31.10.2020 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

30 հոկտեմբերի 2020 թվականի N 1208-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասով՝

1. «Պետական և ծառայողական գաղտնիքի մասին» նոր օրենքի նախագծի մշակման և հարակից իրավական ակտերի արդիականացման աշխատանքներն իրականացնելու նպատակով ստեղծել աշխատանքային խումբ և հաստատել դրա անհատական կազմը՝ համաձայն հավելվածի:

2. Սույն որոշման հավելվածում նշված պետական կառավարման համակարգի մարմինների ղեկավարներին՝ աշխատանքային խմբում քննարկելու համար սույն որոշումն ուժի մեջ մտնելուց հետո մինչև 2020 թվականի նոյեմբերի 27-ը Հայաստանի Հանրապետության արդարադատության նախարարություն ներկայացնել առաջարկություններ «Պետական և ծառայողական գաղտնիքի մասին» օրենքի և հարակից այլ իրավական ակտերի արդիականացման վերաբերյալ:

3. Աշխատանքային խմբի ղեկավարին՝ սույն որոշումն ուժի մեջ մտնելուց հետո՝

1) ապահովել պետական կառավարման մարմինների կողմից ներկայացված առաջարկությունների քննարկումը աշխատանքային խմբի կողմից.

2) մինչև 2021 թվականի մարտի 25-ն ամփոփել համապատասխան պետական կառավարման համակարգի մարմինների կողմից ներկայացված առաջարկությունների վերաբերյալ աշխատանքային խմբի քննարկումների արդյունքները.

3) մինչև 2021 թվականի մայիսի 1-ը՝ սահմանված կարգով Հայաստանի Հանրապետության վարչապետի աշխատակազմ ներկայացնել «Պետական և ծառայողական գաղտնիքի մասին» նոր օրենքի նախագիծը և հարակից իրավական ակտերի նախագծերը:

(3-րդ կետը փոփ. 04.02.21 N 96-Ա)

Հայաստանի Հանրապետության վարչապետ

Ն. Փաշինյան

31.10.2020 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ վարչապետի 2020 թվականի հոկտեմբերի 30-ի N 1208-Ա որոշման

Ա Ն Հ Ա Տ Ա Կ Ա Ն  Կ Ա Զ Մ

Մ. Մկրտչյան	- ՀՀ ազգային անվտանգության ծառայություն (խմբի ղեկավար)
Տ. Էմին	- ՀՀ պաշտպանության նախարարություն
Ս. Հովհաննիսյան	- ՀՀ ոստիկանություն
Ա. Սաֆարյան	- ՀՀ ազգային անվտանգության ծառայություն
Հ. Պետրոսյան	- ՀՀ անվտանգության խորհուրդ
Գ. Քալանթարյան	- ՀՀ բարձր տեխնոլոգիական արդյունաբերության նախարարություն
Մ. Ազարյան	- ՀՀ տարածքային կառավարման և ենթակառուցվածքների նախարարություն
Գ. Մելիքյան	- ՀՀ արտաքին գործերի նախարարություն
Հ. Մարգարյան	- ՀՀ աշխատանքի և սոցիալական հարցերի նախարարություն
Ա. Մկրտումյան	- ՀՀ առողջապահության նախարարություն
Տ. Բիշարյան	- ՀՀ արտակարգ իրավիճակների նախարարություն
Ք. Գևորգյան Ա. Վեհապետյան	- ՀՀ էկոնոմիկայի նախարարություն
Ս. Բրուտյան	- ՀՀ կրթության, գիտության, մշակույթի և սպորտի նախարարություն
Ա. Ավետիսյան	- ՀՀ շրջակա միջավայրի նախարարություն

(հավելվածը խմբ. 04.02.21 N 96-Ա)