ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

20 սեպտեմբերի 2023 թվականի

թիվ 21-Ն

Ո Ր Ո Շ ՈՒ Մ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետի և 18-րդ հոդվածի 4-րդ մասի, ինչպես նաև «Նորմատիվ իրավական ակտերի մասին» օրենքի 33-րդ և 34-րդ հոդվածների դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հայաստանի Հանրապետության վիճակագրության պետական խորհրդի 2018 թվականի հոկտեմբերի 19-ի ««Բնակարանային ֆոնդի մասին» Ձև 2-բնակֆոնդ (տարեկան) վիճակագրական հաշվետվության ձևը և լրացման հրահանգը հաստատելու և Հայաստանի Հանրապետության վիճակագրության պետական խորհրդի 2004 թվականի փետրվարի 23-ի թիվ 08-Ն որոշումն ուժը կորցրած ճանաչելու մասին» թիվ 52-Ն որոշման (այսուհետ՝ որոշում) 1-ին և 2-րդ կետերով հաստատված հավելված 1-ը և հավելված 2-ը շարադրել նոր խմբագրությամբ՝ համաձայն հավելված 1-ի և հավելված 2-ի:

2. Որոշման 2-րդ կետից հանել «ձևի» բառը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Նախագահ՝

Ս. Մնացականյան

Հավելված 1 Հայաստանի Հանրապետության վիճակագրության պետական խորհրդի 2023 թվականի սեպտեմբերի 20-ի թիվ 21-Ն որոշման

«Հավելված 1 Հայաստանի Հանրապետության վիճակագրության պետական խորհրդի  2018 թվականի հոկտեմբերի 19-ի թիվ 52-Ն որոշման

Բաժին 1. Բազմաբնակարան շենքեր

միավոր

Ցուցանիշի անվանումը	Տողի ծածկա-գիրը	Ընդա-մենը	այդ թվում ըստ արտաքին պատերի նյութերի`					Տանիքի ձևը
			քարից	երկաթբետոնից			այլ	թեք	հարթ
				ընդա-մենը	այդ թվում`
					պանելային	մոնոլիտ
Ա	Բ	1	2	3	4	5	6	7	8
Շենքերի քանակը, ընդամենը այդ թվում`	100
մեկ հարկանի	100.1
երկու հարկանի	100.2
երեք հարկանի	100.3
չորս հարկանի	100.4
հինգ հարկանի	100.5
վեցից-ութ հարկանի	100.6
ինը և ավելի հարկանի	100.7

Ցուցանիշի անվանումը	Տողի ծածկա-գիրը	Քանակը, միավոր	Ընդհանուր մակերեսը, քառ.մետր
			տարեսկզբին	տարեվերջին
Ա	Բ	1	2	3
Բազմաբնակարան շենքերի բնակարաններ, ընդամենը, այդ թվում ըստ սենյակների քանակի`	200
մեկ սենյականոց	200.1
երկու սենյականոց	200.2
երեք սենյականոց	200.3
չորս սենյականոց	200.4
հինգ սենյականոց	200.5
վեց և ավելի սենյականոց	200.6

Ցուցանիշի անվանումը	Տողի ծածկա-գիրը	Բազմաբնակարան շենքերի քանակը, միավոր
Ա	Բ	1
Հանձնվել են շահագործման ընդամենը, այդ թվում՝	300
մինչև 1950թ.	300.1
1951-1970թթ.	300.2
1971-1980թթ.	300.3
1981-1990թթ.	300.4
1991-2000թթ.	300.5
2001-2010թթ.	300.6
2011թ. հետո	300.7

Ցուցանիշի անվանումը	Տողի ծածկա-գիրը	Ընդամենը հաշվետու տարում, միավոր
Ա	Բ	1
Վերելակով բազմաբնակարան շենքերի քանակը	400
Վերելակով բազմաբնակարան շենքերի մուտքերի քանակը	410
Վերելակների քանակը	420

Ցուցանիշի անվանումը	Տողի ծածկագիրը	Բազմաբնակարան շենքերի քանակը, միավոր
Ա	Բ	1
Բնակարանների քանակ ընդամենը, այդ թվում՝	500
մինչև 5	500.1
6 – 20	500.2
21 – 40	500.3
41 և ավելի	500.4

Բաժին 6. Բազմաբնակարան շենքերի վերանորոգում

Ցուցանիշի անվանումը	Տողի ծածկա-գիրը	Ընդամենը հաշվետու տարում
Ա	Բ	1
Վերանորոգված բազմաբնակարան շենքերի քանակը, միավոր	600
Վերանորոգման ընդհանուր ծախսերը, դրամ, այդ թվում ըստ կոնստրուկցիոն տարրերի՝	610
տանիք	610.1
ջրագծի և կոյուղու ներքին ցանցեր	610.2
ջերմատակարարման ներքին ցանցեր	610.3
վերելակներ	610.4
մուտքեր	610.5
այլ	610.6

Ցուցանիշի անվանումը	Տողի ծածկա-գիրը	Ընդամենը հաշվետու տարում
Ա	Բ	1
Սպասարկվող բնակարանային ֆոնդի հաշվեկշռային արժեքը տարեսկզբին	700
Սպասարկվող բնակարանային ֆոնդի հաշվեկշռային արժեքը տարեվերջին	710
Հասույթ ծառայությունների (արտադրանքի աշխատանքների) իրացումից, ընդամենը (720.1+720.2+720.3), այդ թվում`	720
պետական և համայնքային բյուջեներից հատկացումների հաշվին մատուցված ծառայություններից	720.1
շենքի վերանորոգման և պահպանման նպատակով փաստացի վճարումներ (բնակվարձ)	720.2
այլ եկամուտներ	720.3
Ծախսեր, ընդամենը (730.1+730.2+730.3+730.4+730.5+730.6)	730
նյութական ծախսեր, որից`	730.1
ընթացիկ նորոգման համար	730.1.1
ոչ նյութական ծառայությունների վճարումներ	730.2
գործուղման ծախսեր	730.3
աշխատավարձ և դրան հավասարեցված այլ վճարումներ	730.4
կապիտալ ներդրումներ, հիմնավերանորոգում, սարքավորումների և գույքի ձեռքբերում	730.5
այլ ծախսեր	730.6
Չվճարված բնակվարձից գոյացած պարտքեր ընդամենը, որից`	740
հաշվետու տարում	740.1

Ղեկավար ՝	_________________		_________________
	(Ազգանուն, անուն)		(Ստորագրություն)
Լրացնող (լիազորված անձ)՝	_________________		__________________
	(Ազգանուն, անուն)		(Ստորագրություն)
			« _ _ »______ ____20___թ.»:

Հավելված 2 Հայաստանի Հանրապետության վիճակագրության պետական խորհրդի 2023 թվականի սեպտեմբերի 20-ի թիվ 21-Ն որոշման

«Հավելված 2 Հայաստանի Հանրապետության վիճակագրության պետական խորհրդի  2018 թվականի հոկտեմբերի 19-ի թիվ 52-Ն որոշման

1. Սույն հրահանգը կարգավորում է «Բնակարանային ֆոնդի մասին» Ձև 2-բնակֆոնդ (տարեկան) վիճակագրական հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

2. Հաշվետվությունը լրացնում են ռեսպոնդենտ հանդիսացող շենքերի կառավարման մարմինները (համատիրությունները, լիազորագրային կառավարիչները և հավատարմագրային կառավարիչները), որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Հայաստանի Հանրապետության վիճակագրական կոմիտե` մինչև հաշվետու ժամանակաշրջանին հաջորդող ապրիլի 1-ը:

4. Հաշվետվության դիմային էջի «Փաստացի գործունեության հիմնական տեսակի» ծածկագիրը ռեսպոնդենտները լրացնում են՝ համաձայն Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի թիվ 874-Ն հրամանով հաստատված «Տնտեսական գործունեության տեսակների դասակարգչի» 5-նիշ խմբավորման:

 5. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

6. Բաժին 1-ում լրացվում է բազմաբնակարան շենքերի քանակն ըստ հարկայնության, ըստ արտաքին պատերի նյութերի և տանիքի ձևի: «100» ծածկագրով տողը հավասար է «100.1»-«100.7» ծածկագրով տողերի հանրագումարին:

7. Քարե են համարվում քարի կամ աղյուսի շարվածք կրող պատերով շենքերը:

8. Երկաթբետոնե են համարվում խոշորաբլոկային, պանելային և խոշորապանելային, կարկասային և կարկասապանելային, ծածկերի և հարկերի բարձրացման եղանակով կառուցված շենքերը:

9. Մոնոլիտ են համարվում միաձույլ երկաթբետոնյա կրող պատերով շենքերը:

10. Բաժին 2-ի «200» ծածկագրով տողում լրացվում է բազմաբնակարան շենքերի բնակարանների ընդհանուր քանակը (սյունակ 1) և ընդհանուր մակերեսը տարեսկզբին (սյունակ 2), տարեվերջին (սյունակ 3), իսկ «200.1»-«200.6» ծածկագրով տողերում` դրանց բաշխվածությունն ըստ սենյակների քանակի: Բնակարան է համարվում բնակության համար նախատեսված և իրավունքների պետական գրանցումն իրականացնող լիազորված մարմնում առանձին ծածկագրով գրանցված կամ համարակալված տարածքը (շինություն): Բնակելի սենյակը դա բնակարանի մի մասն է, որը մյուս մասերից անջատված է խուլ պատերով կամ միջնորմներով և նախատեսված է բնակվելու ու հանգստի համար:

11. Ընդհանուր մակերեսը որոշվում է բնակելի և օժանդակ մակերեսների (խոհանոց, միջանցք, բաղնիք, զուգարան, պահարան, խորդանոց, տաքացվող և բնակության համար պիտանի ձեղնահարկ, կիսավերնահարկ և այլն) հանրագումարով:

12. Ընդհանուր մակերեսի մեջ չեն հաշվառվում` աստիճանավանդակների, նախամուտքերի, վերելակի զբաղեցրած մակերեսները, չջեռուցվող ծածկապատ պատշգամբների, ձեղնահարկերի, կիսավերնահարկերի, առանձին կառուցված ամառային խոհանոցների, բաղնիքների, խորդանոցների մակերեսները:

13. Բաժին 3-ում արտացոլվում է բազմաբնակարան շենքերի քանակն ըստ շահագործման հանձնման տարեթվերի: «300» ծածկագրով տողը հավասար է «300.1»-«300.7» ծածկագրով տողերի հանրագումարին:

14. Բաժին 4-ում լրացվում է վերելակ ունեցող բազմաբնակարան շենքերի քանակը անկախ վերելակն աշխատում է, թե ոչ («400» ծածկագրով տող), վերելակով բազմաբնակարան շենքերի մուտքերի քանակը («410» ծածկագրով տող) և վերելակների քանակը («420» ծածկագրով տող):

15. Բաժին 5-ում լրացվում է բազմաբնակարան շենքերի քանակն ըստ նրանցում եղած բնակարանների քանակի:

16. Բաժին 6-ի «600» ծածկագրով տողում լրացվում է վերանորոգված բազմաբնակարան շենքերի քանակը, իսկ «610» ծածկագրով տողում ` վերանորոգման ընդհանուր ծախսերը: «610» ծածկագրով տողը հավասար է «610.1»-«610.6» ծածկագրով տողերի հանրագումարին:

17. Բաժին 7-ի «700» ծածկագրով տողում լրացվում է բազմաբնակարան շենքերը կառավարող մարմինների կողմից սպասարկվող բնակարանային ֆոնդի հաշվեկշռային արժեքը տարեսկզբին, իսկ «710» ծածկագրով տողում` տարեվերջին:

18. «720» ծածկագրով տողում լրացվում են ծառայությունների (արտադրանքի աշխատանքների) իրացումից ընդհանուր հասույթը: «720» ծածկագրով տողը հավասար է «720.1»-«720.3» ծածկագրով տողերի հանրագումարին:

19. «720.1» ծածկագրով տողում լրացվում են պետական և համայնքային բյուջեներից հատկացումների հաշվին մատուցված ծառայությունների ծավալը` դրամական արտահայտությամբ:

20. «720.2» ծածկագրով տողում լրացվում են շենքի վերանորոգման և պահպանման նպատակով փաստացի վճարումները (բնակվարձ):

21. «720.3» ծածկագրով տողում լրացվում են այն եկամուտները, որոնք նախորդ տողերում առանձնացված չեն:

22. «730» ծածկագրով տողում լրացվում են բնակարանային ֆոնդի շահագործման տարեկան ծախսերը: «730» ծածկագրով տողը հավասար է «730.1» և «730.2»-«730.6» ծածկագրով տողերի հանրագումարին:

23. «730.1» ծածկագրով տողում լրացվում է նյութական ծախսերը, որից առանձնացվում են ընթացիկ նորոգման նպատակով կատարված ծախսերը (տող 730.1.1): Նյութական ծախսերում ներառվում են ընթացիկ նորոգման համար ծախսված նյութերի, աշխատողների արտահագուստի արժեքները, տեխնիկայի անվտանգության և աշխատանքի պահպանության ծախսերը, փոքրարժեք և արագամաշ գույքի մաշվածությունը, ընթացիկ նորոգմամբ զբաղված աշխատողների աշխատանքի վարձատրությանն ուղղված միջոցները և այլն:

24. «730.2» ծածկագրով տողում լրացվում են ոչ նյութական ծառայությունների վճարումները (գրասենյակային, կապի, տնատիրության պահպանության ծախսերը` շենքերի տանիքների մաքրման, ձյան, աղբի տեղափոխման, մուտքերի, բակերի մաքրման, էլեկտրական լուսավորման և այլն):

25. «730.3» ծածկագրով տողում լրացվում են գործուղման հետ կապված ծախսերը:

26. «730.4» ծածկագրով տողում լրացվում են հաշվետու ժամանակահատվածում բնակարանային ֆոնդի ծառայությամբ զբաղվող աշխատողների (ներառյալ` համատեղությամբ) կողմից փաստացի կատարված աշխատանքների դիմաց վճարվող հիմնական աշխատավարձը, լրացուցիչ աշխատավարձը՝ հիմնական աշխատավարձի նկատմամբ հաշվարկվող հավելումները, հավելավճարները, լրավճարները և պարգևատրումները, ամենամյա (նվազագույն, երկարացված, լրացուցիչ) արձակուրդի գումարները, չօգտագործված արձակուրդի համար վճարվող հատուցումը (փոխհատուցումը), ինչպես նաև աշխատավարձին հավասարեցված այլ վճարումները:

27. «730.5» ծածկագրով տողում լրացվում են կապիտալ ներդրումների, հիմնավերանորոգման, սարքավորումների և գույքի ձեռքբերման ծախսերը, շենքերի, շինությունների, մեքենաների, սարքավորումների ամորտիզացիոն հատկացումները:

28. «730.6» ծածկագրով տողում լրացվում են այլ ծախսերը, որոնք նախորդ տողերում չեն ներառվել:

29. «740» ծածկագրով տողում լրացվում է չվճարված բնակվարձից գոյացած պարտքերի ընդհանուր գումարը, որից «740.1» ծածկագրով տողում՝ հաշվետու տարում:»:

Պաշտոնական հրապարակման օրը՝ 28 սեպտեմբերի 2023 թվական: