ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՖԻՆԱՆՍՆԵՐԻ ՆԱԽԱՐԱՐՈՒԹՅՈՒՆ
Հ Ր Ա Մ Ա Ն
|
22 հոկտեմբերի1999 թ. |
N 383 |
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ (ԳԱՆՁԱՊԵՏԱԿԱՆ) ԿԱՐՃԱԺԱՄԿԵՏ ՊԱՐՏԱՏՈՄՍԵՐԻ ԹՈՂԱՐԿՄԱՆ ՀԻՄՆԱԿԱՆ ՊԱՅՄԱՆՆԵՐԸ» ԵՎ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ (ԳԱՆՁԱՊԵՏԱԿԱՆ) ԿԱՐՃԱԺԱՄԿԵՏ ՊԱՐՏԱՏՈՄՍԵՐԻ ՏԵՂԱԲԱՇԽՄԱՆ, ՇՐՋԱՆԱՌՈՒԹՅԱՆ ԵՎ ՄԱՐՄԱՆ ՍՊԱՍԱՐԿՄԱՆ» ԿԱՐԳԸ ՀԱՍՏԱՏԵԼՈՒ ՄԱՍԻՆ
Համաձայն «Հայաստանի Հանրապետության կենտրոնական բանկի մասին» ՀՀ օրենքի 32-րդ հոդվածի, նպատակ ունենալով բարելավել Պետական (Գանձապետական) կարճաժամկետ պարտատոմսերի թողարկման, տեղաբաշխման և շրջանառության մեխանիզմները և ելնելով պետական կարճաժամկետ պարտատոմսերի շուկայի հետագա զարգացման անհրաժեշտությունից`
ՀՐԱՄԱՅՈՒՄ ԵՄ`
Հաստատել «Հայաստանի Հանրապետության պետական (գանձապետական) կարճաժամկետ պարտատոմսերի թողարկման հիմնական պայմանները» և «Հայաստանի Հանրապետության պետական (գանձապետական) կարճաժամկետ պարտատոմսերի տեղաբաշխման, շրջանառության և մարման սպասարկման» կարգը:
|
ՀՀ ֆինանսների նախարար` |
Լ. Բարխուդարյան |
|
«ՀԱՍՏԱՏՈՒՄ ԵՄ» |
«ՀԱՄաձայն ԵՄ» |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ (ԳԱՆՁԱՊԵՏԱԿԱՆ) ԿԱՐՃԱԺԱՄԿԵՏ ՊԱՐՏԱՏՈՄՍԵՐԻ ԹՈՂԱՐԿՄԱՆ ՀԻՄՆԱԿԱՆ ՊԱՅՄԱՆՆԵՐԸ
1. Սույն պայմանները սահմանում են Հայաստանի Հանրապետության Պետական Գանձապետական (կարճաժամկետ) պարտատոմսերի (հետագայում` Պարտատոմս) թողարկման, տեղաբաշխման, շրջանառության և մարման կարգը:
2. Պարտատոմսերը թողարկվում են Հայաստանի Հանրապետության ֆինանսների նախարարության (հետագայում` Թողարկող) կողմից` Հայաստանի Հանրապետության անունից` համաձայն Հայաստանի Հանրապետության օրենսդրության և ապահովված են պետության ողջ գույքով:
3. Սույն պայմանների համաձայն թողարկված և շրջանառության մեջ գտնվող Պարտատոմսերի թողարկման պայմաններում, Պարտատոմսերի տեղաբաշխման, շրջանառության և մարման սպասարկման կարգում նախատեսող փոփոխությունները չեն կարող նախատեսել խստացումներ և թողարկման պայմանների փոփոխություններ ի վնաս Պարտատոմսերի սեփականատերերի:
4. Պարտատոմսերի տեղաբաշխումը իրականացվում է Թողարկողի հանձնարարությամբ, Հայաստանի Հանրապետության կենտրոնական բանկի (հետագայում` Բանկ) կողմից կազմակերպվող Աճուրդների միջոցով:
5. Պարտատոմսերից ստացված եկամուտ է համարվում ձեռք բերման և մարման (վաճառքի) գների տարբերությունը:
6. Թողարկումը իրականացվում է ՀՀ ֆինանսների նախարարի հրամանով: Թողարկողը Պարտատոմսերի տեղաբաշխման Աճուրդի անցկացման օրվանից ոչ ուշ քան յոթ օր առաջ Բանկին է փոխանցում Աճուրդի կազմակերպման հրամանը: Թողարկման մասին որոշման ընդունման ժամանակ սահմանվում են թողարկման օրը, ծավալը, թողարկման հերթական համարը (հավելված N 1) ժամկետայնությունը, մարման օրը, պոտենցիալ գնորդներին ներկայացվող սահմանափակումները և ոչ մրցակցային հայտերի ծավալը:
7. Պարտատոմսեր կարող են ձեռք բերել իրավաբանական և ֆիզիկական անձինք:
8. Յուրաքանչյուր թողարկում ձևակերպվում է Գլոբալ հավաստագրով` երկու բնօրինակից, որոնցից մեկը պահվում է Թողարկողի մոտ, իսկ մյուսը` Բանկում (հավելված N 2): Թողարկողը պարտավոր է Բանկի հետ համաձայնեցնելուց հետո կայացնել որոշում հերթական թողարկման չափանիշների վերաբերյալ: Համաձայնեցման մասին գրառումը կատարվում է թողարկման Գլոբալ հավաստագրի վրա: Բանկը իրավունք չունի հրաժարվել թողարկման տեղաբաշխման իրականացումից, եթե գրառում է կատարվել Գլոբալ հավաստագրի վրա: Բանկը իրավունք չունի հրաժարվել շրջանառության մեջ գտնվող թողարկումը սպասարկելուց:
9. Թողարկողը պարտավորվում է սահմանված ժամկետներում թողարկել և ապահովել իր կողմից թողարկված Պարտատոմսերի մարումը: Թողարկողը պարտավոր է Պարտատոմսերի մարման համար հատկացված բյուջետային միջոցների փոխանցման վճարման հանձնարարագիրը Բանկ ներկայացնել մարման ամսաթվից մեկ բանկային օր առաջ:
10. Բանկը հանդիսանում է Պարտատոմսերի տեղաբաշխման, շրջանառության և մարման սպասարկման գործակալ: Պարտատոմսերի առաջնային և երկրորդային շուկաների սպասարկման նպատակով Բանկը հանդես է գալիս որպես Հաշվարկային համակարգ և Պահառու, վերահսկում է Ենթապահառուներին (հետագայում` ԵՊ):
11. Թողարկողը և Բանկը սահմանում են Դիլերներ ընտրելու չափանիշներ և կազմում են Դիլերների ցուցակ: Բանկը և Թողարկողի ու Բանկի կողմից համատեղ ընտրված Դիլերները իրականացնում են գործարքների գրանցումները, Պարտատոմսերի հաշվառումը, հաշիվների վարումն ու վերահսկումը: Դիլերներն իրականացնում են վերոհիշյալ լիազորությունները Թողարկողի և Բանկի հետ համապատասխան պայմանագիր կնքելուց հետո:
12. Թողարկողը, Բանկի խորհրդով, Դիլերներից ընտրում է Հայաստանի Հանրապետության ներքին պետական պարտքի կառավարման գործընկերներ (հետագայում Գործակալներ):
13. Թողարկողը և Բանկը իրավասու են Գործակալների/Դիլերների նկատմամբ պատասխանատվության միջոցներ կիրառել առաջնային կամ երկրորդային շուկայում իրենց կարգավիճակին չհամապատասխանող պահվածքի դեպքում, որի համար հիմք կարող է հանդիսանալ. Ներդրողներին կեղծ կամ թերի տեղեկատվության տրամադրումը, Ներդրողների հետ շուկայում ձևավորված գներից մեծ շեղումներով գործարքների իրականացումը, Պարտատոմսերի տեղաբաշխման Աճուրդներին անարդյունավետ մասնակցությունը, շուկայի մի քանի մասնակիցների միջև պայմանավորվածությունների բացահայտումը: ԵՊ աշխատանքների ոչ ճիշտ կազմակերպումը, շուկայի ենթակառուցվածքների անվտանգ աշխատանքին կամ շուկայի հեղինակությանը վտանգող գործողությունների բացահայտումը:
14. Պատասխանատվության միջոցներ կիրառելիս Թողարկողը և Բանկը կարող են Գործակալին/Դիլերին զրկել մեկ կամ մի քանի Աճուրդներին մասնակցելու իրավունքից, զրկել նրա ունեցած կարգավիճակից:
15. Գործակալին/Դիլերին նրա ունեցած կարգավիճակից զրկելու դեպքում շուկայի մասնակիցները տեղյակ են պահվում դրա մասին: Գործակալին/Դիլերին, ինչպես նաև Ներդրողներին պատկանող Պարտատոմսերը տեղափոխվում են այլ ԵՊ-ներ` առաջնահերթորեն բավարարելով նրանց ցանկությունները:
16. Շուկայի մնացած մասնակիցները տեղյակ են պահվում Գործակալին/Դիլերին մեկ կամ մի քանի Աճուրդներին մասնակցելու իրավունքից զրկելու վերաբերյալ, առանց նշելու նրանց անունները:
17. Պարտատոմսերը վաճառվում են փակ Աճուրդի միջոցով, որը կազմակերպում է Բանկը` Թողարկողի հանձնարարությամբ: Թողարկողը և Բանկը հաստատում են Աճուրդի անցկացման և երկրորդային շուկայում Պարտատոմսերի շրջանառության կարգը:
18. Պարտատոմսերի սեփականության իրավունքը ձեռք է բերվում նրա գնորդին Պահառուի կամ ԵՊ գրանցման գրքում (դեպո հաշիվներին) գրանցելուց հետո: Պարտատոմսերի սեփականատիրոջը, ըստ պահանջի, տրվում է քաղվածք Պարտատոմսերի դեպո հաշվից:
19. Թողարկողը իրավասու է հետ գնել իր կողմից թողարկված Պարտատոմսերը և իրականացնել թերտեղաբաշխված թողարկման չտեղաբաշխված Պարտատոմսերի Աճուրդ:
20. Թողարկողը և Բանկը կանոնակարգում են սույն պայմաններով չսահմանված թողարկման, տեղաբաշխման, շրջանառության և մարման սպասարկման հետ կապված հարցերը:
21. Սույն պայմաններում խստացում նախատեսող փոփոխությունները կատարվում են Բանկի և Թողարկողի կողմից համատեղ և այդ մասին տեղեկացնում են փոփոխություններն ուժի մեջ մտնելուց մեկ ամիս առաջ:
|
«ՀԱՍՏԱՏՈՒՄ ԵՄ» |
«ՀԱՍՏԱՏՈՒՄ ԵՄ» |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ (ԳԱՆՁԱՊԵՏԱԿԱՆ) ԿԱՐՃԱԺԱՄԿԵՏ ՊԱՐՏԱՏՈՄՍԵՐԻ ՏԵՂԱԲԱՇԽՄԱՆ, ՇՐՋԱՆԱՌՈՒԹՅԱՆ ԵՎ ՄԱՐՄԱՆ ՍՊԱՍԱՐԿՄԱՆ ԿԱՐԳԸ
1. ԸՆԴՀԱՆՈՒՐ ԴՐՈՒՅԹՆԵՐ
1.1. Սույն կարգը, համաձայն ՀՀ օրենսդրության, սահմանում է Պետական (գանձապետական) կարճաժամկետ պարտատոմսերի (հետագայում` Պարտատոմս) տեղաբաշխման, շրջանառության և մարման սպասարկման կանոնները:
1.2. Պարտատոմսերի սեփականատերերն իրավունք ունեն իրենց պատկանող Պարտատոմսերը տիրապետել, օգտագործել և տնօրինել ՀՀ օրենսդրության համաձայն:
2. ՊԱՐՏԱՏՈՄՍԵՐԻ ՇՈՒԿԱՅԻ ՄԱՍՆԱԿԻՑՆԵՐԸ ԵՎ ԵՆԹԱԿԱՌՈՒՑՎԱԾՔՆԵՐԸ
ՍԱՀՄԱՆՈՒՄՆԵՐ
2.1. Սույն կարգի համաձայն Պարտատոմսերի շուկայի մասնակիցներ են հանդիսանում Թողարկողը, Բանկը, Գործակալները, Դիլերները և Ներդրողները:
2.2. Սույն կարգով Պարտատոմսերի շուկայի ենթակառուցվածքներ են հանդիսանում Պահառուն, ԵՊ-երը, Հաշվարկային համակարգը, Առևտրային համակարգը և Գանձապետական պահառուն (ԳՊ):
2.3. Թողարկող - ՀՀ ֆինանսների նախարարությունն է, որը գործում է ՀՀ օրենսդրությանը և այլ իրավական ակտերին համապատասխան և պարտավորություն է կրում Պարտատոմսերի սեփականատերերի առջև Պարտատոմսերով ամրագրված իրավունքների իրականացման ժամանակ:
2.4. Բանկ - ՀՀ կենտրոնական բանկը, որը «ՀՀ Կենտրոնական բանկի մասին» օրենքի համաձայն Թողարկողի ֆինանսական գործակալն է: Պարտատոմսերի առաջնային և երկրորդային շուկաների սպասարկման նպատակով Բանկը հանդես է գալիս որպես Հաշվարկային համակարգ և Պահառու, վերահսկում է ԵՊ-երին:
2.5. Դիլեր - յուրաքանչյուր իրավաբանական անձ, որը, համաձայն Հայաստանի Հանրապետության օրենսդրության, համարվում է Պարտատոմսերի շուկայի մասնակից, համապատասխանում է Թողարկողի և Բանկի կողմից սույն կարգով սահմանված Դիլերին ներկայացվող պահանջներին և նրանց հետ կնքել է պայմանագիր: Պարտատոմսերով գործարքների իրականացման ժամանակ Դիլերը գործում է իր անունից` իր հաշվին կամ իր անունից` Ներդրողի հաշվին և նրա հանձնարարությամբ:
2.6. Գործակալ - յուրաքանչյուր Դիլեր, որը, համաձայն Հայաստանի Հանրապետության օրենսդրության, համարվում է Պարտատոմսերի շուկայի մասնակից, համապատասխանում է Թողարկողի և Բանկի կողմից սույն կարգով սահմանված Գործակալին ներկայացվող պահանջներին և նրանց հետ կնքել է պայմանագիր: Պարտատոմսերով գործարքների իրականացման ժամանակ Գործակալը գործում է իր անունից` իր հաշվին կամ իր անունից` Ներդրողի հաշվին և նրա հանձնարարությամբ:
2.7. Ներդրող - յուրաքանչյուր իրավաբանական կամ ֆիզիկական անձ, որը համաձայն սույն կարգի և գործող օրենսդրության չի հանդիսանում Գործակալ/Դիլեր և սեփականության իրավունքով ձեռք է բերում Պարտատոմսեր: Այդ իրավունքի իրականացման համար Ներդրողը պարտավոր է Գործակալի/Դիլերի հետ կնքել գործակալության պայմանագիր, որը սահմանում է Ներդրողի կողմից Պարտատոմսերի ձեռք բերման, տնօրինման և վաճառքի կարգը, ինչպես նաև այդ գործարքների կատարման ժամանակ կողմերի իրավունքները և պարտավորությունները:
2.8. Առևտրային համակարգ - շահույթի նպատակ չհետապնդող կազմակերպություն է, որը Թողարկողի և Բանկի հետ կնքված պայմանագրի հիման վրա ապահովում է պարտատոմսերի առուվաճառքի գործարքների կնքման ընթացակարգը:
2.9. Հաշվարկային համակարգ - Պարտատոմսերով գործարքների դրամական հաշվարկներն իրականացնող համակարգ:
2.10. Պահառու - Դիլերների դեպո հաշիվներում գտնվող Պարտատոմսերի հաշվառման համակարգ:
2.11. Ենթապահառու (ԵՊ) - Ներդրողների դեպո հաշիվներում գտնվող Պարտատոմսերի հաշվառման համակարգ: Ենթապահառուի գործառույթներ իրականացնում են Գործակալները/Դիլերները:
2.12. Գանձապետական պահառու (ԳՊ) - Գանձապետարանի կողմից պետական պարտատոմսերի անմիջական վաճառքի, Ներդրողներին պատկանող պարտատոմսերի հաշվառման, վերջիններիս մարվող պարտատոմսերի դիմաց գումարների վճարման համակարգ:
2.13. Աճուրդ - Պարտատոմսերի թողարկումների տեղաբաշխման նպատակով կազմակերպվող մրցութային գործընթաց, որի ժամանակ Պարտատոմս ձեռք բերելու նպատակով պոտենցիալ գնորդները ներկայացնում են հայտեր:
3. ԹՈՂԱՐԿՈՂԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ
3.1. Թողարկողը իրավունք ունի թողարկել Պարտատոմսեր միայն սույն կարգի և թողարկման պայմանների համաձայն:
3.2. Թողարկողը իրավունք ունի իրացնել իր կողմից թողարկված և տեղաբաշխման Աճուրդի ժամանակ չտեղաբաշխված, ինչպես նաև հետգնված Պարտատոմսերը սույն Կարգով նախատեսվող եղանակով:
3.3. Թողարկողը իրավունք ունի հետգնել Բանկի կողմից երկրորդային շուկայից ձեռք բերված Պարտատոմսերը Թողարկողի և Բանկի միջև փոխհամաձայնեցված գներով:
3.4. Թողարկողն իրավունք ունի հետգնել իր կողմից թողարկված Պարտատոմսերը սույն Կարգի գլուխ 14-ի համաձայն:
3.5. Թողարկողը պարտավորվում է, Բանկի հետ խորհրդակցելով, կազմել Պարտատոմսերի թողարկման եռամսյակային ծրագիր: Թողարկողը պարտավորվում է հրապարակել առաջիկա ամսվա թողարկումների ծրագիրը, նշելով թողարկումների ժամկետայնությունները, ըստ օրերի (առանց նշելու թողարկումների ծավալները):
3.6. Թողարկողը յուրաքանչյուր ամսվա նախավերջին հինգշաբթի օրը կազմակերպում է հանդիպում Գործակալների հետ, առաջիկա ամսվա թողարկման ծրագրերը քննարկելու նպատակով:
3.7. Թողարկողը պարտավորվում է Պարտատոմսերի տեղաբաշխման Աճուրդի անցկացման օրվանից առնվազն յոթ օր առաջ Բանկին փոխանցել աճուրդի կազմակերպման վերաբերյալ հրամանը (հավելված N 3.1) և Գլոբալ հավաստագրերը:
3.8. Թողարկողը պարտավորվում է թերտեղաբաշխված թողարկման Պարտատոմսերի տեղաբաշխման Աճուրդի անցկացման օրվանից ոչ ուշ քան երեք օր առաջ Բանկին փոխանցել Աճուրդի կազմակերպման վերաբերյալ հրամանը:
3.9. Թողարկողը հերթական Աճուրդի անցկացման հրամանում ամրագրում է ԳՊ-ի և Գործակալների կողմից ներկայացվող ոչ մրցակցային հայտերի առավելագույն սահմանը: Այն չի կարող գերազանցել թողարկման ծավալի 30%-ը:
3.10. Թողարկողը չի կարող Գործակալների կողմից յուրաքանչյուր Աճուրդին պարտադիր ներկայացվող ոչ մրցակցային հայտերի նվազագույն ծավալը սահմանել թողարկման ծավալի 1%-ից ավել:
4. ԲԱՆԿԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ
4.1. Բանկը հանդիսանում է Պարտատոմսերի տեղաբաշխման, շրջանառության և մարման սպասարկման գործակալ: Պարտատոմսերի առաջնային և երկրորդային շուկաների սպասարկման նպատակով Բանկը հանդես է գալիս որպես Հաշվարկային համակարգ և Պահառու, վերահսկում է Ենթապահառուներին (հետագայում` ԵՊ):
4.2. Բանկը Թողարկողի անունից, հրամանով տրված նրա հանձնարարականի հիման վրա, կազմակերպում և իրականացնում է Պարտատոմսերի տեղաբաշխման Աճուրդները, գործարքների գրանցումները, Պարտատոմսերի հաշվառումը, հաշվարկների վարումն ու վերահսկումը:
4.3. Բանկն իրավունք ունի հրաժարվել թողարկման տեղաբաշխման Աճուրդը կազմակերպելուց, եթե Թողարկողը հերթական թողարկման չափանիշները չի համաձայնեցրել Բանկի հետ: Բանկի կողմից Գլոբալ հավաստագրի վավերացումը արձանագրում է Բանկի համաձայնությունը:
4.4. Բանկն իրավունք ունի իր խնդիրների իրականացման ժամանակ երկրորդային շուկայից գնել Պարտատոմսերը և գործառնություններ իրականացնել Պարտատոմսերով:
4.5. Բանկը պարտավոր է Թողարկողին տեղյակ պահել այն բանկ Գործակալների/Դիլերների վերաբերյալ` որոնք պարբերաբար խախտում են Բանկի կողմից սահմանված տնտեսական նորմատիվները, որոնք գտնվում են անկայուն ֆինանսական վիճակում, որոնց նկատմամբ ձեռնարկվել են միջոցառումներ լուծարման նպատակով, բանկային համակարգի կամ առանձին առևտրային բանկի կայունությանը սպառնացող այլ դեպքերում: Թողարկողը և Բանկ միասին որոշում են կայացնում հիշյալ Գործակալի/Դիլերի նկատմամբ պատասխանատվության միջոցներ կիրառելու վերաբերյալ:
4.6. Բանկը պարտավոր է Պարտատոմսերի առք ու վաճառքի բոլոր գործառնություններն իրականացնել Գործակալների հետ:
4.7. Բանկը պարտավոր է Պարտատոմսերով իր կողմից կատարված բոլոր գործառնությունների վերաբերյալ օրական տեղեկատվություն տրամադրել Թողարկողին (հավելված 4.1):
4.8. Բանկն իրավասու է վերահսկել ոչ բանկ Գործակալների/Դիլերների կողմից Պարտատոմսերով իրականացվող գործառնությունները, նրանց մոտ պարբերաբար իրականացնել Պարտատոմսերի հաշվառման սույն կարգին համապատասխանության ստուգումներ` համաձայն Թողարկողի, Բանկի և Գործակալի/Դիլերի միջև կնքված պայմանագրի:
4.9. Բանկը պարտավոր է ոչ բանկ Գործակալների համար բացել դեպո հաշիվներ:
4.10. Բանկը պարտավոր է յուրաքանչյուր Գործակալի/Դիլերի տալ գրանցման ծածկագիր (հավելված N 4,2), որը դեպո հաշվի համարն է կամ հաշվի համարի բաղկացուցիչ մասը: Գրանցման ծածկագիրը հանդիսանում է առանձնահատուկ յուրաքանչյուր Գործակալի/Դիլերի համար և պարունակում է նրան բնորոշ նիշ: Այն արտացոլվում է Բանկի և Գործակալի/Դիլերի միջև կնքված պայմանագրում, նշվում է բոլոր հաշվառման փաստաթղթերում և գործարքների գրանցման ժամանակ:
4.11. Բանկը պարտավորվում է Թողարկողին տրամադրել ֆինանսական շուկային վերաբերվող այն տեղեկատվությունը, որը կարող է օգնել նրան հերթական թողարկման ծրագրավորման ժամանակ և բանկային ու առևտրային գաղտնիք չի պարունակում:
4.12. Բանկը յուրաքանչյուր ամսվա սկզբից հինգ օր առաջ Թողարկողին է հանձնում իր կարծիքը և առաջարկությունները առաջիկա ամսում ֆինանսական և Պարտատոմսերի շուկայում սպասվող զարգացումների վերաբերյալ:
4.13. Բանկն ամեն շաբաթվա վերջին աշխատանքային օրը Թողարկողին տեղեկանք է ներկայացնում Պարտատոմսերի սեփականատերերի և դեպո հաշիվների վերաբերյալ (հավելված N 4.3):
4.14. Բանկը պարտավոր է մարվող թողարկման պարտավորությունների կատարմանն ուղղել բյուջետային միջոցները, որոնք հատկացվել են Թողարկողի կողմից համապատասխան վճարային հանձնարարագրով:
4.15. Եթե տեղաբաշխվող թողարկման Պարտատոմսերի իրացումից ստացված հասույթը գերազանցում է մարվող թողարկման պարտավորությունների կատարմանն ուղղված միջոցների գումարը, ինչպես նաև, եթե Թողարկողի կողմից հատկացված միջոցները ամբողջովին չեն օգտագործված, ապա Բանկը պարտավոր է գերազանցող գումարը հաշվեգրել Թողարկողի համապատասխան հաշվեկշռային հաշվի վրա:
4.16. Բանկն օրական տեղեկատվություն է տրամադրում Թողարկողին Պարտատոմսերի երկրորդային շուկայում կայացած այն գործարքների վերաբերյալ, որոնք կատարվել են առևտրային համակարգից դուրս (հավելված N 4.4):
4.17. Բանկը պարտավորվում է զանգվածային լրատվամիջոցներում հրապարակել Պարտատոմսերի թողարկման պայմաններն ու կարգը, տալ տեղեկություններ Պարտատոմսերի շուկայի առկա վիճակի վերաբերյալ, հրապարակել Թողարկողի կողմից հաստատված առաջիկա թողարկումների գրաֆիկը:
4.18. Բանկը պարտավոր է Աճուրդի անցկացման օրից ոչ ուշ, քան երեք աշխատանքային օր հետո Թողարկողին ներկայացնել թողարկման տեղաբաշխման մասին հաշվետվություն (հավելված N 4.5):
4.19. Մարման օրից ոչ ուշ, քան երեք աշխատանքային օր հետո Բանկը պարտավոր է Թողարկողին ներկայացնել մարվող թողարկման մարված Գլոբալ հավաստագիրը:
4.20. Բանկը հերթական թողարկման տեղաբաշխման Աճուրդի մասին տեղեկատվությունը տրամադրում է թողարկման օրվանից 7 օր առաջ (հավելված N 4.6):
4.21. Բանկը թերտեղաբաշխված թողարկման Պարտատոմսերի տեղաբաշխման Աճուրդի մասին տեղեկատվությունը տրամադրում է թողարկման օրվանից 3 օր առաջ (հավելված N 4.7):
4.22. Բանկը Աճուրդի արդյունքների վերաբերյալ տեղեկատվություն է տրամադրում, ոչ ուշ քան Աճուրդի հաջորդ աշխատանքային օրը (հավելված N 4.8):
4.23. Հետգնման Աճուրդի վերաբերյալ Բանկը Թողարկողի հանձնարարությամբ (հավելված N 14.1) հայտարարում է (հավելված N 4.9) հետգնման օրից երեք օր առաջ:
5. ԴԻԼԵՐՆԵՐԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ
5.1. Դիլերը Պարտատոմսերի շուկայի այն մասնակիցն է, որին սույն կարգի համաձայն թույլատրվում է իր կամ Ներդրողի անունից, նրա հանձնարարությամբ, միայն մրցակցային հայտերով մասնակցել Պարտատոմսերի Աճուրդին, իրականացնել Պարտատոմսերով գործառնություններ:
5.2. Դիլերի հայտը կարող է ընդգրկել հինգ մրցակցային առաջարկություն: Ներդրողների հայտը կարող է ընդգրկել երեք մրցակցային առաջարկություններ: Դիլերը չի կարող ներկայացնել ոչ մրցակցային հայտեր իր և իր ներդրողների հաշվին:
5.3. Թողարկողը յուրաքանչյուր թողարկման ժամանակ սահմանում է թողարկման Աճուրդի ժամանակ Դիլերների կողմից ներկայացվող հայտերում Պարտատոմսերի գնման առավելագույն ծավալները:
5.4. Դիլերը սահմանված կարգով դեպո հաշիվ է բացում Պահառուի մոտ, հանդիսանում է ԵՊ և վարում է իր Ներդրողների դեպո հաշիվները:
5.5. Բանկը պարտավոր է յուրաքանչյուր Դիլերի տալ գրանցման ծածկագիր (հավելված N 4.2): Այն առանձնահատուկ է յուրաքանչյուր Դիլերի համար և պարունակում է նրան բնորոշ նիշ: Գրանցման ծածկագիրը արտացոլվում է Թողարկողի, Բանկի և Դիլերի միջև կնքված պայմանագրում, նշվում է բոլոր հաշվառման փաստաթղթերում և գործարքների գրանցման ժամանակ:
5.6. Դիլերը, որպես ԵՊ, պատասխանատվություն է կրում իր մոտ եղած դեպո հաշիվների վարման կարգի սահմանման, այն պատշաճ վարման, հաշվետվությունների ներկայացման և Բանկի կողմից ներկայացվող այլ պահանջների պատշաճ կատարման համար: Դեպո հաշվի վարման սահմանված կարգի խախտումների դեպքում Դիլերի նկատմամբ պատժամիջոցներ են կիրառվում համաձայն սույն կարգի:
5.7. Ոչ բանկ Դիլերների գործունեությունը Պարտատոմսերի շուկայում վերահսկվում է Բանկի կողմից: Ոչ բանկ Դիլերները Պարտատոմսերով գործառնությունների (ներառյալ աճուրդների մասնակցությունը) դրամական հաշվարկները իրականացնում են առևտրային բանկերից որևէ մեկում բացված համապատասխան հաշվիների միջոցով, այդ մասին նախօրոք տեղեկացնելով Բանկին: Պարտատոմսերի տեղաբաշխման ժամանակ ոչ բանկ Դիլերի հայտի բավարարման դեպքում Բանկը գանձում է անհրաժեշտ գումարը տվյալ ոչ-բանկ դիլերին սպասարկող առևտրային բանկի ՀՀ ԿԲ-ում թղթակցային հաշվից ի օգուտ Թողարկողի:
5.8. Բանկը իրավասու է Դիլերներից պահանջել Աճուրդին մասնակցության ծավալի չափով միջոցներ կուտակել իրենց թղթակցային հաշվում:
5.9. Հայտերի ընդունումը դադարեցնելու պահին համապատասխան թղթակցային հաշվին միջոցների բացակայության դեպքում այդ հայտերը մերժվում են:
5.10. Պարտատոմսերի շուկայում Դիլեր կարող են լինել այն ռեզիդենտ բանկերը, որոնք`
● Ունեն անհրաժեշտ տեխնիկական հագեցվածությամբ համապատասխան ստորաբաժանում, որի աշխատակիցները ՀՀ օրենսդրությամբ սահմանված կարգով որակավորված են որպես արժեթղթերի շուկայի մասնագետներ:
● Ներկայացրել են Պարտատոմսերի շուկայում գործունեության մեկ տարվա ռազմավարություն, ինչպես նաև հաշվետվություն նախորդ վեց ամիսների ընթացքում Պարտատոմսերի երկրորդային շուկայում գործունեության վերաբերյալ, որտեղ նշված ծավալների և եկամտաբերության վերաբերյալ տվյալները արժանահավատ են և չեն արձանագրվել շեղումներ շուկայում ստեղծված իրավիճակից:
● Ունեն Հաշվարկային համակարգի և ԵՊ գործառույթներ իրականացնող կազմակերպչական ստորաբաժանում:
● Ունեն ներքին վերահսկողության ստորաբաժանում:
● Սույն կարգով սահմանված ձևով ներկայացնում են Պարտատոմսերի շուկայում իրենց գործունեության վերաբերյալ հաշվետվություններ և վերլուծություններ:
5.11. Պարտատոմսերի շուկայում Դիլեր կարող են լինել այն ռեզիդենտ ոչ բանկ ֆինանսական ծառայությունները, որոնք`
● Ունեն 150.0 մլն դրամին համարժեք սեփական կապիտալ:
● Բյուջեի հանդեպ ժամանակին կատարում են հարկային պարտավորությունները և ապահովում են հաճախորդների հարկային սպասարկումները:
● Վերջին մեկ տարվա ընթացքում չեն խախտել Հայաստանի Հանրապետության Արժեթղթերի շուկայի տեսչության կողմից սահմանված տնտեսական նորմատիվները:
● Վերջին մեկ տարվա ընթացքում աշխատել են շահութաբեր:
● Ունեն անհրաժեշտ տեխնիկական հագեցվածությամբ համապատասխան ստորաբաժանում, որի աշխատակիցները ՀՀ օրենսդրությամբ սահմանված կարգով որակավորված են որպես արժեթղթերի շուկայի մասնագետներ:
● Ունեն Հաշվարկային համակարգի և ԵՊ գործառույթներ իրականացնող կազմակերպական ստորաբաժանում:
● Ներկայացրել են Պարտատոմսերի շուկայում գործունեության մեկ տարվա ռազմավարություն, ինչպես նաև հաշվետվություն նախորդ վեց ամիսների ընթացքում Պարտատոմսերի երկրորդային շուկայում գործունեության վերաբերյալ, որտեղ նշված ծավալների և եկամտաբերության վերաբերյալ տվյալները արժանահավատ են և չեն արձանագրվել շեղումներ շուկայում ստեղծված վիճակից:
● Ունեն ներքին վերահսկողության ստորաբաժանում:
● Սույն կարգով սահմանված ձևով ներկայացնում են Պարտատոմսերի շուկայում իրենց գործունեության վերաբերյալ հաշվետվություններ և վերլուծություններ:
6. ԳՈՐԾԱԿԱԼԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ
6.1. Գործակալը - Թողարկողի գործընկերն է պետական պարտքի կառավարման հարցերում:
6.2. Թողարկողը և Բանկը հերթական ամսվա թողարկումները պլանավորելիս խորհրդակցում են Գործակալների հետ, այդ նպատակով կազմակերպվող հանդիպման ժամանակ, որը տեղի է ունենում նախորդ ամսվա նախավերջին հինգշաբթի օրը:
6.3. Գործակալը սահմանված կարգով դեպո հաշիվ է բացում Պահառուի մոտ, հանդիսանում է ԵՊ և վարում է իր Ներդրողների դեպո հաշիվները:
6.4. Բանկը պարտավոր է յուրաքանչյուր Գործակալի տալ գրանցման ծածկագիր (հավելված N 4.2): Այն առանձնահատուկ է յուրաքանչյուր Գործակալի համար և պարունակում է նրան բնորոշ նիշ: Գրանցման ծածկագիրը արտացոլվում է Թողարկողի, Բանկի և Գործակալի միջև կնքված պայմանագրում, նշվում է բոլոր հաշվառման փաստաթղթերում և գործարքների գրանցման ժամանակ:
6.5. Ոչ բանկ Գործակալները Պարտատոմսերով գործառնությունների (ներառյալ աճուրդների մասնակցությունը) դրամական հաշվարկները իրականացնում են առևտրային բանկերից որևէ մեկում բացված համապատասխան հաշիվների միջոցով, այդ մասին նախօրոք տեղեկացնելով Բանկին: Պարտատոմսերի տեղաբաշխման ժամանակ ոչ բանկ Գործակալի հայտի բավարարման դեպքում Բանկը գանձում է անհրաժեշտ գումարը տվյալ ոչ-բանկ Գործակալին սպասարկող առևտրային բանկի ՀՀ ԿԲ-ում թղթակցային հաշվից ի օգուտ Թողարկողի:
6.6. Գործակալը, որպես ԵՊ, պատասխանատվություն է կրում իր մոտ եղած դեպո հաշիվների վարման կարգի սահմանման, այն պատշաճ վարման, հաշվետվությունների ներկայացման և Բանկի կողմից ԵՊ գործունեությանը ներկայացվող այլ պահանջների պատշաճ կատարման համար: Դեպո հաշվի վարման սահմանված կարգի խախտումների դեպքում Գործակալի նկատմամբ պատժամիջոցներ են կիրառվում համաձայն սույն կարգի:
6.7. Գործակալը պարտավոր է յուրաքանչյուր Աճուրդի մրցակցային և ոչ մրցակցային հայտեր ներկայացնել:
6.8. Գործակալի կողմից ներկայացվող ոչ մրցակցային հայտերի նվազագույն ծավալը սահմանվում է Թողարկողի կողմից: Գործակալը պարտավոր է յուրաքանչյուր Աճուրդին ոչ մրցակցային հայտեր ներկայացնել Թողարկողի կողմից սահմանված ծավալից ոչ պակաս ծավալով:
6.9. Թողարկողի կողմից Գործակալին չի կարող պահանջ ներկայացվել որևէ Աճուրդի ներկայացնել թողարկման ծավալի 1%-ը գերազանցող ոչ մրցակցային հայտեր:
6.10. Գործակալը իրավունք ունի ոչ մրցակցային հայտեր ներկայացնել իր կողմից ներկայացված մրցակցային հայտերի 20%-ի չափով:
6.11. Գործակալների կողմից ներկայացված ոչ մրցակցային հայտերի գումարային ծավալը թողարկման ծավալի 20%-ը գերազանցելու դեպքում այդ հայտերը բավարարվում են համամասնորեն թողարկման ծավալի 20%-ի սահմաններում:
6.12. Գործակալը պարտավոր է յուրաքանչյուր աճուրդի մրցակցային հայտեր ներկայացնել թողարկման ծավալի 1%-ից ոչ պակաս ծավալով:
6.13. Յուրաքանչյուր ամիս Գործակալը պարտավոր է երկրորդային շուկայում իրականացնել գործառնություններ` շրջանառության մեջ գտնվող Պարտատոմսերի նվազագույնը 1%-ի չափով:
6.14. Գործակալը իրավունք ունի յուրաքանչյուր Աճուրդին իր անունից ներկայացնել մինչև տաս մրցակցային հայտ: Գործակալը իրավունք ունի յուրաքանչյուր Աճուրդին Ներդրողների անունից և նրանց հաշվին ներկայացնել մինչև տաս մրցակցային առաջարկություն:
6.15. Գործակալը պարտավոր է Առևտրային Համակարգում և դրանից դուրս մշտապես կատարել շրջանառության մեջ գտնվող երեք թողարկումների Պարտատոմսերի գնանշում, նշելով առքի ենթակա Պարտատոմսերի ծավալները և այդ ծավալների դեպքում Պարտատոմսերի գինը և վաճառքի ենթակա պարտատոմսերի ծավալը և այդ ծավալի դեպքում Պարտատոմսերի գինը և հայտերի առկայության դեպքում գործարքներ կատարել գնանշված Պարտատոմսերով:
6.16. Գործակալը իրավունք ունի հայտերի ընդունումը ավարտելուց 15 րոպե առաջ լրացուցիչ 5 մրցակցային առաջարկություններ ներկայացնել Աճուրդային հանձնաժողովին մեկ հեռախոսային զանգի միջոցով, որը մինչև նույն օրվա ժամը 11.30-ը պետք է հավաստիացվի թղթային ձևով: 10.30-ից հետո հեռախոսազանգի միջոցով հայտեր չեն ընդունվում: Հեռախոսով տրված առաջարկությունների վերաբերյալ խոսակցությունները ձայնագրվում են: Ձայնագրությունները պահպանվում են Աճուրդի արդյունքների հիման վրա Գործակալին վերադարձվող հայտի երկրորդ օրինակը վերադարձնելուց հետո ոչ պակաս քան տաս օր:
6.17. Հեռախոսային զանգի միջոցով ներկայացված հայտերի թղթային հավաստիացումը մինչև ժամը 11.30-ը չստանալու դեպքում Գործակալը զրկվում է հաջորդ Աճուրդին մասնակցելու իրավունքից: Մեկ տարվա ընթացքում կրկնվելու դեպքում Գործակալը մեկ ամսով զրկվում է Գործակալի կարգավիճակից: Մեկ տարվա ընթացքում երկու անգամ կրկնվելու դեպքում պատասխանատվության միջոցը սահմանվում է Բանկի և Թողարկողի կողմից համատեղ որոշմամբ:
6.18. Գործակալը կարող է յուրաքանչյուր թողարկման տեղաբաշխման Աճուրդին հայտեր ներկայացնել թողարկման ծավալի չափով:
6.19. Պարտատոմսերի շուկայում Գործակալ կարող են լինել այն ռեզիդենտ բանկերը, որոնք`
● Ունեն անհրաժեշտ տեխնիկական հագեցվածությամբ համապատասխան ստորաբաժանում, որի աշխատակիցները ՀՀ օրենսդրությամբ սահմանված կարգով որակավորված են որպես արժեթղթերի շուկայի մասնագետներ:
● Ներկայացրել են Պարտատոմսերի շուկայում գործունեության մեկ տարվա ռազմավարություն, ինչպես նաև հաշվետվություն նախորդ վեց ամիսների ընթացքում Պարտատոմսերի երկրորդային շուկայում գործունեության վերաբերյալ, որտեղ նշված ծավալների և եկամտաբերության վերաբերյալ տվյալները արժանահավատ են և չեն արձանագրվել շուկայում ստեղծված իրավիճակից:
● Ունեն Հաշվարկային համակարգի և ԵՊ գործառույթներ իրականացնող կազմակերպչական ստորաբաժանում:
● Ունեն ներքին վերահսկողության ստորաբաժանում:
● Սույն կարգով սահմանված ձևով ներկայացնում են Պարտատոմսերի շուկայում իրենց գործունեության վերաբերյալ հաշվետվություններ և վերլուծություններ:
6.20. Պարտատոմսերի շուկայի Գործակալ կարող են լինել այն ռեզիդենտ ոչ բանկ ֆինանսական հաստատությունները, որոնք`
● Ունեն 150.0 մլն դրամին համարժեք սեփական կապիտալ:
● Վերջին մեկ տարվա ընթացքում չեն խախտել Հայաստանի Հանրապետության Արժեթղթերի շուկայի տեսչության կողմից սահմանված տնտեսական նորմատիվները:
● Վերջին մեկ տարվա ընթացքում աշխատել են շահութաբեր:
● Բյուջեի հանդեպ ժամանակին կատարում են հարկային պարտավորությունները և ապահովում են հաճախորդների հարկային սպասարկումները:
● Ունեն անհրաժեշտ տեխնիկական հագեցվածությամբ համապատասխան ստորաբաժանում, որի աշխատակիցները ՀՀ օրենսդրությամբ սահմանված կարգով որակավորված են որպես արժեթղթերի շուկայի մասնագետներ:
● Ունեն հաշվարկային համակարգի և Ենթապահառուի գործառույթներ իրականացնող կազմակերպական ստորաբաժանում:
● Ներկայացրել են Պարտատոմսերի շուկայում գործունեության մեկ տարվա ռազմավարություն, ինչպես նաև հաշվետվություն նախորդ վեց ամիսների ընթացքում Պարտատոմսերի շուկայում գործունեության վերաբերյալ, որտեղ նշված ծավալների և եկամտաբերության վերաբերյալ տվյալները արժանահավատ են և չեն արձանագրվել շեղումներ շուկայում ստեղծված իրավիճակից:
● Ունեն ներքին վերահսկողության ստորաբաժանում:
● Սույն կարգով սահմանված ձևով ներկայացնում են պարտատոմսերի շուկայում իրենց գործունեության վերաբերյալ հաշվետվություններ և վերլուծություններ:
6.21. Ոչ բանկ Գործակալների գործունեությունը Պարտատոմսերի շուկայում վերահսկվում է Բանկի կողմից սահմանված կարգով:
7. ՊԱՐՏԱՏՈՄՍԵՐՈՎ ԴԵՊՈ ՀԱՇՎԻ ՎԱՐՄԱՆ ԿԱՐԳԸ
7.1. Պահառուական գործունեության օբյեկտ են հանդիսանում Պարտատոմսերը:
7.2. Պարտատոմսերի հաշվառումը կատարվում է սեփականատերերի դեպո հաշիվներում գրանցման երկմակարդակային եղանակով` Գլխավոր պահառու և ենթապահառու (ԵՊ):
7.3. Պահառուի գործառույթները կատարում է Բանկը, որը սույն կարգով ապահովում է Պարտատոմսերի հաշվառումը, պահպանումը և դրանց շարժը դեպո հաշիվներով` դրանց նկատմամբ իրավունքի փոփոխությամբ:
7.4. Պահառուն պարտավոր է իր գործունեության հետ կապված տեխնոլոգիական բոլոր հիմնախնդիրների (դեպո հաշվի սպասարկում) կանոնակարգման համար մշակել Պահառուի աշխատակարգ, որը համաձայնեցվում է Թողարկողի հետ:
7.5. Պահառուի գործառնական օր է սահմանվում Բանկի աշխատանքային օրը:
7.6. Դեպո հաշվի բացումը կատարվում է մեկ աշխատանքային օրվա ընթացքում` սահմանված կարգով հաճախորդի փաստաթղթերի ներկայացումից հետո: Պահառուի համար որպես հիմք ծառայում է Թողարկողի, Բանկի և Գործակալի/Դիլերի միջև կնքված պայմանագիրը և այլ փաստաթղթեր, որոնք նախատեսվում են «Պահառուի աշխատակարգով»: ԵՊ-ն դեպո հաշիվ բացում է ԵՊ-ի և Ներդրողի միջև կնքվող պայմանագրով:
7.7. Պահառուի մոտ դեպո հաշիվ ունեցող յուրաքանչյուր Գործակալ/Դիլեր պարտավոր է կարգում սահմանված ձևով վարել ԵՊ գործառույթներ` ապահովելով իր հաճախորդների (ներդրողների) դեպո հաշիվների վարումը:
7.8. Գործակալը իրավունք ունի հրաժարվել ԵՊ գործունեություն ծավալելուց և իր ու իր Ներդրողների դեպո հաշվի վարումը պայմանագրի հիման վրա լիազորել սույն կարգի համաձայն Գործակալի/Դիլերի կարգավիճակ ձեռք բերած այլ կազմակերպության:
7.9. Դեպո հաշիվը բաղկացած է հետևյալ ենթահաշիվներից.
ա) Պարտատոմսեր, որոնք պատկանում են Գործակալ/Դիլերին:
բ) Պարտատոմսեր, որոնք պատկանում են Ներդրողներին:
(ա) և (բ)-ն համարվում են հիմնական ենթահաշիվներ:
գ) Վաճառքի դրված Պարտատոմսեր, որտեղ Պարտատոմսերի փոխանցումը իրականացվում է Գործակալ/Դիլերի հանձնարարագրի հիման վրա:
դ) Մարվող Պարտատոմսեր. այս ենթահաշիվը ստեղծվում և գործում է մարման օրը, ժամը 12.00-ից:
ե) Գրավադրված Պարտատոմսեր. որտեղ գրանցվում են սույն կարգի համաձայն գրավադրված Պարտատոմսերը:
զ) Կալանված պարտատոմսեր, որտեղ գրանցվում են դատարանի որոշմամբ կալանքի տակ գտնվող պարտատոմսերը:
7.10. Պահառուական գործառնությունների հիմք է հանդիսանում հանձնարարականը` թղթային և ոչ թղթային տեսքով (հավելված N 7.1): Դեպո հաշվի հանձնարարականում վաճառքի գինը պարտադիր նշվում է Պարտատոմսերը մի ԵՊ-ում Ներդրողի ունեցած դեպո հաշվից նույն Ներդրողի այլ ԵՊ-ում ունեցած դեպո հաշիվ փոխանցելու դեպքում և վաճառքի դեպքում: Առևտրային համակարգ մտցվող հանձնարարականում գնման գնի տողում նշվում է այն նվազագույն գինը, որով Ներդրողը ցանկանում է վաճառել պարտատոմսերը: Հանձնարարական կարող են տալ.
ա) դեպո հաշվի տեր Գործակալը/Դիլերը,
բ) նրա կողմից լիազորված մեկ այլ անձը,
գ) Առևտրային համակարգը, առևտրային օրվա ընթացքում գործարքի կայացումից անմիջապես հետո:
7.11. Նախքան վաճառքի գործարքի կնքումը Առևտրային համակարգը Պահառուից տեղեկանում է գործարք իրականացնող Գործակալ/Դիլերի (գ) ենթահաշվում առկա վաճառքի դրված Պարտատոմսերի ծավալի վերաբերյալ:
7.12. Եթե Գործակալը/Դիլերը վաճառքի հայտ է ներկայացրել, սակայն համապատասխան (գ) ենթահաշվում չունի բավարար Պարտատոմսեր, ապա նա նախազգուշացվում է: Մեկ տարվա ընթացքում խախտման կրկնվելու դեպքում նա մեկ ամսով զրկվում է սակարկություններին ուղղակի մասնակցության իրավունքից: Երրորդ անգամ կրկնվելու դեպքում Թողարկողը և Բանկը միասին են որոշում սակարկություններին ուղղակի մասնակցության իրավունքից Գործակալ/Դիլերին զրկելու ժամկետը:
7.13. Պահառուն մերժում է ներկայացրած հանձնարարագիրը, եթե դեպո հաշվում անհրաժեշտ ծավալի Պարտատոմս չկա, հանձնարարագիրը լրացված է սխալ կամ սխալներով կամ ենթադրում է այնպիսի գործառնություններ, որոնք «Պահառուի աշխատակարգով» նախատեսված չեն:
7.14. Պահառուն պարտավոր է յուրաքանչյուր պահին Գործակալներին/Դիլերներին վերջիններիս պահանջով տրամադրել իրենց դեպո հաշվի մնացորդը հաստատող քաղվածք (հավելված N 7.2): Պահառուն պարտավոր է Դեպո հաշիվներով Պարտատոմսերի շարժի դեպքում ոչ ուշ քան հաջորդ օրվա գործառնական օրվա սկիզբը հաշվետիրոջը տրամադրել քաղվածք շարժերի վերաբերյալ (հավելված N 7.2.1):
7.15. ԵՊ-ի կողմից պարտադիր մշակվում է Ներդրողների դեպո հաշիվների վարման կարգը, որը համաձայնեցվում է Պահառուի հետ:
7.16. Ներդրողը մեկ ԵՊ-ում կարող է ունենալ միայն մեկ դեպո հաշիվ: Ներդրողն իրավունք ունի հաշիվներ բացել մի քանի ԵՊ-ում:
7.17. Ներդրողն իրավունք ունի առանց առուվաճառքի գործարքի իրականացման մեկ ԵՊ իր դեպո հաշվից Պարտատոմսերը փոխանցել միայն մյուս ԵՊ-ում իր դեպո հաշվին:
7.18. Ենթապահառուն պարտավոր է յուրաքանչյուր պահին Ներդրողին վերջինիս պահանջով տրամադրել իր դեպո հաշվի մնացորդը հաստատող քաղվածք (հավելված N 7.3): Ենթապահառուն պարտավոր է Դեպո հաշիվներով Պարտատոմսերի շարժի դեպքում ոչ ուշ, քան հաջորդ օրվա գործառնական օրվա սկիզբը հաշվետիրոջը տրամադրել քաղվածք շարժերի վերաբերյալ (հավելված N 7.3.1): Ցանկացած ԵՊ պարտավոր է ամեն օր, ամեն շաբաթվա և ամսվա վերջին աշխատանքային օրը (հավելված N 7.4) Բանկ ներկայացնել հաշվետվություն: Ներկայացված տեղեկատվությունը վերահսկվում է Բանկի կողմից` պահառուի մոտ պահվող տեղեկատվության հետ համեմատման եղանակով: ԵՊ գործունեություն վարող այն Գործակալը/Դիլերը, որը ժամանակին չի ներկայացրել կամ սխալ տեղեկություն է ներկայացրել, հաջորդ Աճուրդներին չի մասնակցում` մինչև տարաձայնությունների շտկումը:
7.19. Պահառուի մոտ դեպո հաշիվը ենթակա է փակման, երբ չեղյալ է հայտարարվում Թողարկողի, Բանկի և Գործակալ/Դիլերի միջև կնքված պայմանագիրը և ԵՊ-ում, երբ չեղյալ է հայտարարվել կամ չի երկարաձգվել պայմանագրի ժամկետը:
7.20. Փակումից հետո Պահառուն, համաձայնեցնելով Թողարկողի հետ, Պարտատոմսերը փոխանցում է մեկ այլ Գործակալի ԵՊ:
7.21. Թողարկողը Բանկում ունի «Կ հաշիվ», որը նախատեսված է Պարտատոմսերի տեղաբաշխման, հետգնման և մարման գործարքների իրականացման համար: Աճուրդի ժամանակ չտեղաբաշխված Պարտատոմսերը մնում են այդ հաշվին` հետագայում դրանցով գործառնությունների համար:
8. ՀԱՇՎԱՐԿԱՅԻՆ ՀԱՄԱԿԱՐԳ
8.1. Հաշվարկային համակարգի գործառույթները կատարում է Բանկը, որը համաձայն սույն կարգի իրականացնում է Պարտատոմսերով գործարքների դրամային վճարումները:
8.2. Բանկ Գործակալների/Դիլերների համար հաշվարկային համակարգում դրամական միջոցների հաշվառումը իրականացվում է նրանց թղթակցային հաշիվներով:
8.3. Հաշվարկային հաշիվը բացվում է մեկ օրվա ընթացքում` հիմք ընդունելով Բանկի, Թողարկողի և բանկ Գործակալների/Դիլերների միջև կնքված պայմանագիրը:
8.4. Ներդրողների Պարտատոմսերով գործարքների դրամական հաշվարկները կատարվում են միայն Գործակալների/Դիլերների միջոցով: Գործակալների/Դիլերների միջև դրամային հաշվարկներն իրականացվում են հաշվարկային համակարգի միջոցով:
8.5. Մինչև Աճուրդը Պարտատոմսերի առաջնային տեղաբաշխմանը մասնակցելու համար Աճուրդի մասնակիցները իրենց թղթակցային/հաշվարկային հաշիվներին կուտակում են այնքան միջոցներ, որքան Պարտատոմս նրանք պատրաստվում են գնել:
8.6. Երկրորդային շուկայում Պարտատոմսերով առք ու վաճառքի գործարքների իրականացումը կատարվում է բանկ Գործակալների/Դիլերների թղթակցային հաշիվների միջոցով:
8.7. Առևտրային համակարգ մուտք ունենալու համար նրանք իրենց վերոհիշյալ թղթակցային հաշիվներում պարտավոր են ունենալ գնման համար նախատեսված Պարտատոմսերի ծավալին համապատասխան դրամական միջոցներ:
8.8. Նախքան առքի գործարքի կնքումը Առևտրային համակարգը հաշվարկային համակարգից տեղեկանում է գործարք իրականացնող Գործակալների/Դիլերների վերը նշված հաշվում առկա դրամական միջոցների բավարար լինելու վերաբերյալ:
8.9. Եթե Գործակալ/Դիլերը առքի հայտ է ներկայացրել, սակայն համապատասխան ենթահաշվում չունի բավարար դրամական միջոցներ, ապա նա նախազգուշացվում է: Մեկ տարվա ընթացքում վերոհիշյալ խախտման կրկնման դեպքում նա մեկ ամսով զրկվում է սակարկություններին ուղղակի մասնակցության իրավունքից: Երրորդ անգամ կրկնվելու դեպքում Թողարկողը և Բանկը միասին որոշում են Գործակալի/Դիլերի սակարկություններին ուղղակի մասնակցության իրավունքից զրկման ժամկետը:
8.10. Եթե Գործակալ/Դիլերը ունենում է առքի հայտում ներկայացրած Պարտատոմսերի ծավալին համարժեք դրամական միջոցներ, ապա գործարքը թույլատրվում է: Դրամական միջոցների բավարար չլինելու դեպքում գործարքը մերժվում է:
8.11. Հաշվարկային համակարգի գործառնական ժամերը սահմանվում են Բանկի կողմից:
8.12. Գործարքի ավարտից հետո Առևտրային համակարգը Հաշվարկային համակարգին հանձնարարագիր է տալիս կատարված գործարքի վերաբերյալ, որի հիման վրա գործարքի մասնակիցների հաշիվներում կատարվում են համապատասխան գրանցումներ:
8.13. Հաշվարկային համակարգը պարտավոր է աշխատանքային օրվա վերջում մասնակիցներին քաղվածք տրամադրել կատարված գործարքների վերաբերյալ:
9. ԳԱՆՁԱՊԵՏԱԿԱՆ ՊԱՀԱՌՈՒ (ԳՊ)
9.1. ԳՊ-ի միջոցով ոչ մրցակցային հայտերով Պարտատոմսեր կարող են ձեռք բերել ֆիզիկական և իրավաբանական անձինք: Առաջիկա Աճուրդին ԳՊ-ի միջոցով հայտերի ներկայացման առավելագույն սահմանը որոշում է Թողարկողը: Մեկ ներդրողի կողմից ներկայացվող հայտի ծավալը սահմանում է Թողարկողը:
9.2. ԳՊ-ի համար դեպո հաշիվ է բացվում Գլխավոր Պահառուի մոտ: Յուրաքանչյուր Ներդրող ԳՊ-ում կարող է ունենալ մեկ դեպո հաշիվ:
9.3. Աճուրդի արդյունքների հիման վրա Բանկը ԳՊ-ի հաշվից համապատասխան հաշվարկված գումարի չափով միջոցներ է փոխանցում Թողարկողի համապատասխան հաշվին:
9.4. Պարտատոմսերի մարումից առաջացած միջոցները Ներդրողն իրավունք ունի կամ կանխիկ ձևով ստանալ ԳՊ-ից, կամ սահմանված կարգով հանձնարարել ԳՊ-ին` փոխանցել այլ բանկում ունեցած իր հաշվի վրա, կամ առաջիկա Աճուրդում նորից ներդնել Պարտատոմսերի նոր թողարկումներում:
9.5. Ներդրողը չի կարող Պարտատոմսերի առքի և վաճառքի գործարքներ կատարել ԳՊ իր դեպո հաշվի միջոցով: Այդ հաշվին գտնվող Պարտատոմսերը ենթակա են պահպանման մինչև մարման օրը:
9.6. Ներդրողը իրավունք ունի ԳՊ իր դեպո հաշվին գտնվող Պարտատոմսերը վաճառելու նպատակով դրանք փոխանցել Դիլերներից որևէ մեկի ԵՊ ունեցած կամ նոր բացվող դեպո հաշվին:
9.7. ԳՊ-ի միջոցով Պարտատոմսերի ձեռք բերումը, ինչպես նաև ԳՊ-ի կողմից իրականացվող գործառնությունների արարողակարգերը սահմանվում են Թողարկողի և Բանկի կողմից համատեղ հաստատված «Գանձապետական Պահառուի միջոցով ներդրողների կողմից պետական (գանձապետական) պարտատոմսերի ձեռք բերման, դրանց հաշվառման և մարման» կարգով:
10. ՊԱՐՏԱՏՈՄՍԵՐԻ ՏԵՂԱԲԱՇԽՄԱՆ ԿԱՐԳԸ: ԱՃՈՒՐԴ
10.1. Պարտատոմսերի տեղաբաշխումն իրականացվում է փակ Աճուրդի միջոցով, որը կազմակերպում է Բանկը` Թողարկողի հանձնարարությամբ: Հանձնարարությունը տրվում է Բանկին Թողարկողի հրամանի տեսքով: Այդ նպատակով Բանկում ստեղծվում է հանձնաժողով, որի կազմը հաստատում է Բանկի նախագահը: Հանձնաժողովը կազմվում է Թողարկողի և Բանկի ներկայացուցիչներից: Գործակալները դիտորդի կարգավիճակով իրավունք ունեն մասնակցելու Աճուրդին:
10.2. Պարտատոմսերի առաջնային տեղաբաշխման Աճուրդին կարող են մասնակցել Գործակալները և Դիլերները (այսուհետ` Աճուրդի մասնակիցներ):
10.3. Աճուրդի անցկացման օրը, Աճուրդի մասնակիցները ժամը 10:00-ից մինչև 10:30-ը ներկայացնում են Պարտատոմսերի գնման երկու հայտ (այսուհետ` հայտ)` համաձայն հաստատված ձևի (հավելված N 10.1): Առաջին հայտն ընդգրկում է Պարտատոմսերի գնման վերաբերյալ Աճուրդի մասնակիցների սեփական առաջարկությունները, մյուս հայտը` Ներդրողների առաջարկությունները:
10.4. Հայտերը կարող են ներկայացվել ինչպես փակ ծրարով, այնպես էլ էլեկտրոնային հաղորդագրության միջոցով: Փակ ծրարով ներկայացված հայտերը գցվում են Աճուրդի համար նախատեսված հատուկ արկղը: Էլեկտրոնային հաղորդակցության միջոցով ուղարկված հայտերը ուղարկվում են Բանկի կողմից միայն Աճուրդի համար նախատեսված հասցեով: Հայտում փոփոխություններ կատարել չի թույլատրվում: Փակ ծրարով կամ էլեկտրոնային հաղորդակցության միջոցով Աճուրդի նույն մասնակցից երկու հայտ ստանալու դեպքում ընդունվում է առաջինը ուղարկված հայտը: Այլ հասցեներով ուղարկված հայտերը չեն ընդունվում: Փակ ծրարով կամ էլեկտրոնային հաղորդագրության միջոցով ներկայացված հայտերը հավասարազոր են:
10.5. Ժամը 10:30-ից հետո ներկայացված հայտերը չեն ընդունվում:
10.6. Աճուրդին ներկայացված յուրաքանչյուր մրցակցային առաջարկության մեջ նշվում է Պարտատոմսերի այն ծավալը, որ գնորդները ուզում են ձեռք բերել Աճուրդի ժամանակ և այն գինը, որով գնորդները պատրաստ են ձեռք բերել Պարտատոմսերի այդ ծավալը: Բոլոր գները նշվում են մեկ դրամի ճշտությամբ:
10.7. Աճուրդին ներկայացված յուրաքանչյուր ոչ մրցակցային առաջարկության մեջ նշվում է այն գումարը, որի չափով գնորդը ցանկանում է Պարտատոմսեր ձեռք բերել Աճուրդում ձևավորված միջին կշռված գնով (միջին կշռված եկամտաբերությամբ):
10.8. Ներկայացված հայտերի բացումը հանձնաժողովի կողմից սկսվում է հայտերի ընդունումը վերջացնելուց հետո:
10.9. Հանձնաժողովը սկզբից ընդունում է ԳՊ-ի հայտը:
10.10. Հանձնաժողովը ստուգում է հայտերի ձևակերպման ճշտությունը:
10.11. Հանձնաժողովը ստուգում է Աճուրդի մասնակցի դրամական հաշվում բավարար միջոցների առկայությունը կամ նրա դեպո հաշվում այդ օրը մարման ենթակա Պարտատոմսերի անհրաժեշտ ծավալի առկայությունը, բացառությամբ գրավադրված և կալանված պարտատոմսերի:
10.12. Ձևակերպման պայմաններից շեղումներով լրացված հայտերը Աճուրդից հանվում են:
10.13. Աճուրդի մասնակցի դրամական հաշվում բավարար միջոցների բացակայության կամ դեպո հաշվում այդ օրը մարվող Պարտատոմսերի անհրաժեշտ ծավալի բացակայության դեպքում հայտը Աճուրդից հանվում է:
10.14. Հայտի յուրաքանչյուր բլանկի վրա գրանցում է կատարվում` ընդունված է այն, թե մերժված:
10.15. Հայտերի հավաքագրման արդյունքներով կազմվում է հավաքական տեղեկագիր (հավելված N 10.2), որը ստորագրվում է հանձնաժողովի նախագահի և անդամների կողմից և փոխանցվում է Թողարկողին:
10.16. Մինչև Աճուրդի անցկացման օրվա ժամը 12.00-ը Թողարկողը որոշում է Պարտատոմսերի վաճառքի գնի նվազագույն սահմանը և Աճուրդի միջին կշռված գինը` թողարկման ծավալի սահմաններում (առաջինն ընդունվում են ամենաբարձր գնով (ամենացածր եկամտաբերությամբ) առաջարկությունները` մինչև Աճուրդին ներկայացված ծավալի վերին սահմանը և, եթե գնով առաջարկությունները միակը չեն, ապա տեղաբաշխումը կատարվում է համամասնորեն: Ոչ մրցակցային հայտերը բավարարվում են առաջնահերթորեն` սույն կարգով նախատեսված եղանակով: Եկամտաբերությունը որոշելիս ստորակետից հետո հաշվի են առնվում առավելագույնը չորս նիշ1: Նրանք նույնը լինելու դեպքում հայտերը բավարարվում են համամասնորեն: Մինչև ժամը 12:00-ը Թողարկողը Բանկին է փոխանցում հայտերի բավարարման հանձնարարագիր (հավելված N 10.3), որոնց հիման վրա սույն կարգի համաձայն կատարվում են համապատասխան փոխանցումները:
10.17. Ժամը 12:30-ին հայտարարվում են Աճուրդի արդյունքները:
10.18. Եթե սույն կարգով սահմանած ժամանակահատվածում Թողարկողին չի հաջողվում սահմանել Աճուրդի գնային պայմանները, ապա Բանկը իրավունք ունի ժամը 12:30-ին Աճուրդը հայտարարել չկայացած:
10.19. Դեպո հաշվին Պարտատոմսերի փոխանցումից հետո Աճուրդի մասնակիցները ստանում են հայտերի երկրորդ օրինակները և քաղվածք իրենց դեպո հաշիվներից:
10.20. Թողարկողը և Բանկը որոշում են իրենց միջև իրականացվող փաստաթղթաշրջանառության կարգը (էլեկտրոնային կամ թղթային):
11. ԹԵՐՏԵՂԱԲԱՇԽՎԱԾ ԹՈՂԱՐԿՄԱՆ ՊԱՐՏԱՏՈՄՍԵՐԻ ՏԵՂԱԲԱՇԽՈՒՄ
11.1. Թողարկողը տեղաբաշխման Աճուրդի ժամանակ չտեղաբաշխված Պարտատոմսերի կամ հետգնված Պարտատոմսերի («Կ հաշվում» առկա) հետագա վաճառքն իրականացնում է բացառապես Գործակալների միջոցով:
11.2. Այդ նպատակով կազմակերպվում է հատուկ Աճուրդ, որին մասնակցում են միայն Գործակալները` ներկայացնելով միայն մրցակցային հայտեր: Բանկը Թողարկողի հանձնարարությամբ հատուկ Աճուրդի անցկացման վերաբերյալ հայտարարում է (հավելված N 4.7) Աճուրդից երեք օր առաջ (հավելված N 11.1): Հատուկ աճուրդի ժամանակ գործում է թողարկման տեղաբաշխման Աճուրդի կարգը (առանց ԳՊ-ի և Դիլերների մասնակցությանը վերաբերող կետերի):
11.3. Թերտեղաբաշխված Պարտատոմսերի տեղաբաշխման Աճուրդից հետո երեք աշխատանքային օրվա ընթացքում Բանկը հաշվետվություն է ներկայացնում Թողարկողին (հավելված N 11.2):
12. ԵՐԿՐՈՐԴԱՅԻՆ ՇՈՒԿԱՅՈՒՄ ՊԱՐՏԱՏՈՄՍԵՐԻ ՇՐՋԱՆԱՌՈՒԹՅԱՆ ԿԱՐԳԸ
12.1. Երկրորդային շուկայում Պարտատոմսերի շրջանառությունն իրականացվում է առուվաճառքի պայմանագրի կնքման միջոցով, Առևտրային համակարգում սակարկությունների անցկացման ձևով, ինչպես նաև ՀՀ օրենսդրությամբ թույլատրված այլ ձևերով: Երկրորդային շուկայում կայացած գործարքների ձևակերպումը իրականացվում է առաքում վճարման դիմաց սկզբունքով: Գործարքը թույլատրվում է միայն Պահառուի մոտ իր դեպո հաշվին վաճառողի համապատասխան Պարտատոմսերի առկայության և Հաշվարկային համակարգում գնորդի դրամային հաշվին համապատասխան քանակությամբ դրամի առկայության դեպքում:
12.2. Առևտրային համակարգը կազմակերպում է երկրորդային շուկայում Պարտատոմսերի շրջանառությունը, կնքված գործարքների գրանցումը, կազմում է իրականացված գործարքների հաշվառման փաստաթղթերը և այն ներկայացնում է Հաշվարկային համակարգ և Պահառուին:
12.3. Առևտրային համակարգը չի կարող Պարտատոմսերի շուկայում հանդես գալ որպես Գործակալ/Դիլեր կամ Ներդրող:
12.4. Առևտրային համակարգը Գործակալներին/Դիլերներին ապահովում է Պարտատոմսերով գործառնություններ իրականացնելու համար անհրաժեշտ միջոցներով (առևտրային միջավայր, կապի միջոցներ, կազմակերպչական տեխնիկա և այլն):
12.5. Բանկն իրավասու է առանց որևէ վճարի գործարքներ կատարել Առևտրային համակարգում:
12.6. Առևտրային համակարգը Թողարկողին և Բանկին ապահովում է համապատասխան կապի միջոցներով սակարկությունների ընթացքին հետևելու համար:
12.7. Առևտրային համակարգը իրավունք չունի գանձումներ իրականացնել կնքված գործարքների ծավալի նկատմամբ:
12.8. Սակարկություններն անց են կացվում առևտրային օրվա ընթացքում:
12.9. Սակարկությունների ընթացքում իրականացվում են Պարտատոմսերի առուվաճառքի գործարքների կնքումը:
12.10. Սակարկություններին կարող են մասնակցել Գործակալների/Դիլերների ներկայացուցիչները, որոնք արժեթղթերի շուկայում գործառնություններ իրականացնելու լիցենզիա ունեն:
12.11. Սակարկության անցկացման օրը և ժամը սահմանվում են Թողարկողի և Բանկի կողմից` Թողարկողի, Բանկի, Առևտրային համակարգի միջև կնքված պայմանագրի համաձայն:
12.12. Թողարկողը և Բանկը իրավունք ունեն առաջին դեպքերում սահմանափակումներ դնել սակարկվող ֆինանսական գործիքների, ներկայացվող հայտերի և սակարկության մասնակիցների վրա:
12.13. Առևտրային օրվա վերջում Առևտրային համակարգը կազմում է տեղեկագիր` օրվա ընթացքում ձևավորված առաջարկի, պահանջարկի, կնքված գործարքների ծավալի, եկամտաբերության վերաբերյալ` ըստ Պարտատոմսերի մարման ժամկետայնության:
12.14. Առևտրային համակարգը ապահովում է իր տիրապետած տեղեկատվության գաղտնիությունը` համաձայն ՀՀ օրենսդրության: Թողարկողը և Բանկը իրավունք ունեն առանձին գործարքների մասին տեղեկություններ պահանջել Առևտրային համակարգից:
12.15. Առևտրային համակարգը շաբաթական կտրվածքով Թողարկողին և Բանկին տեղեկացնում է յուրաքանչյուր Գործակալի/Դիլերի կողմից իրականացրած գործարքների ծավալների վերաբերյալ:
12.16. Թողարկողը և Բանկը առևտրային համակարգի հետ կնքված պայմանագրի համաձայն տարին մեկ անգամ իրականացնում են Առևտրային համակարգի գործունեության հերթական ստուգում:
12.17. Համակարգի խափանումների, համակարգի կողմից տրված տեղեկությունների անբավարարության դեպքում Թողարկողը և Բանկը իրավունք ունեն իրականացնել արտահերթ ստուգում:
12.18. Թողարկողի և Առևտրային համակարգի միջև փոխհամաձայնության դեպքում Գործակալների համար կարող են արտոնյալ գներ սահմանվել Առևտրային համակարգից օգտվելիս:
12.19. Բոլոր Գործակալների համար Առևտրային Համակարգից օգտվելու վարձավճարը պետք է լինի նույնը: Պարտատոմսերով գործառնություններ իրականացնող այլ ֆինանսական հաստատություն չի կարող Առևտրային Համակարգից օգտվել ավելի լավ պայմաններով, քան Գործակալները:
12.20. Առևտրային համակարգի աշխատակարգը նրա ներկայացմամբ հաստատվում է Թողարկողի և Բանկի կողմից:
13. ՊԱՐՏԱՏՈՄՍԵՐԻ ԳՐԱՎԱԴՐՈՒՄ
13.1. Բանկի կողմից հաստատված «Հայաստանի Հանրապետության Պետական (Գանձապետական) կարճաժամկետ պարտատոմսերի գրավի կանոնները», համաձայն ՀՀ օրենսդրության և Կարգի, սահմանում է Պարտատոմսերի նկատմամբ գրավի իրավունքի և գրավի դադարման գրանցման կարգը, ինչպես նաև գրավի տակ գտնվող Պարտատոմսերի շրջանառության և մարման կարգը:
13.2. Պարտատոմսերի գրավատու կարող է հանդիսանալ միայն դրանց սեփականատերը հանդիսացող ֆիզիկական անձը կամ իրավաբանական անձը (կազմակերպությունը)` անկախ Գործակալ, Դիլեր կամ Ներդնող լինելու հանգամանքից: Պարտատոմսերի գրավատու կարող է հանդիսանալ ցանկացած իրավունակ ֆիզիկական կամ իրավաբանական անձը (կազմակերպությունը)` անկախ իր անվամբ բացված դեպո հաշվի առկայությունից:
13.3. Կարգի համաձայն թողարկված/տեղաբաշխված Պարտատոմսերի գրավի պայմանագիրը և գրավի իրավունքը երրորդ անձանց համար իրավաբանական ուժ ունի գրավի իրավունքի պատշաճ գրանցման և գրավ դրված Պարտատոմսերի վրա արգելանք դնելու դեպքում, ինչը հավաստվում է «Պետական (Գանձապետական) կարճաժամկետ պարտատոմսերի գրավի գրանցման հավաստագրով» (ստորև` Հավաստագիր), և առանց դրա գործում է միայն գրավատուի և գրավառուի միջև հարաբերությունների համար:
13.4. Գրանցման ենթակա են և գրանցման պահից երրորդ անձանց համար ուժ ունեն նաև գրավի պայմանագրով անձանց փոփոխությունը իրավունքներում և պարտավորություններում, Հավաստագրում նշված պարտադիր տվյալների և գրավի հիմքի (պայմանագրի) փոփոխությունը:
13.5. Գրավի առարկա Պարտատոմսերը փոխանցվում են հատուկ գրավային դեպո հաշվին և դրանցով գործարքները/գործառնությունները կարող են կատարվել սահմանված կարգով բացառապես գրավառուի համապատասխան նախնական գրավոր համաձայնությամբ/ցուցումով, ինչպես նաև դատարանի ցուցումով:
13.6. Կարգի համաձայն թողարկված Պարտատոմսերի գրավադրման պայմանագրով Կանոնների կետերի դրույթներին հակասող որևէ այլ պայման առ ոչինչ է:
13.7. Եթե գրավ դրված Պարտատոմսերը մարման օրվա դրությամբ գրավից հանված չեն, ապա գրավառուի գրավի իրավունքը տարածվում է համապատասխան Պարտատոմսերի մարման արդյունքում գրավատուին վճարվող դրամական միջոցների վրա, ինչը ձևակերպվում է Կանոններով սահմանված կարգով:
13.8. Գրավ դրված Պարտատոմսերի մարման արդյունքում գոյացած դրամական միջոցները` հանդիսանալով գրավատուի սեփականությունը, համարվում են վերջինիս կողմից գրավադրված հօգուտ գրավառուի:
13.9. Կարգի համաձայն թողարկված Պարտատոմսերի գրավը դադարում է օրենքով սահմանված հիմքերով և դեպքերում: Գրավը կարող է դադարել գրավատուի կողմից գրավադրված բոլոր Պարտատոմսերի կամ դրանց մի մասի նկատմամբ:
13.10. Գրավի առարկա Պարտատոմսերի (կամ դրանց մարման արդյունքում գոյացած դրամական միջոցների) նկատմամբ գրավի իրավունքի դադարման գրանցումը և դրանց արգելանքից հանելը կատարվում են գրավառուի համապատասխան դիմումի/հանձնարարության կամ, օրենքով սահմանված կարգով` դատարանի օրինական ուժի մեջ մտած համապատասխան վճռի հիման վրա:
13.11. Գրավառուի անունից հանդես եկող անձի/ներկայացուցչի փոփոխման կամ իրեն տրված լիազորագրի վերացման դեպքում գրավառուն պարտավոր է այդ մասին անմիջապես տեղյակ պահել Պահառուին և կրում է սույն պահանջի չկատարման հետևանքով առաջացած բացասական հետևանքները:
13.12. Պարտատոմսերի գրավից հանելու դիմումի իսկության և վավերության ստուգման, ինչպես նաև գրավի տակ գտնվող Պարտատոմսերի շրջանառության ճշտության պատասխանատվությունը կրում է գրավ դրված Պարտատոմսերը անմիջապես սպասարկող ԵՊ-ն:
14. ՊԱՐՏԱՏՈՄՍԵՐԻ ՀԵՏԳՆՄԱՆ ԿԱՐԳԸ
14.1. Թողարկողը կարող է հետգնել իր կողմից թողարկված Պարտատոմսերը: Թողարկողի կողմից հետգնված Պարտատոմսերը հաշվառվում են Թողարկողի «Կ հաշվում»:
14.2. Թողարկողը Պարտատոմսերը կարող է հետգնել հետգնման Աճուրդի ժամանակ: Հետգնման աճուրդի վերաբերյալ Բանկը Թողարկողի հանձնարարությամբ (հավելված N 14.1) հայտարարում է հետգնման օրից երեք օր առաջ:
14.3. Հետգնման Աճուրդին կարող են մասնակցել միայն Գործակալները: Հետգնման Աճուրդին ներկայացվում են միայն մրցակցային հայտեր:
1.4. Թողարկողը նախքան հետգնման Աճուրդը պետք է իր հաշվում ունենա գնման համար նախատեսված Պարտատոմսերի ծավալին համարժեք դրամական միջոցներ:
14.5. Հետգնման Աճուրդի ժամանակ գործում են տեղաբաշխման Աճուրդի կանոնները առանց ԳՊ-ին, Դիլերներին և ոչ մրցակցային հայտերին վերաբերվող մասերի:
14.6. Հետգնման Աճուրդի ժամանակ հանձնաժողովի կողմից հայտերն ընդունվում են գնի աճողական (եկամտաբերության նվազողական) հերթականությամբ (սկզբից ընդունվում են ամենացածր գնով (ամենաբարձր եկամտաբերությամբ) հայտերը):
14.7. Թողարկողը իրավունք ունի հետգնել Բանկի կողմից երկրորդային շուկայից ձեռք բերված պարտատոմսերը Թողարկողի և Բանկի միջև փոխհամաձայնեցված գներով:
15. ՊԱՐՏԱՏՈՄՍԵՐԻ ՄԱՐՄԱՆ ԿԱՐԳԸ
15.1. Պարտատոմսերի մարումը կատարվում է Թողարկողի կողմից սահմանած մարման օրը մինչև ժամը 12:00:
15.2. Պահառուն մարվող Պարտատոմսերի ամբողջ ծավալը դեպո հաշիվներից փոխանցում է Թողարկողի «Կ հաշվին»:
15.3. Բանկը Պարտատոմսերի անվանական արժեքի չափով գումարը փոխանցում է Պարտատոմսերի սեփականատերերի համապատասխան հաշիվներին:
15.4. Մարման հաջորդ օրը Պահառուն դուրս է գրում «Կ հաշվի» մարվող Պարտատոմսերի ամբողջ ծավալը:
16. ԹՈՂԱՐԿՈՂԻ ԵՎ ԲԱՆԿԻ ՊԱՏԱՍԽԱՆԱՏՎՈՒԹՅՈՒՆԸ
16.1. Սույն կարգով նախատեսված պարտավորությունների չկատարման կամ ոչ պատշաճ ձևով կատարման համար կողմերը պատասխանատվություն են կրում` համաձայն ՀՀ օրենսդրության:
16.2. Եթե թողարկողի կողմից պարտավորությունների ոչ ժամանակին կատարման արդյունքում Բանկը կունենա վնասներ (երրորդ անձանց կվճարի տուգանքներ, տույժեր), ապա Թողարկողը պարտավոր է փոխհատուցել վնասները` համաձայն գործող օրենսդրության:
16.3. Եթե Բանկի կողմից իր պարտավորությունների ոչ որակյալ կատարման արդյունքում Թողարկողը կունենա վնասներ, ապա Բանկը պարտավոր է փոխհատուցել վնասները` համաձայն գործող օրենսդրության:
16.4. Եթե խաթարումներ կարձանագրվեն Պահառուի և Հաշվարկային համակարգի աշխատանքում Բանկը պարտավոր է շուկայի մասնակիցներին պարզաբանել խաթարման պատճառները, նշելով դրանց վերացման ուղղությամբ ձեռնարկվող միջոցառումների մասին:
___________________
1 Հաշվարկների համար որպես հիմք է ընդունվում հետևյալ բանաձևը. (((ԱԱ-ԳԳ)/ԳԳ)* 360/Օ)* 100 % որտեղ` ԱԱ- անվանական արժեք, ԳԳ - գնման գին, Օ - մինչև մարում օրերի քանակն է, 360 - տարվա օրերի թիվն է ընդունված պայմանականորեն:
|
ՀՀ ՊԿՊ-ների տեղաբաշխման, շրջանառության |
ՀԱՎԵԼՎԱԾ 1
ՊԱՐՏԱՏՈՄՍԵՐԻ ԹՈՂԱՐԿՄԱՆ ՊԵՏԱԿԱՆ ԳՐԱՆՑՄԱՆ ՀԱՄԱՐԸ
1. Պարտատոմսերի յուրաքանչյուր թողարկմանը հատկացվում է պետական գրանցման համար:
2. Պետական գրանցման համարը կազմված է տասներկու մասնիկից`
X1 X2 - X3 X4 X5 X6 X7 X8 X9 X10 X11 - X12:
3. Առաջիկա երկու մասնիկները` X1X2 ցույց են տալիս երկրի կոդը`
Հայաստանի Հանրապետություն (AM):
4. Երրորդ մասնիկը` X3 ցույց է տալիս տվյալ Պարտատոմսը թողարկողին` ՀՀ Կառավարություն (G):
5. Չորրորդ, հինգերորդ և վեցերորդ մասնիկները` X4 X5 X6 ցույց են տալիս Պարտատոմսերի
տեսակը Պետական Գանձապետական (Կարճաժամկետ) Պարտատոմսեր (T) և Պարտատոմսերի
ժամկետայնությունը շաբաթներով:
6. X7 X8X9 X10X11 մասնիկները ցույց են տալիս տվյալ Պարտատոմսի մարման ժամկետը
(X7 X8 օր/X10 X11 տարի): Ամիսները նշվում են անգլերենի այբուբենի տառերով` համաձայն
հետևյալ աղյուսակի.
| A հունվար | D ապրիլ | G հուլիս | J հոկտեմբեր |
| B փետրվար | E մայիս | H օգոստոս | K նոյեմբեր |
| C մարտ | F հունիս | I սեպտեմբեր | L դեկտեմբեր |
7. Վերջին մասնիկը` X12 ստուգիչ նիշն է:
|
ՀՀ ՊԿՊ-ների տեղաբաշխման, շրջանառության |
ՀԱՎԵԼՎԱԾ 2
Օրինակ N _____
Գ լ ո բ ա լ Հ ա վ ա ս տ ա գ ի ր N______
Հայաստանի Հանրապետության պետական (Գանձապետական) կարճաժամկետ պարտատոմսերի թողարկման
Սույն գլոբալ հավաստագիրը կազմված է ՀՀ պետական (Գանձապետական) պարտատոմսերի N _____ թողարկման ամբողջ ծավալի համար: Պարտատոմսերը թողարկվում են համաձայն ՀՀ օրենսդրության: ՀՀ ֆինանսների նախարարի հրամանով հաստատվել են թողարկման հիմնական հետևյալ չափանիշները.
● Պետական գրանցման համարը ____________
● Թողարկման ծավալը` __________ միլիոն դրամ.
● Պարտատոմսերի տեղաբաշխման աճուրդի օրը ____ __________ թ.
● Պարտատոմսերի մարման օրը` ____ ____________ թ.
Պարտատոմսերի շրջանառությունը իրականացվում է Հայաստանի Հանրապետության Կենտրոնական Բանկի և Հայաստանի Հանրապետության ֆինանսների նախարարության կողմից հաստատված «Պետական (Գանձապետական) կարճաժամկետ պարտատոմսերի տեղաբաշխման, շրջանառության և մարման սպասարկման» կարգի համաձայն:
Սույն գլոբալ հավաստագիրը կազմված է երկու բնօրինակներից` յուրաքանչյուր կողմին մեկական օրինակ:
|
ՀՀ ֆինանսների նախարար |
____________ |
ք. Երևան _____ ______________ թ.
Թողարկման չափանիշները համաձայնեցված են ՀՀ կենտրոնական բանկի հետ
|
Բանկի նախագահ |
____________ |
ք. Երևան _____ ______________ թ.
___________________________________________________________
Մարումը կատարվել է _____ ____________ թ.
|
ՀՀ ֆինանսների նախարար |
ՀՀ կենտրոնական բանկի նախագահ |
|
__________________ |
__________________ |
|
______ ______________ թ. |
______ ______________ թ. |
|
ՀՀ ՊԿՊ-ների տեղաբաշխման, շրջանառության |
ՀԱՎԵԼՎԱԾ 3.1
Համաձայն ՀՀ օրենսդրության
ՀՐԱՄԱՅՈՒՄ ԵՄ
1. ՀՀ ֆինանսների նախարարության ներքին պետական պարտքի կառավարման վարչությանը` 199 թ. ____ ամսին կազմակերպել Պետական (գանձապետական) պարտատոմսերի թողարկումներ, որոնց տեղաբաշխումը իրականացվելու է ՀՀ կենտրոնական բանկի կողմից կազմակերպվող աճուրդների միջոցով ներքոհիշյալ ծավալով և ժամանակացույցով`
|
Օրը |
Թողարկման համար |
Գլոբալ հավաստագրի համարը |
Ծավալ (մլն դրամ) |
Ծավալ բառերով (դրամ) |
2. Սահմանել Պարտատոմսերի թողարկումների հետևյալ պայմանները.
Պարտատոմսերը վաճառվում են անվանական արժեքից զեղչատոկոսով.
● Գանձապետական Պահառուի կողմից ոչ մրցակցային հայտերի առավելագույն սահմանը թողարկման ծավալի _______ %-ի չափով:
● Գանձապետական Պահառուի միջոցով մեկ Ներդրողի կողմից ոչ մրցակցային հայտերի առավելագույն սահմանը _______ դրամ:
● Գործակալների կողմից ներկայացվող ոչ մրցակցային հայտերի ծավալը թողարկման ծավալի %-ից ոչ պակաս:
● Դիլերների կողմից ներկայացվող հայտերի առավելագույն ծավալը թողարկման ծավալի %-ից ոչ ավել:
● Մեկ պարտատոմսի ձեռք բերման համար պահանջարկի նվազագույն ծավալը/քայլը:
● Պարտատոմսերի աճուրդին կարող են մասնակցել ՀՀ կենտրոնական բանկի և ՀՀ ֆինանսների նախարարության կողմից ընտրված Գործակալները/Դիլերները, որոնք գործում են իրենց անունից և իրենց հաշվին կամ իրենց անունից` Ներդրողների հաշվին: Պոտենցիալ գնորդների նկատմամբ սահմանափակումներ չկան:
3. Ապահովել սույն հրամանով սահմանված Պետական (Գանձապետական) պարտատոմսերի թողարկումների պայմանների հրապարակումը զանգվածային լրատվական միջոցներում:
4. ___________ լիազորել հաստատել Պարտատոմսերի թողարկումների տեղաբաշխումների Աճուրդների արդյունքները:
ՀՀ ՖԻՆԱՆՍՆԵՐԻ ՆԱԽԱՐԱՐ
|
ՀՀ ՊԿՊ-ների տեղաբաշխման, շրջանառության |
ՀԱՎԵԼՎԱԾ 4.1
Տ Ե Ղ Ե Կ Ա Ն Ք
ՀՀ կենտրոնական բանկի կողմից ՊԿՊ երկրորդային շուկայում կատարված գործառնությունների վերաբերյալ
|
ԱՌՔ |
ՎԱՃԱՌՔ | |||||||||
|
Ամսաթիվ |
Վաճառող |
Թողարկում |
Ծավալ |
Գին |
% |
Գնորդ |
Թողարկում |
Ծավալ |
Գին |
% |
|
Ընդամենը |
||||||||||
|
ՀՀ կենտրոնական բանկի կողմից |
(Ա.Ա.Հ.) |
|
ՀՀ ՊԿՊ-ների տեղաբաշխման, շրջանառության |
ՀԱՎԵԼՎԱԾ 4.2
Գործակալներին/Դիլերներին ԵՎ Ներդրողներին տրվող գրանցման ծածկագրի կազմման կարգը
1. Գրանցման ծածկագրի տրման կարգը.
1.1. Յուրաքանչյուր Գործակալի/Դիլերի կամ Ներդրողի, որոնք իրականացնում են
Պարտատոմսերով գործառնություններ, տրվում է գրանցման ծածկագիր:
1.2. Բանկի հետ Գործակալի/Դիլերի գործառույթների իրականացման պայմանագիր կնքած
Գործակալի/Դիլերի ծածկագիրը տրվում է Բանկի կողմից: Այդ ծածկագիրը կարող է փոփոխվել կամ
տրվել այլ Գործակալի/Դիլերի` միայն Բանկի կողմից:
1.3. Ներդրողի ծածկագիրը տրվում է Գործակալի/Դիլերի յուրաքանչյուր հաճախորդի, ով նրա հետ
կնքել է գործակալության պայմանագիր:
2.1. Գործակալի/Դիլերի գրանցման ծածկագիրը բաղկացած է տասը մասնիկներից և բաժանված է
երեք խմբի` X0 - X1 X2 X3 X4 - X5 X6 X7 X8 X9:
2.2. Առաջին խումբը` X0 , ցույց է տալիս շուկայի ծածկագիրը:
2.3. Երկրորդ խումբը` X1 X2 X3 X4, ցույց է տալիս Բանկի հետ կնքած պայմանագրով նրան
վերապահված համարը: Եթե խորհրդանշում է Դիլերին X1=D, Գործակալին` X1=A:
2.4. Երրորդ
խումբը` X5 X6 X7 X8 X9, միշտ հավասար է զրոյի 00000:
3.1. Ներդրողի գրանցման ծածկագիրը բաղկացած է տաս մասնիկներից և բաժանված է երեք
խմբի` X0 - X1 X2 X3 X4 - X5 X6 X7 X8 X9:
3.2. Առաջին երկու խումբը կազմվում է համաձայն սույն Հավելվածի 2.2 և 2.3 կետերի:
3.3. Երրորդ խմբի X5 էլեմենտը ցույց է տալիս Ներդրողի տեսակը: Այսպես`
|
X5 = |
B | ռեզիդենտ բանկ |
| T | առևտրային կազմակերպություն | |
| E | ոչ առևտրային կազմակերպություն | |
| F | ֆինանսական կազմակերպություն | |
| P | ֆիզիկական անձ կամ անհատ ձեռնարկատեր | |
| N | ոչ ռեզիդենտ ոչ բանկ | |
| I | ոչ ռեզիդենտ բանկ |
X6 X7 X8 X9-ը Գործակալի/Դիլերի հետ կնքված գործակալության պայմանագրի հերթական համարն է:
4. Բանկի գրանցման ծածկագիրն է` 1 0000 00000:
5. Թողարկողի գրանցման ծածկագիրը` 2 0000 00000:
|
ՀՀ ՊԿՊ-ների տեղաբաշխման, շրջանառության |
ՀԱՎԵԼՎԱԾ 4.3
Տ Ե Ղ Ե Կ Ա Ն Ք
Պարտատոմսերի սեփականատերերի մասին (օր, ամիս, տարի) դրությամբ
|
|
Պարտատոմսերի ծավալը (հազար դրամ) |
|
ՀՀ ԿԲ* |
|
|
Ռեզիդենտ Գործակալ/Դիլեր բանկեր |
|
|
Ռեզիդենտ ոչ Դիլեր բանկեր |
|
|
Ընդամենը ռեզիդենտ բանկեր |
|
|
Ռեզիդենտ ոչ բանկ Գործակալներ/Դիլերներ |
|
|
Ռեզիդենտ ոչ բանկ Ներդրողներ |
|
|
Ընդամենը ռեզիդենտներ |
|
|
Ոչ ռեզիդենտ բանկեր |
|
|
Ոչ ռեզիդենտ ոչ բանկ Ներդրողներ |
|
|
Ընդամենը ոչ ռեզիդենտներ |
|
|
Ընդամենը |
|
* Ռեպո -
Դեպո հաշվի սեփականատերերի վերաբերյալ
|
Դիլերի |
(ա) ենթահաշվում |
(բ) ենթահաշվում |
|
|
ՀՀ կենտրոնական բանկի կողմից
|
ՀՀ ՊԿՊ-ների տեղաբաշխման, շրջանառության |
ՀԱՎԵԼՎԱԾ 4.4
_____ ___________ թ. Պարտատոմսերի երկրորդային շուկայում կայացած գործարքների վերաբերյալ
|
Թողարկում |
Գործարքի ծավալը |
Գործարքի գինը |
Եկամուտ |
Մարման օր |
|
ՀՀ ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ |
(Ա.Ա.Հ.) |
|
ՀՀ ՊԿՊ-ների տեղաբաշխման, շրջանառության |
ՀԱՎԵԼՎԱԾ 4.5
Հ Ա Շ Վ Ե Տ Վ ՈՒ Թ Յ ՈՒ Ն
_________________թողարկման Պարտատոմսերի տեղաբաշխման աճուրդի վերաբերյալ
(թողարկման համարը)
Սույնով Բանկը տեղեկացնում է ___________ թողարկման Պարտատոմսերի տեղաբաշխման արդյունքների մասին:
1. Թողարկման տեղաբաշխման աճուրդը կայացել է ___ _________ 199 թ: Աճուրդի ընթացքում Պարտատոմսերի գնման հայտերի ընդհանուր ծավալը կազմել է _________ դրամ, որից ___________ դրամ մրցակցային և ___________ դրամ ոչ մրցակցային:
2. Թողարկողի կողմից սահմանվել է մրցակցային հայտերի բավարարման առավելագույն եկամտաբերությունը _____________ %: Մրցակցային հայտերի բավարարման միջին կշռված եկամտաբերությունը կազմել է _______ %: Մրցակցային հայտերի բավարարման միջին կշռված եկամտաբերությունը կազմել է ______ %:
3. Պարտատոմսերի իրացումից ստացվել է _______________ դրամ հասույթ:
4. ______________ թողարկման Պարտատոմսերի տեղաբաշխման աճուրդի ընթացքում
Գործակալների/Դիլերների կողմից գնված Պարտատոմսերի մասին:
|
Գործակալի/Դիլերի անվանումը |
Գնվել է մրցակցային |
Գնվել է ոչ մրցակցային | ||
|
Ծավալը |
Գնման գնով |
Ծավալը |
Գնման գնով | |
|
Ընդամենը |
||||
5. Հասույթը հաշվեգրվել է ՀՀ ֆինանսների նախարարության հաշվին ______ _________ 199 թ:
|
ՀՀ կենտրոնական բանկի կողմից |
(Ա.Ա.Հ.) |
|
___________________________________________________________ | |
|
Հաշվետվությունն ընդունվել է ______ ___________ 199 թ. |
|
|
ՀՀ ֆինանսների նախարարության կողմից |
(Ա.Ա.Հ.) |
|
ՀՀ ՊԿՊ-ների տեղաբաշխման, շրջանառության |
ՀԱՎԵԼՎԱԾ 4.6
Հ Ա Յ Տ Ա Ր Ա Ր ՈՒ Թ Յ ՈՒ Ն
Պարտատոմսերի հերթական թողարկման մասին
Սույնով Բանկը տեղեկացնում է, որ _____ ____________ թ. տեղի կունենա
Հայաստանի Հանրապետության ___________________ թողարկման Պարտատոմսերի
(թողարկման համարը)
տեղաբաշխման աճուրդ.
թողարկման ծավալը _____________________ դրամ
պոտենցիալ գնորդները __________________
Գանձապետական Պահառուի կողմից ներկայացվող հայտերի առավելագույն ծավալը
__________ դրամ
Գանձապետական Պահառուի միջոցով մեկ ներդրողի կողմից ներկայացվող հայտի
առավելագույն ծավալը ___________ դրամ
Աճուրդը կկայանա _______ ____________ 199 թ. ժամը _______
Հասցեն ________________________________
Այն ֆիզիկական և իրավաբանական անձինք, ովքեր սույն թողարկման պայմանների համաձայն իրավունք և ցանկություն ունեն ձեռք բերել սույն թողարկման Պարտատոմսերը, կարող են դիմել հետևյալ Գործակալներին/Դիլերներին և Գանձապետական Պահառուի սպասարկման կետերին.
|
N |
Գործակալ/Դիլեր |
Գործակալի/Դիլերի ծածկագիր |
Հասցեն և հեռախոսը |
|
ՀՀ ՊԿՊ-ների տեղաբաշխման, շրջանառության |
ՀԱՎԵԼՎԱԾ 4.7
Հ Ա Յ Տ Ա Ր Ա Ր ՈՒ Թ Յ ՈՒ Ն
___________ թողարկման թերտեղաբաշխված Պարտատոմսերի տեղաբաշխման աճուրդի
Սույնով Բանկը տեղեկացնում է, որ ______ _________ 199 թ. տեղի կունենա
Հայաստանի Հանրապետության __________________ թողարկման թերտեղաբաշխված
(թողարկման համարը)
Պարտատոմսերի տեղաբաշխման աճուրդ.
տեղաբաշխման ծավալը ________________________ դրամ
պոտենցիալ գնորդները` Գործակալներ
Աճուրդը կկայանա _______ _____________ 199 թ. ժամը _______
Հասցեն _________________________
Այն ֆիզիկական և իրավաբանական անձինք, ովքեր սույն թողարկման պայմանների համաձայն
իրավունք և ցանկություն ունեն ձեռք բերել սույն թողարկման Պարտատոմսերը, կարող են
դիմել հետևյալ
Գործակալներին.
|
N |
Գործակալ |
Հասցեն և հեռախոսը |
|
ՀՀ ՊԿՊ-ների տեղաբաշխման, շրջանառության |
ՀԱՎԵԼՎԱԾ 4.8
Հ Ա Շ Վ Ե Տ Վ ՈՒ Թ Յ ՈՒ Ն
Պարտատոմսերի աճուրդի արդյունքների վերաբերյալ
(Պարտատոմսերի աճուրդի արդյունքների մասին պաշտոնական հաշվետվությունը պարունակում է հետևյալ տեղեկությունները)
● աճուրդի անցկացման հասցեն և ամսաթիվը,
● աճուրդին մասնակցած Գործակալների քանակը,
● աճուրդին մասնակցած Դիլերների քանակը,
● ներկայացված հայտերի ընդհանուր ծավալը (դրամ),
● ն. թ. Գործակալների կողմից ներկայացված ոչ մրցակցային հայտերի ծավալը`
Գանձապետական Պահառուի կողմից ներկայացված ոչ մրցակցային հայտերի ծավալը`
● բավարարված հայտերի ընդհանուր ծավալը (դրամ).
● աճուրդի սահմանային եկամտաբերությունը,
● աճուրդի միջին կշռված եկամտաբերությունը:
|
ՀՀ ՊԿՊ-ների տեղաբաշխման, շրջանառության |
ՀԱՎԵԼՎԱԾ 4.9
Հ Ա Յ Տ Ա Ր Ա Ր ՈՒ Թ Յ ՈՒ Ն
____________ թողարկման Պարտատոմսերի հետգնման աճուրդի
Սույնով Բանկը տեղեկացնում է, որ _____ __________ 199 թ. տեղի
կունենա Հայաստանի Հանրապետության __________________ թողարկման
(թողարկման համարը)
Պարտատոմսերի հետգնման աճուրդ.
հետգնման ծավալը ___________________ դրամ
մասնակիցները` Գործակալներ
Աճուրդը կկայանա _____ ____________ 199 թ. ժամը ________
Հասցեն _______________________
|
ՀՀ ՊԿՊ-ների տեղաբաշխման, շրջանառության |
ՀԱՎԵԼՎԱԾ 7.1
Դեպո հաշվի հանձնարարական
|
_______________________ | |
| _____ _________ 199 թ. |
Պարտատոմսի պետական գրանցման N |
|
Փոխանցողի անվանումը |
Փոխանցողի ծածկագիր |
|
Փոխանցողի ԵՊ-ի անվանումը |
ԵՊ ծածկագիր |
Փոխանցվող պարտատոմսերի ծավալը (անվանական արժեքով և գնման գնով թվերով (բառերով)
| Անվանական արժեքով |
| Գործարքի գնով |
______________________________________________________
Լրացվում է ստացողի հայտնի լինելու դեպքում
|
Ստացողի ԵՊ-ի անվանումը |
ԵՊ ծածկագիր |
|
|
|
Ստացողի անվանումը |
ստացողի ծածկագիր |
|
___________________ |
___________________ |
|
փոխանցողի ենթապահառու |
փոխանցող |
|
ՀՀ ՊԿՊ-ների տեղաբաշխման, շրջանառության |
ՀԱՎԵԼՎԱԾ 7.2
Ք Ա Ղ Վ Ա Ծ Ք
N ________ ծածկագրով Գործակալի/Դիլերի դեպո հաշվից
| Մարման ամսաթիվը |
Թողարկում | Գործակալի/Դիլերի Պարտատոմսերի ծավալը |
Պարտատոմսերի ծավալը գնման գնով |
Ներդրողների |
Պարտատոմսերի ծավալը գնման գնով |
Ընդհանուր ծավալը |
|
ՀՀ կենտրոնական բանկի կողմից |
(Ա.Ա.Հ.) |
Հավելված 7.2.1
ՀՀ ԿԲ-ի կողմից տրամադրվող քաղվածքի ձԵՎը
|
Ձև N 1 ՔԱՂՎԱԾՔ
Բաժնի պետ` _____________
| ||||||||||||||||||||||||||||||||||||||||||||||||||||||||
|
ՀՀ ՊԿՊ-ների տեղաբաշխման, շրջանառության |
Հավելված 7.3
Ք Ա Ղ Վ Ա Ծ Ք
N ________ ծածկագրով Ներդրողի դեպո հաշվից
| Մարման ամսաթիվը |
Թողարկում | Պարտատոմսերի ծավալը |
ծավալը գնման գնով |
|
_______________ |
_______________ |
|
Բանկի նախագահ |
Գլխավոր հաշվապահ |
Հավելված 7.3.1
Ենթապահառուի կողմից տրամադրվող քաղվածքի ձԵՎը
|
Ձև N 1 ՔԱՂՎԱԾՔ
Ստորաբաժանման ղեկավար` _____________
| ||||||||||||||||||||||||||||||||||||||||||||||||||||||||
|
ՀՀ ՊԿՊ-ների տեղաբաշխման, շրջանառության |
Հավելված 7.4
____ ___________ թ.
Հ Ա Շ Վ Ե Տ Վ ՈՒ Թ Յ ՈՒ Ն
___________ ԵՊ-ի մոտ հաշվառվող Պարտատոմսերի վերաբերյալ Գործակալին/Դիլերին պատկանող պարտատոմսեր
|
Թողարկում |
Ծածկագիր |
Ծավալ |
Երկրորդային շուկայում |
մարված (-) և ձեռք բերված |
եկամուտ |
Իրավաբանական անձ
|
Թողարկում |
Ծածկագիր |
Ծավալ |
Երկրորդային շուկայում |
մարված (-) և ձեռք բերված |
եկամուտ |
Ֆիզիկական անձ
|
Թողարկում |
Ծածկագիր |
Ծավալ |
Երկրորդային շուկայում |
մարված (-) և ձեռք բերված |
եկամուտ |
Ոչ ռեզիդենտներ
|
Թողարկում |
Ծածկագիր |
Ծավալ |
Երկրորդային շուկայում |
մարված (-) և ձեռք բերված |
եկամուտ |
Ռեպո (հակադարձ ռեպո) Գործառնություններ
Դիլերի կողմից իրականացված գործարքներ
|
Թողարկում |
Ծածկագիր |
Ռեպո (+) Հակ. ռեպո (-) |
Գործարքի ծավալ |
Ժամկետը (օր) |
Ռեպո % |
| Ընդամենը |
Ներդրողների կողմից իրականացված գործարքներ
|
Թողարկում |
Ծածկագիր |
Ռեպո (+) Հակ. ռեպո (-) |
Գործարքի ծավալ |
Ժամկետը (օր) |
Ռեպո % |
| Ընդամենը |
|
ՀՀ ՊԿՊ-ների տեղաբաշխման, շրջանառության |
Հավելված 10.1
| N _______________ | ___ _________ 199 թ. |
| Գործակալի/Դիլերի ծածկագիրը |
Հ Ա Յ Տ N _____
_____________________
թողարկման համարը
թողարկմանՊարտատոմսերի ձեռք բերման
___________________________________ , որպես Գործակալ/Դիլեր պատրաստակամություն է հայտնում
(Ներդրողների հաշվին)
առաջնային աճուրդի ժամանակ իր հաշվին գնել ____________ օր
մարման ժամկետով հետևյալ գներով Պարտատոմսեր.
|
ՄՐՑԱԿՑԱՅԻՆ | |||
|
N |
Պարտատոմսերի |
Պարտատոմսերի գնման |
Տարեկան |
|
1 |
|
|
|
|
2 |
|
|
|
|
3 |
|
|
|
|
4 |
|
|
|
|
5 |
|
|
|
|
6 |
|
|
|
|
7 |
|
|
|
|
8 |
|
|
|
|
9 |
|
|
|
|
10 |
|
|
|
|
Ընդ. |
|
|
|
|
ՈՉ ՄՐՑԱԿՑԱՅԻՆ | |||
|
1. |
|
միջին կշռված |
--- |
|
______________ |
______________ |
|
Գործակալի/Դիլերի նախագահ |
գլխավոր հաշվապահ |
|
Կ. Տ. |
|
ՀՀ ՊԿՊ-ների տեղաբաշխման, շրջանառության |
Հավելված 10.2
______________________
թողարկման համարը
թողարկման պարտատոմսերի տեղաբաշխման աճուրդին ներկայացված հայտերի հավաքական տեղեկագիր
|
Պարտատոմսերի |
Այդ ծավալի դիմաց |
Պարտատոմսերի |
|
|
Ընդամենը մրցակցային հայտեր
Ոչ մրցակցային հայտերի ընդհանուր ծավալը
ն.թ Գանձապետական Պահառու
Ընդամենը Պարտատոմսերի ծավալը
| Հանձնաժողովի նախագահ` | _______________ |
| Հանձնաժողովի անդամներ` | 1. ____________ |
| 2. ____________ | |
| 3. ____________ | |
| 4. ____________ | |
|
___ _____________ թ. |
|
ՀՀ ՊԿՊ-ների տեղաբաշխման, շրջանառության |
Հավելված 10.3
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ ՀԱՆՁՆԱՐԱՐԱԳԻՐ
_____ ____________ 199 թ. աճուրդի ընթացքում
____________________________________ թողարկման պարտատոմսերի
(թողարկման համարը)
գնման հայտերի բավարարման համար
Սույնով Թողարկողը Բանկին հանձնարարում է.
● վաճառել ____________________________________ պարտատոմսերն այն անձանց, ովքեր
(թողարկման համարը)
ներկայացրել են այդ պարտատոմսերի գնման մրցակցային հայտեր և հայտերում նշված
եկամտաբերությունը ______________ % բարձր չէ,
● մերժել մյուս բոլոր մրցունակ հայտերը,
● վաճառել _____________________________________ պարտատոմսերն այն անձանց, որոնք
(թողարկման համարը)
ներկայացրել են այդ պարտատոմսերի գնման ոչ մրցակցային հայտեր,
աճուրդի միջին կշված եկամտաբերությամբ` _____________ %:
|
ՀՀ ֆինանսների նախարարության կողմից |
(Ա.Ա.Հ.) |
|
Հանձնարարագիրն ստացվել է |
_____ ___________ 199 թ. | ժամը _________ |
|
ՀՀ կենտրոնական բանկի կողմից |
(Ա.Ա.Հ.) |
|
ՀՀ ՊԿՊ-ների տեղաբաշխման, շրջանառության |
Հավելված 11.1
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻՆ ՀԱՆՁՆԱՐԱՐԱԳԻՐ
ՀՀ ֆինանսների նախարարությունը հանձնարարում է իրականացնել ________ թողարկման չտեղաբաշխված Պարտատոմսերի տեղաբաշխման աճուրդ:
Աճուրդին կարող են մասնակցել միայն ՀՀ ֆինանսների նախարարության պետական պարտքի կառավարման Գործակալները: Աճուրդի ժամանակ գործում են թողարկման տեղաբաշխման ժամանակ սահմանված պայմանները (առանց Գանձապետական Պահառուին և Դիլերներին վերաբերվող Կետերի): Աճուրդին կարող են ներկայացվել միայն մրցակցային հայտեր:
ՀՀ ՖԻՆԱՆՍՆԵՐԻ ՆԱԽԱՐԱՐԻ ՏԵՂԱԿԱԼ`
ԳԼԽԱՎՈՐ ԳԱՆՁԱՊԵՏ`
|
ՀՀ ՊԿՊ-ների տեղաբաշխման, շրջանառության |
Հավելված 11.2
Հ Ա Շ Վ Ե Տ Վ ՈՒ Թ Յ ՈՒ Ն
______________________
թողարկման համարը
թողարկման թերտեղաբաշխված Պարտատոմսերի տեղաբաշխման
աճուրդի վերաբերյալ
Սույնով Բանկը տեղեկացնում է __________ թողարկման թերտեղաբաշխված
Պարտատոմսերի տեղաբաշխման արդյունքների մասին:
1. Տեղաբաշխման աճուրդը կայացել է _____ ________ 199 թ: Աճուրդի ընթացքում
Պարտատոմսերի գնման հայտերի ընդհանուր ծավալը կազմել է _______ դրամ:
2. Թողարկողի կողմից սահմանվել է հայտերի բավարարման առավելագույն եկամտաբերությունը _________ %:
Հայտերի բավարարման միջին կշռված եկամտաբերությունը կազմել է ______ %:
3. Պարտատոմսերի իրացումից ստացվել է __________ դրամ հասույթ:
4. (օր/ամիս/տարի) թողարկման թերտեղաբաշխված Պարտատոմսերի տեղաբաշխման աճուրդի ընթացքում Գործակալների/Դիլերների կողմից գնված Պարտատոմսերի մասին:
| Գործակալի/Դիլերի անվանումը |
Գնվել է մրցակցային հայտերով | |
|
Ծավալը |
Գնման գնով | |
|
|
||
| Ընդամենը | ||
5. Հասույթը հաշվեգրվել է ՀՀ ֆինանսների նախարարության հաշվին
_____ __________ 199 թ:
__________ թողարկման Պարտատոմսերի ծավալը շրջանառության մեջ կազմում է
________ դրամ, այդ թվում գնման գնով _________ դրամ:
|
ՀՀ կենտրոնական բանկի կողմից |
(Ա.Ա.Հ.) |
____________________________________________________________
Հաշվետվությունն ընդունվել է _____ __________ 199 թ.
|
ՀՀ կենտրոնական նախարարության կողմից |
(Ա.Ա.Հ.) |
|
ՀՀ ՊԿՊ-ների տեղաբաշխման, շրջանառության |
Հավելված 14.1
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻՆ ՀԱՆՁՆԱՐԱՐԱԳԻՐ
ՀՀ ֆինանսների նախարարությանը հանձնարարում է կազմակերպել _______ թողարկման Պարտատոմսերի հետգնման աճուրդ __________ դրամ ծավալով Պարտատոմսեր հետգնելու նպատակով:
Հետգնման աճուրդին կարող են մասնակցել միայն ՀՀ ֆինանսների նախարարության պետական պարտքի կառավարման Գործակալները:
Պարտատոմսերի հետգնման համար նախատեսվող միջոցները կուտակված կլինեն միասնական գանձապետական հաշվին աճուրդին նախորդող օրը:
ՀՀ ՖԻՆԱՆՍՆԵՐԻ ՆԱԽԱՐԱՐԻ ՏԵՂԱԿԱԼ`
ԳԼԽԱՎՈՐ ԳԱՆՁԱՊԵՏ`
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
22 հոկտեմբերի 1999 Թ.
ՊԵՏԱԿԱՆ ԳՐԱՆՑՄԱՆ թիվ 11899156
