«Վավերացնում եմ»
Հայաստանի Հանրապետության
Նախագահ Ռ. Քոչարյան
31 մարտի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 մարտի 2000 թվականի N 141
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ելնելով Հայաստանի Հանրապետության քաղաքացիական օրենսգրքի պահանջներից` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1996 թվականի հոկտեմբերի 31-ի «Անվանական արժեթղթերի սեփականատերերի ռեեստրի վարման կարգի հաստատման մասին» N 351 որոշման մեջ կատարել հետևյալ փոփոխությունները`

որոշմամբ հաստատված անվանական արժեթղթերի սեփականատերերի ռեեստրի վարման կարգի 14-րդ կետի`

ա) «բ» ենթակետում «նվիրատվության և ժառանգության» բառերը փոխարինել «օտարման, հավատարմագրային կառավարման և ժառանգության» բառերով.

բ) «գ» ենթակետում «նոտարական կարգով հաստատված» բառերը փոխարինել «սահմանված կարգով հաստատված» բառերով.

գ) ուժը կորցրած ճանաչել «ե» և «ժ» ենթակետերը.

դ) երկրորդ պարբերությունը շարադրել հետևյալ խմբագրությամբ.

«Ռեեստրում գրանցումներ կատարելու համար ներկայացվող պայմանագրերը հաստատվում են Հայաստանի Հանրապետության քաղաքացիական օրենսգրքով սահմանված կարգով».

ե) ուժը կորցրած ճանաչել երրորդ պարբերությունը:

2. Հայաստանի Հանրապետության կառավարության 1997 թվականի հոկտեմբերի 30-ի «Տրանսպորտային միջոցների առևտրի և դրանց գրանցման կանոնների մասին» N 474 որոշման մեջ կատարել հետևյալ փոփոխությունները`

ա) ուժը կորցրած ճանաչել որոշման 1-ին և 4-րդ կետերը.

բ) 2-րդ կետի առաջին պարբերությունը շարադրել հետևյալ խմբագրությամբ.

«Սահմանել, որ Հայաստանի Հանրապետության տարածքում պարտադիր պետական գրանցման են ենթակա կազմակերպություններին, պետական, համայնքային հիմնարկներին և ֆիզիկական անձանց պատկանող տրանսպորտային միջոցները».

գ) 2-րդ կետի «ա» ենթակետում և 3-րդ կետում «Հայաստանի Հանրապետության ներքին գործերի և ազգային անվտանգության նախարարության» բառերը փոխարինել «Հայաստանի Հանրապետության ներքին գործերի նախարարության» բառերով.

դ) 3-րդ կետից հանել «սույն որոշման 1-ին կետում նշված տրանսպորտային միջոցների առևտրի կանոնները հաստատելուց հետո» բառերը:

3. Ուժը կորցրած ճանաչել`

ա) Հայաստանի Հանրապետության կառավարության 1992 թվականի փետրվարի 10-ի «Հայաստանի Հանրապետության Նախարարների խորհրդի 1991 թվականի հունիսի 24-ի N 420 որոշումը լրացնելու մասին» N 99 որոշման 1-7-րդ կետերը.

բ) Հայաստանի Հանրապետության կառավարության 1994 թվականի հունվարի 22-ի «Ավտոմեքենաների և մոտոցիկլետների կոմիսիոն առևտրի միասնական կանոնների հաստատման մասին» N 45 որոշումը.

գ) Հայաստանի Հանրապետության կառավարության 1997 թվականի հոկտեմբերի 30-ի «Հայաստանի Հանրապետությունում անշարժ գույքի սեփականության սուբյեկտների սեփականություն հանդիսացող անշարժ գույքի օտարման կարգը հաստատելու մասին» N 477 որոշումը:

4. Սույն որոշումն ուժի մեջ է մտնում 2000 թվականի մարտի 31-ից: