«Գրանցված է»
ՀՀ արդարադատության
նախարարության կողմից
17 դեկտեմբերի 2002 թ.
Պետական գրանցման թիվ 60302363

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ՀԱՇՎԵՏՎՈՒԹՅՈՒՆ ԱՐՏԱԴՐԱԿԱՆ ԿԱՌՈՒՅՑՆԵՐԻ ԵՎ ՇԻՆՈՒԹՅՈՒՆՆԵՐԻ ԱՌԿԱՅՈՒԹՅԱՆ ՄԱՍԻՆ» ՁԵՎ ԹԻՎ 49-ԳՏ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Հաշվետվություն արտադրական կառույցների և շինությունների առկայության մասին» Ձև թիվ 49-ԳՏ (տարեկան) պետական վիճակագրական հաշվետվության ձևը և լրացման հրահանգը համաձայն թիվ 1 հավելվածի:

Հ Ր Ա Հ Ա Ն Գ

«ՀԱՇՎԵՏՎՈՒԹՅՈՒՆ ԱՐՏԱԴՐԱԿԱՆ ԿԱՌՈՒՅՑՆԵՐԻ ԵՎ ՇԻՆՈՒԹՅՈՒՆՆԵՐԻ ԱՌԿԱՅՈՒԹՅԱՆ ՄԱՍԻՆ» ՁԵՎ ԹԻՎ 49-ԳՏ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Հաշվետվություն արտադրական կառույցների և շինությունների առկայության մասին» ձև թիվ 49-գտ (տարեկան) պետական վիճակագրական հաշվետվության լրացման կարգը:

2. Հաշվետվությունը լրացվում է իրավաբանական անձանց, հիմնարկների և անհատ ձեռնարկատերերի կողմից, որոնք այդ մասին նախապես տեղեկացվում են և վիճակագրական մարմիններին է ներկայացվում հաշվետվության ձևի վրա նշված ժամկետներին և պարբերականությամբ:

(2-րդ կետը փոփ. 30.01.09 թիվ 03-Ն)

3. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ԼՐԱՑՄԱՆ ԿԱՐԳԸ

4. «Հաշվետվություն արտադրական կառույցների և շինությունների առկայության մասին» ձև թիվ 49-գտ հաշվետվությունում գյուղատնտեսական մթերքների, հանքային պարարտանյութերի և թունաքիմիկատների պահեստարանների, անասնապահական շենքերի, շինությունների և կառույցների վերաբերյալ տվյալները լրացվում են յուրաքանչյուր տարվա հունվարի 1-ի դրությամբ:

5. Հաշվետվությունում լրացվում են ինչպես ամբողջությամբ, այդպես էլ մասամբ շահագործման հանձնված բոլոր արտադրական կառույցների ու շինությունների տվյալները: Ընդ որում, մասամբ շահագործման հանձնած կառույցների տվյալները լրացվում են շահագործման հանձնված մասով:

6. Գյուղատնտեսական և արդյունաբերական արտադրանքի պահպանման համար նախատեսված կառույցների և շինությունների տարողությունը հաշվարկվում է արտադրական տարածքների ամբողջական օգտագործման մակերեսը բազմապատկելով մեկ քառակուսի մետր արտադրանքի միջին քաշով:

7. Թիվ 01-04 տողերի համար «Կառույցների թիվը, միավորը», «ընդամենը» թիվ 1 սյունակում լրացվում է ընդամենը կառույցների և շինությունների թիվը անկախ նրանց ձևից, իսկ «այդ թվում` կապիտալ» թիվ 2 սյունակում լրացվում են միայն կապիտալ շինությունների թիվը:

8. կապիտալ շինությունների թվին են պատկանում տիպային կամ անհատական նախագծերով, ինչպես նաև այլ կապիտալ շինություններից ձևափոխված (պահպանելով տեխնոլոգիական նորմաները) կառույցները կամ շինությունները:

9. Թիվ 01-04 տողերի թիվ 3 և 4 սյունակներում, ինչպես նաև թիվ 05-10 տողերի թիվ 1 և թիվ 2 սյունակներում լրացվում են համապատասխան կառույցի տարողությունը, որը հաշվարկվում է վերը նշված կարգով:

10. Անասնապահական շենքերի տարողությունը, անասնատեղերը (թռչնատեղերը) որոշվում են անասնաշենքերի տեխնոլոգիական նախագծերի նորմաներին համապատասխան: Կապիտալ շինություններում այն համապատասխանում է ըստ նախագծի շահագործման հանձնված կառույցի կամ շինության նախագծահաշվարկային փաստաթղթերին:

11. Թիվ 11 տողի «Շենքեր խոշոր եղջերավոր անասուններ պահելու համար, ընդամենը», «անասնապահական շենքերի տարողությունը, անասնա(թռչնա)տեղերը ընդամենը» թիվ 1 սյունակում լրացվում է խոշոր եղջերավոր անասուններ պահելու համար բոլոր շենքերի տարողությունը (կովանոցներ, հորթանոցներ և այլն), իսկ «այդ թվում` կապիտալ» թիվ 2 սյունակում միայն կապիտալ շինությունների տարողությունը:

12. «Դրանցից` կովանոցներ» թիվ 12 տողով լրացվում են բոլոր կովանոցների տվյալները, ներառյալ` մսային ուղղություն ունեցող կովերի համար նախատեսված կովանոցները:

13. Թիվ 13 և 14 տողերը լրացվում են թիվ 11 տողի սկզբունքներին համապատասխան:

14. «Թռչնանոցներ (ներառյալ թռչնաֆաբրիկաները), հազար թռչնատեղ» թիվ 15 տողով լրացվում են բոլոր տեսակի թռչունների համար նախատեսված շենքերի թռչնատեղերի քանակը:

15. Թիվ 11-15 տողերի թիվ 3 սյունակում լրացվում են համապատասխան կապիտալ կառույցների բալանսային արժեքը:

Հաշվետվությունում ներառված տեղեկությունների գաղտնիությունը երաշխավորվում է դրանք ստացող վիճակագրական մարմնի կողմից: Իրավաբանական անձանց, հիմնարկների պաշտոնատար անձանց կողմից պետական վիճակագրական դիտարկումների համար անհրաժեշտ վիճակագրական հաշվետվությունները և տեղեկատվությունը սահմանված ժամկետներում և ամբողջ ծավալով չներկայացնելը, դրանք ոչ սահմանված ձևով, աղավաղումներով և անստորագիր ներկայացնելն առաջացնում են պատասխանատվություն՝ ՀՀ օրենսդրությամբ սահմանված կարգով:

ՀԱՇՎԵՏՎՈՒԹՅՈՒՆ ԱՐՏԱԴՐԱԿԱՆ ԿԱՌՈՒՅՑՆԵՐԻ ԵՎ ՇԻՆՈՒԹՅՈՒՆՆԵՐԻ ԱՌԿԱՅՈՒԹՅԱՆ ՄԱՍԻՆ

Առ 1-ը հունվարի 200__թ.

(հավելվածը փոփ. 30.01.09 թիվ 03-Ն)