ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 փետրվարի 2012 թվականի N 178-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՆՈՅԵՄԲԵՐԻ 3-Ի N 1572-Ա ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով Հայաստանի Հանրապետության Ազգային ժողովի 2011 թվականի ապրիլի 15-ի ԱԺՈ-269-Ն որոշմամբ վավերացված` «Գյուղական կարողությունների ստեղծում» ծրագրի (այսուհետ` ծրագիր) ֆինանսավորման համաձայնագրի Գ բաժնով և N 1 հավելվածի 7-րդ կետի 7.1-ին ենթակետով սահմանված դրույթները, ինչպես նաև ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2011 թվականի նոյեմբերի 3-ի «Հայկական միրգ» բաց բաժնետիրական ընկերություն ստեղծելու մասին» N 1572-Ա որոշման մեջ կատարել հետևյալ փոփոխությունները`

1) որոշման 4-րդ կետի 1-ին ենթակետում «15-օրյա» բառը փոխարինել «մինչև 2012 թվականի մարտի 15-ը» բառերով.

2) որոշման 4-րդ կետի 3-րդ ենթակետում «այգեգործությամբ զբաղվող մասնավոր ոլորտի երկու կազմակերպությունից» բառերը փոխարինել «այգեգործությամբ զբաղվող մասնավոր ոլորտի չորս կազմակերպությունից» բառերով.

3) որոշման 4-րդ կետի 6-րդ ենթակետում «15-օրյա» բառը փոխարինել «մինչև 2012 թվականի մարտի 15-ը» բառերով.

4) որոշման 4-րդ կետի 6-րդ ենթակետը լրացնել «, հողատարածքի և շենք-շինությունների չափագրման, գրանցման, շուկայական գնահատման և տեղեկատվության տրամադրման ծախսերն իրականացնելով «Հայկական միրգ» բաց բաժնետիրական ընկերության միջոցների հաշվին:»:

Հայաստանի Հանրապետության վարչապետ	Տ. Սարգսյան
2012 թ. փետրվարի 27 Երևան