ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

24 հունիսի 1991 թվականի N 422

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՍԵՓԱԿԱՆԱՇՆՈՐՀՄԱՆ ՈՉ ԵՆԹԱԿԱ ՋՐԱՏՆՏԵՍԱԿԱՆ ԿԱՌՈՒՑՎԱԾՔՆԵՐԻ ՄԱՍԻՆ

Հայաստանի Հանրապետության Նախարարների խորհուրդը որոշում է`

1. Հաստատել Հայաստանի Հանրապետության գյուղատնտեսության նախարարության «Հայջրտնտ» ՀԳԱՄ-ի այն ձեռնարկությունների ցուցակը, որոնց հաշվեկշռում գտնվող միջտնտեսային նշանակության ոռոգման, ջրարբիացման, չորացման, գյուղական ջրամատակարարման համակարգերը, հիդրոտեխնիկական կառուցվածքները, ջրամբարները, պոմպակայանները, դրանց մղման խողովակաշարերը, խորքային հորերը, ջրավազանները` իրենց օտարման գոտիներով, ենթակա չեն սեփականաշնորհման, համաձայն N 1 հավելվածի:

2. Հաստատել գոյություն ունեցող ջրատնտեսական և ոռոգման համակարգերի, գետերի, ջրամբարների և ջրատնտեսական այլ կառուցվածքների օտարման գոտիները, համաձայն N 2 հավելվածի:

3. Հանձնարարել Հայաստանի Հանրապետության գյուղատնտեսության նախարարությանը և շրջանային ու տեղական խորհուրդների գործադիր կոմիտեներին` հողի սեփականաշնորհման ժամանակ ապահովել սույն որոշման 2-րդ կետով սահմանված օտարման գոտիների պահպանությունը:

4. Սահմանել, որ նշված օտարման գոտիների ժամանակավոր օգտագործումը գյուղատնտեսական նպատակներով առանձին դեպքերում թույլատրվում է Հայաստանի Հանրապետության գյուղատնտեսության նախարարության «Հայջրտնտ» հանրապետական գիտաարտադրական միավորման համաձայնությամբ:

Ց ՈՒ Ց Ա Կ

«ՀԱՅՋՐՏՆՏ» ՀԳԱՄ-Ի ՁԵՌՆԱՐԿՈՒԹՅՈՒՆՆԵՐԻ