ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2007 ԹՎԱԿԱՆԻ ՓԵՏՐՎԱՐԻ 9-Ի ԹԻՎ 39-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Նպատակ ունենալով բարելավել բանկերի կողմից նորմատիվների հաշվարկման կարգը,

հիմք ընդունելով «Բանկերի և բանկային գործունեության մասին» Հայաստանի Հանրապետության օրենքի 5-րդ գլուխը,

ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով և «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին և 3-րդ մասերով և 34-րդ հոդվածով՝ Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2007 թվականի փետրվարի 9-ի ««Բանկերի գործունեության կարգավորումը, բանկային գործունեության հիմնական տնտեսական նորմատիվները» կանոնակարգ 2-ը հաստատելու մասին» թիվ 39-Ն որոշմամբ հաստատված «Բանկերի գործունեության կարգավորումը, բանկային գործունեության հիմնական տնտեսական նորմատիվները» կանոնակարգ 2-ում (այսուհետ` Կանոնակարգ) կատարել հետևյալ փոփոխությունները և լրացումները.

1) Կանոնակարգի 37-րդ կետը «6-րդ կետով սահմանված ակտիվների համապատասխան ռիսկի կշիռներով» բառերից հետո լրացնել «(, բայց ոչ ավելի, քան 100 տոկոսով)» բառերով,

2) Կանոնակարգի 37-րդ, 38-րդ, 42-րդ և 43-րդ կետերը «միջբանկային վարկերի,» բառերից հետո լրացնել «բանկերի նկատմամբ այլ պահանջների,» բառերով,

3) Կանոնակարգի 38-րդ կետում «հավելված 3-ով սահմանված ակտիվների համապատասխան կշիռներով» բառերը փոխարինել «3-րդ հավելվածի 6-րդ կետով սահմանված ակտիվների համապատասխան ռիսկի կշիռներով (բայց ոչ ավելի, քան 100 տոկոսով)» բառերով,

4) Կանոնակարգի 42-րդ և 43-րդ կետերում «3-րդ հավելվածի 6-րդ կետով սահմանված ակտիվների համապատասխան կշիռներով» բառերը փոխարինել «3-րդ հավելվածի 6-րդ կետով սահմանված ակտիվների համապատասխան ռիսկի կշիռներով (բայց ոչ ավելի, քան 100 տոկոսով)» բառերով,

5) Կանոնակարգի 49-րդ կետի վերջին պարբերությունում «3-րդ հավելվածի 6-րդ կետով սահմանված ակտիվների համապատասխան կշիռներով» բառերը փոխարինել «3-րդ հավելվածի 6-րդ կետով սահմանված ակտիվների համապատասխան ռիսկի կշիռներով (բայց ոչ ավելի, քան 100 տոկոսով)» բառերով,

6) Կանոնակարգի 53.1-րդ կետի 1-ին ենթակետը շարադրել հետևյալ խմբագրությամբ.

«1) Պահուստավորումն իրականացվում է այն ժամկետով, որի չափով ներգրավված միջոցը պարտադիր պահուստավորման նորմատիվի հաշվարկում ընդգրկվել էր նվազեցված դրույքաչափով,»,

7) Կանոնակարգի 53.1 կետի 2-րդ ենթակետում «1.5-ապատիկը» բառը փոխարինել «1.25-ապատիկ» բառով,

8) Կանոնակարգի 53.1 կետը լրացնել հետևյալ նախադասությամբ.

«Սույն կետով սահմանված պահուստավորումն իրականացվում է այն դեպքում, եթե վաղաժամկետ մարումն իրականացվել է մինչև այն ժամկետի ավարտը, որին համապատասխանող նվազեցված դրույքաչափով ներգրավված միջոցն ընդգրկվել էր պահուստավորման հաշվարկում:»,

9) Կանոնակարգի հավելված 3-ի 6-րդ կետի աղյուսակի 6.15-6.18-րդ տողերը շարադրել հետևյալ խմբագրությամբ.

10) Կանոնակարգի հավելված 3-ի 7.1-րդ կետի 3-րդ ենթակետը «մարումները:» բառից հետո լրացնել հետևյալ բովանդակությամբ նոր նախադասությամբ.

«Ընդ որում, եթե արտահանողն իր կողմից արտահանվող ապրանքների և (կամ) ծառայությունների դիմաց գնանշումն իրականացնում է արտարժույթով, սակայն դրա դիմաց փաստացի վճարումը ստանում է Հայաստանի Հանրապետության դրամով՝ արտահայտված վճարման օրվա փոխարժեքով, ապա նման միջոցները նույնպես կարող են ներառվել սույն ենթակետով նախատեսված ներհոսքերի հաշվարկի մեջ:»,

11) Կանոնակարգի հավելված 3-ի 7.1.2-րդ կետում «ստացել է» բառը փոխարինել «ունի» բառով:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը, բացառությամբ սույն որոշման առաջին կետի 9-րդ ենթակետի, որն ուժի մեջ է մտնում սույն որոշման պաշտոնական հրապարակման օրվանից վեց ամիս հետո, և սույն որոշման առաջին կետի 6-8-րդ ենթակետերի, որոնք ուժի մեջ են մտնում պաշտոնական հրապարակումից հետո՝ անմիջապես: