ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2016 թվականի դեկտեմբերի 16-ին

Հոդված 1. «Պետական տուրքի մասին» Հայաստանի Հանրապետության 1997 թվականի դեկտեմբերի 27-ի ՀՕ-186 օրենքում՝

1) 19-րդ հոդվածի երկրորդ 15.4-րդ կետը շարադրել հետևյալ խմբագրությամբ.

«15.4.1. Ընդհանուր օգտագործման ուղևորատար ավտոմոբիլային տրանսպորտով կանոնավոր փոխադրումների կազմակերպման համար՝

- կազմակերպությունների և անհատ ձեռնարկատերերի կողմից միջպետական, միջմարզային, ներմարզային, ներքաղաքային երթուղու (անկախ երթուղիների քանակից) տարեկան սպասարկման համար

բազային տուրքի 100-ապատիկի չափով».

2) 20-րդ հոդվածը լրացնել հետևյալ բովանդակությամբ 53-րդ և 54-րդ կետերով.

«53.	միջպետական ոչ կանոնավոր ուղևորափոխադրումների 9-17 նստատեղ ունեցող տրանսպորտային միջոցներով մեկ երթ իրականացնելու համար՝
	դեպի Վրաստան	բազային տուրքի 15-ապատիկի չափով
	դեպի այլ պետություններ	բազային տուրքի 50-ապատիկի չափով
	17-ից ավելի նստատեղ ունեցող տրանսպորտային միջոցներով մեկ երթ իրականացնելու համար՝
	դեպի Վրաստան	բազային տուրքի 50-ապատիկի չափով
	դեպի այլ պետություններ	բազային տուրքի 150-ապատիկի չափով
54.	Հայաստանի Հանրապետության հետ տրանսպորտի բնագավառը կանոնակարգող միջազգային համաձայնագրեր չունեցող պետությունից դեպի Հայաստանի Հանրապետություն և հակառակ ուղղությամբ այլ պետություններում հաշվառված տրանսպորտային միջոցներով միջպետական ոչ կանոնավոր ուղևորափոխադրումների մեկ երթ իրականացնելու համար՝
	9-17 նստատեղ ունեցող տրանսպորտային միջոցների համար	բազային տուրքի 100-ապատիկի չափով
	17-ից ավելի նստատեղ ունեցող տրանսպորտային միջոցների համար	բազային տուրքի 200-ապատիկի չափով»:

Հոդված 2. Սույն օրենքի 1-ին հոդվածի 1-ին մասի գործողությունը տարածվում է նաև կազմակերպությունների և անհատ ձեռնարկատերերի կողմից Երևան քաղաքում ներքաղաքային երթուղու սպասարկման համար 2015 թվականի տարեկան պետական տուրքի վճարման հետ կապված հարաբերությունների վրա:

Հոդված 3. Սույն օրենքն ուժի մեջ է մտնում պաշտոնական հրապարակման օրվան հաջորդող երեսուներորդ օրը։

Հայաստանի Հանրապետության Նախագահ	Ս. Սարգսյան
2017 թ. հունվարի 14 Երևան ՀՕ-19-Ն