ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2018 ԹՎԱԿԱՆԻ ՀՈԿՏԵՄԲԵՐԻ 19-Ի ԹԻՎ 16-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետի և 18-րդ հոդվածի 4-րդ մասի, ինչպես նաև «Նորմատիվ իրավական ակտերի մասին» օրենքի 33-րդ և 34-րդ հոդվածների դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հայաստանի Հանրապետության վիճակագրության պետական խորհրդի 2018 թվականի հոկտեմբերի 19-ի ««Մանկատների գործունեության մասին» Ձև 1-մանկատուն (տարեկան) վիճակագրական հաշվետվության ձևն ու լրացման հրահանգը հաստատելու և Հայաստանի Հանրապետության վիճակագրության պետական խորհրդի 2001 թվականի նոյեմբերի 20-ի թիվ 95 որոշումն ուժը կորցրած ճանաչելու մասին» թիվ 16-Ն որոշման.

1) 1-ին և 2-րդ կետերով հաստատված հավելված 1-ը և հավելված 2-ը շարադրել նոր խմբագրությամբ՝ համաձայն հավելված 1-ի և հավելված 2-ի.

2) 2-րդ կետից հանել «ձևի» բառը:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Բաժին 1. Մանկատան շենքային պայմանները (պատասխանների համարներն առնել շրջանակի մեջ)

100. Շենքը

100.1 տիպային

100.2 ոչ տիպային

110. Շենքի ընդհանուր վիճակը

110.1 բավարար է

110.2 պահանջվում է ընթացիկ վերանորոգում

110.3 պահանջվում է հիմնական վերանորոգում

110.4 վթարային է

110.9 այլ

120. Ջրամատակարարումը

120.1 կենտրոնացված`շուրջօրյա

120.2 կենտրոնացված`ժամանակացույցով (գրաֆիկով)

120.3 սեփական ջրաղբյուր

120.4 բերվում է ջրամաններով

120.9 այլ

130. Տաք ջրամատակարարում

130.1 առկա է

130.2 բացակայում է

130.9 այլ

140. Կոյուղացումը

140.1 միացված է կոյուղու կենտրոնացված համակարգին

140.2 ունի տեղական (լոկալ) ցանց

140.9 այլ

150. Ջերմամատակարարումը

150.1 կենտրոնացված

150.2 անհատական (լոկալ)

150.3 բացակայում է

150.9 այլ

160. Շենքը նախատեսված է ……….. երեխաների համար

Բաժին 2. Մանկատան սենյակները, օժանդակ տարածքները և դրանց մակերեսները

Բաժին 3. Մանկատան ապահովվածությունը (համապատասխան սյունակներում դնել «X» նշանը)

Բաժին 4. Երեխաների թվաքանակի սեռատարիքային բաշխվածությունը և շարժը

Բաժին 5. Աշխատողների թվաքանակն ըստ սեռի և կրթական մակարդակի

Բաժին 6. Ֆինանսական միջոցների ստացումը և օգտագործումը

Հ Ր Ա Հ Ա Ն Գ

«ՄԱՆԿԱՏՆԵՐԻ ԳՈՐԾՈՒՆԵՈՒԹՅԱՆ ՄԱՍԻՆ» ՁԵՎ 1-ՄԱՆԿԱՏՈՒՆ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգով կարգավորում է «Մանկատների գործունեության մասին» Ձև 1-մանկատուն (տարեկան) վիճակագրական հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

2. Հաշվետվությունը ներկայացնում են մանկատները, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Վիճակագրական կոմիտե՝ մինչև հաշվետու ժամանակաշրջանին հաջորդող տարվա մարտի 1-ը:

4. Հաշվետվության դիմային էջի «Փաստացի գործունեության հիմնական տեսակի» ծածկագիրը լրացվում է՝ համաձայն Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի թիվ 874-Ն հրամանով հաստատված «Տնտեսական գործունեության տեսակների դասակարգչի» 5-նիշ խմբավորման:

5. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

2. ՄԱՆԿԱՏԱՆ ՇԵՆՔԱՅԻՆ ՊԱՅՄԱՆՆԵՐԸ

6. Բաժին 1-ում լրացվում են մանկատան շենքային պայմանների վերաբերյալ տվյալները: Պատասխաններն ընտրելիս հաշվի առնել հետևյալը.

1) «100.1» ծածկագրով տողը նշել, եթե շենքը տիպային է և նախատեսված է երեխաների բնակության և կենսագործունեության ապահովման համար,

2) «100.2» ծածկագրով տողը նշել, երբ շենքը ոչ տիպային է և հարմարեցված է երեխաների բնակության և կենսագործունեության ապահովման համար,

3) «110.1»-«110.9» ծածկագրերով տողերում նշվում է շենքի ընդհանուր վիճակի վերաբերյալ տվյալները,

4) «120.1»-«140.9» ծածկագրերով տողերում նշվում է ջրամատակարարման, տաք ջրամատակարարման և կոյուղացման վերաբերյալ տվյալները,

5) «150.1»-«150.9» ծածկագրերով տողերում նշվում է ջերմամատակարարման վերաբերյալ տվյալները,

6) «160» ծածկագրով տողում լրացվում է մանկատանը նախատեսված տեղերի քանակը (այլ ոչ թե փաստացի զբաղեցված տեղերի կամ երեխաների թվաքանակը):

3. ՄԱՆԿԱՏԱՆ ՍԵՆՅԱԿՆԵՐԸ, ՕԺԱՆԴԱԿ ՏԱՐԱԾՔՆԵՐԸ ԵՎ ԴՐԱՆՑ ՄԱԿԵՐԵՍՆԵՐԸ

7. Բաժին 2-ում լրացվում են.

1) «200.1»-«200.15» ծածկագրերով տողերում՝ տվյալներ մանկատան առանձին նշանակության սենյակների քանակի և դրանց գումարային մակերեսների վերաբերյալ,

2) «200.16» ծածկագրով տողում՝ մանկատանն առկա այլ նշանակության սենյակների քանակը,

3) «210» ծածկագրով տողում՝ մանկատանը պատկանող կից կամ ամրակցված այլ տարածքի վերաբերյալ տվյալները,

4) սյունակում 3-ում՝ համապատասխան տվյալները պարզաբանող բացատրություններ (օրինակ՝ սպորտդահլիճը չի գործում, հյուրասենյակը վերանորոգման մեջ է և այլն):

4. ՄԱՆԿԱՏԱՆ ԱՊԱՀՈՎՎԱԾՈՒԹՅՈՒՆԸ

8. Բաժին 3-ում.

1) լրացվում են տվյալներ մանկատան գործունեության համար անհրաժեշտ կահավորանքով և այլ պարագաններով ապահովվածության վերաբերյալ (պատասախաններին համապատասխան վանդակներում դրվում է «X» նշանը),

2) սյունակ 4-ում լրացվում են համապատասխան տվյալները պարզաբանող բացատրություններ (օրինակ՝ հեռախոսակապը չի գործում, սպորտային պարագաները օգտագործման համար պիտանի չեն և այլն):

5. ԵՐԵԽԱՆԵՐԻ ԹՎԱՔԱՆԱԿԻ ՍԵՌԱՏԱՐԻՔԱՅԻՆ ԲԱՇԽՎԱԾՈՒԹՅՈՒՆԸ ԵՎ ՇԱՐԺԸ

9. Բաժին 4-ում լրացվում են.

1) «400», «430», «430.1», «430.2», «440», «450» և «460» ծածկագրերով տողերում՝ տվյալներ մանկատան երեխաների թվաքանակի և նրանց սեռատարիքային բաշխվածության վերաբերյալ,

2) «410»-«410.6», «420» և «420.1» ծածկագրերով տողերում՝ տվյալներ հաշվետու տարվա ընթացքում երեխաների քանակական շարժի մասին,

3) «410» ծածկագրով տողում «410.1»-«410.6» ծածկագրերով տողերի գումարը,

4) «430.1» ծածկագրով տողում՝ տվյալներ այն երեխաների մասին, որոնք անկողնային հիվանդներ են և առանց օգնության չեն կարող տեղաշարժվել,

5) «430.2» ծածկագրով տողում՝ այն երեխաների թվաքանակը և նրանց սեռատարիքային բաշխվածությունը, որոնք մանկատան բուժանձնակազմի (կամ համապատասխան բժշկական հանձնաժողովի) կողմից ճանաչվել են հոգեկան առողջության խնդիրներով անձինք,

6) «440» ծածկագրով տողում՝ երեխաների թվաքանակից առանձնացվում է դպրոց հաճախողներինը,

7) «450» ծածկագրով տողում՝ հաշմանդամություն ունեցող երեխաների թվաքանակը:

6. ԱՇԽԱՏՈՂՆԵՐԻ ԹՎԱՔԱՆԱԿՆ ԸՍՏ ԿՐԹԱԿԱՆ ՄԱԿԱՐԴԱԿԻ

10. Բաժին 5-ում լրացվում են.

1) «500» ծածկագրով տողում՝ տվյալներ մանկատան ամբողջ աշխատակազմի վերաբերյալ` ըստ նրանց սեռի և կրթական մակարդակի,

2) «500.1»-«500.6» ծածկագրերով տողերում՝ մանկատան երեխաներին սպասարկող աշխատակազմը,

3) «500.7» ծածկագրով տողում՝ տեխնիկական և օժանդակ անձնակազմը:

7. ՖԻՆԱՆՍԱԿԱՆ ՄԻՋՈՑՆԵՐԻ ՍՏԱՑՈՒՄԸ ԵՎ ՕԳՏԱԳՈՐԾՈՒՄԸ

11. Բաժին 6-ում լրացվում են (ցուցանիշները լրացնելիս ֆինանսական տարին ընդունել հաշվետու տարվա հունվարի 1-ից դեկտեմբերի 31-ը).

1) «600» ծածկագրով տողում՝ ընդհանուր ֆինանսական միջոցները,

2) «610» ծածկագրով տողում՝ ֆինանսական միջոցների մնացորդը տարեսկզբին,

3) «620» ծածկագրով տողում՝ ընթացիկ տարվա ֆինանսական մուտքերի մասին տվյալները, «620.1» ծածկագրով տողում՝ բյուջեից (պետական և համայնքային), «620.2» ծածկագրով տողում՝ նվիրատվություններից, «620.3» ծածկագրով տողում՝ վարձակալությունից, «620.4» ծածկագրով տողում՝ այլ եկամուտներ:

12. «630» ծածկագրով տողում՝ ընդհանուր ֆինանսական ծախսերը, որից առանձնացվում են.

1) «630.1» ծածկագրով տողում («Նյութական ծախսեր»)՝ ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության ծախսերը, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և այլ նմանատիպ ծախսերը,

2) «630.2» ծածկագրով տողում («Ոչ նյութական ծառայությունների վճարումներ»)՝ աշխատողների մասնագիտական ուսուցմանն ուղղված վճարումները, շենքերի, մեքենաների և սարքավորումների վարձակալական վճարումները, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն,

3) «630.3» ծածկագրով տողում՝ գործուղման ծախսերը,

4) «630.4» ծածկագրով տողում («Աշխատավարձ և դրան հավասարեցված այլ վճարումներ»)՝ հաշվետու ժամանակահատվածում բոլոր աշխատողների (ներառյալ` համատեղությամբ) կողմից փաստացի կատարված աշխատանքների դիմաց վճարվող հիմնական աշխատավարձը, լրացուցիչ աշխատավարձը՝ հիմնական աշխատավարձի նկատմամբ հաշվարկվող հավելումները, հավելավճարները, լրավճարները և պարգևատրումները, ամենամյա (նվազագույն, երկարացված, լրացուցիչ) արձակուրդի գումարները, չօգտագործված արձակուրդի համար վճարվող հատուցումը (փոխհատուցումը), ինչպես նաև աշխատավարձին հավասարեցված այլ վճարումները,

5) «630.5» ծածկագրով տողում՝ մանկատների կողմից իրականացված շենքերի և շինությունների, ինչպես նաև մեքենաների և սարքավորումների ձեռք բերման, հիմնավերանորոգման և վերանորոգման ծախսերը,

6) «630.6» ծածկագրով տողում՝ այն ծախսերը (այլ ծախսեր), որոնք «630.1»-«630.5» ծածկագրերով տողերում չեն արտացոլվել:

13. «640» ծածկագրով տողում՝ ֆինանսական միջոցների մնացորդը տարեվերջին:»:

Պաշտոնական հրապարակման օրը՝ 8 դեկտեմբերի 2023 թվական: