«Գրանցված է»

ՀՀ արդարադատության

նախարարության կողմից

26 հունիսի 2017 թ.

Պետական գրանցման թիվ 12417252

ԴՐՈՇՄԱՊԻՏԱԿՆԵՐԻ ՁԵՌՔԲԵՐՄԱՆ ՀԱՄԱՐ ՎՃԱՐՎԱԾ ԳՈՒՄԱՐԸ ՀԱՐԿԱՅԻՆ ԵՎ ՊԱՐՏԱԴԻՐ ՎՃԱՐՆԵՐԻ ԳԾՈՎ ՊԱՐՏԱՎՈՐՈՒԹՅՈՒՆՆԵՐԻ ԴԻՄԱՑ ՀԱՇՎԱՆՑՄԱՆ ԵՎ (ԿԱՄ) ՀԱՐԿ ՎՃԱՐՈՂԻՆ ՎԵՐԱԴԱՐՁՄԱՆ ԴԻՄՈՒՄԻ ՁԵՎԵՐԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐԻ 2014 ԹՎԱԿԱՆԻ ՀՈՒԼԻՍԻ 17-Ի N 437-Ն ՀՐԱՄԱՆՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հիմք ընդունելով «Առևտրի և ծառայությունների մասին» Հայաստանի Հանրապետության օրենքի 9.6-րդ հոդվածի 1-ին մասը`

1. Հաստատել հարկային մարմին ներկայացվող դրոշմապիտակների ձեռք բերման համար վճարված գումարը հարկային և պարտադիր վճարների գծով պարտավորությունների դիմաց հաշվանցման և (կամ) հարկ վճարողին վերադարձման դիմումի ձևը՝ համաձայն N 1 հավելվածի:

2. Հաստատել մաքսային մարմին ներկայացվող դրոշմապիտակների ձեռք բերման համար վճարված գումարը հարկային և պարտադիր վճարների գծով պարտավորությունների դիմաց հաշվանցման և (կամ) հարկ վճարողին վերադարձման դիմումի ձևը՝ համաձայն N 2 հավելվածի:

3. Ուժը կորցրած ճանաչել ՀՀ ֆինանսների նախարարի 2014 թվականի հուլիսի 17-ի «Դրոշմապիտակների ձեռք բերման համար վճարված գումարը հարկային պարտավորությունների դիմաց հաշվանցման և (կամ) հարկ վճարողին վերադարձման դիմումի ձևերը հաստատելու և Հայաստանի Հանրապետության կառավարությանն առընթեր պետական եկամուտների կոմիտեի նախագահի 2013 թվականի մայիսի 24-ի N 237-Ն հրամանն ուժը կորցրած ճանաչելու մասին» N 437-Ն հրամանը:

4. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

«___» _____________ 20  թ.

Ծանոթություն՝

1. Դիմումում գումարները լրացվում են արտահայտված դրամներով:

2. Միևնույն ժամանակաշրջանի համար երկու և ավելի անգամ դիմում ներկայացնելու դեպքում նախորդները համարվում են ճշգրտված: Դիմումում ներառված տեղեկությունների ճշգրտում չի կարող կատարվել, եթե դրանք վերաբերվում են հարկային մարմնի կողմից ստուգված կամ ստուգվող ժամանակաշրջանին:

3. Դիմումը լրացվում է հետևյալ կերպ՝

1) 2-րդ կետում լրացվում է հարկ վճարողի հաշվառման համարը (ՀՎՀՀ), տեղեկությունների ընդունման ծրագրի կողմից՝ ինքնաշխատ,

2) 3-րդ կետում լրացվում է իրավաբանական անձի անվանումը կամ անհատ ձեռնարկատիրոջ անունը, ազգանունը, տեղեկությունների ընդունման ծրագրի կողմից՝ ինքնաշխատ,

3) 4-րդ կետում լրացվում է իրավաբանական անձի գտնվելու վայրը կամ անհատ ձեռնարկատիրոջ բնակության վայրը, տեղեկությունների ընդունման ծրագրի կողմից՝ ինքնաշխատ,

4) 5-րդ կետում լրացվում է.

ա. հրամանի N 1 հավելվածում՝ հարկ վճարողի հաշվառման վայրի հարկային տեսչության անվանումը, տեղեկությունների ընդունման ծրագրի կողմից՝ ինքնաշխատ,

բ. հրամանի N 2 հավելվածում՝ այն մաքսատան անվանումը, որտեղ հաշվառված է հարկ վճարողը և իր անունով բացված թղթապանակի համարը, ընդ որում միայն պարտադիր դրոշմավորման ենթակա ապրանքների ներմուծման համար դրոշմապիտակներ ձեռքբերելու դեպքում, տեղեկությունների ընդունման ծրագրի կողմից՝ ինքնաշխատ,

5) 6-րդ կետում լրացվում է այն ժամանակահատվածի սկիզբը (ամսաթիվը, ամիսը, տարեթիվը) և ավարտը (ամսաթիվը, ամիսը, տարեթիվը), որի վերաբերյալ ներկայացվում են տեղեկությունները: Տեղեկությունների ճշգրտման դեպքում ներկայացվող տեղեկությունների ժամանակահատվածի սկիզբը և ավարտը պետք է համապատասխանի ճշգրտվող ժամանակաշրջանի համար նախկինում ներկայացված համապատասխան տվյալներին: Ժամանակահատվածի սկիզբը չի կարող ներառվել այն ժամանակահատվածում, որի համար նախկինում ներկայացվել են տեղեկություններ: Ժամանակահատվածի սկիզբը նշվում է նախորդ ներկայացված դիմումում նշված ժամանակահատվածի ավարտում նշված օրվան հաջորդող օրը,

6) 7-րդ կետի «Ա» սյունակում լրացվում է ստացված դրոշմապիտակների քանակը, «Բ» սյունակում ստացված դրոշմապիտակների համար վճարված գումարը, ընդ որում լրացվում է տեղեկությունների ընդունման ծրագրի կողմից՝ ինքնաշխատ,

7) 8-րդ կետի «Ա» սյունակում լրացվում է արտահանված ապրանքների վրա դրոշմավորված դրոշմապիտակների քանակը, «Բ» սյունակում՝ դրանց համար վճարված գումարը,

8) 9-րդ կետի «Ա» սյունակում լրացվում է վնասված դրոշմապիտակների քանակը, «Բ» սյունակում վնասված դրոշմապիտակների համար վճարված գումարը,

9) 10-րդ կետի «Ա» սյունակում լրացվում է պիտանելիության ժամկետում չիրացված, սահմանված կարգով դուրսգրված ապրանքների վրա փակցված դրոշմապիտակների քանակը, «Բ» սյունակում՝ դրանց համար վճարված գումարը, ընդ որում լրացվում է տեղեկությունների ընդունման ծրագրի կողմից՝ ինքնաշխատ,

10) 11-րդ կետի «Ա» սյունակում լրացվում է չօգտագործված վերադարձված դրոշմապիտակների քանակը, «Բ» սյունակում՝ դրանց համար վճարված գումարը, ընդ որում լրացվում է տեղեկությունների ընդունման ծրագրի կողմից՝ ինքնաշխատ,

11) 12-րդ կետում լրացվում է դրոշմապիտակների ձեռք բերման համար վճարված գումարը,

12) 13-րդ կետում լրացվում է օգտագործված դրոշմապիտակների համար վճարված՝ հարկային պարտավորությունների դիմաց հաշվանցման ենթակա գումարը,

13) 14-րդ կետում լրացվում է վերադարձի ենթակա գումարը դրամներով այն դեպքում, եթե հարկ վճարողի մոտ բացակայում են հարկային և պարտադիր վճարների գծով պարտավորությունները, և վերջինս ցանկանում է, որ վճարած գումարից նշված չափի գումար վերադարձվի,

14) 15-րդ կետի հաջորդական տողերի առաջին (Ա) սյունակում լրացվում են հարկային պարտավորությունների անվանումները, որոնց հաշվին հարկ վճարողը դիմում է հաշվանցում կատարելու նպատակով, երկրորդ (Բ) սյունակում հարկային կամ մաքսային մարմնի անվանումը, որտեղ հաշվառված է պարտավորությունը, որի մարման նպատակով պիտի հաշվանցվի գումարը, իսկ երրորդ (Գ) սյունակում համապատասխան գումարները: Ընդամենը տողում լրացվում է դրոշմապիտակների ձեռքբերման համար վճարված գումարից այն ընդամենը գումարը, որը հարկ վճարողը ցանկանում է հաշվանցել նշված հարկային պարտավորությունների դիմաց,

15) 16-րդ կետում լրացվում է հաշվանցման ենթակա գումարը, որը հարկ վճարողը ցանկանում է իր վճարած գումարից հաշվանցվի նոր ձեռք բերվող դրոշմապիտակների համար վճարման ենթակա գումարի դիմաց, ընդ որում երկրորդ (Բ) սյունակում լրացվում է հարկային կամ մաքսային մարմնի անվանումը, որի կողմից պետք է տրամադրվի նոր ձեռք բերվող դրոշմապիտակները, իսկ երրորդ (Գ) սյունակում համապատասխան գումարները: