ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

N 492-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԼՈՌՈՒ ԵՎ ՏԱՎՈՒՇԻ ՄԱՐԶԵՐՈՒՄ ՀԵՂԵՂՈՒՄՆԵՐԻ ՀԵՏԵՎԱՆՔՆԵՐԸ ՎԵՐԱՑՆԵԼՈՒ ՕՊԵՐԱՏԻՎ ԱՇԽԱՏԱՆՔԱՅԻՆ ԽՈՒՄԲ (ՇՏԱԲ) ՍՏԵՂԾԵԼՈՒ ՄԱՍԻՆ

Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասը և «Նորմատիվ իրավական ակտերի մասին» օրենքի 37-րդ հոդվածի 1-ին մասը՝

1. Հայաստանի Հանրապետության Լոռու և Տավուշի մարզերում 2024 թվականի մայիսի 25-26-ը տեղացած հորդառատ անձրևների հետևանքով տեղի ունեցած հեղեղումների հետևանքները վերացնելու նպատակով ստեղծել օպերատիվ աշխատանքային խումբ (շտաբ) և հաստատել դրա անհատական կազմը՝ համաձայն հավելվածի:

2. Աշխատանքային խմբին (շտաբին)՝

1) կազմակերպել աղետների ռիսկերի նվազեցման, հնարավոր արտակարգ իրավիճակների կանխարգելման, ինչպես նաև դրանց հետևանքների վերացմանն ուղղված միջոցառումները.

2) սույն որոշման 2-րդ կետի 1-ին ենթակետով սահմանված միջոցառումների կատարման ընթացքի և արդյունքների վերաբերյալ վարչապետին պարբերաբար ներկայացնել տեղեկատվություն և ըստ անհրաժեշտության առաջարկություններ:

Գնել Սանոսյան - Տարածքային կառավարման և ենթակառուցվածքների նախարար (աշխատանքային խմբի (շտաբի) ղեկավար)

Կամո Ցուցուլյան - Ներքին գործերի նախարարի տեղակալ, Փրկարար ծառայության պետ

Արմենակ Խաչատրյան - Վարչապետի աշխատակազմի ղեկավարի տեղակալ

Եղիազար Վարդանյան - Քաղաքաշինության կոմիտեի նախագահ

Նարեկ Մանուկյան - Տարածքային կառավարման և ենթակառուցվածքների նախարարի տեղակալ

Արման Խոջոյան - Էկոնոմիկայի նախարարի տեղակալ

Լևոն Հակոբյան - Առողջապահության նախարարի տեղակալ

Արամ Մեյմարյան - Շրջակա միջավայրի նախարարի տեղակալ

Արամ Ղազարյան - Լոռու մարզպետ

Հայկ Ղալումյան - Տավուշի մարզպետ

Վահագն Գևորգյան - Ջրային կոմիտեի նախագահ

Տիգրան Պետրոսյան - ՀՀ ՆԳՆ Փրկարար ծառայության պետի տեղակալ

Սերոբ Գաբրիելյան - Լոռու մարզային փրկարարական վարչության պետ

Արթուր Մկրտչյան - ՀՀ ՆԳՆ Ոստիկանության Տավուշի մարզային վարչության պետ

Մհեր Վանյան - ՀՀ ՆԳՆ Ոստիկանության Լոռու մարզային վարչության պետի տեղակալ

Գոռ Ավետիսյան - «Ճանապարհային դեպարտամենտ» հիմնադրամի տնօրեն

Վահե Պողոսյան - «Հանրային կապերի և տեղեկատվության կենտրոն» ՊՈԱԿ-ի տնօրենի խորհրդական