Գլխավոր տեղեկություն

Номер

N 595-Ն

Տիպ

Որոշում

Тип

Պաշտոնական Ինկորպորացիա (17.08.2024-по сей день)

Статус

Գործում է

Первоисточник

Միասնական կայք 2023.04.17-2023.04.30 Պաշտոնական հրապարակման օրը 25.04.2023

Принят

ՀՀ կառավարություն

Дата принятия

21.04.2023

Подписан

ՀՀ վարչապետ

Дата подписания

25.04.2023

Дата вступления в силу

26.04.2023

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 ապրիլի 2023 թվականի N 595-Ն

ՊԵՏԱԿԱՆ ԳՈՒՅՔԻ ԱՆՀԱՏՈՒՅՑ ՕԳՏԱԳՈՐԾՄԱՆ ՏՐԱՄԱԴՐՄԱՆ ԿԱՐԳԸ ԵՎ ՊԱՅՄԱՆՆԵՐԸ ՍԱՀՄԱՆԵԼՈՒ ՄԱՍԻՆ

Հիմք ընդունելով «Պետական գույքի կառավարման մասին» օրենքի 6-րդ հոդվածի 1-ին մասի 9-րդ կետի և 30-րդ հոդվածի, «Նորմատիվ իրավական ակտերի մասին» օրենքի 37-րդ հոդվածի պահանջները՝ Հայաստանի Հանրապետության կառավարությունը որոշում է.

1. Սահմանել՝

1) պետական գույքի անհատույց օգտագործման տրամադրման կարգը` համաձայն N 1 հավելվածի.

2) լրատվական գործունեություն իրականացնող իրավաբանական կամ ֆիզիկական անձանց պետական սեփականություն հանդիսացող պետական գույքի անհատույց օգտագործման տրամադրման պայմանները՝ համաձայն N 2 հավելվածի.

3) համայնքներին, հասարակական կազմակերպություններին և հիմնադրամներին պետական գույքի անհատույց օգտագործման տրամադրման պայմանները՝ համաձայն N 3 հավելվածի.

4) այլ կազմակերպություններին պետական գույքի անհատույց օգտագործման տրամադրման պայմանները՝ համաձայն N 4 հավելվածի։

2. Սահմանել, որ պետական գույքն անհատույց օգտագործման է տրամադրվում սույն որոշման N 1 հավելվածի 3-րդ կետով նախատեսված՝ համայնքներին, լրատվական գործունեություն իրականացնող իրավաբանական կամ ֆիզիկական անձանց, հասարակական կազմակերպություններին և հիմնադրամներին, միջազգային կազմակերպություններին, քաղաքացիներին և այլ կազմակերպություններին (այսուհետ՝ սուբյեկտներ) Հայաստանի Հանրապետության կառավարության որոշման համաձայն Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի (այսուհետ՝ կոմիտե) կողմից, ապահովելով օգտագործողի հետ տարածքի անհատույց օգտագործման պայմանագրի կնքումը և տարածքի սպասարկման համար ծառայությունների մատուցման պայմանագրի կնքումը (բացառությամբ սույն որոշման 4-րդ կետի 2-րդ ենթակետով նախատեսված դեպքերի)։

3. Պետական գույքն անհատույց օգտագործման է տրամադրվում միջազգային կազմակերպություններին (բացառությամբ միջազգային ոչ կառավարական կազմակերպությունների, դիվանագիտական և հյուպատոսական ներկայացուցչությունների), եթե Հայաստանի Հանրապետությունում հիմնական գործունեություն իրականացնելու համար միջազգային կազմակերպության կողմից հիմնադրված ներկայացուցչությունը կամ մասնաճյուղը գրանցված (հավատարմագրված) է Հայաստանի Հանրապետության արտաքին գործերի նախարարությունում, միջազգային կազմակերպության գործունեության ոլորտը համակարգող պետական մարմնի կողմից ներկայացված առաջարկությամբ սահմանված ժամկետով, Հայաստանի Հանրապետության արտաքին գործերի նախարարության համաձայնությամբ։

4. Պետական սեփականություն հանդիսացող շենքերը, շինությունները, ինչպես նաև դրանց մասը կազմող առանձնացված տարածքներն անհատույց օգտագործման իրավունքով տրամադրված լինելու դեպքում`

1) եթե առանձին շենք, շինություններ են կամ դրանցից առանձնացված տարածք, ապա սույն որոշման 1-ին կետի 1-ին ենթակետով հաստատված կարգի 3-րդ կետով նշված սուբյեկտների հետ կոմիտեն ապահովում է օգտագործողի հետ տարածքի սպասարկման համար ծառայությունների մատուցման պայմանագրի կնքումը.

2) եթե պետական սեփականություն հանդիսացող տարածքը սույն կարգի համաձայն տրամադրվել է և այն շենք, շինության առանձնացված տարածք չէ և կոմունալ ծառայությունների իրականացումը լրացուցիչ ծախսերի կատարման պատճառով նպատակահարմար չէ առանձնացնել, ապա այս դեպքում սուբյեկտների համաձայնությամբ ծառայությունների մատուցման պայմանագիրը կնքվում է ոչ թե կոմիտեի, այլ շենք, շինության հիմնական մասի օգտագործողի հետ (այսուհետ՝ օգտագործող), որը միաժամանակ իրականացնում է ամբողջ տարածքի սպասարկումը։ Ընդ որում, օգտագործողի հետ կնքվող ծառայությունների վճարի հաշվարկման համար, որպես ելակետ կարող է ընդունվել ընդհանուր շենքի համար նախորդ տարվա կոմունալ ծառայությունների՝ յուրաքանչյուր մեկ քառակուսի մետրին համապատասխանող կոմունալ ծառայությունների համար օգտագործողի կողմից կատարված վճարների միջին մեծությունը (հաշվի առնելով սակագների փոփոխությունը, եթե այն առկա է)։

5. Պետական ոչ առևտրային կազմակերպություններին գույքն անհատույց օգտագործման է տրամադրվում «Պետական ոչ առևտրային կազմակերպությունների մասին» օրենքի, իսկ ջրօգտագործողների ընկերություններին և ջրօգտագործողների ընկերությունների միություններին՝ «Ջրօգտագործողների ընկերությունների և ջրօգտագործողների ընկերությունների միությունների մասին» օրենքի դրույթներին համապատասխան։

6. Պետական սեփականություն հանդիսացող գույքն անհատույց օգտագործման իրավունքով տրամադրելու դեպքում գույքի անհատույց օգտագործման պայմանների նկատմամբ հսկողությունն իրականացնում է կոմիտեն` պետական սեփականություն հանդիսացող գույքի անհատույց օգտագործման կնքված պայմանագրի դրույթների համաձայն։

7. Ուժը կորցրած ճանաչել Հայաստանի Հանրապետության կառավարության 2011 թվականի փետրվարի 17-ի «Պետական սեփականություն հանդիսացող անշարժ գույքի անհատույց օգտագործման տրամադրման կարգը հաստատելու մասին» N 304-Ն որոշումը:

8. Մինչև սույն որոշումն ուժի մեջ մտնելը կնքված անհատույց օգտագործման այն պայմանագրերը, որոնց ժամկետները լրացել են սույն որոշումն ուժի մեջ մտնելու պահին և Հայաստանի Հանրապետության քաղաքացիական օրենսգրքի 624-րդ հոդվածի 2-րդ և 685-րդ հոդվածի 2-րդ մասի կարգավորումների համաձայն՝ ճանաչված են վերսկսված` նույն պայմաններով անորոշ ժամկետով, ապա որոշումն ուժի մեջ մտնելուց հետո երկամսյա ժամկետում դիմում ներկայացնելու դեպքում՝ կարող են վերակնքվել ևս մեկ անգամ՝ 2 տարի ժամկետով, Հայաստանի Հանրապետության քաղաքացիական օրենսգրքով սահմանված կարգավորումներին համապատասխան, իսկ չներկայացնելու դեպքում՝ լուծվում են։

9. Սույն որոշման պահանջները չեն տարածվում մինչև սույն որոշումն ուժի մեջ մտնելն սկսած և ընթացքում գտնվող պետական սեփականություն հանդիսացող գույքի անհատույց օգտագործման տրամադրման իրավահարաբերությունների վրա, դրանք իրականացվում են համաձայն Հայաստանի Հանրապետության կառավարության 2011 թվականի փետրվարի 17-ի N 304-Ն որոշմամբ սահմանված կարգավորումների։

10. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության

վարչապետ
Ն. ՓաշինՅԱՆ

Երևան

25.04.2023

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ

Հավելված N 1

ՀՀ կառավարության 2023 թվականի

ապրիլի 21-ի N 595-Ն որոշման

Կ Ա Ր Գ

ՊԵՏԱԿԱՆ ԳՈՒՅՔԻ ԱՆՀԱՏՈՒՅՑ ՕԳՏԱԳՈՐԾՄԱՆ ՏՐԱՄԱԴՐՄԱՆ

1. Սույն կարգով կանոնակարգվում են Հայաստանի Հանրապետության պետական սեփականություն հանդիսացող գույքի (այսուհետ՝ գույք) անհատույց օգտագործման տրամադրման գործընթացի հետ կապված հարաբերությունները։

2. Գույքը կարող է տրվել անհատույց օգտագործման, եթե յուրաքանչյուր դեպքում տրվող գույքի անհատույց օգտագործումը նախատեսված չէ պետական կարիքների առաջնահերթ բավարարման համար։

3. Գույքն անհատույց օգտագործման իրավունքով կարող է տրամադրվել`

1) համայնքներին.

2) լրատվական գործունեություն իրականացնող իրավաբանական կամ ֆիզիկական անձանց,

3) հասարակական կազմակերպություններին և հիմնադրամներին.

4) միջազգային կազմակերպություններին.

5) քաղաքացիներին.

6) այլ կազմակերպություններին։

Ընդ որում, սույն որոշման պահանջները տարածվում են նաև պետական ոչ առևտրային կազմակերպություններից վերակազմակերպված և Հայաստանի Հանրապետության կառավարության կողմից ստեղծված հիմնադրամների ու 50 տոկոս և ավելի պետական մասնակցությամբ առևտրային կազմակերպություններին գույքն անհատույց օգտագործման տրամադրման գործընթացի վրա, բացառությամբ՝ սույն կարգի 4-րդ կետի 1-ին և 4-րդ ենթակետերով սահմանված պահանջների։

4. Գույքն անհատույց օգտագործման իրավունքով սույն կարգի 3-րդ կետով նախատեսված՝ համայնքներին, լրատվական գործունեություն իրականացնող իրավաբանական անձանց, հասարակական կազմակերպություններին և հիմնադրամներին, միջազգային կազմակերպություններին, քաղաքացիներին ու այլ կազմակերպություններին (այսուհետ՝ սուբյեկտներ) տրամադրվում է՝

1) համայնքներին, հասարակական կազմակերպությունների և հիմնադրամներին (բացառությամբ՝ պետական ոչ առևտրային կազմակերպություններից վերակազմակերպված և Հայաստանի Հանրապետության կառավարության կողմից ստեղծված հիմնադրամներին) իրենց կողմից ներկայացված ծրագրում սահմանված ժամկետով, որը չի կարող գերազանցել 3 տարին, եթե ներկայացված ծրագիրը համապատասխանում է սույն որոշման 3-րդ հավելվածով սահմանված պայմաններին։ Ընդ որում, պետական ոչ առևտրային կազմակերպություններից վերակազմակերպված և Հայաստանի Հանրապետության կառավարության կողմից ստեղծված հիմնադրամներին գույքն անհատույց օգտագործման տրամադրվում են Հայաստանի Հանրապետության կառավարության որոշմամբ, հաշվի առնելով Հայաստանի Հանրապետության կրթության, գիտության, մշակույթի և սպորտի նախարարության կողմից նշված ժամկետը.

2) լրատվական գործունեություն իրականացնող իրավաբանական կամ ֆիզիկական անձանց, եթե դրանց գործունեության հիմնական ցուցանիշները և ծրագիրը համապատասխանում են որոշման 2-րդ հավելվածով սահմանված պայմաններին։ Ընդ որում, անհատույց օգտագործման տրամադրման ժամկետը չի կարող գերազանցել 3 տարին.

3) միջազգային կազմակերպություններին՝ միջազգային կազմակերպության գործունեության ոլորտը համակարգող համապատասխան պետական մարմնի կողմից ներկայացված համապատասխան առաջարկության հիման վրա և ժամկետով։ Ընդ որում, կազմակերպությունը գույքն անհատույց օգտագործման իրավունքով ձեռք բերելու համար դիմում է ներկայացնում ոլորտը համակարգող պետական մարմնին.

4) այլ կազմակերպություններին իրենց կողմից ներկայացված գույքի բարելավման ներդրումային ծրագրում սահմանված ժամկետով, եթե ներկայացված գույքի բարելավմանն ուղղված ներդրումային ծրագիրը համապատասխանում է սույն որոշման 4-րդ հավելվածով սահմանված պայմաններին։ Պայմանագիրը կնքվում է գույքի բարելավման ներդրումային ծրագրում սահմանված ժամկետով, որը չի կարող գերազանցել 10 տարին։ Ժամկետը կարող է երկարաձգվել ևս մեկ անգամ` մինչև 5 տարի ժամկետով, եթե պայմանագրով սահմանված ժամկետում ներդրումային պարտավորությունները կատարվել են և տվյալ գույքի օգտագործման նպատակով կառավարությունն այլ ծրագրեր չունի ու գույքը պետական կարիքների բավարարման համար անհրաժեշտ չէ։ Ընդ որում, ՀՀ կառավարության կողմից հավանության արժանացած սպորտի, կրթության կամ մշակույթի զարգացմանն ուղղված ներդրումային ծրագրերի վրա չեն տարածվում սույն որոշման 4-րդ հավելվածով սահմանված պայմանները, իսկ տարածքն անհատույց օգտագործման է տրամադրվում ծրագրով սահմանված ժամկետով։ Գույքի անհատույց օգտագործման պայմանների նկատմամբ հսկողությունն իրականացնում է կոմիտեն` պետական սեփականություն հանդիսացող գույքի անհատույց օգտագործման պայմանագրի դրույթների համաձայն։

(4-րդ կետը խմբ. 15.08.24 N 1289-Ն)

4.1. Համայնքներին, լրատվական գործունեություն իրականացնող իրավաբանական անձանց, հասարակական կազմակերպություններին և հիմնադրամներին գույքն անհատույց օգտագործման իրավունքով կարող է տրամադրվել նաև գույքի բարելավման ներդրումային ծրագիր ներկայացնելու դեպքում, եթե տվյալ սուբյեկտների կողմից ներկայացված գույքի բարելավման ներդրումային ծրագիրը բավարարում է սույն որոշման N 4 հավելվածով սահմանված պայմանները։ Ընդ որում, պայմանագիրը կնքվում է գույքի բարելավման ներդրումային ծրագրում սահմանված ժամկետով, որը չի կարող գերազանցել 10 տարին։ Ժամկետը կարող է երկարաձգվել ևս մեկ անգամ` մինչև 5 տարի ժամկետով, եթե պայմանագրով սահմանված ժամկետում ներդրումային պարտավորությունները կատարվել են և տվյալ գույքի օգտագործման նպատակով կառավարությունն այլ ծրագրեր չունի ու գույքը պետական կարիքների բավարարման համար անհրաժեշտ չէ:

(4.1-ին կետը լրաց. 25.01.24 N 119-Ն)

5. Քաղաքացիներին, նախկին հանրակացարանային կամ հանրակացարանային բնակելի տարածքներն անհատույց օգտագործման են տրամադրվում, եթե նրանք և նրանց հետ համատեղ բնակվող անձինք Հայաստանի Հանրապետության աշխատանքի և սոցիալական հարցերի նախարարության կողմից տրված տեղեկատվության համաձայն համարվում են սոցիալապես անապահով և չունեն սեփականության իրավունքով իրենց պատկանող բնակելի տարածք: Ընդ որում, քաղաքացիները տարածքներն անհատույց օգտագործման իրավունքով ձեռք բերելու համար դիմում են Հայաստանի Հանրապետության աշխատանքի և սոցիալական հարցերի նախարարություն։

6. Կոմիտեն նախկին հանրակացարանային կամ հանրակացարանային բնակելի ազատ տարածքների մասին տեղեկատվությունը ստանալուց հետո (առկայության դեպքում) 15 օրացույցային օրվա ընթացքում ներկայացնում է Հայաստանի Հանրապետության աշխատանքի և սոցիալական հարցերի նախարարություն:

7. Հայաստանի Հանրապետության աշխատանքի և սոցիալական հարցերի նախարարությունը սույն կարգի 6-րդ կետում նշված տեղեկատվությունը ստանալուց հետո մեկամսյա ժամկետում Կոմիտե է ներկայացնում առաջարկություն համապատասխան տարածքը Հայաստանի Հանրապետության կառավարության 2015 թվականի սեպտեմբերի 10-ի N 1069-Ն որոշմամբ սահմանված պահանջներին համապատասխանող անձին անհատույց օգտագործման տրամադրելու վերաբերյալ:

8. Սույն կարգի 3-րդ կետով նշված սուբյեկտների (բացառությամբ՝ սույն կարգի 3-րդ կետի 4-րդ, 5-րդ և 6-րդ ենթակետերի) հետ կնքված գույքի անհատույց օգտագործման պայմանագրերը կարող են վերակնքվել մեկ անգամ առավելագույնը 2 տարի ժամկետով, եթե իրենց կողմից ներկայացված ծրագրով և անհատույց օգտագործման պայմանագրով սահմանված պայմանները կատարվել են:

9. Սույն կարգի 3-րդ կետով սահմանված սուբյեկտները (բացառությամբ՝ սույն կարգի 3-րդ կետի 4-րդ և 5-րդ ենթակետերի) գույքն անհատույց օգտագործելու համար կարող են դիմում ներկայացնել Կոմիտե անձամբ, փոստով` պատվիրված նամակով կամ էլեկտրոնային հասցեով։ Դիմումին կից ներկայացնում են նաև սույն որոշման 1-ին կետով սահմանված հավելվածներում նշված պայմաններին համապատասխանող փաստաթղթերը։ Ընդ որում, դիմումին կից ներկայացնում են՝

1) լրատվական գործունեություն իրականացնող իրավաբանական անձանց համար՝ պետական գրանցման, քաղաքացիների համար՝ նույնականացման (ID) քարտի, իսկ վերջինիս բացակայության դեպքում՝ անձնագրի և սոցիալական քարտի համարները, անհատ ձեռնարկատերի համար՝ անձնագրի, նույնականացման քարտի համարը կամ հաշվառման համարը, ինչպես նաև սույն որոշման N 2 և N 4 հավելվածներով սահմանված պայմաններին համապատասխանող գործարար կամ գույքի բարելավման ներդրումային ծրագիրը.

2) համայնքների, հասարակական կազմակերպությունների և հիմնադրամների համար՝ սույն որոշման N 3 և N 4 հավելվածներով սահմանված պայմաններին համապատասխանող գործարար կամ գույքի բարելավման ներդրումային ծրագիրը, ծրագրին համապատասխան գործունեության համար հիմք հանդիսացող իրավական ակտերը և զարգացման ռազմավարական փաստաթղթերը (հաստատված ծրագրեր, ընդունված որոշումներ և այլն, եթե դրանք առկա են).

3) այլ կազմակերպության համար՝ կազմակերպության կողմից սույն որոշման N 4 հավելվածով սահմանված պայմաններին համապատասխանող անհատույց օգտագործման գույքի բարելավման համար ներդրումային ծրագիրը։

(9-րդ կետը փոփ. 25.01.24 N 119-Ն)

10. Սույն կարգի 3-րդ կետի 1-ին, 3-րդ և 6-րդ ենթակետերով նախատեսված սուբյեկտների կողմից ներկայացրած գործարար և գույքի բարելավման համար ներդրումային ծրագրերը պետք է ունենան նաև ոլորտը համակարգող պետական մարմինների դրական կարծիքը, որի տրամադրման և ներկայացման ժամկետը չի կարող գերազանցել 1 տարին։

11. Սույն կարգի 10-րդ կետով նախատեսվող գործարար և գույքի բարելավման համար ներդրումային ծրագրերի վերաբերյալ կարծիքները ըստ ոլորտների, այդ թվում նաև համայնքային զարգացման տրամադրում են՝

1) գիտության, կրթության, սպորտի, մշակույթի ոլորտում՝ Հայաստանի Հանրապետության կրթության, գիտության, մշակույթի և սպորտի նախարարությունը՝ համապատասխան շահագրգիռ իրավասու մարմինների, կազմակերպությունների կամ հիմնադրամների համաձայնությամբ.

2) իրավունքների պաշտպանության ոլորտում՝ Հայաստանի Հանրապետության արդարադատության նախարարությունը.

3) շրջակա միջավայրի ոլորտում՝ Հայաստանի Հանրապետության շրջակա միջավայրի նախարարությունը.

4) սոցիալական ոլորտում՝ Հայաստանի Հանրապետության աշխատանքի և սոցիալական հարցերի նախարարությունը.

5) առողջապահության ոլորտում՝ Հայաստանի Հանրապետության առողջապահության նախարարությունը.

6) արդյունաբերության և այլ տնտեսությունների այդ թվում՝ գյուղատնտեսության հեռանկարային զարգացման ոլորտում՝ Հայաստանի Հանրապետության էկոնոմիկայի նախարարությունը.

7) բարձր տեխնոլոգիաների և ռազմարդյունաբերության ոլորտներում՝ Հայաստանի Հանրապետության բարձր տեխնոլոգիական արդյունաբերության նախարարությունը.

8) այլ ոլորտներում՝ Հայաստանի Հանրապետության տարածքային կառավարման և ենթակառուցվածքների նախարարությունը` համապատասխան շահագրգիռ նախարարության(ների) համաձայնությամբ.

9) համայնքային զարգացման ոլորտում՝ Հայաստանի Հանրապետության տարածքային կառավարման և ենթակառուցվածքների նախարարությունը, իսկ Երևանի քաղաքում՝ Երևանի քաղաքապետարանը՝ համաձայնեցնելով Հայաստանի Հանրապետության տարածքային կառավարման և ենթակառուցվածքների նախարարության հետ։

12. Սույն կարգի 11-րդ կետում նշված պետական կառավարման մարմինները և Երևանի քաղաքապետարանը կարծիքները տրամադրում են` ելնելով տվյալ ոլորտի, այդ թվում նաև Երևանի քաղաքապետարանի զարգացման ռազմավարական փաստաթղթերի և ծրագրերի պահանջներից։

13. Սույն կարգի 3-րդ կետով նախատեսված սուբյեկտների (բացառությամբ՝ սույն կարգի 3-րդ կետի 5-րդ ենթակետի) կողմից ներկայացված դիմումները ընդունվում են Կոմիտեի կողմից, եթե դիմումին կից ներկայացված փաստաթղթերը բավարարում են սույն կարգի 9-րդ և 10-րդ կետերի պահանջները։

14. Սույն կարգի 9-րդ կետով ներկայացված դիմումում թերությունների առկայության դեպքում՝ Կոմիտեն 15 օրացույցային օրվա ընթացքում համապատասխան գրությամբ այդ մասին տեղեկացնում է դիմումատուին, որը գրությունը ստանալուց հետո 5 օրացույցային օրվա ընթացքում կարող է շտկել ներկայացված փաստաթղթերում առկա թերությունները և ներկայացնել Կոմիտե։

15. Կոմիտեն սույն կարգի 9-րդ կետի համաձայն ներկայացված դիմումները ստանալուց հետո 20 օրացույցային օրվա ընթացքում որոշում է կայացնում դրանք բավարարելու կամ մերժելու մասին և այդ մասին տեղեկացնում է դիմումատուներին։ Ընդ որում՝ ներկայացված դիմումները մերժվում են, եթե՝

1) չեն ապահովել սույն որոշման հավելվածներով սահմանված պայմանները,

2) սույն կարգի 14-րդ կետով սահմանված ժամկետում չեն շտկել ներկայացված դիմումում առկա թերությունները.

3) անհատույց օգտագործման տրամադրման ենթակա գույքի օգտագործումը նախատեսված է պետության կարիքների բավարարման համար։

16. Կոմիտեն սույն կարգի 9-րդ կետի համաձայն ներկայացված դիմումները ստանալուց հետո, եթե դրանք բավարարում են սույն կարգի 9-րդ և 10-րդ կետերով նախատեսված պայմաններին, իսկ քաղաքացիների դեպքում՝ Հայաստանի Հանրապետության աշխատանքի և սոցիալական հարցերի նախարարության, միջազգային կազմակերպություններին դեպքում՝ միջազգային կազմակերպության գործունեության ոլորտը համակարգող համապատասխան պետական մարմնի կողմից ներկայացված համապատասխան առաջարկությունները ստանալուց հետո 30 օրացույցային օրվա ընթացքում մշակում է գույքն անհատույց օգտագործման տրամադրելու մասին Հայաստանի Հանրապետության կառավարության որոշման նախագիծը և այն օրենսդրությամբ սահմանված կարգով ներկայացնում Հայաստանի Հանրապետության վարչապետի աշխատակազմ։

17. Գույքն անհատույց օգտագործման տրամադրման մասին Հայաստանի Հանրապետության կառավարության որոշման նախագիծն առնվազն պետք է ներառի հետևյալ տեղեկատվությունը՝

1) անհատույց օգտագործման տրամադրվող գույքի գտնվելու վայրը (հասցեն), մակերեսի մասին՝ արտահայտված քառակուսի մետրով.

2) անհատույց օգտագործման տրամադրվող գույքի զբաղեցրած ու սպասարկման համար անհրաժեշտ հողամասի (չափաբաժնի) մակերեսի մասին` արտահայտված հա-ով (առկայության դեպքում).

3) անհատույց օգտագործման տրամադրվող գույքի շուկայական արժեքին մոտարկված կադաստրային արժեքի մասին, սույն կարգի 3-րդ կետի 6-րդ ենթակետով նշված սուբյեկտների դեպքում՝ գնահատված արժեքը՝ ըստ գնահատման վերաբերյալ հաշվետվության.

4) անհատույց օգտագործման տրամադրման ժամկետի մասին.

5) անհատույց օգտագործման իրավունքով տրամադրվող գույքի նկատմամբ իրավունքների պետական գրանցման վկայականի համարը և գրանցման տարին, ամիսը և ամսաթիվը.

6) անհատույց օգտագործող իրավաբանական անձանց համար՝ պետական գրանցման, քաղաքացիների համար՝ նույնականացման (ID) քարտի, իսկ վերջինիս բացակայության դեպքում՝ անձնագրի և սոցիալական քարտի համարները, անհատ ձեռնարկատերի համար՝ անձնագրի, նույնականացման քարտի համարը կամ հաշվառման համարը։

18. Հայաստանի Հանրապետության կառավարության որոշման նախագծի հետ միասին Հայաստանի Հանրապետության վարչապետի աշխատակազմ են ներկայացվում անհատույց օգտագործման իրավունքով տրամադրվող գույքի հատակագիծը, լուսանկարները և գույքի նկատմամբ իրավունքների պետական գրանցման վկայականի պատճենը, ինչպես նաև պետական գույքի անհատույց օգտագործման սուբյեկտների կողմից ներկայացվող ծրագիրը։

19. Գույքի անհատույց օգտագործման տրամադրման մասին Հայաստանի Հանրապետության կառավարության որոշումն ուժի մեջ մտնելուց հետո Կոմիտեն` որոշմամբ սահմանված ժամկետով և պայմաններով սույն կարգի 3-րդ կետով նշված սուբյեկտների հետ որոշմամբ սահմանված ժամկետում կնքում է N 1 ձևին համապատասխան անհատույց օգտագործման մասին պայմանագիր` դրանում նախատեսելով, որ`

1) պայմանագրից բխող նոտարական վավերացման և գույքային իրավունքների պետական գրանցման, ինչպես նաև «Անշարժ գույքի միավորի և դրա նկատմամբ գրանցված իրավունքների և սահմանափակումների վերաբերյալ» միասնական տեղեկանք ստանալու համար ծախսերն իրականացվում են գույքն անհատույց օգտագործողի միջոցների հաշվին.

2) պայմանագրի անբաժանելի մաս են համարվում՝ պետական սեփականություն հանդիսացող գույքի անհատույց օգտագործման տրամադրելու համար համայնքի, հասարակական կազմակերպության, հիմնադրամի, լրատվական գործունեություն իրականացնող իրավաբանական կամ ֆիզիկական անձանց և այլ կազմակերպության կողմից ներկայացված օրինակելի ձևերի պահանջներին համապատասխանող գործարար և գույքի բարելավման ներդրումային ծրագրերը.

3) անհատույց օգտագործման տրամադրված գույքը կամ դրա մասն օգտագործողի կողմից որևէ գույքային իրավունքով չի կարող տրամադրվել այլ անձի բացառությամբ՝ համայնքների.

4) անհատույց օգտագործման տրամադրված տարածքում օգտագործողի կողմից ներկայացված ծրագրին և պայմաններին չբավարարող գործունեություն իրականացնելու դեպքում՝ անհատույց օգտագործման մասին պայմանագիրն ենթակա է լուծման` Հայաստանի Հանրապետության օրենսդրությամբ սահմանված կարգով:

20. Գույքի անհատույց օգտագործման մասին պայմանագիրը կնքելուց հետո Կոմիտեն Հայաստանի Հանրապետության կառավարության կողմից սահմանված կարգի համաձայն իրականացնում է գույքի անհատույց օգտագործման մասին պայմանագրով ստանձնած պարտավորությունների, ինչպես նաև գույքի անհատույց օգտագործման իրավունք ստանալու համար ներկայացված ծրագրի պահանջների կատարման նկատմամբ հսկողություն: Ընդ որում, հսկողության իրականացման ընթացքում Կոմիտեն կարող է համայնքից, լրատվական գործունեություն իրականացնող իրավաբանական կամ ֆիզիկական անձից, հասարակական կազմակերպությունից, հիմնադրամից, քաղաքացուց, միջազգային կազմակերպությունից և այլ կազմակերպությունից պահանջել գույքի անհատույց օգտագործման իրավունք ստանալու համար ներկայացված ծրագրին առնչվող փաստաթղթեր և նյութեր:

ՕՐԻՆԱԿԵԼԻ N 1 ՁԵՎ

Պ Ա Յ Մ Ա Ն Ա Գ Ի Ր N _ _ _ _ _

ՊԵՏԱԿԱՆ ԳՈՒՅՔԻ ԱՆՀԱՏՈՒՅՑ ՕԳՏԱԳՈՐԾՄԱՆ

ք. Երևան

Հայաստանի Հանրապետությունը` ի դեմս Պետական գույքի կառավարման կոմիտեի (այսուհետ՝ Կոմիտե) (գտնվելու վայրը` ք. Երևան, Տիգրան Մեծի 4), այսուհետ` «Փոխատու», ի դեմս Կոմիտեի նախագահ՝

__________________________________________________________________ի, որը գործում է

(անունը, ազգանունը)

Կոմիտեի կանոնադրության հիման վրա, և որի անունից համաձայն լիազորագրի հանդես է գալիս լիազորված անձ` _________________________________________________________________________________,

(անունը, ազգանունը, անձնագրային տվյալները)

մի կողմից, և __________________________________________________________________

(կազմակերպության անվանումը, գտնվելու վայրը կամ ֆիզիկական անձի անունը, ազգանունը, անձնագրի տվյալները)

(այսուհետ՝ «Փոխառու», ի __________________________________________________- ի, որը

(անունը, ազգանունը, պաշտոնը)

գործում է

________________________________________________________________________________

(կանոնադրության լիազորագրի կամ այլնի)

հիման վրա,մյուս կողմից, կնքեցին սույն պայմանագիրը (այսուհետ՝ Պայմանագիր) հետևյալի մասին:

1. ՊԱՅՄԱՆԱԳՐԻ ԱՌԱՐԿԱՆ

1.1. Պայմանագրով Փոխատուն պարտավորվում է Փոխառուի անհատույց ժամանակավոր օգտագործմանը հանձնել

___________________________________________________________________________

__________________________________________________________________________,

(շենքի, կառույցի, շինության, տարածքի հասցեն, նկարագրությունը, մակերեսը, բնորոշ հատկանիշները)

այսուհետ՝ Տարածք՝ դրա նպատակային նշանակությանը համապատասխան օգտագործելու պայմանով, իսկ Փոխառուն պարտավորվում է Տարածքը վերադարձնել _________________________________

________________________________________________________________________։

(«նույն վիճակում` հաշվի առնելով դրա բնականոն մաշվածքը» կամ նշել` «պայմանագրով որոշված վիճակում»` կախված այն հանգամանքից, թե որ պայմանն է որոշվել)»։

Անհատույց օգտագործմանը հանձնվող տարածքների ընդհանուր մակերեսը կազմում է

_______________________________________________________________________ քառ. մետր:

(թվերով և բառերով)

1.2. Տարածքի սխեմատիկ պատկերը (հատակագիծը) և դրա որոշակիորեն սահմանման ու բնութագրման համար անհրաժեշտ և բավարար տեղեկությունները տրվում են Պայմանագրին կցվող և դրա անբաժանելի մասը համարվող թիվ ____ հավելվածում՝ Տարածքի նկատմամբ Փոխատուի իրավունքները հավաստող վկայականին համապատասխան:

1.3. Տարածքը Կադաստրի կոմիտեի _______________________ տարածքային ստորաբաժանման կողմից ___________ տրված թիվ ___________ սեփականության իրավունքի գրանցման վկայականի հիման վրա սեփականության իրավունքով պատկանում է Փոխատուին։

1.4. Պայմանագիրը կնքելու պահին անհատույց օգտագործման հանձնված Տարածքը գրավ դրված չէ, արգելանքի տակ չի գտնվում համաձայն Կադաստրի կոմիտեի___________________ տարածքային ստորաբաժանման կողմից ________ տրված թիվ _________ միասնական տեղեկանքի։

2. ԿՈՂՄԵՐԻ ԻՐԱՎՈՒՆՔՆԵՐԸ ԵՎ ՊԱՐՏԱԿԱՆՈՒԹՅՈՒՆՆԵՐԸ

2.1. Փոխատուն իրավունք ունի`

2.1.1. Փոխառուից պահանջել Տարածքն օգտագործել Պայմանագրին և Տարածքի նշանակությանը համապատասխան.

2.1.2. Փոխառուից պահանջել կատարել Տարածքի ընթացիկ և հիմնական վերանորոգումը.

2.1.3. Փոխառուից պահանջել Տարածքում իր կողմից կամ այլ ծրագրերով անբաժանելի բարելավումները կատարել միայն Փոխատուի գրավոր համաձայնությամբ՝ առանց դրանց արժեքի փոխհատուցման.

2.1.4. եթե Փոխառուն Տարածքից օգտվում է Պայմանագրի պայմաններին կամ դրա նշանակությանն անհամապատասխան, պահանջել լուծելու Պայմանագիրը և հատուցելու վնասները:

2.2. Փոխատուն պարտավոր է`

2.2.1. Տարածքը Փոխառուին տրամադրել Պայմանագրի պայմաններին և դրա նշանակությանը համապատասխան.

2.2.2. ոչ ուշ, քան երկու ամիս առաջ, Փոխառուին գրավոր տեղեկացնել Տարածքն ազատելու անհրաժեշտության մասին՝ կապված շենքը ընթացիկ և հիմնական վերանորոգման կանգնեցնելու կամ քաղաքաշինական նկատառումներով այն քանդելու վերաբերյալ սահմանված կարգով ընդունված որոշումների հետ, իսկ Տարածքը վթարային դառնալու դեպքում՝ այդ հանգամանքը պարզվելուց հետո՝ անհապաղ:

2.3. Փոխառուն իրավունք ունի`

2.3.1. Պայմանագրով սահմանված կարգով Փոխատուից պահանջել իրեն հանձնել Տարածքը` դրա բոլոր պատկանելիքներով և փաստաթղթերով.

2.3.2. Տարածքն երրորդ անձի օգտագործմանը հանձնել միայն Հայաստանի Հանրապետության օրենսդրությամբ սահմանված դեպքերում՝ Փոխատուի գրավոր համաձայնությամբ:

2.4. Փոխառուն պարտավոր է`

2.4.1. Տարածքն օգտագործել Պայմանագրի պայմաններին և Տարածքի նշանակությանը համապատասխան.

2.4.2. Պայմանագրից ծագող իրավունքները Հայաստանի Հանրապետության օրենսդրությամբ սահմանված կարգով և ժամկետներում գրանցել պետական լիազորված մարմնում և գրանցումից հետո մեկշաբաթյա ժամկետում փոխատուին տրամադրել իրավունքի գրանցման վկայականի պատճենը: Նոտարական ձևակերպման և պետական գրանցման հետ կապված ծախսերն իրականացնել իր միջոցների հաշվին.

2.4.3. ժամանակին կատարել Տարածքի ընթացիկ և հիմնական վերանորոգումը.

2.4.4. ապահովել Տարածքի ինժեներական ցանցերի, հաղորդակցության ուղիների և սարքավորումների պահպանվածությունը.

2.4.5. առանց Փոխատուի գրավոր համաձայնության Տարածքում չկատարել փակ և բաց լարանցումներ և չանցկացնել հաղորդակցության ուղիներ, չանել վերանախագծումներ և վերասարքավորումներ.

Փոխառուի կողմից Տարածքի նախնական տեսքը խեղաթյուրող ինքնակամ վերակառուցումներ, պատերի, միջնապատերի կամ ծածկերի ամբողջականության խախտում, ցանցերի վերափոխում կամ անցկացում հայտնաբերելու դեպքում դրանք պետք է վերացվեն, իսկ տարածքը բերվի իր նախկին տեսքին` Փոխառուի հաշվին և Փոխատուի որոշած ժամկետում.

2.4.6. Տարածքում պահպանել հրդեհային տեսչության, պետական հիգիենիկ և հակահամաճարակային հսկողության մարմինների պահանջները, ինչպես նաև բոլոր այն կանոնները և նորմերը, որոնք գործում են Փոխառուի գործունեության ձևերի ու Տարածքի նկատմամբ.

2.4.7. Փոխատուի որոշած ժամկետներում ազատել Տարածքը՝ կապված Տարածքի (կամ դրա մի մասի) կառուցվածքների (կոնստրուկցիաների) վթարային վիճակի, Տարածքը ընթացիկ և հիմնական վերանորոգման ենթարկելու կամ քաղաքաշինության նկատառումներով այն քանդելու հետ.

2.4.8. Տարածքը և դրան հարող տարածքը պահպանել պատշաճ սանիտարական վիճակում, ինչպես նաև մշտապես պատշաճ վիճակում պահպանել Տարածքի ճակատային մասերը.

2.4.9. Փոխատուին անմիջապես տեղեկացնել Տարածքի ամեն մի վնասվածքի, վթարի կամ այլ իրադարձության մասին, որը վնաս է հասցրել (կամ սպառնում է հասցնել) Տարածքին, և ժամանակին ձեռնարկել բոլոր հնարավոր միջոցները վտանգի կանխարգելման համար, ինչպես նաև Տարածքը հետագայում քանդելու կամ վնասելու դեմ.

2.4.10. Պայմանագրի ուժի մեջ մտնելու օրվանից 10 (տասը) օրվա ընթացքում այլ կազմակերպությունների հետ կնքել պայմանագրեր` Տարածքը սպասարկելու և էներգետիկ կամ այլ միջոցներով ապահովելու վերաբերյալ.

2.4.11 որպես Տարածքն օգտագործող Հայաստանի Հանրապետության օրենսդրությամբ սահմանված կարգով կատարել հարկային պարտավորությունները.

2.4.12. առանց Փոխատուի գրավոր համաձայնության կանոնադրական կապիտալի մեջ չներդնել անհատույց օգտագործման իրավունք.

2.4.13. անհատույց օգտագործման տրամադրված Տարածքը կամ դրա մասը Փոխառուի կողմից որևէ գույքային իրավունքով չի կարող տրամադրվել այլ անձի (բացառությամբ Հայաստանի Հանրապետության օրենսդրությամբ սահմանված դեպքերի).

2.4.14. ապահովել Փոխատուի և նրա ներկայացուցիչների անարգել մուտքը Տարածք՝ դրա տեղազննման և ստուգման համար.

2.4.15. ոչ ուշ, քան երկու ամիս առաջ, Փոխատուին գրավոր տեղեկացնել Տարածքի սպասվելիք ազատման մասին՝ կապված ինչպես Պայմանագրի ժամկետն ավարտվելու, այնպես էլ դրա վաղաժամկետ դադարեցնելու հետ.

2.4.16. Տարածքն ազատելիս այն սարքին վիճակում հանձնել ակտով` հաշվի առնելով բնականոն մաշվածությունը.

2.4.17. սահմանված ժամկետում կատարել Փոխատուի կարգադրությունները՝ ուղղված իր գործունեության ընթացքում առաջացած այնպիսի իրավիճակների վերացմանը, որոնք վտանգի տակ են դնում Տարածքը, իսկ Տարածքից դուրս՝ բնապահպանական և սանիտարական իրավիճակը.

2.4.18. Տարածքում իր կողմից կամ այլ ծրագրերով անբաժանելի բարելավումները կատարել միայն Փոխատուի գրավոր համաձայնությամբ՝ առանց դրանց արժեքի փոխհատուցման.

2.4.19. իր կողմից կատարված անբաժանելի բարելավումների արժեքը հավաստող համապատասխան փաստաթղթերը ներկայացնել Տարածքի հաշվապահական հաշվառումն իրականացնող պետական կառավարման մարմնին: Տարածքը Փոխատուին վերադարձնել Պայմանագրով որոշված վիճակում` հանձնման-ընդունման ակտով:

3. ՏԱՐԱԾՔԻ ՀԱՆՁՆՈՒՄ – ԸՆԴՈՒՆՈՒՄ

3.1. Տարածքի հանձնում-ընդունումն իրականացվում է ակտով, որում նշվում են Տարածքի հանձնման-ընդունման օրը, ամիսը, տարին, Տարածքի փաստացի վիճակը, Տարածքի պատկանելիքները: Հանձնման-ընդունման ակտը ստորագրում են Փոխատուն և Փոխառուն: Փոխառուն Տարածքը Փոխատուին պետք է վերադարձնի հանձնման–ընդունման ակտով։

3.21 .Փոխատուն Տարածքը Փոխառուին է հանձնում __________________________ :

(Տարածքը հանձնելու օրը)

3.32. Փոխատուի և Փոխառուի միջև ___________________ թ-ին կնքված ոչ բնակելի տարածքի հանձնման-ընդունման ակտի համաձայն` Տարածքը հանձնվել է Փոխառուին: Տարածքը Փոխառուի օգտագործմանը հանձնելու համար իրավական հիմք է հանդիսացել՝

____________________________________________________________________ :

(փաստաթղթի տվյալները, որի հիման վրա Տարածքը հանձնվել է Փոխառուին)

__________________ թ-ին կնքված ոչ բնակելի տարածքի հանձնման-ընդունման ակտը կցվում է Պայմանագրին՝ որպես Պայմանագրի անբաժանելի մասը համարվող թիվ ____ հավելված:

4. ՊԱՅՄԱՆԱԳՐԻ ԿՆՔՄԱՆ ՀԻՄՔԸ

4.1. Համաձայն Հայաստանի Հանրապետության կառավարության 20 __ թվականի _______-ի թիվ որոշման` Տարածքը հանձնվում է անհատույց օգտագործման:

5. ԱՆՀԱՏՈՒՅՑ ՕԳՏԱԳՈՐԾՄԱՆ ՏՐՎԱԾ ՏԱՐԱԾՔԻ ԲԱՐԵԼԱՎՈՒՄՆԵՐԸ

5.1. Անհատույց օգտագործման տրված Տարածքի Փոխառուի կատարած բաժանելի բարելավումները համարվում են նրա սեփականությունը։

5.2. Փոխառուի կողմից Տարածքից անբաժանելի բարելավումները կարող են կատարվել միայն Փոխատուի գրավոր համաձայնությամբ` առանց դրանց արժեքի փոխհատուցման։

5.3. Փոխառուի կողմից կատարված անբաժանելի բարելավումների արժեքը հավաստող համապատասխան փաստաթղթերը մեկամսյա ժամկետում անհրաժեշտ է ներկայացնել տվյալ Տարածքի հաշվապահական հաշվառումն իրականացնող պետական կառավարման մարմին:

6. ՊԱՅՄԱՆԱԳՐԻ ՎԱՂԱԺԱՄԿԵՏ ԼՈՒԾՄԱՆ ՀԻՄՔԵՐԸ

6.1. Փոխատուի պահանջով Պայմանագիրը կարող է վաղաժամկետ լուծվել, եթե Փոխառուն`

6.1.1. Տարածքն օգտագործել է Պայմանագրին կամ Տարածքի նշանակությանը անհամապատասխան.

6.1.2. էականորեն վատթարացրել է Տարածքի վիճակը.

6.1.3. Պայմանագրով սահմանված ժամկետներում չի կատարել Տարածքի ընթացիկ և հիմնական վերանորոգումը.

6.1.4. առանց Փոխատուի գրավոր համաձայնության կանոնադրական (բաժնեհավաք) կապիտալի մեջ ներդրել է անհատույց օգտագործման իրավունք.

6.1.5. վերակազմավորվել է առանց Փոխատուին նախապես գրավոր տեղեկացնելու.

6.1.6. Տարածքը չի օգտագործում կամ հանձնել է մեկ այլ սուբյեկտի օգտագործմանը առանց Փոխատուի համաձայնության, կամ օգտագործում է համատեղ, ինչը պարզվել է կատարված համապատասխան ուսումնասիրությունների արդյունքում:

6.2. Փոխառուի պահանջով Պայմանագիրը կարող է վաղաժամկետ լուծվել, եթե`

6.2.1. Փոխատուն Փոխառուի օգտագործմանը չի տրամադրել Տարածքը կամ խոչընդոտներ է ստեղծել Տարածքը Պայմանագրի պայմաններին կամ դրա նշանակությանը համապատասխան օգտագործելու համար.

6.2.2. Փոխառուի անհատույց օգտագործմանը հանձնված Տարածքն ունի դրա օգտագործմանը խոչընդոտող թերություններ, որոնց մասին Փոխատուն չի նշել Պայմանագիրը կնքելիս, որոնք նախապես հայտնի չեն եղել Փոխառուին, և վերջինս չպետք է հայտնաբերեր Պայմանագիրը կնքելիս.

6.2.3. հանգամանքների բերումով, որոնց համար Փոխառուն պատասխանատու չէ, Տարածքը դարձել է օգտագործման համար ոչ պիտանի:

7. ՀԱՏՈՒԿ ՊԱՅՄԱՆՆԵՐԸ

7.1. Տարածքի նկատմամբ Պայմանագրից ծագող Փոխառուի օգտագործման իրավունքը պետք է պետական գրանցման ներկայացվի ոչ ուշ, քան Պայմանագրի նոտարական վավերացման օրվանից սկսած` 30 աշխատանքային օրվա ընթացքում՝ համաձայն «Գույքի նկատմամբ իրավունքների պետական գրանցման մասին» Հայաստանի Հանրապետության օրենքի 24-րդ հոդվածի 6-րդ մասի։

7.2. Պայմանագրի գործողությունը կարող է դադարել Հայաստանի Հանրապետության կառավարության համապատասխան որոշմամբ, կողմերի համաձայնությամբ, ինչը ձևակերպվում է համաձայնագրով՝ նոտարական վավերացմամբ, ինչպես նաև կողմերից մեկի պահանջով` «Գույքի նկատմամբ իրավունքների պետական գրանցման մասին» օրենքի 35-րդ հոդվածով սահմանված կարգով ցանկացած այլ ժամկետում՝ վեց ամիս առաջ այդ մասին ծանուցելով մյուս կողմին:

7.3. Պայմանագրում կատարվող փոփոխությունները և լրացումները կողմերը քննարկում են մեկամսյա ժամկետում և ձևակերպում լրացուցիչ համաձայնագրերով:

7.4. Տարածքի (շենք, շինությունների) վրա արտաքին գովազդի և տեղեկատվության օբյեկտների տեղադրումն իրականացնում է Փոխառուն կամ նրա հետ համապատասխան Պայմանագիր կնքած անձը՝ առանց Փոխատուի համաձայնության:

7.5. Կողմերի անվանման, գտնվելու վայրի, բանկային վավերապայմանների փոփոխման կամ վերակազմավորման դեպքում նրանք պարտավոր են երկշաբաթյա ժամկետում միմյանց գրավոր տեղեկացնել տեղի ունեցած փոփոխությունների մասին:

8. ՊԱՅՄԱՆԱԳՐԻ ԳՈՐԾՈՂՈՒԹՅԱՆ ԺԱՄԿԵՏԸ

Պայմանագիրը կնքված է

_______________________________________________________________________________։

(ժամկետը, եթե պայմանագիրը կնքվում է որոշակի ժամկետով կամ նշել՝ անորոշ ժամկետով, եթե ժամկետը որոշված չէ)

9. ԱՆՀԱՂԹԱՀԱՐԵԼԻ ՈՒԺԻ ԱԶԴԵՑՈՒԹՅՈՒՆԸ (ՖՈՐՍ-ՄԱԺՈՐ)

Պայմանագրով պարտավորություններն ամբողջությամբ կամ մասնակիորեն չկատարելու համար կողմերն ազատվում են պատասխանատվությունից, եթե դա եղել է անհաղթահարելի ուժի ազդեցության հետևանքով, որը ծագել է Պայմանագիրը կնքելուց հետո, և որը կողմերը չէին կարող կանխատեսել կամ կանխարգելել: Այդպիսի իրավիճակներ են երկրաշարժը, ջրհեղեղը, պատերազմը, ռազմական և արտակարգ դրություն հայտարարելը, քաղաքական հուզումները, գործադուլները, հաղորդակցության միջոցների աշխատանքի դադարեցումը, պետական մարմինների ակտերը և այլն, որոնք անհնարին են դարձնում Պայմանագրով պարտավորությունների կատարումը։ Եթե արտակարգ ուժի ազդեցությունը շարունակվում է 3 (երեք) ամսից ավելի, ապա կողմերից յուրաքանչյուրն իրավունք ունի լուծել Պայմանագիրը` այդ մասին նախապես տեղյակ պահելով մյուս կողմին:

10. ՎԵՃԵՐԻ ԼՈՒԾՄԱՆ ԿԱՐԳԸ

Պայմանագրի կապակցությամբ ծագած վեճերը լուծվում են բանակցությունների միջոցով։ Համաձայնություն ձեռք չբերելու դեպքում վեճերը ենթակա են լուծման դատական կարգով:

11. ԱՅԼ ՊԱՅՄԱՆՆԵՐԸ

11.1. Փոխատուի վերակազմակերպման դեպքում Պայմանագրով Փոխատուի իրավունքները և պարտականություններն անցնում են իրավահաջորդին։

11.2. Փոխառուի վերակազմակերպման դեպքում Փոխառուի իրավունքները և պարտականությունները Պայմանագրով անցնում են նրա իրավահաջորդին:

11.3. Պայմանագրից ծագող, սակայն Պայմանագրով չկարգավորված բոլոր հարցերը կարգավորվում են Հայաստանի Հանրապետության օրենսդրությամբ։

12. ԵԶՐԱՓԱԿԻՉ ԴՐՈՒՅԹՆԵՐԸ

Պայմանագիրը կնքված է _________ լեզվով, ______ օրինակից, որոնք ունեն հավասարազոր իրավաբանական ուժ, սակայն օրինակների միջև հակասության դեպքում նախապատվությունը տրվում է նոտարի մոտ պահպանվող օրինակին: Յուրաքանչյուր կողմին տրվում է մեկական օրինակ:

13. ԿՈՂՄԵՐԻ ԳՏՆՎԵԼՈՒ ՎԱՅՐԸ, ԲԱՆԿԱՅԻՆ ՎԱՎԵՐԱՊԱՅՄԱՆՆԵՐԸ ԵՎ ՍՏՈՐԱԳՐՈՒԹՅՈՒՆՆԵՐԸ

Փոխատու

________________________

(գտնվելու վայրը)

Փոխառու

________________________

(գտնվելու վայրը)

________________________

(բանկային վավերապայմանները)

________________________

(բանկային վավերապայմանները)

________________________

(ստորագրություն)

________________________

(ստորագրություն)

________________________

1 (Սույն կետը հանվում է, եթե պայմանագրի կնքմանը (վավերացմանը) նախորդող օրվա դրությամբ հանձնման–ընդունման ակտով Տարածքն արդեն իսկ հանձնված է Փոխառուին և գտնվում է նրա տիրապետման ներքո: Այդ դեպքում կիրառվում է 3.3. կետը՝ 3.3. կետի համարակալումը դարձնելով 3.2.):

2 (Սույն կետը հանվում է, եթե Տարածքի հանձնում-ընդունումը կատարվում է Պայմանագրի կնքման (վավերացման) օրը կամ դրանից հետո։ Այդ դեպքում կիրառվում է 3.2 կետը):

Ծանոթություն՝ եթե հանձնվում է բնակելի տարածք, ապա «ոչ բնակելի» բառերը հանել։

(հավելվածը լրաց., փոփ. 25.01.24 N 119-Ն, խմբ. 15.08.24 N 1289-Ն)

Հայաստանի Հանրապետության
վարչապետի աշխատակազմի
ղեկավարի տեղակալ
Բ. ԲԱԴԱԼՅԱՆ

25.04.2023

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ

Հավելված N 2

ՀՀ կառավարության 2023 թվականի

ապրիլի 21-ի N 595-Ն որոշման

Պ Ա Յ Մ Ա Ն Ն Ե Ր

ԼՐԱՏՎԱԿԱՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ԻՐԱՎԱԲԱՆԱԿԱՆ ԿԱՄ ՖԻԶԻԿԱԿԱՆ ԱՆՁԱՆՑ ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՊԵՏԱԿԱՆ ԳՈՒՅՔԻ ԱՆՀԱՏՈՒՅՑ ՕԳՏԱԳՈՐԾՄԱՆ ՏՐԱՄԱԴՐՄԱՆ

1. Լրատվական գործունեություն իրականացնող իրավաբանական կամ ֆիզիկական անձանց պետական սեփականություն հանդիսացող պետական գույքը (այսուհետ՝ տարածք) անհատույց օգտագործման իրավունքով տրամադրվում են, եթե ներկայացրած գործարար կամ գույքի բարելավման ներդրումային ծրագիրը բավարարում է N 2 կամ N 4 օրինակելի ձևերով ներկայացված պահանջներին և Հայաստանի Հանրապետության կառավարության ծրագրում կամ Հայաստանի Հանրապետության կառավարության կողմից հաստատված ոլորտային զարգացման ռազմավարական փաստաթղթերում ամրագրված՝ ըստ ոլորտների զարգացման քաղաքականության պահանջներին, ինչպես նաև հետևյալ պայմանների բավարարման դեպքում.

1) հանդես թողարկող՝ զանգվածային լրատվական գործունեություն իրականացնող իրավաբանական կամ ֆիզիկական անձ հանդիսացող լրատվության միջոցը`

ա. վերջին երեք տարիների ընթացքում, Պետական եկամուտների կոմիտեի կողմից տրված տեղեկատվության համաձայն, պետք է ունենա նվազագույնը հաստիքային 6 աշխատակից,

բ. դիմելու պահին, Հայաստանի Հանրապետության արդարադատության նախարարության համակարգում գործող Հայաստանի Հանրապետության լրատվության միջոցների վարչական ռեգիստրի կողմից տրված տեղեկատվության և/կամ համապատասխան հրատարակչության հաշիվ-ապրանքագրի համաձայն, պետք է հրատարակած լինի նախորդ երկու տարիներին և թողարկած լինի տարեկան նվազագույնը վեց համար (յուրաքանչյուր համարը` առնվազն 1,5 մամուլ ծավալով և 500 օրինակ տպաքանակով).

2) լրատվական գործունեություն իրականացնող իրավաբանական կամ ֆիզիկական անձ հանդիսացող ամսաթերթ (պարբերական մամուլ) թողարկողը՝

ա. վերջին երեք տարիների ընթացքում, Պետական եկամուտների կոմիտեի կողմից տրված տեղեկատվության համաձայն, պետք է ունենա նվազագույնը հաստիքային 5 աշխատակից,

բ. դիմելու պահին, Հայաստանի Հանրապետության արդարադատության նախարարության համակարգում գործող Հայաստանի Հանրապետության լրատվության միջոցների վարչական ռեգիստրի կողմից տրված տեղեկատվության և/կամ համապատասխան հրատարակչության հաշիվ-ապրանքագրի համաձայն, պետք է հրատարակած լինի նախորդ երեք տարիներին և թողարկած լինի տարեկան նվազագույնը տասներկու համար (յուրաքանչյուր համարը` առնվազն 1 մամուլ ծավալով և 1000 օրինակ տպաքանակով).

3) լրատվական գործունեություն իրականացնող իրավաբանական կամ ֆիզիկական անձ հանդիսացող շաբաթաթերթ (պարբերական մամուլ) թողարկողը՝

բ. դիմելու պահին, Հայաստանի Հանրապետության արդարադատության նախարարության համակարգում գործող Հայաստանի Հանրապետության լրատվության միջոցների վարչական ռեգիստրի կողմից տրված տեղեկատվության և/կամ համապատասխան հրատարակչության հաշիվ-ապրանքագրի համաձայն, պետք է հրատարակած լինի նախորդ երեք տարիներին և թողարկած լինի տարեկան նվազագույնը քառասունութ համար (յուրաքանչյուր համարը` առնվազն 1500 օրինակ տպաքանակով).

4) լրատվական գործունեություն իրականացնող իրավաբանական կամ ֆիզիկական անձ հանդիսացող օրաթերթ (պարբերական մամուլ) թողարկողը՝

ա. վերջին երեք տարիների ընթացքում, Պետական եկամուտների կոմիտեի կողմից տրված տեղեկատվության համաձայն, պետք է ունենա նվազագույնը հաստիքային 7 աշխատակից,

բ. դիմելու պահին, Հայաստանի Հանրապետության արդարադատության նախարարության համակարգում գործող Հայաստանի Հանրապետության լրատվության միջոցների վարչական ռեգիստրի կողմից տրված տեղեկատվության և/կամ համապատասխան հրատարակչության հաշիվ-ապրանքագրի համաձայն, պետք է հրատարակած լինի նախորդ երեք տարիներին և թողարկած լինի տարեկան նվազագույնը 130 համար (յուրաքանչյուր համարը` առնվազն 1500 օրինակ տպաքանակով).

5) լրատվական գործունեություն իրականացնող իրավաբանական կամ ֆիզիկական անձ հանդիսացող լրատվական գործակալությունը՝

ա. վերջին երեք տարիների ընթացքում, Պետական եկամուտների կոմիտեի կողմից տրված տեղեկատվության համաձայն, պետք է ունենա նվազագույնը հաստիքային 10 աշխատակից,

բ. դիմելու պահից առնվազն երեք տարի առաջ, համաձայն իրավաբանական անձանց պետական գրանցման վկայականի, պետք է գրանցված լինի որպես լրատվական գործակալություն և իր գործունեությունը ծավալի բացառապես իր կանոնադրությամբ ստանձնած լրատվություն իրականացնելու պարտավորություններին համապատասխան.

6) հանրային մուլտիպլեքսում տեսալսողական մեդիածառայություն մատուցող (այսուհետ՝ Հեռարձակող) Հայաստանի Հանրապետության հիմնադրած կազմակերպություն կամ կարգավորող պետական մարմնի հեղինակազորած ֆիզիկական կամ իրավաբանական անձը՝

ա. պետք է ունենա տեսալսողական մեդիա ոլորտի կարգավորող պետական մարմնի կողմից տրված Հեռարձակողի լիցենզիա,

բ. վերջին երեք տարիների ընթացքում, Պետական եկամուտների կոմիտեի կողմից տրված տեղեկատվության համաձայն

սլոթի օգտագործման, մուլտիպլեքս օպերատորի գործունեության լիցենզավորման մրցույթում հաղթող ճանաչված Հեռարձակող կազմակերպությունը պետք է ունենա նվազագույնը 50 հաստիքային աշխատակից,

մարզային (համայնքային) սլոթի օգտագործման, մուլտիպլեքս օպերատորի գործունեության լիցենզավորման մրցույթում հաղթող ճանաչված Հեռարձակող կազմակերպությունը պետք է ունենա նվազագույնը 25 հաստիքային աշխատակից,

մայրաքաղաքային սլոթի օգտագործման, մուլտիպլեքս օպերատորի գործունեության լիցենզավորման մրցույթում հաղթող ճանաչված Հեռարձակող կազմակերպությունը պետք է ունենա նվազագույնը 35 հաստիքային աշխատակից,

7) լսողական ծրագրեր հեռարձակող օպերատորի գործունեություն իրականացնող իրավաբանական անձ հանդիսացող լսողական մեդիածառայություն մատուցող կազմակերպությունը՝

ա. պետք է ունենա լսողական մեդիածառայություն մատուցող՝ ոլորտի կարգավորող պետական մարմնի կողմից տրված Հեռարձակողի լիցենզիա,

բ. վերջին երեք տարիների ընթացքում, Պետական եկամուտների կոմիտեի կողմից տրված տեղեկատվության համաձայն.

համապատասխան մրցույթում հաղթող ճանաչված լսողական մեդիածառայություն հեռարձակող կազմակերպությունը պետք է ունենա նվազագույնը 10 հաստիքային աշխատակից,

մարզային (համայնքային) լսողական մեդիածառայություն մրցույթում հաղթող ճանաչված հեռարձակող կազմակերպությունը պետք է ունենա նվազագույնը 5 հաստիքային աշխատակից,

մայրաքաղաքային մրցույթում հաղթող ճանաչված լսողական մեդիածառայություն հեռարձակող կազմակերպությունն ունենա նվազագույնը 7 հաստիքային աշխատակից.

8) էլեկտրոնային եղանակով լրատվական գործունեություն իրականացնող իրավաբանական կամ ֆիզիկական անձ հանդիսացող լրատվության միջոցը՝

բ. դիմելու պահին, Հայաստանի Հանրապետության արդարադատության նախարարության համակարգում գործող Հայաստանի Հանրապետության լրատվության միջոցների վարչական ռեգիստրի կողմից տրված տեղեկատվության և/կամ համապատասխան հրատարակչության հաշիվ-ապրանքագրի համաձայն, պետք է հրատարակած լինի նախորդ երեք տարիներին և թողարկած լինի տարեկան առնվազն 150 էլեկտրոնային հրապարակում։

(1-ին կետը լրաց., փոփ. 25.01.24 N 119-Ն)

2. Սույն կարգի 1-ին կետով սահմանված պայմանները բավարարող լրատվական գործունեություն իրականացնող իրավաբանական կամ ֆիզիկական անձանց տարածքը (առկայության դեպքում) անհատույց օգտագործման տրամադրվում է, եթե դիմելու պահին և դրան նախորդող 3 տարիների ընթացքում Կադաստրի կոմիտեի կողմից տրված տեղեկանքի համաձայն չեն ունեցել սեփականության իրավունքով պատկանող անշարժ գույք։ Ընդ որում, նշված պայմանները բավարարող յուրաքանչյուր լրատվական միջոցի մեկ աշխատակցին հատկացվում է մինչև 6 քմ մակերեսով տարածք և լրացուցիչ մինչև 20 քմ տարածք` այցելուների, արտահաստիքային աշխատակիցների (թղթակից) համար ելնելով սենյակների փաստացի չափերից:

3. Անհատույց օգտագործման իրավունքով տարածք տրամադրելու մասին պայմանագրի կնքելուց հետո յուրաքանչյուր լրատվական միջոցը համապատասխանաբար պետք է պահպանի սույն կարգի 1-ին կետով սահմանված պահանջները և սեփականություն ձեռք բերելու դեպքում պայմանագիրը լուծելու մասին Կոմիտե ներկայացնի դիմում։

ՕՐԻՆԱԿԵԼԻ ՁԵՎ N 2

ԳՈՐԾԱՐԱՐ ԾՐԱԳԻՐ

ԼՐԱՏՎԱԿԱՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ԻՐԱՎԱԲԱՆԱԿԱՆ ԿԱՄ ՖԻԶԻԿԱԿԱՆ ԱՆՁԱՆՑ ԿՈՂՄԻՑ ՊԵՏԱԿԱՆ ԳՈՒՅՔԻ ԱՆՀԱՏՈՒՅՑ ՕԳՏԱԳՈՐԾՄԱՆ ՏՐԱՄԱԴՐՄԱՆ

1. Ընդհանուր տեղեկություններ պետական սեփականություն հանդիսացող գույքը (այսուհետ՝ տարածք) անհատույց օգտագործող` լրատվական գործունեություն իրականացնող իրավաբանական կամ ֆիզիկական անձանց (այսուհետ՝ լրատվական միջոց) մասին՝

1.1. լրատվական միջոցի լրիվ անվանումը _____________________________________________,

1.2. լրատվական միջոցի ձևը _______________________________________________________,

1.3. լրատվական միջոցի ստեղծման (վերակազմակերպման) ժամկետը ____________________,

1.4. լրատվական միջոցի գրանցման վկայականի համարը _______________________________,

1.5. գրանցման վայրը և տարեթիվը _________________________________________________,

1.6. գործունեության հիմնական ուղղությունները ______________________________________,

1.7. գործունեության իրականացման վայրը (նստավայրը) ______________________________,

1.8. փոստային հասցեն ____________________________________________________________,

1.9. տվյալներ (հեռախոս/ֆաքս, էլեկտրոնային հասցե __________________________________,

վեբ կայքեր _________________________________,

(առկայության դեպքում)

1.10. լրատվական միջոցի գործունեության զարգացման (այդ թվում` նաև գույքի բարելավման, եթե նախատեսվում է) ծրագիրը,

1.11. լրատվական միջոցի ղեկավար` ______________________________, հեռ. _________________,

կազմակերպության հաշվապահական ծառայության ղեկավար ____________, հեռ. ________________:

2. Լրատվական միջոցի գործունեության համար հիմք հանդիսացող իրավական ակտերը և զարգացման ռազմավարական փաստաթղթերը (հաստատված ծրագրեր, ընդունված որոշումներ և այլն, եթե դրանք առկա են)

2.1. ___________________________________________________________________________

(նշել կազմակերպության անվանումը)

իր գործունեության և ներկայացված ծրագրի իրականացման ընթացքում ղեկավարվում է Հայաստանի Հանրապետության սահմանադրությամբ, Հայաստանի Հանրապետության քաղաքացիական օրենսգրքով,

_____________________________________________________________________

(նշել կազմակերպության տվյալ տեսակին վերաբերող օրենքը)

օրենքով, «_____________________________» կազմակերպության կանոնադրությամբ և այլ իրավական ակտերով

_______________________________________________________________________,

(նշել ակտն ընդունող մարմնի անվանումը, ընդունման տարին, ամիսը, ամսաթիվը, համարը և տեսակը)

2.2. ________________________________________________________________________

(նշել կազմակերպության անվանումը)

իր գործունեության և ներկայացված ծրագրի իրականացման համար առաջնորդվում է` ծրագրով________________________________________________________________________,

(նշել ծրագրի անվանումը)

____________________________________________________________________________

(նշել որոշման (փաստաթղթերի) անվանումը, ընդունման տարին, ամիսը, ամսաթիվը, հերթական համարը և տեսակը)

որոշմամբ (փաստաթղթերով),

2.3 _________________________________________________________________________

(նշել լրատվական միջոցի անվանումը)

աշխատողների միջև հարաբերությունները կարգավորվում են Հայաստանի Հանրապետության աշխատանքային օրենսդրությամբ և այդ ոլորտը կանոնակարգող այլ իրավական ակտերով։

3. Ծրագրի իրականացման համար առկա մարդկային ռեսուրսներն են

3.1. _______________________________________________________________________,

(ծրագրի ղեկավար կազմի անուն, ազգանուն, հայրանուն, պաշտոն)

3.2. _______________________________________________________________________,

(ծրագրի իրականացման համար կազմակերպության մշտական և ներգրավված աշխատողների անուն, ազգանուն, հայրանուն, պաշտոն, մասնագիտություն)

3.3. _______________________________________________________________________:

(տեղեկատվություն ծրագրին մասնակցող այլ անձանց մասին)

4. Կազմակերպության կողմից տարածքի օգտագործման ծրագրի նպատակը և խնդիրները

4.1 սույն ծրագրի իրականացման նպատակը հանդիսանում է՝

1) _________________________________________________________________________,

2) _________________________________________________________________________,

(եթե ծրագրի իրականացման նպատակը կապված է Հայաստանի Հանրապետության կառավարության կողմից ընդունված և գործող ոլորտի կամ տարածքի սոցիալտնտեսական զարգացման ծրագրով նախատեսված միջոցառումների հետ, ապա անհրաժեշտ է նշել որոշման անվանումը, ընդունման տարին, ամիսը, ամսաթիվը, հերթական համարը և տեսակը)

4.2. սույն ծրագրի իրականացման ընթացքում լուծման ենթակա խնդիրներ են՝

1) _________________________________________________________________________,

2) _________________________________________________________________________,

3) ___________________________________________________________________ և այլն:

5. Ծրագրի իրականացման համար անհրաժեշտ ֆինանսական միջոցները և դրանց աղբյուրները

5.1. Սույն ծրագրի իրականացման համար առաջիկա _____ տարիների համար լրատվական միջոցի կողմից իրականացվող ծրագրի ֆինանսավորման ընդհանուր մեծությունը կազմում է _______________________________ ՀՀ դրամ, այդ թվում` ըստ ծրագրի իրականացման տարիների,

(նշել չափը)

2.2. սույն ծրագրի ֆինանսավորման աղբյուրներն են.

1) լրատվական միջոցի միջոցները _______________________________________________,

(նշել չափը և տրամադրումը ըստ տարիների)

2) լրատվական միջոցի կողմից փոխառու միջոցները ________________________________,

(նշել չափը և տրամադրումը ըստ տարիների)

3) դրամաշնորհներ ____________________________________________________________,

(նշել չափը և տրամադրումը ըստ տարիների)

4) բարեգործների կողմից տրամադրվող միջոցները ________________________________

____________________________________________________________________________,

(նշել կազմակերպության կամ ֆիզիկական անձի անուն, ազգանուն, հայրանունը և ֆինանսավորման չափը ըստ տարիների)

5) այլ աղբյուրներ ___________________________________________________________:

6. Ծրագրի իրականացման և տարածքի օգտագործման ժամկետները

Սույն ծրագիրը նախատեսվում է իրականացնել __________________ տարիների ընթացքում:

7. Ծրագրի իրականացման համար նախատեսվող միջոցառումները

7.1. սույն ծրագրի շրջանակներում առաջիկա ______ տարիներին ___________________ լրատվական միջոցը նախատեսում է իրականացնել հետևյալ միջոցառումները (այդ թվում` տարածքի բարելավման ուղղությամբ, եթե ծրագրով նախատեսվում է)

___________________________________________________________________________,

(նշել միջոցառումների անվանումը ըստ ծրագրի իրականացման տարիների)

__________________________________________________________________________,

7.2. սույն ծրագրով նախատեսված միջոցառումների իրականացման արդյունքում նախատեսվում է, որ լրատվական միջոցը կապահովի

_________________________________________________________________________,

(նշել ծրագրի չափելի արդյունքները թվային ցուցանիշներով, շահառուների թիվը, մյուս անհրաժեշտ տեղեկությունները)

_________________________________________________________________________,

7.3. ծրագրի իրականացման ընթացքում իրականացվող բաժանելի բարելավումները (ձեռք բերվող գույքը) չեն համարվում տարածքի բարելավմանն ուղղված միջոցներ և համարվում են լրատվական միջոցի սեփականությունը:

8. Ծրագրի իրականացումից ակնկալվող արդյունքը

սույն ծրագրով նախատեսված միջոցառումների արդյունքում ակնկալվում է, որ լրատվական միջոցը ծրագրային ժամանակահատվածում (հնարավորության դեպքում՝ ըստ տարիների) կապահովի ___________________________

_________________________________________________________________________,

(նշել ծրագրի չափի արդյունքները, մասնավորապես` կատարված աշխատանքները և ստեղծված արդյունքները՝ գիտական աշխատանքների սեմինարների հրապարակում, դասընթացների և խորհրդակցությունների անցկացում, բարեգործական և գիտակրթական միջոցառումների շահառուների թիվը, տարածքի բարելավման ուղղությամբ իրականացված աշխատանքների պատկերային վերջնարդյունքները և ծախսերը ու ծրագրի վերջնական արդյունքներին առնչվող այլ տեղեկությունները)

__________________________________________________________________________։

(հավելվածը լրաց., փոփ. 25.01.24 N 119-Ն)

Հայաստանի Հանրապետության
վարչապետի աշխատակազմի
ղեկավարի տեղակալ
Բ. ԲԱԴԱԼՅԱՆ

25.04.2023

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ

Հավելված N 3

ՀՀ կառավարության 2023 թվականի

ապրիլի 21-ի N 595-Ն որոշման

Պ Ա Յ Մ Ա Ն Ն Ե Ր

ՀԱՄԱՅՆՔՆԵՐԻՆ, ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻՆ ԵՎ ՀԻՄՆԱԴՐԱՄՆԵՐԻՆ ՊԵՏԱԿԱՆ ԳՈՒՅՔԻ ԱՆՀԱՏՈՒՅՑ ՕԳՏԱԳՈՐԾՄԱՆ ՏՐԱՄԱԴՐՄԱՆ

1. Համայնքներին, հասարակական կազմակերպություններին և հիմնադրամներին պետական սեփականություն հանդիսացող գույքը (այսուհետ՝ տարածք) անհատույց օգտագործման իրավունքով տրամադրվում են հետևյալ պայմանների բավարարման դեպքում.

1) համայնքի դեպքում, եթե

ա. N 3 օրինակելի ձևին համապատասխան ծրագիրն արժանացել է համայնքի ավագանու հավանությանը,

բ. ծրագիրը նպատակաուղղված է համայնքի պարտադիր խնդիրների լուծմանը միտված սեփական, ինչպես նաև պետության կողմից պատվիրակված լիազորությունների իրականացմանը,

2) հասարակական կազմակերպությունների և հիմնադրամների դեպքում, եթե ներկայացված ծրագիրը համապատասխանում է՝

ա. N 3 օրինակելի ձևին համապատասխան գործարար ծրագրի պահանջներին.

բ. Հայաստանի Հանրապետության կառավարության ծրագրում կամ Հայաստանի Հանրապետության կառավարության կողմից հաստատված ոլորտային զարգացման ռազմավարական փաստաթղթերում ամրագրված՝ ըստ ոլորտների զարգացման քաղաքականության պահանջներին.

գ. տնտեսական կամ սոցիալական համապատասխան ոլորտում պետություն-մասնավոր հատվածի համագործակցության զարգացմանը.

դ. իրենց կանոնադրությամբ սահմանված նպատակին.

ե. ինչպես նաև առկա է ծրագրի իրականացման վերաբերյալ համապատասխան պետական մարմնի դրական կարծիքը։

(1-ին կետը փոփ. 25.01.24 N 119-Ն)

1.1. Համայնքներին, հասարակական կազմակերպություններին և հիմնադրամներին՝ տարածքն անհատույց օգտագործման իրավունքով տրամադրվում է նաև գույքի բարելավման ներդրումային ծրագիր ներկայացնելու դեպքում, եթե տվյալ սուբյեկտների կողմից ներկայացված գույքի բարելավման ներդրումային ծրագիրը բավարարում է սույն որոշման N 4 հավելվածով սահմանված պայմանները։

(1.1-ին կետը լրաց. 25.01.24 N 119-Ն)

2. Տարածքն անհատույց օգտագործման իրավունքով տրամադրվում է համայնքներին, հասարակական կազմակերպություններին և հիմնադրամներին, որոնք համաձայն Կադաստրի կոմիտեի կողմից տրված տեղեկատվության (բացառությամբ՝ համայնքների), գույքի անհատույց օգտագործման իրավունք ստանալու համար դիմելու պահին նախորդող հինգ տարվա ընթացքում չեն ունեցել սեփականության իրավունքով իրենց պատկանող շենք, շինություն, տարածք (բացառությամբ բնակելի տարածքի):

ՕՐԻՆԱԿԵԼԻ ՁԵՎ N 3

ԳՈՐԾԱՐԱՐ ԾՐԱԳԻՐ

ՀԱՄԱՅՆՔՆԵՐԻ, ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ԵՎ ՀԻՄՆԱԴՐԱՄՆԵՐԻ ԿՈՂՄԻՑ ՊԵՏԱԿԱՆ ԳՈՒՅՔԻ ԱՆՀԱՏՈՒՅՑ ՕԳՏԱԳՈՐԾՄԱՆ ՏՐԱՄԱԴՐՄԱՆ

1. Ընդհանուր տեղեկություններ պետական սեփականություն հանդիսացող գույքը (այսուհետ՝ տարածք) անհատույց օգտագործող` համայնքների, հասարակական կազմակերպությունների և հիմնադրամների (այսուհետ՝ կազմակերպություն) մասին

1.1. կազմակերպության լրիվ անվանումը ___________________________________________ ,

1.2. կազմակերպության ձևը ______________________________________________________,

1.3. կազմակերպության ստեղծման (վերակազմակերպման) ժամկետը___________________ ,

1.4. կազմակերպության գրանցման վկայականի համարը ______________________________ ,

1.5. գրանցման վայրը և տարեթիվը ________________________________________________ ,

1.6. գործունեության հիմնական ուղղությունները _____________________________________,

1.7. գործունեության իրականացման վայրը (նստավայրը) ______________________________,

1.8. փոստային հասցեն ___________________________________________________________,

1.9. տվյալներ (հեռախոս/ֆաքս, էլեկտրոնային հասցե _________________________________,

վեբ կայքեր______________________,

(առկայության դեպքում)

1.10. կազմակերպության գործունեության զարգացման (այդ թվում` նաև գույքի բարելավման, եթե նախատեսվում է) ծրագիրը հաստատվել է __________________ կազմակերպության իրավասու մարմնի 20 _____ թ. ___________ -ի N _________ որոշմամբ,

1.11. կազմակերպության ղեկավար`__________________________ , հեռ. ______________________, կազմակերպության հաշվապահական ծառայության ղեկավար ______________________ , հեռ. _______________________________:

2. Կազմակերպության գործունեության համար հիմք հանդիսացող իրավական ակտերը և զարգացման ռազմավարական փաստաթղթերը (հաստատված ծրագրեր, ընդունված որոշումներ և այլն, եթե դրանք առկա են)

2.1. ___________________________________________________________________________

(նշել կազմակերպության անվանումը)

(նշել կազմակերպության տվյալ տեսակին վերաբերող օրենքը)

օրենքով, «___________________________» կազմակերպության կանոնադրությամբ և այլ իրավական ակտերով

_______________________________________________________________________________ ,

(նշել ակտն ընդունող մարմնի անվանումը, ընդունման տարին, ամիսը, ամսաթիվը, համարը և տեսակը)

2.2. _____________________________________________________________________________

(նշել կազմակերպության անվանումը)

իր գործունեության և ներկայացված ծրագրի իրականացման համար առաջնորդվում է` ծրագրով

_________________________________________________________________________________,

(նշել ծրագրի անվանումը)

_______________________________________________________________________________

(նշել որոշման (փաստաթղթերի) անվանումը, ընդունման տարին, ամիսը, ամսաթիվը, հերթական համարը և տեսակը)

որոշմամբ (փաստաթղթերով),

2.3 _______________________________________________________________________________

(նշել կազմակերպության անվանումը)

3. Կազմակերպության գործունեության ոլորտը

_______________________________________________________ գործունեության ոլորտներն են՝

(նշել կազմակերպության անվանումը)

1) ______________________________________________________________________________ ,

2) ______________________________________________________________________________ ,

3) ______________________________________________________________________________ ,

4) __________________________________________________________________________ և այլն:

4. Ծրագրի իրականացման համար առկա մարդկային ռեսուրսներն են

4.1. ______________________________________________________________________________ ,

(ծրագրի ղեկավար կազմի անուն, ազգանուն, հայրանուն, պաշտոն)

4.2.______________________________________________________________________________ ,

4.3.______________________________________________________________________________ :

(տեղեկատվություն ծրագրին մասնակցող այլ անձանց մասին)

5. Կազմակերպության կողմից տարածքի օգտագործման ծրագրի նպատակը և խնդիրները

5.1 սույն ծրագրի իրականացման նպատակը հանդիսանում է՝

1) ______________________________________________________________________________ ,

2) ______________________________________________________________________________ ,

5.2. սույն ծրագրի իրականացման ընթացքում լուծման ենթակա խնդիրներ են՝

1) ______________________________________________________________________________ ,

2) ______________________________________________________________________________ ,

3) _________________________________________________________________________ և այլն:

6. Ծրագրի իրականացման համար անհրաժեշտ ֆինանսական միջոցները և դրանց աղբյուրները

6.1. Սույն ծրագրի իրականացման համար առաջիկա _______________ տարիների համար կազմակերպության կողմից իրականացվող ծրագրի ֆինանսավորման ընդհանուր մեծությունը կազմում է __________________________________ ՀՀ դրամ, այդ թվում` ըստ ծրագրի իրականացման տարիների,

(նշել չափը)

6.2. սույն ծրագրի ֆինանսավորման աղբյուրներն են.

1) կազմակերպության միջոցները __________________________________________________ ,

(նշել չափը և տրամադրումը ըստ տարիների)

2) կազմակերպության կողմից փոխառու միջոցները ___________________________________ ,

(նշել չափը և տրամադրումը ըստ տարիների)

3) դրամաշնորհներ ________________________________________________________________,

(նշել չափը և տրամադրումը ըստ տարիների)

4) բարեգործների կողմից տրամադրվող միջոցները ____________________________________

________________________________________________________________________________ ,

(նշել կազմակերպության կամ ֆիզիկական անձի անուն, ազգանուն, հայրանունը և ֆինանսավորման չափը ըստ տարիների)

5) այլ աղբյուրներ ________________________________________________________________ :

7. Ծրագրի իրականացման և տարածքի օգտագործման ժամկետները

Սույն ծրագիրը նախատեսվում է իրականացնել ____________________ տարիների ընթացքում:

8. Ծրագրի իրականացման համար նախատեսվող միջոցառումները

8.1. սույն ծրագրի շրջանակներում առաջիկա ___________ տարիներին __________ կազմակերպությունը նախատեսում է իրականացնել հետևյալ միջոցառումները (այդ թվում` տարածքի բարելավման ուղղությամբ, եթե ծրագրով նախատեսվում է)

______________________________________________________________________________ ,

(նշել միջոցառումների անվանումը ըստ ծրագրի իրականացման տարիների)

________________________________________________________________ _____________ ,

8.2. սույն ծրագրով նախատեսված միջոցառումների իրականացման արդյունքում նախատեսվում է, որ կազմակերպությունը կապահովի

______________________________________________________________________________ ,

(նշել ծրագրի չափելի արդյունքները թվային ցուցանիշներով, շահառուների թիվը, մյուս անհրաժեշտ տեղեկությունները)

_____________________________________________________________________________,

8.3. ծրագրի իրականացման ընթացքում իրականացվող բաժանելի բարելավումները (ձեռք բերվող գույքը) չեն համարվում տարածքի բարելավմանն ուղղված միջոցներ և համարվում են կազմակերպության սեփականությունը:

9. Ծրագրի իրականացումից ակնկալվող արդյունքը

սույն ծրագրով նախատեսված միջոցառումների արդյունքում ակնկալվում է, որ կազմակերպությունը ծրագրային ժամանակահատվածում (հնարավորության դեպքում՝ ըստ տարիների) կապահովի _________________________________

_______________________________________________________________________________ ,

______________________________________________________________________________ ։

(հավելվածը փոփ., լրաց. 25.01.24 N 119-Ն)

Հայաստանի Հանրապետության
վարչապետի աշխատակազմի
ղեկավարի տեղակալ
Բ. ԲԱԴԱԼՅԱՆ

25.04.2023

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ

Հավելված N 4

ՀՀ կառավարության 2023 թվականի

ապրիլի 21-ի N 595-Ն որոշման

Պ Ա Յ Մ Ա Ն Ն Ե Ր

ԱՅԼ ԿԱԶՄԱԿԵՐՊՈՒԹՅՈՒՆՆԵՐԻՆ ՊԵՏԱԿԱՆ ԳՈՒՅՔԻ ԱՆՀԱՏՈՒՅՑ ՕԳՏԱԳՈՐԾՄԱՆ ՏՐԱՄԱԴՐՄԱՆ

1. Այլ կազմակերպություններին (բացառությամբ՝ 50 տոկոս և ավելի պետական մասնակցությամբ առևտրային կազմակերպությունների, ինչպես նաև ՀՀ կառավարության կողմից հավանության արժանացած սպորտի, կրթության կամ մշակույթի զարգացմանն ուղղված ներդրումային ծրագիր ներկայացրած կազմակերպությունների) (այսուհետ՝ կազմակերպություն), ինչպես նաև համայնքներին, լրատվական գործունեություն իրականացնող իրավաբանական անձանց, հասարակական կազմակերպություններին և հիմնադրամներին պետական սեփականություն հանդիսացող գույքն (այսուհետ՝ գույք) անհատույց օգտագործման իրավունքով տրամադրվում է, եթե տվյալ սուբյեկտների կողմից ներկայացվել է՝

1) N 4 օրինակելի ձևի պահանջները բավարարող գույքի բարելավմանն ուղղված ներդրումային ծրագիր, որը պարունակում է առաջարկվող ներդրումները ներառյալ՝ ըստ արժեքների գույքի բարելավմանն ուղղված շինմոնտաժային աշխատանքների և այլ ծախսերի իրականացումը, ինչպես նաև մեքենասարքավորումների, տեխնիկայի և այլ գույքի ձեռքբերումը։ Ընդ որում, Հայաստանի Հանրապետությունում ներդրումների ներգրավելու նպատակով գույքն (բացառությամբ՝ ապաստարանների, հակաճառագայթային թաքստոցների) անհատույց օգտագործման տրամադրման դեպքում, հնարավոր օգտագործողների կողմից առաջարկվող ներդրումային ծրագրերի ներկայացվող նվազագույն պահանջներն են (բացառությամբ՝ մարզերի սահմանամերձ և բարձր լեռնային բնակավայրերում գտնվող գույքի, որոնց հնարավոր օգտագործողներին առաջարկվող ներդրումային ծրագրերի ներկայացվող ներդրումների արժեքների նկատմամբ կիրառվում են 50 տոկոսի չափով զեղչ)՝

ա. մինչև 25 մլն դրամ գնահատված արժեքով գույքի համար՝ առնվազն գույքի գնահատված արժեքի չափով ներդրում և աշխատատեղի ստեղծում.

բ. 25-50 մլն դրամ գնահատված արժեքով գույքի համար՝ յուրաքանչյուր 1 մլն դրամ գնահատված արժեքի դիմաց 1,25 մլն դրամի ներդրում և աշխատատեղի ստեղծում.

գ. 50-75 մլն դրամ գնահատված արժեքով գույքի համար՝ յուրաքանչյուր 1 մլն դրամ գնահատված արժեքի դիմաց 1,5 մլն դրամի ներդրում և աշխատատեղի ստեղծում.

դ. 75 մլն դրամից ավել գնահատված արժեքով գույքի համար՝ յուրաքանչյուր 1 մլն դրամ գնահատված արժեքի դիմաց 2 մլն դրամի ներդրում և աշխատատեղի ստեղծում.

Ընդ որում «ա», «բ», «գ» և «դ» պարբերություններում նշված ներդրումների ընդհանուր ծավալում գույքի բարելավմանն ուղղված միջոցները պետք է կազմեն ընդհանուրի մեջ առնվազն 80 տոկոս.

2) կազմակերպության կողմից առաջարկվող գույքի բարելավման ներդրումային ծրագիրը բավարարում է կազմակերպության զարգացման ծրագրին (առկայության դեպքում) և համապատասխան ոլորտներում զարգացման ռազմավարական փաստաթղթերի պահանջներին։

(1-ին կետը խմբ. 25.01.24 N 119-Ն, լրաց. 15.08.24 N 1289-Ն)

2. Պայմանագրային պարտավորությունների կատարման հսկողությունն իրականացվում է ծրագրին համապատասխան գույքի բարելավմանն ուղղված ներդրումների նախատեսված ծավալի և ստեղծվող աշխատատեղերի քանակի նկատմամբ։

ՕՐԻՆԱԿԵԼԻ ՁԵՎ N 4

ԾՐԱԳԻՐ

ՊԵՏԱԿԱՆ ԳՈՒՅՔԻ ԱՆՀԱՏՈՒՅՑ ՕԳՏԱԳՈՐԾՄԱՆ ՏՐԱՄԱԴՐՄԱՆ ՆՊԱՏԱԿՈՎ ԱՅԼ ԿԱԶՄԱԿԵՐՊՈՒԹՅՈՒՆՆԵՐԻ ԿՈՂՄԻՑ ՊԵՏԱԿԱՆ ԳՈՒՅՔԻ ԲԱՐԵԼԱՎՄԱՆ ՀԱՄԱՐ ՆԵՐԿԱՅԱՑՎՈՂ

1. Ընդհանուր տեղեկություններ պետական սեփականություն հանդիսացող գույքի (այսուհետ՝ տարածք) բարելավման ծրագիր իրականացնող կազմակերպության մասին

1.1. կազմակերպության լրիվ անվանումը____________________________________________ ,

1.2. կազմակերպության ձևը ______________________________________________________ ,

1.3. կազմակերպության ստեղծման (վերակազմակերպման) ժամկետը ___________________ ,

1.4. կազմակերպության գրանցման վկայականի համարը ______________________________ ,

1.5. գրանցման վայրը և տարեթիվը _________________________________________________,

1.6. գործունեության իրականացման վայրը (նստավայրը) ______________________________,

1.7. փոստային հասցեն __________________________________________________________ ,

1.8. կազմակերպության կանոնադրական կապիտալի չափը (առկայության դեպքում)

_____________________դրամ,

(թվերով և տառերով)

1.9. նույնականացման ծածկագիրը ________, հարկ վճարողի հաշվառման համարը ___________ ,

1.10. տարածքի բարելավման ներդրումային ծրագիրը հաստատվել է _____________ կազմակերպության իրավասու մարմնի _________ որոշմամբ

Գործադիր տնօրեն __________________________, հեռ.____________________________,

Հաշվապահական ծառայության ղեկավար _________________, հեռ. ______________ ,

1.11. այլ տվյալներ (հեռախոս/ֆաքս, էլեկտրոնային հասցե, վեբ կայքեր) __________________։

(առկայության դեպքում)

2. Կազմակերպության գործունեության նպատակները և խնդիրները

2.1. կազմակերպության նպատակներն են՝

1) ______________________________________________________________________________ ,

2) ______________________________________________________________________________ ,

3) _________________________________________________________________________ և այլն,

2.2 կազմակերպության խնդիրներն են՝

1) ______________________________________________________________________________ ,

2) ______________________________________________________________________________ ,

3) _________________________________________________________________________ և այլն։

3. Կազմակերպության կողմից ներկայացվող տարածքի անբաժանելի բարելավման ներդրումային ծրագիրը

3.1. ներդրումային ծրագրի ընդհանուր նկարագիրը ___________________________________

______________________________________________________________________________,

3.2. ծրագրի հիմնական նպատակը և լուծման ենթակա խնդիրները _____________________

______________________________________________________________________________

______________________________________________________________________________ ,

3.3. ներդրումային ծրագիրն իրականացվում է _______________________________________

______________________________________________________________________________

(անմիջականորեն կազմակերպության կողմից)

______________________________________________________________________________ ։

(կամ կապալային կամ այլ պայմանագիր կնքելու միջոցով)

4. Ներդրումային ծրագրի գործողության ոլորտը, ներդրումային բյուջեն և իրականացման ժամանակահատվածը

4.1 սույն ծրագիրն իրականացվում է հետևյալ ոլորտ(ներ)ում

1) ______________________________________________________________________________ ,

(ծառայությունների մատուցում՝ տուրիզմ, հյուրանոցային բիզնես, սննդի կազմակերպում, գրասենյակային տարածքների տրամադրում և այլն)

2) ______________________________________________________________________________ ,

(կամ ուղղակի արտադրական ծրագրի իրականացում)

3) ______________________________________________________________________________

(կամ գիտաարտադրական և մշակութային ծրագրի իրականացում) ։

4.2 սույն ներդրումային ծրագրի բյուջեն կազմում է ____________________________ դրամ,

(թվերով և տառերով)

4.3 սույն ներդրումային ծրագրի իրականացման համար նախատեսված _______________ ժամկետում ներդրողը ըստ տարիների նախատեսում է կատարել հետևյալ գումարի ներդրումները

1) ______________________________________________________________________________ ,

2) ______________________________________________________________________________ ,

3) _________________________________________________________________________ և այլն,

5. Ներդրումային ծրագրի ֆինանսավորման աղբյուրները

1) սեփական միջոցներ ___________________________________________________________ ,

(նշել գումարի մեծությունը)

2) փոխառու միջոցներ ___________________________________________________________ ,

(նշել գումարի մեծությունը)

3) դրամաշնորհներ _____________________________________________________________ ,

(նշել գումարի մեծությունը)

4) բարեգործների կողմից տրամադրվող միջոցները __________________________________ ,

(նշել գումարի մեծությունը)

6. Ներդրումային ծրագրով նախատեսված ֆինանսավորման ուղղությունները և ըստ ժամանակացույցի իրականացվող միջոցառումները

6.1. սույն ծրագրի շրջանակներում նախատեսված ֆինանսավորման ուղղություններն են

1) տարածքի բարելավմանն ուղղված ____________________________________________,

(շինմոնտաժային աշխատանքների իրականացում, նշել գումարը)

2) __________________________________________________________________________ ,

(մեքենասարքավորումների, տեխնիկայի և այլ գույքի ձեռքբերում, նշել գումարը )

3) տարածքի բարելավմանն ուղղված ____________________________________________ ,

(այլ ծախսերի կատարում, նշել գումարը)

Տարածքի բարելավման ակնկալվող ներդրումներին վերաբերվում են միայն տարածքի վրա կատարվող և անբաժանելի բարելավում ապահովող միջոցները, որոնք էլ հիմք են հանդիսանում ներդրումային պարտավորությունների կատարումը հաստատելու համար։

6.2. սույն ծրագրի շրջանակներում կազմակերպությունը ըստ ժամանակացույցի նախատեսում է իրականացնել հետևյալ միջոցառումները

1) __________________________________________________________________________ ,

(նշել միջոցառումը և կատարման ժամկետը)

2)__________________________________________________________________________ ,

(նշել միջոցառումը և կատարման ժամկետը)

3) _______________________________________________________________________և այլն։

(նշել միջոցառումը և կատարման ժամկետը)

7. Ներդրումային ծրագրի իրականացումից ակնկալվող արդյունքները

Սույն ծրագրի իրականացման արդյունքում տարածքի բարելավման քանակական և որակական հստակ չափելի ցուցանիշների սահմանում, տարածքի բարոյական մաշվածության նվազման ուղղությամբ աշխատանքների արդյունքների առանձնացում և ներկայացում և այլ տարածքի բարելավումը բնութագրող ու աշխատատեղերի ստեղծմանն առնչվող տեղեկությունների ներկայացում։

8. Ներդրումային ծրագրի իրականացման հետ կապված ռիսկերը

8.1. սույն ներդրումային ծրագրի իրականացման հետ կապված հնարավոր ռիսկերն են

1) ________________________________________________________________________ ,

2) ________________________________________________________________________ ,

3) ___________________________________________________________________և այլն,

8.2 հնարավոր ռիսկերի մեղմացման նպատակով իրականացվող միջոցառումներն են

1) ________________________________________________________________________ ,

2) ________________________________________________________________________ ,

3) ___________________________________________________________________ և այլն:

(հավելվածը խմբ. 25.01.24 N 119-Ն, լրաց. 15.08.24 N 1289-Ն)

Հայաստանի Հանրապետության
վարչապետի աշխատակազմի
ղեկավարի տեղակալ
Բ. ԲԱԴԱԼՅԱՆ

25.04.2023

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ

Պաշտոնական հրապարակման օրը՝ 25 ապրիլի 2023 թվական: