Հայաստանի Հանրապետության
փոխվարչապետ

Երևան

14.02.2023

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ

Հավելված

ՀՀ փոխվարչապետի

N 118-Ա որոշման

1.

Ծրագրի նպատակը

Իրականացնել մինչև 18 տարեկան՝ կյանքի դժվարին իրավիճակում հայտնված երեխաների երկարաժամկետ և կարճաժամկետ ընտանեկան տիպի խնամք և դաստիարակություն, ինչպես նաև երեխաների համար ձևավորել հոգատար և ապահով ընտանեկան միջավայր, որը կապահովի նրանց ներդաշնակ զարգացումը և հետագա ինտեգրումը:

«ՍՕՍ-Մանկական Գյուղեր» հայկական բարեգործական հիմնադրամը կյանքի դժվարին իրավիճակում հայտնված երեխաների համար ապահովում է ընտանեկան տիպի խնամք: Երեխաները դառնում են ՍՕՍ ընտանիքի անդամ և ապրում են ՍՕՍ ընտանեկան տներում, ընդ որում՝ յուրաքանչյուր ընտանեկան տաննապրում, խնամվում և դաստիարակվում են միջինը մինչև յոթ երեխա: Յուրաքանչյուր ընտանեկան տուն ներառում է չորս ննջասենյակ, հյուրասենյակ, խոհանոց և ճաշասենյակ, չորս սանհանգույց` համապատասխան լվացարաններով և զուգարաններով, մեկ տնտեսական սենյակ և խորդանոց: Յուրաքանչյուր

ՍՕՍ ընտանիք ղեկավարվում է ՍՕՍ ծնողի կողմից, որն ապրում և աշխատում է այդ տանը:

2.

Ծրագրի բարեգործական որակման

նպատակը

Սահմանված կարգով օգտվել Հայաստանի Հանրապետության հարկերի, տուրքերի, պարտադիր վճարների օրենքներով նախատեսվող արտոնություններից:

3.

Բարեգործը

ՍՕՍ Մանկական Գյուղեր միջազգային կազմակերպություն (Հերման Գմայների փողոց 51 A-6020 Իննսբրուկ, Ավստրիա)

4.

Ծրագրի կատարողը

«ՍՕՍ-Մանկական Գյուղեր» հայկական բարեգործական հիմնադրամ (ՀՎՀՀ` 03517269, ՀՀ,

ք. Երևան, Հր. Քոչարի 8, բն. 18-19)

5.

Ծրագրի իրականացման վայրը և

բնագավառը

ՀՀ, Տավուշի մարզ, ք. Իջևան, Երևանյան 10

«ՍՕՍ-Մանկական Գյուղեր» հայկական բարեգործական հիմնադրամի «Իջևան» մասնաճյուղը (այսուհետ` մասնաճյուղ) գտնվում է Տավուշի մարզի Իջևան խոշորացված համայնքի կողմից անհատույց օգտագործման համար հանձնված շուրջ 1.2 հեկտար ընդհանուր հողատարածքում: Այն բաղկացած է 14 ընտանեկան տներից, վարչատնտեսական և ուսումնական շինություններից: Վերոնշյալ բոլոր շենքերն ու շինությունները, ինչպես նաև դրանցում օգտագործվող գույքը կազմակերպության սեփականությունն են և հիմնականում ձեռք են բերվել ՍՕՍ Մանկական Գյուղեր միջազգային կազմակերպության (Հերման Գմայների փողոց 51 A-6020 Իննսբրուկ, Ավստրիա) կողմից հատկացված միջոցներով:

Ծրագիրն առնչվում է սոցիալական բնագավառին:

6.

Ծրագրի բյուջեն

1,049,447,817 ՀՀ դրամ

7.

Բարեգործություն ստացողը

Ծրագրի շահառուներն են կյանքի դժվարին իրավիճակում հայտնված՝ մինչև 18 տարեկան շուրջ 76 երեխա, որոնք «ՍՕՍ-Մանկական Գյուղեր» հայկական բարեգործական հիմնադրամի մասնաճյուղ ուղղորդվում են ՀՀ աշխատանքի և սոցիալական հարցերի նախարարության կողմից տրված ուղեգրի, (Հայաստանի Հանրապետության կառավարության 2015 թվականի սեպտեմբերի 25-ի N 1112-Ն որոշման), խնամակալության և հոգաբարձության մարմինների կողմից ներկայացված գրությունների (որոշումների), ինչպես նաև ծնողների (օրինական ներկայացուցիչների) դիմումների հիման

վրա:

8.

Ծրագրի իրականացման տևողությունը

2023 թվականի հունվարի 27-ից մինչև 2025 թվականի դեկտեմբերի 31-ը

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

1. Շուրջ 76 երեխաների շարունակական խնամքի և դաստիարակության անընդմեջ իրականացում ՍՕՍ ընտանիքի շրջանակներում, մասնավորապես՝ սննդի, լվացող նյութերի և հիգիենայի պարագաների, հագուստի և կոշիկի, դպրոցական ծախսերի, այլ ընտանեկան ծախսերի, ինչպես նաև կենսաբանական ընտանիքին աջակցության տրամադրում` 261,803,860 ՀՀ դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

2. Կրթադաստիարակչական, մարզամշակութային միջոցառումների և ամառային հանգստի կազմակերպում, մասնավորապես՝ նախասիրությունների խմբակների, ինչպես նաև մինչև հիմնադրամի կողմից իրականացվող ծրագրի մեջ ներգրավվելը հանրակրթական դպրոցներ չհաճախած կամ թերհաճախած երեխաների համար հատուկ դասընթացների և առանձնահատուկ ընդունակություններ ունեցող երեխաների արտադասարանային պարապմունքների կազմակերպում, ինչպես նաև ուսումնական հաստատություններում վճարովի հոսքերում սովորողների ուսման վարձերի, մասնավորապես՝ մասնագետների վարձավճարների, անհրաժեշտ պարագաների և նյութերի ձեռքբերում, մարզամշակութային միջոցառումների, մարզական խաղերի, օլիմպիադաների, մրցաշարերի, համերգների, թատերական և կրկեսային ներկայացումների, էքսկուրսիաների, մանկական դիսկոտեկների, ազգային ավանդական և միջազգային տոնական միջոցառումների և շուրջ 76 երեխաների ամառային հանգստի կազմակերպում ճամբարային և առողջարանային համալիրներում ` 89,002,215 ՀՀ դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

3. Առողջության առաջնային պահպանում և հոգեբանական աջակցություն երեխաներին, մասնավորապես՝ երեխաների համար դեղորայքի, բժշկական օժանդակ սարքավորումների ձեռքբերում, բժշկական հետազոտությունների, թերապևտիկ և վիրաբուժական ծախսերի իրականացում` 14,670,000 ՀՀ դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

4. Կոմունալ ծառայությունների ստացում`47,965,500 ՀՀ դրամի չափով, նախատեսվում է 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

5. Գույքի և անհրաժեշտ տեխնիկայի (սառնարանների, գազօջախների, փոշեկուլների, լվացքի մեքենաների, համակարգիչների և համակարգչային այլ տեխնիկայի), կահույքի ձեռքբերում և վերանորոգում, այդ թվում՝ մանկական գյուղի տարածքի և շինությունների վերանորոգում և արդիականացում`25,000,000 ՀՀ դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

6. Ծրագրի մասնագիտական անձնակազմի (սաների հետ անմիջականորեն աշխատող անձնակազմի) աշխատավարձերի և բժշկական ապահովագրության (ՍՕՍ-մայր դաստիարակի, դաստիարակի օգնականի, մանկավարժական անձնակազմի, դպրոցական ավտոբուսի վարորդի) վճարներ` 385,374,165 ՀՀ դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

7. Տրանսպորտային միջոցների (տրանսպորտային միջոցները բացառապես օգտագործվում են շահառուների առաջնային կարիքների համար) նորոգման, տեխնիկական սպասարկման, շահագործման ծառայությունների և վառելանյութի ձեռքբերում` 30,109,950 ՀՀ դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

8. Տրանսպորտային այլ ծառայությունների ձեռքբերում (տաքսի և բեռնափոխադրումների ծառայություններ (բացառապես օգտագործվում է տնայցերի և այլ ծրագրային նպատակներով)` 2,394,000 ՀՀ դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

9. Վարձակալական ծառայությունների ձեռքբերում (բացառապես օգտագործվելու է խնամատար ընտանիքների ինտեգրման համար բնակարանների վարձավճարների նպատակով)՝ 18,000,000 ՀՀ դրամի չափով, նախատեսվում է իրականացնել 2023 թվականի հունվարի 27-ից մինչև 2025 թվականի դեկտեմբերի 31-ն ընկած ժամանակահատվածում:

10. Կազմակերպական ծախսերը (աշխատակազմի աշխատավարձ, դասընթացներ, սուպերվիզիաներ, գրասենյակային պարագաներ, տրանսպորտային ծախսեր, այլ կազմակերպական ծախսեր) կազմում են 175,128,127 ՀՀ դրամ՝ 2023 թվականի հունվարի

27-ից մինչև 2025 թվականի դեկտեմբերի 31-ն ընկած ժամանակահատվածի համար:

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

1. Շուրջ 76 երեխաների շարունակական խնամքի և դաստիարակության անընդմեջ իրականացում ՍՕՍ ընտանիքի շրջանակներում.

1) շահառուների համար սննդի ձեռքբերում` 115,088,400 ՀՀ դրամ.

2) շահառուների համար լվացող նյութերի և հիգիենայի պարագաների ձեռքբերում` 11,860,200 ՀՀ դրամ.

3) շահառուների համար հագուստի, կոշիկի և այլ առաջնային անհրաժեշտության պարագաների ձեռքբերում` 64,462,500 ՀՀ դրամ.

4) դպրոցական պարագաների (գրենական պիտույքներ և դպրոցական պայուսակ), դասագրքերի ձեռքբերման ծախսեր` 17,024,700 ՀՀ դրամ.

5) այլ ընտանեկան ծախսեր (ծննդյան տոների կազմակերպում, ծննդյան նվերների, ամանորյա նվերների և նմանատիպ այլ ձեռքբերումներ)` 47,684,860 ՀՀ դրամ.

6) աջակցություն շահառուների կենսաբանական ընտանիքին (հագուստի, կոշիկի, հիգիենայի պարագաների, դեղորայքի, սննդի ձեռքբերում)` 5,683,200 ՀՀ դրամ:

2. Կրթադաստիարակչական ծրագրերի, մարզամշակութային միջոցառումների և ամառային հանգստի կազմակերպման ծառայությունների ձեռքբերման ծախսեր.

1) մարզամշակութային միջոցառումների, մարզական խաղերի, օլիմպիադաների, մրցաշարերի, համերգների, թատերական և կրկեսային ներկայացումների, էքսկուրսիաների, մանկական դիսկոտեկների, ազգային ավանդական և միջազգային տոնական միջոցառումների կազմակերպման և մասնակցության ծախսեր՝ 17,047,200 ՀՀ դրամ.

2) շուրջ 76 երեխաների համար ճամբարային և առողջարանային համալիրներում ամառային հանգստի կազմակերպման նպատակով ծառայությունների ձեռքբերում` 66,939,015 ՀՀ դրամ:

3. Առողջության առաջնային պահպանում և հոգեբանական աջակցություն երեխաներին.

1) երեխաների համար դեղորայքի, բժշկական օժանդակ սարքավորումների ձեռքբերում, բժշկական հետազոտությունների, թերապևտիկ և վիրաբուժական ծառայությունների ձեռքբերում` 3,600,000 ՀՀ դրամ.

2) հոգեբանական աջակցության ծառայությունների ձեռքբերում՝ 11,070,000 ՀՀ դրամ:

4. Կոմունալ ծառայությունների ստացում (ծրագրային ծախսեր).

1) էլեկտրաէներգիայի վարձավճար` 7,614,000 ՀՀ դրամ.

2) ջրամատակարարման վարձավճար` 11,304,000 ՀՀ դրամ.

3) գազամատակարարման վարձավճար` 28,747,500 ՀՀ դրամ.

4) աղբահանություն վարձավճար` 300,000 ՀՀ դրամ:

5. Գույքի և անհրաժեշտ տեխնիկայի (սառնարանների, գազօջախների, փոշեկուլների, լվացքի մեքենաների, համակարգիչների և համակարգչային այլ տեխնիկայի, կահույքի) ձեռքբերում և վերանորոգում, այդ թվում՝ մանկական գյուղի տարածքի և շինությունների վերանորոգում և արդիականացում` 25,000,000 ՀՀ դրամ:

6. Տրանսպորտային միջոցների (տրանսպորտային միջոցները բացառապես օգտագործվում են շահառուների առաջնային կարիքների համար) նորոգման, տեխնիկական սպասարկման,

շահագործման և վառելանյութի ձեռքբերման ծախսեր` 30,109,950 ՀՀ դրամ:

7. Տրանսպորտային այլ ծառայությունների ձեռքբերում (տաքսի և բեռնափոխադրումների ծառայություններ, բացառապես օգտագործվում է տնայցերի և այլ ծրագրային նպատակներով)` 2,394,000 ՀՀ դրամ:

8. Կազմակերպական ծախսեր.

1) սուպերվիզիաների (հոգեբանական աջակցության) կազմակերպում մայրիկների համար` 2,772,000 ՀՀ դրամ.

2) հեռահաղորդակցության և գրասենյակային պարագաների ձեռքբերում` 5,526,000 ՀՀ դրամ.

3) տեղեկատվական նյութերի, ֆիլմերի, նկարների, բրոշյուրների և այլ նմանատիպ նյութերի և ծառայությունների ձեռքբերում` 3,240,000 ՀՀ դրամ.

4) հանդիպումների, միջոցառումների կազմակերպման համար անհրաժեշտ նյութեր, հյուրասիրություն` 3,966,000 ՀՀ դրամ.

5) տրանսպորտային ծառայությունների ձեռքբերում` 1,380,000 ՀՀ դրամ.

6) բժշկական նյութերի, դեղորայքի, օժանդակ պարագաների ձեռքբերում (ՍՕՍ-մայր դաստիարակի, դաստիարակի օգնականի և աշխատող անձնակազմի համար)` 4,050,000 ՀՀ դրամ.

7) այլ կազմակերպական ծախսեր (բանկային, փոստային ծախսեր և այլ չնախատեսված

ծախսեր)` 4,216,215 ՀՀ դրամ:

11.

Ծրագրի իրականացման կազմակերպական ծախսերը

1. Կազմակերպական ծախսերը կազմում 175,128,127 ՀՀ դրամ, որը կազմում է բյուջեի 16,69 տոկոսը.

1) աշխատակազմի աշխատավարձ, դրան հավասարեցված վճարումներ և բժշկական ապահովագրություն` 145,477,912 ՀՀ դրամ.

2) դասընթացների, սեմինարների կազմակերպում աշխատակիցների համար` 4,500,000 ՀՀ դրամ.

3) սուպերվիզիաների (հոգեբանական աջակցության) կազմակերպում մայրիկների համար` 2,772,000 ՀՀ դրամ.

4) հեռահաղորդակցություն և գրասենյակային պարագաներ` 5,526,000 ՀՀ դրամ.

5) տեղեկատվական նյութեր, ֆիլմեր, նկարներ, բրոշյուրներ` 3,240,000 ՀՀ դրամ.

6) հանդիպումների, միջոցառումների կազմակերպման համար անհրաժեշտ նյութեր, հյուրասիրություն` 3,966,000 ՀՀ դրամ.

7) տրանսպորտային ծախսեր (կազմակերպական ծախս)` 1,380,000 ՀՀ ՀՀ դրամ.

8) բժշկական նյութեր, դեղորայք, օժանդակ պարագաներ (ՍՕՍ-մայր դաստիարակի, դաստիարակի օգնականի և աշխատող անձնակազմի համար)` 4,050,000 ՀՀ դրամ.

9) այլ կազմակերպական ծախսեր (բանկային, փոստային ծախսեր և այլ չնախատեսված ծախսեր )` 4,216,215 ՀՀ դրամ:

12.

Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ

Ծրագրի իրականացման ընթացքում կազմակերպությունը համագործակցելու է ՀՀ աշխատանքի և սոցիալական հարցերի նախարարության, ՀՀ կրթության, գիտության, մշակույթի և սպորտի նախարարության, ՀՀ առողջապահության նախարարության, ՀՀ ոստիկանության, ինչպես նաև Տավուշի մարզպետարանի, տեղական ինքնակառավարման մարմինների, միասնական սոցիալական ծառայության, երեխաների պաշտպանության հարցերով զբաղվող տեղական և միջազգային հասարակական կազմակերպությունների

լայն շրջանակների հետ:

13.

Ծրագրի արդյունավետության

նկատմամբ վերահսկողության մեխանիզմների նկարագրությունը

Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ:

Հայաստանի Հանրապետության
փոխվարչապետ

14.02.2023

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ