ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 մարտի 2017 թվականի N 302-Ա

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻ ԴԵՊԱՐՏԱՄԵՆՏ» ՊԵՏԱԿԱՆ ԿԱՌԱՎԱՐՉԱԿԱՆ ՀԻՄՆԱՐԿԻՆ ԱՆՇԱՐԺ ԳՈՒՅՔ ԱՄՐԱՑՆԵԼՈՒ ՄԱՍԻՆ

Հիմք ընդունելով «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածը` Հայաստանի Հանրապետության կառավարությունը որոշում է.

1. Հայաստանի Հանրապետության սեփականությունը հանդիսացող անշարժ գույքը (այսուհետ՝ անշարժ գույք)՝ համաձայն հավելվածի, հետ վերցնել «Հայաստանի Հանրապետության կառավարությանն առընթեր պետական եկամուտների կոմիտեի աշխատակազմ», «Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի աշխատակազմ» և «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկներից և ամրացնել «Հայաստանի Հանրապետության քննչական կոմիտեի դեպարտամենտ» պետական կառավարչական հիմնարկին:

2. Առաջարկել Հայաստանի Հանրապետության քննչական կոմիտեի նախագահին Հայաստանի Հանրապետության կառավարությանն առընթեր պետական եկամուտների կոմիտեի նախագահի, Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի և Հայաստանի Հանրապետության կառավարությանն առընթեր պետական գույքի կառավարման վարչության պետի հետ համատեղ, սույն որոշումն ուժի մեջ մտնելուց հետո եռամսյա ժամկետում, Հայաստանի Հանրապետության օրենսդրությամբ սահմանված կարգով ապահովել որոշման հավելվածում նշված տարածքների հանձնման-ընդունման և սեփականության իրավունքի պետական գրանցման աշխատանքների կատարումը՝ դրանց հետ կապված ծախսերն իրականացնելով Հայաստանի Հանրապետության քննչական կոմիտեի դեպարտամենտի միջոցների հաշվին:

Հայաստանի Հանրապետության վարչապետ	Կ. Կարապետյան
2017 թ. մարտի 27 Երևան

Հավելված ՀՀ կառավարության 2017 թվականի մարտի 23-ի N 302-Ա որոշման

Ց Ա Ն Կ

«Հայաստանի Հանրապետության քննչական կոմիտեի դեպարտամենտ» պետական կառավարչական հիմնարկին ամրացվող անշարժ գույքի

NN ը/կ	Գտնվելու վայրը	Մակերեսը (քառ. մետր)	Սկզբնական արժեքը (դրամ)	Տարածքի տնօրինման լիազորությունն իրականացնող պետական հիմնարկը
1.	ՀՀ Շիրակի մարզ, քաղ. Արթիկ, Բաղրամյան 4	245.3	7 925 770	ՀՀ կառավարությանն առընթեր պետական եկամուտների կոմիտեի աշխատակազմ
2.	ՀՀ Լոռու մարզ, քաղ. Ստեփանավան, Գ. Նժդեհի 5	339.8	7 866 252	ՀՀ կառավարությանն առընթեր պետական եկամուտների կոմիտեի աշխատակազմ
3.	ՀՀ Տավուշի մարզ, քաղ. Իջևան, Մելիքբեկյան 3	323	5 000 000	ՀՀ կառավարությանն առընթեր պետական եկամուտների կոմիտեի աշխատակազմ
4.	ՀՀ Արարատի մարզ, քաղ. Արտաշատ, Մարքսի 15 ա	500	341 585 727	ՀՀ կառավարությանն առընթեր անշարժ գույքի կադաստրի պետական կոմիտեի աշխատակազմ
5.	ՀՀ Գեղարքունիքի մարզ, քաղ. Մարտունի, Գ. Նժդեհի 3	403	41600	ՀՀ կառավարությանն առընթեր անշարժ գույքի կադաստրի պետական կոմիտեի աշխատակազմ
6.	ՀՀ Տավուշի մարզ, քաղ. Նոյեմբերյան, Զ. Անդրանիկի 3	105.5	209 973 696	ՀՀ կառավարությանն առընթեր պետական գույքի կառավարման վարչության աշխատակազմ

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան