ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՈՌՈԳՄԱՆ ՀԱՄԱԿԱՐԳԵՐԻ ՀԻՄՆԱՆՈՐՈԳՄԱՆ 2015 ԹՎԱԿԱՆԻ ԾՐԱԳԻՐԸ ՀԱՍՏԱՏԵԼՈՒ, ՀՀ 2015 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ, ՀՀ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ԴԵԿՏԵՄԲԵՐԻ 18-Ի N 1515-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄՆԵՐ ԿԱՏԱՐԵԼՈՒ ԵՎ ԳՆՄԱՆ ԳՈՐԾԸՆԹԱՑԸ ԿԱԶՄԱԿԵՐՊԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 հունվարի 2015 թվականի N 182-Ն

ՈՌՈԳՄԱՆ ՀԱՄԱԿԱՐԳԵՐԻ ՀԻՄՆԱՆՈՐՈԳՄԱՆ 2015 ԹՎԱԿԱՆԻ ԾՐԱԳԻՐԸ ՀԱՍՏԱՏԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2015 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ԴԵԿՏԵՄԲԵՐԻ 18-Ի N 1515-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄՆԵՐ ԿԱՏԱՐԵԼՈՒ ԵՎ ԳՆՄԱՆ ԳՈՐԾԸՆԹԱՑԸ ԿԱԶՄԱԿԵՐՊԵԼՈՒ ՄԱՍԻՆ

Համաձայն «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 23-րդ հոդվածի 2-րդ մասի, Հայաստանի Հանրապետության կառավարության 2014 թվականի դեկտեմբերի 18-ի N 1515-Ն որոշման 19-րդ կետի 1-ին ենթակետի «բ» պարբերության, ինչպես նաև ոռոգման ոլորտի կազմակերպությունների կողմից շահագործվող մի շարք ջրային համակարգերի ամենամյա նորոգումների կատարման, ոռոգման համակարգում հրատապ լուծում պահանջող աշխատանքների իրականացման և ոռոգման սեզոնի արդյունավետ կազմակերպման նպատակով Հայաստանի Հանրապետության կառավարությունը որոշում է.

1. Հաստատել ոռոգման համակարգերի հիմնանորոգման 2015 թվականի ծրագիրը` համաձայն N 1 հավելվածի:

2. «Հայաստանի Հանրապետության 2015 թվականի պետական բյուջեի մասին» Հայաստանի Հանրապետության օրենքի N 1 հավելվածում կատարել վերաբաշխում և Հայաստանի Հանրապետության կառավարության 2014 թվականի դեկտեմբերի 18-ի «Հայաստանի Հանրապետության 2015 թվականի պետական բյուջեի կատարումն ապահովող միջոցառումների մասին» N 1515-Ն որոշման NN 5 և 12 հավելվածներում կատարել փոփոխություններ ու լրացումներ` համաձայն NN 2, 3, 4 և 5 հավելվածների:

3. Սահմանել, որ սույն որոշման N 1 հավելվածի՝

1) 1-ին բաժնում նախատեսված գումարները Հայաստանի Հանրապետության գյուղատնտեսության նախարարության ջրային տնտեսության պետական կոմիտեին հատկացվում են բյուջետային ծախսերի տնտեսագիտական դասակարգման «Շենքերի և շինությունների կապիտալ վերանորոգում» և «Նախագծահետազոտական ծախսեր» հոդվածներով, որոնց գնումներն իրականացվելու են՝ կիրառելով «Գնումների մասին» Հայաստանի Հանրապետության օրենքի 20-րդ հոդվածի 5-րդ մասի 2-րդ կետով սահմանված բանակցային ընթացակարգը` առանց գնումների հայտարարությունը նախապես հրապարակելու.

2) 2-րդ բաժնում նախատեսված գումարները ջրօգտագործողների ընկերություններին հատկացվում են «Այլ կապիտալ դրամաշնորհներ» հոդվածով՝ հավելվածի 2-րդ բաժնով նախատեսված կազմակերպություններին համապատասխան պայմանագրերի հիման վրա նվիրաբերելու նպատակով.

3) 3-րդ բաժնում նախատեսված գումարը ոռոգում-ջրառ իրականացնող կազմակերպություններին հատկացվում է «Կապիտալ դրամաշնորհներ պետական և համայնքային առևտրային կազմակերպություններին» հոդվածով՝ նշված հավելվածի 3-րդ բաժնով նախատեսված կազմակերպություններին համապատասխան պայմանագրի հիման վրա նվիրաբերելու նպատակով:

4. Հայաստանի Հանրապետության գյուղատնտեսության նախարարության ջրային տնտեսության պետական կոմիտեին`

1) սույն որոշման N 1 կետով հաստատված ծրագրի ֆինանսավորումը կատարել համապատասխան նախագծանախահաշվային փաստաթղթերի կամ թերությունների տեղեկագրերի առկայության պայմաններում.

2) մինչև 2016 թվականի փետրվարի 1-ը Հայաստանի Հանրապետության ֆինանսների նախարարություն ներկայացնել սույն որոշման 1-ին կետով հաստատված ծրագրով կատարված աշխատանքների ֆինանսատնտեսական արդյունքների վերաբերյալ տեղեկատվություն` ջրօգտագործողների ընկերությունների ֆինանսական և ոչ ֆինանսական ցուցանիշների վրա ազդեցության տեսանկյունից:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության
վարչապետ

Հ. Աբրահամյան

2015 թ. մարտի 4
Երևան

Հավելված N 1

ՀՀ կառավարության 2015 թվականի

հունվարի 30-ի N 182-Ն որոշման

Ծ Ր Ա Գ Ի Ր

ՈՌՈԳՄԱՆ ՀԱՄԱԿԱՐԳԵՐԻ ՀԻՄՆԱՆՈՐՈԳՄԱՆ 2015 ԹՎԱԿԱՆԻ

NN ը/կ	Օբյեկտը շահագործող կազմակերպության անվանումը	Օբյեկտի անվանումը	Կատարվելիք աշխատանքների համառոտ բնութագիրը	Ընդամենը՝ գումարի չափը (հազ. դրամ)	այդ թվում՝		Ակնկալվող արդյունքը
NN ը/կ	Օբյեկտը շահագործող կազմակերպության անվանումը	Օբյեկտի անվանումը	Կատարվելիք աշխատանքների համառոտ բնութագիրը	Ընդամենը՝ գումարի չափը (հազ. դրամ)	նախա-գծանախա-հաշվային փաստա-թղթերի ձեռք-բերման, փորձա-քննության և հեղի-նակային հսկո-ղության արժեքը	տեխ. վերա-հսկման արժեքը	Ակնկալվող արդյունքը
1	2	3	4	5	6	7	8
	1. Ոռոգման համակարգերում հրատապ լուծում պահանջող աշխատանքներ (բյուջետային ծախսերի տնտեսագիտական դասակարգման «Շենքերի և շինությունների կապիտալ վերանորոգում» և «Նախագծահետազոտական ծախսեր» հոդվածներով), որոնք նախատեսվում է իրականացնել կիրառելով «Գնումների մասին» ՀՀ օրենքով սահմանված բանակցային ընթացակարգ` առանց գնումների հայտարարությունը նախապես հրապարակելու գնման ձևը
1.1.	«Թալին» ՋՕԸ	Շտրեկի պոմպակայանի վերանորոգում	Պոմպակայանի մաշված էլ. և հիդրոմեխանիկական սարքավորումների փոխարինում նոր սարքավորումներով	57,344.50	100.0	798.0	Կապահովվի հուսալի ջրամատակարարում:
	ԸՆԴԱՄԵՆԸ՝ ԱՌԱՋԻՆ ԲԱԺԻՆ			57,344.50	100.0	798.0
	2. Ոռոգման համակարգերում հրատապ լուծում պահանջող աշխատանքներ («Այլ կապիտալ դրամաշնորհներ» հոդվածով)
2.1.	«Խոյ» ՋՕԸ	Աղավնատուն ջ/կ վերանորոգում	Աղավնատան ջ/կ գտնվում է քայքայված և վթարային վիճակում: Պոմպակայանի հողային հունով մոտեցնող ջրանցքը մեծ խոչընդոտ է առաջացնում շահագործման ժամանակ: Անհրաժեշտ է կառուցել նոր պոմպակայանի շենք Ստորին Հրազդանի ջրանցքի մոտ և ավելացնել Դ-219 մմ Լ-350 մ մետաղական խողովակաշարի տեղադրում	11,138.3	560.0	156.4	Կապահովվի Աղավնատան համայնքի 50 հա հողերի ոռոգումը:
		1 խորքային հորի վերականգնում	Հովտամեջի համայնքում մոտ 100 հա հողատարածքները ոռոգվել են խորքային հորով և ներտնտեսային ջրանցքով: Այժմ խորքային հորը ցամաքել է, ուստի անհրաժեշտ է վերականգնել 1 խորքային հոր, ԷՑՎ -12-160-65 խորքային պոմպ ձեռք բերել և տեղադրել	10,726.10	413.7	113.6	Կապահովվի Հովտամեջի համայնքի 60 ջրօգտագործողների 35 հա հողերի ոռոգումը:
		1 խորքային հորի վերականգնում	Սամաղարի համայնքում ոռոգման ջուրը անցնում է տնամերձ հողատարածքներով և համայնքի վարչական տարածքով, որը առաջացնում է մեծ դժվարություններ ու ջրի մեծ կորուստներ ջրի տեղափոխման ժամանակ: Ուստի անհրաժեշտ է Սամաղարի համայնքում վերականգնել 1 խորքային հոր, ԷՑՎ -12-160-65 խորքային պոմպ ձեռք բերել և տեղադել	12,840.70	500.0	154.9	Կապահովվի Սամաղարի համայնքի 55 ջրօգտագործողների 35 հա հողերի ոռոգումը:
		14 խորքային պոմպից 10 հատի ձեռքբերում և տեղադրում, 4 հատի հիմնանորոգում և տեղադրում	14 խորքային պոմպից 10 հատի նորի ձեռքբերում ու տեղադրում և 4 հատի հիմնանորոգում	35,447.10	1680.0	265.7	Կապահովվի հուսալի ջրամատակարարում:
	«Մուսալեռ» ՋՕԸ	Խորքային հորի վերականգնում	Զվարթնոց համայնքի N 5 խորքային հորի վերականգնում, ԷՑՎ -12-160-65 խորքային պոմպի ձեռքբերում և տեղադրում	10,325.80	400.0	85.8	Կապահովվի Զվարթնոցի համայնքի 17 ջրօգտագործողների 27 հա հողերի ոռոգումը:
		Խորքային հորի վերականգնում	Զվարթնոց համայնքի N 7 խորքային հորի վերականգնում, ԷՑՎ -12-160-65 խորքային պոմպի ձեռքբերում և տեղադրում	10,182.90	400.0	82.9	Կապահովվի Զվարթնոցի համայնքի 42 ջրօգտագործողների 38 հա հողերի ոռոգումը:
		Խորքային հորի վերականգնում	Զվարթնոց համայնքի N 8 խորքային հորի վերականգնում, ԷՑՎ -12-160-65 խորքային պոմպի ձեռքբերում և տեղադրում	8,515.00	330.0	75.0	Կապահովվի Զվարթնոցի համայնքի 45 ջրօգտագործողների 39 հա հողերի ոռոգումը:
2.3.	«Շենիկ» ՋՕԸ	Ղարա-Զալա-2 պոմպակայանի վերանորոգում	22 ՆԴՍ պոմպային ագրեգատի ձեռքբերում և տեղադրում	9,622.80		2.3	Կապահովվի հուսալի ջրամատակարարում:
		Մյասնիկյանի համայնքի «N 3 դատարան» խորքային հորատանցքի վերականգնում	Պոմպային սարքավորման, կառավարման վահանակի, մալուխի, խողովակների ձեռքբերում և տեղադրում	5,583.50	251.2	71.0	Կապահովվի Մյասնիկյանի համայնքի 15 հա հողերի ոռոգումը:
		Մյասնիկյանի համայնքի շահագործման, ընդունման ենթակա «Ծիրանանոց» խորքային հորատանցքի վերականգնում	Պոմպային սարքավորման, կառավարման վահանակի, մալուխի, խողովակների ձեռքբերում և տեղադրում, հորատանցքի մաքրում	12,020.0	523.8	189.2	Կապահովվի Մյասնիկյանի համայնքի 25 հա հողերի ոռոգումը:
		Արտամետի համայնքի շահագործման, ընդունման ենթակա «N 3 Ջիվան» խորքային հորատանցքի վերանորոգում	Պոմպային սարքավորման ձեռքբերում և տեղադրում	3,760.3	162.2	17.3	Կապահովվի Արտամետի համայնքի 53 հա հողերի ոռոգումը:
		Արտամետի համայնքի շահագործման, ընդունման ենթակա «N 4 ֆերմա» խորքային հորատանցքի վերականգնում	Պոմպային սարքավորման, տրանսֆորմատորային ենթակայանի, կառավարման վահանակի, մալուխի, խողովակների ձեռքբերում և տեղադրում, հորատանցքի մաքրում	17,155.0	740.7	232.6	Կապահովվի Արտամետի համայնքի 35 հա հողերի ոռոգումը:
		Տալվորիկի համայնքի շահագործման ընդունման ենթակա «N 5» խորքային հորատանցքի վերականգնում	Պոմպային սարքավորման, տրանսֆորմատորային ենթակայանի, կառավարման վահանակի, մալուխի, խողովակների ձեռքբերում և տեղադրում, հորատանցքի մաքրում	15,837.7	687.1	203.60	Կապահովվի Տալվորիկի համայնքի 50 հա հողերի ոռոգումը:
2.4.	«Սևջուր» ՋՕԸ	1 խորքային հորի վերականգնում	1 խորքային հորի վերականգնում Վարդանաշենի համայնքում R-8 բաժանարարի վրա, ԷՑՎ -12-210-55 խորքային պոմպի ձեռքբերում և տեղադրում	10,899.2	421.0	119.6	Կապահովվի Վարդանաշենի համայնքի 60 հա հողերի ոռոգումը:
		1 խորքային հորի վերականգնում	1 խորքային հորի վերականգնում Եղեգնուտի համայնքում, ԷՑՎ -12-210-55 խորքային պոմպի ձեռքբերում և տեղադրում	13,897.7	535.0	168.50	Կապահովվի Եղեգնուտի համայնքի 65 հա հողերի ոռոգումը:
		1 խորքային հորի վերականգնում	1 խորքային հորի վերականգնում Եղեգնուտի համայնքում (Ակադեմիա), ԷՑՎ -12-250-35 խորքային պոմպի ձեռքբերում և տեղադրում	8,550.8	329.0	75.8	Կապահովվի Եղեգնուտի համայնքի 30 հա հողերի ոռոգումը:
		Զարթոնք-Եղեգնուտ խորքային հորի վերականգնում	Զարթոնք-Եղեգնուտ ճանապարհի ձախ մասում «Տիկոյի ծառ» խորքային հորի վերականգնում, ԷՑՎ -12-250-35 խորքային պոմպի ձեռքբերում և տեղադրում	12,838.0		150.50	Կապահովվի Եղեգնուտի համայնքի 35 հա հողերի ոռոգումը:
		Երասխահուն խորքային հորի վերականգնում	Երասխահունի համայնքի «Ավոյի հոր» խորքային հորի վերականգնում, ԷՑՎ -12-250-35 խորքային պոմպի ձեռքբերում և տեղադրում	12,453.50		163.4	Կապահովվի Երասխահունի համայնքի 35 հա հողերի ոռոգումը:
2.5.	«Վաղարշապատ» ՋՕԸ	Նորակերտի համայնքի ոռոգման ջրատարի վերանորոգում	Նորակերտի համայնքի ոռոգման Դ=530 մմ Լ=522.4 գծմ ջրագծի վերանորոգում մետաղական խողովակներով	13,005.0		255.0	Կապահովվի Նորակերտի համայնքի 300 ջրօգտագործողների 200 հա հողերի ոռոգումը:
2.6.	«Արմավիր» ՋՕԸ	Մայիսյան խորքային հորի վերականգնում	Մայիսյան համայնքի խորքային հորի վերականգնում, ԷՑՎ -12-160-65 խորքային պոմպի ձեռքբերում և տեղադրում	12,211.8		134.8	Կապահովվի Մայիսյանի համայնքի 35 հա հողերի ոռոգումը:
2.7.	«Ակնալիճ» ՋՕԸ	Տարոնիկ խորքային հորի վերականգնում	Տարոնիկ համայնքից 600 մ հեռավորության վրա «N 815 պայմանական անվանում» խորքային հորի վերականգնում, ԷՑՎ -12-160-65 խորքային պոմպի ձեռքբերում և տեղադրում	11,726.3		124.8	Կապահովվի Տարոնիկի համայնքի 35 հա հողերի ոռոգումը:
2.8.	«Մերձափնյա» ՋՕԸ	Հայկավանի համայնքի «Բամբակաշատ ճանապարհ» խորքային հորատանցքի վերականգնում	Պոմպային սարքավորման, տրանսֆորմատորային ենթակայանի, կառավարման վահանակի, մալուխի, խողովակների ձեռքբերում և տեղադրում, հորատանցքի մաքրում	8,040.1	365.5	72.6	Կապահովվի Հայկավանի համայնքի 30 հա հողերի ոռոգումը:
		Արևիկի համայնքի «Վարիկի» խորքային հորատանցքի վերականգնում	Պոմպային սարքավորման, տրանսֆորմատորային ենթակայանի, կառավարման վահանակի, մալուխի, խողովակների ձեռքբերում և տեղադրում, հորատանցքի մաքրում և մղման խողովակաշարի տեղադրում	8,811.2	361.8	80.4	Կապահովվի Արևիկի համայնքի 25 հա հողերի ոռոգումը:
		Տանձուտի համայնքի «Կարմիր խաչ» խորքային հորատանցքի վերականգնում	Պոմպային սարքավորման, տրանսֆորմատորային ենթակայանի, կառավարման վահանակի, մալուխի, խողովակների ձեռքբերում և տեղադրում	8,383.5	361.8	69.3	Կապահովվի Տանձուտի համայնքի 30 հա հողերի ոռոգումը:
		Հայկավանի համայնքի Р-1 բաժանարարի վերանորոգում	Լ-450 գծմ LR-80 տիպի կիսախողովակներով ջրանցքի վերանորոգում	1,340.0	1340.0		Կապահովվի Հայկավանի համայնքի 140 ջրօգտագործողների 75 հա հողերի ոռոգումը:
2.9.	«Ազատ» ՋՕԸ	Արտաշատի հեռացնող ջրանցքի N-36 բաժանարարի ճյուղավորում	N-36 բաժանարարը սպասարկում է Արևշատի համայնքի տնամերձերի 60 տոկոսը: Բաժանարարի նոր ճյուղավորման Դ-400մմ Լ-400գծմ երկարությամբ խողովակաշարի կառուցման դեպքում կոռոգվեն մնացած հատվածները	9,500.0	280.0	188.0	Կապահովվի Արևշատի համայնքի 38 հա հողատարածքների ոռոգումը:
2.9.	«Ազատ» ՋՕԸ	Դալարի և Ազատավանի համայնքների խ/պ ձեռքբերում և տեղադրում	Դալար-1 հատ և Ազատավան-1 հատ համայնքների խ/պ ձեռքբերում և տեղադրում	4,958.0	200.0	38.0	Կապահովվի Դալարի և Ազատավանի համայնքների 60 հա հողատարածքների ոռոգումը:
2.10.	«Արարատ» ՋՕԸ	«Արազափ-1» և «Խոր-Վիրապ» պոմպակայանների վերանորոգում	Պոմպակայանների էլ. և հիդրոմեխ. սարքավորումների 1 Դ1600/90 պոմպի և 1 էլ. շարժիչի 800 կվ 1000 պ/րոպե 6 կՎտ ձեռքբերում և տեղադրում	15,061.0	50.0	52.0	Կապահովվի Արմաշի և Երասխի համայնքների հուսալի ջրամատակարարում:
2.11.	«Արտաշատ» ՋՕԸ	Վարդաշենի համայնքի փակ ջրագծի կառուցում	Վարդաշենի համայնքի փակ ջրագծի կառուցում Դ-200 մմ Լ-818 գծմ երկարությամբ պոլիէթիլենային խողովակներով	9,340.6	380.0	175.7	Կապահովվի Վարդաշեն համայնքի 50 ջրօգտագործողների 50 հա հողատարածք-ների ոռոգումը:
		Վ. Արտաշատ ջրանցքից փակ ջրագծի կառուցում և Դվին ջրանցքից սնվող պոմպակայանի մղման խողովակաշարի կառուցում	Փակ ջրագծի կառուցում Դ-250 մմ երկշերտ ծալքավոր խողովակներով Լ-2278 գծմ: Փակ ջրագծի կառուցում Դ-160 մմ պոլիէթիլենային խողովակներով Լ-493 գծմ	78,963.1	3000.0	1351.0	Կապահովվի Վ. Արտաշատի և Նորաշենի համայնքներ 80 հա, Ներքին Դվինի համայնքի 30 ջրօգտագործողների 25 հա ոռոգումը:
		Քաղցրաշենի համայնքի փակ ջրագծի կառուցում	Մետաղական Դ-200մմ Լ-1800 գծմ երկարությամբ խողովակների տեղադրում	15,755.8		314.0	Կապահովվի Քաղցրաշենի համայնքի 80 հա հողատարածքի և 120 ջրօգտագործողների ոռոգումը:
2.12.	«Վեդի» ՋՕԸ	Գոռավանի պոմպակայանի վերանորոգում	Պոմպակայանի շենքի երկաթբետոնյա միջնապատի վերանորոգում	4,770.0		93.5	Կապահովվի Գոռավանի պոմպակայանի անխափան շահագործումը:
2.13.	«Մասիս» ՋՕԸ	Նոր-Խարբերդի «Արագած-1» ջ/կ և «Արագած-2» ջ/կ վերանորոգում	Նոր-Խարբերդի «Արագած-1» ջ/կ Դ-104 մմ Լ-160 գծմ երկարությամբ մղման խողովակաշարի վերանորոգում և «Արագած-2» ջ/կ շենքի և էլ. ու հիդրոմեխանիկական սարքավորումների վերանորոգում	5,672.4	253.4	96.30	Նոր-Խարբերդի ամառանոցային թաղամասի 110 ջրօգտագործողների 11 հա հողատարածքների ոռոգումը:
		Նոր-Խարբերդի «Մյասնիկյանի անվան կահույքի ֆաբրիկա» և «Նուրբ բրդյա» ջ/կ-ների վերանորոգում	Նոր-Խարբերդի «Մյասնիկյանի անվան կահույքի ֆաբրիկա» ջ/կ Դ-104 մմ Լ-500 գծմ երկարությամբ մղման խողովակաշարի և «Նուրբ բրդյա» ջ/կ Դ-104 մմ Լ-500 գծմ երկարությամբ մղման խողովակաշարի վերանորոգում	9,697.5	440.0	181.5	Նոր-Խարբերդի ամառանոցային թաղամասի 110 ջրօգտագործողների 9 հա հողատարածքների ոռոգումը:
		Նոր-Խարբերդի 19 մինչև 17 փողոցների և Դարակերտի համայնքի 3-րդ կարգի ջրանցքների վերանորոգում	Նոր-Խարբերդի 19 մինչև 17 փողոցների ջրագծերի Դ-104-159 մմ Լ-250 գծմ մղման խողովակաշարի վերանորոգում: Դարակերտի համայնքի 3-րդ կարգի ջրանցքների քայքայված հատվածների ԼՌ-6 ե/բ վաքերի 204 գծմ վերանորոգում	7,117.50	324.0	133.2	Նոր-Խարբերդի ամառանոցային թաղամասի և Դարակերտի համայնքի 350 ջրօգտագործողների 132 հա հողատարածքների ոռոգումը:
		Դարբնիկի համայնքում բացասական ճնշումով ինքնաշատրվանող հորերի վրա հորիզոնական պոմպի տեղադրում և Նորամարգի համայնքի ինքնաշատրվանող հորից մղման խողովակաշարի կառուցում	Դարբնիկի համայնքում 4 կՎտ հզորությամբ հորիզոնական պոմպի տեղադրում: Նորամարգ համայնքի ինքնաշատրվանող հորից Դ-200 մմ Լ-450 գծմ պոլիէթիլենային խողովակից մղման խողովակաշարի կառուցում	7,421.30	356.0	133.1	Դարբնիկի և Դարակերտի համայնքի 185 ջրօգտագործողների 105 հա հողատարածքների ոռոգումը:
		Արբաթի համայնքի խորքային հորի մղման խողովակաշարի կառուցում	Արբաթի համայնքի խորքային հորի պոլիէթիլենային Դ-150 մմ Լ-700 գծմ երկարությամբ մղման խողովակաշարի կառուցում	9,379.5	376.0	176.6	Արբաթի համայնքի 180 ջրօգտագործողների 60 հա հողատարածքների ոռոգումը:
2.14.	«Շամիրամ» ՋՕԸ	Արուճի Ջ/Կ-ի վերանորոգում	Պոմպը մաշված է, էլ. սարքավ. պետք է փոխվեն, շենքի հիմնանորոգում	5,035.9		100.0	Կապահովվի Արուճի համայնքի 90 ջրօգտագործողների 250 հա հողատարածքների ոռոգումը:
2.15.	«Փարպի» ՋՕԸ	Ոսկեվազի ջրագծի վերանորոգում	Դ-400 մմ Լ-50 գծմ մետաղական խողովակաշարի վերանորոգում	1,500.0		28.0	Կապահովվի հուսալի ջրամատակարարում:
2.16.	«Թալին» ՋՕԸ	Թալին N 1, Սարալանջ N 7 առաջին աստիճան, Արեգ N 7 երկրորդ աստիճան, Դաշտադեմ, Գետափ, Անի և Արագած-1;2 պոմպակայանների նորոգում	Պոմպակայաններում ֆիզիկապես և բարոյապես մաշված էլ. և հիդրոմեխանիկական սարքավորումների, կոմպենսատորների վերանորոգում	27,128.1		248.10	Կապահովվի Արգինայի, Արագածի, Արեգի, Թալինի, Աշնակի, Գետափի և Անի Պեմզայի համայնքների 1207 ջրօգտագործողների 2485 հա հողերի ոռոգումը:
2.16.	«Թալին» ՋՕԸ	Կաքավաձորի համայնքի ջրամբարի ջրթող փականի վերանորոգում	Կաքավաձորի համայնքի ջրամբարի ջրթող փականի Դ-800 մմ չի գործում, այն ջարդվել է և պիտանի չէ շահագործման, հարկավոր է նորի տեղադրում	1,199.60		23.6	Կապահովվի հուսալի ջրամատակարարում:
2.17.	«Աշտարակ» ՋՕԸ	Մուղնիի համայնքի ներտնտեսային ցանցի վերանորոգում	Քայքայված Դ-273 մմ Լ-400 գծմ մետաղական խաղովակաշարի փոխարինում նորով	7,445.8		148.0	Կապահովվի Մուղնիի համայնքի 150 հա հողերի ոռոգումը:
2.18.	«Գետիկ» ՋՕԸ	Ջրաշենի, Սպիտակի ձախ ափ և Հարթագյուղի պոմպակայանների վերանորոգում	Էլ. և հիդրոմեխանիկական սարքավորումների, 250 կՎտ և 320 կՎտ շարժիչների, ՑՆՍ 400/210 պոմպերի վերանորոգում և ՍՊՍ 70/80 պոմպի ձեռքբերում	6,022.90		118.0	Կապահովվի Սպիտակի համայնքի 45 հա, Ջրաշենի համայնքի 59 հա և Հարթագյուղի համայնքի 39 հա հողերի ոռոգումը:
2.18.	«Գետիկ» ՋՕԸ	Կաթնաջրի դյուկեռի վերանորոգում	Անհրաժեշտ է Դ= 400մմ Լ= 80 գծմ դյուկեռի քայքայված մետաղական խողովակաշարի վերանորոգում	2,449.4		48.1	Կապահովվի Կաթնաջրի համայնքի 50 հա հողերի ոռոգումը:
2.19.	«Լոռու ջրանցք» ՋՕԸ	4 պոմպակայանի վերանորոգում	Ճոճկան N 1.2, Այրում-Ճոճկան N 1 և Շնողի պոմպակայանների էլ. և հիդրոմեխ. սարքավորումների վերանորոգում, կարգաբերում	7,953.2		113.2	Կապահովվի Ճոճկանի, Այրումի, Շնողի համայնքների 476 ջրօգտագործողների 1302 հա հողերի ոռոգումը:
2.20.	«Մարտունի» ՋՕԸ	Երանոսի, Վ.Գետաշենի, Աստղաձորի, Ձթրագյուղի և Ծովինարի պ/կայանների վերանորոգում	Պոմպակայանների էլ. և հիդրոմեխ. սարքավորումների վերանորոգում	19,525.2		388.00	Կապահովվի Երանոսի, Վ. Գետաշենի, Մարտունու, Զոլաքարի և Ծովինարիի համայնքների 4930 ջրօգտագործողների 1264 հա հողերի ոռոգումը:
2.20.	«Մարտունի» ՋՕԸ	Մանասի առուջրանցքի վերանորոգում	Ջրանցքի հողային հատվածի վերականգնում Դ-530 մմ մետաղական խողովակաշարով	21,000.0		360.0	Կապահովվի ջրանցքի իշխման տակ գտնվող Վաղաշենի և Մարտունու համայնքների 3587 ջրօգտագործողների 500 հա հողերի ոռոգումը:
2.21.	«Ջրվեժ-Ձորաղբյուր» ՋՕԸ	Կոտայքի ջրանցքի գլխամասային թունելի վերանորոգում	Թունելի Դ-1,6 մ տրամաչափի մետաղական խողովակի վթարային հատվածների վերանորոգում	3,600.6		70.6	Կապահովվի հուսալի ջրամատակարարում:
		Ձորաղբյուրի Ռ-2 բաժանարարի և Պտղնի 2 ոռոգման ցանցի վերանորոգում	Ձորաղբյուրի Ռ-2 բաժանարարի Դ-150 մմ Լ-300 գծմ խողովակաշարի տեղադրում և Պտղնի 2 ոռոգման ցանցի վերանորոգում	3,000.0		110.0	Կապահովվի Ձորաղբյուրի համայնքի և Նուռնուսի այգեգործական տարածքի 864 ջրօգտագործողների 57,6 հա հողերի ոռոգումը:
		Զովքի 2 ջ/կ-ի, Կամարիսի խ/հ-ի, Պտղնի 2 ջ/կ և Ջրաբերի ջ/կ-ի 2 էլ. շարժիչի փոխարինում և 1-ի հիմնանորոգում	Զովքի 2ջ/կ-ի, Կամարիսի խ/հ-ի, Պտղնի 2 ջ/կ և Ջրաբերի ջ/կ-ի 2 էլ.շարժիչի փոխարինում և 1-ի հիմնանորոգում	7,382.8		55.30	Կապահովվի հուսալի ջրամատակարարում:
		Ձորաղբյուրի, Զովքի և պ/կ խորքային հորերի վերանորոգում, Պտղնի 1 ջ/կ-ի տրանսֆորմատորի նորոգում և էլ. կարգավորում	Վթարված 2 ԷՑՎ 10-63-150 պոմպի փոխարինում նորերով և Պտղնի 1 ջ/կ-ի էլ. տրանսֆորմատորի մասնակի նորոգում ու էլեկտրականության կարգավորում	6,019.5		47.2	Կապահովվի Ձորաղբյուրի, Ջրվեժի և Զովքի համայնքների 355 ջրօգտագործողների 55 հա հողերի ոռոգումը:
2.22.	«Եղվարդ» ՋՕԸ	Եղվարդի գյուղամիջյան բաժանարար և Մրգաշենի MY-4	Քայքայված 1800 գծմ երկարությամբ բաժանարարների մաքրում և առանձին հատվածների Լ-300 գծմ վերանորոգում մոնոլիտ բետոնով և մետաղական խողովակներով	5,700.0		110.0	Կապահովվի Եղվարդի համայնքի 727 ջրօգտագործողների 41,5 հա և Մրգաշենի համայնքի 143 ջրօգտագործողների 167,8 հա հողերի ոռոգումը:
		Քանաքեռավանի MX-1 բաժանարար	Քայքայված 1500 գծմ երկարությամբ բաժանարարի մաքրում և առանձին հատվածների Լ-300 գծմ վերանորոգում մոնոլիտ բետոնով	4,600.0		90.0	Կապահովվի Քանաքեռավանի համայնքի 573 ջրօգտագործողների 452,2 հա հողերի ոռոգումը:
		Պռոշյանի BX-4 բաժանարարի վերանորոգում	Ջրագծի քայքայված բետոնային առանձին հատվածների մաքրում և վերանորոգում մոնոլիտ բետոնով, ԼՌ-40 վաքերով և մետաղական կիսախողովակներով մոտ Լ-200 գծմ	5,400.0		106.0	Կապահովվի Պռոշյան համայնքի 550 ջրօգտագործողների 82,65 հա հողերի ոռոգումը:
2.23	«Եղեգնաձոր» ՋՕԸ	Հերմոն-Ելփին ինքնահոս ջրատարի վերանորոգում	Հերմոն-Ելփին ինքնահոս ջրատարի մոտ 300 գծմ հատվածը անցնում է ակտիվ կոռոզիոն գրունտներով, ինչի պատճառով խողովակները քայքայվել են, ուստի անհրաժեշտ է փոխել Դ-720 մմ Լ-190 գծմ մետաղական խողովակները	9,333.30		185.00	Կապահովվի Ռինդի, Չիվայի, Արենիի, Խաչիկի և Ելփինի համայնքների 800 հա հողերի ոռոգումը:
2.24.	«Որոտան» ՋՕԸ	Քարահունջի ջրամբարի մոտեցնող ջրանցքի վերանորոգում	Քարահունջի ջրամբարի մոտեցնող ջրանցքի ՊԿ44+10 վերանորոգում	4,150.0		81.4	Կապահովվի Գորիսի, Խոտի և Քարահունջի համայնքների 628 հա և 190 ջրօգտագործողների այգիների ոռոգումը:
2.25.	«Մեղրի» ՋՕԸ	16 պոմպակայանի և 2 խորքային հորի վերանորոգում	Արաքս-1;2, Կարճևան-1, Մեղրի-1;2,3, Ալվանք-1;2, Ալվանք1-1, Շվանիձոր-1;2, Շահաձոր1,,Նյուվադի 1;2;3, Բուղդադուզի պ/կայանների և Ագարակի խ/հ,Ալվանքի խ/հ Էլ. և հիդրոմեխանիկական սարքավորումների վերանորոգում	28,796.4		186.8	Կապահովվի Նռնաձորի, Շվանիձորի, Ալվանքի, Մեղրիի և Ագարակի համայնքների 441 հա և 1060 ջրօգտագործողների ոռոգումը:
2.26.	«Սիսիան» ՋՕԸ	Բռնակոթի ոռոգման ցանցի վերականգնում	Բռնակոթի ոռոգման ցանցի Դ-100 -426 մմ Լ-2000 գծմ երկարությամբ խողովակաշարի վերականգնում	15,000.0		294.0	Կապահովվի Բռնակոթի համայնքի 270 հա և 300 ջրօգտագործողների ոռոգումը:
2.26.	«Սիսիան» ՋՕԸ	Լծենի ոռոգման ցանցի վերանորոգում	Ջրագծի Դ-150 մմ Լ-600 մ մետաղական խողովակաշարի վերանորոգում	5,000.0		98.0	Կապահովվի Լծենի համայնքի 14.4 հա և 62 ջրօգտագործողների ոռոգումը:
2.27.	«Նոյեմբերյան» ՋՕԸ	8 պոմպակայանի վերանորոգում	Լալվարի N 1, Արճիս-Շնողի N 1, Լճկաձորի, Հաղթանակի N 1, Զեյթուն-Հաղթանակի N 2, Պտղավանի N 2, Դովեղի և Բազմաստիճան N 4 պոմպակայանների էլ. և հիդրոմեխ. սարքավորումների վերանորոգում, կարգաբերում	15,924.3		194.0	Կապահովվի Ձորականի, Բերդավանի, Պտղավանի, Դովեղի, Հաղթանակի, Դեբեդավանի, Արճիսի, Շնողի,
							Դեղձավան համայնքների 1000 հա ոռոգումը:
2.28.	«Երևան» ՋՕԸ	Հին Դալմա ջրանցքի վերանորոգում	Հին Դալմա ջրանցքի Թումանյանի անվան այգու վթարված հատվածի Լ-100 գծմ երկարությամբ վերանորոգում	3,197.70		89.2	Կապահովվի հուսալի ջրամատակարարում:
2.28.	«Երևան» ՋՕԸ	Ներքին Չարբախի N 1 խորքային հորի վերանորոգում	Ներքին Չարբախի N 1 խորքային հորի վերանորոգում	1,940.7		38.7	Կապահովվի Ներքին Չարբախի տնտեսության 40 հա ոռոգումը:
2.29.	«Ուտիք» ՋՕԸ	Քարագլուխ -Պառավաքար ջրատարի սնուցող խողովակաշարի կառուցում	Քարագլուխ-Պառավաքար ինքնահոս ջրատարի վերանորոգում Դ=250 մմ Լ=200 գծմ մետաղական խողովակաշարով	1,727.1		33.9	Կապահովվի Ծաղկավանի, Վարագավանի և Պառավաքարի համայնքների ջրապահովության բարձրացումը:
2.29.	«Ուտիք» ՋՕԸ	Վերին Կարմիր աղբյուրի ջրամատակարարման խողովակաշարի վերանորոգում	Ջրագծի կառուցում Դ-100 մմ պոլիէթիլենային խողովակներով Լ-200 գծմ	1,475.4		29.0	Կապահովվի Վերին Կարմիր աղբյուրի համայնքի 25 հա ոռոգումը:
2.30.	«Իջևան» ՋՕԸ	Ակնաղբյուր-Լուսաձոր պոմպակայանի վերանորոգում	Պոմպակայանի 320 կՎտ էլ. շարժիչի վերանորոգում	1,000.0		18.0	Կապահովվի Ակնաղբյուրի և Լուսաձորի համայնքների 150 հա ոռոգումը:
2.31.	«Գավառ» ՋՕԸ	Գեղարքունիք N 2 և Լանջաղբյուր N 1 ջրամբարների վերանորոգում	Գեղարքունիք N 2 և Լանջաղբյուր N 1 ջրամբարներում հարամիների պատճառով տեղի է ունենում ջրի մեծ կորուստներ: Մինչև ոռոգման սեզոնը հարամիները պետք է վերանորոգվեն	4,300.0		82.0	Կապահովվի հուսալի ջրամատակարարում:
2.31.	«Գավառ» ՋՕԸ	Սարուխանի համայնքի աջ ճյուղ ջրանցքի վերանորոգում	Սարուխանի համայնքի աջ ճյուղ ջրանցքի վթարային հատվածների վերանորոգում	10,000.0		200.0	Կապահովվի հուսալի ջրամատակարարում:
2.32.	«Վարդենիս» ՋՕԸ	6 խորքային հորի վերանորոգում	6 ԷՑՎ 10-160-65-3 հատ, ԷՑՎ-12-255-30-1 հատ, ԷՑՎ 12-255-30-1 հատ և ԷՑՎ 10-63-150-1 հատ խորքային պոմպերի վերանորոգում, Մեծ Մասրիկում-3 հատ, Վարդենիսում-1 հատ և Շատվանում 2 հատ պոմպերի ձեռքբերում և տեղադրում	5,946.6		66.6	Կապահովվի հուսալի ջրամատակարարում, Մեծ Մասրիկում 60 հա, Վարդենիսում 20 հա, Շատվանում 30 հա համայնքների ոռոգումը:
2.33.	«Շիրակ» ՋՕԸ	Կառնուտի ջրամբարի և Շիրակի ջրանցքի 26-րդ բաժանարարի վերանորոգում	Կառնուտի ջրամբարի ոռոգման ջրի ներքին բացթողման փականի և հիդրոտեխնիկական սարքավորումների վերանորոգում և Բ26 միջտնտեսային բաժանարարի ՊԿ 183+87-ՊԿ193+38 քայքայված բետոնային հատվածների վերանորոգում	12,000.0		240.0	Կապահովվի Ազատանի համայնքին հուսալի ջրամատակարարում:
2.34.	«Գառնի-Գեղարդ» ՋՕԸ	Գեղադիր պոմպակայանի վերանորոգում	Պոմպակայանի էլ. և հիդրոմեխանիկական սարքավորումների վերանորոգում	9,973.6		40.5	Կապահովվի Գառնիի և Լանջազարդի համայնքների 150 հա ոռոգումը:
	ՉՆԱԽԱՏԵՍՎԱԾ ԾԱԽՍԵՐ			3,498.61
Ընդամենը՝ ՋՕԸ-ներ				731,175.7	16,022.2	10,039.1
	3. Ոռոգման համակարգերում հրատապ լուծում պահանջող աշխատանքներ («Կապիտալ դրամաշնորհներ պետական և համայնքային առևտրային կազմակերպություններին» հոդվածով)
3.1.	Սևան-Հրազդանյան-ջրառ ՓԲԸ	Արզնի Շամիրամ ջրանցքի (Բազմաղբյուրի ակվեդուկի) վերանորոգում	Բազմաղբյուրի ակվեդուկի բետոնային հատվածների վերանորոգում	878.4	878.4		Կապահովվի հուսալի ջրամատակարարում:
Ընդամենը՝ ՓԲԸ-ներ				878.4	878.4	0.0
ԱՄԲՈՂՋԸ` ԸՍՏ ԾՐԱԳՐԻ				789,398.61	17,000.6	10,837.1

(հավելվածը խմբ. 26.03.15 N 328-Ն, 08.10.15 N 1203-Ն)