«Գրանցված է»

ՀՀ արդարադատության

նախարարության կողմից

18 հունիսի 2015 թ.

Պետական գրանցման թիվ 10315238

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՏՆՏԵՍԱԿԱՆ ԶԱՐԳԱՑՄԱՆ ԲՆԱԳԱՎԱՌՈՒՄ ՄԱՐԶՊԵՏԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԼԻԱՐԺԵՔՈՒԹՅԱՆ ԳՆԱՀԱՏՄԱՆ ՄԵԹՈԴԱԿԱՆ ՈՒՂԵՑՈՒՅՑԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2009 թվականի մայիսի 21-ի N 562-Ն որոշմամբ հաստատված հավելված 1-ի 7-րդ կետը.

Հրամայում եմ`

1. Հաստատել «Տնտեսական զարգացման բնագավառում մարզպետի կողմից կատարված աշխատանքների լիարժեքության գնահատման» մեթոդական ուղեցույցը` համաձայն հավելվածի:

2. Սույն հրամանի կատարման հսկողությունը վերապահել նախարարի տեղակալ Գ. Բադալյանին:

3. Սույն հրամանն ուժի մեջ է մտնում պաշտոնական հրապարակմանը հաջորդող տասներորդ օրը:

Կ. Ճշմարիտյան

Հավելված ՀՀ էկոնոմիկայի նախարարի  11 մայիսի 2015 թ. N 612-Ն հրամանի

Մ Ե Թ Ո Դ Ա Կ Ա Ն  ՈՒ Ղ Ե Ց ՈՒ Յ Ց

ՏՆՏԵՍԱԿԱՆ ԶԱՐԳԱՑՄԱՆ ԲՆԱԳԱՎԱՌՈՒՄ ՄԱՐԶՊԵՏԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԼԻԱՐԺԵՔՈՒԹՅԱՆ ԳՆԱՀԱՏՄԱՆ

1. Սույն մեթոդական ուղեցույցը մշակվել է Հայաստանի Հանրապետության կառավարության 2009 թվականի մայիսի 21-ի «Հայաստանի Հանրապետության մարզպետների կողմից կատարված աշխատանքների գնահատման կարգը, Հայաստանի Հանրապետության մարզպետների կողմից կատարված աշխատանքների գնահատման չափորոշիչները, ինչպես նաև դրանց հիման վրա ձևավորվող գնահատականների միավորները հաստատելու մասին» N 562-Ն որոշման (այսուհետ` Որոշում) 2-րդ կետի համաձայն:

2. Մեթոդական ուղեցույցով սահմանվում են «Տնտեսական զարգացման բնագավառում մարզպետների կատարած գործունեության լիարժեքություն» չափորոշչի (այսուհետ` Չափորոշիչ) գնահատման հիմնական ենթաչափորոշիչներն ու գնահատման միավորները: Յուրաքանչյուր ենթաչափորոշչի առավելագույն գնահատականը սահմանվում է համաձայն աղյուսակ 1-ի:

3. Չափորոշչի առավելագույն գնահատականը 10 միավոր է, որն առանձին ենթաչափորոշիչների գնահատականների հանրագումար է:

4. ՀՀ էկոնոմիկայի նախարարությունը, Որոշման հավելված N 1-ի 11-րդ կետի համաձայն, ՀՀ տարածքային կառավարման և արտակարգ իրավիճակների նախարարության կողմից տրամադրված հաշվետվությունը ստանալուց հետո 4-օրյա ժամկետում ուսումնասիրում է այն և դրա վերաբերյալ իր եզրակացությունը քննարկում է մարզպետի հետ:

5. ՀՀ էկոնոմիկայի նախարարությունը, ՀՀ տարածքային կառավարման և արտակարգ իրավիճակների նախարարության կողմից տրամադրված հաշվետվությունը ստանալուց հետո, 7-օրյա ժամկետում վերջնական եզրակացություն է ներկայացնում ՀՀ տարածքային կառավարման և արտակարգ իրավիճակների նախարարություն:

Աղյուսակ 1

	Ենթաչափորոշիչները	Կատարված աշխատանքի նկարագրու-թյուն	Կողմ-նորոշիչ միավոր-ները	Գնահա-տական
1.	Հայաստանի Հանրապետության օրենքների, Հայաստանի Հանրապետության Նախագահի հրամանագրերի, կարգադրությունների, ՀՀ կառավարության և ՀՀ վարչապետի որոշումների և այլ նորմատիվ իրավական ակտերի կատարման ապահովում, ինչպես նաև ՀՀ օրենսդրության կատարելագործման վերաբերյալ առաջարկություններ ներկայացնելը		2
1.1	«Արդյունաբերական քաղաքականության մասին» ՀՀ օրենքի դրույթների կատարման ապահովում, մասնավորապես` - Արդյունաբերության զարգացման ոլորտում պետական քաղաքականության ներդրում, տեղայնացում ու իրականացում համապատասխան վարչական տարածքում: - Մարզերում արդյունաբերության զարգացման կանխատեսումների իրականացում: - Արդյունաբերության զարգացման տարածքային ծրագրերի մշակում և Հայաստանի Հանրապետության կառավարությանը ներկայացում: - Արդյունաբերական քաղաքականության օբյեկտների շահերը ներկայացնող և համապատասխան վարչական տարածքում գործունեություն իրականացնող պետական ոչ առևտրային կազմակերպությունների ու դրանց ենթակառուցվածքների հետ համագործակցություն: - Արդյունաբերական քաղաքականության օբյեկտների միջև միջմարզային համագործակցության աջակցության ապահովում:		1.5
1.2	Մարզի տնտեսական զարգացմանը նպաստող իրավական դաշտի կատարելագործման նպատակով առաջարկների ներկայացում ՀՀ կառավարություն կամ պետական կառավարման այլ մարմիններ:		0.5
2.	Հանրապետական գործադիր մարմինների հետ համագործակցության ապահովում և դրանց քննարկմանը վերջիններիս իրավասությանը վերաբերող՝ մարզին առնչվող հարցեր ներկայացնելը		2
2.1	Մարզի տնտեսական զարգացման բնագավառում հանրապետական գործադիր մարմինների հետ արդյունաբերության, ՓՄՁ զարգացման, զբոսաշրջության, տեղեկատվական և բարձր տեխնոլոգիաների ոլորոտներում համագործակցության ապահովում:		1.5
2.2	Հանրապետական գործադիր մարմինների կողմից մարզպետարանի աշխատակազմի կառուցվածքային ստորաբաժանումների և դրանց ղեկավարների աշխատանքի վերաբերյալ առաջարկությունների պարտադիր քննարկում և սահմանված ժամկետում այդ մարմիններին ձեռնարկված միջոցների մասին տեղեկացում:		0.5
3.	Նոր աշխատատեղերի ստեղծման ուղղությամբ գործառույթների իրականացում		2
3.1	Մարզի տնտեսության զարգացմանը նպաստող ներդրումային հնարավորությունների բացահայտում, ներդրումային ծրագրերի մշակում և ներկայացում պոտենցիալ ներդրողներին, մասնավորապես` գործարար համաժողովների, ցուցահանդեսների կազմակերպման և արտերկրում մասնակցության, այլ երկրների տարածքային կառավարման մարմինների հետ տնտեսական համագործակցության իրականացման միջոցով և այլն:		1.5
3.2	Մարզում նոր աշխատատեղերի ստեղծմանը և գործող կազմակերպություններում աշխատատեղերի ընդլայնմանն ուղղված ծրագրերի խրախուսում:		0.5
4.	Մարզում տնտեսական հնարավորությունների բացահայտման և իրազեկման ուղղությամբ գործառույթների իրականացում		1
4.1	Տարեկան կտրվածքով մարզի տնտեսական ներուժի, մասնավորապես` բնառեսուրսային, աշխատանքային ռեսուրսներով, գյուղատնտեսական նշանակության հողերով, արտադրական ենթակառուցվածքներով ապահովվածության գնահատում:		0.8
4.2	Մարզում առկա տնտեսական հնարավորությունների իրազեկման ուղղությամբ գործառույթների իրականացում:		0.2
5.	Մարզում փոքր և միջին ձեռնարկատիրության զարգացմանն աջակցում		2
5.1	Մարզում փոքր և միջին ձեռնարկատիրության պետական աջակցության տարեկան ծրագրերի իրականացմանն ուղղված միջոցառումների օժանդակում:		1
5.2	Մարզում գործարարության աջակցության հարցերով զբաղվող կառույցների գործունեության օժանդակում և համատեղ միջոցառումների իրականացում:		0.5
5.3	Ձեռնարկատիրական գործունեությանն առնչվող իրավական ակտերի և դրանցում տեղի ունեցող փոփոխությունների վերաբերյալ մարզի գործարարների շրջանակներում տեղեկատվության տարածման համակարգային միջոցառումների իրականացում, ինչպես նաև իրավական ակտերի նոր նախաձեռնությունների քննարկման նպատակով մարզի գործարարների և վերջիններիս շահերը ներկայացնող այլ կառույցների ներկայացուցիչների հետ հանդիպումների կազմակերպում:		0.5
6.	Միջազգային կառույցների և կազմակերպությունների հետ համագործակցության ապահովում		1
6.1	Մարզի տնտեսական զարգացման նպատակով միջազգային կառույցների և կազմակերպությունների հետ արդյունաբերության, ՓՄՁ, զբոսաշրջության, տեղեկատվական և բարձր տեխնոլոգիաների ոլորտներում ծրագրերի իրականացման աջակցություն:		0.5
6.2	Մարզի տնտեսական զարգացման նպատակով միջազգային կառույցներին և կազմակերպություններին համագործակցության առաջարկությունների և ծրագրային նախաձեռնությունների իրականացում:		0.5
Ընդամենը			10