ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է 2011 թվականի մարտի 3-ին
«ՓԱԽՍՏԱԿԱՆՆԵՐԻ ԵՎ ԱՊԱՍՏԱՆԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հոդված 1. «Փախստականների և ապաստանի մասին» Հայաստանի Հանրապետության 2008 թվականի նոյեմբերի 27-ի ՀՕ-211-Ն օրենքի (այսուհետ` Օրենք) 29-րդ հոդվածի 4-րդ մասում «լիազոր մարմնի» բառերը փոխարինել «Ոստիկանության» բառով:
Հոդված 2. Օրենքի 30-րդ հոդվածում`
1) 2-րդ և 3-րդ մասերի «լիազոր մարմինը» բառերը փոխարինել «Ոստիկանությունը» բառով.
2) 4-րդ մասի առաջին նախադասության «լիազոր մարմինը» բառերը փոխարինել «Ոստիկանությունն այդ մասին տեղեկացնում է լիազոր մարմնին և» բառերով, իսկ «, անհրաժեշտության դեպքում համագործակցելով իրավապահ մարմինների հետ» բառերը հանել, ինչպես նաև 4-րդ մասի վերջին նախադասության «և» շաղկապը փոխարինել «, իսկ Ոստիկանությունը`» բառերով:
Հոդված 3. Օրենքի 34-րդ հոդվածի 1-ին մասի 5-րդ կետը շարադրել հետևյալ խմբագրությամբ.
5) «սույն օրենքով սահմանված կարգով ապաստանի դիմումների վերաբերյալ ընդունված վերջնական որոշումների մասին երեք աշխատանքային օրվա ընթացքում տեղեկացնում է Ոստիկանությանը.»:
Հոդված 4. Օրենքի 36-րդ հոդվածի 1-ին մասը լրացնել հետևյալ բովանդակությամբ 4-րդ կետով.
«4) Հայաստանի Հանրապետությունում ապաստան ստացած փախստականներին սահմանված կարգով տրամադրում է կոնվենցիոն ճամփորդական փաստաթուղթ:»:
Հոդված 5. Օրենքի 54-րդ հոդվածի 4-րդ մասի վերջին նախադասության «լիազոր մարմինն» բառերը փոխարինել «Ոստիկանությունն» բառով:
Հոդված 6. Օրենքի 58-րդ հոդվածում`
1) 1-ին մասի «Լիազոր մարմինը վերջնական որոշումը կայացնելուց հետո` մեկ շաբաթվա ընթացքում» բառերը փոխարինել «Ոստիկանությունը, լիազոր մարմնի որոշման հիման վրա, հինգ աշխատանքային օրվա ընթացքում» բառերով.
2) 2-րդ մասի չորրորդ նախադասության «և» բառը փոխարինել «, իսկ Ոստիկանությունը`» բառերով:
Հոդված 7. Օրենքի 62-րդ հոդվածի 7-րդ մասի «Լիազոր մարմինը» բառերը փոխարինել «Ոստիկանությունը» բառով, «և» բառը փոխարինել ստորակետով, իսկ նույն մասը «նմուշը» բառից հետո լրացնել «և տալու կարգը» բառերով:
Հոդված 8. Օրենքի 64-րդ հոդվածում`
1) 1-ին մասի երկրորդ պարբերության «մեկ տարվա» բառերը փոխարինել «երկու տարվա» բառերով, իսկ «լիազոր մարմին» բառերը` «Ոստիկանություն» բառով:
2) 2-րդ մասի «պետք է սույն օրենքի ուժի մեջ մտնելուց հետո` երկու տարվա ընթացքում, դիմեն լիազոր մարմին սույն օրենքի 30-րդ հոդվածով նախատեսված կոնվենցիոն ճամփորդական փաստաթուղթ ստանալու համար: Այդ ժամկետում կոնվենցիոն ճամփորդական փաստաթուղթ ձեռք չբերած անձինք» բառերը հանել:
Հոդված 9. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Հայաստանի Հանրապետության |
Ս. Սարգսյան |
|
2011 թ. մարտի 19 |
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|