«Վավերացնում եմ»
Հայաստանի Հանրապետության
Նախագահ Լ. Տեր-Պետրոսյան
13 հունվարի 1997 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 հունվարի 1997 թ. N 8
քաղ. Երևան

ՆԱԽԿԻՆ ԽՍՀՄ ՔԱՂԱՔԱՑՈՒ ՀԱՄԱՔԱՂԱՔԱՑԻԱԿԱՆ ԱՐՏԱՍԱՀՄԱՆՅԱՆ ԵՎ ԾԱՌԱՅՈՂԱԿԱՆ ԱՆՁՆԱԳՐԵՐԻ ՎԱՎԵՐԱԿԱՆՈՒԹՅԱՆ ԺԱՄԿԵՏԸ ԵՐԿԱՐԱՁԳԵԼՈՒ ՄԱՍԻՆ

Նկատի ունենալով, որ ներկայումս Հայաստանի Հանրապետության զգալի թվով քաղաքացիներ դեռևս օգտվում են ԽՍՀՄ քաղաքացու համաքաղաքացիական արտասահմանյան և ծառայողական անձնագրերից, որոնց վավերականության ժամկետը լրացել է, Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1992 թվականի սեպտեմբերի 11-ի «Հայաստանի Հանրապետությունում անձնագրային համակարգի կանոնադրությունը, Հայաստանի Հանրապետության քաղաքացու անձնագրի նկարագիրը հաստատելու մասին» N 473 որոշման մեջ կատարել հետևյալ փոփոխությունը`

որոշման 4-րդ կետում «1995 թվականին» բառերը փոխարինել «2000 թվականի հուլիսի 1-ը» բառերով:

(1-ին կետը փոփ. 25.12.98 N 821, 01.07.99 N 449)

2. Նախկին ԽՍՀՄ քաղաքացու համաքաղաքացիական արտասահմանյան և ծառայողական (02 սերիա) անձնագրերի վավերականության ժամկետը երկարաձգել մինչև 2000 թվականի հուլիսի 1-ը:

(2-րդ կետը փոփ. 23.12.97 N 596, 25.12.98 N 821, 01.07.99 N 449)

3. Հայաստանի Հանրապետության արտաքին գործերի նախարարությանը, Հայաստանի Հանրապետության ներքին գործերի և ազգային անվտանգության նախարարությանը` մեկամսյա ժամկետում Հայաստանի Հանրապետության կառավարություն ներկայացնել առաջարկություն Հայաստանի Հանրապետության դիվանագիտական ներկայացուցչություններում և հյուպատոսական հիմնարկներում Հայաստանի Հանրապետության քաղաքացու անձնագրի ձևակերպման կարգի վերաբերյալ:

4. Սույն որոշումն ուժի մեջ է մտնում 1997 թվականի հունվարի 13-ից: