ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

4 նոյեմբերի 2010 թվականի N 1419-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԸՆԴՀԱՆՈՒՐ ՕԳՏԱԳՈՐԾՄԱՆ ԱՎՏՈՄՈԲԻԼԱՅԻՆ ՃԱՆԱՊԱՐՀՆԵՐԻ ԸՆԹԱՑԻԿ ԱՄԱՌԱՅԻՆ ԵՎ ԸՆԹԱՑԻԿ ՁՄԵՌԱՅԻՆ ՊԱՀՊԱՆՄԱՆ ՄԱԿԱՐԴԱԿՆԵՐԻ ԳՆԱՀԱՏՄԱՆ ՈՒ ԿԱՏԱՐՎԱԾ ԱՇԽԱՏԱՆՔՆԵՐԻ ԸՆԴՈՒՆՄԱՆ ԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ԴԵԿՏԵՄԲԵՐԻ 9-Ի N 1942-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

«Իրավական ակտերի մասին» Հայաստանի Հանրապետության օրենքի 14-րդ և 72-րդ հոդվածներին համապատասխան` Հայաստանի Հանրապետության ընդհանուր օգտագործման ավտոմոբիլային ճանապարհների արդյունավետ կառավարման, ինչպես նաև ավտոմոբիլային ճանապարհների և դրանց վրա գտնվող ինժեներական կառույցների պահպանման աշխատանքների արդյունավետության բարձրացման նպատակով Հայաստանի Հանրապետության կառավարությունը որոշում է.

1. Հաստատել Հայաստանի Հանրապետության ընդհանուր օգտագործման ավտոմոբիլային ճանապարհների ընթացիկ ամառային և ընթացիկ ձմեռային պահպանման մակարդակների գնահատման և կատարված աշխատանքների ընդունման կարգը` համաձայն հավելվածի:

2. Ուժը կորցրած ճանաչել Հայաստանի Հանրապետության կառավարության 2004 թվականի դեկտեմբերի 9-ի «Ավտոմոբիլային ճանապարհների ընթացիկ, ձմեռային պահպանության և շահագործման աշխատանքների մասին» N 1942-Ն որոշումը:

3. Հայաստանի Հանրապետության տրանսպորտի և կապի նախարարին` սույն որոշումն ուժի մեջ մտնելուց հետո մեկամսյա ժամկետում մշակել և հաստատել Հայաստանի Հանրապետության ընդհանուր օգտագործման ավտոմոբիլային ճանապարհների վրա գտնվող և առանձին պահպանման հանձնվող կամուրջների, թունելների, հանգստյան գոտիների և ավտոտաղավարների ու պարսպող հարմարանքների (մետաղական արգելափակոցներ) պահպանման նորմատիվային փաստաթղթերը:

(3-րդ կետը լրաց. 17.02.11 N 112-Ն)

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԸՆԴՀԱՆՈՒՐ ՕԳՏԱԳՈՐԾՄԱՆ ԱՎՏՈՄՈԲԻԼԱՅԻՆ ՃԱՆԱՊԱՐՀՆԵՐԻ ԸՆԹԱՑԻԿ ՊԱՀՊԱՆՄԱՆ ԱՄԱՌԱՅԻՆ ԵՎ ԸՆԹԱՑԻԿ ՁՄԵՌԱՅԻՆ ՊԱՀՊԱՆՄԱՆ ՄԱԿԱՐԴԱԿՆԵՐԻ ԳՆԱՀԱՏՄԱՆ ՈՒ ԿԱՏԱՐՎԱԾ ԱՇԽԱՏԱՆՔՆԵՐԻ ԸՆԴՈՒՆՄԱՆ

(վերնագիրը խմբ. 26.12.19 N 1925-Ն)

I. ԸՆԴՀԱՆՈՒՐ ԴՐՈՒՅԹՆԵՐ

 1. Սույն կարգով սահմանվում են Հայաստանի Հանրապետության ընդհանուր օգտագործման ավտոմոբիլային ճանապարհների առկա վիճակի, պահպանման մակարդակի գնահատման, ինչպես նաև պահպանման աշխատանքների ընդունման սկզբունքները և մեթոդիկան:

2. Ավտոմոբիլային ճանապարհների պահպանման հիմնական խնդիրն է` մշտապես ապահովել ավտոմոբիլային ճանապարհների՝ արհեստական կառույցների, հողային պաստառի, տրանսպորտային հանգույցների, կահավորանքի և ինժեներական շինությունների (այսուհետ՝ ավտոմոբիլային ճանապարհ) պահպանվածությունն այնպիսի վիճակում, որը համապատասխանում է անվտանգ և անխափան երթևեկության ապահովման պահանջներին:

3. Պետական կարիքների համար ավտոմոբիլային ճանապարհների ընթացիկ պահպանման աշխատանքների կապալի պայմանագրերը կնքվում են 5-7 տարի ժամկետով (յուրաքանչյուր տարի կողմերի համաձայնությամբ պայմանագրի արժեքի վերանայման հնարավորությամբ կախված նախորդ տարվա պաշտոնապես հրապարակված միջին գնաճից՝ տվյալ տարվա համար նախատեսված հատկացումների շրջանակներում) այն կապալառու կազմակերպությունների հետ, որոնք բավարարում են մրցույթներին մասնակից կապալառու կազմակերպություններին սույն կարգով ներկայացվող նվազագույն տեխնիկական պահանջներին և ընտրվել են մրցութային կարգով` «Գնումների մասին» ՀՀ օրենքին համապատասխան:

4. Ավտոմոբիլային ճանապարհների պահպանման համար սահմանվում են պահպանման հետևյալ տեսակները`

1) ընթացիկ ամառային պահպանում` ավտոմոբիլային ճանապարհների ամբողջ երկայնքով ճանապարհի օտարման շերտի սահմաններում հողային պաստառի, արհեստական կառույցների, տրանսպորտային հանգույցների, կահավորանքի և ինժեներական շինությունների նկատմամբ իրականացվող համալիր հիմնական գործողություններ, որոնք գարուն-ամառ-աշուն ժամանակահատվածում ապահովում են`

ա. անխափան և անվտանգ երթևեկություն,

բ. ավտոմոբիլային ճանապարհների հողային պաստառի, տրանսպորտային հանգույցների, արհեստական կառույցների, կահավորանքի և ինժեներական շինությունների խնամքը,

գ. ավտոմոբիլային ճանապարհների փոքրածավալ վնասվածքների վերացումը (ընթացիկ ամառային պահպանման աշխատանք է համարվում նաև մինչև 20 մ3 մեկ կիլոմետրում թափվածքների մաքրումը).

դ. ավտոմոբիլային ճանապարհների (թունելների) սարքավորումների և այլ տարրերի վնասվածքների առաջացման կանխարգելում

2) ընթացիկ ձմեռային պահպանում` ավտոմոբիլային ճանապարհների ամբողջ երկայնքով, ճանապարհի օտարման շերտի սահմաններում հողային պաստառի, երթևեկամասի ծածկի, արհեստական կառույցների և կահավորանքի նկատմամբ իրականացվող համալիր հիմնական գործողություններ, որոնք ձմռան ժամանակահատվածում ապահովում են`

ա. անխափան և անվտանգ երթևեկություն,

բ. ավտոմոբիլային ճանապարհների արհեստական կառույցների, կահավորանքի և ինժեներական շինությունների տարածքներում ձյան կուտակումների մաքրում,

գ. ավտոմոբիլային ճանապարհների (թունելների) սարքավորումների և այլ տարրերի վնասվածքների առաջացման կանխարգելում:

5. Ավտոմոբիլային ճանապարհների պահպանման համար սահմանվում են հետևյալ ժամանակահատվածները`

1) ընթացիկ ամառային պահպանման համար (գարուն-ամառ-աշուն ժամանակահատված) – տվյալ տարվա ապրիլի 1-ից մինչև նոյեմբերի 16-ը.

2) ընթացիկ ձմեռային պահպանման համար (ձմեռվա ժամանակահատված) - տվյալ տարվա հունվարի 1-ից մինչև ապրիլի 1-ը և նոյեմբերի 16-ից մինչև հունվարի 1-ը:

6. Հաշվի առնելով տարածաշրջանին բնորոշ և ընթացիկ տարվա բնակլիմայական պայմանները՝ տվյալ ավտոմոբիլային ճանապարհների պետական կառավարման մարմնի ղեկավարի հրամանով սույն կարգի 5-րդ կետում նշված ժամկետների սկիզբն ու ավարտը կարող են փոփոխվել:

7. Պատվիրատուի և կապալառուի միջև կնքված պայմանագրում նշված ավտոմոբիլային ճանապարհների պահպանման մակարդակի աստիճանի որոշման նպատակով իրականացվում է ավտոմոբիլային ճանապարհների պահպանման մակարդակի և վիճակի գնահատում, որի հիման վրա, պայմանագրի պահանջներից ելնելով, որոշվում է կատարված աշխատանքների վճարի չափը:

(7-րդ կետը լրաց. 04.11.21 N 1826-Ն)

8. Հայաստանի Հանրապետության ընդհանուր օգտագործման ավտոմոբիլային ճանապարհների առկա վիճակի, ընթացիկ ամառային և ընթացիկ ձմեռային պահպանման մակարդակների գնահատումը և կատարված աշխատանքների նկատմամբ հսկողությունն իրականացվում է տվյալ ավտոմոբիլային ճանապարհների պետական կառավարման մարմնի ճանապարհների պահպանման պատասխանատու ստորաբաժանման (այսուհետ` պատասխանատու) կողմից:

(8-րդ կետը փոփ. 04.11.21 N 1826-Ն)

9. Հիմք ընդունելով Հայաստանի Հանրապետության կառավարության 2014 թվականի փետրվարի 13-ի N 265-Ն որոշման 3-րդ կետի 2-րդ ենթակետի դրույթները՝ ճանապարհների պահպանման պատասխանատուներ են սահմանվում`

1) Հայաստանի Հանրապետության կառավարության 2014 թվականի փետրվարի 13-ի N 265-Ն որոշման հավելվածում նշված միջպետական և հանրապետական նշանակության ճանապարհների մասով` պետական կառավարման մարմնի կողմից նշանակված ճանապարհների պահպանման պատասխանատուն:

2) Հայաստանի Հանրապետության կառավարության 2014 թվականի փետրվարի 13-ի N 265-Ն որոշման հավելվածում նշված մարզային նշանակության ճանապարհների մասով` համապատասխան մարզպետի կողմից նշանակված ճանապարհների պահպանման պատասխանատուն:

(9-րդ կետը փոփ. 04.11.21 N 1826-Ն)

II. ԱՎՏՈՄՈԲԻԼԱՅԻՆ ՃԱՆԱՊԱՐՀՆԵՐԻ ԽՄԲԱՎՈՐՈՒՄՆԵՐԸ, ԱՌԿԱ ՎԻՃԱԿՆԵՐԻ ՍԱՀՄԱՆՈՒՄՆԵՐԸ, ՊԱՀՊԱՆՄԱՆ ՆՈՐՄԱՏԻՎ ՄԱԿԱՐԴԱԿՆԵՐԻ ԲՆՈՒԹԱԳՐԵՐԸ, ԱՎՏՈՄՈԲԻԼԱՅԻՆ ՃԱՆԱՊԱՐՀՆԵՐԻ ԱՌԿԱ ՎԻՃԱԿՆԵՐԻ ԵՎ ՊԱՀՊԱՆՄԱՆ ՄԱԿԱՐԴԱԿՆԵՐԻ ԳՆԱՀԱՏՈՒՄԸ

10. Ավտոմոբիլային ճանապարհի վիճակը բնորոշվում է նրա շահագործման հատկանիշներով, որոնցից կարևորագույնը ծածկի վիճակն է: Ավտոմոբիլային ճանապարհի վիճակի գնահատման ցուցանիշ է սահմանվում ծածկի փոսայնությունը (փոսեր, ցանցային ճաքեր, ծածկի մաշվածություն և փոքր, տեղային նստվածքներ): Ավտոմոբիլային ճանապարհներն ըստ վիճակի խմբավորվում են համաձայն սույն կարգի Աղյուսակ 1-ի:

 Աղյուսակ 1. Ավտոմոբիլային ճանապարհների խմբավորումներն ըստ վիճակի

11. Միայն պահպանման աշխատանքների կատարման արդյունքում ավտոմոբիլային ճանապարհի խումբը չի կարող փոփոխվել դեպի ավելի բարձր խմբի: Ավտոմոբիլային ճանապարհի խմբի փոփոխությունը դեպի ավելի բարձր խումբ կատարվում է միայն տվյալ ավտոմոբիլային ճանապարհի հիմնական, միջին նորոգումներից կամ վերակառուցումից հետո:

12. Ավտոմոբիլային ճանապարհների միջին նորոգման, հիմնանորոգման կամ վերակառուցման ու ընթացիկ ամառային և ընթացիկ ձմեռային պահպանման աշխատանքների իրականացման համար կարող է կնքվել մեկ պայմանագիր: Ընթացիկ ամառային և ընթացիկ ձմեռային պահպանման աշխատանքների իրականացման համար պայմանագրով կարող է սահմանվել գործոնային գին` համաձայն Հայաստանի Հանրապետության կառավարության 2017 թվականի մայիսի 4 N 526-Ն որոշման:

(12-րդ կետը փոփ. 04.11.21 N 1826-Ն)

13. Ընթացիկ ամառային և ընթացիկ ձմեռային պահպանման աշխատանքների իրականացման համար պայմանագրով սահմանվում են ճանապարհային կահավորանքի, տրանսպորտային հանգույցների, արհեստական կառույցների և ինժեներական շինությունների, վնասման դեպքերի հաշվառման և ճանապարհային կահավորանքին պատճառված վնասների վերականգնման և փոխհատուցման ստացման պայմանները:

14. Ավտոմոբիլային ճանապարհների վիճակների սահմանումները`

1) միջպետական երաշխիքային` միջպետական նշանակության ավտոմոբիլային ճանապարհի ճանապարհահատվածի վիճակի հիմնանորոգման, միջին նորոգման կամ վերակառուցման աշխատանքների ավարտից հետո: Վիճակը գնահատվում է երաշխիքային մինչև տվյալ ճանապարհահատվածի հիմնանորոգման, միջին նորոգման կամ վերակառուցման պայմանագրով նախատեսված երաշխիքային ժամկետի ավարտը: Երաշխիքային ժամկետի ավարտից հետո տվյալ ճանապարհահատվածի վիճակը գնահատվում է որպես լավ.

2) միջպետական լավ` միջպետական նշանակության ավտոմոբիլային ճանապարհի` տվյալ տարածաշրջանով անցնող հատվածների վիճակն է, որտեղ գնահատման պահին այդ ճանապարհահատվածների ծածկի ընդհանուր մակերեսի փոսայնությունը չի գերազանցում 0.3 %-ը.

3) միջպետական բավարար` միջպետական նշանակության ավտոմոբիլային ճանապարհի` տվյալ տարածաշրջանով անցնող հատվածների ընդհանուր վիճակն է, որտեղ գնահատման պահին այդ ճանապարհահատվածների ծածկի ընդհանուր մակերեսի փոսայնությունը բարձր է 0.3 %-ից և չի գերազանցում 2.5 %-ը.

4) միջպետական վատ` միջպետական նշանակության ավտոմոբիլային ճանապարհի` տվյալ տարածաշրջանով անցնող այն հատվածի վիճակն է, որտեղ գնահատման պահին այդ ճանապարհահատվածի ծածկի մակերեսի փոսայնությունը կազմում է 2.5 տոկոսից բարձր.

5) հանրապետական երաշխիքային` հանրապետական նշանակության ավտոմոբիլային ճանապարհի ճանապարհահատվածի վիճակի հիմնանորոգման, միջին նորոգման կամ վերակառուցման աշխատանքների ավարտից հետո: Վիճակը գնահատվում է երաշխիքային մինչև տվյալ ճանապարհահատվածի հիմնանորոգման, միջին նորոգման կամ վերակառուցման պայմանագրով նախատեսված երաշխիքային ժամկետի ավարտը: Երաշխիքային ժամկետի ավարտից հետո տվյալ ճանապարհահատվածի վիճակը գնահատվում է որպես լավ.

6) հանրապետական լավ` հանրապետական նշանակության ավտոմոբիլային ճանապարհի` տվյալ տարածաշրջանով անցնող հատվածների վիճակն է, որտեղ գնահատման պահին այդ ճանապարհահատվածների ծածկի ընդհանուր մակերեսի փոսայնությունը չի գերազանցում 0.5 %-ը.

7) հանրապետական բավարար` հանրապետական ավտոմոբիլային ճանապարհի` տվյալ տարածաշրջանով անցնող հատվածների ընդհանուր վիճակն է, որտեղ գնահատման պահին այդ ճանապարհահատվածների ծածկի ընդհանուր մակերեսի փոսայնությունը բարձր է 0.5 %-ից և չի գերազանցում 3 %-ը.

8) հանրապետական վատ` հանրապետական նշանակության ավտոմոբիլային ճանապարհի` տվյալ տարածաշրջանով անցնող այն հատվածի վիճակն է, որտեղ գնահատման պահին այդ ճանապարհահատվածի ծածկի մակերեսի փոսայնությունը կազմում է 3.0 տոկոսից բարձր.

9) տեղական երաշխիքային` տեղական նշանակության ավտոմոբիլային ճանապարհի ճանապարհահատվածի վիճակի հիմնանորոգման, միջին նորոգման կամ վերակառուցման աշխատանքների ավարտից հետո: Վիճակը գնահատվում է երաշխիքային մինչև տվյալ ճանապարհահատվածի հիմնանորոգման, միջին նորոգման կամ վերակառուցման պայմանագրով նախատեսված երաշխիքային ժամկետի ավարտը: Երաշխիքային ժամկետի ավարտից հետո տվյալ ճանապարհահատվածի վիճակը գնահատվում է որպես լավ.

10) տեղական լավ` տեղական նշանակության ավտոմոբիլային ճանապարհի` տվյալ տարածաշրջանով անցնող հատվածների վիճակն է, որտեղ գնահատման պահին այդ ճանապարհահատվածների ծածկի ընդհանուր մակերեսի փոսայնությունը չի գերազանցում 0.8 %-ը.

11) տեղական բավարար` տեղական նշանակության ավտոմոբիլային ճանապարհի` տվյալ տարածաշրջանով անցնող հատվածների ընդհանուր վիճակն է, որտեղ գնահատման պահին այդ ճանապարհահատվածների ծածկի ընդհանուր մակերեսի փոսայնությունը բարձր է 0.8%-ից և չի գերազանցում 4 %-ը.

12) տեղական վատ` տեղական նշանակության ավտոմոբիլային ճանապարհի` տվյալ տարածաշրջանով անցնող այն հատվածի վիճակն է, որտեղ գնահատման պահին այդ ճանապարհահատվածի ծածկի մակերեսի փոսայնությունը կազմում է 4.0 տոկոսից բարձր:

15. Ավտոմոբիլային ճանապարհների վիճակների նշված սահմանումները չեն տարածվում ավտոմոբիլային ճանապարհների այն հատվածների վրա, որոնք պահպանման ընթացքում ենթարկվել են տեխնածին կամ բնական աղետների:

16. Սույն կարգով ընդունված են պահպանման աշխատանքների նորմատիվային 4 մակարդակ՝ լավ, միջին, բավարար և թույլատրելի:

17. Ավտոմոբիլային ճանապարհի պահպանման նորմատիվ մակարդակի բնութագրերը ներկայացված են սույն կարգի Աղյուսակ 2-ում:

Աղյուսակ 2. Ավտոմոբիլային ճանապարհների պահպանման նորմատիվ մակարդակների բնութագրերը

18. Նույն ավտոմոբիլային ճանապարհի տարբեր հատվածների համար կարող են սահմանվել պահպանման տարբեր մակարդակներ` ելնելով այդ հատվածների վիճակից և կարևորությունից:

19. Ընթացիկ ամառային պահպանման ենթակա չեն այն ճանապարհահատվածները՝

1) որոնք ենթարկվել են տեխնածին կամ բնածին աղետի` այն ժամանակահատվածում, որը սահմանվել է աղետի հետևանքների վերացման պետական մարմնի կողմից.

2) որոնք ներառված են հաջորդ բյուջետային տարվա հիմնանորոգման, վերակառուցման, միջին նորոգման ենթակա ավտոմոբիլային ճանապարհների ցանկում:

(19-րդ կետը խմբ. 04.11.21 N 1826-Ն)

20. Հիմնանորոգվող, վերակառուցվող կամ նորոգվող ճանապարհահատվածների պահպանումն իրականացնում է տվյալ ճանապարհի (ճանապարհահատվածի) միջին նորոգման, հիմնանորոգման, վերակառուցման աշխատանքներն իրականացնող կապալառու կազմակերպությունը՝ ապահովելով սույն կարգի Աղյուսակ 3-ի պահանջները: Եթե ընթացիկ բյուջետային տարվա ընթացքում որևէ ճանապարհ (ճանապարհահատված) լրացուցիչ ներառվում է հիմնանորոգման, վերակառուցման կամ միջին նորոգման ենթակա ավտոմոբիլային ճանապարհների ցանկում, ապա տվյալ ճանապարհի (ճանապարհահատվածի) ընթացիկ ամառային պահպանումն իրականացնում է տվյալ տարածաշրջանի ավտոմոբիլային ճանապարհների պահպանումն իրականացնող կազմակերպությունը՝ մինչև հիմնանորոգման, վերակառուցման կամ միջին նորոգման պայմանագրերի, իսկ գնման գործընթացը «Գնումների մասին» օրենքի 15-րդ հոդվածի 6-րդ մասով սահմանված հիմքով կնքված լինելու դեպքում՝ ֆինանսական միջոցներ նախատեսելու մասին համաձայնագրի կնքումը:

(20-րդ կետը լրաց. 26.11.20 N 1864-Ն, խմբ. 04.11.21 N 1826-Ն)

21. Սույն կարգի 19-րդ կետում նշված ճանապարհահատվածները ենթակա են միայն ձմեռային պահպանման և գնահատվում են միայն ձմեռային պահպանման աշխատանքների մակարդակի որոշման համար:

22. Ընթացիկ տարվա մինչև հուլիսի 15-ը հաջորդ տարվա բյուջետային հայտի նախապատրաստման համար պատասխանատուի կողմից, Աղյուսակ 1-ում բերված չափանիշներին համապատասխան, կատարվում է ավտոմոբիլային ճանապարհների վիճակի նախնական գնահատում և պահպանման մակարդակների որոշում, որը ճշգրտվում է մինչև ընթացիկ տարվա դեկտեմբերի 1-ը:

23. Ավտոմոբիլային ճանապարհների ընթացիկ ամառային և ընթացիկ ձմեռային պահպանման աշխատանքների գնման մրցույթների չափաբաժինների համար հիմք են հանդիսանում ճանապարհների վիճակի և պահպանման մակարդակների գնահատման` մրցույթին նախորդող տարվա ճշգրտված տվյալները:

24. Ուսումնասիրության և գնահատման վերաբերյալ պատասխանատուի կողմից նախապատրաստվում է ճանապարհների վիճակի և պահպանման մակարդակների գնահատման ակտ ըստ ստորև բերված Ձև N 1-ի, որը հաստատվում է տվյալ ավտոմոբիլային ճանապարհների պետական կառավարման մարմնի ղեկավարի կողմից:

Ձև N 1

Ա Կ Տ

ՀՀ__մարզի _________նշանակության ավտոմոբիլային ճանապարհի վիճակի և 20__թ-ին դրանց պահպանման մակարդակների գնահատման

 Հիմք ընդունելով ՀՀ կառավարության 2010 թ-ի նոյեմբերի 4-ի N 1419-Ն որոշմամբ հաստատված ավտոմոբիլային ճանապարհների ընթացիկ ամառային և ընթացիկ ձմեռային պահպանման մակարդակների գնահատման և կատարված աշխատանքների ընդունման կարգի պահանջները, ուսումնասիրվել են ՀՀ ______ մարզում գտնվող _______ նշանակության ավտոմոբիլային ճանապարհների վիճակը:

Հիմք ընդունելով ուսումնասիրությունների արդյունքները՝ գնահատվել են ներքոնշյալ ավտոմոբիլային ճանապարհների պահպանման համար անհրաժեշտ մակարդակները:

25. Ավտոմոբիլային ճանապարհների պահպանման առաջարկվող մակարդակը որոշվում է սույն կարգի Աղյուսակ 2-ում բերված պահպանման մակարդակի բնութագրերով:

III. ԱՎՏՈՄՈԲԻԼԱՅԻՆ ՃԱՆԱՊԱՐՀՆԵՐԻ ՊԱՀՊԱՆՄԱՆ ՄԱԿԱՐԴԱԿԻ ԳՆԱՀԱՏՄԱՆ (ԱՇԽԱՏԱՆՔՆԵՐԻ ԸՆԴՈՒՆՄԱՆ) ՄԵԹՈԴԻԿԱՆ

26. Հայաստանի Հանրապետության ընդհանուր օգտագործման ավտոմոբիլային ճանապարհների պահպանման մակարդակը գնահատվում է միայն պահպանման ենթակա ճանապարհահատվածի երկարությամբ` ըստ սույն կարգով սահմանված պահանջվող պահպանման մակարդակների:

(26-րդ կետը փոփ. 04.11.21 N 1826-Ն)

27. Որպես պահպանման մակարդակի գնահատման (աշխատանքների ընդունման) ցուցանիշ՝ ընդունվում է ավտոմոբիլային ճանապարհի հողային պաստառում, արհեստական կառույցներում, կահավորանքում, տրանսպորտային հանգույցների և ինժեներական շինություններում թերությունների առկայությունը:

28. Ավտոմոբիլային ճանապարհի պահպանման մակարդակը բնորոշող ցուցանիշների նկատմամբ առաջադրվող պահանջները գարուն-ամառ-աշուն ժամանակաշրջանի և ձմեռային ժամանակաշրջանի համար ներկայացված են ստորև բերված Աղյուսակ 3-ում:

Աղյուսակ 3. Ավտոմոբիլային ճանապարհների պահպանման ցուցանիշներին առաջադրվող պահանջները

Ընթացիկ ամառային պահպանում 

Ընթացիկ ձմեռային պահպանում

(28-րդ կետը լրաց., փոփ., խմբ. 26.11.20 N 1864-Ն, լրաց. 04.11.21 N 1826-Ն)

29. Երաշխիքային վիճակում գտնվող ճանապարհահատվածների համար չի կարող պահանջվել ընթացիկ ամառային պահպանման միջին, բավարար և թույլատրելի մակարդակներ:

30. Լավ վիճակում գտնվող ճանապարհահատվածների համար չի կարող պահանջվել ընթացիկ ամառային պահպանման բավարար և թույլատրելի մակարդակները:

31. Բավարար վիճակում գտնվող ճանապարհահատվածների համար չի կարող պահանջվել ընթացիկ ամառային պահպանման լավ և թույլատրելի մակարդակները:

32. Վատ վիճակում գտնվող ճանապարհահատվածների համար նախատեսվում է «թույլատրելի» մակարդակի ամառային սպասարկում, ինչը նախատեսում է`

1) ամառային սպասարկման «բավարար» մակարդակի բոլոր պահանջները, բացի ճանապարհային ծածկին ներկայացվող պահանջներից.

2) կոպճային կամ խճային նյութերի կիրառմամբ կամ հարթեցման աշխատանքների միջոցով ապահովել ճանապարհի երթևեկամասի բավարար անցանելիությունը և ավտոմոբիլային տրանսպորտի անխափան երթևեկությունը:

33. Երթևեկելի մասի ընթացիկ ամառային պահպանումով նախատեսված աշխատանքների (փոսային նորոգում և ճաքերի մշակում) ավարտման ժամկետները յուրաքանչյուր տարածաշրջանի համար սահմանվում են ավտոմոբիլային ճանապարհների պետական կառավարման մարմնի ճանապարհների պահպանման պատասխանատու ստորաբաժանման կողմից` ելնելով տարածաշրջանի բնակլիմայական պայմաններից, սակայն ընթացիկ ամառային պահպանման աշխատանքների սկզբից ոչ ուշ քան 3 ամիս:

34. Ձմեռային պահպանման ժամանակաշրջանում երթևեկամասի վրա առաջացած 5 սմ-ից ավել խորությամբ փոսերը ժամանակավորապես լցվում են ավազախճային խառնուրդով կամ սառը/տաք ասֆալտբետոնե ծածկով` մինչև ընթացիկ ամառային պահպանման աշխատանքները սկսելը:

35. Թերությունների վերացման ժամկետները տրվում են պահպանման աշխատանքների կատարման ընթացիկ հսկողության և թերությունների վերացման ժամկետները գնահատելու համար:

(35-րդ կետը խմբ. 26.11.20 N 1864-Ն)

36. Այն դեպքերում, երբ եղանակային պայմանների հետևանքով առաջանում են ոչ սեզոնային իրավիճակներ (ձմռան ամիսներին` երկարաժամկետ հալոցքներ կամ գարնան, ամռան ու աշնան ամիսներին` անժամանակ ձյան տեղումներ և այլ նմանատիպ երևույթներ), կատարվում են տվյալ ժամանակաշրջանին հաջորդող ժամանակաշրջանին բնորոշ պահպանման աշխատանքներ, իսկ վճարումը կատարվում է տվյալ ժամանակաշրջանի համար հատկացված գումարների հաշվին:

37. Հայաստանի Հանրապետության ընդհանուր օգտագործման մարզային նշանակության ավտոմոբիլային ճանապարհների պահպանումն իրականացնող կապալառուն պայմանագիրը ուժի մեջ մտնելու օրվանից վարում է կարված, համարակալված էջերով և պատվիրատուի կողմից կնքված ավտոմոբիլային ճանապարհների պահպանման աշխատանքների մատյան համաձայն՝ N 2 ձևի:

Ձև N 2

ՄԱՏՅԱՆ

 Ավտոմոբիլային ճանապարհների պահպանման աշխատանքների վարման

Ø կմ __-կմ ___ - _______________________________________________________

Ø կմ __-կմ ___ - _______________________________________________________

Ø կմ __-կմ ___ - _______________________________________________________

6. Ճանապարհի պահպանվող տեղամասը (կմ-ից կմ), վիճակը (ծածկագիրը) և ընթացիկ ձմեռային պահպանման մակարդակը`

Ø կմ __-կմ ___ - _______________________________________________________

Ø կմ __-կմ ___ - _______________________________________________________

Ø կմ __-կմ ___ - _______________________________________________________

7. Հայտնաբերված թերությունների մասին գրառումներ

(37-րդ կետը փոփ. 04.11.21 N 1826-Ն)

38. Մատյանը պետք է պահվի կապալառուի գրասենյակում և տրամադրվի տվյալ ավտոմոբիլային ճանապարհների պետական կառավարման մարմնի և Հայաստանի Հանրապետության ոստիկանության աշխատակիցներին` ճանապարհների պահպանման վերաբերյալ դիտողություններ և առաջարկություններ գրանցելու նպատակով:

(38-րդ կետը փոփ. 04.11.21 N 1826-Ն)

39. Հայաստանի Հանրապետության ընդհանուր օգտագործման մարզային նշանակության ավտոմոբիլային ճանապարհների պետական կառավարման մարմնի և Հայաստանի Հանրապետության ոստիկանության աշխատակիցների կողմից մարզային նշանակության ավտոմոբիլային ճանապարհների պահպանման վերաբերյալ դիտողությունները և առաջարկությունները կարող են կապալառուին ներկայացվել նաև էլեկտրոնային եղանակով, որը տրամադրվում է կապալառուի կողմից՝ անհետաձգելի միջոցառումներ ձեռնարկելու նպատակով:

(39-րդ կետը փոփ., լրաց. 04.11.21 N 1826-Ն)

40. Էլեկտրոնային եղանակով ներկայացված առաջարկությունները թերությունների համար սահմանված ժամկետի ավարտից հետո սույն կարգով սահմանված ձևով լրացվում են Հայաստանի Հանրապետության ընդհանուր օգտագործման մարզային նշանակության ավտոմոբիլային ճանապարհների պահպանման աշխատանքների մատյանում:

(40-րդ կետը լրաց. 04.11.21 N 1826-Ն)

41. Լիազոր մարմնի կողմից նշանակված պատասխանատուն զանգվածային լրատվության միջոցներով քաղաքացիներին պարբերաբար տեղեկացնում է ավտոմոբիլային ճանապարհների վիճակի վերաբերյալ:

42. Ավտոմոբիլային ճանապարհների պահպանման աշխատանքների նկատմամբ հսկողությունն իրականացնում է պատասխանատուն՝ դիտարկումների միջոցով: Դիտարկումների պարբերականությունը յուրաքանչյուր տարի հաստատում է պատասխանատուի ղեկավարը՝ ըստ անհրաժեշտության: Պահպանման աշխատանքների ընդունումն իրականացվում է կապալի պայմանագրերի պահանջներին համապատասխան՝ հիմք ընդունելով պատասխանատուի կողմից սույն կարգի Ձև N 3-ում, Ձև N 4-ում («ձմեռ» ժամանակահատվածի համար) և Ձև N 5-ում նախատեսված պահպանման ամփոփագրերը:

(42-րդ կետը խմբ. 04.11.21 N 1826-Ն)

43. Պատասխանատուի կողմից իրականացվող դիտարկումների ժամանակ ստուգվում է ավտոմոբիլային ճանապարհների ընթացիկ ամառային կամ ընթացիկ ձմեռային պահպանման մակարդակների համապատասխանությունը պահանջվող ցուցանիշներին և առկա թերությունները՝ մարզային նշանակության ավտոմոբիլային ճանապարհների մասով արձանագրվում են ճանապարհի պահպանման մատյանում, իսկ միջպետական, հանրապետական նշանակության ավտոմոբիլային ճանապարհների մասով արձանագրվում եմ սույն կարգի 43.1-43.3-րդ կետերով սահմանված ընթացակարգով և ամսվա վերջին ամփոփվում են ավտոմոբիլային ճանապարհի պահպանման ամփոփագրերում՝ ըստ ստորև բերված Ձև N 3-ի, Ձև N 4-ի («ձմեռ» ժամանակահատվածի համար) և Ձև N 5-ի:

Ձև N 3

ՀՀ ԸՆԴՀԱՆՈՒՐ ՕԳՏԱԳՈՐԾՄԱՆ ԱՎՏՈՄՈԲԻԼԱՅԻՆ ՃԱՆԱՊԱՐՀԻ ՊԱՀՊԱՆՄԱՆ ԱՄՓՈՓԱԳԻՐ (ԳԱՐՈՒՆ-ԱՄԱՌ-ԱՇՈՒՆ ԺԱՄԱՆԱԿԱՇՐՋԱՆ)

Պայմանագիր ____________________________Կապալառու

Ձև N 4

ՀՀ ԸՆԴՀԱՆՈՒՐ ՕԳՏԱԳՈՐԾՄԱՆ ԱՎՏՈՄՈԲԻԼԱՅԻՆ ՃԱՆԱՊԱՐՀԻ ՊԱՀՊԱՆՄԱՆ ԱՄՓՈՓԱԳԻՐ

(ՁՄԵՌԱՅԻՆ ԺԱՄԱՆԱԿԱՇՐՋԱՆ)

(43-րդ կետը լրաց. 26.11.20 N 1864-Ն, խմբ. 04.11.21 N 1826-Ն)

43.1. Ընդհանուր օգտագործման միջպետական և հանրապետական նշանակության ավտոմոբիլային ճանապարհների պահպանման աշխատանքների նկատմամբ շուրջօրյա հսկողություն իրականացնելու նպատակով պատասխանատուն և կապալառու կազմակերպությունները պահպանման պայմանագրերի գործողության ողջ ընթացքում կիրառում են «Ճանապարհային ցանցի կառավարման համակարգ» բջջային հավելվածը, որի պահանջները և պայմանները սահմանվում են կապալի պայմանագրով:

(43.1-ին կետը լրաց. 04.11.21 N 1826-Ն)

43.2. Ընդհանուր օգտագործման միջպետական և հանրապետական նշանակության ավտոմոբիլային ճանապարհների պահպանման աշխատանքների նկատմամբ հսկողություն իրականացնելու ընթացքում թերություններ հայտնաբերելու դեպքում պատասխանատուի կողմից «Ճանապարհային ցանցի կառավարման համակարգ» բջջային հավելվածով տեղորոշվում է թերության տեղամասը և բնույթը, որն ուղարկվում է կապալառու կազմակերպության էլեկտրոնային փոստին՝ միաժամանակ թերությունն արտացոլելով «Ճանապարհային ցանցի կառավարման համակարգ» բջջային հավելվածում: Թերության մասին էլեկտրոնային փոստը ստանալու օրվանից ոչ ուշ, քան սույն կարգի Աղյուսակ 3-ում նշված ժամկետում, կապալառու կազմակերպությունը պարտավոր է վերացնել թերությունը և այդ մասին թերության վերացման օրը ծանուցում ուղարկել պատասխանատուի պաշտոնական էլեկտրոնային փոստին՝ կցելով թերությունների վերացման փաստը հավաստող լուսանկարներ (մինչև 10 հատ):

(43.2-րդ կետը լրաց. 04.11.21 N 1826-Ն)

43.3. ՀՀ ոստիկանության աշխատակիցները ընդհանուր օգտագործման միջպետական, հանրապետական նշանակության ավտոմոբիլային ճանապարհների պահպանման աշխատանքների թերություններ հայտնաբերելու դեպքում էլեկտրոնային եղանակով թերությունների բնույթի, վայրի վերաբերյալ տեղեկատվությունն ուղարկում են պատասխանատուի՝ info@armroad.am էլեկտրոնային հասցեին: Պատասխանատուն նույն օրը մոբայլ հավելվածի միջոցով հայտնաբերված թերության բնույթի, վայրի վերաբերյալ տեղեկատվությունն ուղարկում է կապալառու կազմակերպության էլեկտրոնային փոստին՝ միաժամանակ թերությունն արտացոլելով «Ճանապարհային ցանցի կառավարման համակարգ» բջջային հավելվածում: Կապալառու կազմակերպությունը պարտավոր է ոչ ուշ, քան սույն կարգի Աղյուսակ 3-ում նշված ժամկետում վերացնել թերությունները և այդ մասին թերության վերացման օրը ծանուցում ուղարկել պատասխանատուի էլեկտրոնային փոստին՝ կցելով թերությունների վերացման փաստը հավաստող լուսանկարներ (մինչև 10 հատ):

(43.3-րդ կետը լրաց. 04.11.21 N 1826-Ն)

44. Ավտոմոբիլային ճանապարհի պահպանման ամփոփագրերի (Ձև N3 և Ձև N4) տվյալների հիման վրա կատարվում է ճանապարհի պահպանման գնահատումը` արդյունքները ձևակերպելով ճանապարհի պահպանման մակարդակի գնահատման (աշխատանքների ընդունման) ամսական ամփոփագրում ըստ ստորև բերված Ձև N5-ի.

Ձև N 5

ՀՀ ԸՆԴՀԱՆՈՒՐ ՕԳՏԱԳՈՐԾՄԱՆ ԱՎՏՈՄՈԲԻԼԱՅԻՆ ՃԱՆԱՊԱՐՀԻ ՊԱՀՊԱՆՄԱՆ ՄԱԿԱՐԴԱԿԻ ԳՆԱՀԱՏՄԱՆ (ԱՇԽԱՏԱՆՔՆԵՐԻ ԸՆԴՈՒՆՄԱՆ) ԱՄՍԱԿԱՆ ԱՄՓՈՓԱԳԻՐ

45. Ավտոմոբիլային ճանապարհների պահպանման աշխատանքներն ընդունվում են յուրաքանչյուր ամիս՝ կապալի պայմանագրով սահմանված կարգով:

(45-րդ կետը խմբ. 04.11.21 N 1826-Ն)

46. Ավտոմոբիլային ճանապարհների պահպանման աշխատանքներն ընդունվում և տվյալ ավտոմոբիլային ճանապարհների պահպանման աշխատանքների պատվիրատուի կողմից վճարվում են ամբողջությամբ, եթե ապահովված են ճանապարհների կոնստրուկտիվ տարրերի պահպանման թույլատրելի ցուցանիշները` համաձայն սույն կարգի Աղյուսակ 3-ի:

(46-րդ կետը փոփ. 04.11.21 N 1826-Ն)

47. Ճանապարհների պահպանման աշխատանքները Պատասխանատուի կողմից ընդունվում և վճարվում են` թերություններ ունեցող յուրաքանչյուր մեկ կիլոմետրի համար, իսկ մետաղական արգելափակոցների համար տվյալ տարածաշրջանով անցնող ճանապարհահատվածի ընդհանուր գծամետրի գումարի չափով, ստորև բերված Աղյուսակ 4-ում բերված տոկոսաչափերով նվազեցումներ կատարելով, եթե Աղյուսակ 3-ում բերված ճանապարհների կոնստրուկտիվ տարրերի պահպանման թույլատրելի ցուցանիշներն ապահովված չեն:

Աղյուսակ 4. Ավտոմոբիլային ճանապարհների պահպանման թույլատրելի ցուցանիշները չապահովելու դեպքում կիրառվող նվազեցման տոկոսաչափեր

1) Ընթացիկ ամառային պահպանում

2) Ընթացիկ ձմեռային պահպանում

3) Առանձին պահպանման հանձնվող թունելի պահպանում

(կետն ուժը կորցրել է 26.11.20 N 1864-Ն)

4) Առանձին պահպանման հանձնված կամուրջների պահպանում

5) Լուսավորություն

1 Պահպանման միջանկյալ դիտարկումների ժամանակ չափումներն իրականացվում են մի ամրացման սյունից մյուս ամրացման սյուն‚ և հորիզոնական թիթեղի առավելագույն ճկվածքի չափը բաժանվում է սյուների միջև ընկած հեռավորության վրա: Թերությունը վերացնելուց հետո հորիզոնական թիթեղի ճկվածքի չափը պետք է համապատասխանի ԳՈՍՏ 26804-86-ում բերված պահանջին (3 մմ 1 գծմ. վրա):

(47-րդ կետը լրաց., խմբ., փոփ. 26.11.20 N 1864-Ն, փոփ. 04.11.21 N 1826-Ն)

(47-րդ կետում 04.11.21  N 1826-Ն որոշման 1-ին կետի 5-րդ ենթակետի պահանջը «Պատվիրատուի կողմից» բառերի մասով չի կատարվել բառերի բացակայության պատճառով)

48. Ամսական ամփոփագրի տվյալների հիման վրա ձևակերպվում է ավտոմոբիլային ճանապարհի տվյալ ամսվա պահպանման մակարդակի գնահատման (աշխատանքների ընդունման) ամսական ամփոփագրի վերաբերյալ պատասխանատուի համապատասխան եզրակացությունը:

49. Թերությունների վերացման համար պահանջվող ծախսերը կատարվում են կապալառուի միջոցների հաշվին:

49.1. Ավտոմոբիլային ճանապարհների, առանձին պահպանման հանձնվող թունելների, կամուրջների ընթացիկ պահպանման աշխատանքների ընթացքում երթևեկության կազմակերպման անվտանգության բարելավման նպատակով կապալառու կազմակերպությունը պատասխանատուի հանձնարարության դեպքում տեղադրում է լրացուցիչ կահավորանքի միջոցներ, կատարում է լրացուցիչ գծանշում:

(49.1-ին կետը լրաց. 04.11.21 N 1826-Ն)

49.2 Ավտոմոբիլային ճանապարհների երթևեկության անվտանգությունն ապահովելու նպատակով կապալառու կազմակերպությունները բնակավայրերից դուրս գտնվող հատվածներում իրականացնում են նաև գլխավոր ճանապարհի հետ հատվող երկրորդական ճանապարհների վրա՝ մինչև 50 մ երկարությամբ հատվածում տեղադրված ճանապարհային նշանների պահպանման աշխատանքները՝ սույն կարգի պահանջներին համապատասխան:

(49.2-րդ կետը լրաց. 04.11.21 N 1826-Ն)

IV. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԸՆԴՀԱՆՈՒՐ ՕԳՏԱԳՈՐԾՄԱՆ ԱՎՏՈՄՈԲԻԼԱՅԻՆ ՃԱՆԱՊԱՐՀՆԵՐԻ ԸՆԹԱՑԻԿ ԱՄԱՌԱՅԻՆ ԵՎ ԸՆԹԱՑԻԿ ՁՄԵՌԱՅԻՆ ՊԱՀՊԱՆՄԱՆ ՄՐՑՈՒՅԹՆԵՐԻ ԱՌԱՐԿԱՆ, ՄՐՑՈՒՅԹՆԵՐԻՆ ՄԱՍՆԱԿԻՑ ԿԱՊԱԼԱՌՈՒ ԿԱԶՄԱԿԵՐՊՈՒԹՅՈՒՆՆԵՐԻՆ ՆԵՐԿԱՅԱՑՎՈՂ ՆՎԱԶԱԳՈՒՅՆ ՏԵԽՆԻԿԱԿԱՆ ՊԱՀԱՆՋՆԵՐԸ ԵՎ ԱՇԽԱՏԱՆՔՆԵՐԻ ԻՆՔՆԱՐԺԵՔՆԵՐԻ ՀԱՇՎԱՐԿՆԵՐԻ ՁԵՎԵՐԸ

50. Հայաստանի Հանրապետության ընդհանուր օգտագործման ավտոմոբիլային ճանապարհների ընթացիկ ամառային և ընթացիկ ձմեռային պահպանման մրցույթների առարկան է հանդիսանում ավտոմոբիլային ճանապարհների ընթացիկ ամառային և ընթացիկ ձմեռային պահպանումը պահանջվող մակարդակներով ապահովող որակյալ կապալառու կազմակերպությունների ընտրությունը:

51. Հայտատու կազմակերպությունները Հայաստանի Հանրապետության ընդհանուր օգտագործման ավտոմոբիլային ճանապարհների ընթացիկ ամառային և ընթացիկ ձմեռային պահպանման մրցույթներին մասնակցելու համար պետք է ներկայացնեն աշխատանքների ինքնարժեքների հաշվարկներն ըստ ստորև բերված N 8, N 9, N 10 և N 11 ձևերի:

Ձև N 8

I տեխնիկական կարգի ճանապարհների սպասարկման արժեքի գնագոյացում

(Պահպանման ժամանակաշրջանը` ԳԱՐՈՒՆ-ԱՄԱՌ- ԱՇՈՒՆ)

Ձև N 9

II-IV տեխնիկական կարգի ճանապարհների սպասարկման արժեքի գնագոյացում

(Պահպանման ժամանակաշրջանը` ԳԱՐՈՒՆ-ԱՄԱՌ- ԱՇՈՒՆ)

Ձև N 10

Ավտոճանապարհների ընթացիկ ձմեռային պահպանման արժեքի գնագոյացում

Ձև N 11

 

Տեխնիկական կարգը	Առկա վիճակը	Սպասարկման մակարդակը	Հատվածների ընդհանուր երկարությունը (կմ)	Միավորի արժեքը համապատասխանաբար համաձայն 6.1, 6.2 և 6.3 Ձևերի (ՀՀ դրամ)	Ընդամենը արժեքը «4» x «5» (ՀՀ դրամ)
1	2	3	4	5	6
ա) Ընթացիկ ամառային պահպանում
ա/ Ընդամենը ընթացիկ ամառային պահպանում
բ) Ընթացիկ ձմեռային պահպանում
բ) Ընդամենը ձմեռային պահպանում
գ) Ընթացիկ մետաղական արգելափակոցների պահպանում
Տարածաշրջանի անվանումը			Ընդհանուր երկարությունը (գծ.մ)	Միավորի արժեքը (ՀՀ դրամ)	Ընդամենը արժեքը «2» x «3» (ՀՀ դրամ)
1			2	3	4
գ) Ընդամենը մետաղական արգելափակոցների պահպանում
ԱՄԲՈՂՋԸ (ա+բ+գ)
ԱՄԲՈՂՋԸ տառերով ___________________________________________________________________________դրամ

Հաշվարկ

ավտոճանապարհների պահպանման ընթացիկ տարվա արժեքի

(51-րդ կետը խմբ. 26.11.20 N 1864-Ն)

52. Ձև N 8-ում և Ձև N 9-ում լրացվում են ընթացիկ ամառային պահպանման աշխատանքների 1 կմ-ի արժեքները, իսկ Ձև N 10-ում` ընթացիկ ձմեռային պահպանման աշխատանքների 1 կմ-ի արժեքները` ներառյալ շահույթի և ՀՀ օրենսդրությամբ պահանջվող բոլոր հարկատեսակների ու տուրքերի արժեքները, այդ թվում՝ ԱԱՀ-ի արժեքը, ընդ որում՝

1) լրացվող 1 կմ ավտոճանապարհի պահպանման արժեքում նշագծման աշխատանքների գինը չի հաշվարկվում.

2) բոլոր ազատ վանդակները պետք է պարտադիր լրացվեն հայտատուի կողմից` անկախ տվյալ տարածաշրջանում ընդգրկված ճանապարհների նշանակությունից, վիճակից և սպասարկման մակարդակից.

3) Ձև N 8-ի և Ձև N 9-ի առաջին սյունակներում լրացվող ավտոճանապարհի վիճակի ծածկագրերում հանրապետական նշանակության ավտոմոբիլային ճանապարհի համար «Մ» տառի փոխարեն լրացվում է «Հ» տառը, իսկ մարզային (տեղական) նշանակության ավտոմոբիլային ճանապարհի համար` «Տ» տառը.

4) Գնային առաջարկների գնահատումը կատարվում է մրցույթի մասնակիցների կողմից լրացված և ներկայացված Ձև N11-ի հանրագումարների համեմատությամբ:

53. Հայաստանի Հանրապետության ընդհանուր օգտագործման ավտոմոբիլային ճանապարհների ընթացիկ ամառային և ընթացիկ ձմեռային պահպանման աշխատանքները իրականացնելու համար անհրաժեշտ մեքենա-սարքավորումներն են`

(53-րդ կետը փոփ. 26.11.20 N 1864-Ն, լրաց., փոփ. 04.11.21 N 1826-Ն)

(53-րդ կետը 04.11.21 N 1826-Ն որոշման 4-րդ կետի 2-րդ ենթակետի փոփոխությունն ուժի մեջ է մտնում 01.01.2026 թ.)

53.1. Կապալառուն սույն կարգի 53-րդ կետում նշված մեքենասարքավորումներում տեղադրված գլոբալ տեղորոշման համակարգով ստացվող տվյալները ծրագրային մակարդակով փոխանցում է Հայաստանի Հանրապետության տարածքային կառավարման և ենթակառուցվածքների նախարարության «Երթուղային ցանցի մոդելավորման և ճանապարհային ցանցի ակտիվների կառավարման և սպասարկման աշխատանքների պլանավորման և վերահսկման» համակարգին՝ կապալի պայմանագրով նախատեսված պահանջներին համապատասխան։

(53.1-ին կետը լրաց. 26.11.20 N 1864-Ն)

53.2. Ավտոմոբիլային ճանապարհների պահպանման աշխատանքներում ներգրավված՝ սույն կարգի 53-րդ կետի աղյուսակում նշված մեքենա-սարքավորումների 70 տոկոսը պետք է պատկանի կապալառուին սեփականության իրավունքով:

(53.2-րդ կետը լրաց. 04.11.21 N 1826-Ն)

53.3. Սույն կարգի 53-րդ կետի աղյուսակում նշված մեքենա-սարքավորումների քանակին, տեսակին, կահավորանքին ներկայացվող պահանջները, ինչպես նաև սույն կարգի 53.2-րդ կետում նշված մեքենա-սարքավորումների 70 տոկոսը սեփականության իրավունքով տնօրինելու պահանջը կապալառուն պարտավոր է ապահովել կապալի պայմանագրի ողջ ընթացքում:

(53.3-րդ կետը լրաց. 04.11.21 N 1826-Ն)

54. Հայաստանի Հանրապետության ընդհանուր օգտագործման ավտոմոբիլային ճանապարհների ընթացիկ ամառային և ընթացիկ ձմեռային պահպանման մրցույթները կարգավորվում են Գնումների մասին Հայաստանի Հանրապետության օրենսդրությամբ:

V. ԲՆԱԿԱՆ ԱՂԵՏՆԵՐԻ ԿԱՄ ՉՆԱԽԱՏԵՍՎԱԾ ԻՐԱՎԻՃԱԿՆԵՐԻ՝ ՀՐԱՏԱՊ ԱՇԽԱՏԱՆՔՆԵՐԻ ՄԱԿԱՐԴԱԿՆԵՐԻ ԳՆԱՀԱՏՄԱՆ (ԱՇԽԱՏԱՆՔՆԵՐԻ ԸՆԴՈՒՆՄԱՆ) ՄԵԹՈԴԱԲԱՆՈՒԹՅՈՒՆ

55. «Արտակարգ իրավիճակներում բնակչության պաշտպանության մասին» Հայաստանի Հանրապետության օրենքով նախատեսված արտակարգ իրավիճակների կամ բնական աղետների (այսուհետ՝ հրատապ աշխատանքներ) հետևանքով առաջացած կամ չնախատեսված իրավիճակների դեպքում ընթացիկ ամառային և ընթացիկ ձմեռային պահպանման աշխատանքները իրականացվում են կապալառու կազմակերպության կողմից:.

56. Հրատապ աշխատանքներ են համարվում հետևյալ դեպքերը.

1) փլուզումները - որոնք անհնարին կամ առավելագույնս վտանգավոր կդարձնեն ճանապարհահատվածի տվյալ հատվածով անվտանգ երթևեկությունը,

2) թափվածքները - որոնք անհնարին կամ առավելագույնս վտանգավոր կդարձնեն ճանապարհահատվածի տվյալ հատվածով անվտանգ երթևեկությունը,

3) հեղեղումները - որոնք անհնարին կամ առավելագույնս վտանգավոր կդարձնեն ճանապարհահատվածի տվյալ հատվածով անվտանգ երթևեկությունը,

4) ժամանակավոր ակտիվացած սողանքները – որոնք անհնարին կամ առավելագույնս վտանգավոր կդարձնեն ճանապարհահատվածի տվյալ հատվածով անվտանգ երթևեկությունը,

5) նստվածքներ - որոնք անհնարին կամ առավելագույնս վտանգավոր կդարձնեն ճանապարհահատվածի տվյալ հատվածով անվտանգ երթևեկությունը:

(56-րդ կետը լրաց. 26.11.20 N 1864-Ն)

57. Հրատապ աշխատանքների իրականացման նպատակով՝ առանց շինարարության թույլտվության կատարվում են միայն ՀՀ կառավարության 2015 թվականի մարտի 19-ի N 596-Ն որոշման Հավելված N 4-ի N 1 ցանկով սահմանված ցածր ռիսկայնության աստիճանի (I կատեգորիայի) դասակարգում ունեցող օբյեկտների (ավտոմոբիլային ճանապարհների մասով) ընթացիկ նորոգման աշխատանքները:

58. Հրատապ աշխատանքների իրականացման նպատակով ընթացիկ նորոգման աշխատանքների միավորի արժեքները հաշվարկվում են ՀՀ կառավարության 2011 թվականի հունիսի 23-ի N 879-Ն որոշման N 8 հավելվածի՝ գործող գներով շինարարական աշխատանքների արժեքի հաշվարկման կարգի համաձայն, բացի ներքոնշյալ ծախսերի մասով կիրառվող գործակիցների՝

1) ժամանակավոր, կենցաղային նշանակության (շարժական կամ հավաքովի) շենքերի և շինությունների, պահեստների, ժամանակավոր ինժեներական ցանցերի (էլեկտրաէներգիա, ջուր, մոտեցնող ճանապարհներ և հարթություններ և այլն) իրական ծախսեր,

2) շինարարական աշխատանքների վրա կլիմայական պայմանների ազդեցության լրացուցիչ ծախսեր,

3) շինարարության առանձնահատուկ պայմանները հաշվի առնող այլ լրացուցիչ ծախսեր,

4) չնախատեսված աշխատանքների ծախսեր:

59. Ընդ որում, Հրատապ աշխատանքների բավարարման նպատակով ընթացիկ նորոգման աշխատանքների միավորի արժեքները պետք է ընդգրկեն ՀՀ օրենսդրությամբ պահանջվող բոլոր հարկատեսակներն ու տուրքերը, այդ թվում` ԱԱՀ:

60. Հայաստանի Հանրապետության ընդհանուր օգտագործման ավտոմոբիլային ճանապարհների ընթացիկ ամառային և ընթացիկ ձմեռային պահպանման և շահագործման պայմանագրի շրջանակում յուրաքանչյուր տարվա համար կնքվող համաձայնագրում ներառվում է նաև հրատապ աշխատանքների բավարարման նպատակով հնարավոր ընթացիկ նորոգման աշխատանքների միավորի արժեքների ցանկը՝ համաձայն N 5 աղյուսակի:

Աղյուսակ 5. Հրատապ աշխատանքների միավորի արժեքների ցանկը

61. Հրատապ աշխատանքների ծագման արդյունքում առաջացած ընթացիկ նորոգման աշխատանքների ծավալները հաշվարկվում և ճշգրտվում են հետևյալ կերպ՝

1) hրատապ աշխատանքների ծագման պահից սկսած՝ ճանապարհների պետական կառավարման մարմնի ղեկավարի կողմից ստեղծվում է աշխատանքային խումբ.

2) աշխատանքային խմբի կողմից ուսումնասիրվում, չափագրվում և գնահատվում են հրատապ աշխատանքների իրականացման համար անհրաժեշտ նորոգման աշխատանքների ծավալները, կազմվում է թերությունների ակտ.

3) իրականացված հրատապ աշխատանքների հանձնում-ընդունումը կատարվում է 2015 թվականի մարտի 19-ի N 596-Ն որոշմամբ սահմանված կարգով:

(հավելվածը փոփ., խմբ., լրաց. 29.09.16 N 1008-Ն, լրաց. 05.04.18 N 377-Ն, փոփ. 06.06.19 N 733-Ն, խմբ. 26.12.19 N 1925-Ն, լրաց., փոփ., խմբ. 26.11.20 N 1864-Ն, 04.11.21 N 1826-Ն)