ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
Ո Ր Ո Շ ՈՒ Մ Ը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՄԱՍՆԱԳԻՏԱՑՎԱԾ ԽՆԱՅՈՂԱԿԱՆ ԲԱՆԿԻ ՄԱՍԻՆ
Հայաստանի Հանրապետության Գերագույն խորհուրդը որոշում է.
1. Թույլատրել Հայաստանի Հանրապետության կառավարությանը նախկին ԽՍՀՄ խնայբանկի Հայաստանի Հանրապետության բանկը վերակազմավորել Հայաստանի Հանրապետության պետական մասնագիտացված խնայողական բանկի (Հայխնայբանկ):
2. Հայաստանի Հանրապետությունը երաշխավորում է Հայաստանի Հանրապետության պետական մասնագիտացված խնայողական բանկում քաղաքացիների ավանդների և այլ արժեքների պահպանումը և վերադարձնելիությունը:
3. Հայաստանի Հանրապետության կառավարությանը` մեկ ամսվա ընթացքում.
ա) Հայաստանի Հանրապետության Գերագույն խորհրդին ներկայացնել առաջարկություններ նախկին ԽՍՀՄ խնայբանկի Հայաստանի Հանրապետության բանկում քաղաքացիների ավանդները և այլ արժեքները տարաժամկետ կամ արժեթղթերով ինդեքսավորելու վերաբերյալ.
բ) իրականացնել նախկին ԽՍՀՄ խնայբանկի Հայաստանի Հանրապետության բանկում քաղաքացիների խնայողությունների ինդեքսավորումը 1993 թվականի վարկային էմիսիայով հատկացված գումարների շրջանակներում.
գ) մշակել և հաստատել Հայաստանի Հանրապետության պետական մասնագիտացված խնայողական բանկի կանոնադրությունը:
4. 1982 թվականի ԽՍՀՄ պետական ներքին շահող փոխառության պարտատոմսերի, ինչպես նաև ԽՍՀՄ խնայբանկի սերտիֆիկատների հետ կատարվող բոլոր գործառնությունները դադարեցնել մինչև ԱՊՀ մասնակից պետությունների կողմից դրանց վերաբերյալ վերջնական որոշում ընդունելը:
|
Հայաստանի Հանրապետության ԳԵՐԱԳՈՒՅՆ ԽՈՐՀՐԴԻ Նախագահ |
բ. արարքցյան |
|
|
