«Վավերացնում եմ»
Հայաստանի Հանրապետության
Նախագահ Ռ. Քոչարյան
4 դեկտեմբերի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 սեպտեմբերի 2006 թվականի N 1672-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅԱՆԸ ԳՈՒՅՔԻ ՓՈԽԱՆԱԿՈՒԹՅԱՆ ՊԱՅՄԱՆԱԳԻՐ ԿՆՔԵԼՈՒ ԼԻԱԶՈՐՈՒԹՅՈՒՆ ՎԵՐԱՊԱՀԵԼՈՒ ՄԱՍԻՆ

Ղեկավարվելով Հայաստանի Հանրապետության քաղաքացիական օրենսգրքի 129-րդ հոդվածի 1-ին մասով և 589-րդ հոդվածով, «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածով` Հայաստանի Հանրապետության կառավարությունը որոշում է.

1. Լիազորել Հայաստանի Հանրապետության կառավարությանն առընթեր պետական գույքի կառավարման վարչությանը «Եվրոպական կրթական տարածաշրջանային ակադեմիա» հիմնադրամի հետ կնքելու «Եվրոպական կրթական տարածաշրջանային ակադեմիա» հիմնադրամին պատկանող` Հայաստանի Հանրապետության Արմավիր մարզի Արմավիր քաղաքի Աբովյան փողոցի N 141 հասցեում գտնվող նախկին ծննդատան մասնաշենքի` 600 քառ. մետր մակերեսով տարածքը և դրա օգտագործման ու սպասարկման համար անհրաժեշտ հողատարածքը համարժեք գույքով փոխանակելու պայմանագիր:

2. Հայաստանի Հանրապետության կառավարությանն առընթեր պետական գույքի կառավարման վարչության պետին`

ա) ձեռնարկել համապատասխան միջոցներ «Եվրոպական կրթական տարածաշրջանային ակադեմիա» հիմնադրամին սույն որոշման 1-ին կետում նշված գույքին համարժեք գույք առաջարկելու համար.

բ) եռամսյա ժամկետում ապահովել սույն որոշման 1-ին կետում նշված պայմանագրի կնքումը և պայմանագրից բխող հանձնման-ընդունման աշխատանքների կատարումը` փոխանակված գույքն ամրացնելով Հայաստանի Հանրապետության տարածքային կառավարման նախարարության Հայաստանի փրկարար ծառայության աշխատակազմին` Արմավիրի մարզային փրկարարական վարչության Արմավիրի հրշեջ-փրկարարական ջոկատը և այլ ստորաբաժանումներ տեղակայելու նպատակով:

Հայաստանի Հանրապետության վարչապետ	Ա. Մարգարյան
2006 թ. նոյեմբերի 30 Երևան