ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎՃՌԱԲԵԿ ԴԱՏԱՐԱՆ

ՀՀ քաղաքացիական վերաքննիչ դատարանի վճիռ Քաղաքացիական գործ թիվ 07-257/2007	Քաղաքացիական գործ թիվ 3-1846(ՎԴ) 2007թ.
Նախագահող դատավոր՝ Տ. Սահակյան
Դատավորներ՝ Ն. Հովսեփյան, Մ. Ասատրյան

Ո Ր Ո Շ ՈՒ Մ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀՀ վճռաբեկ դատարանի քաղաքացիական պալատը (այսուհետ՝ Վճռաբեկ դատարան)

	նախագահությամբ`	Ա. Մկրտումյանի
	մասնակցությամբ դատավորներ`	Է. Հայրիյանի
		Վ. Աբելյանի
		Ս. Անտոնյանի
		Ս. Գյուրջյանի
		Ս. Սարգսյանի

2007 թվականի դեկտեմբերի 25-ին

դռնբաց դատական նիստում, քննելով Վահե Չանգլյանի, Ռիմա Ճաղարյանի և Լարիսա Օվսյաննիկովայի վճռաբեկ բողոքը ՀՀ քաղաքացիական վերաքննիչ դատարանի 05.10.2007 թվականի թիվ 07-257 քաղաքացիական գործով կայացված վճռի դեմ՝ ըստ «Մխիթարիչ» բարեգործական հասարակական կազմակերպության (այսուհետ՝ կազմակերպություն) հայցի ընդդեմ Երևանի քաղաքապետարանի, դատարանի որոշմամբ 3-րդ անձ ներգրավված «Դվին կոնցեռն» ՓԲԸ-ի (այսուհետ՝ Ընկերություն)՝ Երևանի Պուշկինի 36 հասցեի կցակառույցի շինարարության թույլտվությունն անվավեր ճանաչելու պահանջի մասին

Պ Ա Ր Զ Ե Ց

1. Գործի դատավարական նախապատմությունը. 

Դիմելով դատարան՝ կազմակերպությունը պահանջել է անվավեր ճանաչել Երևանի գլխավոր ճարտարապետի կողմից 09.11.2005 թվականին տրված թիվ 125 շինարարության թույլտվությունը:

Երևան քաղաքի Կենտրոն և Նորք-Մարաշ համայնքների առաջին ատյանի դատարանի 01.11.2006 թվականի վճռով հայցը բավարարվել է:

ՀՀ քաղաքացիական վերաքննիչ դատարանի (այսուհետ՝ Վերաքննիչ դատարան) 05.10.2007 թվականի վճռով հայցը բավարարվել է:

Սույն գործով վճռաբեկ բողոք են ներկայացրել Վահե Չանգլյանը, Ռիմա Ճաղարյանը և Լարիսա Օվսյաննիկովան:

10.12.2007 թվականին կողմերը Վճռաբեկ դատարան են ներկայացրել 10.12.2007 թվականին կնքված գրավոր հաշտության համաձայնություն և խնդրել են այն հաստատել:

Վճռաբեկ դատարանի կողմից կողմերին պարզաբանվել է ՀՀ քաղաքացիական դատավարության օրենսգրքի 110-րդ հոդվածով սահմանված հաշտության համաձայնությամբ գործի վարույթը կարճելու դատավարական հետևանքները:

2. Վճռաբեկ դատարանի պատճառաբանությունները և եզրահանգումը.

Ուսումնասիրելով ներկայացված հաշտության համաձայնությունը՝ Վճռաբեկ դատարանը գտնում է, որ այն չի հակասում օրենքին և չի խախտում այլ անձանց իրավունքները և օրինական շահերը:

ՀՀ քաղաքացիական դատավարության օրենսգրքի 33-րդ հոդվածի համաձայն՝ կողմերը դատավարության ցանկացած փուլում կարող են գործն ավարտել հաշտության համաձայնությամբ: Կողմերի միջև կայացված հաշտության համաձայնությունը ձևակերպվում է գրավոր:

Այսպիսով, Վճռաբեկ դատարանը գտնում է, որ կողմերի ներկայացրած հաշտության համաձայնությունը պետք է հաստատել:

Ելնելով վերոգրյալից և ղեկավարվելով ՀՀ քաղաքացիական դատավարության օրենսգրքի 33-րդ, 133-րդ, 236-239-րդ հոդվածներով՝ Վճռաբեկ դատարանը

Ո Ր Ո Շ Ե Ց

1. Հաստատել «Մխիթարիչ» հասարակական կազմակերպության, Վահե Սուրենի Չանգլյանի, Ռիմա Սերոբի Ճաղարյանի և Լարիսա Նիկոլայի Օվսյաննիկովայի՝ 10.12.2007 թվականի հաշտության համաձայնությունը հետևյալ բովանդակությամբ.

«Հ Ա Շ Տ ՈՒ Թ Յ Ա Ն  Հ Ա Մ Ա Ձ Ա Յ Ն ՈՒ Թ Յ ՈՒ Ն

10 դեկտեմբերի

ք. Երևան

Մենք՝ ներքոստորագրողներս՝ մի կողմից, հայցվոր՝ «Մխիթարիչ» հասարակական կազմակերպությունը, որի անունից հանդես է գալիս տնօրեն Խաչիկ Ստամբոլցյանը (հասցեն՝ ք.Երևան, Պուշկինի 38), մյուս կողմից Վահե Սուրենի Չանգլյանս, Ռիմա Սերոբի Ճաղարյանս և Լարիսա Նիկոլայի Օվսյաննիկովաս, ՀՀ վճռաբեկ դատարանում քննվող քաղաքացիական գործով ըստ հայցի «Մխիթարիչ» բարեգործական հասարակական կազմակերպության ընդդեմ Երևանի քաղաքապետարանի, դատարանի որոշմամբ 3-րդ անձ ներգրավված «Դվին կոնցեռն» ՓԲԸ-ի՝ Երևանի Պուշկինի 36 հասցեի կցակառույցի շինարարության թույլտվությունն անվավեր ճանաչելու պահանջի մասին քաղաքացիական գործով, մեր ազատ կամքով, առանց հարկադրանքի, պարզ գիտակցելով, հասկանալով և ընդունելով սույն հաշտության էությունը, պահանջները, դրանցից բխող իրավունքները և պարտավորությունները, կնքեցինք սույն հաշտության համաձայնությունը հետևյալի մասին՝

Ես՝ «Մխիթարիչ» հասարակական կազմակերպությունս, հրաժարվում եմ իմ ներկայացրած բոլոր պահանջներից՝ համաձայնում և թույլատրում եմ Երևան քաղաքի Պուշկինի 38 հասցեում գտնվող՝ ինձ պատկանող երկու պատուհանները, որոնք գտնվում են նշված հասցեի երկրորդ հարկում, առաջին և երկրորդ հարկերի միջնամասում Վահե Սուրենի Չանգլյանը, Ռիմա Սերոբի Ճաղարյանը և Լարիսա Նիկոլայի Օվսյաննիկովան փակեն նշված պատուհանները և դրա դիմաց համաձայնվել և ստացել եմ Վահե Սուրենի Չանգլայնի, Ռիմա Սերոբի Ճաղարյանի և Լարիսա Նիկոլայի Օվսյաննիկովայի կողմից ինձ վճարված 1.500.000 (մեկ միլիոն հինգ հարյուր հազար) ՀՀ դրամ փոխհատուցումը:

Մենք՝ Վահե Սուրենի Չանգլյանս, Ռիմա Սերոբի Ճաղարյանս և Լարիսա Նիկոլայի Օվսյաննիկովաս համաձայն ենք սույն հաշտությանը և վճարել ենք հայցվոր «Մխիթարիչ» հասարակական կազմակերպությանը 1.500.000 (մեկ միլիոն հինգ հարյուր հազար) ՀՀ դրամ փոխհատուցում, համաձայն ենք և ընդունում ենք հայցվոր «Մխիթարիչ» հասարակական կազմակերպության կողմից տրված թույլտվությունը Երևան քաղաքի Պուշկինի 38 հասցեում գտնվող շենքի՝ նրան պատկանող երկու պատուհանները, որոնք գտնվում են նշված հասցեի երկրորդ հարկում, առաջին և երկրորդ հարկերի միջնամասում մեր կողմից փակվեն:

Ես՝ Երևանի քաղաքապետարանս, որ սույն գործով հանդիսանում եմ պատասխանող, կողմերի միջև կնքված սույն հաշտությանը չեմ առարկում և համաձայն եմ, որ հայցվոր «Մխիթարիչ» հասարակական կազմակերպության և Վահե Սուրենի Չանգլյանի, Ռիմա Սերոբի Ճաղարյանի և Լարիսա Նիկոլայի Օվսյաննիկովայի միջև կնքված հաշտության համաձայնությունը հաստատվի:

Կողմերիս պարզաբանվել են ՀՀ քաղաքացիական դատավարության օրենսգրքի 33-րդ, 133-րդ և 236-րդ հոդվածների պահանջները:

Կողմերս համաձայն ենք, որ սույն հաշտության համաձայնության պայմանների խախտման դեպքում կողմը, որի իրավունքները խախտվել են, իրավունք է ստանում դիմել ՀՀ արդարադատության նախարարության ԴԱՀԿ ծառայությանը պարտավորությունների հարկադիր կատարման պահանջով:

Կողմերս ծանոթ ենք ՀՀ քաղաքացիական դատավարության օրենսգրքի 33-րդ, 133-րդ, 236-րդ հոդվածների պահանջներին:

Համաձայն ՀՀ քաղաքացիական դատավարության օրենսգրքի 33-րդ, 133-րդ, 236-րդ հոդվածների 1-ին կետի 3-րդ ենթակետի՝

Խ Ն Դ Ր ՈՒ Մ  Ե Ն Ք՝

Բեկանել ՀՀ վերաքննիչ քաղաքացիական դատարանի վճիռը և հաստատել մեր հաշտության համաձայնությունը:

Հայցվոր
«Մխիթարիչ» ՀԿ ի դեմս տնօրեն	Վահե Սուրենի Չանգլյան  Անձնագիր՝ AG 0500762
Խաչիկ Ստամբոլցյանի	հասցեն՝ ք. Երևան, 16 թաղ., 31-36
Անձնագիր՝ AA 0291329, տրված 10.01.1996 թ. 004-ի կողմից հասցեն՝ ք. Երևան, Գայդարի 18-51	Ռիմա Սերոբի Ճաղարյան  Անձնագիր՝ AE 0586933 հասցեն՝ ք. Երևան, 16 թաղ., 31-36
տնօրեն՝ Խ.Ստամբոլցյան ստորագրություն	Լարիսա Նիկոլայի Օվսյաննիկովա Անձնագիր՝ 32 00 826019
	հասցեն՝ ՌԴ, Մոսկվայի մարզ, գյուղ Աբբակումովո, Ստրոիտելեյ փող., տ. 7 Ռիմա Սերոբի Ճաղարյանի և Լարիսա Նիկոլայի Օվսյաննիկովայի լիազորված անձ՝ Արթուր Դավթյան ստորագրություն Անձնագիր՝ AB 0450124 տրված 10.01.1997 թ. 011-ի կողմից  հասցեն՝ ք. Երևան, Այգեստան 11 փող., 1-ին նրբ., տուն 4
Պատասխանող՝ Երևանի քաղաքապետարան ներկայացուցիչ՝ Դավիթ Ազիզյան ստորագրություն	Վահե Սուրենի Չանգլյան ստորագրություն»:

2. ՀՀ քաղաքացիական վերաքննիչ դատարանի 05.10.2007 թվականի վճիռը բեկանել և քաղաքացիական գործի վարույթը կարճել:

3. Սույն որոշումն օրինական ուժի մեջ է մտնում հրապարակման պահից և ենթակա չէ բողոքարկման:

	ՆԱԽԱԳԱՀՈՂ`	Ա. Մկրտումյան
	ԴԱՏԱՎՈՐՆԵՐ`	Է. Հայրիյան
		Վ. Աբելյան
		Ս. Անտոնյան
		Ս. Գյուրջյան
		Ս. Սարգսյան