«Գրանցված է»
ՀՀ արդարադատության
նախարարության կողմից
1 նոյեմբերի 2002 թ.
Պետական գրանցման թիվ 10002265

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԱՌՈՂՋԱՊԱՀՈՒԹՅԱՆ ՆԱԽԱՐԱՐ

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԴԵՂԵՐԻ ԵՎ (ԿԱՄ) ԴԵՂԱՆՅՈՒԹԵՐԻ ՆԵՐՄՈՒԾՄԱՆ ԿԱՄ ԱՐՏԱՀԱՆՄԱՆ ՀԱՎԱՍՏԱԳԻՐ ՏԱԼՈՒ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Համաձայն ՀՀ կառավարության 2000 թվականի սեպտեմբերի 20-ի «Հայաստանի Հանրապետություն դեղերի և դեղանյութերի ներմուծման ու արտահանման կարգը հաստատելու մասին» N 581 որոշմամբ հաստատված «Հայաստանի Հանրապետություն դեղերի և դեղանյութերի ներմուծման ու արտահանման կարգի» 10-րդ կետի

ՀՐԱՄԱՅՈՒՄ ԵՄ՝

1. Հաստատել Հայաստանի Հանրապետություն դեղերի և (կամ) դեղանյութերի ներմուծման կամ արտահանման հավաստագիր տալու համար անհրաժեշտ փաստաթղթերի ցանկը (հավելված 1):

2. Սույն հրամանի կատարման հսկողությունը հանձնարարել ՀՀ առողջապահության նախարարության դեղորայքային և տեխնոլոգիական ապահովման վարչության պետ Ա. Բիշարյանին:

ՀԱՎԵԼՎԱԾ 1

Ց Ա Ն Կ

Հայաստանի Հանրապետություն դեղերի ԵՎ դեղանյութերի ներմուծման կամ արտահանման հավաստագիր տալու համար անհրաժեշտ փաստաթղթերի

1. Հայաստանի Հանրապետություն դեղերի և (կամ) դեղանյութերի առևտրային ներմուծում կամ արտահանում իրականացնելու նպատակով իրավաբանական անձը կամ անհատ ձեռնարկատերը Հայաստանի Հանրապետության առողջապահության նախարարություն է ներկայացնում՝

1.1. հայտ սահմանված ձևի (հավելված 2).

1.2. համապատասխան գործունեություն իրականացնելու լիցենզիայի պատճենը.

1.3. դեղերի և (կամ) դեղանյութերի ձեռք բերման պայմանագիրը՝ ստորագրված և կնքված կողմերի կողմից (բնօրինակը և պատճենը).

1.4. հաշիվ-ապրանքագիր, կնքված մատակարարի կողմից (բնօրինակը և պատճենը).

1.5. ապրանքափոխադրման բեռնագիր (բնօրինակը և պատճենը).

1.6. դեղի և (կամ) դեղանյութի յուրաքանչյուր խմբաքանակի որակի հավաստագիր՝ տրված արտադրող կազմակերպության կողմից: Միջնորդ կազմակերպություններից դեղերը և (կամ) դեղանյութերը ձեռք բերելու դեպքում, արտադրող կազմակերպության կողմից տրված որակի հավաստագիրը պետք է կնքված լինի միջնորդ կազմակերպության կնիքով (բնօրինակը և պատճենը).

1.7. դեղաբույսերի արդյունաբերման եղանակով արտահանման դեպքում ՀՀ բնապահպանության նախարարության կողմից տրված արտահանման թույլտվություն:

2. Հայաստանի Հանրապետություն դեղերի պետական գրանցման, գիտաժողովների, ցուցահանդեսների և այլ նմանատիպ միջոցառումների համար նախատեսված նմուշների ներմուծում իրականացնելու նպատակով Հայաստանի Հանրապետության առողջապահության նախարարություն է ներկայացվում՝

2.1. հայտ սահմանված ձևի (հավելված 2).

2.2. հաշիվ-ապրանքագիր, կնքված մատակարարի կողմից (բնօրինակը և պատճենը).

2.3. դեղերի և (կամ) դեղանյութի յուրաքանչյուր խմբաքանակի որակի հավաստագիր, պարտադիր նշելով ներմուծվող խմբաքանակի սերիան.

2.4. ապրանքափոխադրման բեռնագիր (բնօրինակը և պատճենը):

3. Հայաստանի Հանրապետություն դեղերի և (կամ) դեղանյութերի մարդասիրական օգնության կարգով ներմուծում կամ արտահանում իրականացնելու նպատակով Հայաստանի Հանրապետության առողջապահության նախարարություն է ներկայացվում՝

3.1. հայտ սահմանված ձևի (հավելված 2).

3.2. ՀՀ կառավարության մարդասիրական օգնության կենտրոնական հանձնաժողովի որոշումը տվյալ կազմակերպության ծրագիրը բարեգործական որակելու մասին.

3.3. հաշիվ-ապրանքագիր, կնքված մատակարարի կողմից (բնօրինակը և պատճենը), պարտադիր նշելով ներմուծվող խմբաքանակի սերիան, քանակը և պիտանիության ժամկետը.

3.4. ապրանքափոխադրման բեռնագիր (բնօրինակը և պատճենը).

3.5. առաքող երկրում տվյալ արտադրանքի գրանցման հավաստագիրը.

3.6. դեղերի և (կամ) դեղանյութերի տվյալ խմբաքանակի որակի հավաստագիրը:

4. Հայաստանի Հանրապետություն դեղերի կլինիկական և նախակլինիկական հետազոտությունների համար նախատեսված նմուշների ներմուծում ու արտահանում իրականացնելու նպատակով Հայաստանի Հանրապետության առողջապահության նախարարություն է ներկայացվում՝

4.1. հայտ սահմանված ձևի (հավելված 2).

4.2. հաշիվ-ապրանքագիր, կնքված մատակարարի կողմից (բնօրինակը և պատճենը), պարտադիր նշելով ներմուծվող խմբաքանակի սերիան, քանակը և պիտանիության ժամկետը.

4.3. դեղերի և (կամ) դեղանյութերի տվյալ խմբաքանակի որակի հավաստագիրը՝ տրված արտադրող կազմակերպության կողմից.

4.4. ապրանքափոխադրման բեռնագիր (բնօրինակը և պատճենը).

4.5. կլինիկական և նախակլինիկական հետազոտությունների մասին թույլտվությունը՝ տրված ՀՀ առողջապահության նախարարության կողմից (բնօրինակ և պատճենը).

5. Բոլոր փաստաթղթերի բնօրինակները վերադարձվում են հայտատուին:

ՀԱՎԵԼՎԱԾ 2

Հայաստանի Հանրապետության

Առողջապահության նախարար

________________________

անունը, ազգանունը

_____________________________________

իրավաբանական անձի կամ անհատ

ձեռնարկատիրոջ անվանումը, գտնվելու վայրը

_____________________________________

Հ Ա Յ Տ  N

Խնդրում եմ տալ ________________________________________ հավաստագիր

ներմուծման կամ արտահանման

___________________________________________________________

մատակարար (արտահանման) երկիրը և կազմակերպությունը

___________________________________________________________

դեղերի և (կամ) դեղանյութերի անվանումը

համար՝ համաձայն կից փաստաթղթերի:

Կից ներկայացնում եմ հետևյալ փաստաթղթերը

1. Համապատասխան լիցենզիայի պատճենը

2. Դեղերի և (կամ) դեղանյութերի ձեռք բերման պայմանագիրը

___________________________________________________________

պայմանագրի համարը, ամսաթիվը

3. Դեղերի և (կամ) դեղանյութերի ձեռք բերումը հաստատող փաստաթղթեր

(հաշիվ/ապրանքագիր)

___________________________________________________________

փաստաթղթի անվանումը, համարը, ամսաթիվը

4. Դեղերի և (կամ) դեղանյութերի տվյալ խմբաքանակի որակը հավաստող փաստաթղթերը:

5. Դեղերի և (կամ) դեղանյութերի փոխադրման բեռնագիր

___________________________________________________________

փաստաթղթի անվանումը, համարը, ամսաթիվը

Հայտնում եմ, որ ներկայացված փաստաթղթերը և նրանցում բերված տեղեկությունները ճիշտ են, որի համար ստորագրում եմ:

Կ.Տ.