ՀՀ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ ՀՐԱՄԱՆԸ ՀՀ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ 2023 ԹՎԱԿԱՆԻ ՄԱՅԻՍԻ 22-Ի N 04-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՔԱՂԱՔԱՇԻՆՈՒԹՅԱՆ ԿՈՄԻՏԵ

ՆԱԽԱԳԱՀ

«06» մայիսի 2025 թ.

N 13-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ 2023 ԹՎԱԿԱՆԻ ՄԱՅԻՍԻ 22-Ի N 04-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33–րդ և 34-րդ հոդվածները

ՀՐԱՄԱՅՈՒՄ ԵՄ`

1․ Հայաստանի Հանրապետության քաղաքաշինության կոմիտեի նախագահի 2023 թվականի մայիսի 22-ի «ՀՀՇՆ 30-01-2023 «Քաղաքաշինություն. Քաղաքային և գյուղական բնակավայրերի հատակագծում և կառուցապատում» Հայաստանի Հանրապետության շինարարական նորմերը հաստատելու և Հայաստանի Հանրապետության քաղաքաշինության նախարարի 2014 թվականի հոկտեմբերի 14-ի N 263-Ն հրամանն ուժը կորցրած ճանաչելու մասին» N 04-Ն հրամանի հավելվածի.

1) «11. Բնակելի կառուցապատման գոտի. Կառուցապատման հարաչափեր» գլխի Աղյուսակ 8-ը շարադրել հետևյալ խմբագրությամբ.

Հ/Հ	Գոտիներ	Կառուցապատման խտության գործակից* Pկ1	Կառուցապատման տոկոս Pկ2%
1.	Բնակելի (սակավահարկ, մինչև 3 հարկով (ներառյալ)) բազմաբնակարան կառուցապատման թաղամասերում	0.8/1.2	40
2.	Բնակելի (միջին հարկայնությամբ, 4-8 հարկով) բազմահարկ բազմաբնակարան կառուցապատման թաղամասերում	0.8/1.2	40
3.	Բնակելի բազմահարկ (բարձր հարկայնությամբ՝ 9 և ավելի) բազմաբնակարան (այդ թվում բազմաֆունկցիոնալ) կառուցապատման վերակառուցվող թաղամասերում	1.6	60
4.	Բլոկացված բնակելի տներով (սակավահարկ, մինչև 3 հարկ), բնակարանամերձ հողամասերով կառուցապատման թաղամասերում	0.6	40
5.	Անհատական բնակելի տներով (սակավահարկ, մինչև 3 հարկ), տնամերձ հողամասերով կառուցապատման թաղամասերում	0.4	40
6.	Խառը կառուցապատման թաղամասերում	1.2	40
7.	Խառը կառուցապատման վերակառուցվող թաղամասերում	1.6	60
8.	Հասարակական բազմագործառույթ (բազմաֆունկցիոնալ) կառուցապատման	3.0	100
9.	Հասարակական մասնագիտացված կառուցապատման	2.4	80
10.	Կանաչապատ	-	7
11.	Սույն Աղյուսակի 2-րդ կետի մասով կառուցապատման խտության գործակիցը և տոկոսը կիրառվում են ինչպես ամբողջ միկրոշրջանի , այնպես էլ առանձին թաղամասերի համար:
12.	Սույն Աղյուսակի 3-րդ կետի մասով բնակելի բազմահարկ նոր կառուցվող և վերակառուցվող թաղամասերի ստորգետնյա և նկուղային հարկերի կառուցապատման տոկոսը կարող է հասցվել 80%-ի՝ բազմաբնակարան բնակելի շենքերի ստորգետնյա և նկուղային հարկերում ավտոկայանատեղիների քանակը նախատեսելու բնակարանների ընդհանուր քանակի մինչև 80% -100%-ի չափով, եթե վերգետնյա հատվածի կառուցապատման թույլատրելի տոկոսից դուրս գտնվող հատվածում ապահովվի առնվազն մեկ մետր բարձրությամբ հողածածկ՝ տարածքի կանաչապատումը (որպես Կլիմայի փոփոխության հարմարվողականության և մեղմման միջոցառում) կամ ՀՀ քաղաքաշինության կոմիտեի նախագահի 2022 թվականի ապրիլի 4-ի N06-Ն հրամանով հաստատված ՀՀՇՆ 31-03.02-2022 նորմերի պահանջների բավարարումն ապահովելու պայմանով (անհրաժեշտության դեպքում՝ որպես երկակի գործառնական նշանակությամբ քաղաքացիական պաշտպանության պաշտպանական կառույց օգտագործելու, բնակչության պատսպարումն ապահովելու նպատակով):
13.	Սույն Աղյուսակի 4-րդ կետի մասով անջրանցիկ տարածքը (կառույցի մակերեսը ներառյալ) չպետք է գերազանցի 40%-ը։
14	Սույն Աղյուսակի 5-րդ կետի մասով սահմանված կառուցապատման տոկոսը ներառում է հողամասի անջրանցիկ բոլոր տարածքները՝ ներառյալ տնտեսական և օժանդակ բոլոր տիպի կառույցների զբաղեցրած մակերեսը։

»:

2) 123-րդ կետը շարադրել հետևյալ խմբագրությամբ.

123․ «Տնտեսական հարթակներից հեռավորությունը չի նորմավորվում, աղբակուտակման հարթակներից մինչև մարզահրապարակներ, մանկական խաղահրապարակներ և բնակչության հանգստի հարթակներ, ինչպես նաև նախադպրոցական, առողջապահական և սննդի կազմակերպություններ հեռավորությունն անհրաժեշտ է ընդունել ՀՀ առողջապահության նախարարի 2009 թվականի դեկտեմբերի 22-ի N 25-Ն հրամանով հաստատված պահանջներին համապատասխան: Հասարակական և խառը կառուցապատման գոտիներին կից տեղակայված արտադրական օբյեկտների հողամասերի սահմանից կողմնորոշիչ հեռավորությունը մինչև բնակելի և հասարակական շենքերը, ինչպես նաև հանրակրթական դպրոցների և նախադպրոցական, առողջապահական և հանգստի կազմակերպությունների հողամասերի սահմանները պետք է ընդունել ՀՀ քաղաքաշինության կոմիտեի նախագահի 2024 թվականի փետրվարի 1-ի N06-Ն հրամանով հաստատված ՀՀՇՆ 31-04.01-2024 շինարարական նորմերի պահանջներին համապատասխան, որոնք կարող են նվազեցվել նշված նորմերի 8-րդ բաժնով սահմանված դեպքերում, այդ թվում՝ սանիտարապաշտպան գոտու նվազագույն չափի սահմանման վերաբերյալ հաշվարկի հիման վրա:»:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

06.05.2025

Ե. Վարդանյան

Պաշտոնական հրապարակման օրը՝ 8 մայիսի 2025 թվական:

Տեղեկատվություն

Акт-инфо

Изменения и инкорпорации

Связи

ՀՀ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ ՀՐԱՄԱՆԸ ՀՀ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ 2023 ԹՎԱԿԱՆԻ ՄԱՅԻՍԻ 22-Ի N 04-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Номер

N 13-Ն

Тип

Հրաման

Тип документа

Исходный акт (18.05.2025-по сей день)

Статус

Գործում է

Первоисточник

Միասնական կայք 2025.04.28-2025.05.11 Պաշտոնական հրապարակման օրը 08.05.2025

Принимающий орган

Քաղաքաշինության կոմիտեի նախագահ

Дата принятия

06.05.2025

Место принятия

Երևան

Подписавший орган

Քաղաքաշինության կոմիտեի նախագահ

Дата подписания

06.05.2025

Дата вступления в силу

18.05.2025

Основной документ 06.05.2025, N 13-Ն

История изменений

Измененные акты

Изменяющий акт Инкорпорация

Փոփոխություններ է կատարել հետևյալ ակտերում Յուրաքանչյուր փոփոխվողին համապատասխանող ինկորպորացիան

08.11.2024, N 04-Ն

18.05.2025, N 04-Ն

Связи

Судебные прецеденты

Официальные разъяснения

Антиконституционный

21.03.2018, ՀՕ-180-Ն

ՀՀ ՕՐԵՆՔԸ ՆՈՐՄԱՏԻՎ ԻՐԱՎԱԿԱՆ ԱԿՏԵՐԻ ՄԱՍԻՆ