118

20 97 00 45

26.08.97

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

7 օգոստոսի 1997 թ. N 268

ՀԱՇՎԵԳՐՄԱՆ ՄԵԹՈԴՈՎ ԻՐԱՑՈՒՄԻՑ ՀԱՍՈՒՅԹԻ ՃԱՆԱՉՄԱՆ ՊԱՀԻ ՄԱՍԻՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Հաստատում եմ

«Հաշվեգրման մեթոդով իրացումից հասույթի ճանաչման պահի մասին» հրահանգը:

Նախարար`

Ա. Դարբինյան

Հաստատված է ՀՀ ֆինանսների և էկոնոմիկայի նախարարի 07.08.97 թ. N 268 հրամանով

Հ Ր Ա Հ Ա Ն Գ

ՀԱՇՎԵԳՐՄԱՆ ՄԵԹՈԴՈՎ ԻՐԱՑՈՒՄԻՑ ՀԱՍՈՒՅԹԻ ՃԱՆԱՉՄԱՆ ՊԱՀԻ ՄԱՍԻՆ

Սույն հրահանգը սահմանվում է ի կատարումն ՀՀ կառավարության 1996 թվականի մայիսի 2-ի «Հայաստանի Հանրապետության հաշվապահական հաշվառման ԵՎ հաշվետվության մասին կանոնադրությունը հաստատելու մասին» թիվ 147 որոշման 2-րդ կետի:

1. ԸՆԴՀԱՆՈՒՐ ԴՐՈՒՅԹՆԵՐ

1.1. Սույն հրահանգը հրապարակվում է ՀՀ կառավարության 1996 թվականի մայիսի 2-ի թիվ 147 որոշմամբ հաստատված «Հայաստանի Հանրապետությունում հաշվապահական հաշվառման և հաշվետվության մասին» կանոնադրության 72-րդ կետով սահմանված` Հայաստանի Հանրապետությունում ձեռնարկությունների և կազմակերպությունների արտադրանքի, ապրանքների, աշխատանքների, ծառայությունների, ոչ նյութական ակտիվների, հիմնական միջոցների և այլ ակտիվների իրացումից հասույթի ճանաչման պահը գործառնության (գործարքի, փաստի) կատարման պահով որոշելու վերաբերյալ դրույթի կատարումն ապահովելու նպատակով:

1.2. Հաշվեգրման մեթոդով արտադրանքի, ապրանքների, ոչ նյութական ակտիվների, հիմնական միջոցների և այլ ակտիվների (հետագայում` ապրանքներ) աշխատանքների, ծառայությունների իրացումից հասույթի ճանաչման պահը որոշվում է գործառնության (գործարքի, փաստի) կատարման պահով, անկախ դրանց դիմաց ստացված վճարումներից:

1.3. Սույն հրահանգը կիրարկվում է 1997 թվականի հուլիսի 1-ից հետո առաքված ապրանքների, կատարված աշխատանքների և մատուցված ծառայությունների նկատմամբ:

2. ԱՊՐԱՆՔՆԵՐԻ ԻՐԱՑՈՒՄԻՑ ՀԱՍՈՒՅԹԻ ՃԱՆԱՉՄԱՆ ՊԱՀԸ

2.1. Ապրանքների իրացումից հասույթի ճանաչման պահը մատակարարից (վաճառողից) գնորդին դրանց սեփականության իրավունքի փոխանցման պահն է, եթե ՀՀ օրենսդրությամբ այլ բան չի նախատեսվում: Ներքոթվարկյալ յուրաքանչյուր պայմանի դեպքում իրացումից հասույթը համապատասխանաբար ճանաչվում է.

ա) եթե իրականացվում է կոնսիգնացիոն (ստացողը ստանձնում է վաճառել ապրանքները մատակարարի անունից), կոմիսիոն վաճառք (ստացողը ստանձնում է վաճառել ապրանքներ իր անունից), ապա մատակարարի կողմից իրացումից հասույթը ճանաչվում է երրորդ կողմին դրանց հանձնման պահին,

բ) եթե մատակարարը պարտավորվում է տեղակայել առաքված ապրանքները, ապա իրացումից հասույթը ճանաչվում է այդ աշխատանքների ավարտման պահին,

գ) եթե առաքված ապրանքները գնորդն ընդունելու է տեխնիկական փորձաքննության ենթարկելուց հետո, ապա իրացումից հասույթը ճանաչվում է այդ աշխատանքների ավարտման պահին,

դ) եթե իրականացվում է արտադրանքի հետաձգված տեղափոխումով գործարք (գնորդի խնդրանքով առաքումը հետաձգվում է` դրանք ի պահ թողնելով մատակարարի մոտ), ապա իրացումից հասույթը ճանաչվում է գնորդի կողմից ըստ հաշիվների պարտավորությունն ընդունելու պահին,

ե) եթե սույն կետի ա)-դ) ենթակետերում նշված պայմաններից ոչ մեկը առկա չէ, ապա իրացումից հասույթը ճանաչվում է ապրանքները որևէ վայրում գնորդին հանձնելու պահին:

3. ԱՇԽԱՏԱՆՔՆԵՐԻ ԵՎ ԾԱՌԱՅՈՒԹՅՈՒՆՆԵՐԻ ԻՐԱՑՈՒՄԻՑ ՀԱՍՈՒՅԹԻ ՃԱՆԱՉՄԱՆ ՊԱՀԸ

3.1. Աշխատանքների և ծառայությունների իրացումից հասույթը ճանաչելու նպատակով, սույն հրահանգի սահմաններում աշխատանքներն ու ծառայությունները դասակարգվում են.

3.2. Ժամկետային բնույթի աշխատանքների կատարման և ծառայությունների մատուցման դեպքում իրացումից հասույթը ճանաչվում է դրանց ավարտման և պատվիրատուի կողմից ընդունման պահին: Ընդ որում, երբ պայմանագրով նախատեսվում է աշխատանքների և ծառայությունների առանձին փուլերի ընդունում պատվիրատուի կողմից, տվյալ փուլի իրացումից հասույթը ճանաչվում է աշխատանքների և ծառայությունների այդ փուլի կատարման և պատվիրատուի կողմից ընդունման պահին:

3.3. Կազմակերպությունները, իրենց հայեցողությամբ, ժամկետային բնույթի աշխատանքների կատարման և ծառայությունների մատուցման դեպքում իրացումից հասույթը կարող են ճանաչել դրանց սկզբին հաջորդող ամսվանից սկսած` հավասարաչափ ըստ ամիսների:

3.4. Անընդհատ բնույթի ծառայությունների մատուցման (մատակարարման) դեպքում իրացումից հասույթը ճանաչվում է ՀՀ օրենսդրությամբ սահմանված կամ պայմանագրով նախատեսված վճարման ժամկետներին` անկախ դրանց դիմաց ստացված վճարումներից: