ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

27 դեկտեմբերի 2023 թվականի

թիվ 182

քաղ. Մոսկվա

ՄԻՆՉԵՎ ԱՊՐԱՆՔՆԵՐԻ ՀԱՅՏԱՐԱՐԱԳԻՐ ՆԵՐԿԱՅԱՑՆԵԼԸ՝ ԱՊՐԱՆՔՆԵՐԻ ԲԱՑԹՈՂՄԱՆ ՄԱՍԻՆ ԴԻՄՈՒՄԻ ԼՐԱՑՄԱՆ ԿԱՐԳԻ 36-ՐԴ ԿԵՏՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Եվրասիական տնտեսական միության մաքսային օրենսգրքի 120-րդ հոդվածի 3-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Եվրասիական տնտեսական հանձնաժողովի կոլեգիայի 2017 թվականի դեկտեմբերի 13-ի թիվ 171 որոշմամբ հաստատված՝ մինչև ապրանքների հայտարարագիր ներկայացնելը՝ ապրանքների բացթողման մասին դիմումի լրացման կարգի 36-րդ կետում կատարել փոփոխություններ՝ հավելվածի համաձայն։

2. Սույն որոշումն ուժի մեջ է մտնում 2024 թվականի ապրիլի 1-ից:

Եվրասիական տնտեսական հանձնաժողովի կոլեգիայի նախագահ՝

Մ. Մյասնիկովիչ

ՀԱՎԵԼՎԱԾ Եվրասիական տնտեսական հանձնաժողովի կոլեգիայի 2023 թվականի դեկտեմբերի 27-ի թիվ 182 որոշման

ՓՈՓՈԽՈՒԹՅՈՒՆՆԵՐ

մինչև ապրանքերի հայտարարագիր ներկայացնելը՝ ապրանքների բացթողման մասին դիմումի լրացման կարգի 36-րդ կետում կատարվող

1. Տասնչորսերորդ պարբերությունից հետո լրացնել հետևյալ բովանդակությամբ պարբերություններ՝

«Ռուսաստանի Դաշնությունում տվյալ սյունակում լրացուցիչ կարող են նշվել (ցանկության դեպքում) հետևյալ տեղեկությունները՝

«Եվրասիական տնտեսական միությունում նույնականացման միջոցներով ապրանքների դրոշմավորման մասին» 2018 թվականի փետրվարի 2-ի համաձայնագիրն ուժի մեջ մտնելու օրվա դրությամբ կամ այն ուժի մեջ մտնելուց հետո՝ հաշվի առնելով նշված համաձայնագրի 7-րդ հոդվածը՝ Ռուսաստանի Դաշնության օրենսդրությանը համապատասխան՝ Ռուսաստանի Դաշնության տարածքում նույնականացման միջոցներով դրոշմավորման ենթակա և «բացթողում՝ ներքին սպառման համար» մաքսային ընթացակարգով ձևակերպվող ապրանքների առնչությամբ՝

նույնականացման միջոցներում պարունակվող՝ ապրանքի յուրաքանչյուր միավորի կամ սպառողական փաթեթվածքի վրա (այդ թվում՝ այն ապրանքի սպառողական փաթեթվածքի վրա, որը մանրածախ առևտրի հավաքածու է և դասակարգվում է մեկ ծածկագրով՝ ԵԱՏՄ ԱՏԳ ԱԱ-ին համապատասխան) (իսկ դրա բացակայության դեպքում՝ առաջնային փաթեթվածքի վրա), կամ ապրանքի, առաջնային կամ սպառողական փաթեթվածքի վրա տեղադրված նյութական կրիչի վրա զետեղված նույնականացման ծածկագրերի (այսուհետ՝ ապրանքների նույնականացման ծածկագրեր) ընդհանուր քանակը։ Սպառողական փաթեթվածքով միավորված և ԵԱՏՄ ԱՏԳ ԱԱ-ին համապատասխան՝ տարբեր ծածկագրերով դասակարգվող ապրանքների դեպքում հայտագրվող ապրանքի մասով նույնականացման ծածկագրերի ընդհանուր քանակի մեջ հաշվի են առնվում միայն տվյալ ապրանքի նկատմամբ գեներացված նույնականացման ծածկագրերը.

դրոշմավորման մակարդակի ծածկագրային նշագիրը («0»՝ նույնականացման միջոցը զետեղված է ապրանքի կամ սպառողական փաթեթվածքի վրա (բացառությամբ դրոշմավորման մակարդակի «3» և «4» ծածկագրային նշագրեր ունեցող սպառողական փաթեթվածքների) (իսկ դրա բացակայության դեպքում՝ առաջնային փաթեթվածքի վրա), կամ ապրանքի, առաջնային կամ սպառողական փաթեթվածքի վրա տեղադրված նյութական կրիչի վրա (բացառությամբ դրոշմավորման մակարդակի «3» և «4» ծածկագրային նշագրեր ունեցող սպառողական փաթեթվածքների), «1»՝ նույնականացման միջոցը զետեղված է խմբային փաթեթվածքի կամ այդ խմբային փաթեթվածքի վրա տեղադրված նյութական կրիչի վրա, «2»՝ տրանսպորտային փաթեթվածքի նույնականացման ծածկագիրը զետեղված է տրանսպորտային փաթեթվածքի վրա, «3»՝ նույնականացման միջոցը զետեղված է այն ապրանքի սպառողական փաթեթվածքի վրա, որը մանրածախ առևտրի հավաքածու է և դասակարգվում է մեկ ծածկագրով՝ ԵԱՏՄ ԱՏԳ ԱԱ-ին համապատասխան, կամ այդ սպառողական փաթեթվածքի վրա տեղադրված նյութական կրիչի վրա, «4»՝ նույնականացման միջոցը զետեղված է ԵԱՏՄ ԱՏԳ ԱԱ-ին համապատասխան՝ տարբեր ծածկագրերով դասակարգվող և տարբեր դիմումներում հայտագրվող կամ մեկ դիմումի մեջ առանձին ապրանքներով հայտագրվող մի քանի ապրանք միավորող սպառողական փաթեթվածքի վրա, կամ այդ փաթեթվածքի վրա տեղադրված նյութական կրիչի վրա), ինչպես նաև (թղթային կրիչով փաստաթղթի տեսքով դիմումը ներկայացնելու դեպքում՝ «/» բաժանիչ նշան դնելու միջոցով) ապրանքների նույնականացման ծածկագրերը կամ խմբային փաթեթվածքի վրա զետեղված նույնականացման միջոցներում պարունակվող նույնականացման ծածկագրերը (այսուհետ՝ խմբային փաթեթվածքի նույնականացման ծածկագրեր) կամ տրանսպորտային փաթեթվածքի նույնականացման ծածկագրերը.

Ռուսաստանի Դաշնության օրենսդրությանը համապատասխան ձևավորված ագրեգացված մաքսային ծածկագրերը (այսուհետ՝ ագրեգացված մաքսային ծածկագրեր) (առկայության դեպքում)։

Էլեկտրոնային փաստաթղթի տեսքով դիմումը ներկայացնելու դեպքում ապրանքների նույնականացման ծածկագրերի ընդհանուր քանակի մասին տեղեկություններն ու դրոշմավորման մակարդակի ծածկագրային նշագիրը նշվում են դիմումի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով դիմումը ներկայացնելու դեպքում՝ «:» բաժանիչ նշան դնելու միջոցով։

Այն ապրանքների համար, որոնց նույնականացման ծածկագրերը միավորված են ագրեգացված մաքսային ծածկագրի ներքո, դրոշմավորման մակարդակի ծածկագրային նշագիրը չի նշվում։

Էլեկտրոնային փաստաթղթի տեսքով դիմումը ներկայացնելու դեպքում ագրեգացված մաքսային ծածկագրերը, ապրանքների նույնականացման ծածկագրերը, խմբային փաթեթվածքի նույնականացման ծածկագրերը, տրանսպորտային փաթեթվածքի նույնականացման ծածկագրերը նշվում են՝ յուրաքանչյուր այդպիսի ծածկագրի մասով դիմումի կառուցվածքի համապատասխան վավերապայմանները լրացնելու միջոցով, իսկ թղթային կրիչով փաստաթղթի տեսքով դիմումը ներկայացնելու դեպքում՝ ստորակետով իրարից անջատելու միջոցով։

Իրար հաջորդող՝ ապրանքների նույնականացման ծածկագրերը, խմբային փաթեթվածքի նույնականացման ծածկագրերը, տրանսպորտային փաթեթվածքի նույնականացման ծածկագրերը նշելիս նշվում են համապատասխան ընդգրկույթի առաջին և վերջին համարները։ Էլեկտրոնային փաստաթղթի տեսքով դիմումը ներկայացնելու դեպքում այդ տեղեկությունները նշվում են դիմումի կառուցվածքի համապատասխան վավերապայմանները լրացնելու միջոցով, իսկ թղթային կրիչով փաստաթղթի տեսքով դիմումը ներկայացնելու դեպքում՝ «-» բաժանիչ նշան դնելու միջոցով։

Ապրանքների նույնականացման ծածկագրերը, խմբային փաթեթվածքի նույնականացման ծածկագրերը, տրանսպորտային փաթեթվածքի նույնականացման ծածկագրերը, ինչպես նաև ագրեգացված մաքսային ծածկագրերը դիմումի մեջ նշվում են՝ այդ ծածկագրերում պարունակվող տառերի ռեգիստրի պահպանմամբ։

Որպես մի ապրանք այն ապրանքները հայտագրելիս, որոնց նույնականացման բոլոր ծածկագրերը միավորված են ագրեգացված մաքսային ծածկագրի ներքո, նշվում է ագրեգացված մաքսային ծածկագիրը։

Որպես մի ապրանք այն ապրանքները հայտագրելիս, որոնք միաժամանակ ունեն ապրանքների նույնականացման ծածկագրեր, խմբային փաթեթվածքի նույնականացման ծածկագրեր (դրա առկայության դեպքում) և տրանսպորտային փաթեթվածքի նույնականացման ծածկագրեր, նշվում են տրանսպորտային փաթեթվածքի նույնականացման ծածկագրերն այն դեպքում, երբ բոլոր ապրանքները տրանսպորտային փաթեթվածքի նույնականացման զետեղված ծածկագրով տրանսպորտային փաթեթվածք ունեն։

Որպես մի ապրանք այն ապրանքները հայտագրելիս, որոնք միաժամանակ ունեն ապրանքների նույնականացման ծածկագրեր և խմբային փաթեթվածքի նույնականացման ծածկագրեր, նշվում են խմբային փաթեթվածքի նույնականացման ծածկագրերն այն դեպքում, երբ բոլոր ապրանքները խմբային փաթեթվածքի զետեղված նույնականացման միջոցով խմբային փաթեթվածք ունեն, կամ ագրեգացված մաքսային ծածկագիրը՝ այն դեպքում, երբ ապրանքների նույնականացման բոլոր ծածկագրերը և (կամ) խմբային փաթեթվածքի նույնականացման ծածկագրերը միավորված են այդ ծածկագրի ներքո։

Որպես մի ապրանք այն ապրանքները հայտագրելիս, որոնք ունեն կամ չունեն ագրեգացված մաքսային ծածկագրեր, տրանսպորտային փաթեթվածքի նույնականացման ծածկագրեր և (կամ) խմբային փաթեթվածքի նույնականացման ծածկագրեր, այդ ծածկագրերը նշվում են հետևյալ հերթականությամբ՝

ագրեգացված մաքսային ծածկագրեր (այն ապրանքների համար, որոնք չունեն տրանսպորտային փաթեթվածքի՝ զետեղված նույնականացման ծածկագրով տրանսպորտային փաթեթվածք).

տրանսպորտային փաթեթվածքի նույնականացման ծածկագրեր (այն ապրանքների համար, որոնք ունեն տրանսպորտային փաթեթվածքի՝ զետեղված նույնականացման ծածկագրով տրանսպորտային փաթեթվածք).

խմբային փաթեթվածքի նույնականացման ծածկագրեր (այն ապրանքների համար, որոնք ունեն զետեղված նույնականացման միջոցով խմբային փաթեթվածք և որոնց նույնականացման ծածկագրերը միավորված չեն ագրեգացված մաքսային ծածկագրի ներքո).

ապրանքների նույնականացման ծածկագրեր (այն ապրանքների համար, որոնք չունեն տրանսպորտային փաթեթվածքի՝ զետեղված նույնականացման ծածկագրով տրանսպորտային փաթեթվածք և զետեղված նույնականացման միջոցով խմբային փաթեթվածք ու որոնց նույնականացման ծածկագրերը միավորված չեն ագրեգացված մաքսային ծածկագրի ներքո)։

Որպես մի ապրանք այն ապրանքները հայտագրելիս, որոնք ունեն կամ չունեն նշված ծածկագրերը, ագրեգացված մաքսային ծածկագրերը և նույնականացման ծածկագրերը՝ դրոշմավորման յուրաքանչյուր մակարդակով՝ էլեկտրոնային փաստաթղթի տեսքով դիմումը ներկայացնելու դեպքում նշվում են դիմումի կառուցվածքի համապատասխան վավերապայմանները լրացնելու միջոցով, իսկ թղթային կրիչով փաստաթղթի տեսքով դիմումը ներկայացնելու դեպքում՝ ապրանքների նույնականացման ծածկագրերի ընդհանուր քանակից և «:» բաժանիչ նշանից հետո՝ դրոշմավորման յուրաքանչյուր մակարդակի համար՝ առանձին տողով՝ դրոշմավորման մակարդակի ծածկագրային նշագրից սկսած։

Այն դեպքում, երբ տարբեր դիմումներում հայտագրվող կամ մեկ դիմումի մեջ առանձին ապրանքներով հայտագրվող ապրանքներն ունեն մեկ ագրեգացված մաքսային ծածկագիր կամ տրանսպորտային փաթեթվածքի նույնականացման մեկ ծածկագիր, կամ խմբային փաթեթվածքի նույնականացման մեկ ծածկագիր, այդ ծածկագիրը չի նշվում։ Այդ դեպքում նշվում են ապրանքների նույնականացման ծածկագրերի ընդհանուր քանակը, դրոշմավորման մակարդակի ծածկագրային նշագիրը, ինչպես նաև ապրանքների նույնականացման ծածկագրերը կամ խմբային փաթեթվածքի նույնականացման ծածկագրերը, կամ տրանսպորտային փաթեթվածքի նույնականացման ծածկագրերը, որոնք չեն շոշափում այլ դիմումի մեջ հայտագրվող կամ մեկ դիմումի մեջ առանձին ապրանքներով հայտագրվող ապրանքների մասին տեղեկությունները.

հսկիչ (նույնականացման) նշաններով դրոշմավորման ենթակա ապրանքների՝ Եվրասիական տնտեսական հանձնաժողովի խորհրդի 2015 թվականի նոյեմբերի 23-ի թիվ 70 որոշմամբ հաստատված ցանկում ներառված և «բացթողում՝ ներքին սպառման համար» մաքսային ընթացակարգով, ինչպես նաև Ռուսաստանի Դաշնության օրենսդրությամբ նախատեսված դեպքերում «ազատ մաքսային գոտի» մաքսային ընթացակարգով ձևակերպվող ապրանքների առնչությամբ՝

զետեղված հսկիչ (նույնականացման) նշանների քանակը և «:» նշանից հետո, իրարից անջատելով «,» բաժանիչ նշանով, առանց բացատի՝ դրանց նույնականացման համարները (նույնականացուցիչները)։

Իրար հաջորդող զետեղված հսկիչ (նույնականացման) նշանների նույնականացման համարները (նույնականացուցիչները) նշվում են համապատասխան ընդգրկույթի առաջին և վերջին համարները գրելու միջոցով՝ իրարից անջատելով «-» բաժանիչ նշանով։

2. Տասնհինգերորդ պարբերությունը շարադրել հետևյալ խմբագրությամբ.

«3-րդ սյունակում՝

ԵԱՏՄ ԱՏԳ ԱԱ-ին համապատասխան ապրանքի ծածկագիրը՝ առնվազն առաջին 6 նիշերի մակարդակով (առանց բացատների)։

Հետագծելիության ենթակա ապրանքի առնչությամբ նշվում է ԵԱՏՄ ԱՏԳ ԱԱ-ին համապատասխան ապրանքի տասանիշ ծածկագիրը (առանց բացատների), իսկ այդ ծածկագրից հետո՝ «Հ» տառը:

Բելառուսի Հանրապետությունում ԵԱՏՄ ԱՏԳ ԱԱ-ին համապատասխան ապրանքի տասանիշ ծածկագիրը (առանց բացատների) նշվում է նաև «բացթողում՝ ներքին սպառման համար» մաքսային ընթացակարգով ձևակերպվող ապրանքի առնչությամբ, որի մասին տեղեկությունները պարունակվում են Բելառուսի Հանրապետությունում օգտագործվող՝ լրացուցիչ մաքսային տեղեկատվության դասակարգչում։ Այդ դեպքում ԵԱՏՄ ԱՏԳ ԱԱ-ին համապատասխան ապրանքի ծածկագրից հետո (առանց բացատների) լրացուցիչ նշվում են ծածկագրի 4 նշանները (առանց բացատների)՝ այդ դասակարգչին համապատասխան։ Եթե այդ ապրանքը միաժամանակ հետագծելիության ենթակա ապրանք է, ապա ծածկագրի տվյալ 4 նշանները (առանց բացատների) նշվում են ԵԱՏՄ ԱՏԳ ԱԱ-ին համապատասխան ապրանքի ծածկագրից (առանց բացատների) և «Հ» տառից հետո:

Ռուսաստանի Դաշնությունում ԵԱՏՄ ԱՏԳ ԱԱ-ին համապատասխան ապրանքի տասանիշ ծածկագիրը (առանց բացատների) նշվում է նույնականացման միջոցներով դրոշմավորման ենթակա ապրանքի առնչությամբ՝ այն դեպքում, երբ այդ ապրանքի մասով նշված են տեղեկություններ՝ սույն կետի տասնյոթերորդ-տասնիններորդ պարբերություններին և (կամ) երեսունվեցերորդ պարբերությանը համապատասխան։

Էլեկտրոնային փաստաթղթի տեսքով դիմումի մեջ այդ տեղեկությունները նշվում են դիմումի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով դիմումի մեջ՝ «/» բաժանիչ նշան դնելու միջոցով.»։

Պաշտոնական հրապարակման օրը՝ 26 հունիսի 2024 թվական: