«Վավերացնում եմ»
Հայաստանի Հանրապետության
Նախագահ Ռ. Քոչարյան
 22 փետրվարի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 դեկտեմբերի 2006 թվականի N 1936-Ն

ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՔԱՐԵՐԻ ԱԶԳԱՅԻՆ ՊԱՀՈՒՍՏԻ ԱՐԺԵՔՆԵՐԻ ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Հիմք ընդունելով «Թանկարժեք մետաղների մասին» Հայաստանի Հանրապետության օրենքի 20-րդ հոդվածի 3-րդ մասը` Հայաստանի Հանրապետության կառավարությունը որոշում է.

1. Սահմանել թանկարժեք մետաղների և թանկարժեք քարերի ազգային պահուստի արժեքների փորձաքննության անցկացման կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Կ Ա Ր Գ

ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՔԱՐԵՐԻ ԱԶԳԱՅԻՆ ՊԱՀՈՒՍՏԻ ԱՐԺԵՔՆԵՐԻ ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ

1. Սույն կարգով կարգավորվում են թանկարժեք մետաղների և թանկարժեք քարերի ազգային պահուստի (այսուհետ` ազգային պահուստ) արժեքների փորձաքննության (այսուհետ` փորձաքննություն) անցկացման հետ կապված հարաբերությունները:

2. Փորձաքննությունն իրականացնում է Հայաստանի Հանրապետության ֆինանսների և էկոնոմիկայի նախարարության «Թանկարժեք մետաղների և թանկարժեք քարերի պետական գանձարան» գործակալությունը` 7 անդամից ոչ պակաս փորձագիտական հանձնաժողովի միջոցով` ներգրավելով իրավասու պետական մարմինների և այլ մասնագետներ:

Փորձագիտական հանձնաժողովի կազմը և աշխատակարգը հաստատում է Հայաստանի Հանրապետության ֆինանսների և էկոնոմիկայի նախարարը:

3. «Թանկարժեք մետաղների և թանկարժեք քարերի պետական գանձարան» գործակալության պետը փորձագիտական հանձնաժողովի նախագահն է, որը կազմակերպում է հանձնաժողովի աշխատանքները:

4. Փորձագիտական հանձնաժողովն իր գործունեության ընթացքում ղեկավարվում է «Թանկարժեք մետաղների մասին» Հայաստանի Հանրապետության օրենքով, սույն կարգով, ինչպես նաև այլ նորմատիվ իրավական ակտերով:

5. Թանկարժեք մետաղներից և թանկարժեք քարերից պատրաստված պատմամշակութային, թանգարանային, գիտական և գեղարվեստական նշանակություն ունեցող հազվագյուտ ոսկերչական և այլ կենցաղային իրերի ու կրոնական պաշտամունքի առարկաների փորձաքննությունն իրականացվում է իրերի տեսակների և անվանումների որոշման, թանկարժեք մետաղների տեսակի և կազմի, դրանց քաշի, իսկ իրերում թանկարժեք և այլ գունավոր քարերի առկայության դեպքում դրանց տեսակի, գույնի, քաշի և այլ բնութագրիչների միջոցով` հաշվի առնելով մետաղափորձական վերահսկողության տեսչության փորձաքննության արձանագրության նախնական տվյալները:

Հանձնաժողովի կողմից հաստատվում են իրերի նկարագրերը, որոնք համապատասխանում են պատմամշակութային, թանգարանային, գիտական, գեղարվեստական նշանակություն ունեցող, կրոնական պաշտամունքի առարկաներին ներկայացվող պահանջներին:

6. Ազգային պահուստ հաշվեգրվող արժեքների որակական հատկանիշների փորձաքննության հետ միաժամանակ իրականացվում է դրանց գնահատումը գործող շուկայական գներին համապատասխան, որը չի կարող պակաս լինել համաշխարհային շուկայի (համաշխարհային ճանաչում ունեցող աճուրդային կենտրոնների) գներից:

7. Փորձագիտական հանձնաժողովի փորձագիտական եզրակացությունը` համաձայն ձևի, տրվում է` յուրաքանչյուր իրի վերաբերյալ իր կողմից անցկացված փորձաքննության արդյունքների հիման վրա:

8. Ազգային պահուստում արժեքները հանձնելիս` դրանց տեղափոխման, փորձաքննության, որակի բնութագրման ու գնահատման ծախսեր առաջանալու դեպքում դրանք կատարվում են պայմանագրային հիմունքներով:

9. Փորձագիտական հանձնաժողովի կատարած աշխատանքների մասին Հայաստանի Հանրապետության ֆինանսների և էկոնոմիկայի նախարարությունը Հայաստանի Հանրապետության կառավարություն է ներկայացնում ամենամյա հաշվետվություն:

Ձև

___________________________________________________
(պատվիրատուի անվանումը)

կողմից ներկայացված իրերի փորձաքննության

ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՔԱՐԵՐԻ ԱԶԳԱՅԻՆ
ՊԱՀՈՒՍՏԻ ԱՐԺԵՔՆԵՐԻ ՓՈՐՁԱԳԻՏԱԿԱՆ ԵԶՐԱԿԱՑՈՒԹՅՈՒՆ

1. Պատվիրատուի կողմից փորձաքննության են ներկայացվել հետևյալ իրերը`
___________________________________________________
___________________________________________________
___________________________________________________

2. Փորձաքննությունն անցկացվել է _____________________________
___________________________________________________

___________________________________________________
___________________________________________________
___________________________________________________

պահանջներին համապատասխան:

ՓՈՐՁԱՔՆՆԱԿԱՆ ԵԶՐԱԿԱՑՈՒԹՅՈՒՆ

___________________________________________________
___________________________________________________
___________________________________________________
___________________________________________________
___________________________________________________
___________________________________________________

Փորձագետներ