ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Հ Ր Ա Մ Ա Ն

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2008 ԹՎԱԿԱՆԻ ՄԱՐՏԻ 4-Ի N 03-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Հայաստանի Հանրապետության բնակչության սանիտարահամաճարակային անվտանգության ապահովման մասին» Հայաստանի Հանրապետության օրենքի 4-րդ հոդվածը, «Նորմատիվ իրավական ակտերի մասին» Հայաստանի Հանրապետության օրենքի 1-ին հոդվածի 2-րդ և 33-րդ հոդվածի 1-ին մասի 1-ին կետի և 3-րդ մասի, Հայաստանի Հանրապետության վարչապետի 2018 թվականի հունիսի 11-ի թիվ 728-Լ որոշման հավելվածով հաստատված Հայաստանի Հանրապետության առողջապահության նախարարության կանոնադրության 18-րդ կետի 20-րդ ենթակետը`

Հրամայում եմ`

1. Հայաստանի Հանրապետության առողջապահության նախարարի 2008 թվականի մարտի 4-ի «Բժշկական թափոնների գործածությանը ներկայացվող հիգիենիկ և հակահամաճարակային պահանջներ» N 2.1.3-3 սանիտարական կանոնները և նորմերը հաստատելու մասին» N 03-Ն հրամանում (այսուհետ հրաման) կատարել հետևյալ փոփոխությունները և լրացումները՝

1) Հրամանի նախաբանը շարադրել հետևյալ խմբագրությամբ՝

«Հիմք ընդունելով «Հայաստանի Հանրապետության բնակչության սանիտարահամաճարակային անվտանգության ապահովման մասին» Հայաստանի Հանրապետության օրենքի 4-րդ հոդվածը, վարակիչ հիվանդությունների դեմ պայքարի և կանխարգելման նպատակով, ելնելով բնակչության առողջության պահպանման շահերից և անվտանգությանը ներկայացվող հիգիենիկ պահանջները սահմանելու նպատակով,»,

2) Հրամանի Հավելված 1-ի 12-րդ կետի «ՀՀ առողջապահության նախարարության պետական հիգիենիկ և հակահամաճարակային տեսչություն» բառերը, 52-րդ կետի «Հայաստանի Հանրապետության առողջապահության նախարարության պետական հիգիենիկ և հակահամաճարակային տեսչություն» բառերը փոխարինել «Հայաստանի Հանրապետության առողջապահական և աշխատանքի տեսչական մարմին» բառերով, Հավելված 3-ի 35-րդ բաժնի վերջին պարբերության «հիգիենիկ և հակահամաճարակային տեսչությանը» բառերը փոխարինել «Հայաստանի Հանրապետության առողջապահական և աշխատանքի տեսչական մարմնին» բառերով, 46-րդ բաժնի «պետական հիգիենիկ և հակահամաճարակային տեսչության» բառերը փոխարինել «Հայաստանի Հանրապետության առողջապահական և աշխատանքի տեսչական մարմնի» բառերով,

3) Հրամանի հավելված 1-ի 2-րդ բաժնի 3-րդ կետի 2-րդ ենթակետի «ե» պարբերությունից հետո լրացնել հետևյալ բովանդակությամբ «զ» պարբերություն.

«զ. օքսիդներ»,

4) Հրամանի հավելված 1-ի 4-րդ բաժնի 35-րդ կետից հետո լրացնել «35.1» կետով՝ հետևյալ բովանդակությամբ.

«35.1. Փոքր քանակությամբ բժշկական թափոն առաջացնող բժշկական կազմակերպությունում բժշկական թափոնները կարող են պահվել 3-8°C սառնարանային պայմաններում մեկ շաբաթից առավելագույնը չորս շաբաթվա տևողությամբ կամ մինչև - 18°C ջերմաստիճանի պայմաններում՝ մինչև երկու ամիս:»,

5) Հրամանի հավելված 1-ի 4-րդ բաժնի 37-րդ կետի «ամսաթիվը» բառից հետո լրացնել «համաձայն սույն հրամանի հավելված 1-ի Ձև 1 և Ձև 2 մատյանի ձևերի» բառերը,

6) Հրամանի հավելված 3-ի 13-րդ բաժնի 4-րդ պարբերությունը լրացնել հետևյալ նախադասությամբ.

«Սառնարանային 3-8°C ջերմաստիճանի պայմաններում բժշկական վտանգավոր թափոնները պահվում են մեկ շաբաթից մինչև առավելագույնը չորս շաբաթ տևողությամբ և/կամ մինչև -18°C ջերմաստիճանի պայմաններում՝ մինչև երկու ամիս:»,

7) Հրամանի Հավելված 1-ը լրացնել «Ձև 1»-ով և «Ձև 2»-ով՝ համաձայն հավելվածի:

«Ձև 1

ԳՐԱՆՑԱՄԱՏՅԱՆ

ԲԺՇԿԱԿԱՆ ԹԱՓՈՆՆԵՐԻ

Ձև 2»

ԳՐԱՆՑԱՄԱՏՅԱՆ

ԲԺՇԿԱԿԱՆ ԹԱՓՈՆՆԵՐԻ ՊԱՀՄԱՆ ՏԱՐԱԾՔԻ