«Գրանցված է»
ՀՀ արդարադատության
նախարարության կողմից
17 դեկտեմբերի 2002 թ.
Պետական գրանցման թիվ 60302372

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ՀԱՇՎԵՏՎՈՒԹՅՈՒՆ ՄՈՐԹԻՑ ՍՏԱՑՎԱԾ ԿԱՇՎԵՀՈՒՄՔԻ, ՄՈՐԹՈՒ ԵՎ ԱՆԱՍՆԱՊԱՀԱԿԱՆ ԱՅԼ ՀՈՒՄՔԻ ԳՆՈՒՄՆԵՐԻ ՄԱՍԻՆ» ՁԵՎ ԹԻՎ 16-ԳՆՈՒՄ (ԵՌԱՄՍՅԱԿԱՅԻՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Հաշվետվություն մորթից ստացված կաշվեհումքի, մորթու և անասնապահական այլ հումքի գնումների մասին» Ձև թիվ 16-գնում (եռամսյակային) պետական վիճակագրական հաշվետվության ձևը և լրացման հրահանգը համաձայն թիվ 1 հավելվածի:

Հ Ր Ա Հ Ա Ն Գ

«ՀԱՇՎԵՏՎՈՒԹՅՈՒՆ ՄՈՐԹԻՑ ՍՏԱՑՎԱԾ ԿԱՇՎԵՀՈՒՄՔԻ, ՄՈՐԹՈՒ ԵՎ ԱՆԱՍՆԱՊԱՀԱԿԱՆ ԱՅԼ ՀՈՒՄՔԻ ԳՆՈՒՄՆԵՐԻ ՄԱՍԻՆ» ՁԵՎ ԹԻՎ 16-ԳՆՈՒՄ (ԵՌԱՄՍՅԱԿԱՅԻՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆՆԵՐԻ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է ձև թիվ 16-գնում (եռամսյակային) հաշվետվությունների լրացման կարգը:

2. Հաշվետվությունները լրացվում են գյուղատնտեսական մթերքի և հումքի գնումներ իրականացնող իրավաբանական անձանց կողմից, որոնք այդ մասին նախապես տեղեկացվում են, միայն հանրապետությունում արտադրված ծավալներից գնված գյուղատնտեսական մթերքի համար, հաշվետվության ձևերի վրա նշված ժամկետներին և պարբերականությամբ:

3. Հաշվետվության ցուցանիշները լրացվում են աճողական կարգով, տարվա սկզբից:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ԼՐԱՑՄԱՆ ԿԱՐԳԸ

5. «Կաշվեհումք, խոշորի կաշվեհումք»` թիվ 01 տողի 1 սյունակում լրացվում են հաշվետու ժամանակում գնված խոշոր եղջերավոր անասունի կաշվեհումքի քանակը` (հազար հատ):

6. «Մանրի կաշվեհումք»` թիվ 03 տողի 1 սյունակում լրացվում է հաշվետու ժամանակում գնված մանր եղջերավոր անասունի կաշվեհումքի քանակը` (հազար հատ):

7. «Խոզի կաշվեհումք 30 քառակուսի դմ-ից ավելի» թիվ 05 1 սյունակում լրացվում է հաշվետու ժամանակում գնված խոզի կաշվեհումքը (30 քառակուսի դմ-ից ավելի) քանակը (հազար հատ): Խոզի կաշվեհումքի մեջ չեն մտցվում 4 ամսական խոճկորների և սպանդանոցում մորթված խոզերի կաշին:

8. «այդ թվում` 1-3 կարգի» թիվ 02, 04 և 06 տողերի 1 սյունակներում լրացվում է հաշվետու ժամանակում գնված 1-3 կարգի կաշվեհումքի քանակը (հազար հատ): Կարգերը սահմանվում են ըստ խուզի ժամանակ առաջացած կաշվի վնասվածքի չափի` պետական ստանդարտով սահմանված` 1-3 կարգերի:

9. «Ոչ ստանդարտ կաշվեհումք» թիվ 07 տողի 1 սյունակում լրացվում է հաշվետու ժամանակում գնված ոչ ստանդարտ կաշվեհումքի քանակը (հատ):

10. «Ճագարի մորթի» թիվ 08 տողի 1 սյունակում լրացվում է հաշվետու ժամանակում գնված ճագարի մորթու քանակը (հատ): Ճագարի մշակված մորթին դասվում է առաջին կարգի, իսկ անմշակը` երկրորդ կարգի մեջ:

11. «Անասնապահական հումք, աղիքահումք» թիվ 09 տողի 1 սյունակում լրացվում է հաշվետու ժամանակում գնված աղիքահումքի քանակը` (կոմպլեկտ):

12. «Մազ (ձիու և խ.ե.ա. անասունի)» թիվ 10 տողի 1 սյունակում լրացվում է հաշվետու ժամանակում գնված մազի (ձիու և անասունի) քանակը` (կգ):

13. «Փետուր և բմբուլ» թիվ 11 տողի 1 սյունակում լրացվում է հաշվետու ժամանակում գնված փետուրի և բմբուլի քանակը` (կգ):

14. «Խոզի մազ» թիվ 12 տողի 1 սյունակում լրացվում է հաշվետու ժամանակում գնված խոզի մազի քանակը` (կգ):

15. «Կոտոշ և սմբակ» թիվ 13 տողում 1 սյունակում լրացվում է հաշվետու ժամանակում գնված կոտոշի և սմբակի քանակը (ցենտներ):

Հաշվետվությունում ներառված տեղեկությունների գաղտնիությունը երաշխավորվում է դրանք ստացող վիճակագրական մարմնի կողմից: Իրավաբանական անձանց, հիմնարկների պաշտոնատար անձանց կողմից պետական վիճակագրական դիտարկումների համար անհրաժեշտ վիճակագրական հաշվետվությունները և տեղեկատվությունը սահմանված ժամկետներում և ամբողջ ծավալով չներկայացնելը, դրանք ոչ սահմանված ձևով, աղավաղումներով և անստորագիր ներկայացնելն առաջացնում են պատասխանատվություն՝ Հայաստանի Հանրապետության օրենսդրությամբ սահմանված կարգով:

ՀԱՇՎԵՏՎՈՒԹՅՈՒՆ ՄՈՐԹԻՑ ՍՏԱՑՎԱԾ ԿԱՇՎԵՀՈՒՄՔԻ, ՄՈՐԹՈՒ ԵՎ ԱՆԱՍՆԱՊԱՀԱԿԱՆ ԱՅԼ ՀՈՒՄՔԻ ԳՆՈՒՄՆԵՐԻ ՄԱՍԻՆ

առ ____ __________ 200__թ