործելակարգը՝ համաձայն hավելվածի:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

17.04.2024

Ա. ԱվանեսՅԱՆ

Հավելված ՀՀ առողջապահության նախարարի «17» ապրիլ 2024 թվականի N 113-Ն հրամանի

ԳՈՐԾԵԼԱԿԱՐԳ

ԱՉՔԻ ԲՈՐԲՈՔԱՅԻՆ ՀԻՎԱՆԴՈՒԹՅԱՆ ՀԵՏԵՎԱՆՔՈՎ ԱՌԱՋԱՑԱԾ ԵՐԿՐՈՐԴԱՅԻՆ ԳԼԱՈՒԿՈՄԱՅՈՎ ՊԱՑԻԵՆՏԻ ՎԱՐՄԱՆ

1. Նոզոլոգիաների խումբ` ըստ հիվանդությունների և առողջության հետ կապված խնդիրների վիճակագրական 10-րդ վերանայման դասակարգչի․

Հ/Հ	Կոդը	Անվանում
1)	H40.4	Երկրորդային գլաուկոմա` առաջացած աչքի բորբոքային հիվանդության հետևանքով (Պատճառը նույնականացնելու անհրաժեշտության դեպքում կիրառվում է լրացուցիչ ծածկագիր)

2․ Նոզոլոգիաների խումբը կիրառելի է՝ ըստ սույն հավելվածով սահմանված Ձև 1-ի․

Ձև 1

1)	Տարիքային խումբ (նորածին, երեխա, դեռահաս, մեծահասակ)	Նորածին, երեխա, դեռահաս, մեծահասակ
2)	Սեռ (արական, իգական)	Արական, իգական
3)	Բարդություններ (առանց բարդությունների (ԱԲ), բարդություններով (Բ))	Բ
4)	Հիվանդության փուլը (նկարագրել)	Կիրառելի չէ
5)	Բժշկական օգնության և սպասարկման պայմանները (բժշկական կազմակերպությունից դուրս, արտահիվանդանոցային պայմաններում, ցերեկային ստացիոնարի պայմաններում, հիվանդանոցային պայմաններում)	Արտահիվանդանոցային պայմաններում, հիվանդանոցային պայմաններում
6)	Բժշկական օգնության և սպասարկման ծառայությունների մատուցման ձևը (շտապ, անհետաձգելի, պլանային)	Շտապ, անհետաձգելի, պլանային
7)	Կիրառման շրջանակը (նշել մասնագետների շրջանակը)	Ակնաբույժ, գլաուկոմայի բուժմամբ մասնագիտասված ակնաբույժ
8)	Գանգատներ	Տեսողության վատացում, տեսողության կորուստ, տեսադաշտի լոկալ անկում, տեսադաշտի նեղացում։
9)	Անամնեզ	Տարիքը, սեռը, ստացած բուժումները, ժառանգականությունը, առողջական այլ խնդիրները (հիպերտոնիկ հիվանդություն, էնդոկրին հիվանդություններ)
10)	Զննման արդյունք/Ցուցում	Տեսողության սրության իջեցում, ցիկլոպլեգիկ և ոչ ցիկլոպլեգիկ ռեֆրակցիայի գնահատում, տոպոգրաֆիա, օֆթալմոսկոպիա, համակարգչային պերիմետրիա, օպտիկական կոհերենտ տոմոգրաֆիա
11)	Հոսպիտալացման Ցուցում	Տեսողության կորուստ

3․ Բժիշկ-մասնագետի կողմից պացիենտի զննումը, խորհրդատվությունը իրականացվում է ըստ Ձև 2-ի (անհրաժեշտության դեպքում անհրաժեշտ է նշել հիվանդության փուլերը)․

Ձև 2

Հ/հ	Խորհրդատվության տեսակը	Տրամադրման քանակը
		ԱԲ	Բ
1)	Ակնաբույժ	1	1
2)	Գլաուկոմայի բուժմամբ մասնագիտասված ակնաբույժ	1	1

4․ Սույն հավելվածի Ձև 2-ում նշված տրամադրվող քանակների համար նշվում է միջինացված ցուցանիշ, նկատի ունենալով տվյալ զննման, խորհրդատվության իրականացման հաճախականությունը։ Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ զննման, խորհրդատվության իրականացման հաճախականությունը։

5․ Լաբորատոր-գործիքային ախտորոշիչ հետազոտություններն իրականացվում են՝ ըստ Ձև 3-ի (անհրաժեշտության դեպքում անհրաժեշտ է նշել հիվանդության փուլերը)․

Ձև 3

	Լաբորատոր հետազոտություններ
Հ/Հ	Կոդը	Անվանումը	Տրամադրման քանակը		Արդյունք
			ԱԲ	Բ
1)	Կիրառելի չէ		-	-	-
Գործիքային հետազոտություններ
2)	Առկա չէ	Ավտոռեֆրակտոմետրիա	1	1	+0.5 >
3)	Առկա չէ	Բիոմիկրոսկոպիա	0,5	0,5	Բեկող միջավայրերը` ա.եղջերաթաղանթը՝ թափանցիկ կամ պղտոր, բ.առաջային խցիկը՝ թափանցիկ կամ պղտոր, գ.ոսպնյակը՝ թափանցիկ կամ թույլ պղտոր կամ պղտոր, դ.ապակենման մարմինը՝ թափանցիկ կամ առկա են լողացող պղտորումներ
4)	Առկա չէ	Համակարգչային պերիմետրիա	1	1	Տեսադաշտի նեղացում, սկոտոմաներ
5)	Առկա չէ	Գոնիոսկոպիա	1	1	Առաջային խցիկի անկյունը՝ բաց/փակ
6)	Առկա չէ	Օֆթալմոսկոպիա	0,5	0,5	Տեսանյարդի վնասում
7)	Առկա չէ	Օպտիկական կոհերենտ տոմոգրաֆիա	0,75	0,25	Նյարդաթելերի շերտի վնասում կամ բարակեցում
8)	Առկա չէ	Տոնոմետրիա	1	1	9-24
9)	Առկա չէ	Պախիմետրիա	1	1	514- 560
10)	Առկա չէ	Գերձայնային հետազոտություն	1	1	Ախտաբանական փոփոխությունների հայտնաբերում

6․ Սույն հավելվածի Ձև 3-ում սահմանված տրամադրվող քանակների համար նշվում է միջինացված ցուցանիշ, նկատի ունենալով տվյալ հետազոտության իրականացման հաճախականությունը։ Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ հետազոտության իրականացման հաճախականությունը։

7․ Օգտագործվող դեղերի ցանկը սահմանվում է ըստ Ձև 4-ի (անհրաժեշտության դեպքում նշել հիվանդության փուլերը)․

Ձև 4

Հ/հ	Անվանում, դեղաչափ, դեղաձև, փաթեթավորում	Անվանում (ջեներիկ)	Չափման միավոր	Միջինացված ցուցանիշ՝ տրամադրման հաճախա-կանություն	Միջին օրական չափա-քանակ	Բուժման կուրսի միջին չափա-քանակ	Օրերի քանակ
1)	Լատանոպրոստ 50մկգ/մլ	Լատանո-պրոստ 50մկգ/մլ	ակնակա-թիլներ	1 անգամ	1 կաթիլ	1-10	օր
2)	Դորզոլամիդ (դորզոլամիդի հիդրոքլորիդ) 20մգ/մլ	Դորզոլամիդ (դորզոլամիդի հիդրոքլորիդ) 20մգ/մլ	ակնակա-թիլներ	2 անգամ	2 կաթիլ	1-10	-
3)	Պիլոկարպին 10մգ/մլ	Պիլոկարպին 10մգ/մլ	ակնակա-թիլներ	2 անգամ	2 կաթիլ	1- 10	օր
4)	Թիմոլոլ (թիմոլոլի մալեատ) 5մգ/մլ	Թիմոլոլ (թիմոլոլի մալեատ) 5մգ/մլ	ակնակա-թիլներ	2 անգամ	2 կաթիլ	1- 10	օր

8․ Սույն հավելվածի Ձև 4-ում սահմանված`

1) նշանակված դեղի նկատմամբ անհատական անտանելիության դեպքում ավագ բուժաշխատողը իրավասու է նշանակել այլ դեղ,

2) տրամադրվող քանակների համար նշվում է միջինացված ցուցանիշ, նկատի ունենալով տվյալ դեղի օգտագործման հաճախականությունը։ Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ դեղի օգտագործման հաճախականությունը։

9. Բուժական այլ միջոցառումներ սահմանվում են Ձև 5-ում (անհրաժեշտության դեպքում անհրաժեշտ է նշել հիվանդության փուլերը)․

Ձև 5

Հ/հ	Բժշկական ծառայության տեսակը	Տրամադրման քանակը
		ԱԲ	Բ
1)	Սինուստրաբեկուլոպլաստիկա	0,75	1
2)	YAG- լազերային իրիդոտոմիա	0,75	1
3)	Վիրահատական բուժում	0,25	0,25

10․ Սույն հավելվածի Ձև 5-ում սահմանված տրամադրվող քանակների համար նշվում է միջինացված ցուցանիշ, նկատի ունենալով, թե ինչ հաճախականությամբ է իրականացվում տվյալ բուժական միջոցառումը։ Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ բուժական միջոցառման կիրառման հաճախականությունը։

ԳՈՐԾԵԼԱԿԱՐԳԻ ՄՇԱԿՄԱՆ ԱՂԲՅՈՒՐԸ

1. https://pubmed.ncbi.nlm.nih.gov/

2. https://www.aao.org/

3. Ջեք Կանսկի` «Կլինիկական ակնաբուժություն: Համակարգված մոտեցում»

Պաշտոնական հրապարակման օրը՝ 2 մայիսի 2024 թվական: