ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է Ազգային ժողովի կողմից
13 հոկտեմբերի 1999 թվականի
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԸՆՏՐԱԿԱՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հոդված 1. Հայաստանի Հանրապետության ընտրական օրենսգրքի 2 հոդվածը լրացնել հետևյալ բովանդակությամբ 6-րդ կետով`
«6. Զինծառայության մեջ գտնվող կամ վարժական հավաքներ անցնող զինծառայողներ հանդիսացող քաղաքացիները տեղական ինքնակառավարման մարմինների ընտրություններին մասնակցում են մինչև զինծառայության զորակոչվելը կամ վարժական հավաքներին կանչվելը հաշվառված վայրում:
Զինծառայության մեջ գտնվող կամ վարժական հավաքներ անցնող զինծառայողներ հանդիսացող քաղաքացիները տեղական ինքնակառավարման մարմինների ընտրություններին մասնակցելու համար արձակվում են զինվորական կանոնագրքերով սահմանված կարգով:»:
Հոդված 2. Օրենսգրքի 10 հոդվածում`
ա) 1-ին կետը լրացնել հետևյալ բովանդակությամբ երկրորդ մասով`
«Տեղական ինքնակառավարման մարմինների ընտրությունների ժամանակ ընտրողների ցուցակում ընդհանուր հիմունքներով ընդգրկվում են նաև այն զինծառայողները, ովքեր զինծառայության զորակոչվելու կապակցությամբ հանվել են հաշվառումից: Զինծառայության մեջ գտնվող, բայց հաշվառումից չհանված քաղաքացիներն ընտրողների ցուցակում ընդգրկվում են ընդհանուր հիմունքներով:»:
բ) 3-րդ կետի սկզբում «Զորամասերի» բառը փոխարինել «Հանրապետության Նախագահի և Ազգային ժողովի ընտրությունների ժամանակ զորամասերի» բառերով:
Հոդված 3. Սույն օրենքն ուժի մեջ է մտնում հրապարակման պահից:
|
Հայաստանի Հանրապետության |
Ռ. Քոչարյան |
|
|
